الأحد، مارس 08، 2009

يوم جديد مع الضاحكون

همس الاحباب ...اعزائى مشاهدى قناة الضاحكون الفدائية يسعد مساكم بكل خير
صرح مسئول وانا مش مسئول.. انه نظرا للازمة الطاحنة التى تمر بها البلاد بخصوص رغيف العيش وازمة الانابيب ..بيب بيب .. ان السيد كعبول الحدق قام بتشكيل ائتلاف وزارى جديد يتولى مهام الوزارة
والى حضراتكم التشكيل الوزارى الجديد
الدكتور / احمد دقيق...... رئيسا لمجلس الوزراء ورغيف العيش
الدكتور / على اللتات .... وزيرا للصحة ورغيف العيش
السيد/ مصطفى العجان ... وزيرا للتجارة ورغيف العيش
السيد /اسماعيل فينو . .. .وزيرا للبترول ورغيف العيش
الدكتور / هانى ردة .... وزيرا للعدل ورغيف العيش
السيدة / فتكات فرنة...... وزيرة الخادمات ورغيف العيش ( القوى العاملة سابقا
السيد / يوسف وابور الجاز.... وزيرا للتضامن ورغيف العيش
السيد / على سبرتو.... وزيرا للدفاع ورغيف العيش
الدكتور / سيد انبوبة..... وزيرا للداخلية ورغيف العيش
وفى اول تصريح للسيد / احمد دقيق رئيس الحكومة لقناة الضاحكون الفدائية
اعلن سيادته انه سيقضى على طوابير العيش وازمة رغيف الخبز فى غضون 3 اسابيع وذلك باغلاق جميع المخابز وتشميعها بالشمع الاصفر ومن موقعى هذا اعد كل مواطن بانه من حقه ان يصله كيلو باتون ساليه دليفرى بدلا من رغيف العيش الغير صالح للاستخدام الحيوانى وذلك نظرا لشكوى الحيوانات المستمرة من رغيف العيش كعلف من جانب وكذلك توفير المسامير المحشوة بداخل الرغيف
وفى تصريح للدكتور/ سيد انبوبة وعد سيادته بالقضاء على ازمة الانابيب والغاز طبيعى وذلك بالرجوع الى استخدام وابورالجاز ومنع استخدام الانابيب وذلك حتى يتسنى لنا تصدير الغاز بابخس الاسعار للشرشوحة المجاورة ونموت نموت وتحيا الشرشوحة

كان معكم من فوق انبوبة البوتجاز من امام فرنة ام قويق

محدثكم خالد همس الاحباب
**************
مشاهدى القناة الاعزاء ظلوا معنا فانت معنا لن تستطيع تغيير مؤشر القناة
فى نبأ هاااام صرح السيد / زعبوط العفريت المسئول عن ادارة البورصة المصرية على كل مواطن سرعة التوجه لاستلام نصيبه من الاسهم والدروع الواقية لاننا ناويين نبيع البلد ونشردكم وعلى كل مواطن ان يحمل معه شهادة معاملة الاطفال سارية المفعول ومن جانب اخر على كل مواطن ان يسارع بتجهيز جركن فارغ و2 طشت الومونيا لاخذ نصيبه من ماء النيل قبل ما نخصخصوه وكذلك الاحتفاظ بنصيبه من الاهرامات وابو الهول وبكده يبقى كل واحد اخد حقه تالت ومتلت والان بعد هذا التصريح سيعقد مؤتمر صحفى لتلقى الاسئلة والاجابة عليها
سؤال صحفى .. يا ترى سيادتك الاسهم دى انعمل بيها ؟؟
المسئول ..بس يا بنى ده سؤال جميل ممكن تعمل بيها نبلة تصطاد بيها عصافير وممكن تعمل منها مراكب ورق واحسن طريقة تبلها وتشرب ميتها 3 مرات على الريق هتحميك من الضغط والسكر وكرشة النفس
وفى نهاية مؤتمرنا الصحفى الديمقراطى الشفاف شفافية زيت الكريستال
نتقدم لكم بالشكر على حسن متابعتكم لنا كان معكم
مراسلكم لقناة الضاحكون الفدائية
خالد همس الاحباب
******************

سنعود بعد قليل
*********
عطشان تعالى اشرب .. اللع اللع
خد منى كوبايه .... اللع اللع
والقدره ويايا .... اللع اللع
عرقسوس ابو دبوس ... احلى عرقسوس ... واطعم عرقسوس
اتصل على 03000333 واحنا هنوصل الطلبات لغايه عندك
كل ماهو عليك تتصل فقط على 03000333 واحنا والعرقسوس والقدره هنوصل لغايه بيتك
سعر الدقيقه 30 جنيه فقط لاغير ....... والنبى يابلاش
*******
عدنا
*******
فرنسا هانم :- اعزائى المشاهدين والمشاهدات ... ازيكم والله سلامات
موعدنا الان مع برنامجكم الطريق المعاكس .. ويسعدنا ان تستضيف فى حلقه اليوم
الاستاذ .. نازل محمد ابو نزيله عضو الامانه العامه للهيئه القوميه للاتجاهات التنازليه
والاستاذ .. صاعد محمد ابو صعيده عضو الامانه العامه للهيئه القوميه للاتجاهات التصاعديه
اهلا استاذ نازل واهلا استاذ صاعد ... يلا بقى شدو حيلكم عايزين نتفرج على شرشحه وردح محصلشى وياريت كل واحد فيكم يفرش الملايه اللى جايبها معاه علشان نسخن المواضيع
نبدء حلقه اليوم مع الاستاذ نازل .. استاذ نازل اهلا بيك انا سمعت عنك كلام خطير قوى ومنيل بنيله من الاستاذ صاعد وانا مش فتانه لكن احب اقولك انه شتمك وسبك وقال عليك اهبل وعبيط وبرياله وانه هيمسح بكرامتك الارض فى حلقه انهارده
نازل :- ياستى الله ياسامحه .. الشتيمه بتلف تلف وترجع لصاحبها ... كبرى الجمجمه
فرنسا هانم :- لا ياروح طنط احنا على الهواء لازم تاخد حقك منه ومن حبابى عنيه قال اكبر الجمجمه قال .. انت هتخاف منه ولا ايه ؟؟
نازل :- ياستى فرنسا هانم انا مش بخاف الا من اللى خلقنى .. لكن هو شتمنى فى غيابى ومقدرشى يشتمنى فى حضورى يبقى انا مسامحه
فرنسا هانم :- مساااااااامحه !!!!!!! نعم نعم نعم ... لا بص بقى اقعد عوج واتكلم عدل انا قصدى خير لكن الراجل الاهبل ده قال عليك انك برياله وعبيط والهيئه بتاعتكم كلها حراميه .. حصل منك الكلام ده يا صاعد ولا محصلشى
صاعد :- انا متكلمتش معاكى ابدا الا دلوقتى يا فرنسا ... ونازل صاحبى واخويا واحنا اصدقاء
فرنسا هانم :- ودلوقتى مع فاصل اعلانى ونعود بعد قليل ... ايه يا روح طنط انت وهو ... انا مكلفه نفسى وجايبه لكم اتنين كونو ومطفحاكم اتنين حلبه بحليب واتنين نسكافيه علشان تحبوا بعض هنا ولا ايه ؟؟؟ ما نقلبها بقى كازينو ولا حلقه رومانسيه ونحب فى بعض .. لالالالالالالالا انا ابشلكم انتوا الاتنين انا ست صايعه وبلاط الحجز واكل من جسمى رقااات .. اتعدل ياض منك له احسن مش هيحصلكوا طيب
يلا يا مخرج ابتدى الحلقه الزفت دى لما نشوف اخرتها مع العالم الجربانه دول
رجعنا تانى ليكم اعزائى المشاهدين وسؤالنا للاستاذ صاعد
انت بتخاف من الشخص اللى قاعد قدامك ده على فكره هو بيقول عليك هايف واهبل
صاعد :- اخاف مين ونيله مين .. عليا الطلاق بالتلاته كل ماتحل تحرم اروح فيه فى داهيه واكسر دماغه ودماغ اللى جابوه
فرنسا هانم :- هههههه ايوه كده عسسسسسسسسسل اشتغل يا اونكل شوشو
نازل :- اتكلم بس على قدك تروح فى مين انت يا صرصار ؟؟؟؟ انا افعصك بجزمتى انت واللى يتشددلك
فرنسا هانم :- اشطه بالهبل كده الشغل ولابلاش ... حد يقلب شبشب يا جماعه ولا جزمه المواضيع هتسخن
صاعد :- انت بتتكلم عنى يا ابن التابلبيفيغفيقسفقسفغيغفيفءفيقغئفقس5ثبءفقس
نازل :- ايوه بتكلم عنك وانت اللى نملاخهعلالبؤءفبغلالؤغقيخعغبابءفهعلاب
صاعد :- نملابءعغلمنىالؤهغفبهعانتالعغ
نازل :- رلبيبانهمكخهغببءفهعاكخمتن:/،ت
صاعد :- اااااااااااااااااه اااااااااااااه
نازل :- ااااااااااااااه ااااااااااااااااااه
فرنسا هانم :- ااااااااااااااااااه ... شيداتى انشاتى شادتى يشعدنا ..ااااااااااه ..ان تكونوا اشعدتم بحيقه انهايده ...اااااااااه .. وايى اليقاء فى حيقه قادمه ..اااااااااااااااااااااااه
************
سنعود بعد قليل
**************
الضاحكون تلى شوب ترحب بكم ..انهارده بنقدم لكم مفاجأه المفاجأت .. هنخلصكم من الحشرات المنزليه من غير مبيدات
عزيزى المشاهدين ..كلنا عارفين ان المبيدات الحشريه بتسبب الضرر لاطفالنا الصغيرين ..علشان كده احنا جيبنا ليكم مفاجأتنا
مجموعه الضاحكون للتخلص من الحشرات المنزليه ..مجموعتنا عباره عن ..3 فرد شبشب حمام الوان معتبره ومقاسات مختلفه ..الشبشب الصغير ده للصراصير الصغيره ..والشبشب الوسط للصراصير الوسط ..والشبشب الكبير لامهات الصراصير ..مش بس كده
لا الضاحكون تلى شوب بتقدم .. مسدس خرز للحشرات الطائره وعليه 6 اكياس خرز هديه
استنوا لسه مجموعتنا منتهتش .. بنقدم كمان مصيده استانلس للفيران
كل ده بسعر محصلشى فقط 2499 جنيه زائد مصاريف الحشن
فقط اتصل على 03000333 زيرو تلتميه زيرو تلات تلاتات
*********
عدنا
********************
الطائر الحزين .. يسر برنامج خمسة تفافة ان يستضيف اليوم الاستاذ الجامعى الكبير صبحى الملط ..ليحدثنا عن ظاهرة التحرش اللى بقت لبانة فى بق الناس واللى محدش عاوز يتفها ويعرفنا تداعيتها واسبابها

الطائر الحزين :- استاذ صبحى الملط ما رأى حضرتك فى ظاهرة التحرش؟


الملط :- شوف بقى كدة ومن غير لف ودوران المشكلة الاساسية تبنع من محورين اساسين اول محور فيهم لسه بيجهز فى المشاروات بتاع المجلس القومى للمرأة لأن الطريق لسه بيسفلت هناك وكلنا عارفين ان المجارى هناك ضاربة من ساعة أول مؤتمر قومى للسكان والمحور التانى زى ما هو معروف للجميع يتوه لا فيه اشارات ولا يافتات متعلقة علشان الواحد يعرف يوصلة

مداخلة : هو الراجل الملط ده بيقول ايه ؟؟ ده باين عليه اسم على مسمى ..اسمه ملط ونافوخه ملط اللملط كمان ...انت يا عم ما تفوق انت مش عارف السؤال ولا ايه؟


الملط : ارجو من الأخ المواطن لا يحكم الا بعد أخر الجلسة قصدى أخر البرنامج ..معلشى ابقوا ادونى رقمه الولد ده


الطائر الحزين : ايه يا استاذ ادخل فى الموضوع احنا برنامجنا خمس دقايق بس ومش عاوزين ننضرب فى السوء ما انت عارف القناه لسه بتحبى ...انا مش عارف بس ايه اللى خلانى انطس فى نظرى واجيبك انت ؟؟؟

قول قول ربنا ينفخ فى صورتك وانا هساعدك

تفتكر يا استاذ ملط مين عليه العبء الاكبر فى مشكلة التحرش البنت ولا الولد ولا الاثنين معا ؟

الملط : الامر متعلق بمحورين


الطائر الحزين :- ياعم ابوس رجل اللى خلفوك من غير محاور ولا مأور ولا محشى حتى .....اتكلم دوغرى


طبعا كلنا عارفين ان البنت زى الولد مش كمالة عدد يبقى الولد والبنت هما السبب وكمان اللى رباهم وانا وانت والمجتمع والناس


سنعود بعد قليل

********

فقره اعلانيه

بدى كارينا محزق واستريتش ملزق الاثنين معا ب4جنيه ونصف لمحاربة الغلاء اتصل بنا يصلك منتجنا لحد باب البيت سعر المواصلة 750جنية لو كان عندك مطار فوق سطح البيت أما لو مكنش عندك مطار يبقى تروح تشرب من البحر هو احنا هنقطع نفسنا خليك بعبلك كدة و اوعى تتصل بينا

برضه تليفونا 03000333

**********

عدنا

*********

الطائر الحزين : اذا استاذ ملط القضية مشتركة بين قلة أدب البنت وسوء تربية الولد؟؟؟

الملط :- اى نعم هو كدة بالضبط ولازم الحكومة تضع قوانين رادعة وتضع طريق يمشى فيه النساء وطريق للرجال ويبقى أخرهم يشاورا لبعض من بعيد لبعيد ويبقى كدة قضينا على المشكلة


الطائر : طيب والمواصلات نعمل فيها ايه؟

الملط: وهى دى مشكلة كل حاجة تبقى بدورين مترو بدورين-اتوبيس بدورين - توك توك بدورين وكل واحد يأخذ دور ويأجرة بعد كدة لو حب ايجار جديد ويستفيد ويبقى قضينا على الازمة السكانية والتحرش فى آن واحد

الطائر: شكرا جدا للاستاذ الملط ونوعدك بدراسة مقترحاتك ونوعدك وعد اكيد ان دى اخر مرة هتعتب باب القناة ونقول له تحب تسمع ايه ؟

الملط : الاغنية الشعبية وادحرج واجرى يا رمان

الطائر الحزين :- بهذا نكون قد وصلنا الى نهاية حلقتنا ويتضح منها العلاقة بين حبل الغسيل العربى المنشور والذى تم مناقشتة قى القمة العربية المنعقدة فى العاصمة الصينية بكين وبين موضوع التحرش وطبعا زى ما انتم عارفين الصين دخلت كل بيت عربى وبذلك بقت واحدة مننا فمحدش يستغرب

***************

والى اللقاء فى يوم جديد وسعيد
مع تحيات فريق العمل
بمدونه الضاحكون

هناك 67 تعليقًا:

عبده الرايق يقول...

احجز اول تعليق
هل من مبارز ؟؟؟؟؟؟؟
برضه ترسو يا فرنسيس
اكيد اكيد اوبسلوتلى انتى كنى فى اخر تخته فى الفصل
ولا ايامكم مكانشى فى تخت
اكيك كنتى فى اخر حصيره

عبده الرايق يقول...

همس الاحباب
ياريت تكلم الدكتور احمد دقيق يشيل الست فتكات كفته من التشكيل الوزارى
وخصوصا وزاره الخادمات
لانها مش بس بتورد خادمات للدول الخليجيه
نو
نو
نو
اتضح انها ناويه تورد خادمات للسودان
واحنا نخاف على بناتنا من الشمس والحر
وعموما
انا ناوى اعمل الاسهم بتاعتى صاروخ ورق 3دفع نووى واتنين رفاص و228 سلندر علشان اروح المريخ
تحياتى ابا همس

عبده الرايق يقول...

فرنسا هانم
ههههههههههه
ههههههههههه
بانو بانو بانو على اصلكم بانو
ايوه كده
اظهر وبان وعليك الامان يا فرنسيس
انتى مش فتانه خالص
نو
نو
نو
انتى ست وديعه خالص
وتستاهلى كل اللى جرالك
بس كنت عايز اعرف اللغه بتاعه الشتيمه دى فرنساوى برضه ؟؟؟؟

عبده الرايق يقول...

الطائر الحزين
هههههههههه
توك توك بدورين ؟؟؟؟؟؟؟
حلوه
وانا من موقعى هذا اناشد عم عبده العربجى السواق الخصوصى بتاعى يشاهد الحلقه دى ويعمل العربيه الكارو بدورين
ويجيب معاه حمارين وعصايتين
وكرباكين وراء يا اسطى
وادحرج واجرى يا رمان
هههههههههه

همس الاحباب يقول...

ايه الرايق
ما بلاش كده
يعنى ادخل الصبح الاقى الموضوع الساعة 11
اخرج وارجع تانى الاقى 4 تعليقات

انا احتج
انا معترض
انا رايح اقرا

عبده الرايق يقول...

همس الاحباب
ده قرار من محكمه العدل الدوليه ياسيدى
بيقولوا ان اى بوست هينزل الساعه 11 هيعملوا له مذكره توقيف
انا بصراحه خفت على البوست احسن يوقفوه
وده غلبان ومش حمل قوات دوليه
رحت مغير ميعاده للساعه 6
وهو ده الموعد الجديد من كل اسبوع
وانا خايف بتوع محكمه العدل الدوليه يعرفوا حكايه كل اسبوع دى يجيبوا مذكره توقيف لكل اسبوع
وبعدين كل اسبوع ده لو اتسجن مش بعيد ياكلوه جوه
ويبقى الاسبوع 4 ايام بس

عبده الرايق يقول...

همس الاحباب
بقولك يا خالد
اوعى تجيب سيره ان انا الرايق ليعملوا ليا انا التانى مذكره توقيف
خلينا نربى العيال وامهم وخالتهم وعمتهم والاهل والجيران
وبهدى سلامى لاخواتى فى القاهره وماما وبابا وتيتا وبحب اسمع اغنيه ست الحبايب

صبرني يارب يقول...

ينفع كده


مافيش مره تهنوني على اول تعليق يعنى

عااااااااااااااااااااا

هاروح اكمل قرايه واجي

همس الاحباب يقول...

عبده الرايق
ههههههههه
ههههههههه
يا جدع انا بدات اشد فى شعر اللى جنبى من عمايلك
طب اعمل ايه اشد فى شعره احسن
ولا اضحك مع نفسى ويقولوا عليا مجنووون

همس الاحباب يقول...

رايق
لا متخافش مذكرة التوقيف جاهزة على البصمة بتاعت فرنسا هانم
وهتعتزل قريب يا جدع
وهتتصادر كل ممتلكاتك
الا قولى يا رايق انت عندك ممتلكات قد ايه كده

عبده الرايق يقول...

همس الاحباب
ممتلكات ؟؟؟؟؟؟؟؟؟؟؟
ووات ذا ميننج اوف ممتلكات ؟؟؟؟
ااى دونت نو وات يو ميين

أحمـــــــــــــد أبو العلا يقول...

ياروقانكم
والله انتم زي العسل
حلوة أوي القناه ديه
بس ياريت تقولولي بتيجي على انهي تردد
ههههه

غير معرف يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله انتم سكر

حنين القلب يقول...

ايه ده ؟؟
نزل امتى ده

ماااااشى يا رايق

همس الاحباب يقول...

صبرنى يا رب
ايه دنيا
دى كلها قراية
بتقرى القاموس المحيط
ولا معاكى معلم القراءة
هههههههه

همس الاحباب يقول...

احمد ابو العلا
اهلا يا باشا
وشكرا لحضرتك
ده بيتوقف على الطبق بتاع حضرتك
انكان ميلامين ولا صينى
عامة احنا موجدين على كل الاقمار وبجميع الترادات الافقية والجانبية
منورنا دايما

حنين القلب يقول...

همس الاحباب

تصدق بالله
ده اخرك انت تقعد على انبوبه يا رب تكون ينفس وتنفجر فيك

وحلو اوى ان كل واحد هياخد الاسهم بتاعته
انا عن نفسى هاخد الاسهم بتاعتى واشترى بيها جزمه وشنطه واكمل الباقى من جيبى وبالنسبه لميه النيل
لالالا شكرا احنا اسكندرنيه هنشرب من البحر
حد شريكنا ؟؟؟

خالود
والله دمك عسل
تسلم الايادى يا سيدى

همس الاحباب يقول...

غير معرف
ههههههههههه
والله انا بضحك على ضحك
وانت عسل ابيض وطحينة
والحمدلله انك مبسوط

همس الاحباب يقول...

حنين الهم
قصدى القلب
صح النوم
وكفاية اكل كشرى
وانتى تعرفى نزل امتى

همس الاحباب يقول...

حنين القلب
هههههههههه
لا متخافيش الانبوبة مش منفسة
ده حاجات تانية اتفرقع دلوقتى فى المدونة
خلى بالك من نفسك
هههههه
جزمة وشنطة
ده اخرك يا بنتى تلبسى قبقاب فردة وفردة كمااااان
وعلى المية متخافيش انا ناوى ابطل الميه واشرب دم
مش عاجبك كلامى اشربى من البحر

حنين القلب يقول...

فرنسا هانم


والله فكرتينى ببرنامج الحقيقه بتاع وائل الابراشى

يقعد يسخن الاتنين ويقومهم على بعض
والاخر يقول يا جماعه دى مش طريقه تفاهم نهدا شويه
هههههههههههههههه

المهم انك ارتحتى لما الدنيا ولعت
واتعورتى كمان

يلا تعيشى وتاخدى غيرها

فرنسا حبيبتى
البوست دمه سكر وطريقتك واسلوبك مش ليهم حل موت من الضحك ربنا يفرح قلبك يا حبيبه قلبى

حنين القلب يقول...

الطائر الحزين

انت غلطان اصلا حد يستضيف حد اسمه الملط

وحلوة اوى حكايه انه يعمل للستات شارع والرجاله حتى يبقى تغير

بس احسن حاجه ان كل حاجه تبقى بدورين واخد انا وجوزى دور ايجار حديث


اسلوبك رائع يا ايهاب تسلم ايدك

همس الاحباب يقول...

فرنسا هانم
ههههههه
ههههههه
اللهم اخزيك يا شوشو
انتى مشكلة بجد
بس انا زعلان كان نفسى فى واحد كونو واحد حلبة حصى وواحد كابتشينو
وكنتى تفرجتى انا هعمل ايه
احنا عامة فى الخدمة
وممكن نمشبها جوز جنيهات
تسلم الايادى بجد

همس الاحباب يقول...

الطائر الحزين
وجهة نظر برده
وفكرة جيدة للتطبيق
اناعلى نفسى اجيب توكتوك بدورين
وامشى بيه فى الاتجاه المعاكس
ممكن رقم الاخ الملط
لانه طلع دمااااااااغ جبارة
هههههههه

حنين القلب يقول...

هم الاحباب
قصدى
هم الاحباب برضه انا مش بخاف زيك


ده اخرك يا بنتى تلبسى قبقاب فردة وفردة كمااااان

القباب ده انت اللى تعرفه يا صعيدى ويا ريتك بتلبسه ده انت حافى من يومك

وعلى المية متخافيش انا ناوى ابطل الميه واشرب دم
والله شكلى انا اللى هشرب من دمك ومش هتفرق كتير لانك دمك مالح ولحمك مرررر

مش عاجبك كلامى اشرب انت من النيل

واحدة مفروسة يقول...

ههههههههههههههههه
الدقيق رغيف العيش غير صالح للإستخدام الحيواني
هههههههههههههههههههههه
طبعا هيه الحيونات اللى بتاكلة من بلدنا
علشان يبقى صالح لازمن يكون معاه غموس
هههههههههههههههه
هوه انتو فاكرين ايه؟؟؟ حيواناتنا واعية
و لهذا اعلن المسؤل الرسمى سوسه بيه ان العيش اللى البنى آدمين مش حتاكله حيقدموه للحيوانات و معاه حلة بامية ولا لوبيا
هههههههههههههههههه
و كدة الحيوانات نفسها تتفتح و تاكلها بنفس مش حاف
ههههههههههههههههه


هههههههههههههههههه

حلوة الحلقة بتاعة الطريق خلف خلاف ديه
هههههههههههههههههه
و نتجت عنه ان الاستاذ صاعد كسر السنة الفوقانية للمذيعة
و الاستاذ نازل كسر السنة التحتانية
و خرجو همه الاتنين من الحلقة حبايب
و خرجت المذيعة على المستوصف
ههههههههههههههههههههههههههه

الضاحكون تلى شوب
السعر ده شامل الحشرات ولا من غيرها
ههههههههههههههههههههههه


ههههههههههههههههه
يا طائر منعا للتحرش
انا نما الى علمى من نفس ذات المسؤل
ان الحاجات اللى حيعملوها بدورين
الستات حتكون فى الدور الفوقاني
و الرجالة فى الدور التحتاني
و ارضية الدور الفوقاني زجاج شفاف
كده ماتخليهومش يتحرشو
هههههههههههههههههههههههه
هههههههههههههههههههههههههههه

جنّي يقول...

السلام عليكم

النهاردة القناة زي العسل وشامم ريحة غاز وعيش بيتحرق ..

الجماعة الوزرا اللي عينهم خالد سكلي وها يورونا اللعلع .. احنا ناقصين لت وعجن ..

وانا ما بحبش الباتون ساليه انا عايز عيش شمس ..

والخالة فرنسا دانا ماسك المقص وعمال افتح واقفله على الفاضي علشان العملية تسخن والاخر تنضربي وتتكسر سنانك .. تستاهلي عاملة لي بورم وصايعةوبلاط الحجز اكل من جسمك رئات ..

وعمنا الطاير انت عايز قناة الحظيرة تضحك علينا عاصمة الصين مش بقت بجين بدل بكين وسبحان مغير الاحوال وطول عمرنا بينضحك علينا في الجغرافيا ويقولولنا اسمها بكين ..

كفاية عليكو كدا النهاردة انا مش فاضي لكم ..

سلام

صبرني يارب يقول...

طبعا انا مش كل ده كنت باقرا لكن الرموت وقع مني يا اخويا والبرمجه باظت بقى على ماعرفت اجيب القناه تاني



المهم حلوه حلوه حلوه يا شباب ما كنتش قريتها الحلقه دي فى الدرفت بجد جميله ومت من الضحك

ونفسي نفسي نعملها بالصوت بش مش عارفه ازاي


تحياااااااااااتي يا حلوين

فرنسا هانم يقول...

خياااااااااااااااااااانه
خيااااااااااااااااااانه
خيااااااااااااااااااانه
خياااااااااااااااااااانه
كده برضه يارايق
تغير ميعاد نزول الحلقه من الساعه 11 للساعه 6
لا يسلم الشرف الرفيع من الاذى حتى يراق على جوانبه الدم
طااااااخ طااااااخ طاااااخ
يلا خد الشر وراح
ودى كانت نهايه الرايق
خلاص
شيلوه وعلى قسم الاطفال ودوه
على السطح وارموه وبلوح تلج غطوه
وده كان جزاء اللى يغير المواعيد من دماغه

فرنسا هانم يقول...

الرايق
انا عموما اصغر منك ب 3 سنين
وان كنت انا لحقت الحصيره
يبقى اكيد انت كنت بتقعد جنب القباقيب على باب الفصل

فرنسا هانم يقول...

حنين القلب
شكرا يا حبيبتى
انتوا بس اللى روحكم جميله
والبوست منوره همس والطائر
عامله ايه يا نونا
على فكره مبروك الشقه الجديده
انا سمعت من اذاعه الضاحكون الداخليه

فرنسا هانم يقول...

همس الاحباب
كونو
وحلبه حصى
وكابتشينو
من جوز عويناتى
وعندك واحد حلبه حصى وكابتشينو وكونو بالشيكولاته والمكسرات وصلحه

فرنسا هانم يقول...

واحده مفروسه
ههههههههههه
كسرونى يا حبيبتى
وده كله من المخرج الله يسامحه
قعد يقولى عايز خناقه طبيعى عايز خناقه طبيعى
ودلوقتى بنزوره هو والمساعد بتاعه فى المستشفى
ههههههههه
الف تحيه ليكى يا مفروسه

فرنسا هانم يقول...

جنى
ااااااااااااه يا سعيد
انا فعلا بورم
لكن مش بورم للدرجه دى
والمره الجايه هلبس قميص واقى من الرصاص
ووش زى بتوع المبارزه
بس انت شد حيلك وافتح واقفل المقص خليها تولع

فرنسا هانم يقول...

صبرنى يارب
حلوه فكره الصوت دى
لكن اظن تنفيذها هيكون صعب جدا
وخصوصا ان خالتك فرنسا صوتها مش كروانى خااااااااااالص

Appy يقول...

انا عندي احساس انا منتجع مارينا البلد هيتملى الصيف ده بالحبايب اهو نونس بعض برضه
طائر يا حزين
اصبت قله ادب وسوء اخلاق بس انا بقترح طريقين بجدار عازل ههههههههههههه
خالد يا هم الاحباب
انزل من على الانابيب يا عم لبيب الانبوبه بتمانيه جنيه والحسابه بتحسب

قوس قزح يقول...

جميلة فكرة الاذاعة دى جدااا

بس الاعلانات كلها تبع رقم تليفون واحد؟؟
ده اكيد تليفون الرايق
تلاقيه عامل على كل رقم من النمرة دى نطلبه تسعيرة ههههههههههههه


كل سنة وانتم طيبين و دايما ضاحكون

قمر 14 يقول...

الناس كنوز
والضاحكون كنز الكنوز
قناه الضاحكون ممتعه ومسليه واكثر من رائعه
ههههههههههه
انا ضحكت جدا على طريقتكم
ههههههههه
الضاحكون رائعون

قمر 14 يقول...

ارجوكم حد يقولى ازاى اعمل بوست وانشره عندكم

قمر 14 يقول...

الخاله فرنسا مقدمه برامج ممتازه
بس وقعت فى شر اعمالها
الف سلامه ليكى يا خالتى
دى بس عين الحسود

الطائر الحزين يقول...

كل عام انتم بخير
اظن الكل واكل الحلاوة من زمااااااان

ايوة توك توك بدورين وكل سنة نبنى دور جديد يا عم الرايق لحد ما رقبتنا تطول وتعرض وقفانا كمان ونطول السحاب بس المهم متبقاش رقابتنا قد السمسمة

maiosha يقول...

ههههههههههههههههههه
الله هو التردد بتاع القناة دى كام
ههههههههههههههههه
ههههههههههههههههه
والله القناة دى لو فتحت فعلا هتكسبوا دهب
لأ والقناة متكلفة يعنى
برامج واعلانات حاجة كده تشرف

هههههههههههههههههههه

سيبك انت القناة مية مية

حنين القلب يقول...

فرنسا هانم

حبيبه قلبى
الله يبارك فيكى
نفسى تزورينى فيها وتنورينى والله

اكيد الاذاعه دى الرايق
ماشى يا روقه

shayma يقول...

هههههههههههههه
جامده اوى حكايه القناه دى
اهو كده الشغل ولا بلاش
طبعا الرايق هو المسؤل عن الاعلانات والمرتبات فى القناه دى
ربنا يستر

بس بجد ربنا يوفقكو كمان وتبقى قناه بجد على التليفيزيون
بس تبقو تحبسوا الرايق بقى بدل ميفلسلكو القناه
ههههههههههه

سلامى
:))

صيدلانيه طالعه نازله يقول...

ايه يا فرنسا ده انتى اتضربتى و لا ايه شكلك خدتى بوكس طيرلك الصف الامامى عموما و لا يهمك تقدرى تركنى صف تانى
ممكن تطلبى طقم سنان من اعلانات التسوق المنزلى تبعكم
و بعدين يعملوا فيكى كدا بعد الحلبه و الكونو يرضى مين ده بس

غير معرف يقول...

انا بقترح عليكم تعملوا القناه دى فى التليفزيون
او تعملوها كتاب
او تفكروا ازاى توصلوها لشريحه كبيره من الناس
هى بجد قناه ممتازه وفيها الكثير من خفه الدم والنقد اللاذع

انت تسال والكمبيوتر يجيب يقول...

الأخوه والأخوات
تلتقون مع عبده الرايق فى برنامجنا يومى الأحد15-3 والأثنين16-3 حيث يكشف بعض الأسرار التى لم تكن معروفه فبل ذلك
برنامجتا يذاع التاسعه وعشر دقائق صباحا على الأذاعه الرئيسيه لمصر كما يمكن الأستماع اليه من رابط فى موقعنا
والتفاصيل فى مدونتنا وموقعنا
المدونه
http://netonradio.blogspot.com
الموقع
http://dear.to/cairo

همس الاحباب يقول...

ايه اللى بيحصل ده يا جدعان
هو الواحد ينام بومين يرجع يلاقى المايك مسروق
والدنيا كده
عامة فاصل ونواصل بعد سنتين من النهاردة

همس الاحباب يقول...

فرنسا هانم
هههههههه
كل ده طب والنبى خليهم فى سرك
احسن انتى عارفة الحيطان ليها ودان
واحد صاحبنا ممكن يخلص على البوفيه والمعازيم كمااااااااان
عامة تسلمى يا ست الكل واعتبريهم وصلوا بس برده مش ناوى ابقى ضيف فى البرنامج
ههههههه

همس الاحباب يقول...

ابى
هى مارينا البلد فيها خرفان برده
ربنا يبشرك بالخير
متخافيش ناوى اشتغل بتاع انابيب
بتاع الانابيب بيضحك عليا وبياخد 10 جم فى الانبوبة
وان كان عاجبنى طبعا
وعجبى

همس الاحباب يقول...

قوس قزح
اى نعم طبعا الرايق مستولى على التليفون والدش كماااان
وبياخد ايراد الاعلانات كماااااااااان
كل سنة وانتى طيبة

همس الاحباب يقول...

جنى
هههههههه
انت لسه شفت حاجة يا باشا
ده البلد كلها اتبقى فى الوزارة الجديدة
واللت والعجن هيبقى للركب
منورنا يا سعيد دايما

همس الاحباب يقول...

قمر 14
الحمد لله انك انبسطت
ومنورنا دايما
وسعداء جدا بمرور حضرتك
وانبقى اسعد لو تشاركنا
وكيفية المشاركة ممكن تبعت البوست على االايميل الخاص بفرنسا هانم
faransahanm@yahoo.com
او ايميل الرايق
aabbddoo666@yahoo.com
وفى انتظار مشاركتك

همس الاحباب يقول...

ميوشا
ههههههه
اهلا وسهلا بحضرتك
بس بلاش تجيبى سيرة المكسب والخسارة
والذهب
احسن احنا بنصدق
وانتى عارفة الرايق
ممكن يشفر القناة فى لحظة
ويحتكر السوق

همس الاحباب يقول...

شيماء
ربنا يبارك فى حضرتك
وسعداء جدا بزيارتك
وعندك حق بجد لازمن نحبس الرايق
فبل الافتتاح
بدل ما نضرب تفليسة تانى يوم

الضاحكون يقول...

انا سامع ان فى نيه لحبس الرايق
نو
نو
نو
الرايق يتحبس نو
انا لسه طالع من الحبس يا جدعان عايزنى ارجع تااااااااااااااااااااااااااااااااانى

عبده الرايق

Gannah يقول...

انا مش عارفة الاحلى البوست ولا تعليقاتكم وردكم على بعض
جو المدونة جميل جداا فيه اخوة وود
وطبعا مليان ضحك
لو فتحتوا فعلا الاذاعة هتلاقوا مستمعين كتير بس بلاش فقرة الاعلانات
البلد خلاص قربت تتباع كلها وهنروح كلنا نعمر الصحراء ونعيش فى جو جميل ومش هنحتاج غاز ولا حاجة
كام عود خشب وخلاص
تحياتى

Gannah يقول...

محدش هنا بيعلق تعليق واحد
فانا نسيت اشكر عبده الرايق على زيارته لمدونتى
دمتم ضاحكون
تحياتى

hasona يقول...

تشكيل وزاري جديد
هما نفسهم يغيروا الشعب نفسه وبس

عبده الرايق يقول...

Gannah
ههههههههه
حلوه فكره الخشب وعود الكبريت
بس ممكن برضه نعمل اعلانات عن الصحراء واجود انواع الخشب والكانون بتاع زمان واجود انواع الكبريت

عبده الرايق يقول...

Gannah
طبعا الشكر ليكى انتى لان مدونتك من المدونات التى اتابعها باستمرار
مع تحيات الضاحكون

عبده الرايق يقول...

hasona
مش معقوله يغيروا الشعب
طب هيلاقوا فين شعب وديع وقانوع وراضى بكل اللى يحصله زيينا

رئـــــيسـة حزب الأحلام يقول...

دى القناة دى فى انهى حته
دى قناة جامدة جدا هى من القنوات اللى تخفف من هموم الشعب بس القناة دى فيها حل لكل المشكلات الصراصير والتحرش ماسبتش حاجة الصراحة الا وحلتها
ربنا يخلي لنا القناه
تحياتى لجميع العاملين بالقناه

همس الاحباب يقول...

رئبسة حزب الاحلام
منورة يا ست الرئبسة
الحمد لله انها عجبتك
ودايما منورانا

همس الاحباب يقول...

هو سكان المدونة راحو فييييين
يا بشر
يا قوم
يا اهل الفرنجة
انا هغير القناة
واخبى الريموت
سلامو عليكم

صيدلانيه طالعه نازله يقول...

كده ابعتلكم من كام يوم و تردوا على اللى قبلى و اللى بعدى و انا اقع فى النص طب انا ركبتى اتعورت اهوا اما وقعت
ماااااااااشى انا حبعت لكم مذيعه مفخخه تفجر القناه بتاعتكم و قد اذعر من زنجر

kiki يقول...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園