الأحد، سبتمبر 07، 2008

شوفولي سكينة او اي حاجة بسن

يا ولاد احنا بكرة معزومين عند عمتكم علي الفطار
وبتقول هتجيبلنا حاجة بنحبها
ويل يا ويل ويل يا ويل
يا تري عمتو بقه هتعملنا ايه
يا حلاوة يا ولاد يا تري هتجيبلنا فراخ مشوية وكفته من الراجل اللى فاتح تحت العمارة
ولا هتعمل محمر ومشمر وحركات وشقلبزنات
يا حلاوتك يا عمتو يا برنز يا حلاوتك وانت بتفنن وتهندز
***********
هاه يا عمتو عملالنا ايه انشاء الله النهاردة بقه احنا علي لحم بطننا من بتاع تلتاشر ظباطة
موفجأوة يا ولاود
الله...يا حلولي....يا طعامتك وانت بتدلع يا برنز

***********
فات بتاع اربعين فرسخ ولسة الاذان مأذنش
وريحة الجرع بتاع الفراخ المشوية والكفتة تعبتلي الرييش والامعاء
انتي يا ست ياللى اسمك عمتو انتي ....انتي عملالنا ايه بقه اخلصي انا تعبت
موفجأوة يا ولاود
صبرني يا رب....بس اكيد مفاجأة صاروخ ارض جو
طالما عمتو بتضم شفايفها كده وبتدلع يبقه خير اكيد
وحتما ولازمن ولابد وايز ربما الاكله افرنجي

***************
فات كتير اوي
اوي يا رداله وربنا
و لسة هقوم اشوف سكينة ولا اي حاجة بسن
متخفوش مش هقتل عمتي
حرام احنا في رمضان
لا انا كنت هموت غربان بطني اللى عماله تجعر وتهاتي وتويك وتجاي
لقيت المدفع بيتفنجر
احمدك يا رحيم
بس هو فين السفرة يعني والفرش والناس اللى بتجري والناس اللى بتيجي والمعالق اللى بتترصص و
العصير اللى بيتصبصب و الحركات دي
هما العالم اهلي دول ساكتين ليه؟
محدش بيعبر عن نفسه ليه؟
هي عمتي دي مسكالهم ذلة ولا ايه؟
ولا تكونش دي مش عمتي اصلا وفى مؤامرة هتتنصب النهاردة؟
الاذان اذن بصراحة
لقيت جوزها دخل المطبخ
قلت يبقه اكيد الراجل الطيب الخدوم الكومل ده بيجيب الاكل
لقيته خارج وقافل ايده علي حاجة ومتبت
طب ايه طيب؟
هو الجرع ده هيفطرنا حب العزيز ولا براغيت الست ولا ايه؟
ولا يكونش الجرع متبت علي مطوة قرن غزال وناوي يغزغزنا كلنا ويسرق دهبنا
مين دول يا جدعان؟
الجدع جوز عمتو ادانا كل واحد تلت بلحات في ايدنا
وكان ناقص يقولنا كده بصوت واطي فى ودننا
خدوا خدوا كلوا وانبسطوا ومتقولوش لحد
كله هياكل وكله هينبسط
صعبت عليا روحي اوي وقررت اكل البلح وانا ساكتة واعمل نفسي اصلا ان اكلتي المفضلة هي البلح
واني مش باكل غيره اصلا اصلا اساسا
حلو البلح اوي ومغذي وفيه فيتامين فلزات البريلليليوم
واوكسيد الفوسفات
انا اصلا عيشة عليه من زمان
ما تجوموا بينا نمشي
ونتبرا كلنا من عمتي دي

لقيتهم بيفرشوا المصليات ونويين نصلي المغرب وبالمرة العشا والتراويح
صليت معاهم ...مهو انا خلاص...صراحة البلح انتخني...وانا اللى استاهل....انا مخرجش من بيتي تاني
ابدا
خلصنا الصلاه ولقيت بقه الشغل ابتدا
صراحة ظلمتك يا عمتو
انا وحشة
انا كوخة
انا اوع وايع واع
الناس الحلوة بتحضر السفرة اهه
سامحني يا رب سامحني
متسرعة كده انا علطول
وماله لما نصلي الاول ونحمد ربنا وندعي
هو ده الصح
كتني دهية

تعالوا يا حلوين يلا الاكل جاهز
يطعمك ما يحرمك يا عمتو
اللهي وانتي جاهي ........
ولسة مكملتش
الاقي الوليمة المتينة
واسرتي كلها في اشكاح وزقتططة
يا اندال
طب ليه
طب ليه طيب؟
الوليمة المريعة اللى كانت مفخرة لبقية الاسرة الكريمة كانت
ان ان ان ائا
كرشة وفشة وسجق ولحمة راس وممبار والحجات الاوع دي
حلاوتك يا برنز
شوفولي سكينة او اي حاجة بسن طيب
وحياه ابوكوا بسرعة في حد هيتشق النهاردة ويتعمل لحمة راس
كل سنة وانتوا طيبين وفى بيوتكم فطرانين
وبعد الاذان مصليين
كانت معكم مها زين

هناك 32 تعليقًا:

قوس قزح يقول...

ويل ياويل
اول تعليق
هههههههههههه



ييييييييييع
دى تلاقى ريحة البيت كانت تخنق
الله كان فى عونكم

morsy يقول...

ههههههههههههههههههههههههههههههههههههههههههههههههههههههههههههههههههههههه
يعني مسكينة يامها انا عارف انك مش بتكلي النوع ده من الاكل أقولك كفاية عليكي البلح عشان تحافظي على 50 ك
ياريت تقدي رمضان ده عند عمتو

مواطن مصرى نايم يقول...

هههههههههههههههههههههههههه
هههههههههههههههههههههههههه
الدايت فالحالات دى بيبقى احسن
و انا عامل دايت
هههههههههه
بوست مشكلة

تحياتى

اسلام

kemo يقول...

مش عارف اقولك ايه لو كنت مكانك كنت فكرت نفس تفكيرك
بس كنت كمان سالت عمتى هو الاكل النهارده ايه؟ لحد معرف منها نظام الاكل عندهم
بس بصراحه موقف جامد تسلم ايدك

الدفاع يقول...

لا بجد مفاجأه ونعم المفاجأت
كل عزومه وانتى طيبه

محمد يقول...

كرشة وفشة وسجق ولحمة راس وممبار
مفيش كوارع بتلو ولا كندوز
مفيش لسان
مفيش سلاطة
ضحكوا عليكى
الحمد لله أنهم ما جعوش وأكلوكى
جت سليمه
كل عزومه بعد كده لازم تعرفى عملين أيه
حرس ولا تخونش
رمضان كريم ياست الكل
مها هانم زين

غير معرف يقول...

نبيلة
ـــــ

تصدقي بالله انا لو منك اغيظهم واكل لا واكل بفترا وابقي مزقططه اوي بالبلح ويااااااااه وتعيشي كده اللحظه ... الله بقي لو عزمتوهم عندكو في البيت وتوريهم ياموها الشغل علي حق وتخليهم يطلبوا من ربنا ان شاالله شويه فول بقشره ... عرفيني انهيه واحده من عماتك دي

غير معرف يقول...

نبيلة
ـــــ

ياخوفي من عزومتك لينا اوعي يامها وربنا افضحك في الحته عندكو وانتي عرفاني ساعه الجد ببقي وحش وميهنيش لقد اعذر من انذر

وخدي بالك انا معايا هبه دي كفايه عليكي

kemo يقول...

الله الله انتى يا نبيله معزومه عند مها
ابقى افتكرينا باى حاجه وانت بتكلى

maha zein يقول...

في ايه انتوا جيتوا ولا ايه
جيتوا

maha zein يقول...

نبيلة وكيمة ومرسي
انتوا هنا يا غاليين
شفتوا اللى جرا
يا غلبي
الحقيني يا نبيلة بجد
الحقوني

maha zein يقول...

وقال ايه
عمتو بتتصل بينا السنة دي عشان نروح نفطر تاني
دي شغلانة بيني
ما خلاص بقه
هما فكرني هفء

maha zein يقول...

نداء الى نبيلة هانم
حالا بالا
عوزاكي يا ست انتي علي الماسنجر
بسرعة
بقه
كتك دهية

زرابيح أبو الليل يقول...

أووووووووووووعععع....حععععععععععععععع
كح كح كح عطسسسسسسسسسسسسس
كخخخخخخخخخخخ
ماعلش كنت برجع من الأكل ده
كويس إنك عرفتي تكتبي البوست واتفضل في دماغك حاجة بتفكر


هي صحيح عمتك شغالة ايه....؟؟؟
وهي كل العمات كده ...أصل عمتي بتفكر تعزمنا ..عشان اخد قرار من دلوقتي وما انخدعش في شويه تمر

maha zein يقول...

جري ايه يا عم زرابيح الليل
ايه يعني يا جرع
ينفع كده يعني
تدخل ترجع عندنا
في بوستي كمان
ينفع
لا يا عم
ازعل
والله
عموما
انا اسرتي بتبح الاكلة دي
انت مالك بقه يا عم
وبعدين عمتو مش شغالة
وبعدين دي كده كانها عملت لينا كنز يا جرع
تصدق عيب
بقولك ايه
فى ناس غيرك وغيري بيحبوا الاكل ده
وبعدين اللى يستغربك يا جدع
ان كل اللى بياكل الاكل ده
داخل يجاملني ويقولي يع واوع
مع انهم بياكلوه
شوف يا عم
والله الناس دي
عجايب
بقولك ايه
انت معزوم عند عمتك
طيب خلي بالك
املا جيبك بقه تمر
لحسن تروح هناك لا تلاقي لا تمر ولا كوارع اصلا
يلا يا عم
روح رجع بعيد يا برنز

kemo يقول...

النبى صلى الله عليه وسلم كان يفطر رمضان على تمر

عبده الرايق يقول...

هيييييييييييييييه
اول تعليق
جامده اوى يا مها
تسلم ايديكى
عايز بقى جايزه اول تعليق
انا راضى باى حاجه
انشاله 20 الف دورر

غير معرف يقول...

ربنا يرحمك يا عمتى ياريت ربنا يرزقنى بفطار فاخر زى ده واللة يكون يوم المنى فشه وكرشة وممبار وشوية لحمة راس عجالى بالدمعة مع شوية طرشى عجب عجب عجب

M.K يقول...

ههههههههههه
تعيشي وتفطري زي فطور عمتك طبق الأصل
اسلوبك ما شاء الله رائع
دمتم بخير

الطائر الحزين يقول...

من هنا ننادى ان اى احد يروح يتعزم فى اى مكان حتى ولو كان من المقربين له يأخذ معه سندوتشات احتياطى

===========
وبعدين مالها الفشة والكرشة والممبار ولحمة الراس
هو حد لاقى

The Führer يقول...

انا وحش
انا كوخ
انا اوع وايع واع
متأسف جدا جدا يا مها والله بس كانت ظروف قهرية تتعلق بالمهنة واتصالات نص الليل منعتني من التواجد في المعاد المحدد.وأرجومن سيادتكم قبول اعتذاري المسبب أعلاه.

نرجع بقا للبوست ، والله حلو أوي أوي وأحلي ما فيه هو عنصر التشويق اللي خلاني أتلهف علي معرفة المفاجأة بتاعت عمتك .

بس معرفتش إنتي أكلتي معاهم ولا لأ؟
باين عليكي اتزغطت معاهم يا جميل . وصراحة أنا بأؤمن بالمثل الحلو اللي بيقول"الجوع بوذي" إيه؟؟علي صوتك مش سامع؟؟؟ آه سوري قصدي "الجوع كافر".

ثم إن نقبك طلع علي شونة ، حاكم أخوكي رامي طوبة القرف من زمان .
كل حاجة في الدنيا عندك مش عادية أنا باحسها عادية . واحد بياكل دود..عادي....واحدة بتاكل صراصير...عادي....واحد بياكل ....ولا بلاش كفاية عليكي كدة لترجعي في وشي.لول

طيب انتي مكملتيش الحكاية وقولتيلنا أكلتي إيه؟ أو مكلتيش خالص؟ علشان جميع خيوط القصة تكتمل!!

أموت وأعرف إيه اللي محبب الشعب المصري في الفشة بالذات ،دة حتي شكلها مش مشجع بتاتا ، و كمان لونها أخضر.وآه لو تشوفيهم قبل التنظيف. يع

وكمان المصارين أو الممبار !! هما مش عارفين إيه اللي كان بيتخمر جواهم ؟؟!!!

منتحرمش من بوستاتك وفششك وممبارك وكلاويك يا مها وعقبال عزومة شوربة الضوافر والجلد والقرون وشعر الديل!!!

أسف مرة تانية ع التأخير
رمضااااان كرييييييم

صباح الصباح يقول...

اللة
ممباااااااااار
حرام عليكى يا مها طب مش كنتى تاخدى اخوكى معاكى
دانا باموت فية

مقاطعـــــــــــــون يقول...

http://mokat3een.blogspot.com/
شارك حمله مقاطعون نحن نرفض اى قرش يدفعه العرب للتتربح من ورائه اسرائيل وغيرها رافعه شعار ان العرب يستفيدون من وراء شركاتهم ولا تتسببوا فى قطع ارزاق الناس انهم يضغطون علينا بلقمه خبز
فسحقا لاى لقمه تاتينا منهم فى مقابلها الاف يموتون من اموالنا شارك ولا تتردد
وجزاكم الله كل خير

Human Ash يقول...

مها ..

موقف لظيظ ( لذيذ ) ..

انشاء الله تُكتب هكذا .. إن شاء الله .. وشتان بين إنشاء وإن شاء ..

والبلح لا يحتوي .. ع فنتازيا المركبات الكيميائية .. !
بل .. ( كالسيوم - كبريت - حديد - فوسفور - .. )

الأدب الساخر .. له أنماط وأساليب .. وليس مجرد كلمات فكاهيه ..

سؤال : هذا الموقف حَدث بالفعل .. أم مجرد خيال يوتوبي .. ؟

جـ / مجرد خيال .. هاهاهاهاها

دمتِ بكل ود ..

Human Ash يقول...

بمناسبة السكين .. !

غَصّهْ ..

جائني باسطٌ يديه .. بسكينٌ مسموم .. وتقدّم إليَّ .. واخترق صدري بهدوء .. وضَحكَ وتولىَ .. وأعطاني ظهرهُ ..

أَوشكْ إن يُغرقني بالدمـاء .. وألتفت العيون حوليّ .. وبدأت الضحكات تتعالى .. وبدأت أنظر لفتحة صدري المثقوبة .. ولم اجد شيئاً .. !
ولم اجد شيئاً .. !
ولم اجد شيئاً .. !

Human Ash
8/9/08

maha zein يقول...

عمنا وعم العيال الملقب ب Human Ash


تحية طيبة وبعد
واما بعد
بص يا اخويا الفاضل
بردو مش عوزة ازعلك
ولا يرضيني زعلك علي فكرة
بص يا سيدي
قلي انت عاوز ايه
واديني الحل
وكفاية ثرثرة
واسترسال
علي فكرة عمر النصيحة ما كانت كده خالص
انا في انتظار بردو انك تقولي السيادة عوزة ايه
وانا تحت امر السيادة علي فكرة
لا بجد

وعلي فكرة
هو صح بردو انك تسال السؤال وتجاوب عليه
طيب فين يا اخي حرية الراى والراى الاخر
وانا لو انت وجهتلي السؤال
كنت هجاوب غيرك
كنت هقولك موقف حقيقي وبجد
واي موقف انا بحكيه بيكون جد وحق وحقيقي ومش كده وكده
عموما
انا شكيت للحظة انك انت اللى كاتب القصة
بس عادي
كلنا اخوات
مش ازمة خالص علي فكرة
انا هنتظر بقه ردك
عشان انا فعلا عوزة يعني ارضيك
وببعد كده بدل ما تدخل تعلق عشان تحاول تستفزني او تتريق
انا عوزة اكتب حاجة تعجبك وتتدخل تقولي برافو
يلا يا عم كل سنة وانت طيب

maha zein يقول...

وعلي فكرة نسيت اقولك يا هيومن اش
انا عرفة انت مين
صضقني عرفة
اه بجد وحياتك عرفة
حتي لو بقه اسمك هيمان اش عرفة بردو

كاميليا يقول...

هههههههههههه

حلوة اوى كلمة مفاجأوة دى

انا معاكى .. فعلا كفاية البلح
بس يتاكل بعيد عن السفرة
ههههههههه

ضحكت من قلبى
اسلوبك رائع وكلماتك أروع

كل عام وانتى بكل الخير والسعادة والرضا

تحياتى وحبى

MaGn0liA... يقول...

هههههههه

كرشه و حاجات غريبه

اهههههه يا بطنى

دمها خفيف اوى

عيون تدمع يقول...

ههههههههههههههههههه
حلوة اوي تسلم ايدك
وكل سنة وانتم طيبين

Human Ash يقول...

عزيزتي مها ..

هذه نصيحة وليست فضيحة .. لأن شتان بينهما .. ولكن يا عزيزتي كيف أوجه النصيحة .. إليكِ وليس هناك أي منفذ .. غير انني أتكلم ع الملأ ..

واقسم لكِ بالله .. أنني لا اعرفك من قريب أو من بعيد .. ولكن أدرت أن أوضح خطأ ليس إلا ..

ألتمس منكِ الأسف .. إن أخطأت فيكِ أو لشخصك .. ولكن يا عزيزتي هناك نقد .. بنّاءْ ونقد هدّامْ .. وليس شرطاً .. إن أشكرك دون التعبير عن رأيي .. ووجهت نقديّ وعرضت الخطأ والصواب .. ولم أقتصر ع تفتيت الموضوع ..

يا عزتزتي ما دمتِ تَكتبي .. تستطيعي الأجابة .. !

وحشاه لله .. إن كنت أدخل لأستفزازك .. أو التقليل منكِ .. يَعلم الله ما في نفسيّ ..

وأعتبري هذا التعليق .. هو آخر تعليق ..

دمتِ بكل ود وتقدير وأحترام ..

خارج النص : 9/9/08

أَشعر بدبيب ف رأسي .. أَشعر بتقرّح ف خلايا عقلي .. أناملي لا تطاوعني .. وعيناي تؤلمني بشراهة .. آآآهٍ ..

تقبل تعليقي الأخيـر .. وليس ف نفسيَّ شيئاً منكِ .. وما جعلني أدخل هنا .. هي الصدفة البحتة ..

أشكرك من نياط قلبي ..

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................