الاثنين، سبتمبر 01، 2008

نوم الصايم ....عباده


مفروسة:صباح الخير يا فرنسا ...حتأكلينا إيه اول يوم رمضاااان

فرنسا:صباح !!!!قولى مساء الخير ياختي ناموسيتك كحلى الساعه داخله على 2 و انتى بسلامتك و انتي و اخواتك نايمين؟؟؟!!!

مفروسة: الله..الله مش احنا فى رمضان؟؟!! نوم الصايم عباده و احنا صايمين...

و أصلا اصلا نصحي نعمل ايه هوه الواحد بيبقى قادر ينطق....الصراحه يامه..لازم الحكومه تدي البلد كلها أجازه فى رمضان

فرنسا:يا صلاة النبي ...و مصالح الناس يا مدهولة مين يعملها؟؟؟؟ و ابوكي يقعد على نفسي فى صباح رمضان كله مش كفايه عليا الاجازات الاسبوعيه و الساعتين اللى قيل الفطار؟؟؟!!! ....

مفروسة:سيبك بقى من النوم و الصحيان...قوليلي حتفطرينا إيه؟؟؟؟؟؟؟

فرنسا:عادي شوربه و رز و فراخ و خضار .....و شوية خشاف

مفروسة:::إيه!!!!!إيه؟؟!!......بسسسسسسسسسسسسسسسسس احنا صايمييييييييين.....أأأأأكل أأأأكل...هوه ده أكل...طيب اعملى صنية بطاطس كمان....ولا اقولك,,,,,شوية سامبوسك.....ولا اقولك....حبة كوفته....ولا اقولك...انتي شكلك تعبان ..انا حكلم المطعم يجيب الحاجات ديه دليفري

فرنسا: يا بت اتهدي و اهمدي...ماحدش حياكل كل الاكل ده...ده الصايم يادوب بياكل التمر و الخشاف و خلاص..اسمعى كلامي يا مدهولة

شوفوا البت برضه اتصلت و عملت الاوردر

مفروسة؟: انا حدخل انام بقى لغاية لما التمثليه اللى قبل المدفع تيجي

فرنسا:يابت اقريلك شوية قرآن ربنا يهديكي...و لا انزلى بيعي العرقسوس اللى ابوكي عامله ....

مفروسة:يووووووووووووووووه هو مافيش غيري انا صايمه...حدخل انااام

بووووووووووووووووووووووووووووم

المدفع ياولاد

اللهم اني لك صمت و على رزقك افطرت

مفروسة:الحمد لله شبعت...اقوم الحق التمثليااات

فرنسا: يا نهار ابوكي ملون...انتى يا بت....مأكالتيش ليه يا عين امك الاكل اللى انتى مدفعاني فيه دم قلبي؟؟؟

مفروسة:شبعت

فرنسا....وحياة امك؟؟؟؟؟؟؟؟!!!!!! لما يجي ابوكي يشوفله صرفه معاكي...

ياعني يا ربي هوه رمضان اكل و مسلسلات و بس

حسبنا الله و نعم الوكيل

هناك 18 تعليقًا:

حسن حنفى يقول...

هههههههه

للاسف فيه ناس كتير بتقضي النهار

كله نوم

:(

يارب يهدي الجميع

Mafrousa يقول...

تصدقوا انى مش نمت النهاردة
ناس كتيره بتحس قبل الافطار انها ممكن تاكل خروف
بس اول لما المدفع يضرب و تبدا بالتمر ولا الخشاف و تشرب العصير ولا الشوربه
بتحس انها شبعت......علشان كده فى رمضان بالزات دون عن الايام العاديه التانيه الواحد يحاول يقلل الكميات مش يزودها
ههههههههههههه و كل سنة و انتم طيبين

عبده الرايق يقول...

هههههههههههههههه
حلوه يا مفرووووووووستى
تسلم ايديكى
اما بقى
عن تعليقك
بتقولى خروف وتمر وخشاف وشوربه وعصير
هههههههههههههههههههه
هى لسه الصور دى عندك من السنين اللى فاتت
احنا بنتفرج على صوره الخشاف والتمر بس
لكن ناكله
نو
نو
نو
على بابا يا بنت الرايق

عبده الرايق يقول...

على فكره يا مفروسه
انا سمعت كلامك
ورحت مائده الرحمن
وقلت لهم انا تبع مفروسه هانم وعايز فطار محبش من النوع العالى
اااااااااااااااااااه
واه
واه
واه
ومن حرقه الاه
كمان اهين
فطرت شلاليت وبوانى وضرب روسيات لما قلت اه
كده تعمليها فى بابا

عبده الرايق يقول...

الى اعضاء الفريق
الى زوار المدونه
خدوا بالكم من مفروسه ومقالبها
لاتطمئنوا لمفروسه
فكم من اجساد ضربت بسببها
ودعونا نرفع شعار
لا مفروسه بعد اليوم
لا موائد رحمان بعد اليوم
لا شلاليت بعد اليوم
لا بوانى بعد اليوم
لا ....... بعد اليوم

maiosha يقول...

ههههههههههههههههه
إيه يا مفروسة كل الأكل ده
بقى تطلبى الاكل ده كله دليفرى وفى الاخرتعزمينا على موائد الرحمن
لأ والرايق كمان بيقول عليها مقلب
هههههههههههههههههههه
أنا عايزة كفتة مليش دعوة .. وشوية مكرونة كده على كام صوباع محشى

متتأخريش بقى أنا صاااااااااااااااااااااااااايمة

kochia يقول...

والله البنت عندها حق
ليه كدة مهاجمينها
بس مش عارفة الواحد ليه نفهسه بتقبل بعد الاذان وشوية الشوربة

لكن بيبقي جعان جعان
وهياكل هياكل

علي العموم اخواتها موجودين يبقوا يلموا الباقي يقزقزوه لحد السحور

هو اليومين دول فيهم حاجة تترمي

Mafrousa يقول...

ايه يا روقه انت روحت انهو مائدة رحمن؟؟؟؟
نو نو نو
لازم روحت واحده فى حتة مش ولابد فى السويس
ههههههههههههههه
روح واحده تانيه بكرة
و بلاش تخطف الاكل من الناس الغلابه
هههههههههههههههههه
انا قالولة انك كنت بتخطف اللحمه من الناس
علشان كده اكلت شلاليت
ههههههههههههههههههه
الخشاف
الخشاف
مش ده اللى فيه الاراصيا؟؟!!!
اه و الله باين هوه
هههههههههههههههههه
اصلي مش من هواته
انا من هوات الشوربة
سلام

المـــفـــــــقــــــــوعـــــة مــرارتـهــا يقول...

ماأحلاه النوم بس لو الواحد معزوم برة
عشان هاياكل علي الجاهز بس ستات البيوت اللي ذيينا ياختي لازم يصحصحوا في رمضان عشان يطبخوا
ياسلااااااااام لو نقضي رمضان كله عزايم
ماحدش يعرفلنا حد يعزمنا كل يوم عنده

Empress appy يقول...

الزهق يا بنتى بيعمل اكتر من كده يا مفجوعه يا حبيبتى
النبى ولا اكل ولا مسلسلات انا مش عارفه اصلا انا مالى بكون تايهه كده
كل سنه وانتم جميعا بخير

كلام على بلاطة يقول...

كل عام وانت بخير

كلام على بلاطة يقول...

كل عام وانت بخير

me يقول...

هههههههههههه

دا المشهد اليومى لمحمد اخويا فى بيتنا و والله يضرب المدفع يسيب كله و يمسك فى طبق الفول

اما انا و اختى الموضوع عندنا كله يكمن فى ازازة الميه

اما التليفزيون دا انا ماليش تقل عليه اصلا و مش بحب المسلسلات اساسا

ربنا يتقبل منا و منكم

ربنا يعينك يا فرنسا

و يا مفروسه
ههههههههههه

قوس قزح يقول...

يعنى يا مفروسة انت مقضية رمضان تاكلى همة و تنامى ننة


فى فعلا ناس كتير بتنام طول فترة الصيام و مش بتصحى الا على الادان بتاع المغرب و طبعا ده بيضيع عليه الاحساس بالصيام و الصلوات بتاعت اليوم

ده غير كمان التليفزيون اللى بعد الفطار بيضيع النص التانى من اليوم

ربنا يهدى الناس و تفهم يعنى ايه صيام

بوست جميل يا مفروسة

عبده الرايق يقول...

طيب يا مفروسه لما نشوف اخرتها معاكى
انهارده هاروح مائده تانيه
وهاقول برضه كلمه السر مفروسه
وربنا يستر
الواحد مش ناقص
الناس دول مبيعرفوش يتفهموا اصلا

اسكندراني اوي يقول...

يا خواتي صايم وراجل شقيان ومراتي عاوزه تجوعني حتى في رمضان
دي مصيبه ايه دي
ههههههههههههههههههههه

غير معرف يقول...

كل سنة وأنتِ طيبه ..

ولكن تَردى الحوار بيننا .. !

توضحيات :
( وحياة أبوكي ، وحياة امـك .. )

أترىّ أن مثل هذه الكلمات .. تُنشر عياناً بياناً.. !

كل عام وانتِ بخير ..

دمت بكل ود ..

غير معرف يقول...

فى ناس بتضيع رمضان كده

انا اعرف واحده صحبتى بتعمل و تجيب اكل كتييييييير

عاشان احساسها بالجوع

و معظم الناس بيقضوا رمضان مسلسلات

للاسف

موضوع دمه خفيف اوى

شكرااا