الأحد، مارس 15، 2009

الضاحكون تلى شووووب

عبده الرايق مشاهدينا الكرام ... مرحبتين وسلامتين واربع عافيات..
الدكاتره الكبير العلامه عبده باشا الرايق ...لو انت قاعد على مدرجات الدرجه الاولى هتشوفنى على ايدك اليمين ولو قاعد على مدرجات الدرجه التالته هتشوفنى على ايدك اليمين برضه ولو قاعد قصاد التليفزيون هتشوف المخرج
اعزائى المشاهدين .. يسعدنا ان نكدم لكم برنامجنا الاسبوعى ..كنوظ الشعر العربى ... وفى حلكه انهارده يسعدنا ان نتعرف على مراحل اندماج الشعر العربى بمكنوناته العربيه والعالميه فى سياك اللغه الحديثه بفروع المعرفه وتطورها المختلف ..ويسعدنا ان يكون ضيفنا لحلكه اليوم ... الشاعر الكبير حماده حلك حوش
ازيك يا حماده عامل ايه يا راجل ؟؟؟
حلق حوش :- ازيك انتى ياعم عبده يا رايق
الرايق :- قولى يا حماده اخر اخبار جوازتك الاخيره يا نمس ؟
حلق حوش :- اهو يا عم عبده اتنيلت بنيله زى كل مره .. انا عارف انها عين الحسود
الرايق :-نو نو نو ..انا عارف ان انت اساسا نحس ..المهم بقى يا سيدى عايزين نعرف منك ايه رأيك فى الشعر الاندماجى بمكنوناته العربيه والعالميه
حلق حوش :- يا عم خلى البسات احمدى وكلمنى كلام افهمه اندماجى مين ومكنوناته مين ؟؟؟ انا مش فاهم منك اى حاجه وبصراحه احنا مش اتفقنا على كده
الرايق :- اتفقنا مين يا حمار ..شيل الجمله دى يا مخرج بلاش فضايح
المخرج :- احنا على الهواء يا رايق
الرايق :- هواء هواء ميهمش ..طيب ايه رايك فى اشعار الشاعر الكبير نجيب محفوظ
حلق حوش :- يا سلام يا عم عبده جيت على الجرح ..انا كل ما افتكر كلام الشاعر نجيب محفوظ وهو بيقول ..لو لم اكن مصري لحبيت اكون مصرى .. احس فعلا بجمال الشعر
الرايق :- طيب ايه رأيك فى شعر عنتره ابن شداد
حلق حوش :- عنتر ده فارس مش شاعر يا عم عبده
الرايق :-انا برضه كنت بقول كده ..عنتره ده بتاع شيبوب وعنتر حى عنتر حى .. معلش يا حماده المعد بتاع البرنامج باين عليه ساقط ابتدائى .. طيب عايزين نعرف منك .. ايه هى كنوز الشعر العربى
حلق حوش :- شوف يا عم عبده ..الشعر العربى ينكسم الى كسمين ..الكسم الاول كسم الكسور ..وده لعلاج المصابين بالكسره والفتحه والضمه ...والكسم التانى كسم الكلى وده مخصوص لجمع كل الشعراء فى كلى واحده
الرايق :- طيب ممكن نسمع منك حاجه من تأليفك
حلق حوش :- طبعا ممكن ... اسمع يا سيدى
أأنا أم أنا أو انا .... فأننى انا انا انا
أهو ام هو أو هو ... فأنه هو هو هو
أهى ام هى أو هى ... فأنها هى هى هى
أنحن أم نحن أو نحن .. فنحن نحن نحن نحن
ان كان حمدان او عباس او صلاح او مصطفى
وان كان سعيد او عمار او خالد او زكريا
او كان عبد الرحمن او اسماعيل او شوقى
فان خالد هو خالد ومصطفى هو مصطفى
الرايق :- قوم ياله من هنا الله يخرب بيتك وبيت اهلك ...ايه اللى بتقوله ده ؟؟؟
حلق حوش :- ده شعر حديث يا رايق انت قديم ولا ايه ؟؟
الرايق :- شعر مين وبتاع مين ياض يا جربان ..احنا داخلين انتخابات تقولى خالد ومصطفى ومش عارف مين؟؟؟؟ .. انا اصلا اللى غلطان ..هو انا اصلا فاهم يعنى ايه مكنوناته ؟
حلق حوش :- بلاها ياعم شغل معاك ..اروح اتنيل اشتغل ورا البنا اللى كنت شغال وراه ولا الحوجه ليكم
الرايق :- غور يلا فى ستين داهيه ... وانت يا مخرج شغل لنا اغنيه بلادى بلادى
*****************
سنعود بعد قليل
***********************
الضاحكون تلى شوب ترحب بكم ..انهارده بنقدم لكم مفاجأه المفاجأت .. هنخلصكم من الحشرات المنزليه من غير مبيدات عزيزى المشاهدين ..كلنا عارفين ان المبيدات الحشريه بتسبب الضرر لاطفالنا الصغيرين ..علشان كده احنا جيبنا ليكم مفاجأتنامجموعه الضاحكون للتخلص من الحشرات المنزليه ..مجموعتنا عباره عن ..3 فرد شبشب حمام الوان معتبره ومقاسات مختلفه ..الشبشب الصغير ده للصراصير الصغيره ..والشبشب الوسط للصراصير الوسط ..والشبشب الكبير لامهات الصراصير ..مش بس كده لا الضاحكون تلى شوب بتقدم .. مسدس خرز للحشرات الطائره وعليه 6 اكياس خرز هديه استنوا لسه مجموعتنا منتهتش .. بنقدم كمان مصيده استانلس للفيران كل ده بسعر محصلشى فقط 2499 جنيه زائد مصاريف الحشن
فقط اتصل على 03000333 زيرو تلتميه زيرو تلات تلاتات
********
عدنا
********************
فرنسا هانم تحييكم وتقدم لكم نشره اخبار الخامسه و17 دقيقه
توجيه مذكره توقيف للرئيس السودانى البشير من المحكمه الدوليه
ومعنا من الخرطوم مراسل الضاحكون الاخباريه عمرو سويلم
عمرو ايه اخر التطورات عندك ؟؟؟
عمرو :- اهلا ست فرنسا ..خير انشا الله انتى تؤمرى
فرنسا هانم :- اصحى معايا يا عمرو احنا على الهواء ..ايه اخر تطورات توقيف الرئيس السودانى
عمرو :- ثوانى بس يا ست الكل البس هدومى لحسن انا كنت فى الحمام باخد دش
فرنسا هانم :- حمام مين الله يكسفك يا بعيد احنا على الهواء ...منك لله يا رايق مشغل معانا شويه مراسليين عربجيه
عمرو :- ليه بس الغلط ده يا ست فرنسا ...احنا بقالنا شهور شغالين معاكم مخدناش ولا مليم احمر ...وعلى كلا استنى ياست الكل ..ادى جرنال قدامى اهو .. سودانى ..سودانى ..سودانى ... بس يا ست الكل .. ادى خبراهو عن السودانى
قامت شرطه بولاق الدكرور بمصادره 2 اردب فول سودانى لعدم مطابقته للمعاير الصحيه وسؤ تخزينه
كان معكم مراسل قناه الضاحكون الاخباريه
عمرو سويلم من امام الحمام
فرنسا هانم :- شكرا يا عمرو ... الله يخرب بيتك وبيت اهلك يابعيد ... هذا وقد علمت قناه الضاحكون الاخباريه ..ان سعر الحديد انخفض لاقل مستوياته وقناه الضاحكون رصدت فرحه الشارع المصرى بهبوط سعر الحديد فى التقرير التالى
مواطن :- حديد مين وزفت مين طيب ما يرخصوا العيش والسلع الغذائيه ..اوعى يا عم من وشى بلا قرف
مواطن تانى :- رخصوا الحديد وغلوا الاسمنت يا قلبى لا تحزن اعوذ بالله منكم ومن بلاوييكم
مواطن تالت :- الحمد لله يا بنى على كل حال ..انا بجد زعلان ومهموم انهم رخصوا الحديد .. انا كل ما كنت افتكر انى فقير دقه وعلى الحديده وافتكر ان الحديد غالى كنت بحس بأمان ..دلوقتى حتى الحديده رخصوها .....عااااااااااااااا
فرنسا هانم :- طيب يا مخرج والنبى لما اخلص النشره والنبى لاجى ااضربك بالشلوت ..ده تقرير فيه فرح يابن المفتريه ؟؟؟
الى هنا سيداتى انساتى نصل بكم الى نهايه نشرتنا الاخباريه لهذا اليوم
كانت معكم فرنسا هانم
سنعود بعد قليل
********************
موس حلاقه قرن الغزال ... تحلق بيه وتكيد العزال
مع موس الحلاقه تمشى فى الشارع وانت مطمئن
مع موس الحلاقه الجديد .. البشله شىء مش مسحيل
مع الامواس هديه قيمه فهرست باسماء جميع المحاميين على مستوى الجمهوريه
يعنى هتشيل الموس
وهتشيل من دماغك البوليس كمان
اتصل على رقم 03000333 ومش هتندم ابدا
*******
عدنا
********
صبرنى يارب والان موعدنا مع برنامج فضفض عشان تنفض
صبرني يارب :مساء ا لخير مستمعينا الحلوين التعمين و ... مع برنامجكم المفدل فدفد عشان تنفد
الحكيكه وصل لاميل البرنامج اميلات كتير اوي اوي والواحد مش ملاحق يقراهم اصلا بس انا اخترتلكم شوية اميلات كده هناخد منهم المهم والباقي ننفدله هههههههههههههههههههه
هاناخد الاول تليفون :
الو مين معايا ....ايوه
...... : الو انا تيتو من مصر 20 سنه ...الاول انا عايزه اشكرك على البرنامج الفزييييييع ده والى لولاه كنا طقينا من الكبت
صبرني يارب :العفو يا تيتو افتكر الجمايل بقى هاهاهاها ....ها ايه هى فدفدتك بقى
تيتو :والله يا مدام سبرني ....
صبرني يارب :ايه يا تيتو هاعورك .....كده انسه من فدلك
تيتو :اسف اوي يا انسه سبسب ..... انا كنت باحب واحده اوي اوي لدرجة ان كنت مستعد اموت نفسي عشانها
صبرني يارب :اه وبعدين انجز مش فاضييييييين قصدي يعنى عشان وقت البرنامج سوغير
تيتو : حادر ....المهم دلوقتي اهلي مش راضيين ابدا انى اتجوزها وعرضت عليها اننا نتجوز ونحتهم امام الامر الواكع بس هى رفدت
وقالتلى يا توتي انا مش ممكن اكون سبب فى فراق بينك وبين اهلك ابدا .... اهيء اهيء اهيء اصلها ملااااااااااااك
ما عادش في منها الايام دي .
صبرني يارب : يا حرااااام بس بس كفايه قتعت قلبي ...تيب وليه اهلك مش موافقين عليها يا تيتو ؟؟؟؟
تيتو : مش عارف كلها اسباب هايفه اوي ...قال ايه عشان اكبر مني بعشر سنين بس ومطلقه وعندها 3 عيال
وانا قلتلهم ما تفرقش معايا الحاجات دي المهم الحب وانا باحبها اوي اوي لدرجة انى لو مش اتجوزتها هاموت نفسي واحتمال اموتها واموتك انتى كمان
صبرني يارب :ايه ده ايه ده لا لا يا تيتو هدي نفسك يا بابا مش كده .... بس يا حرااااااااام قعتعت قلبي فعلا يا تيتو .لا بس انت ما دام بتحبها مش مهم اي حاجه ... واهلك الى ما عندهمش رحمه دول انت لازم تقف لهم وتدافع عن حبك التاااااهر الجميل ده .
ومن موكعي دهوان باناشد كل اب وام انهم ما يقفوش فى تريك اولادهم ويسيبوهم يتجوزوا الى بيحبوهم ويصرفوا عليهم كمان عشان الحب ده حاجه نايس اوي وكول اوي ومش كل يوم الواحد بيقابل حب حكيكى
وباتاسف للخمستاشر اتصال الى على الهولد وللسبعوميت اميل الي نفضنالهم كلهم النهارده عشان تيتو كان رغاي اوي وقتع قلبي وخد كل وقت البرنامج

والى اللكاء فى الحلقه القادمه مع برنامج فدفد عشان تنفد
***********
والى لقاء جديد مع الضاحكون

هناك 76 تعليقًا:

همس الاحباب يقول...

هههههههههه
ما فيش فايدة فيك يا رايق

همس الاحباب يقول...

بس برده تنزله 6 تنزله 5
اخدت اول تعليق
وراحت عليك يا روقة

همس الاحباب يقول...

يا سلام با حماده
من زمااااااان يا جدع ما سمعتش شعر مقفى وموززون كده
يا بنتى انت جهبز
انت من عظماء الشعراء المعاصرين واللاحقين
يا سلام على الابداع فى الشعر ومكنوناته
يا زين ما اخترت يا دكاترة والله
هههههههههه
تسلم الايادى يا روقة

همس الاحباب يقول...

فرنسا هانم
ههههههههه
هههههههه
مراسلين اخر زمن
دول اكيد من اختيار العباقرة الدكاترة الرايق
فول سودانى هههههههه
مراسل عثل والله
حتى الحديدة رخصت يا نهار ابيض
والله لو منك اسيب البرنامج وانزل اضربه بالشلوت
ههههههه
جامد قوى قوى يا فرنسا

همس الاحباب يقول...

انسة سبسبب
تصدقى بالله
انا نتخيل منظرك وانتى مذيعة ومتخيل منظر تيتو
يا نهار ابيض هيبقى برنامج فدفده على حق ربنا
وانا موقعى هذا اضم صوتى الى صوتك واطالب بانشاء جروب على القناة الفدائية والفيس بؤؤ
للوقوف بجوار تيتو فى العمل الاستشهادى الفزيع المريع
هههههههههه
تسلمى يا ام مريم

همس الاحباب يقول...

وبما انى لوحدى فى المدونة
واحتكرت التعليقات والمدونة
احب اطالب بحقى فى الاعلانات
واطالب بطقم شبشب حمام مختلف المقاسات لابادة الصراصير اللى ملت البلد
ويا ريت مسدس مبه بدل الخرز اهو ينفع فى الخناقات المنزلية
وبماان بولو واخد اجازة بكرة
فما يمنعش انى اخد موس حلاقة قرن الغزال
اهو ينفع وقت اللزوم
وسمعنا احلى سلام علشان خاطر شنب الصرصار الكبير
الله يرحمه ويبشبش الطوبة اللى تحت راسه

Appy يقول...

ان بتذاكر من ورانا يا رايق بيه ولا ايه
العيب فى فرنسا سابتك تقول شعر متقوقع فى المعاميق ربنا يسامحها بقى

الفراغ يقول...

والله مش عارفه اشكركم ازاى يا جماعه
عبده الرايق..لك كل الحب والتقدير ..وربنا يسعدك على قد مابتسعد قلوبنا بالضحك معاك

فرنسا هانم ...ماحصلتيش ولا هاتحصلى(دا على وزن اغنية فؤاد المهندس وشريهان)

صبرنى يا رب..حقيقى انت بتخلى الضحكه تطلع منى منغير حساب ومين اصلا هايقدر يحاسب على كل الضحك دهكان زمانه فلس
من زمان

ابنائى الاعزاء...شكرا

shayma يقول...

هههههههههه
بقى كده برضه يا دكاترة تطرد شاعر البلاعات الاصلى كده ده حتى يجنن وبيقول كلام يمس بؤرة العين من جوه يجيبلها التهاب يا راجل
ههههههههههههه

ولا فرنستى ومراسلين القناه
ابو سويلم من امام الحمام وبولاق الدكرور ولا التقرير لا جاااااااااااامده يا فرنستى

انسه سبرنى
احييكى على البرنامج الفزيييييع ده
يا ترى تيتو هيعمل ايه فى المؤساه الى هوا فيها من غيرك

هههههههههههههه
انتو جامدين على فكرة

جنّي يقول...

السلام عليكم

هاهاهاهاهاها..

يا نهار اسود ومنيل بستين نيلة يا جدعان دا انتم بهدلتم اللغة العربية ..

علي النعمة من نعمة ربي لاكنس عليكو السيدة زينب انتو التلاتة لالا الرايق وصبرني بس .. بلاش فرنسا علشام المحطة ما تتشمعش .
ها اسيبكم دلوقتي واروح اتفرج على ماتش الأهلي وراجعلكم ومش ها اسيبكم ..
بالمرة احجزولي شبشب مقاس 95

حنين القلب يقول...

عبده الرايق
اموت واعرف ايه الشعر بمكنوناته العربيه دى يعنى ايه؟؟؟؟

وبعدين ما الراجل زى الفل وقالك شعر احلى من بتاع عنتر وقيس وابو محمد البقال
وانت مصمم تشتته
الراجل كان شغال ورا بنا ومريح دماغه يعنى انت ولا عطيته يوميته ولا سيبته يسترزق
روح يا بابتى ربنا يسامحك

تسلم ايدك يا بابتى

حنين القلب يقول...

فرنسا هانم

يا مامتى حرام عليكى الراجل كان بياخد دش طلعتيه من الحمام على ملا وشه زمانه اخد برد

وبعدين هو ماله ومال السودان والحديد رخص ولا زاد
وبعدين الراجل شغال من غير فلوس يبقى نحمد ربنا ولا نبهدله

ده كبيره مراسل على صابونه او شاور جيل


سكر يا فرنسا

حنين القلب يقول...

صبرنى يا رب

انتى لازم تروحى لدكتور تخاطب
ايه يا بنتى مش فيه كلمه واحده سليمه

فيه حاجه اسمها نفدفد والله ما جبتيه من بره ما ابونا مسميها الفدائيه

ما علينا
تيتو قتع قلبك وبتنصحى كل الاهالى يبسبوا عيالهم يتجوزا براحتهم
يا شيخه حرام عليكى

سبرنى
دمك عسل وربنا
اللى اللكاء كريبا ان شاء الله

حنين القلب يقول...

همس الاحباب

انت اصلا ايه اللى جابك اول تعليق
يا ابنى انت قاعد علطول تشحت كده ادم باب المدونه

ربنا يسامحك يا رايق مش كنت تقولى على الاقل كنت اخدت انا اول تعليق بدل اللى مش يتسمى ده

خالود
يا سيدى انت مش عايز طقم شبشب حمام لاباده الصراصير
نو
نو
نو
انت عايز طقم شبشب حمام تروح بيه الشغل بدل القباب اللى فضحنا بيه فى شغلك ده

اقعد يا جنب مش تخلينى اسيحلك اكتر من كده
ماااااااااشى

سومه...مجنونه فى بلد عاقل يقول...

ههههههههههههههههههه اشوف فيك يوم يا رايق يا بتاع جلد الحنفيات المضروب
ازيك يا خالتو
واحشانى والله يا خالتو

مشوا مواطن من هنا ومتستديفوهوش تانى خالث
عشان ناوى يخرب بيت المقاولين
....
انا عاوزه اعمل اعلان عن سومه كلينيكس الاقيش مكان عندكم

همس الاحباب يقول...

حنين القلب
انا قاعد قدام باب المدونة ارش فليت علشان الحشرات الصغيرة ما تدخلش جوه المدونة
بس مع الاسف مشيت خمس دقايق لقيتك دخلتى نستخدم بقى الاطقم التانية وامرنا لله
استعنا باالله
واحد
اتنين
ثالتة
اما انت صرصار غتت بصراحة
دخل البلاعة

سومه...مجنونه فى بلد عاقل يقول...

ايه يا همس انت ما صدقت لاقيت التعلقات فاضيه قعدت تلعب فى المودنه
ولا يا مواطن
هات يا ابنى جردل الميه خلينا نقفل القهوه اللى منغير مشاريب دى

سومه...مجنونه فى بلد عاقل يقول...

لالا دا همس لسه قاعد لالا النظام دا ميمشيش معايا انا صحيح مش فى المدونه بس ما زلت جاره الضاكون
سومه القويه المفتريه
بقى يا خالتى اغيب كم شهر عشان الدراسه ارجع الاقيكم ملكتوا المدونه لهمس

همس الاحباب يقول...

سومه
هههههه
بنت حلال
جيتى فى وقتك
انا مستعد اعملك اعلان زى الفل
بس تدفعى 3 مليون دولار فورا
علشان اشترى طقم فليت وبيرسول
وانا هخلى الاعلان بتاعك قبل وبعد المسلسل الهندى

واحدة مفروسة يقول...

ههههههههههههههههههههههههههه
هههههههههههههههه
ههههههههههههههه
و الله انتو كلكم على بعضكم مشكلة
هههههههههههههههههههه
بس احيكم من كل قلبي على الرقة الفظيعة فى الاسلوب
ههههههههههههه
الرقة بتنط
هههههههههههههههههه
اولا يا رايق بيه يا دكترة لما تحب تجب شاعر ما تجبش الواد البنا
هههههههههههههههههه
فى واحد شاعر مية مية
بسلك المجاري بس شاعر ايه!!!!!! ههههههههههههه
شاعر براحة بالغة
هههههههههههههههههههه
شعره موزون و بالقافية كمان
ههههههههههههه يالقافية مش بالقفا
هههههههههههههههههه

فرنسا حبيبتى انتى لازم تغيري المراسل بتاعك ده
مش ينفع خااااالص
هههههههههههههههههه

او عرفية ان السوداني انواع بقشرة اللى هوه بتاع القرود و حلوانى و مملح و مقشر و اسوانى
ههههههههه
لازم يكون دقيق و يسألك انتى تقصدى انهو سودانى بالظبط
هههههههههههههههههههههه
صبرني انتى مزيعة فااااااااشلة
ههههههههههههههههههه
ازاي يا ماما تنفضى الايميلات؟؟؟؟؟
ازاي بس
قوليلي السر
حموت و اعرف بتنفضيهم ازاي من غير منفضة
ههههههههههههههههههههههههههه
انتو مالكوش حل

سومه...مجنونه فى بلد عاقل يقول...

ايه رايك يا همس ادفعلك 3 مليون نمله عمله جمهوريه سومه
واكتب عليك سكر:)) واقعد اتفرج

حنين القلب يقول...

همس الاحباب

مين ده الصرصار يا اللى شبه العرسه المطلقه انت

وعايز تستخدم ايه تانى يعنى ؟؟

عرفنى

خالود
بص علشان انا ربنا العالم بعزك قد ايه هريحك من الدنيا وبلاويها
رااااااااااااايق

عايزة موس قرن غزال
خااااااااالود
تسمحلى افتح كرشك
تسمحلى اسيح دمك
يا صغنن اوى يا روح مامتك

سومه...مجنونه فى بلد عاقل يقول...

يا رايق لم تعابينك من المدونه وخاف على عيالك
ابنك الكبير معايا اهو حوديه اقرب قسم شرطه

همس الاحباب يقول...

سومه
هههههههه
وانا بقول النمل اختفى ليه
من مصر
هو انتى سرقت النمل بتاعى يا سومه وعزلتى
نهارك ابيض شبه السكر المقالب

حنين القلب يقول...

سومه


توكلى على الله

ربنا يكرمك وانا هديلك تحويشه عمرى 75قرش بتوعى اديهم للعسكرى علشان يحبسه

ولا اقولك ينفع اخليهم جنيه ونص ويعدمه ؟؟؟؟

همس الاحباب يقول...

حنين القلب
ههههههه
عرسة ومطلقة هههههههه
ماشى ياللى شبه الخنفسة اللى طالعة من الدقيق
موس قرن غزال
حاسبى تعورى نفسك يا شاطرة
دى بتمسك كده
تعالى خدى بشلة اهو نعلمك بيها
ويبقالك مستقبل فى التسول

سومه...مجنونه فى بلد عاقل يقول...

حنين
انا حروح اقولهم انه تبع بن لادن وخلى الخمسه وسبعين قرش معاكى وفريهم وانتى عارفه هم ما حيصدقوا

سومه...مجنونه فى بلد عاقل يقول...

لو ليك وصيه يا همس اكتبها قبل ما تموت

همس الاحباب يقول...

الاخت سومة المسمومة
شكلك دخلتى المدونة غلط يا سومه
ما تسمعيش كلام البت حنين
دى بتغرغر بيكى

همس الاحباب يقول...

وصيتى
اشوف فيكم يوم يا بنات حوا منك ليها

حنين القلب يقول...

سومه

نو
نو
نو
بصى يا ستى
انتى قولى انه من تنظيم القاعده والعيله كلها هتشهد عليها لانه طول اليوم مقيم فى الحمام

ماشى

همس الاحباب يقول...

القاعدة اللى انتى بتشربى منها
وبتقولى عليها زير
مش كده

سومه...مجنونه فى بلد عاقل يقول...

ههههههههههههههه خير خير

حنين القلب يقول...

همس الاحباب

يا ابنى ودع احبابك

زمان امن الدوله واقفين على بابك

وهتتضرب لما يبان ليك صاحب
وطبعا مش حد هيعبرك
وينفوك لمالطا


اميييييييييييييين يا رب

سومه...مجنونه فى بلد عاقل يقول...

طيب انا شايفه الموضوع جمد قوى وانا قمت بدورى كعود كبريت وعملت اللى عليا وعملت الاشتباك اسيب همس لحنين واخلع انا بقى

حنين القلب يقول...

همس الاحباب

لا يا سيدى
القاعده دى اللى بتغسل فيها راسك وكل يوم تصوت تقول
طلعووووونى دى ضيقه على دماغى والحنفيه عماله تدخلى فى بقى

صصصصصصصصصصصصحححححححححح؟؟؟

همس الاحباب يقول...

سومه
هههههههه
كتر خير ك
دايما سباقة للخير
ماتقعدى النار على الشاى
متخافيش مش هنحط فيها بودرة عفريت ولا حاجة
انا اجيبلك معاه لنشون مسمم
اما الست حنين
فربنا يقدرنى على رد جمايلها
انا بعزها لله فى الله

همس الاحباب يقول...

حنين القلب
بقولك ايه انا سامع عربية الاطفال بتنادى على عيلة تايهة
هو انتى جاية لوحدك النهاردة ولا ايه

أحمـــــــــــــد أبو العلا يقول...

ههههههههههههه
عبد بك الرايق
انا اعرف دكتور مخارج حروف انما ايه, وكمان متخصص في الكاف قصدي القاف
هههههههههههه

فرنسا هانم
هههههههه
حلوه أوي اخبار الخامسه و17 دكيكه (على رأي الرايق)
وفريق المراسلين ده عثل وانتم ظالمينه معاكم بصراحه

صبرني يارب
ايه البرنامج العثل ده
لا لا
انا عايز رقمه عشان اكلمك عليه ضغوغي ضغوغي
بس ياريت مبقاش واحد من اللي نفدتيلهم
هههه

حاجات جوايا يقول...

ههههههههههههههههه

الشعر ده فكرنى بشعر عادل امام
الحلزونة ياما الحلزونة خبينى ياما يا حلزونة
هههههههههههههههه

بس حلكة جامدة يا مستر رايق .. ركيكة بشكل فززززززيع
هههههههههههه

-------------

كده يا فرنسا هانم برضه قطعتى الشاور بتاع المراسل
ده كله الا الشاور
هههههههههههههههه
وكمان خرجتيه من سخن لبارد
ده زمانه يعينى جاله برد وحالته صعبة
ههههههههههههههههههههه
افصليه بقى بدل ما يعدى القناة كلها
هههههههههههههههههههههه


--------------------
صبرنى يا مزيعة
كده تنفدى للميلات ده انا كنت باعتالك من السبعميت ميل 699 هههههههههههه كده نفدتيلى
الحلقة الجاية بقى هاخدها لحسابى
انتى مديونالى بـ 700 حلقة
هههههههههههههههههههههههههههه


ربنا يوفقكم جميعا
حلقة جميلة بجد

سالى

عبده الرايق يقول...

هييييييييييييييييييه
الحمد لله
الحمد لله
اول تعليق
انا فزت يا جماعه باول تعليق
اروح اقراء بقى وارجع

عبده الرايق يقول...

اووووووه
نو
نو
نو
الله يخرب بيتك يا محمد يا قهوجى
الواد سقانى على القهوه قهوه البن بتاعها مضروب
شفت نفسى اول تعليق
ههههههههه
خالد وحنين وسومه
خناقه عسل والله
وانا من موقعى هذا ومن كامل مسئولياتى وفى مستوى صلاحياتى
اطالب بالقاء القبض على كل النمل الموجود عند خالد ومصادره البضاعه منه
وعلى المتضرر اللجوء للفليت

عبده الرايق يقول...

همس الاحباب
والله مجدول البوست على الساعه 6 زى اتفاقنا
والتوقيت موجود
انا مش عارف العيب فين
يمكن ساعه النت مخرفه
عموما
ان خلص الفول انا مش مسئول اما الطعميه كباب على طول

عبده الرايق يقول...

Appy
ههههههههه
متقوقع فى المعاميق !!!!!!!
لا حلوه يا ابى
على فكره انا بفكر اكتب معلقه اللى فيها اكتر من 100 بيت شعر دى واسميها مجمع سكانى
ههههههه

عبده الرايق يقول...

الفراغ
والله يا اختى الكريمه كلامك عنى اكبر بكثير من حقى شكرا شكرا شكرا شكرا
واتمنى من الله عز وجل ان اكون دائما عند حسن ظنك بى
ويكفينى سعاده وفخر ان ارى من خلف الشاشه ابتسامه فى وجوه اخواتى فى الله
الف تحيه وشكر وتقدير لكى

عبده الرايق يقول...

shayma
ههههههههههه
ههههههههههه
ضحكتينى يا شيماء
ههههههههههههه
هههههههه
شاعر البلاعات !!!!!!!!!!
انا قلت كده برضه
الواد حلق حوش ده اخره بلاعه
هههههههههه

عبده الرايق يقول...

جنّي
سعيد حبيب قلبى
برضه كده عايز تكنس على وعلى صبرنى يارب السيده
ده انا حبيبك واهلاوى صميم وصنون وصكاف وصدال
هههههههههههه
تحياتى لك يا سعيد

عبده الرايق يقول...

جنى
اه نسيت
شبشب مقاس 95 بالحربه والنبله كمان
بس مقاس 95 ده اكيد بتاع رمسيس التانى
ههههههه

عبده الرايق يقول...

حنين القلب
شوفى يا حنين
قديما قال الشاعر العربى ابن المعتصر
والله يا هشه يا العصفور
وانكش له عشه يا العصفور
وانا يا بنتى عملت بقول الشاعر ونكشت عش حلق حوش وهشيته من القناه

عبده الرايق يقول...

سومه...مجنونه فى بلد عاقل
اهلا اهلا جارتنا العزيزه الست سومه
وحشتينا جدا جدا
ووحشنا الاستاذ الكبير بطيخ
انا سمعت انه هاجر للاسكيمو لانه زعلان ان كل ما حد يشوفه على طول يطلع السكينه ويقول
حمار وحلاوه يا بطييييييييييييخ
تحياتى لكى

عبده الرايق يقول...

واحدة مفروسة
هههههههههههه
ههههههههههههه
هههههههههههه
هههههههههههه
شاعر براحه بالغه !!!!!!!!!!!!
ماشيه جدا مع المجارى
اكيد الشاعر ده خرج من الحمام قصدى من القصيده موزون على الاخر
هههههههههههه
ههههههههههههه
تحياتى لابدع مفروسه

عبده الرايق يقول...

أحمـــــــــــــد أبو العلا
نو
نو
نو
دكتور مخارج حروف وانا موجود
نو
نو
نو
انا واخد دكتوراه من جامعه فوكلاند فى مخارج الحروف اصل كان عندى خال شغال فى الميناء بتاعه السويس كاتب بيقيد كل البضائه المخارج قصدى الخارج منها والوارد
وانا تتلمذت على يديه ونهلت منه كل مخارج الحروف وفى النهايه اكتشفت ان خالى اخرس

عبده الرايق يقول...

حاجات جوايا
هههههههه
حلوه ركيكه يا سالى
انا افتكرتها ركيكه يعنى وحشه وفى النهايه اكتشفت ان انتى اتعديتى منى
وقصدك رقيقه من فعل رقاق
هههههههههههههه
ههههههههههههه
هههههههههههه

صيدلانيه طالعه نازله يقول...

بصراحه يارايق برنامج الشعر ده من الاخر بس التجربه الشعريه اللى قدمتوها مش مؤثره قوى يعنى مخلتنيش اعيط و حاولت ملقيتش و لا دمعه و لا حتى صلصه نزلت
بالنسبه لموضوع الفول السودانى من امام الحمام ده كان جميل قوى يا فرنسا بس يظهر الباشا مكانش شد السيفون لسه لان حسيت بحاجات غريبه و انا بقراه يعنى حرام عليكم جرحتوا مشاعرنا و احساساتنا
و احب اقول لسبسب اننا متعاطفين مع تيتو و احب اقوله اننا معه حتى النهايه و ياريت تبقى نهايته قريب

صبرني يارب يقول...

الواحد مسافة ما يضرب طاجن الباميا كده يجي يلاقي بوست نازل بتعليقاته

ههههههههههههههههههههههههههههه

الاول البوست يجنن يا قوم حلو اوي بجد الى كاتبينه

ومتشكره اوي للناس الي قالت فى البرنامج بتاعي كلام كويس

وفرحانه والله انه عجبكم

ومش قادره ارد على واحد واحد معلش مهنجه على الاخر


بالنجاح دايما يا شباب

همس الاحباب يقول...

هههههههه
صحى النوم يا رايق
انت راجع شارب طبق مخلل ولا ايه
انت التعليق رقم 150 بعد الالف الثالثة
وبعدين نمل ايه اللى انت تصادره يا عمنا
لا يمكن ابدا كله الا النمل بتاعى

فرنسا هانم يقول...

انا جيت متأخره
بس فرحانه ان اول تعليق ضاع من الرايق
تعيش وتاخد غيرها يا روووقه

فرنسا هانم يقول...

همس الاحباب
ايوه يا خالد المراسلين بتوعنا من توظيف الرايق باشا وانت عارف برضه الرايق دايبهم منين
الله يكون فى عونا

فرنسا هانم يقول...

Appy
الفراغ
shayma
جنى
حنين القلب
سومه...مجنونه فى بلد عاقل
واحده مفروسه
احمد ابو العلا
حاجات جوايا
صيدلانيه طالعه نازله

يبدو ان الرايق قام بواجب الضيافه ورد على الجميع
وانا عارفه طبعا انه بخيل ومش قام بواجب الضيافه معاكم
انا اشكركم جميعا

فرنسا هانم يقول...

صيدلانيه طالعه نازله
هو المراسل ده بصراحه جرح مشاعرى انا كمان
لكن انا مش هسيبه هو واللى مشغله
اصل الرايق بيسترخص مراسلين
وانا بصراحه ناويه اتخلص من الرايق نهائيا
ومفيش حد هيساعدنى غيرك
عايزه دواء يجيب اجله بدرى بدرى ونتخلص منه

Doba يقول...

الفكرة بجد ممتازة جدا
اتمنى من كل قلبى ان الحلقات دى يتم نشرها فى اى جرنال كنوع من السخرية لمواقف مجتمعنا وتفكير شبابنا وحتى المواقف المهمة واللى بتأثر على كل بيت
=============

عمل جماعى مميز للغاية حقيقى
كل واحد فيكم حاطط بصمته ومتألق كالعادة

بالتوفيق دوما
====
تحية خاصة لكل فرد على حدى من أسرة الضاحكون وامنياتى بالتوفيق دوما

هبة

غير معرف يقول...

هههههههههههههههههه
هههههههههههههههههههههههههههههههههههههههه
ههههههههههههههههه
هههههههههههههههههه
هههههههههههههههههههه
ههههههههههههههههه
كفايه عليكوا كده

الضاحكون يقول...

Doba
وتحيه وتقدير
وتقدير
وتقدير
لاختنا العزيزه هبه
دايما والله رافعه من شأننا
شكرا جزيلا لكى

عبده الرايق

الضاحكون يقول...

غير معروف
هههههههه
هههههههه
هههههههه
هههههههههه
برضه كفايه عليك كده

الضاحكون يقول...

همس الاحباب
هو انا ماكنتش اول تعليق ؟؟؟؟؟؟؟
امبوسيبول
ذاتس فيرى فيرى امبوسيبول

الضاحكون يقول...

فرنسا هانم
انا طبعا بقوم بالواجب وزياده يا فرنسيس هانم
وقدمت للضيوف حاجه ساقعه وكاكولا وبيبسى وبيريل وشاى وقهوه وحلبسه وجنزبيل وقهوه مانو
صحيح يا جماعه ولا انا بكدب ؟؟؟
صحييييييييييييييييييح يا رايق
شفتى بقى يا فرنسا الناس كلها قالت صحيح ازاى
ظلمتينى يا فرنسيس

طعمية سخنة يقول...

بصراحة انا اتاثرت اوي بشعر حمادة
هههههههههههههههههههههههههههههههه
و تيتو ده كان احمد السقا مش احمد زكي هههههههه بالمناسبة كمان عاااااااا دي بتاعتي انا كل اصحابي علي الميل عارفينها
مدونة جامدة
تحياتي للجميع

قمر 14 يقول...

عم عبده
فرنسا هانم
صبرنى يارب
وكل الضاحكون
تعظيم سلام

قمر 14 يقول...

انا بعت لكم بعض المحاولات الكوميديه
يارب تعجبكم

سومه...مجنونه فى بلد عاقل يقول...

والله يا خالتو لا شربنا شاى ولا قهوه ولا حتى عزم علينا بكبايه ميه
حتى اسالى همس وحنين
ياما قولتلك الرايق دا بلغى عنه الانتر بول

فرنسا هانم يقول...

طعمية سخنة
ههههههههههه
فكرتينى بالطعميه السخنه انا بحبها جدا ومتعوده افطر بيها يوم الجمعه ههههههههههه
اكتب بقى الرد ده وابعت ابن الجيران يلحقنى بالجرعه
على فكره
انا كمان اتأثرت بشعر حماده الشفتشى لدرجه انى كنت هنصب الرايق غفير الشعراء

فرنسا هانم يقول...

قمر 14
وسلام مربع على طول السلام من غير لا بحلقه ولا كلام
وسمعنى الصعيدى على حق

فرنسا هانم يقول...

قمر 14
انا مش وصلنى من حضرتك اى كتابات
يمكن تكونى ارسلتى على اميل الرايق
عموما هنا او هنا المصلحه واحده

فرنسا هانم يقول...

سومه...مجنونه فى بلد عاقل
من غير حلفان يا سومه انا مصدقه
هو انا مش عارفه الرايق ؟؟؟
ده لولا التحذير اللى كاتبينه على عنوان المدونه الرئيسى كان استلف من كل الناس وشردنا
وواجبك عندى يا حبيبه قلبى وسيبك من روقه

الطائر الحزين يقول...

معلش يا أخوانا كنت فى سفرية للصعيد
طولت شوية

الا يا روقة هو الشعر المقفى هو المضروب على قفاة

=======
فرنسا محدش هيجدر يجرب من السودان علشان هيخافوا يسودوا الا لو غيروا اسمها وخلوها بودان

===========
صبرنى يارب
بس وخلاص

عبده الرايق يقول...

الطائر الحزين
الف حمد لله على سلامتك يابطل
المدونه من غيرك كان ناقصها كتير
عموما ياسيدى انا زعقت للواد حماده حلق حوش وطردته علشان شعره بايظ ومضروب 100 قفا على قفاه
لكن المفاجأه الساره انى انا ناوى اكتب شعر والعالم كله هيتكلم على امير الشعراء الجديد الدكاتره عبده الرايق