الأربعاء، سبتمبر 03، 2008

رانوس فمضان


بابا عاوز فانوس

حاضر

بابا عاوزة فانوس

حاضر

فاوزين عانوس من اللى بيحول وقوى يا وقوى

ولا الحانوس اللى بيقول جمضان رانا وبرحنا فه بغد عيابه ارلا همضان

ولا اللى بيقول بجرى بجرى بجرى والاجيام بتدرى والله لبه بسرى يا صهر الشيام

عفوا

الفوانيس صنع فى الصين

هناك 29 تعليقًا:

محمد يقول...

كل سنه وأنتم طيبين
على الاقل دول من الصين
أنما أيه رأيكم فى المصريين الى لسنهم
نسى اللغه العربيه
وبقوا بيكلموا حاجه شبه اللغه العربيه
ربنا يستر وبعد سنه ولا أتنين نقدر
كمصريين نفهم بعض
وحشتينا يا فرنسا
وتحياتى للرايق
بس لى سؤال
هو معاليك رايق أزاى
أرجوك أوصف لى هذا الدواء
بهزر معاكم لحسن تخدوا الكلام جد

maha zein يقول...

تمام والله
يعني الفانوس حتي بيغني صيني
جديدة دي
عموما سيبك بردو الفانوس الصفيح اجمد
واللى بيفهم في الزوق هيلاقيه اجمد
بس معلش خلي الصيني ياكل عيش
بوست جديد
وبقيت عماله اقرا كل كلمة كلمة
انا فكراها اغانيرمضان بس بلغة النونات
طلعت لا
دي باللغة الصينية
طب كمساهمنيدا
وتومانايو

مهندس مصري يقول...

طيب دا المنتجات الصيني اللي متوجهة لنا بتبقى كتالوجاتها مكتوبة بالعربي الفصيح
جات أوت المرة دي
:)

عبده الرايق يقول...

خير الكلام ماقل ودل
تحيه للبوست الجديد الجميل اللى فعلا كله معانى
انا عن نفسى فهمت اللى بين السطور يمكن لانى دكاتره وواخد دكتورهات بالهبل فى كل المجالات يبقى لازم افهم
طبعا الغزو الاجنبى لمنتجاتنا وموروثاتنا الشعبيه اثر بالسلب حتى على نكهتها
تحيه للطائر الحزين
صاحب الجديد دائما

M.K يقول...

الله المستعان,,,
فعلا حاجه تفرس..
تقبل مروري..

عبده الرايق يقول...

محمد
اقولك انا رايق ازاى
طبعا الوصفه دى صعبه وعلشان تحققها لازم تبقى ادحورت شويه فى الحياه
المهم
شوف ياسيدى
انا عندى 42 سنه
16 سنه منهم فريش من المولد لسن ال16
و13 سنه منهم لسن ال29 معاناه فوق التصور
وكام سنه كده حلوين والحمد لله
فى النهايه
عرفت ان الانسان لايعيش الا مره واحده
وطبعا كلنا عارفين كده ومتأكدين من كده
لكن لما تتأكد بتجربه عمليه يطول شرحها
هتعرف ان لازم تكون رايق
لكن
وما ادراك ما لكن
ما وراء الروقان
وما وراء الرايق
ده بقى سؤال الحلقه
لو عرفت تجاوبه
اتصل على 3456787
من اى محمول
واكسب رحله للسويس لمشاهده السفن وهى تعبر القناه
ملحوظه
*******
بجد مش عارف ليه اتكلمت معاك كده والله
لكن
معظم كلامى بجد

عبده الرايق يقول...

الطائر الحزين
اعذرنى لانى خرجت عن الموضوع ورديت على محمد خارج السرب
لكن كلنا نرتدى اقنعه ونلهث طويلا وراء دقائق او ثوانى قليله ننحى القناع جانبا لننظر الى انفسنا ونتغلغل بداخلنا لنعثر على اثارنا الحقيقيه التى ربما تكون قد طويت بدون ارادتنا داخل صحيفتنا
********
ملحوظه مهمه
فاهم حاجه ؟؟؟؟؟؟؟؟؟
لو فاهم فهمنى لانى مش فاهم من كلامى اى حاجه

A.SAMIR يقول...

هي يعني جت عللى الفوانيس
ما الحياة كلها من حوالينا بقت صينني في صيني
طب دة انا بقيت حاسس ان المصريين عينيهم بقت ضيقة
تحياااتي

Copa Zaki يقول...

انا فهمت الغرض من البوست اننا منفهمش حاجه كل سنه وانتم طيبين وحلو يا حلو

سومه...مجنونه فى بلد عاقل يقول...

هههههه بزمتك حد يعمل عملتك دى تعلق شماعه اخطاءك الاملائيه على الفوانيس الصينيه
اما انك طائر بصحيح

محمد يقول...

عزيزى الرايق
شكرا على تكرمك بالرد
وصدقنى أنا مدرك كل كلمه فى ردك وما ورائها, وأزيدك أن الساخر والرايق هو
شخص شديد الايجابيه وأفضل بملايين المرات
ممن يدعى الاهتمام وكل ما يبغيه هو ذاته
أما ياسيدى الباشا عن عمق التجربه لدىفهى وبدون أى هزل عباره 7 سنين
طفوله و47 سنه كل أنواع التجارب
لك كل التقدير والاحترام ولفرنسا هانم
وللسويس بلد الشرف والكرامه وحافظ سلامه والشهداء

واحدة مفروسة يقول...

ازيكم جميعاااا
فانوس رمضان صيني و الحمد لله...ده كل البلد صيني يابا
دول بيفكروا دلوقتى مع الغزو الصيني لجميع انحاء الجمهورية ان يودونا الصين علشان البلد زحمه...و احنا اصبحنا عاله على الصينين الموجودين فى البلد
يا خراااااااااااااااااابي
ده غزو بصحيح يابا

عبده يارابق
انت الصيام عمل فيك ايه يابا
انت بتتكلم كلام كبير
امثالى يصعب علبهم فهمه
لا النصيبهه تكون حتسيب الهزار و تدخل فى الجد؟؟؟؟
نو نو نو
افكرك يا والدي
الجردل....فاكره
البت مفروسة....فاكرها؟؟؟
النمل اللى بتلمه و تازازه و انت بتتفرج على الفيلم زي الب فاكره؟؟؟!1
طيب فرنسا؟؟؟ فاكرها؟؟؟
هيه نسيتنا اساسا...و شكلها اتبري مننا
لا لا لا
انا بقولك ايه بلاش تفطر على خشاف
افطر على تمر احسن لحسن حالتك بقت صعبه

appy يقول...

ايه الكلام ده انت بتعمل احاديث مع الاطفال كمان طيب كويس

وهى مجتش على دى بس يا طائر
كل حاجه فى حياتنا بقت تقليد وبقت صينى ودرجه عاشره
والصناعه المصريه انتقلت للرفيق الاعلى عن طريق النحر عارفه طبعا
الخوف لبعد كده تبقى القلوب صينى كمان
كل سنه وانت طيب

appy يقول...

بابا الرايق
هو ايه حصل مالك قلبتها دارما ليه قولت لك ابعد عن بانوراما دراما فى رمضان مفيش فايده اعمل ايه ارش ميه على التى فى علشان ترتاح
ههههههههههههههه
على فكره الهم او الروقان فى القلب مش الاسم

Doba يقول...

كل حاجة فى البد بقت محتله من الصين والواحد بيفكر هل احنا عندنا المقدرة اننا نعمل زيهم ونلم حبة الشباب من عالنواصى ونبتدتى ننفذ حاجة بمساعدة اى من رجال الأعمال ولا احنا لازم نفضل محلك سير

عمل جميل يا طائر ولفتات مميزة
تحياتى
================
الرايق

أشكرك لتقديرك الغالى
كلامك وروقانك لم يأتو بلا مقابل فالخبرات تأتى من كبد المشاكل والضغوط ولكن العقل الراجح من ينتصر بالنهاية

عندما تتحدث بشكل جدى تصبح بلا منازع كذلك حين تسخر بأحاديثك

دمت أبا عائلة الرايق
إلا هو انت مش بتنزل بوست جديد فى مدونتك ليه؟؟

انا مع مفروسة بطل خشاف واتمر تمر هندى أو عرقسوس
===============
فرنسا هانم

وحشتينا جدا جدا جدا
مفتقدينك للغاية

الطائر الحزين يقول...

الرايق
طبعا فاهم وكلنا بقناع تتفاوت درجتة فنحن برواز لمكنون خفى يتطابق مع النفس احيانا ويغايرها احايين؟

قوس قزح يقول...

و الله امبارح كنت بقول لو عبد المطلب عايش و سمع نفسه من جوه الفانوس بيغنى كده كان زمانه لعن نفسه انه غنى الاغنية دى
بس اقولك حاجة العيب مش عليهم العيب علينا احنا اننا بقينا مستهلكين حتى للحاجات اللى من سنين بنصنعها

كل سنة وانت مستهلك :)

قوس قزح يقول...

رايق
هو انت سخن ولا حاجة ؟؟
ولا دى تخاريف الصيام
مالك فى ايه كأنك ملبوس بحد تانى

و ان كان على القناع ما احنا عارفين انك كل ما تشوفنا تلبس لنا قناع المفلس و انت تلاقيك معاك فلوس و مخبيها ورا القناع :)

اسكندراني اوي يقول...

هههههههههههههههههههههههه
والله الصينين بيتكلمو عربي احسن ممنا دلوقتي

باماره ما بيخبطو على الباب وتقولك تشتري بيجاما ...............

الدفاع يقول...

اللكام هد لحو وقى ولك نسه واتنوا بيطين وعبوده اليأم وكشرا لبعده القارى ولك الحاضكين وحوووى يا حووى
حتياتى للمجيع

الدفاع يقول...
أزال المؤلف هذا التعليق.
همس الاحباب يقول...

الله يرحم زمان وليالى زمان
الله يرحم ايام ما كان جوز الحمام 3 فرادى ونص
يلا وحوى يا وحوى
معلش هى تخاريف صيام
تسلم ايدك يا طائر يا حزين
هو انت لسه حزين بجد

همس الاحباب يقول...

الرايق
ينصر دينك يا استاذ خليفة
ايه الكلام الجامد ده لو كان كده انا اخليك صايم طول السنة وهاوصى فرنسا تحرمك من الاكل والشرب
يمكن ربنا يكرمك وتجيب الدكاترة الخامسة عشر بعد السنة الالف
تصدق الصيام عمل عمايله معانا

الطائر الحزين يقول...

محمد
كل عام انت بخير والى الله اقرب وعلى طاعته أدوم
على الاقل دول من الصين


maha zein
طبعا الصفيح أجمد والحديد كمان

مهندس مصري
لا مش موضوع كتالوج وطريقة استخدام
ده صناعه واستهلاك


عبده الرايق
طبعا لازم تفهم ما هو اللى ربى خير من اللى اشترى
ومفيش داعى للاعتذار


M.K
الله المستعان
اهلا بك دوما






A.SAMIR
بقت ضيقة وكمان الكراسى اللى بنقعد عليها يقت ضيقة كويس علشان نوفر فى المساحة


Copa Zaki
كل سنه وانت طيب
وحلو يا حلولى

سومه...مجنونه فى بلد عاقل
اخطاء املائية
طيب احمدى ربنا انى مكتبتش حاجة لابى العلاء المعرى



واحدة مفروسة
روحى انت الصين ولما تلاقى مكان ابقى ابعتى لنا


appy
ايوة المشكلة فى بعد كدة

Doba يقول...
رجال أعمال؟؟؟!!!!!!
احنا عندنا رجال اعمال
ورجال فك اعمال



قوس قزح
عبدا المطلب
انا خايف الجيل اللى بعدينا يجى يقول ان محمد رفعت من اصل صينى

اسكندراني اوي ي
ايوة بيتكلموا بس شغالين احنا بنتكلم بس


الدفاع
لما تيجى عندى النهاردة نتفاهم




همس الاحباب
كل عام انت بخير أخى
والى الله اقرب وعلى طاعته أدوم
دعواتك فى الايام الكريمة

حنين القلب يقول...

انا جبت فانوس كان بيقول الاول هاتوا الفوانيس يا ولاد
وتانى يوم لقيته بيقول اعطنى حريتى اطلق يديا انا مش هشتغل تانى لو طلعتوا عنيه
ومن ساعتها كرهت اللى من الصين ده كله بقى صينى الهدوم والاجهزة ان ما فيه حاجه ننزل نشتريها الا اما القيها صنع فى الصين
بابتى انا عايزة فانوس
الهيكل من ماليزيا
واللمبه من باريس
وتقفيل كورى
ماااااااااااااااشى

عبده الرايق يقول...

اولاد الرايق
متخافوش ان سليم معافى والحمد لله
لكن الشويه الجد دول
بسبب خبطه صغيره بالفيسبا بتاعتى اثرت على التراكيب العليا للاوساط الدماغيه المتليفه فى منتصف الاوجعانى نتج عنها
خبطه فى الكوع
وكف اليد
وتربنه فى الدماغ
التربنه دى بقى هى السبب فى الشويه الجد دول
عموما
ونحن فى شهر رمضان المبارك
وهو شهر الخير
ارجو ان تتحدوا سويا اولاد الرايق
وتحطوا ايديكم فى ايد بعض
علشان تعالجوا ابوكم
ولا اقولكم
هاتوا انتوا الفلوس وانا اتعالج براحتى
مطلوب فورا
وحالا
وعلى وجه السرعه
مبلغ 200 الف دورر
تطلعوا تنزلوا تجمعوهم
انا ماليش دعوه
انا خلفت
وربيت
وكبرت
وعلمت الشحاته والنشل واللف بالجردل
وفى الاخر
لازم احصد
انا عايز 200 الف دورر
البنت قوس قزح عندها خط بيسبس يعنى متريشه خلوها تدفع 100 الف لوحدها
والبنت ابى برضه متريشه تدفع 100 الف دورر
اما البنت مفروسه دى بقى مخزناهم بواكى بواكى
تدفع 150 الف دورر
والبنت كاميليا عايشه فى الخارج يعنى متريشه تدفع 150 الف دورر
والطائر الحزين فاتح محلات فوانيس يعنى متريش يدفع 100 الف دورر
اما بقى خالد
همس الاحباب
بيتاجر فى النمل يعنى متريش على الاخر
يدفع 175 الف دورر
والواد اسلام غلبان رغم انى محضر له مقلب هيوديه فى ابو زعبل لكن حرام سيبوه ميدفعشى حاجه
وحنين القلب سمعت انها مشتريه البحر الابيض المتوسط ومأجراه للاسكندريه كلها
وبتلم الايجار كل شهر من كل الدول اللى بتطل على البحر المتوسط
دى بقى متريشه قوى
تدفع 180 الف دورر
وباقى الاولاد معفيين من الدفع حتى اشعار اخر
يبقى كده لو لمينا المبلغ كله
هيبقى عندنا 200 الف دورر
وحسنه قليله تمنع بلاوى كتيره
وكل رمضان وانتم طيبين

عبده الرايق يقول...

Doba
والله يا هبه ياختى مش فاضى بتيتا
وخصوصا البوست اليومى بتاع رمضان ده
مش مخلينى افضى
لكن
طبعا مدونتى برضه ليها عليا حق
باذن الله هتابع فيها بعد رمضان
وشكرا
شكرا
شكرا
شكرا
على اهتمامك

محمد يقول...

فين البوست بتاع النهارده
مرفق طيه
2مليون دولار
على الاقل أنتا أحق بيهم

ojg يقول...

بس بس ماتفكرونيش
فين فوانيس زمااااان
شمعة وازاز ومابتطلعش صوت واحنا اللي بنغنيلها
طيب اقولكو حاجه ومحدش يتريق عليا؟؟
وانا صغيرة في رمضان كنت لازمن ولابد ادخل بسرعه الاوضه بعد الفطار واضلم النور وانور الفانوس بتاعي وبعد ما اقول كل الاغاني بتاعت رمضان وحالو يا حالو افتح الباب وانا مبسووووووطة وسعيده جدا
مش دلوقتي تنزل تجيب فوانيس تلاقي الفانوس مش فانوس خالص
مركب وحصان وبطوط وميكي
ولا الفانوس التوك توك
ياربنا
بجد يعني غزو
الصينيون قادمووووون
:(