الجمعة، سبتمبر 05، 2008

النظره الاولى لك

حسان :- نهاره اشطه واتنين فل وياسمين يا ارض احفظى ماعليكى

حسن :- ايه يا حسان رمضان كريم يا راجل انت مش صايم ولا ايه ؟؟

حسان :- طبعا صايم يا اخى بس النظره الاولى لك ...و بعدين دى موزه ولا بتوع السيما .. ايه الجمال والحلاوه دى ..انا غلطان انى اتجوزت ابن عمى ...كانت عينى فين من الحلاوه دى كلها كنت حاطط فيهم ششم .. ولا كنت مركب جوز كشافات صينى !!!

حسن :- حرام عليك يا حسان اتقى الله ... ده حرام ..وبعدين احنا فى شهر فضيل يا راجل وانت صايم

حسان :- انا مش قلتلك النظره الاولى لك ...طيب لسه النظره الاولى مخلصتشى ...لما انزل عينى تبقى خلاص فنيتو

حسن :- يعنى عينك خرمت جسم البنيه بقالك خمس دقايق وتقولى نظره اولى ...هى اولى ثانوى ولا ايه ؟؟ حاسب يا حسااااااااااااااااااااان حاسب العربيه كانت هدوسك وانت ماشى هيمان مش واخد بالك

حسان :- كده ضيعت عليا النظره الاولى !!!!!!

حسن :- اولى مين يا حسان العربيه كانت هتدوسك

حسان :- برضه ضيعت عليا النظره الاولى .. يلا تفرج بمزه غيرها

هناك 18 تعليقًا:

كـــيــــــــارا يقول...

تفرج بمزه غيرها

هههههههههه ده حتي في شهر كريم
بس حلوه اوي ان النظره الاولي خمس دقايق

مع ان معلوماتي علي حد علمي يعني ان النظره الاولي مجرد انك تعرف الشخص بنت ولا ولد وبتكون لمحه خاطفه متذكرش

بس في كتيييييييير كده
بوست جميل اوي وهادف جدا

kochia يقول...

النظرة الاولي لك
ده في رمضان بس ؟
والايام العادية بتبقي كام نظرة ؟؟

يلا
علي رايه
دلوقتي تفرج بغيرها

والله المشاهد اللي بتقولوها دي جميلة اوي
الغريبة انها بتحصل
والاغرب ان الناس بتناقشها وبتعترض عليها
وبتعملها برده

اللهم اني صائم

احمد اشرف يقول...

هههههههههه
حلوه نظره خمس دقائق طب واللى نظره سته على سته يبقه كام دقيقه
هههههههههههههههه
على فكره انا بقابل ناس زى حسان وبحاول انصحهم ولكن لا حياة لمن تنادى

maha zein يقول...

شوف الراجل الناقص بتاع المزز
يا ناقص
قال موزة قال
يا غلبي من صنف الرجاله الانوي النادر ده
اوع
بوست فعلا بيبين افعال الرجاله والشباب التافه الناقص في رمضانو وغير رمضان
يللا ربنا يرحمنا برحمته بقه من انسان الغاب طويل الناب

عبده الرايق يقول...

كيارا
وانا برضه كانت معلوماتى زيك بالظبط
لكن عمنا حسان قلب كل الموازين
شكرا على تشريفك

عبده الرايق يقول...

kochia
يا 50 الف مراحب ببنت مدينتى الباسله
فعلا بنناقش قضايا وفى الاخر بنعملها احنا برضه
المهم ان الواحد يناقش القضيه مع نفسه ويقتنع بيها اولا حتى يستطيع ان يبتعد عنها
كل سنه وانتى طيبه يا كوشيا

عبده الرايق يقول...

احمد اشرف
اظن ان اللى نظره سته على سته
هيعرف ان النظره الاولى زى الاخيره
ولا انت مش معايا ؟؟؟؟؟؟؟

عبده الرايق يقول...

maha zein
ههههههههههههههه
انسان الغاب طويل الناب
حلوه يا دكتوره
كل سنه وانى طيبه

غير معرف يقول...

هههههههههههههههههه

مش بيبطلوا حتى فى ؤمضان

نظره 5 دقايق

حلوه اوى

دمها خفيف جداااا

ساخره بجد


ربنا يهدى الناس اللى كده


سلامات :)

مدحت محمد يقول...

هههههههههههههههههههههه

اسكندراني اوي يقول...

دول كتااار اوي ما بتفرقش معاهم رمضان من غيره عينيهم تندب فيها رصاصه زي ما بيقولو

son's egypt يقول...

السلام عليكم
النظرة سهم مسموم من سهام ابليس

عبده الرايق يقول...

MaGn0liA
امين يارب
ربنا يهديهم على الناس وعلى نفسهم اولا
شكرا جزيلا على تواجدك

عبده الرايق يقول...

مدحت محمد
طالما ضحكتك
يبقى هتفرج بكام كيلوا سمك معتبرين

عبده الرايق يقول...

اسكندراني اوي
ربنا يهديهم
ويعرفوا ان فى حاجه اسمها شهر مفترج

عبده الرايق يقول...

son's egypt

نعم وما اكثر اتباع ابليس
تحياتى لك

مهرة سالم يقول...

فعلا بوست جميل جدا..
والكثير من الشباب لديهم فكرة النظره الاولى
خمس دقائق اذا لم تدهسم سياره..
وتمتد الى ان تصل البنت الى منزلها..
قال الله تعالى : ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ) الآية (النور:30-31)..

عبده الرايق يقول...

M.K
جزاك الله عنا خيرا
شكرا لتواجدك