الأحد، سبتمبر 14، 2008

100 عصير وصلحه

تحديث
*********
وصل عدد زوار المدونه فى اقل من اربعه اشهر اكثر من 6 الاف زائر
يعنى 6000 × 10 جند × 5 × 40
ياااااااااااه ... يادين النبى ..ده الواحد كان بقى من الاعيان ولا الحوجه للسلفيات
نحاول نعيد الجدوله
***********************************
الرايق :- بلبيز مسز رايق ووير ذا العصير

مسز رايق :- اصبر بس يا خويا انا بجهز العصير اهه
الرايق :- انا حران وصقعان وعطشان ...يعنى من الاند كده انا عايز عصير قصب وعصير مانجه وعصير جوافه وتمر وعرقسوس وبلح مبلول ..اخو سعديه المبلوله ..وعناب وسوبيا
مسز رايق :- ليه كل ده ؟؟؟ هى كبايه عصير واحده علشان تعرف تاكل
الرايق :- نو نو نو انا عايز كل انواع العواصيرات ...انا دونت ليه دعوه ...انا عطشان وهاشرب المحيط
مسز رايق :- على راى المثل اطبخى يا جاريه كلف يا سيدى
الرايق :- جاريه ايه ومثل بلدى ايه نو نو نو المثل بيقول ..اطلب عيونى ياسيدى وانا استلف واجيب اللى انت عايزه
مسز رايق :- حاضر يا رايق انا هاشترى كل اللى انت عايزه ...
************
على الفطاااااااااار
************
مسز رايق :- عبده انت مأكلتش حاجه
الرايق :- هات الكوبايه واقعد لاعبنى ده العصير معايا وبطنى واجعنى

هناك 28 تعليقًا:

Mafrousa يقول...

هيييييييييييييييييييه
انا الاولى انا الاولى
هات العصير عاوزه كوبايه
نو نو نو
قصدي شووووووووب
ههههههههه
الناس كلها بتعمل كده و خصوصا الجو حر اليومين دول
انا بقا بحط قدامي ساعة الفطار
كوب نسكافيه و كوب قمر الدين و كوب مياه
هههههههههههههههه
و بشرب التلات اكواب مع بعض
ههههههههههههههههه
كل رمضان و انت فري جود رايق
دونت درينك تو ماتش
و بالنسية للجاريه...
ابقى اديها فيلوس مش تقولها استلفى
ياااااااي
ههههههههههههههه

kochia يقول...

انا عملت كدة النهاردة
شربت 3 عصير وماكلتش
الدنيا كانت حر

بس مادام الرايق عمل كدة .. انا مش هعمل كدة تاني

تحياتي

مهرة سالم يقول...

ههههههههههههه...
فكرتني بالقصب,,,
والنبي تقول لمسز الرايق ..
واحد قصب باللبن وصلحه...
مستنياها ع السحور....

رندا يقول...

عصير قصب على الفطار حلووو
اتصدق فكرة برضة
ويبقى تغيير على الاخر
اهو كدة بقى انت ومسسز رايق تعزومنى على اكلة فى رمضان وعصير قصب من الى قلبك يحبة
القصب بيروى العطشان ويروى نار الحران ههههههه

رايق انا داخلة على طمع عزومة وعصير قصب بس مش هجيب زيارة معايا
اية رايك
طبعا انا عارفة
الرد بتاعك هههههههه

طيب علشان مش تزعل هجيب كيس شيبسى معايا بس هههههه



رندا

صبرني يارب يقول...

انا جييييييييييت وربنا جيت

اى حد هايقر على الكمبيوتر بتاعي الاثري الى غيرتله الرامات وربنا هايتعور

المهم كل سنه وانتم طيبين

انت بتقول فيها يا رايق والله العظيم ده الى بيحصل

انا كان عندي عزومه يوم الجمعه مش ممكن تتخيلوا كميات العصير الى كنت عاملاها وخلصت والله

كركديه وتمر هندي وخروب ومانجه وكله راح يا معلمي وايه اعداد لا نهائيه من الدوارق والازايز

اه اه وعلى الاخر كده بقوا ضربوا فيروس تفاح يعنى بتاع خمس 3 ازايز ك ده من الكبيره

الحر يا ابويا منشف دم الناس

رندا يقول...

صحيحى صحيحى قولى يارايق

هى خالتى فرنسا فين طمنى عليها

ومش بتكتب لية اى بوست جديد

نفسى اقرا ليها حاجة

ياخالتى انت فين بس طمنينى عليكى


رندا

عبده الرايق يقول...

واحدة مفروسة
امال اقول لمين استلف ؟؟؟
استلف انا ولا ايه ؟؟
كلمه فى سرك
وانا عارف برضه السر فى بيييييير
انا مفيش حد راضى يسلفنى ..مش عارف ليه
رغم انى ناوى ارد الديون فى القريب العاجل
علينا وعليكى بخير

عبده الرايق يقول...

kochia
مادام الرايق عمل كده مش هتعملى كده تاااااااااااااااااانى ؟؟؟؟؟
طيب ياكوشيا
طيب يابنت بلدى
هاروح الموقف وادور عليكى واحدف عليكى طوب

عبده الرايق يقول...

M.K
وعندك واحد عصير قصب من بتاع انهارده وصلحه
الف هنا وشفى ليكى

عبده الرايق يقول...

رندا
هانعزمك وهتجيبى كيس شيبسى بس ؟؟؟؟؟؟؟؟
نو
نو
نو
الدكان تحتنا مليان شيبسى بالهبل
بنجيبه بالسبت وعلى النوته
عايزانا نعزمك
شوفى نفسك بقى احنا مش طماعين عايزين الهديه تبقى
خروف وان امكن خروف ومعزتين
عشره كيلو لحمه وان امكن عشرين
12 فرخه وان امكن 24 فرخه
وطبعا مش هاوصيكى على الفواكه
ولازم ولابد فلوس سايله لاولاد الرايق
اولاد الرايق بياخدوا الفلوس بالدورر
وان امكن بالاسترلينى
ههههههههههههههه
قال كيس شيبسى قال

عبده الرايق يقول...

صبرني يارب
هيييييييييييييييييييه
البنت صبرنى يارب رجعت
حمدلله على السلامه
فين ورقه البوسته اللى رحتى تشتريها ؟؟؟
هههههههههه
كل ده تغير رامات ؟؟؟؟؟؟؟؟
انتى كنتى بتزرعيها ؟؟؟؟؟
عموما
كل سنه وانتى فيرى فيرى طيبه

عبده الرايق يقول...

راندا
فرنسا كويسه والحمد لله
وان شاء الله هتكون معانا بعد رمضان حسب كلامها فى مدونتها

كاميليا بهاء الدين يقول...

مستر رايق

دونت دو زيس آجيين

انت مش عارف ان ده دينجراس على ال استوميك؟

نو نو نوووو

ودكاترة ودكتواهات وحركات

اااااه ، فهمت

كنت بتعمل دكتوراه فى العويصريات المدمجة

بالهنا والشفا ، بونابيتى

ريجاردس كتير كتير

.

نوري يقول...

فكرتني بشويكار وفؤاد المهندس


وان قلت ياخويا الاكل كتير الاكل كتير وبلاش بعزقه وبلاش تبذير وبلاش تبذير
يصرخ ويقول
ياخواتي صايم ومراتي عايزه تجوعني

اشرب اشرب يمكن تنسي
ههههههههههههههه

يلا بقي هابي رمضان عليكم
وبست وشز فور يو

ojg يقول...

انا بشرب كل انواع السوايل اللي في البيت
وبخلص المية
وبعد كده ادخل على الأكل
شوربة
:))
انا اصلا في العادي
بحب أشرب ومش بحب أكل
مابالك رمضان
احسن برضو خلينا نبقى خفاف خفاف في التراويح
:))

غير معرف يقول...

هههههههههههههههههههههههه

بيفكرنى بنفسى :):)

حلوه اوى

همس الاحباب يقول...

هههههههههههه
هههههههههههه
جامد قوى يا رايق
كل ده عصير يا جدع
ده بطنك بقت زى الكورة الشراب
ارحم نفسك يا روقة
بس بجد عجبنى المثل ده قوى اطلب عيونى ياسيدى وانا استلف واجيب اللى انت عايزه
يا سلام على نبع الحكمة والامثال
بجد وحشتنى قوى والمدونة والضاحكون
يارب تكونو بخير

حنين القلب يقول...

روقه ايه العمليه الحسابيه المعقده دى
وبعدين ايه العصاير دى كلها وبطنك وجعتك احسن علشان دى طفاسه
يا عم روقه هو بق عصير مش 6 لتر وبعدين انت دلوقتى بتتكلم عن العصاير بتاعتك مالك ومال سعديه المبلوله بتشبهنى بلبلح ماااااااااااااااااشى
تسلم ايدك يا روقه بوست زى العسل

عبده الرايق يقول...

كاميليا
بنتى الغاليه كاميليا
وير اار يو ؟؟؟
انا فيرى فيرى مس يو ؟؟؟
بجد افتقدتك فيرى فيرى ماتش
ماتش الاهلى والزمالك
انا زعلان منك قوى لانى دونت عارف اخبارك
هو الوالد اخر من يعلم تحركات ابنته ؟
لو اتكررت تانى انا هاحرمك من الميراث
ومش هطولى ولو قرش من اموال الرايق
على فكره ميراث الرايق كبير قوى
شيكات وكمبيالات وديون متلتله
وقد اعذر من انذر
ابوكى الرايق

عبده الرايق يقول...

نورى
بست ويشز فور يو !!!!!!!!!!!!
جدعه يانورى
فكرتينى بالبست
تصدقى كنت ناسى
انا هاروح لمسز رايق تستلف لنا كام جند وتجيب كرتونه بست
انا صااااااااااااااااااااايم

عبده الرايق يقول...

ojg
الاكل برضه مضر للصحه
انتى بنت حلال مصفيه
فينكم يا اولاد الرايق تسمعوا الناس الكامله العاقله
مش فالحين بس كل يوم الا عايزين ناكل
عايزين ناكل
عايزين ناكل
ايه اتسعرتوا

عبده الرايق يقول...

MaGn0liA
هههههههههههه
يعنى بصره

عبده الرايق يقول...

همس الاحباب
وسع وسع وسع
الباشا الكبير همس الاحباب حفيد احمس باشا بانى الاهرامات الثلاثه
واحشنا يا خالد
مع انى كنت زعلان ومتأثر علشانك
انا سمعت خبر مش كويس
بيقولوا ان من بين ال 15 مليون نمله اللى انت صدرتهم للخارج فى نمله ضاعت
ياحراااااااااااااااااام
انا زعلت قوى
وباتطوع انى اجى ادور معاك على النمله ببلاش
مش عايز فلوس
انا كنت فى الكشافه وانا فى اللفه

عبده الرايق يقول...

حنين القلب
ايه ده
انهارده عوده المفقودين ولا ايه ؟
اهلا اخر العنقود
كاميليا وحنين القلب
وخالد الابن الكبير
اما بقى عن سعديه المبلوله
ده تشبيه بلاغى فيه استعاره مكنيه يعبر عن مدى تفاعل الشاعر فى ظل الظروف الملائمه للحرب النفسيه الداخليه فى اعماق الكلمات المترتبه على توسيع نشاطات اللغه البلاغيه فى خطاب الشاعر المنبثق من اعماقه وقت كتابه القصيده
وحيث ان الوقت مجهول
فقد قررت المحكمه تأجيل القضيه الى يوم السبت الموافق 65 مارس عام 1956

kochia يقول...

والله يا سي عيده يا خويا مقصدش
دانت عمي
هو انا اقدر بردع اقصد كدة
دانا بهزرررر

بلاش حكاية الموقف دي
مش انا نويت اعمل شكوي فيهم وامضي عليها الناس
ولو عرفوا ان انا كوشيا هيحدفوا طوب معاك
والطيب احسن
بقوللك تحي تمضي علي الشكوي ؟؟؟؟؟

Empress appy يقول...

والله يا بابتى انا نفس الخصله دي بس ميه عامله زي الاطفال بالظبط على طول ورا كل لقمه تلاقى ميه فعلا خصله وحشه بس مش عارف اتخلص منها
وبعدين انت هتخوف الناس هتلم فلوس عاااااا فين مامتى تعضك دلوقتى احنا عاوزين نغير النحذير ونقول للناس خلي بالكوا ههههههه الدخول مجانا هههههه

عبده الرايق يقول...

kochia
ايه امضى ؟؟؟؟
نو
نو
نو
انا الدكاتره عبده الرايق لايمكن امضى ابدا
انا ابصم بس
تحبى ابصم على الشكوى ؟؟؟
قال امضى قال
هو انا اعرف عربى ؟؟؟؟؟؟؟؟

عبده الرايق يقول...

appy
يابنتى اعقلى مجانا ايه ؟؟؟؟
امال هنجيب فلوس العيد منين ؟؟؟
لازم ننصب على البشر
امال هنكون عائله الرايق من غير نصب
نو
نو
نو
انا كنت اتبرا منكم