الخميس، أغسطس 22، 2013

الضاحكون كانت على حق فى الصندوق الاسود

ودارت الايام
ومرت الايام
واثبت الضاحكون انهم على حق فقد تم تنزيل بوستات الصندوق الاسود للثوره فى شهر يناير اى قبل 30 يونيو ب6 اشهر ومن يقرأ الان حلقات روايه الصندوق الاسود للثوره يجدها على حق تماما فى كل كلمه كتبت
= = = = = = = =
دعوت صديق لى يدعى احمد عادل من مواليد الجيزه ومقيم فى السويس ويعيش فى ابو كبير بالشرقيه ومستقر فى طنطا بالغربيه .. وعندما سألته عن محافظته ذكر لى معظم محافظات مصر حتى اننى اصبت بالبله ولم استطع ان اعرف منه شئ .. المهم دعوته الى قراءه الصندوق الاسود للثوره .. وفعلا احضر اللاب توب الخاص به وبدء فى القراءه
 احمد عادل متعلم مثقف معاه بكاليريوس وليسانس الاداب ...سألته يوما ازاى بكاليريوس من كليه الاداب فقال لى متعجبا من غبائى المزمن ..بكاليريوس تربيه من كليه الاداب يعنى فلسفه وعلم اجتماع على لغه عربيه على تربيه على فيزياء على خلطه بكاليريوس وليسانس ..طبعا اخوكم الرايق فى الامور دى ميعرفشى الا شهاده الابتدائيه وشهاده الميلاد علشان كده بلعت الموضوع ده وشربت بكالريوس وليسانس اجتماع ولغه ومعرفشى ايه
المهم اخونا احمد عادل قعد ساعه وربع يقرأ البوستات ... وانا قاعد العب فى مناخيرى واطرقع صوابعى والعب فى التراب الجميل الموجود فى مكان العمل 
بعد الساعه وربع خلص اخونا احمد عادل البوستات ورفع وجهه عاليا تجاهى واخذ ينظر لى طويلا لمده اربع دقائق متصله دون ان ينزل عينه عنى حتى اصابنى الخوف والذهول من موقفه وانتظرت رد فعل شديد منه فقد كان ينظر تجاهى حتى ان نظراته اخترقت حدود لحمى وعظامى 
واخيرا وبعد اربع دقائق حسبتها ساعات نظر تجاهى وقال بكل شده وحسم (( الكتابه دى بالعربى يارايق ؟ ))
خسئت يا غريب الطباع وخسئت جيوشك ( ذلتنى ساعه وربع وفى النهايه تقلى الكتابه دى عربى ؟)
الا ان صديقى الغريب قال لى انا بتكلم جد يا رايق
قلت له حرام عليك بكاليريوس ليسانس اداب وطنشتها وسكت مواليد كل المحافظات وسكت وتيجى تقولى الكلام ده عربى ولا ايه 
الا انه قال لى بجد انا مش فاهم حاجه ..خد انت يا رايق اقرأ واشرح لى الحكايه ايه
قعدت اقرأ له من الحلقه الاولى 
وتبادلنا الادوار
انا اقرا واشرح له .. وهو يلعب فى مناخيره ويطرقع صوابعه وتطور معه الامر الى تلعيب حواجبه واللعب فى التليفون المحمول 
وهنا اعتقدت
نونونونو
دونت اعتقدت بل ادركت ان البوستات هبله وعبيطه وقررت انى اشطبها من المدونه
وهنا تدخل الذكاء المتخفى داخل شخصيه صديقى الغريب وقال ( لا تشطب ايه انا فاهم كل حاجه )
فرحت وضحكت وانبسطت وقلت للغريب طيب ايه رأيك؟
قالى فى ايه ؟
قلت له فى البوستات يا حماده شوف التاريخ دى من شهر يناير
الا اننى وجدت ملامح احمد قد تغيرت وظهر عليه الذعر والخوف والهلع وقال لى بتقول ايه ؟؟؟ شهر يناير !!!!
عرفت ان صديقى اخيرا فهم انى كتبت بوستات تقرأ الثوره قبل اناس كثيرون وفرحت جدا بصديقى الذى قام سريعا واغلق اللاب ووضعه داخل الشنطه البلاستيك المقطعه اللى تقرف الكلب وقال لى وهو سبتسم ويمسك يدى بقوه (( انا بشكرك جدا يا رايق والله بشكرك علشان عيد ميلاد اخويا فى شهر يناير وانا كنت ناسى .. اروح اشترى هديه على السريع من الماركت اللى قصدنا ))
وجرى صديقى احمد عادل واحسست فعلا انه الغريب من نوعه
ونظرت عليه فوجدته يخرج من الماركت ومعه تلات نفافيخ وزماره ومسدس ميه ويشير ناحيتى بعلامه النصر ليشكرنى على تاريخ ميلاد اخيه
للاسف الشديد لم تكن هناك احذيه او طوب اوحتى قله اضربه بها وتركته يذهب دون ان يدرى اننا فى شهر اغسطس
هذا هو صديقى الغريب احمد بك عادل
وهذا هو قطاع كبير من الشعب حاليا
فانت تجلس الان مع اى شخص يحدثك عن خيانه الجيش وبعد ان تقنعه يحدثك عن خيانه الاخوان ثم يعود بعد يوم ليشتم الجيش ثم يعود ليبكى ويبكى ويبكى على كل شى
ودعونى الان ابكى على معرفتى باحمد عادل
ابكى على يكاليريوس  ليسانس الاداب قسم الكنافه

الخميس، أبريل 25، 2013

قناه -- مصر 26---

الاخوه الاعزاء نستسمحكم فى ارجاء باقى حلقات روايه ( الصندوق الاسود للثوره ) لحين اكمال الملفات
=============
الرايق :- هااااااااى اند هاواى ايفرى مسسز رايق
مسسز رايق :- ياما جاب الغراب لامه !!!!!!! مالك يا مدهول يا رايق .... ايه الورق اللى فى ايدك ده كله ؟؟؟
الرايق :- شط اب يور نوزينج  يا وليه يا مفتريه .. دونت سبيكنج ويزنج مى 
مسسز رايق :- ايه الهبل اللى بتقوله ده يا رايق .. هو مال الانجليزى بتاعك بقى بساريا كده ليه ؟
الرايق :- نو نو نو .. ماىينج انجلشنج اذنج فيرىنج ويلنج يا متخلفه انتى ... الثوره المجيده بتاعه 25 يناير غيرت كل شىء والريس بتاعنا ولله الحمد بيعلمنا الانجليزى الصح 
مسسز رايق :- هو احنا كنا بنتعلم انجليزى غلط ؟؟؟
 الرايق :- ياسنج ..احنا فعلا كنا بطاطا يا ام التخلف انتى  .. احنا كنا بقر فى الانجليزى يا ملعونه انتى
مسسز رايق :- ليه الغلط ده يا رايق ؟؟؟ انتا لسانك طول قوى كده ليه ؟؟
الرايق :- نو نو نو .. انا لسانى مش طويل ولا حاجه ده التقدم والانجلش الحديث يا جهله .. ماى ريس ..اور مستر بريذدنت ..هيعلمنا الانجلش الصح .. تعرفى مسسز رايق ان احنا كان بيضحك علينا فى الانجلش ؟؟؟
مسسز رايق :- ازاى يا فالح ؟؟؟
الرايق :- هاو اار يو ؟؟؟ كان بيضحكوا علينا وبيقولنا الاعلام الفاسد انها تعنى كيف حالك 
مسسز رايق :- طيب ماهى كيف حالك فعلا
االرايق :- هاهاهاهاهاهاها ...نو نو نو الريس بتاعى قالى انه الريس بتاعه قاله انه الريس بتاع بتاعه قاله ان هاو اار يو معناها الساعه كام يا متخلفه ... بصى مسسز رايق احنا خلااااااااااااص هنحارب الاعلام الفاسد 
مسسز رايق :- هى هى هى هى هى  هتحاربه بايه يا عنتر ؟؟؟
الرايق :- قناه مصر 26 
مسسز رايق :- ايه ؟؟؟ مش فاهمه حاجه
الرايق :- طبعا يا جاهله انتى للاسف اكتر من 90 فى الميه من المصريين مش فاهمين حاجه .. بصر يا مسسز رايق انا هافهمك كل حاجه والحمد لله ان الشرشوحه اختك سقراطه مش هنا انا عاوز اقولك
سقراطه :- انا هنا يا طاووس عصرك واوانك . انا هنا يابتاع الانجليزى المفسخ ..انا هنا ياسى رايق
الرايق :- قل اعوذ برب الفلق .. انتى لسه فى عداد الاحياء يا سقاريطوا  ؟؟؟
مسسز رايق :- عبده !!!! عيب مش كده دى برضك اختى
الرايق :- بصى يا اخت النمله انتى بصى يا مسسز رايق انا اختارونى فى القناه الجديده مصر 26 
سقراطه :- اسم الله على مقامك وهندامك وعلى وراك وقدامك  اسم الله على شكلك ورسمك ولونك واسمك ... هو يا خويا اختاروك للقناه دى ازاى ؟؟؟
الرايق :- بصى يا سقراطه يا غالاطه انتى .. انا رحت اشترى كوز بطاطا من الراجل اللى جنبى فى الحى .. قالى مفيش بطاطا يا رايق خد ترمس . قلت له .. يس يس يس اعطنى قرطاس من الترمس المملح وذدنى من البليله واكرمنى اكرمك الله
الراجل بصلى وقالى انت تنفع مذيع فى قناه مصر 26 انت معاك دكتوراه فى ايه ؟؟؟.. قلت له انا الدكاتره عبده الرايق يا متخلف 24 رساله ماجستيير و20 دكتوراه اساسى و2 احتياطى 
مسسز رايق :- ايه الدكتوراه الاحتياطى دى يا رايق ؟
الرايق :- دكتوراه احتياطى يعنى دكتوراه ملوخيه يا ام الجهل انتى 
سقراطه :- قصدك دكتوراه فخريه يا ناصح
الرايق :- فخريه او ملوخيه مش هتفرق يا متخلفه انتى كمان .. انا عارف انتوا كده دايما تجتزوا الكلام من سياقه 
سقراطه :- سياقه ايه يابو سياقه ؟؟؟ انت قلت دكتوراه ملوخيه
الرايق :- دونت سبيك يا سقراطه يابلاطه انتى ... بكره هتشوفونى على القناه بعد ما نجحت فى اختبار القدرات
سقراطه :- انت نجحت فى اختبار القدرات ؟؟؟؟؟؟؟؟؟؟؟
الرايق :- طبعا الغل واكلك .. عارف كلك حقد على مواهبى وامكانياتى 
سقراطه :- لابجد ..هما امتحانوك فى ايه يا رايق ؟؟؟؟
الرايق :- سأااااالونى ....انا مييييين ؟؟؟؟ قلت لهم انا اللى الايام خانتنى  انااااا مييين انا مين انا مين ... الراجل قالى برافو يا دكاتره عبده الرايق انت بكره هتكون نجم القناه ... وهقدم برنامج لمده 4ساعات على الهوا اسمه (واعدوا لهم اعلاما حرا )
سقراطه :- واعدوا !!!!!!!!!!!!!
الرايق :- ايوه يا متخلفه انتى انا هحارب وائل ابن الابراشى ولميس بنت الحديدى وابراهيم ابن عيسى وجابر ابن القرموطى وغيرهم من قاده الاعلام الفاسد الفاجر وسأجرهم الى سؤ ما اجترفت اقلامهم واعلامهم .... بصى يا متخلفه انتى وهى ...الاعلام الفاسد بيقول ان مصر فى ازمه ومصر على وشك الافلاس .... نو نو نو .. الحقيقه ان الريس مرسى ليه انجازات كتييييييييييييير وهما مش عايزين يقولوها فى برامجهم ..
سقراطه :- طيب ايه هى انجازات الريس مرسى يا رابق ؟؟؟ وطيب لما هو ليه انجازات مش بيقولنا عليها ليه ؟؟؟ طيب احنا ليه مش شايفينها يا ناصح ؟؟؟
الرايق :- بصى يا متخلفه انتى الريس ليه فعلا اكتر من 55 مليون انجاز فى 8 شهور بس الراجل مكسوف يتكلم عنها علشان الناس متشعرش انه بيمن عليها ... بس الانجازات موجوده ...يعنى ..عندك 55الف بحث علمى فى اكبر جامعات العالم و5555 مشروع عملاق  و555 مليون فرصه عمل للاطباء 55 مليار فرصه عمل للمهندسين و555 مليار فرصه عمل لباقى افراد الوطن العزيز ..لان ابناء الوطن كلهم هنا فى الحته دى ..(يعنى فى قلبى ) 
سقراطه :- حيلك حيلك ياراجل يا اهبل ...كل المليارات دى ازاى ؟؟؟ ده العالم كله 6 مليار
الرايق :- هو دة الاعلام الفاسد يا متخلفه انتى ... انا راضى ضميرك ..حد وقفك فى الشارع فى طابور وقعد يعد فى البشر ؟؟؟ ولا انتى عديتى البشر بنفسك ؟؟؟
سقراطه :- لا طبعا 
الرايق :- خلاص بلاش تشويش على الحقائق يا متخلفه 
سقراطه :- ثم ايه حكايه الرقم 5 معاك
الرايق :- قل اغوذ برب الفلق ...علشان الحسد يا متخلفه انتى 
سقراطه :- طيب انت هتعرف تقراء الورق ده ازاى يا رايق وانت اصلا مييييح فى القراءه
الرايق :- الجماعه بتوع القناه الله يسترهم خدونى وحمونى ورشوللى مسك على هدومى وادونى كتاب معلم القراءه علشان اذاكر فيه 
مسسز رايق :- بلاش الحكايه دى يا رايق ...
الرايق :- شط ااب يور ماوس يا متخلفه انتى ... وعلى رأى المثل رزق الرايق على مصر 26
((( قريبا مع الرايق ومصر 26 )))


الاثنين، يناير 14، 2013

5 - الصندوق الاسود للثوره

يسعد شركه نيوشلان جيوغرافيك السويس

ان تقدم الحلقه الخامسه من الفيلم الوثائقى
روايه الصندوق الاسود للثوره
===================

(تخصص هذه الحلقه للدفاع عن الثوره الشريفه والثوار الشرفاء)
=========
اكتمل الجدول الزمنى للخطه واتضحت معالمها
ونضج الشواء
الا اننا قبل ان نسترسل فى الحديث والمضى قدما فى تلك الروايه , كان لابد من الشفافيه , وما ادراك ما الشفافيه تلك الكلمه المطاطه التى استعملها الكل لخداع الكل
ولكى نكون منصفين كان لابد من وضوح رؤيتنا ومن وضوح موقف الثوار الحقيقيين من الاحداث

يقول المحلل الارميكى مستر (ك) لم تكن الثوره والثوار كما يستشف القارئ من تلك الروايه وانما كان دائما لابد من الضحايا , والضحايا هنا هم الثوار الحقيقيين والشرفاء الغيورين على انفسهم وعلى اوطانهم
لقد كان هؤلاء الشرفاء هم جنود المعركه
فالجندى المقاتل يدخل الحرب بجسده معرضا نفسه للموت فى كل لحظه دون معرفه حقيقيه لاسباب المعركه
فكل المعارك على مدار التاريخ يدخلها الجنود بدافع العزه والكرامه ونصره الوطن والدين والدفاع عن العرض والارض . الا ان معظم الحروب ليست كذلك
فانا شخصيا لا اعتقد ان جنود جانكيز خان الذين يطلق عليهم التاريخ سفاحين وغزاه كانوا فعلا يعتقدون انهم غزاه . فانا أرجح انهم قد تم شحنهم معنويا للدفاع عن معتقد ما يعتقدون فعلا انه شريف
وجنود الالمان وحروب هتلر النازيه ايضا سارت على نفس المنوال . وكمثال وليس حصرا فاننا نقيس على ذلك حروب الحثيين والبرتغاليين والاسبان والانجليز والفرنسيين وحتى الامريكان والصرب واليهود وجنود العراق فى حرب الكويت الخ الخ
وخلاصه القول فان الجندى لايدخل المعارك بسبب مايعتقده القاده او بسبب مايريده القاده وانما يدخل الحروب بسبب ما يريد القاده ان يعرفه وان يشحنوا بطاريات عزيمته على اعتقاده .
وهنا زبده القول ومربط الفرس
لقد تم شحن الثوار فى العالم العربى
كان شحنا معنويا ممتازا , داخليا وخارجيا
(((ومضت الاحداث )))
دعونا نسبق احداث روايتنا قليلا لبيان رؤيتنا ثم العوده مره اخرى الى الروايه .....

وهنا يخرج المحلل السياسى المسرى عن صمته فيقول . للاسف الشديد معظم من قام بالثوره هم جنود الجيش ..
ولبيان تلك الرؤيه نعود الى الاسطر الماضيه فنجد ان الثوار دخلوا الثوره بمنطق الجنود الاوفياء الذين يفتحون صدورهم لنصره معتقداتهم , ايا كانت هذه المعتقدات فهى ساميه ان كانت عن دين او عرض او مال او وطن فانها ساميه
يضيف المحلل السياسى المسرى قائلا . غير ان التشبيه بالجنود فى تلك الثورات غير واقعى مائه بالمائه . فالجنود يدخلوا معاركهم تحت قياده قادتهم وينفذون تلعيماتهم المباشره واوامرهم الصارمه
الا ان الثوار دخلوا تلك الثورات تحت قياده بعيده عن ارض المعركه وبتوجهات غير مباشره وقد ظنوا بأنهم محركوا الاحداث .
الا ان هذا للاسف لم يكن صحيحا
فالاحداث كان يحركها من بعيد من خطط لها .. وينفذها من قريب من ظن انه قائدها

وهنا يلتقط الحوار مستر (ك) فيقول المحلل الارميكى
كانت جموع الثوره والثوار هم شرفاء الوطن ولكنهم لم يكونوا المحركيين الفعليين للاحداث
فاندفع الثوار الى نصره اوطانهم والى التخلص من العبوديه والذل للعيش فى كرامه وعزه . وقد كانوا هم الاغلبيه فى بدايه الثوره , وقد كانوا هم القاده واللاعبيون والمحركون للاحداث على ارض الثوره . وقد كانوا هم كاتبوا التاريخ ,بل كانوا هم التاريخ نفسه .
يضيف مستر (ك) انبهر العالم بالثوره والثوار , وتصدر الثوار المشهد .. واصبحوا هم القاده والمحركون والمخططون واللاعبون وهم كل شئ .

وانتصروا

وتصدروا الاحداث ....

وتخطوا حاجز التاريخ ...

الا ان الريموت كنترول لم تفرغ بطاريته . فبدء العمل
وبدء المخطط يستعيد خطته
بدء ينزل ارض المعركه
وبدء يسحب القياده شئ فشئ
بدء التقدم بحرفيه مطلقه . وبدء الثوار يتراجعون
فكان الثوار تدفعهم القيم وحب الوطن والغيره والمخطط تدفعه خطته

وللاسف فالمخطط دائما يربح

فسهل جدا ان تدخل معركه حتى بدون خطه ..ولكن من الصعب او من المستحيل ان تحافظ على مكاسبك وخاصه ان كنت لاتعرف اصلا اهدافك وطلباتك ومرادك من المعركه ...(يجب ان نتوقف طوووووووووووووويلا امام تلك الكلمات فهى مربط الفرس )

يقول المحلل السياسى المسرى السيد (ى-س) انقسم الثوار بفعل فاعل وانقلبت قواعد النحو فى اللغه فاصبح الفاعل المرفوع مفعول به منصوب عليه

تشتت الثوار
وتراجعوا للخلف بعضهم بدافع الاستقرار وبعضهم بدافع الشبع والاكتفاء بتحقيق المراد وبعضهم بدافع حب الانقياد وعدم حب القياده وبعضهم بدافع النصر وتملك شهوه الاضواء والتطلع للقياده وبعضهم بسبب عدم وجود خطه يسيرون عليها وبعضهم بدافع الخوف على الوطن وبعضهم استمر فى الساحه وبعضهم بدوافع عديده وكثيره الا ان خمسه وتسعون فى المائه منها كانت شريفه ونقيه (الا انه للاسف الكل قد انتهى دوره فالعبه لها لاعبيين اساسيين لكن نزولهم للملعب دائما مايكون بعد صفاره الحكم !!!!)

ولكن
ولكن
ولكن
ولكن تأتى الرياح دائما بما لاتشتهى السفن

فكان لابد لمن هو خطط ان يعوووووووووووووووووووووووود

ومع ذكر العوده فارجوا السماح لى بالعوده مره اخرى الى سياق الروايه وتسلسلها فى الحلقه القادمه

والى اللقاء فى الحلقه السادسه من الصندوق الاسود للثوره

السبت، يناير 05، 2013

4 - الصندوق الاسود للثوره

يسعد شركه نيوشلان جيوغرافيك السويس

ان تقدم الحلقه الرابعه من الفيلم الوثائقى
روايه الصندوق الاسود للثوره
===================

الان بدءت عقارب الساعه فى البكاء ..
وبدء نسيج الخطه يكتمل
وبدءت ملامحها فى الظهور
كانت الخطه تعتمد على خمسه محاور
اولا الاداره الارميكيه ومخابرتها فى الدول العربيه
ثانيا الاخوه المسلمون فى تلك الدول وفى الخارج ايضا
ثالثا الحكام العرب انفسهم بدءوا ايضا حربا سلبيه على انفسهم (هذا غريب بالفعل وانما هو ذاته ماحدث  فعلا )
رابعا المثقفون والمعارضون فى تلك الدول بدءوا الانتفاض
خامسا والاهم هو الاعلام الموجه وخاصه قناه الجزره

يقول المحلل السياسى الارميكى مستر (ك) كانت الخطه هى مساعده ومسانده الاداره الارميكيه للقاده فى الدول المعنيه لتجهيز نعوشهم بايديهم وذلك بمساندتهم فى الطغيان والاستبداد وتقويه مواقفهم ضد شعوبهم والمساعده فى ثخن الجراح وتلوثها .. حتى تصل الى مرحله الغرغرينا . فالبتر ...

وعن المحور الثانى يقول مستر (ك) انتزع الاخوه ايديهم من صفقات الانظمه وكشروا عن انيابهم وتحدوا الانظمه علنا . مما دفع الانظمه الى الغشم فى محاربه الاخوه . وفتحت لهم ابواب السجون على مصراعيها . مما ساعد على اشتعال النار فى علاقه تلك الانظمه مع شعوبها تعاطفا مع الاخوه
يضيف المحلل المسرى قائلا نجاح الخطه كان يكمن فى التفاصيل فالاخوه يعترضون والارميكيين يسكتون والقاده العرب يتوغلون والشعوب العربيه يستأسدون ....

المحور الثالث كان القاده العرب انفسهم انهم كانوا الدمى فى تلك المسرحيه الهزليه الحقيقيه الواقعيه الخياليه .
نعم كانوا الدمى
وكان محركوا تلك الدمى هم ملوك تحريك العرائس فى روايتنا هذه .. انهم الارميكيون والاخوه المسلمون الذين اثبتوا للعالم كله انهم من افضل الحواه الرماه

يقول مستر (ك) بطل الخطه وسبب نجاحها الرئيسى هم القاده العرب انفسهم .. فقد نفخ فيهم الارميكيين الغرور حتى قاربوا الانفجار
ونفخ الاخوه فى الشعوب الذل والهوان حتى قاربوا ايضا الانفجار
لذلك كان انفجارا مذدوجا فاحدث اكبر قدرا من الخسائر والارباح

المحور الرابع المثقفون والمعارضون ... لن نقف عندهم طويلا ..فانهم الى الان مازالوا يكتشفون انهم كانوا مخدوعين بل وان هناك من يسبقهم دائما بخطوه (وهذا ما سنخصص له الفصل القادم تفصيليا )

يقول المحلل السياسى المسرى السيد (ى-س) المثقفون والمعارضون لن احلل موقفهم وانما فقط اقول انهم كانوا بحق افضل سلم للشرق اوسط الجديد (كلمه سلم معناها ..الشئ الذى يصعد الغير عليه وهو ثابتا فى موضعه ....لزم التنويه حتى لايختلط المعنى مع السلام )

المحور الاخير الاعلام .. ولكى ندرك سبب الخوف والرهبه من الاعلام . وسبب الهجوم الشرس من الاخوه على الاعلام . كان لابد لنا ان نعرف ماهو دور الاعلام فى الخطه

يقول المحلل الارميكى مستر (ك) كانت قناه الجزره هى محور الاحداث ومحرك كل خيوط الخطه وبوابتها , وانساقت ورائها كل القنوات والشعوب ليس غباء منهم وانما كانت الاهداف دائما فى طرق متفرقه ... فالقنوات والشعوب كانت لهم اهدافهم بدون اجندات اما قناه الجزره كانت جزء من الخطه.. فقد تجندت للخدمه فى صفوف درع الكلمه والقلم ..وهو سلاح جديد ربما لايكون مبتكر الا ان استخدامه هنا كان قويا جدا
يضيف المحلل قائلا بدءت القناه فى غفله من القاده العرب او ربما بموافقتهم الغبيه بالقيام بعده برامج توك شو قويه تركز معظمها على بيان ضعف الشارع العربى وسلبيته وتتسأل اين الشعوب العربيه حتى انها وصفت الشعوب بالموتى
وبدءت سلسله انتقادات حاده للقاده فكانت تلعب فى ملعبين مختلفين فى نفس الزمان والمكان ولكلا اهدافه وخطته وتشكيلته

يقول المحلل المسرى كان نجاح قناه الجزره هو محور الاحداث ولا تتخيلوا ان دورها سينتهى ببدايه نهايه الجزء الاول من الخطه الا ان دورها مستمر فكما تعلمنا فى الصغر (الغالب مستمر)

والى اللقاء فى الحلقه الخامسه من الصندوق الاسود للثوره

الأربعاء، يناير 02، 2013

3 - الصندوق الاسود للثوره

يسعد شركه نيوشلان جيوغرافيك السويس

ان تقدم الحلقه الثالثه من الفيلم الوثائقى
روايه الصندوق الاسود للثوره
===================

فى الثامن والعشرين من مارس -أذار- لعام 2007 وفى تمام الرابعه مساء الاربعاء بتوقيت واشطن كان اللقاء المنتظر والتاريخى بين القيادى الاخوى (ا-ع) ووزيره الخارجيه الارميكيه راديس ..
انه اجتماع اشرئبت اعناق الاخوه للتطلع اليه وارتعدت له مفاصلهم , ليس خوفا وانما شوقا
كان لقاء سرى جدا جدا

يقول المحلل السياسى الارميكى مستر (ك) استمر هذا الاجتماع اكثر من 17 دقيقه كانت المتحدثه الاولى فيه هى مستر راديس والمستمع المجتهد القيادى الاخوى..لقد كان الاجتماع اشبه مايكون بمحاضره علميه ..حيث تكلمت الاستاذه طويلا واستمع المتعلم فقط
كان الاجتماع عباره عن تمهيد لما هو قادم

يقول المحلل السياسى المسرى (ي-س)اخبرت الوزيره الارميكيه القيادى الاخوى ترحيب الاداره الارميكيه بمشاركتها للاخوه فى اعاده هيكله الشرق اوسط وجعله بحق شرق اوسط جديد وعظيم
وقد قالت الوزيره ان الخطه موضوعه بالفعل وتعهدت الا تكون هناك بحور من الدماء الا انها اكدت ان الدماء لابد منها لاثاره القروش فى البحر(ولربما يفسر لنا قولها هذا بعض من اسرار الدماء فيما بعد)..

يقول المحلل السياسى الارميكى مستر (ك) اتفقت الوزيره مع القيادى على انتظار الاشاره وعدم التعجل واعطته بعد الترتيبات البسيطه لتدريب بعض الافراد على القيام بمهام بسيطه من الان فصاعدا

فى الاحد الموافق الاول من ابريل -نيسان-لعام 2007 كان مكتب الاسترشاد مجتمع بكامل طاقته , حيث تم اطلاع اعضاء المكتب على كافه تفاصيل اللقاء مع الوزيره وصدر قرار بالصبر والانتظار

فى يوم الاربعاء الحادى والثلاثون من اكتوبر-تشرين اول- لعام 2007وبعد صبر اكثر من سته اشهر تلقى القيادى الاخوى (ا-ع) رساله قصيره مفادها الانتظار حتى الانتخابات الارميكيه القادمه وانتظار التعليمات

يقول مستر (ك)اندهش القيادى الاخوى من الرساله ومن الانتظار سته اشهر ثم الانتظار التالى بعد اكثر من عام وانتظار الانتخابات الارميكيه المتوقع اجرائها فى اواخر عام 2008 وانعكس هذا الاندهاش على باقى مكتب الاسترشاد مما ادخل الشك فى قلوبهم تجاه الصفقه بأكملها .
يضيف مستر (ك) يبدو ان الاداره الارميكيه ادركت هذا الاندهاش مبكرا فتم استدعاء القيادى الاخوى لزياره واشطن للتشاور فى يناير -كانون الثانى- عام 2008 وبالفعل تم اللقاء ..
وابلغت الوزيره القيادى الاخوى انه لنجاح الخطه يجب الصبر التام ..واضافت ان المهم فى تلك المرحله هو ازدياد كراهيه الشارع للنظام المسرى وللرئيس المسرى وهذه مهمه الاخوه والارميكيين ..واضافت ان وقوع الانظمه العربيه لن يكون الابأخطاء الانظمه نفسها وان المرحله القادمه هى مرحله سكب البنزين على النار وتركها تجهز الشواء وحدها وجعل الشواء يتقلب وحده على النيران

وفعلا نجحت الخطه

يقول المحلل السياسى المسرى السيد (ى-س) ان النظام المسرى والانظمه العربيه كلها بدءت فى تجهيز اكفانها بيد يها وقامت بسكب مزيد من البنزين على النار.. انها فعلا كانت مستبده ولربما اعتقدت انها تألهت فكان وقوعها فى الفخ اكثر مما تخيل الارميكيين والاخوه انفسهم
مرت الانتخابات الارميكيه
وتغيرت القياده
وجاء الرئيس اباما ومسز كيلونتو وتلقى القيادى الاخوى اسعد رساله فى حياته انه مجددا صديقنا العميد (م-م) ومكالمه شخصيه من مسز كيلونتو نفسها

رساله سريعه مفادها سنستمر من حيث انتهت الاداره السابقه

والى اللقاء فى الحلقه الرابعه من الصندوق الاسود للثوره

2 - الصندوق الاسود للثوره

يسعد شركه نيوشلان جيوغرافيك السويس

ان تقدم الحلقه الثانيه من الفيلم الوثائقى
روايه الصندوق الاسود للثوره
==================
فى تمام الواحده بعد ظهر الثلاثاء الموافق 22 اغسطس -أب_لعام 2006ارتفعت نغمات الهاتف المحمول ذو الخط الجديد للقيادى الاخوى (ا-ع)وكان المتحدث مستر (ج)قائد مجموعه الثلاثه الارميكيه للمفاوضات وقال فى ايجاز سريع ان بدايه المفاوضات واول جلسه بعد 24 ساعه من الان اى فى تمام الواحده من بعد ظهر الاربعاء 23 اغسطس فى قريه (م _بيتش ) الشاليه رقم 2024بالساحل الشمالى وان اعضاء الفريق الارميكى هم مستر (ب)ومستر (ا) بلاضافه الى المتحدث مستر (ج) قائد المجموعه

فى تمام الساعه الثانيه عشر والنصف بعد ظهر الاربعاء 23 اغسطس -أب- لعام 2006 دخلت سياره محمله بلنش صغير سريع وبها القيادى الاخوى (ا-ع)و(س-ع) و(ع-ع)وخلفهم سياره اخرى بها اطفال وسيدات حيث تم اختيار هذا التوقيت الصيفى بالتحديد لكثره النزلاء فى القريه ولعدم اثاره اى نوع من انواع الريبه فى الاجتماع وكان هذا جذء من الاتفاق حيث نزل الاخوه فى الشاليه 2024 ونزل الارميكيين فى الشاليه رقم 2026كان الوفد الارميكى اكثر حظا فى هذا اللقاء حيث كان يعرف كل شئ عن الوفد الاخوى كان يعرف من هم وما هى اعمارهم واسماء اولادهم وزوجاتهم وميولهم الشخصيه وحالتهم النفسيه والعصبيه ومجال اعمالهم وعنوانهم بل وحتى الالوان المفضله لديهم حتى اسما جيرانهم وكان وفد الاخوه لا يعرف اى شى عن الوفد الارميكى بخلاف اسمائهم وصورهم الشخصيه الا ان وفد الاخوه كان من الذكاء والفطنه اكثر مما ظن الارميكيين ففى خلال ال24 ساعه قبل اللقاء قام الاخوه بنشر اخوه فى زى عمال نظافه وامن وحتى رواد القريه كانت عيون الاخوه فى القريه اكثر بكثير مما ظن الارميكيين

الساعه الواحده تماما يوم الاربعاء 23 اغسطس فتح مستر (ج) باب الشاليه رقم 2026 ليقوم بالترحيب بوفد الاخوه

يقول مستر (ك) المحلل السياسى الارميكى ان اول لقاء تم بين الاشخاص السته كان متوافقا جدا حيث تم التعارف السريع بينهم وشعر الجميع بألفه وتفاؤل فى هذا اللقاء حيث تم التوافق على معظم الامور بينهم الا ان الوفد الارميكى تحفظ على امضاء وزيره الخارجيه على اى اوراق وقال ان كلمتنا سيف على الرقاب
يضيف مستر (ك)قائلا ان وفد الاخوه لم يبدى اى مرونه فى تلك الجزئيه الخاصه واقترح تركها للمداوله فى اللقاء القادم

يقول المحلل السياسى المسرى (ى-س )ان الاجتماع الاول كان بمثابه اجتماع نهائى حيث اشترك الطرفان فى كل شئ فحكم العالم العربى للاخوه المسلمين بمساعده ارميكا وترك الدوله الاسرئليه حره طليقه بدون عزه والدفه الغربيه وعلى ان يقدم الاخوه معاونه وتسهيلات لارميكا العظمى فى المنطقه سعيا لاستقرار المنطقه
يضيف المحلل السياسى المسرى قائلا ان الطرف الارميكى لم يكشف كل اوراقه فى هذا الاجتماع ولم يبدى كل مطالبه تباعا
وفى المقابل كان الطرف الاخوى مسالما تماما لما سوف يحقق له حلمه بزعامه العالم العربى والاسلامى

فى تمام الثالثه والنصف من نفس يوم الاربعاء انتهى الاجتماع الذى كان معظم اعماله تعارف وغذاء عمل وشرب شاى ومرطبات اما الحوار والنقاش فلم يكن نصيبه اكثر من ساعه على الاكثر من اللقاء

فى اليوم التالى وفى تمام الواحده من بعد ظهر الخميس 24 اغسطس -أب- لعام 2006 كان اللقاء الثانى حيث تشدد الاخوه فى ضروره توقيع وزيره الخارجيه على مسوده الاتفاق الا ان الطرف الارميكى نهى هذا الطلب تماما واصر على عدم التحدث فيه مره اخرى مما اثار استياء مجموعه الاخوه

يقول مستر (ك)اللقاء الثانى كان بمثابه صدمه للاخوه وتكشير عن انياب الارميكيين حتى ان الاخوه عند خروجهم من الاجتماع كانت وجوههم مكسوه بمسحه كبيره من الغضب العظيم

يقول المحلل السياسى المسرى (ى-س) الاجتماع الثانى هذيمه فادحه للاخوه وتكسير عظام لهم حتى ان احدهم قال عند خروجه من الاجتماع _ليه هو احنا عبيد عندهم_(لم يقولها سرا وانما على مسمع من صاحبيه )اللذان نظرا اليه وسكتا كأنهم يوافقان على سخطه بل ويدعمانه ايضا

فى الحاديه عشر و14 دقيقه من مساء الخميس جاءت موافقه سريعه من مكتب الاسترشاد على عدم توقيع الوزيره على الاوراق وفقط الاكتفاء بكلمه شفاهيه منها وفى المقابل عدم طلب اى توقيعات للجماعه

فى تمام الخامسه من مساء الجمعه 25 اغسطس -أب_كان اللقاء الثالث حيث تم تغير ميعاده من الواحده بعد الظهر الى الخامسه حتى يكون هناك تمويه على الاجتماع

يقول مستر (ك)الاجتماع الثالث كان مشجع جدا للطرفين حيث ابدى الاخوه موافقتهم على كلمه الشرف فقط من الوزيره وفى المقابل عدم توقيعهم على اى اوراق ولكن الطرف الارميكى تحفظ وقال ليس كل السياسه كلمه شرف وانما نحن نتفق لاطراف ربما لانكون نحن من ينفذه وهنا اعترض الجانب الاخوى
يضيف المحلل المسرى ان الجانب الارميكى كان اكثر مرونه فى الحوار حيث انه كان يطرح بدائل حتى للبدائل نفسها الا ان الجانب الاخوى كان ينتظر التعليمات من مكتب الاسترشاد حتى بعد ان ابدى الطرف الارميكى طلبه بتوقيع رؤساء الوفدين على
ماسيتم فى المفاوضات

الرابعه عصرا يوم السبت 26 اغسطس اتفق الطرفان على كل شئ ليس كل شئ يعنى كل شئ وانما اتفقا على استعدادهم التام للتعاون فى رسم خريطه الشرق اوسط الجديد وتركا الجانب الارميكى يقوم بوضع الخطه واعلام الاخوه تباعا بما سوف يجد من جديد
والى اللقاء فى الحلقه الثالثه من الصندوق الاسود للثوره

الثلاثاء، يناير 01، 2013

1 - الصندوق الاسود للثوره

يسعد شركه نيوشلان جيوغرافيك السويس

ان تقدم فخر افلامها الوثائقيه
روايه الصندوق الاسود للثوره
==================
((( تحذيييير)))
تحذر الشركه ان اى تشابه فى الاسماء او الافعال او الشخصيات هو فقط من قبيل الصدفه البحته
كما تعلن الشركه ان باقى حلقات الفيلم الوثائقى موجود عن صديق مدون وله الحق فى النشر فى حال تعذر النشر فى هذه المدونه
الحلقه الاولى (الصندوق الاسود للثوره 1 ) 0
========================
فى يوم الاثنين الثالث عشر من فبراير -شباط -لعام 2006 وفى تمام الساعه الواحده و55 دقيقه صباحا
رن هاتف القيادى الاخوى (س -ع)عضو مكتب الاسترشاد وكان المتحدث اخو زوجته العميد (م -م) كان زواجا سريا ولكنه كان ناجحا
اخبر العميد (م -م ) القيادى الاخوى بانه امام باب شقته الان
فى تمام الواحده و58 دقيقه صباحا كان العميد (م-م) يجلس فى الصالون امام القيادى الاحوى ولا يتكلم فقط ينظر الى هاتفه المحمول وينتظر
فى تمام الثانيه صباحا رن هاتف العميد المحمول
امسك العميد الهاتف ونظر الى الرقم ثم قربه من القيادى الاخوى وقال له رقم دولى من ارميكا
قام العميد بفتح الجهاز وفتح السماعه الخارجيه ثم بدء بالتحدث
الو
الو مستر (م-م) على الخط ؟؟
ايوه يافندم تحت امرك
ممكن اكلم مستر (س-ع) من فضلك
معاكى يافندم
يعطى العميد الهاتف للقيادى الاخوى الذى يبدء فى التحدث
الو السلام عليكم مين حضرتك ؟؟
الو العميد (م-م) هيفهمك كل حاجه بعدين انا كونزاليزا راديس وزيره خارجيه ارميكا
بدون اى زيدات احنا قررنا نعمل الشرق اوسط الجديد وقررنا ان الاخوه المسلمين يكونوا هما حكام العالم العربى الجديد
احنا فى انتظار موافقتكم للاستعداد لما هو قادم
وشكرا
الساعه الثانيه و37 دقيقه صباحا يغادر العميد الشقه بعدما اخبر صهره بكل شئ
يقول المستر (ك) المحلل السياسى الارميكى ان هذا اللقاء التارخى هو محور احداث الشرق اوسط الجديد حيث تم اختيار العميد (م-م) بعنايه فائقه لما يلاقيه من ثقه لدى القيادى الاخوى حيث كانت الاداره الارميكيه تعرف بحقيقه العلاقه بينهم فى حين غابت تلك الحقيقه عن المخابرات المسريه وعن امن الدوله فى مسر
فى تمام الساعه الخامسه و23 دقيقه صباحا انهى القيادى الاخوى عده مكالمات تليفونيه مع قيادات الجماعه واتفقوا على ميعاد سرى فى شقه قديمه بوراق العرب بعيدا عن الاعين
فى نفس يوم الاثنين 13 فبراير -شباط من عام 2006 وفى تمام الساعه الرابعه و37 دقيقه مساء بدء توافد اعضاء مكتب الاسترشادعلى الشقه القديمه وكان توافدهم مذهل حقا حيث تنكروا فى زى شعبى حتى ان بعضهم جاء بدراجه
فى تمام الخامسه مساء كان الجميع متواجدين
فى تمام السابعه و43 دقيقه انتهى الاجتماع السرى على الموافقه على قبول العرض بشرط مقابله وزيره الخارجيه راديس شخصيا
مرت 7 ايام عجاف على مكتب الاسترشاد حيث انقطع الوحى من الاداره الارميكيه تماما
يقول مستر (ك) المحلل السياسى الارميكى ان الاخوه شعروا ان ال7 ايام هم بذاتهم السبع سنوات العجاف حيث تخلى الاخوه عن وقارهم وثباتهم وقاموا بالاتصال بالعميد (م-م) مرات عديده للسؤال عن جديه العرض وكان الرد دائما والله ماعرف حاجه ...مما كان يزيد من ارتباكهم
فى تمام الساعه العاشره و5دقائق من يوم الاثنين الموافق 20 من فبراير -شباط - لعام 2006حضر العميد (م-م) الى منزل صهره القيادى الاخوى واخبره ان الاداره الارميكيه وافقت على مقابله وزيره الخارجيه شخصيا بعد شهر ونصف من الان
كما وافقت على حضوروفد يتكون من ثلاثه اشخاص هم فقط من سيقومون بكل تفاصيل المفاوضات المقبله
فى تمام الخامسه وعشر دقائق من مساء الاربعاء الموافق الخامس من ابريل - نيسان- لعام 2006 بتوقيت واشطن وصل وفد مكون من ثلاثه اشخاص وهم القيادى الاخوى (س-ع) و
القيادى الاخوى (ع-ع) وبرئاسه القيادى (ا -ع)وكان وصولهم فى نفس التوقيت هو من قبيل المهاره الفائقه حيث اتى كل منهم على حده ومن دول مختلفه
يقول المحلل المسرى السيد (ي -س ) ان الاداره الارميكيه اظهرت تفوق بارع فى وصول الثلاثه فى نفس الوقت من دول مختلفه حتى لا يلفت اليهم الانظار انها بحق براعه فى الاستخبارات ودرس فى الاداره
فى تمام الساعه السابعه مساء بتوقيت واشطن قابل الوفد السيده كوزاليزا راديس حيث اتت متنكره وبدون حراسه فى منزل احد اصدقاء القيادى القائد (ا-ع) كانت المقابله سريعه جدا ولمده 5 دقائق لا غير لم تتحدث خلالها عن اى تفاصيل فقط اشارت الى اسماء ثلاثه من الوفود الارميكين الموجودين فى مسر وهم من سيقومون بكل المفاوضات على ان تكون المقابله معها بعد الانتهاء من كافه التفاصيل كما اشارت الى ان بدايه المفاوضات ستكون فى النصف الثانى من شهر اغسطس وعن طريق القيادى (ا-ع) فقط
فى تمام الساعه الواحده والنصف بعد ظهر الجمعه الموافق 21 ابريل نيسان لعام 2006 كان اهم اجتماع لمكتب الاسترشاد
يقول المحلل السياسى الارميكى مستر (ك) اجتماع مكتب الاسترشاد فى هذا اليوم استمر حتى منتصف ليله السبت او تجاوزها حيث استمر الاجتماع اكثر من 12 ساعه استعرض المسترشد والاعضاء مايمكن ان تقدمه لهم الاداره الارميكيه واتفقوا على نقاط عريضه اهمها ان يكون كل شئ مكتوب على الورق وبامضاء وزيره الخارجيه شخصيا كما اتفقوا على اهميه حكم مسر والعالم العربى من خلال اى اداره وان كانت من الفضاء الخارجى المهم هو تنفيذ حلمهم الكبير بالحكم والخروج من نفق الظلم والسجون

الى اللقاء مع الحلقه الثانيه من الصندوق الاسود

الخميس، مارس 10، 2011

انتخبوا الرايق لرئاسه الجمهوريه



فرنسا هانم :- خير اللهم اجعله خير جمعتنا ليه انهارده يا رايق ؟
الرايق :- فى عندى خبر فيرى فيرى فيرى جديد
الطائر الحزين :- معلشى بقى يا رايق اصل النضاره بتاعتى ضاعت ومش هعرف اسمعك كويس
همس الاحباب :- روووقه انا عندى مشوار مهم لادغال افريقيا اشوف وشوكم امس
صبرنى يارب :- يووووووووه .. سورى ياروقه ده انا ميعاد نومى فات تصبحوا على خير
حنين القلب :- معلشى ياروقه الواد عمر صحى من النوم اروح اشوفه بااااااااااااى
الرايق :- شط ااب يوور ماوس منك ليه ليه ليها ليها دونت حد يتنفس . انا راجل ديمتراطى واى بيبول فيكم ذكر كان او انثى هيتحرك من مكانه هفرفره بماى بمسدس
فرنسا هانم :- فى ايه يا رايق ؟ حرام عليك احنا مش ناقصينك
الرايق :- خبر بمريارات الدوررات يا بشر دونت سبييك واسمعونى  .. انا العبد لله الدكاتره عبده باشا الرايق حامى حمى اللجان الشعبيه . بعد دراسه كامله لكل الناس فى جميع محافظات ايجيبت ال23 محافظه وبعد دراسه متانيه فى كل مصر مدينه مدينه .. شارع شارع .. دار دار .. زنجه زنجه .. قررت انى اترشح رئيس جمهوريه مصر العربييييييييييييييييه
الطائر الحزين :- ههههههه ..انا برضه كنت عارف ان الموضوع مضروب زى كل مواضيعك يا رايق
همس الاحباب :- ياعم فكك منى انا بالذات .. والنبى اترشح براحتك رئيس بوليس عريس اى حاجه وانا داخل انام
حنين القلب :- واااااو بابا رئيس الجمهوريه ييييييييييس انا معاك يا روووقه
الرايق :- بص بقى انت وهى ..انا عملت اجتماع موسع فى الصحراء مع العلامه الكبير حسن باشا الفراش طيب الله مقامه وشرح لى كل حاجه عن الدستطور المصرى وكتبلى برنامج الانتخاب بتاعى
الطائر الحزين :- واشمعنا بقى الصحراء اللى عملتوا فيها الاجتماع ؟
الرايق :- مش اجتماع موسع يا فالح ؟ طول عمرى بشك فى قدراتك يا ولد .. بصوا بقى مش عاوز اى بيبول فيكم يتكلم نيفر نيفر نيفر ... البرنامج الانتخابى بتاعى اهو انا هشجى سماعكم بيه ولازم تقولوا رأيكم فيه
صبرنى يارب :- خلص بقى يا عمنا عاوزه انام
الرايق :- بسم الله الرحمن الرحيم ... السويس فى الخميس 10 مارس 2011 ..
البرنامج الانتخابى للريس الجديد الدكاتره عبده الرايق ..
اخوانى الثوره ..واخواتى الثورات السلام عليكم ورحمه الله وبركاته .
من اجل مصر حاره مستكله .. ومن اجل غد افضل ابوس ايديكم ترشحوا العبد لله الدكاتره عبده باشا الرايق .. فانا الشعب وانا مع الشعب وانا ريسكم الجديد الدكاتره الرايق
برنامجى الانتخابى هو ....
قبل اى شى سوف اسقط الدسطور الحالى واقوم بعمل دسطور جديد ينص على ان رئيس الجمهوريه بعد ال 8 سنين بتوعى ميحكمشى البلد اكتر من اسبوع واحد بس .. يعنى يحلف اليمين ويفلسع .. وده علشان كل الشعب ياخد فرصته ..كما احب ان اقول لماى شعب الحبيب انى عملت برنامج انتخابى بمساعده اخى وصديقى ومعلمى حسن باشا الفراش والبرنامج عباره عن 879 الف و211 بند والان مع البرنامج
اولا -- الغاء قانون الطوارئ .. يشمل هذا الالغاء ثلاثه اقسام ..
القسم الاول-- الغاء كافه اقسام الطوارئ فى جميع المستشفيات العامه والخاصه
القسم الثانى -- القاء القبض على اى شخص اسمه طارق واعدامه فى ميدان التحرير لنتخلص جميعا من كل الطوارئ
القسم الثالث -- منع اى موظف فى الحكومه او القطاع العام والخاص  من الاجازات العارضه لمنع اى شخص يتحدث عن اى ظرف طارئ
واوعدكم انى سوف اقوم بالعمل جاهدا على الغاء هذا القانون فى خلال ال7 سنوات الاولى من فتره رئاستى
ثانيا -- البقاء على كل المعاهدات الدوليه مع دول المنطقه واذا كان لابد لنا من الحرب والجهاد فسوف اعمل جاهدا وبكل جد واجتهاد على البحث عن دوله غلبانه كحيانه وضعيفه وساقوم بشن حرب شعواء عليها واوعدكم انى سوف انتصر عليها وافضحها فضيحه الخواجه ينى
ثالثا -- حكم الشعب نفسه بنفسه . ولكن ليس على طريقه القذافى ..نو نو نو . حكم الشعب نفسه بنفسه بمعنى اننا سوف نوفر لكل مواطن زنزانه مستقله ليسجن فيها نفسه اذا ارتكب اى خطأ ويكون معه مفتاحها ومعه  ايضا شنطه اسعافات شرطيه .. والشنطه بها كلبشات حتى يكلبش بها المواطن نفسه اذا شعر انه قد ارتكب خطأ . وبها ايضا صاعق كهرباء لكى يصعق المواطن نفسه اذا اراد الهرب من نفسه . وبها ايضا مسدس لكى يجبر المواطن نفسه على عدم استعمال العنف مع نفسه . وبها ايضا ورق ابيض ممضى من المواطن حتى يكتب المواطن المحضر بتاعه بنفسه . وبها ايضا عدد 2 جهاز لاسلكى واحد مع المواطن والاخر معه ايضا حتى يبلغ نفسه عن اى خطأ يرتكبه . وبها ايضا سلك كهرباء ومنفاخ ودبابيس وعقاب سجاير وده شئ لزوم الشئ
رابعا -- الانتظار حتى نرى ما يحدث فى ليبيا فلو فضل القذافى فى الحكم يبقى حاجه من اتنين لاحنا ناخد بلدنا ونبعد عنه وعن جنانه يا هو ياخد بلده وويبعد عنا ويريحنا
خامسا :- العمل على الحد من استهلاك الطاقه وذلك بالعوده الى فوانيس رمضان
سادسا -- العمل على عدم اختطلاط الرجال بالنساء وذلك بتقسيم الشوارع واحد حريمى وواحد رجالى او تقسيمها الى ثلاثه اقسام شارع حريمى وشارع رجالى وشارع اطفالى
سابعا -- التمييز بين الرجل والمرأه حتى نعرف الرجل من المرأه وذلك بارتداء الرجال طاقيه زرقاء والنساء طاقيه خضراء
ثامنا -- ........... ايه ده يا بشر ؟؟ انتم فين ؟؟ ويير ار يو جوو ؟ هو انا بكلم نفسى ولا ايه ؟؟؟ فرنسااااا ..طائر ..همس ..حنين ..صبرنى انتم رحتوا فين ؟؟؟
ماااااااااااااااشى ولا يهمنى برضه انا هكمل الحمله الانتخابيه بتاعتى بنفسى وهغير كل الدسطور من اوله لاخره وهبقى الرئيس الدكاتره عبده باشا الرايق غصبا عنكم ياعيله الرايق وغصب عن شعب مصر كله
وارجوكم
ابوس ايديكم انتخبوا اخيكم الرايق

الجمعة، فبراير 25، 2011

القذافى اهبل ولا احنا برياله

اخوانى الاعزاء واخواتى العزيزات
سؤال غريب الح على دماغى ايام اللامعقول اللى احنا عايشينها دى السؤال هو
القذافى اهبل ولا احنا برياله ؟؟؟؟؟؟
عارفه الجواب 99وتسعه دايره % هيقولوا انه اهبل
وانا مع الاجابه دى لكن
هيئه الاذاعه البريطانيه ال بى بى سى نظمت للقذافى محاضره فى 2007 لطلبه جامعه اوكسفورد البريطانيه  عبر الدائره المرئيه الفضائيه  واللى زاد الطين بله ان القاعه اتملت طلبه على اخرها وعملوا شاشه كبيره بره القاعه للطلبه الغلابه علشان يلحقوا ركب التقدم بفكر العقيد
وحتى اليابان غزاها الاخ العقيد بفكره والقى محاضره فى جامعه ميجى اليابانيه
وكمان القى محاضره عن الاسلام فى ايطاليا فى 2009 اسفرت عن اسلام 3 ايطاليات
بالذمه ده اسمه كلام ؟؟؟؟؟؟؟؟؟؟؟؟؟
واحد زى القذافى يحاااااااااااااااضر
لا وفين ؟؟ فى بريطانيا واليابان وايطاليا !!!!!!!!!!!
طبعا كل خطابات الفذافى وافعاله وحركاته بتبين انه مريض نفسى بجنون العظمه حتى انه ادى لنفسه لقب ملك ملوك افريقيا
وخصوصا الخطاب الاخير له فى البيت الخربان بتاعه كله كوم والخطاب ده كوم لوحده
انا مش هتكلم عن الخطاب
لان الرئيس اللى بيوصف شعبه بالمقملين والفيران اقل من الكلام عنه !!!!!!!!!
ولكن السؤال
ليه الدول الكبيره دى والمتقدمه دى سابته يحاضر عندها ؟؟؟؟
هل لانهم ارادوا ان يشاهدوا التطور الطبيعى للقرود حسب نظريه التطور ؟؟
ام لانهم ارادوا ان يثبتوا للطلبه انهم متحضرون ودى نوعيه لرئيس دوله عربى لاثبات تخلفنا ؟؟
ام لان القذافى دفع نظير المحاضرات دى والموضوع كله شو ؟؟
ام لانه فعلا عبقرى بشهاده الغرب واحنا اللى برياله ؟؟
ام نحن متقدمون بدليل ان الاهبل عندنا محاضر كبير عندهم ؟؟
ام هم بقى ولا مؤاخذه الصيت ولا الغنى ومن بره هلاهله ومن جوه يعلم الله ..طلعوا ميفهموش فى الباميه خالص ؟؟
ام ان الطلبه دول بيدرسوا علم نفس ودى كانت حاله بيدرسوها ؟؟
اللى يعرف الاجابه يريح اختكم المسكينه فرنسا هانم ويقولى عليها والاجر والثواب على الله

الاثنين، فبراير 21، 2011

انا اسف ياريس

للاسف الشديد رفع المرتزقه شعار جديد بيقول انا اسف ياريس ومش عارف اسف على ايه لكن اصحاب الثوره المضاده والمنتفعين من النظام رفعوا هذا الشعار فكان لابد لى ان اشاركهم الاسف للريس يمكن ينول العبد لله ولو حتى عشره مريار دورار نصيبى من مسح الجوخ
.....
انا اسف ياريس *** ياريتك طلعت كويس
اسف لانى اتهنت . طول السنين وسكت
اسف لانى امنت .. بعدلك وانت خنت

انا اسف يا ريس *** ياريتك طلعت كويس
اسف ياريس لانى خلاص . عطيتلك بروحى كل الاخلاص
وعطيتنى العادلى الهجاص . ملا قلبى وصدرى رصاص

انا اسف ياريس *** ياريتك طلعت كويس
اسف لانى مقلتش جاى .. سنين طويله معرفشى ازاى
تاكل سيادتك الاكل الهاى .. وعشايى انا كبايه شاى

انا اسف ياريس *** ياريتك طلعت كويس
اسف لانى وصفتك زعيم .. ووصفتنى انت طور وبهيم
عايش انت فى هنا ونعيم .. وعايش انا على عود برسيم

انا اسف ياريس *** ياريتك طلعت كويس
اسف لان كلابك خانونى .. سرقوا مالى وكمان هانونى
وجنابك سيبتهم ياكلونى .. وفى عضمى كمان شاركونى

انا اسف يا ريس *** ياريتك طلعت كويس
ومش اسف لان التار .....بضرب الحديد والنار
جالى لحد باب الدار.... وخلاص مبقيتشى حمار

الأربعاء، فبراير 16، 2011

سجل يا تاريخ

رغم اشتراكى فى مدونه الضاحكون ورغم وجود مدونتى (عبده الرايق ) ورغم اشتراكى فى الفيس بوك الا ان علمى بيوم الثوره يوم 25 يناير شرف لا ادعيه فلم اكن لحقيقه الامر اعرف بهذا اليوم نظرا لابتعادى كثيرا عن عالم التدوين .. الا اننى علمت بالمظاهرات يوم الثلاثاء بعد الظهر وانا فى عملى ولم اتوقع ابدا ماحدث بعد ذلك ..عدت الى منزلى القريب جدا من شارع الجيش او ميدان الاربعين بعد العصر لاجد طريق شارع الجيش مغلق ولابد ان اتخذ طريق الترعه للوصول الى منزلى لم اشاهد شىء وعدت الى المنزل .. بعد اذان المغرب تلقيت عده تليفونات من اصدقائى يحذروننى من النزول الى القهوه التى اجلس عليها يوميا بالقرب من الميدان ولكن هذا التحذير دفعنى الى النزول .. تزلت مسرعا الى شارع صدقى لاجد بعض العاملين معى فى الطريق ..ذهبنا مباشره الى شارع صدقى بعد صلاه العشاء فوجدنا الطريق الى ميدان الاربعين مغلق تماما بالكثير من الجنود فغيرنا مسارنا الى شارع جانبى يؤدى الى الميدان وفعلا وجدت كل السويس هناك شباب يجرى ويصرخ فى الظلام والقنابل المسيله للدموع تنهال على الجميع ..اخذت اقترب كثيرا لاصل الى مقدمه الاحداث ...انه فعلا منظر رهيب ..اننا فى موقف مواجهه مع الشرطه .. سمعنا ان هناك شهدين سقطا فى الاحداث .. وترددت اشاعات ان الشرطه اختطفت فتاه من المتظاهرين .. وجدت نفسى موجه صغيره وسط بحر الشعب ..كان الجميع غاضب .. ظهرت حماسه مقاومه السويس للحصار فى عام 73 .. خبر استشهاد اثنين واختطاف فتاه الهب المدينه .. لم اشاهد هذه الحماسه ابدا منذ عودتى صغيرا الى السويس فى عام 75 وانا ابن 9 سنوات .. عدت مسرعا الى المنزل لاحضر تليفون ابنى لاصور الاحداث لجوده صوره ..وبعد عودتى قمت بتصور بعض المشاهد وتلقيت خبر اصابه عاملين معى ..واحدهما تم نقله الى مستشفى التأمين الصحى بحوض الدرس .انتقلت فورا الى المستشفى فمنعونا من الدخول بعد معرفتهم اننا اتينا لشاب من شباب المظاهرات ..وبعد جدال استمر طويلا تم طردنا الى الخارج الا اننا دخلنا بمعرفتنا الخاصه . وجدنا الشاب مصاب بخمس طلقات من الخرطوش فى رجله وكتفه من الخلف .. وللاسف الشديد امتنع الاطباء فى المستشفى عن عمل اى شىء له !!!!!! .. اننا نعرف انه فى الحروب يداوى الاطباء فى المعارك المصابيين من الاعداء عند اسرهم .. ونحن نعرف ان تجار المخدرات والقتله والخارجين على القانون يعالجون اذا اصيبوا اثناء اعتقالهم ..ولكن هنا ...لم يتم علاج المصاب الا فى اليوم التالى بحجه ان علاجه لا يتم الا بأمر النيابه !!!!! لا اعرف ان كان هذا هو القانون ام قانون الغاب .. وللاسف فى اليوم التالى ونظرا لتحرك الطلقات فى كتف الشاب ورجله تم اجراء جراحه استمرت 5 ساعات تم فيها تقطيع جسده للبحث عن الطلقات

فى اليوم التالى خرجنا للاخذ بالثأر ..اشتعلت السويس ..اشتعل ميدان الاربعين .. اشتعل شارع الجيش ..واشتعلت عيوننا وحلوقنا من القنابل المسيله للدموع .. ( اشهد لك ياشعب السويس البطل )

فى يوم الخميس تكرر الحال ( وللاسف تم احراق مبنى المطافى فى هذا اليوم )

جمعه الغضب ..بعض الصور هنا نظرا لكثافه الاعداد بطول الشارع ونظرا لكثره الاحداث ساستعين معى ببعض شاهدى العيان

كانت جمعه مختلفه ..كانت جمعه النهايه للدوله عندنا فى السويس ..تجمع رجال السويس كلها ..خرجت السويس عن بكره ابيها ..خرج شبابها ورجالها ..بعد الصلاه مباشره تلاقت الامواج امام قسم الاربعين ...هدرت العاصفه واذر الاسود ..واندفعنا الى الحريه فتهاوى امامنا كل شىء تهاوت القنابل المسيله للدموع وانهارت السيارات المصفحه وانهار قسم الاربعين ..انهار الظلم والفساد ..انهار منبع الجريمه لا مانعها ..انهار جنود الامن المركزى واسرعوا يختبئون فى المبانى المجاوره للقسم وتفرقت الاحداث

شاهد عيان :- فى برج الدوشى امام القسم قام شيخ كبير بحمايه مجموعه من فلول الامن المركزى وحث الناس على عدم التعرض لهم وكان الجنود فى حاله يرثى لها فتبرع بعض الشباب الثائرين الذين كانوا يتعقونهم بأحضار طعام لهم حتى ان حرامى ممن كانوا يسرقون المحلات كان يحمل كرتونه معلبات وعندما شاهد المنظر وقف واخرج من الكرتونه بعض المعلبات واعطاها للجنود ( لعل علماء النفس يتحيرون مثلى فى هذا الموقف )

شاهد عيان :- قمنا بحمايه ضابط مباحث الاربعين محمد صابر وانتشلناه من وسط المتظاهرين بعد ان قمنا بعمل كردون حوله لمنع المتظاهرين من الفتك به بعد ان تعاملوا معه بقسوه شديده

شاهد عيان :- تم انتقاء المخبر قنديل بالاسم من قبل المتظاهرين ( نظرا لما كان يقوم به من مصائب فى حق الناس حيث لم يفرق بين كبير وصغير ووصل به الحال الى ربط الناس فى دراجته وسحلهم فى الشوارع ) وتم الهجوم عليه من قبل المتظاهرين وكاد فعلا ان يموت .. بل ان البعض ظنه مات فتركوه

شاهد عيان من قوات الامن :- (هذا الشاهد مهم لانه من معسكر الامن ) لم ننام طوال 4 ايام . كان المتظاهرين بيجوا الظهر ويفضلوا يهدوا فينا للفجر وترجع تانى يوم الكره .قعدنا 4 ايام فى الشارع .اول 3 ايام كان معايا خوذه وصداده لكن يوم الجمعه سلمونى بندقيه ألى و3 خزنات رصاص (اثنان من اخوات هذا المجند كانوا مع المتظاهرين ) بعد ان انهزمنا اختبأت مع مجموعه من زملائى فى برج المبيع الجديد وخلعنا زى الامن المركزى وهربنا بالملابس الداخليه وبعض الناس اعطونا ثياب نهرب بها .وقمت بتسليم سلاحى الى قوات الامن فى شارع شل وهربت بجلدى

شاهد عيان :- 6 من ضباط المباحث فى قسم الاربعين والسويس وفيصل كنا نخبئهم فى منزل احد الضباط فى مدينه السلام لمده 3 ايام وكانوا يستعملون نورا التليفونات خوفا من ان يقوموا باشعال المصابيح فينكشفون

شاهد عيان :- قام الاهالى بحرق جميع معارض تاجر المخدرات صديق المحافظ المدعو ابراهيم فرج سواق التاكسى الذى اصبح من اثرياء السويس بالتجاره المحرمه وصداقه المحافظ الاكثر اجراما فى تاريخ السويس ( صاحب الكاس والنساء ) بعد ان قام بقتل بعض الشباب

شاهد عيان :- اعتلى اثنان من قوات الامن سطح القسم واخذا يقذفان الحجاره الكبيره على المتظاهرين ونجحوا فى ابعادهم لفتره ولكن احد الشباب استولى على السلاح القاذف للقنابل المسيله للدموع وكقناص ماهر من امام مبنى قصر الشوق اطلق عده قنابل على الفردين فنزلا من على سطح القسم ( انقلب الحال المتظاهرين يطلقون القنابل على الشرطه )

شاهد عيان :- اسرنا جنديين فاريين بجوار سينما مصر وكدنا نفتك بهم لولا بكاء احدهم وتوسله لنا ان نتركه فتركناه واوصلناه بعيدا عن المظاهرات

شاهد عيان :- رتبه كبيره فى القسم وربما يكون المأمور قام المتظاهرين باقتياده خارج القسم ونظرا لكبر سنه قال له المتظاهرون لن نضربك سنتركك ولكن بعد ان تخلع ملابسك العسكريه وبالفعل خلع البدله العسكريه فتركوه

واخيرا

واخيرا

واخيرا حرر شعب السويس المدينه من الاحتلال وهربت الشرطه

كاذب من يقول فى وسائل الاعلام من الضباط احنا كان معانا سلاح وكنا ممكن نقمع المظاهره ..كاذب والف كاذب لان شعب السويس الذى دحر اليهود بمدرعاته فى 73 كان قادرا ان يبيد هؤلاء الادعياء كلهم حتى ولو استعملوا كل اسلحتهم ولكن شعب السويس وخاصه بعض كبار السن وبعض العقلاء قاموا بمنع مجزره كامله لكل انواع الشرطه فى المدينه

تحيه وتقدير لكل اهلى فى المدينه الباسله

تحيه وتقدير لكل شعب مصر فى كل المحافظات

تحيه وتقدير لروح الشهداء

الخميس، فبراير 10، 2011

جلسه محاكمه العادلى

الحاجب :- القضيه رقم واحد المتهم حبيب ابراهيم العادلى

القاضى :- بسم الله الرحمن الرحيم فتحت الجلسه

سرور :- احمد فتحى مصطفى سرور دكتوراه فى القانون الجنائى جامعه القاهره 79سنه حاضر عن السيد الوزير

القاضى :- اسمها حاضر عن المتهم مفيش هنا وزير

سرور :- اممممممممممم حاضر عن المتهم

النيابه :- اطالب بتوقيع عقوبه الاعدام فى ميدان عام على المتهم نظير ما فعله من خيانه عظمى بحق مصر

سرور :- خيانه ايه وعظمى ايه . خلينا واقعيين وخلينا نتكلم بالعقل والقانون

القاضى :- ياريت يا استاذ تتكلم لما اسألك

سرور :- اصلا على رأى المرحوم كمال الشاذلى الله يرحمه محدش فاهم حاجه

القاضى :- اتفضل يا استاذ قول دفاعك

سرور :- بسم الله الرحمن الرحيم ( يا ايها الذين امنوا ان جاءكم فاسق بنبأ فتبينوا ان تصيبوا قوم بجهاله فتصبحوا على ما فعلتم نادمين ) صدق الله العظيم . سيدى القاضى حضرات المستشارين ان موكلى السيد حبيب العادلى اشهد له بروحى وبشرفى على ولاءه الشديد وحبه الكبير لمصرنا الحبيبه حفظها الله من كل شر واشهد على حرصه التام على كل فرد من شعب مصر العظيم .. سيدى القاضى . ان هؤلاء الشباب المفسدين فى الارض والذين عاثوا فى الارض فسادا يستحقون ان يهلكهم الله بل يستحقون اكثر من ذلك بكثير لانهم مرتدون نعم سيدى القاضى انهم مرتدون على الدين ووجب قتلهم . سيدى الرئيس ان التظاهر بدعه من بدع الغرب .. نعم ان التظاهر بدعه لم تكن موجوده ايام رسول الله صلى الله عليه وسلم كما ان ميدان التحرير لم يكن له وجود ايام رسول الله صلى الله عليه وسلم .. لذلك فانا اقول لسيادتكم ان هؤلاء الشباب المفسدين فى الارض قد قاموا ببدعه وكل بدعه ضلاله وكل ضلاله فى النار ولذلك احق عليهم حكم الرده . وبناء عليه يصبح موكلى السيد حبيب ابراهيم العادلى برىء من ذنبهم براءه الذئب من دم ابن يعقوب ... كما انه قام بمحاربه المرتدين كما حاربهم سيدنا ابو بكر الصديق رضى الله عنه لذلك اقترح من عدالتكم ان نطلق عليه لقب سادس الخلفاء الراشدين

النيابه :- انهم شباب اطهار ابرياء ضحوا بأنفسم فى سبيل الحريه فاطلق عليهم المتهم زبانيته ليقتلوهم ويحرقوهم ويفزعوا اطفالهم ونسائهم .. هذا المتهم هو المسئول الاول عن قتل زهره شباب مصر هو المسئول الاول عن دخول البلطجيه بالخيول والجمال فيما يسمى بموقعه الجمل

سرور :- سيدى القاضى . النيابه تحاول خلط الاوراق فكما هو معروف تاريخيا ان موقعه الجمل كانت ايام الخليفه الرابع على بن ابى طالب كرم الله وجهه بعد مقتل سيدنا عثمان بن عفان . وعليه لايمكن ان تنتسب موقعه الجمل الى زماننا هذا وبناء عليه اطالب بشطب القضيه وتوجيه الشكر الى الرجل العظيم حامى الدين والوطن السيد حبيب العادلى

النيابه :- سيدى الرئيس حضرات المستشارين انا لا افهم ما يقوله الشيخ سرور ولكنى افهم شىء واحدا . دماء الشهداء . واموال المصريين .. سيدى الرئيس لنقل ان مرتب العادلى مليون جنيه شهريا اى ان مرتبه 12 مليون جنيه ولنقل ان المتهم تقاضى مرتبه فور مولده اى انه تقاضى مليون جنيه شهريا منذ بدايه ولادته وبما ان عمره 73 سنه يصبح مجموع مرتبه 876 مليون جنيه وبأضافه الحوافز وبدل عمل نقول الاجمالى مليار جنيه منذ مولده الى الان .... ان ثروه المتهم الان 8 مليار جنيه من اين لك هذا ؟؟؟؟؟؟؟؟؟؟؟؟

سرور :- ياجماعه ياريت نفهم احنا بنقول ايه .. وبلاش نرمى الناس الابرياء بالتهم الجزافيه ..ان موكلى حاصل على نوط الامتياز من رئيس الجمهوريه عام 86 و97 وهذا النوط هو تجاره رابحه تدر الكثير من الربح الحلال خالصا لوجه الله لذلك ارجو ان نكون واقعيين ولا نرمى الحق بالباطل حتى لايضيع الحق بيننا

الرايق :- نو نو نو وى ار دونت يضحك علينا اجيين ايون احنا مش هينضحك علينا تانى

القاضى :- انت مين ؟؟؟؟؟ ومين اذنك تتكلم ؟؟؟؟

الرايق :- اوه ماى فرند القاضى .. انا صوت ضايع من زمااان .. يييس ورحمه ابويا يييس انا صوت ضايع من زمان .. الاستاذ سرور ده رأس الحراميه هو مطبخ القوانين هو اللى ضييع مصر هو اللى رجعنا وراء سيدى القاضى اطالب بمحاكمه فتحى سرور وصفوت الشريف وزكريا عزمى .. ماى فرند القاضى وى ار لازم نمسك رأس الحيه مبارك وجمال وعلاء وسرور والشريف وعزمى مع كبش الفداء احمد العز .. ماى فرند القاضى لازم نسابق الزمن ..ماى فرند القاضى لو كنت موجود عندنا فى السويس يوم التلات والاربع والخميس والجمعه كنت هتسمع بودانك شباب السويس وهو بيقول احنا طلعنا اليهود مش هنقدر نطلع ولاد الكلب دول .. والله العظيم سمعتها بودانى وانا فى وسط المظاهره قبل ما يرموا جنبى اكتر من قنبله من قنابلهم المسمومه اقسم بالله انى بقيت زى الغريق فى وسط البحر نااااااااااااااااااااااااااار وشطه فى وجههى وفى حلقى وفى عينى سيل من الدموع ... ماى فرند القاضى سرع ..وحياه يوور فاذر سرع .. دول بيرتبوا ازاى يهربوا بفلوسنا ويمحوا جرايمهم

الجمعة، ديسمبر 17، 2010

وعلى رأى المثل

عبده الرايق :- ما تروحى يا بت يا حنين تستلفى لنا من جارتنا ام شوشو دكر بط نعمل بيه الموسم

حنين:- لا يا بابا مش رايحة (دى مفيش حاجة تيجى من الغرب تسر القلب)

وبعدين ما تفك عن كيسك يا بابا وتنزل تجيب لنا فرخة بيضة ولا حتى لحمة من بتاعة القوات المسلحة دول بيقولوا الكيلو فيها ب35 جنية بس

عبده الرايق:- كل ده علشان جبت لكم ربع كيلو بسبوسة الشهر اللى فات صحيح (المال السايب يعلم السرقة)
واد يا خالد يا خالد تعالى انت يا ضنايا روح لخالتك ام شوشو استلف لنا منها دكر البط وانا هجيب لك شبشب بصابع هدية فى عيد رأس السنة القمرية

خالد:- لا يا عم السنة اللى فاتت قلت لى هتجيب لى كرة بنج بونج علشان اعملها سندوتش مجبتش لا يا عم( يا نحلة لا تقرصينى ولا عاوز عسل منك)

يعنى اعمل ايه ابعت امكم ولا ابعت مين

شوف صبرنى نايمة جوه بقالها 3 ايام وابنك التانى مش عارف مش باين فى الشقة قال يعنى الشقة كبيرة اوى شوفه مرمى فى اى جحر
الرايق :- صحيح ما هو (ما ضيق الزريبة إلا على الحمارة الغريبة)

فرنسا من بعيد :- اعااااااا اعااااااا بنقول على مين حمارة يا رجل انت دا انت وولادك ينفات لكم بلاد
يا ستى انا لا شتمت ولا يحزنون صحيح (ياما فى الحبس مظاليم)
وبعدين هو محدش راضى يروح يستلف ليه من الجيران دكر البط

فرنسا :- عيال حسيسة عندهم دم مش زى ناس (واللى يعمل يا خويا ضهرة صندرة يستحمل بقى الدوس) والله خايفة ولادك تتشرب منك وتبقى (فولة واتقسمت نصين) هو انتم بيحوء فيكم حاجة صحيح (جوه وبرة فرشت لك وانت يا مايل و مين يعدلك)

الرايق :- هتفضلى تردحى لى كثير كدة بدل ما تشمللى وتروحى تجيبى دكر البط صحيح قلة الاصل متوفرة (خد الاصيلة لو على حصيرة)

فرنسا : شوفوا الراجل العايب اقوله ايه يقول لى ايه يعنى هو احنا لما مش عاوزين نشحت من حد يبقى كدة اجرمنا
(غلبت احايل فيك والطبع فيك غالب وديل الكلب عمرة ما يتعدل لو علقوا فية قالب)

الرايق :- انتوا فاكرين انى بشحت علشان مش معايا نو نيفر بت انا بعتبرة فن الشحاتة فن ومحتاج دراسة وقدرة على الاقناع وهتشوفوا هنجيب الدكر ده ولا لا واللى فى طبع صعب يبطله (يموت الزمار يا فرنسا و سنانة بتلعب قصدى صوابعة بتلعب)

الطائر :- ايه الدوشة دى صوتكم جايب لفوق سطوح الجيران
فرنسا :- ابوك عاوز يستلف من الجيران بط
الطائر : اللى اعرفة من ايام زمان اللى بيستلف حاجة بيرجعها وانت هترجع بقى دكر البط ايه عظم فى قفة (على اد لحافك مد رجليك يا والدى)

الرايق :- نقطنا بسكاتك يا خويا انت ايه اللى نزلك من السطوح ولا اقول لك روحى صحى لى اختك صبرنى (الطائر بصوت واطى مقدرش على الحمار هيتشطر على البردعة)
الطائر :- صبرنى صبرنى قومى قومى ابوكى عاوزك
صبرنى :- هو الواحد ميعرفش يرتاح فى البيت ده شوية دا انتم عيلة (ينفات لكم بلاد) ايوة يا بابى
الرايق:- تعالى يا حبيبتى انتى اللى بجيب لك كل حاجة وانت اللى هتسمعى كلامى
صبرنى:- انت بتقول الكلام ده ليا انا انت بتجيب لى انا (صبرنى فى سرها افتكر لك ايه يا بصلة غير كل قطمة بدمعة)
الرايق :- شوفى يا صبرنى لو استلفتى لنا دكر البط من عند الجيران هجيب لك الصندل اللى بيزمر اللى كان نفسك فيه لما اخذتى الابتدائية من 15 سنة (صبرنى فى صوت مسموع شوية عشمنى بالحلق خرمت انا ودانى)

صبرنى:- قالت طيب انا هروح بس علشان تعرفوا انى مش بخاف من حد
سابت الباب مفتوح وراها وخبطت على طنطها ام شوشو وقالت لها
بكل ادب واحترام وذوق ممكن يا طنط دكر بط سلف لحد ما بابا يقبض مكافاة خروجة على المعاش
ام شوشو وبنتها بيضحكوا ضحكة خبيثة وقالوا ومالوا يا حبيبتى وكمان معاها الحلة اللى هتسوه فيها

ورجعت صبرنى بكل ظفر و انتصار فستحظى بصندل هيزمر بعد صبر 15 سنة وقالت فى زهو المنتصر (ما يجيبها الا رجالها)

الرايق بخبث :- شفتم وسائل الاقناع هو ده اللى عاوزكم تتعلموا وصحيح (اللى يتكسف من بنت عمه ما يتستلفش منها ريال)

يلا خدى يا ماى وايف يا حبيبتى اعملى لنا دكر البط ده
فرنسا : هقوم اعملة مع انى عارفة (مهما عملت مش عاجب وان رضيت العين يغضب الحاجب)
وشمرت عن ساعد الجد و ضغطت على سنانها ونتعت الحلة بالبطة ودخلت على المطبخ
خرطت البصل وجهزت التوابل اللى راكناها ايوة كدة يا بت يا فرنسا وريهم نفسك فتحت الحلة وبعدين راحت رئعة ميت صوت حيانى
هرع الكل لها
هى دى البطة يا فالح انت وعيالك
دى البطة موقوذة ومتردية ونطيحة وكمان اكلها السبع تقرب وتشم دى كما ميتة ومنتنة
و انا اقول الوليه ام شوشو الناقصة دى على غير عادتها اديتكم البطة بالساهل
(ما هو لو مكنش فيه الخير مكنش رماه الطير) و (الحاجة اللى ماتهمك وصى عليها جوز أمك)

الرايق مذهوق وأسقط فى يدة
(جوعة علي جوعة بقت الصبية زعزوعة)

فرنسا : (هو كدة المنحوس منحوس ولو علقوا على رأسة فانوس)
خالد:( جت الحزينة تفرح ملقتلهاش مطرح)
صبرنى : هقوم اعمل جبنة قديمة ومش (جبنتك القديمة تغنيك عن اكل الحمير قصدى حمارتك العارجة تغنيك عن سؤال اللئيم)

الطائر : هقول لكم حاجة وقولوا ورايا
(يادي الشيلة يادي الحطة روحنا علي جمل ورجعنا علي قطة)
القوم من وراه
يادي الشيلة يادي الحطة روحنا علي جمل ورجعنا علي قطة
يادي الشيلة يادي الحطة روحنا علي جمل ورجعنا علي قطة


الأحد، أبريل 11، 2010

كل سنة وانت رايق .. يا رايق

اليوم 11-4 -2010
عيد ميلاد اخونا وحبيبنا عبده باشا الرايق سليل عائلة الرايق الفرعونية الاغريقية الكوالامبورية 
ويعتبر9عبده الرايق الحفيد رقم 16180 فى عائلة الرايق فجده الاكبر احمس الرايق موحد القطرين وبانى الاهرامات وجده الرايق الاصغر بانى مصر الحديثة والقائم بشئونها الروقانية
لذا ننهتز هذه الفرصة العظيمة 
ونتقدم له بخالص التهانى 
بمناسبة عيد الميلاد الذهبى 
كل سنة وانت طيب
وعقبال مليون سنة
تورتة بمناسبة عيد الميلاد
تورتة مخصوص علشان الرايق واحفاده 
تورتة علشان المدونين والمدونات
وطبعا انا اخدت نصيبى مقدما

طبعا الرايق لا يقبل الهدايا النقدية اوالعينية
ومتبرع بيها وبمصروفه اليومى لابنائه الغلابة حنين القلب وخالد 
دمت لنا زخرا يا رايق 
ويا ريت كل يوم تعمل عيد ميلاد

وكل سنة وانت طيب 
حنين القلب - همس الاحباب