الثلاثاء، سبتمبر 16، 2008

حسنه قليله

اخوانى الاعزاء
كل سنه وانتم طيبين
رمضان شهر الخير
لكن فى ناس بتستغل الخير ده اسوء استغلال
كاميرا الرايق رصدت هذا الحوار
*******
شحات 1 :- ايوه يا عم رمضان جه وهترخ على دماغك الجنود رخ
شحات 2 :- قل اعوذ برب الفلق ..طيب ما الحال من بعضه وانت بتتنغنغ على الاخر فى رمضان والسنه اللى فاتت اشتريت حته ارض تانيه ...بقى عندك دلوقتى ...خمس حتت
شحات 1 :- خمسه وخميسه فى وشك وفى عينك ومناخيرك وكلاويك من جوه ...وبعدين انا عندى اراضى ...الهم والباقى عليك انت وولادك عندكم اربع عماير كل عماره تنطح عماره
شحات 2 :- يعنى هو احنا بنشحت ....ده واجب ولازم الناس تدفعه فى رمضان ...وحسنه قليله تمنع مسلسلات كتيره
شحات 1 :- الا قولى انت مأجر كام عيل السنه دى
شحات 2 :- يادى النق الدكر ....انا هالبسهم كلهم ازرق زى ترس السويس ....علشان يمنعوا العين ...يلا بقى سلام عندى مشوار للبنك

هناك 33 تعليقًا:

Mafrousa يقول...

ههههههههههههههههه
بزمتك ده حوار رصدته؟؟؟؟؟
بزمتك؟؟؟؟
يعنى ده مش انت مع واحد صحبك؟؟؟؟!!!!!
ههههههههههههههههههههههههههه

مهرة سالم يقول...

هههههههههههه
ممكن أنظم للفريق الأزرق بعد ازنك ...
أهو نتسلى ونكسب قرشين(عمارتين)...
ينوبك فيا ثواب...
وزي ما قلت احنى مش بنشحت الناس هي الي بتحب توزع فلوسها بس في رمضان..

ojg يقول...

بفكر جديا أأجر رصيف وأنزل شغل من بكرة
الشغل اليومين دول فلة
واللي بيسعى بيلاقي
وربنا يجعل بيت المحسنين عمار
حسنة قليله تمنع بلاوي خطيرة
:))
يعني ماحدش فيكو طلعلي حاجه يا بهوات
هو انا بشحت؟؟
:))
ياريت يبطلوا والله
لحسن بجد مناظر توجع القلب
ربنا يصلح حال الجميع

رندا يقول...

هههههههههههه

طيب هو مش معاة العدة
ورق مناديل للبيع
مقشة شايلها زى نظام خلى السلاح صاحى
عادى بجاحة وشحاتة كمان
اقولك
وراة على البنك نرصد حركاتة ههههههه

ونعمل علية سطو مسلح بالمقشات

اة والله يارايق
شكلهم غريب مش فاهمة بجد عمالين ينظموا مرور اية دة
طيب ينظموا الشحاتين
كل شحات فى مكان ويدوا اشارة قبل لما يمدوا اديهم
والى مش بيربط عنية زى حزام الامان ياخد مخالفة ههههههه

رندا

رندا يقول...

صحيح يارايق

هو عنوان البنك اية اوعى يكون بنك السعادة ونجرج فية ههههههه
ماهو حظنا معروف يابوص

اصلى لاقيت الشحات بيقول ان عندك عمارات
قلت اكيد فى بنك الحظ او السعادة

رندا

غير معرف يقول...

ههههههههههههههههههههههه
قشطة
انا حروح كدة أقعد على ناصية الشارع بتاعنا و أعور نفسى و البس مقطع
و آخر الشهر آجى أشترى 5 فيلل و 5 عربيات و 5 شاليهات فى مارينا

غير معرف يقول...

ياسيد رايق واضح انك بتنق على اصحاب الفلوس...وانا لو منك احمد ربنا على الفلس...ماشفتش الفلوس ووهم قوة الفلوس وانها ممكن تشترى اى حاجه عملت ايه فى مسلسل سوزان تميم اللى غطى على كل المسلسلات؟خصوصا وانك ياولداه معندكش قريب من بيتكم لجنة سياسات ولا اصحاب وشركاء عندهم نفوذ يطلعوك زى الشعره من العجين...فاحمد ربك على اللى انت فيه...وسيبنا احنا نسترزق

Doba يقول...

بجد حاجة تحزن
الواحد مبقاش قادر يميز ما بين اللى يستحق عن جد واللى بيدعى الاستعباط

عندنا جنب المترو كمية ناس واقفين
وألذ حاجة انهم لما ييجو يترستأو بيبقو بيمشو زى الفل وممكن يتخانقو مع بعض عالسبوبة

والمحتاج اللى فعلا محتاج بقى من الصعب جدا انك توصله وربنا يتقبل فى النهاية
=================
ممكن لو سمحت أعمل حساب جارى فى البنك ده ونحول كل الأرصدة لسويسرا

إلا ايه ترس السويس الأزرق ده؟

صباح الخيرات مسيو رايق
تحياتى
هبة

اسكندراني اوي يقول...

هههههههههههههههه
ان شاء الله تمنع بلاوي كتييييره

همس الاحباب يقول...

ههههههههههه
بصراحة انا مع مفرووسة
انت انه فيهم بالظبط
صاحب العمارات ولا صاحب الاراضى
وبعدين يا عم انت مسرحنا كلنا فى الاشارات وبنلم شىء وشويات
وهنيالك يا فاعل الخير والثواب
وحسنة قليلة تمنع بلاوى كتيرة
بصراحة كده ناوى اقعد قدام جامع كبير كده يكون فى ميدان الاربعين
نلم قرشين نعوض خسارتنا فى صفقة النمل
هههههههه
تحياتى

غروب يقول...

هههههههههههههههه مش ممكن هو ده حوار بجد

بس جايز والله حصوصا ان الشحاته بقي ليها اشكال متنوعه وبقت ماش اء الله تخصصات

المفروض يتعمل ليهم نقابه وتسمى نقابه الشحاتين


وانا ممكن اتنازل واشرف عليها واهو ممكن اخد من الحب (جانب) عماره ولا حاجه

ههههههه

البوست حلو والحوار جميل

بااااااى

صبرني يارب يقول...

تصدق يا رايق انا لما بقيت انزل الشارع دلوقتي اعصابي بتتعب من كتر الى ماشيين يشحتوا
لا خد عندك دي بقى

رضا بيقولي ان فى وفد من الشحاتين بينزلوا وسط البلد هنا فى المنصوره ويلفوا على التجار فى المحلات على مجموعات كبيره يعنى عشرين تلاتين كده كل مجموعه وده كل خميس عاملين لكل مكان تجمع لتجار جمله وكده يوم
وكل تاجر يديهم فلوس لدرجة ان واحد بيقول لرضا والله بتاع 200 جنيه على الاقل كل خميس بياخدوهم .

رضا بقى قال لااا كلا البت انا مش ممكن اساعدهم على الانتخه والاستهبال وكمان يفرضوا جبايه على الخلق الشقيانه .
وطلع قرار صارم انه ما يديش حاجه لحد من المتسولين اطلااااااقا
وانا رايي ان احنا مشاركين فى تواجدهم طبعا

عبده الرايق يقول...

هييييييييييييييييه
اول تعليق الحمد لله
احجز وارجع اعلق

عبده الرايق يقول...

ههههههههه
ده طلع البوست بتاعى
ايييييييييييه
من كتر البوستات اللى الواحد بيشحتها فى رمضان من خلق الله مبقتش اعرف اركز
بوست قليل يمنه بلاوى كتير

عبده الرايق يقول...

واحدة مفروسة
انتى عرفتينى يا مفرووووووووووووسه
يا للهول
يا مطبات الهواء
يا حجر المقطم
انا كنت بحسب نفسى متخفى
طالما اتعرفت بقى
يلا فكى الشاش اللى على دراعك ورجلك وتعالى ندور على حته تانيه نشحت فيها

عبده الرايق يقول...

M.K
ممكن طبعا تنضمى للفريق الازرق انتى عندك مؤهلات شحاتيه قويه
وايديكى فيها سحر شحاتى جامد جدا
تعالى انضمى للفريق علشان نطلعلك الكارنيه

عبده الرايق يقول...

ojg
هههههههههههههههه
هههههههههههههههه
هههههههههههههههه
انتى يابنتى جيتى غلط
بقى بذمتك جايه تشحتى فى مدونه الضاحكون؟
هههههههههههههه
احنا يابنتى اساسا كلنا عندنا ميول بالفطره للشحاته
لا وايه كلنا محترفين

عبده الرايق يقول...

راندا
هههههههههههه
هى فكره برضه نجرى وراه للبنك
بس ده شحات محترف اكتر مننا احنا لسه هواه
ممكن نرجع نلاقى نفسنا اديناله كل فلوسنا

عبده الرايق يقول...

راندا
انا عندى عمارات
نو
نو
نو
انا عندى متاحف ملاعب كره ملاعب جولف اوبراهات ميادين
لكن عمارات
نو
نو
نو

عبده الرايق يقول...

انا ودماغي
ههههههههههههه
اللبس وحده لايكفى
حاليا بكل دور العرض فيلم الموسم
هههههههههه
لازم مع اللبس مؤهلات الشحاته
انا او اى عضو فى عائله الرايق على اتم استعداد لتعليمك هذا الفن الراقى

عبده الرايق يقول...

ياسيد راااااااااااااايق
هههههههههههه
باين عليك صديق صدوق
مع انى مش عارف مين حكيم الزمان
الا انك حكيم بجد

عبده الرايق يقول...

Doba
طبعا انتى سالتى سؤال والرايق بقى هيبين العلم والدكتوروهات بتاعته فى فن الاجابه
شوفى ياستى
الترس هو شعار السويس
او علم السويس
لان السويس مدينه صناعيه
واللون الازرق لان السويس مدينه ساحليه والشعله رمز البترول
بس
اوعى
قوم بقى
بقولك قوم احسن لك
لا انا كنت بكلم الرايق الصغير اصله خد منى 10 جند علشان يكتب الاجابه دى على سؤالك
الحمد لله كتب اللى كتبه ومشى
انا بقى موجود
ايه بقى سؤالك يا هبه ؟؟؟؟

عبده الرايق يقول...

اسكندراني اوي
باين من الكلام ان دى زياره من غير دفع

عبده الرايق يقول...

همس الاحباب
برضه كده ياخالد
تيجى منك انت والمفعوصه مفروسه
استنى
بس
سكووووووووووووووووووووووووت
المفعوصه مفروسه
هيييييييييييييييه
ينفع مطلع اغنيه

عبده الرايق يقول...

saso
اه ممكن من الحب جانب عماره او اتنين مفيش مانع
انما النقابه
نو
نو
نو
انا لازم اكون رئيس مجلس اداره المقابه
انا خير من يكون المقيب
لامقيب الا الرايق

عبده الرايق يقول...

فعلا يا صبرنى يارب يابنتى
كل مكان اصبح منتجع للشحاتين
بس استنى
انتى من المنصوره ؟؟؟؟؟؟؟؟
على كده بقى تعرفى ام احمد ؟؟؟؟؟؟؟؟

غير معرف يقول...

هههههههههههههههههههههههه


يا لهوووووووووى

هههههههههههه


ساقيه الصاوى كانت عامله شعار اعط المحتاج و لا تعطى المحتال


بس كوميديه جدااااا

حنين القلب يقول...

والله يا روقه عندك حق دول بقوا كتير اوى بين كل متر ومتر 3 شحاتين ويا لهوى لو اديت واحد ومش اديت التانين تلاقى واحد بيدعيلك و17 بيدعوا عليك ويأمنوا فى نفس الوقت علشان الدعوة تستجيب يعنى رايح فى داهيه رايح مش فيها كلام
بابتى سؤال والنبى
انت عندك كام عمارة لحد دلوقتى
تسلم ايدك يا روقه

صبرني يارب يقول...

أم احمد مين يا رايق ؟؟

عبده الرايق يقول...

MaGn0liA
هو احسن شعار اعطى الرايق ولا تعطى الفايق

عبده الرايق يقول...

حنين القلب
كاااااااااااااام عماره
انا الرايق
انا مش بتاع عماير
هههههههههههه
اقرىء ردى على رندا وانتى تعرفى

عبده الرايق يقول...

صبرنى يارب
ام احمد
يبقى انتى من المنصوره ومتعرفيش ام احمد
نو
نو
نو
ام احمد مرات عم الرايق
عايشه فى المنصوره
يبقى انتى بقى مش من المنصوره

صبرني يارب يقول...

فى حاجه فايتاني شكلي

هادور على ام احمد بقى واقولك