الجمعة، سبتمبر 19، 2008

راندا ....ولى لى و الخيم الرمضانيه

جرس الباب بيرن، ترررررررن

لي لي تفتح الباب وتستقبل رندا صديقتها

رندا: لى لى ازيك جوزك هنا ولا خرج

لى لى: خرج نزل المكتب، تعالي اتفضلي ازيك عامله ايه

رندا: طيب تمام اوى يلا نعمل كوبايتين شاى فى الحبشتكة

لى لى: حبشتكة؟ ماشى الكلام، اتفضلى وانا هادخل اعمل الشاي

رندا: لا تعالى نرغى مع بعض ونعملة سوا

لى لى: رندا، تعرفي الخيم الرمضانيه؟ انا نفسى اروح مرة هناك تعالى نروح

رندا: لوحدنا؟ اصل الخيام دى بتكون سهرة لا طبعا الى بيروح لوحدة يبقى صايع ّدى بتكون سحور اصلا

لى لى: ما احنا هنروح علي اساس اننا منعرفش حاجه ، ساذجين مش من البلد دى

رندا: انتى عارفة اصلا بتبتدى من الساعة كام الخيمة

من الساعة 12 بالليل صياعة صياعة ّ

لى لى: نفسى اروح اشوف فيه ايه، الناس بتعمل ايه، اكيد فيها حاجات حلوة، تعالي بكرة لما اجوزنا ينزلوا شغلهم بعد الفطار ناخد بعض ونروح

رندا: اقولك انا قبل لما تروحى ونقرر هنروح ولا بعدها

رندا: دى بقى ياعم تلبسى الحتة الى هى واحد عضلات و طووووويل اوى يستقبلك

لى لى: واشمعنى يعنى طووووويل اوى، هايطفوا بيه الفوانيس بعد الليلة ما تخلص؟

رندا: هههههههههه الطويل دة بقى بيطلع من المصباح مش عارفة طلع امتى، يقولك فين التكتس بتاعة الحجز تتخضى وتديهالة

لى لى وده فاكر نفسه شمعة ده ولا ايه؟

رندا: هههههههههه، ويدخلك مغارة على بابا، وطبعا جوة الاربعين حرامى، كل كبارات البلد

لى لى: هما السادة الوزراء هايكونوا موجودين؟ وعلى بابا ذات نفسه؟ ياحلاوتك ده كده اكيد هايدفعونا ضرايب ومخالفات ومش بعيد يولعوا في الخيمة وهما ماشيين، ماهو وزارة الماس

الكهربائى هاتعترف بمسؤليتها عن الشرارة، ما علينا كملى

رندا: تقعدى بقى من هنا والكل يبص لبعضة والستات تقعد تسئل دة الموديل دة حلو ياترى سنيييه من فرنسا ولا من ايطاليا

لى لى: مش مشكلة، عندى فستان من ايام جدتى عملاهولها سنية الخياطة من ستين سنة، يعنى سنييه عن ابوه، لأ عن جده

رندا: واول لما تقعدى تلاقى واحد شايل زمارة طوووووويلة يتضح بعد كدة انها شيشة وتلاقى كل واحدة وواحد ماسك فى ايدة زمارة بيزمر بيها

لى لى: يادي الشيشة، دي خلاص زي ما يكون شالو الدعم من كل حاجه وحطوه علي الشيشة لغاية ما الشعب ولع

رندا: ايوة على كل بطاقة شيشة ، شيشة لكل مواطن

لى لى: يلا ماهو المواطن محتاج برضو ينفخ، وبعدين

رندا: وبعد كدة ياعم تطلع مغنية ملعلطة تغنى اغانى الكليبات الجديدة والكل يقعد يسقف يسقف كان فى انتحابات فى البلد تقوليش فى مجلس الشعب

لى لى: دي مش خيمة رمضانيه، دي خيمة مرضانية، ايه الهسس ده؟ المهم وبعدين

رندا: قوم اية الكل يقعد يتنطط على الكراسى وكان ياختى الكرسى بقى بسوست والى عامل نفسة بية برة يطلع من القعدة هدومة برة

لى لى يتنطتوا ليه؟ هى الشيشة لسعتهم؟

رندا: ههههههه قوم اية بقى الراجل من دول يمسك الحتة بتاعة ويرقص بيها فرحان بقى رمضان وكدة والسحور بقى ييجى وكان الناس دول مش بياكلوا فى بيتهم، اشى كُوبية واشى ورق عنب واشى محمر ومشمر

لى لى: شقيانين ، تعبانين، راقصين ومشييشين

رندا: على الاخر لما الكل يقعد ياكل وكانهم اصلا بيصوموا، وبعد لما ييجى بقى الفجر تلاقى الكل روح بيتة

لى لى: من غير ما يصلوا الفجر جماعه؟

رندا: بقولك اية سيبك من الهلس دة وتعالى نتفرج على المسلسلات احسن خلينا مستورين فى البيت

لى لى: يا خسارة، انا افتكرت الخيمة الرمضانية دي عاملة زي ما تزوري سيدنا الحسين كده، كلها حاجات اثرية وحلوه وجو يرجعك بالزمن لورا، طلعت ترجع لورا بس مش بالزمن، بزيادة الذنوب

رندا: ايوة هما بيرجعوا لورا والله صح

لى لى : اشربى الشاى احسن برد، وخلينا نشوف احسن سعد الدالى

مع تحيات لى لى ورندا

هناك 38 تعليقًا:

رندا يقول...

اول تعليق ياهووووووووى

احجز مكان وهرجع ههههههه

رندا

رندا يقول...

اية دة بوست لى لى ورندا

هههههههه ال يعنى مش اعرف

ضيوف شرف على الخيمة وعلى مدونة الضاحكون ول ياول

كل سنة والجميع بخير

رندا

(احمد سكر ) يقول...

ههههههههههههه

ودى احسن حاجه ليكم

انكم تتفرجو ع سعد الدالى

رقص ايه

وشمع ايه

وسنية ايه بس

لآ لىلى دى مشكله
هههههههههه
لى لى: مش مشكلة، عندى فستان من ايام جدتى عملاهولها سنية الخياطة من ستين سنة، يعنى سنييه عن ابوه، لأ عن جده


طب السينيه دا موجود ولا ااايه

جميل اوى ياراندا انتى ولى لى

ربنا يفرح قلبكم

بقلك

مش الواد طلع مش بيخلف يا عينى

وسعد الدالى كان هيعيط ؟

ادعى للواد

التحاليل تطلع كاذبه

بلاخيمه

بلا خيبه

سنكررره

سومه...مجنونه فى بلد عاقل يقول...

مرحب بالضيوف ولو انى بقالى فتره مبدخلش لكن منورين وفعلا دى حقيقه ودا بيحصل ربنا يعفينا

واحدة مفروسة يقول...

انا جيت
خيم رماضانيه؟؟!!!! حد لسه بيروح الاماكن ديه؟؟؟!!!
انتوا عارفين انا من زماااان
رحت مرة ...و كانت كلها جو مش رمضاني خاالص....و ضحك و مياصه مافيش بعد كده
و بعدين فعلااا زي ما قلتي ....بتخلص على مدفع الامساك و لا على أذان الفجر
لأ و إييييه بفا بندفع دم قلبنا و فى الآخر الاوبن بوفيه بيكون فول و بيض مسلوق ههههه و زبادي.... و بيبقى فيه اكل تاني بس طبعا الواحد مع الصيام لازم يتسحر حاجه خفيفه
واحده صحبتي...قالت لأ
هوه انا ادفع الفيلوس ديه كلها و فى الآخر آكل فول انا حاكل من الأكل كله و لما اروح ابقا آخد فوار
ههههههههههههههههههههههههه
اكلت و نسيت نفسها فى القعده و هههه و الفجر ادن
و تاني يوم كانت تعبانه مووووووت

المهم الخيم ديه اختراع فاااااشل فشل زريع
و المصيبه انهم علفوها من الضرايب

اللهم عافنا و اعفو عنا

عبده الرايق يقول...

ياللهول
شيشه
انا هاروح الخيم دى
بكره انزل القاهره واتسحر خيماوى
هى التذكره بكاااااااااام ؟؟
اكيد بتوصل 5 جند للفرد
ماشى انا موافق
5 جند 5 جند مش مشكله
طالما فيها بوفيه مفتوح
اركب من هنا قطر القاهره
وادفع ال 5 جند وارجع فى قطر
يعنى حسبه 10 جند
وبعدين الواحد لو دكن فى جيبه 10 بيضات مسلوقه من البوفيه يبقى خد حقه تالت ومتلت

عبده الرايق يقول...

نسيت حاجه فيرى فيرى مهمه
هى الشيشه معسل مصرى ولا مستورد
اصل انا متعاقد مع شركه المانيه انجليزيه جورجيه تايوانيه مشتركه
بتورد كل يوم باكو معسل قص مخصوص للرايق
اى نعم بتكلف كتير
بنزين طياره وكارته ووووووووووو
لكن برضه مش اى معسل يتشرب
انا بشترط قبل ما اروح وادفع ال 5 جند يبعتوا الطياره تجيب لى المعسل بتاعى
والوصفه سهله
كشك عم على جنب ابو ممدوح الحلاق - 55 حاره ام باتعه سنغافوره البلد بجوار سنغافوره المحطه

عبده الرايق يقول...

ملحوظه مهمه
**********
الزكاه قربت والرايق فى الانتظار
نداء الى مفروسه
الرجاء التوجه الى وسط البلد واتخاذ موقع ممتاز بجوار المسجد
علشان احنا فى الموسم بتاعنا
ونداء الى باقى اولاد الرايق
كل واحد يلتزم مكانه حسب الخطه 607 المعدله بالخطه 608
وده تحذير اللى مش هيشتغل كويس محروم من الميراث وهاضربه بالرصاص
وطبعا ميراث الرايق معروف
كنووووووووووووووووووووووووووووووز
يا قلبى لاتحزن

حنين القلب يقول...

ده رمضان
اومال لو مش فى رمضان كانوا عملوا ايه
لازمته ايه الواحد يروح هناك ولا هينفع ليه صيام ولا سحور
الحمد لله انا بتسحر فى بيتنا

حنين القلب يقول...

روقه
عايز تروح علشان تشرب شيشه ومالها الشيشه اللى بتشربها فى البيت ومولع لينا فى الدنيا
والله يا بابتى لو روحت هناك عارف الراجل الطويل اللى هناك هياخد منك الخمس جنود ويخليك تغسل مواعين الخيمه كلها
بلاش خليك قاعد فى وسطنا احسن
بابتى عندى اعتراااااااااااااض
المكان اللى انا فيه مش عجبنى بدلنى مع آبى انت موقفنى فى مكان كله شمس ومش فيه حد بيروح هناك اصلا انما آبى واقفه ادام الحسين يعنى واخده حقها تالت ومتلت مااااااااااااااشى

MaGn0liA... يقول...

ههههههههههههههههههههه

حلوه اوى

هههههههههههه

و يارب التحاليل تطلع غلط

ههههههه

عبده الرايق يقول...

حنين القلب
بنتى الحبيبه اخر العنقود
هو فى الخيم راجل طوووووووووووووويل
يبقى بلاش
خلينا فى دارنا احسن يتقل مقدارنا
ونديها خيم انتاج محلى
وبعدين
انتى مين قالك تقفى فى المكان اللى فيه الشمس
نو
نو
نو
انا هاجيب ليكى عربيه همر مكيفه تقعدى فيها وتفتحى الكبوت بتاعها وتحطى الحصاله
زاللى يعدى يدفع احسن له
يالدفع ياااااااااااااا
وبعدين سيبى البنت ابى فى الحسين
اصلها هناك من زمان والناس هناك عرفوها وبتجيب فلوس كتيره
احنا يهمنا فى الاخر
الفلوس
وبعدين اوعى تنسى تاخدى معاكى الكولمن والميه المعدنيه والفواكه وكنزات العصير
وكام كيلو كباب علشان تتقوتى بيهم انتى عايزه غذاء
هى الشحاته متعبه طبعا

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف

صبرني يارب يقول...

حلوه اوي حكاية الاربعين حرامي دي عجبتنى

خيم مرضانيه فعلا وهسهس فعلا وربنا

مش عارفه الناس دي عايشه مع نفسها ازاااااااي
حاجه تفلق

حسن حنفى يقول...

هههههههه

الشاي برد خلاص

كل ده كلام

رغي ... رغي.....

تحياتي

رندا يقول...

احمد سكر

هو مين دة الى مش بيخلف ياعم ههههههه

انت موصل جيد للحرارة اقصد متابع جيد للحرارة ههههههههه
اية الى جاب الحرارة اقصد موصل جيد لفيشة الكهربا هههههههه
وتلفزيونك كمان شغال طيب هنلم الضاحكون ونيجى نتفرج عندك اهو نوفر كهربا ههههههههههه

======================


سومه...مجنونه فى بلد عاقل

مرحب بالضيوف ولو انى بقالى فتره مبدخلش لكن منورين وفعلا دى حقيقه

...................

دة نورك ياقمر
اشكرك جدا على كلماتك الجميلة
وخلى بالك الرايق هيدى مخالفة للى يتاخر عن الدخول هنا
مش تعمليها تانى وتتاخرى

========================

واحدة مفروسة

مفروستى حبيبتى

قولى لصحبتك
بلاش الاماكن دى تانى هههههه
فول وزبادى اية يامعلم اكيد فاتت على مائدة رحمن ومش اخدت بالها ههههه وكمان ضحكوا عليها وخدوا منها الفيل لوووس

========================
عبده الرايق

ياللهول
شيشه
انا هاروح الخيم دى
.................
نو نو نو مفيش تحرك من مكانك
.....................
بكره انزل القاهره واتسحر خيماوى
هى التذكره بكاااااااااام ؟؟
...................
كلة على العربية ب جنية ونصف ههههه
....................
اكيد بتوصل 5 جند للفرد
ماشى انا موافق
......................
الباقى ليا بقى هههههه
......................
5 جند 5 جند مش مشكله
طالما فيها بوفيه مفتوح
......................
بوفية مفتوح على الاخر وفية كمان حلبسة هههههههههههه
....................
اركب من هنا قطر القاهره
وادفع ال 5 جند وارجع فى قطر
يعنى حسبه 10 جند
......................
مالة البيجو ارخص بكتير وفر يامعلم وفر شوية هههههه
.......................
وبعدين الواحد لو دكن فى جيبه 10 بيضات مسلوقه من البوفيه يبقى خد حقه تالت ومتلت
..........................

شكلك كدة هيطلعلك الراجل الطويل يفتش تفتيش زاتى ههههههه
واسمك الجديد عبدة مفتش تفتيش
وياخد منك البيض والفطير كمان هو البوفية فية صحيحى فطير هههههه
خبيهم فى شنطة مسسز رايق يامعلم هيتكسف يفتش فى شنطتها
مش تعمل خطة احسن شكلك هتودينا فى دوكر هههههههههههههههه

=====================
عبدة الرايق

ياخبر هو المعسل بيجيلك بالطيارة كمان
امال لو كان بمبسم بيجيلك منين هههه

========================

حنين القلب

بصى ياحنين طول مااحنا بندى ظهرنا للترعة عمر الخيم ماهتهرى بدنا هههه

======================
MaGn0liA

ههههههههههههههههههههه

حلوه اوى

هههههههههههه

و يارب التحاليل تطلع غلط

ههههههه

.....................
ياخبر هو الكل مستنى التحاليل
دة بعد شرب الشيشة ولا قبلها ههههههه

============================
عبدة الرايق

انت هتخلى حنين تروح تاخد الذكا بالهامر وبكولم كمان هههههه
وكباب اتصدق فكرة جديدة موت هههههه

انا بفكر اروح اركب الهامر شوية هههه

============================
صبرني يارب

حلوه اوي حكاية الاربعين حرامي دي عجبتنى

خيم مرضانيه فعلا وهسهس فعلا وربنا

مش عارفه الناس دي عايشه مع نفسها ازاااااااي
حاجه تفلق

....................
صبرنى يارب

والله معاك حق
وصبرنى معاك كمان
فعلا بقت حاجة مش ممكنة

=========================

حسن حنفى
هههههههه

الشاي برد خلاص

.....................
نعمل غيرة حضرتك عندنا شاى كتير
.....................
كل ده كلام
......................
امال حتة جبنة ونصف رغيف عيش

.....................
رغي ... رغي.....
..................
انت لسة شوفت حاجة
....................
تحياتي
..................
وتحياتى برضة

رندا

اسكندراني اوي يقول...

كده ما بقيتش خيمه رمضانيه بقت خيبه رمضانيه
هههههههههه
ماله السحور في البيت حلو وجميل خفيف على المعده وعلى الجيب برضه

الشنكوتي الكبير يقول...

وكمان واخده اول تعليق يا مفتريه
خيم رمضانيه وبلاوي مستخبيه ودنيا تانيه
ناس جايه تتسحر وتمشي
وقبل يا اخوانا ما تمشي
وبدل ما تستغفر ذنوبها
تقعد تذود في عيوبها
وكأن شهر الخير دهوه
عايش معانا سنين تملي
ربك بيغفر للناس ويرحم
ووعدنا فيه يعتق رقابنا
فبدل ما يدعوا
او يرجوا فضله
واقفين نحاربه بذنوب تودي
على سكه ضايعه
مين قال دي خيمه
دي خيبه بلدي
لكن مانيش يا بنتي
قادر ازعق
ولا اصد فيهم
لأني نفسي
بغلط وبذنب
ومستني برده ربي الرحيم
يغفر ذنوبي
ويقبلني عنده
ادعي يا اختي يغفرلي ربي

=============

كل سنه وانتم
طيبين

وحشتوني انتم الأتنين
سلااااااااااااااااااااااام
اخوكم ايهاب

همس الاحباب يقول...

اولا مبروك يا راندا الاشتراك فى الضاحكون وده شرف لينا بصراحة
وثانيا الف مبروك على البوست
جامد قوى
وفعلا الخيم ما بقتش خيم بقت خيبة وانتى الصادقة
انا من 3 سنين ما دخلتش خيمة رمضانية
لانى شغلى دلوقتى قبل الافطار
وعندنا خيمة فى الشغل
بس ايه عجب
جايبين مطرش مش مطرب
هما اغنيتين حافظهم ول الليل يعيد ويزيد لدرجة كرهنى الشغل بعد الفطار
قفلت المكتب على نفسى وسديت ودانى
عامة الدالى احسن برده
تحياتى

همس الاحباب يقول...

وبعدين يا رايق
انت بتوزع الشغل مع نفسك
وهمر وكباب ومياه معدنية
للمفعوصة اخر العنقود
ليه هى رايحة تشحت
ولا رايحة خيمة 5 نجوم
وبعدين انا عايز اسافر بره
حتى الشحاته تبقى بالعملة الصعبة
عايز طيارة مخصوص وطيار خصوصى
انا مش اقل من اى حد
انت فاهم يا رايق

حنين القلب يقول...

عبده الرايق
ربنا يخليك ليه يا بابتى
عربيه همر
وعصاير
وفاكهه
ده حلم ولا علم يا ربى
وعلى رايك مدام آبى بتجيب الفلوس ده اللى يهمنا
وانا كمان هبذل مجهود خرافى فى الشحاته وهجيب ايراد اكتر من آبى وبكرة تشوف يا بابتى هرفع راسك وسط شحاتين مصر

حنين القلب يقول...

همس الاحباب
مالك ومالى يا سى خالد
هو انت هتجيب حاجه من جيبك ده بابتى اللى هيجيب كل حاجه
اعوذ بالله من القر
وعايز تسافر تشحت بره وعايز طيار خصوصى وطيارة
ده انت مش عارف تشحت ادام الجامع هتعرف تشحت بره ثم انت اصلا مش بتعرف لغات هتشحت ازااااااااااى
اسكت والنبى وخلى الطابق مستور
وبلاش تتكلم تانى عن اخر العنقود
احسنلك

عمو يقول...

الحقيقة يا جماعة انا كنت فاكركم غير كدة.
طلعتم حقودين والغل ماليكم ، انا اتصدمت فيكم.

اية با عيال مالم ومال الناس اللى بتتسحر فى الاماكن النضيفة الاستايل دى.
اتوا فاكرين ان كل الناس عايشة فى بيوتها زييكم ، البيوت معمولة بس للنوم . يعنى نرجعلها آخر الليل ، ويستحسن اول النهار .

وبصراحة يا رندا انتى صدمتى الكبرى ، لانك اتكشفتى .... ايوة يا معلم وما تزعليش من الصراحة ،
انا اتاكدت انك ماروحتيش الخيم دى خالص .. لايا ماما يا

اولا مافيش حد هناك طويل واقف على الباب ولا يقدر حد يتكلم معاكى لأن الكل هينحنى قدام العشرة جند على الاقل" مع احتراى الشديد للمعلم عبدة طبعا " الخمسة جند دى يا دوب بتاعتة الولد اللى هيظبطك ويعمل انة مسحلك العربية ورغم انك بتبقى فاهم انه بيظبطك بس ما تقدرش تفتح بقك قدام المزة اللى بتتسحر معاك. والا هتقول انك بتعد الجنود اللى خارجة من جيبك .

بصراحة يا جماعة الناس اللى هناك زوق زوق زوق خالص وهما مغلوبين على امرهم هيروحوا فين ، كل الكباريهات والمواخير قافلة فى رمضان وهما خلاص اتعودوا على السهرات دى .. طب يا حرام يا حرام هيعملوا اية.؟

طول النهار نايمين بيسلوا صيامهم طب وبالليل ؟؟؟ مش معقول هيتفرجوا عل مسلسلات كمان . امال هيعيشوا امتى .

واينعم فية شيشة عادى مهى دى موضة رمضان الحاجات القديمة بتاعة زمان . الكراسر القش والبامبوا ، والشيشة وال.... وبس .. مافيش حاجة تانية انتوا فاكرين فيه اية تانى .

ولامؤاخذة يعنى واحدة ساكنة فى الزملك ونازلة تتسحر برة عادى لما تاخد الشاور بتاعها وتروح للكوافير ، مهوا دى العادى بتاع الناس دى .. واقل حاجة مش ملفتة فى دولابها ى الجينز والبدى الاستومك .


انتوا بس اللى حقودين وغلاويين وانا بصراحة اتصدمت فيكم .

هامش :
مزة = قطة
يظبطك = يأفلم عليك
شاور = تستحمى
نازلة تتسحر برة= بعد الساعة 12
بدى استومك = ......

وعندك واحد قهوة سادة يابنى، برة جنب عامود النور لعمو

و طبعا
دة ريعو
القهوجى

nona يقول...

ههههههههههههههه
مش عارفة انتوا حقودين قوى كدة لية على الخيم الرمانية دول ناس بتعمل خيير عارفة ان الناس تعبانة و شقاينة طول النهار فى الصيام فا بترفة عنهم
حسبى الله و نعم الوكيل
باة دة اسمة صيام و شهر رمضان يا بشر ربنا يرحمنا برحمتة

عبده الرايق يقول...

همس الاحباب
ولد يا خالد ماليكشى دعوه باختك حنين
القلب
بلاش شغل الحقد والغل ده
احسن احلف يمين طلاق بالتلاته من فرنسا وباريس ومرسليا كمان انى اقلل حصتك فى الفطار بدل قرص طعميه ونص رغيف وحتتين مخلل
هاخليهم نص قرص وربع رغيف وقرن فلفل
وبعدين
انا هاحجز لك على طياره اير بلاص اللى بتسافر على نيويورك عاصمه اليابان
تلم الزكاه هناك بالريال الالمانى
بس مش تعمل زى كل مره وتركب على ديل الطياره وفاكرها حمار وتقعد طول السكه تقولها شى حا

عبده الرايق يقول...

حنين القلب
متخافيش
باباكى موجود
ومحدش هيقدر يمسك ابدا
بس شوفيلى واحد جند سلف اروح اضربلى حجر معسل وارجع
وكمان 75 جند احسن الواد قوبه القهوجى ليه عندى 49 جند وواخد التليفون والبطاقه رهن
وبعدين علشان انا راجل فييس
هادفع ال 49 والباقى بقشيش

عبده الرايق يقول...

راندا
ههههههههههههه
هههههههههههههه
ههههههههههههههه
بيجو
هو البيجو وسيله مواصلات
نو
نو
نو
بيجو ده خواجه كان صاحب ابو لمعه
اتعلموها بقى

جمعاوي(لا للنميمة) يقول...

السلام عليكم بجدج بوست جامد جدااااااااااااااااااااااااااااا ربنا يارب يكرمكم على شوية الضحك بتوع كل يوم دول

يلا سلام

رندا يقول...

همس الاحباب
...............
خلود ابو همس ازيك
....................
اولا مبروك يا راندا الاشتراك فى الضاحكون وده شرف لينا بصراحة
.....................
احنا ضيوف شرف يامعلم وانا الى اتشرفت والله بااجمل الناس
......................
وثانيا الف مبروك على البوست
جامد قوى
.....................
الله يبارك فيك يارب
واشكرك جدا
.....................
وفعلا الخيم ما بقتش خيم بقت خيبة وانتى الصادقة
انا من 3 سنين ما دخلتش خيمة رمضانية
........................
والله جدع احسن برضة
ربنا يكفينا شرها ههههه
.........................
لانى شغلى دلوقتى قبل الافطار
وعندنا خيمة فى الشغل
بس ايه عجب
......................
خيمة فى الشغل دى بقت خيبة مش خيمة
......................
جايبين مطرش مش مطرب
هما اغنيتين حافظهم ول الليل يعيد ويزيد لدرجة كرهنى الشغل بعد الفطار
قفلت المكتب على نفسى وسديت ودانى
عامة الدالى احسن برده
......................
صحيح الدالى بقى مزعج بس احسن بكتير
اشكرك على تعليقك يااجمل خالد

رندا

رندا يقول...

عمو

بصراحة يا جماعة الناس اللى هناك زوق زوق زوق خالص وهما مغلوبين على امرهم هيروحوا فين ، كل الكباريهات والمواخير قافلة فى رمضان وهما خلاص اتعودوا على السهرات دى .. طب يا حرام يا حرام هيعملوا اية.؟

طول النهار نايمين بيسلوا صيامهم طب وبالليل ؟؟؟ مش معقول هيتفرجوا عل مسلسلات كمان . امال هيعيشوا امتى .

.....................

عمو

هية هية يافرحتى يافرحتى
شكلك كدة بتروح الخيم ياعمنا ههههه
دة وصف تاريخى ليوم تاريخى
انتى بتشتغلى اية ههههههههه

اشكرك ياعمو على تشريفك لمدونة الضاحكون
وسلملى على عامود النور
والقهوجى ريعو هههههههه

تحياتى وتقديرى

رندا

رندا يقول...

اسكندراني اوي

كده ما بقيتش خيمه رمضانيه بقت خيبه رمضانيه
هههههههههه
ماله السحور في البيت حلو وجميل خفيف على المعده وعلى الجيب برضه

.................
اسكندرانى ياجامد

خليك فى البيت ياعم بكرة تندم كنت هتشوف العجب هناك ههههههههه
اشكرك على تعليقك نورت

تحياتى

رندا

رندا يقول...

الشنكوتي الكبير

وكمان واخده اول تعليق يا مفتريه

.....................
ايوة انت حضرتك كنت نايم اعملك اية يعنى

.....................
اية كل الى كاتبة دة
لالالا رمضان فعلا غيرك ههههههههههه
بس كلمات فى الجون يامعلم تسلم ايدك
.......................

وحشتوني انتم الأتنين

..................

يعنى انت بتسئل يعنى
انا هعيط اهو اهئ اهئ اهئ
ربنا يكرمك يارب واشوفك عريس يارب
سلامى لخطيبتك جداااا
واكبر سلام لااجمل هوبة

رندا

رندا يقول...

nona

مش عارفة انتوا حقودين قوى كدة لية على الخيم الرمانية
................
نونا القمر حلوة منك الخيم الرمانية دى المرة الجية هتكون
خيم منجاوية هههههههههه
يسلم تعليقك ياقمر

كل الود

============================

عبده الرايق

راندا
ههههههههههههه
هههههههههههههه
ههههههههههههههه
بيجو
هو البيجو وسيله مواصلات
نو
نو
نو
بيجو ده خواجه كان صاحب ابو لمعه
اتعلموها بقى

..........................
مممممممممم
ايوة اتصدق صوح الصوح
يبقى الى بيسوق البيجو الخواجة ابو لمعة ههههههه
شوفت انا شطورة وفاهمة ازى هههه
طيب واخبار الخواجة رينو اية

رندا

رندا يقول...

جمعاوي(لا للنميمة)

السلام عليكم
..................
وعليكم السلام ورحمة الله وبركاتة
..................
بجدج بوست جامد جدااااااااااااااااااااااااااااا ربنا يارب يكرمكم على شوية الضحك بتوع كل يوم دول
....................

اى خدعة ياجمعاوى باشا
البركة فى الرايق وباقى الضاحكون بجد مجهود جميل منهم انا كمان بحييهم من كل قلبى

تسلم يارب

رندا

فراشة حزيران يقول...

لم أقرأ كل المواضيع في المدونة .. لكن

يخيل لي انها مواضيع للضحك فقط ..

أليس َ كذلك ؟ ام تراني مخطئة ؟:)

وفقكم الرحمن لما يحبه ويرضاه


ويسعدني لو زرتم مدونتي

بوركتم

حنين القلب يقول...

عبده الرايق
يعنى عمال تعزم عليه وتقولى كباب وكفته
والاخر رياح تستلف منى
يا رب توب عليه من العيله دى بقى
وكمان هتدفع بقشيش
معلش منتا بابا ولازم اقف جنبك
فيه فى حصالتى 100 جند محوشاهم من السيزون اللى فات تاخد 75جند وترجع الباقى
اوعى تنصب عليه يا بابتى

kiki يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................