الاثنين، مارس 02، 2009

افتتاح محطه الضاحكون

الرايق :- استعنا على الشقا بالله يلا يا جماعه نبتدى ..بس ياريت الله يكرمكوا تحاولوا تداروا القرعه دى بلاش فضايح الاضاءه يابنى انت وهو ... فين مهندس الاضاءه ؟؟
المخرج :- معلش يا رايق ملقناش مهندس اضاءه ... جبنا معانا شمعه
الرايق :- ميهمش ... بلاها مهندس اضاءه .. بلاها شمع ....انا عامل حسابى وجايب معايا كشاف
المخرج :- يلا يا رايق اجهز احنا كل برامجنا على الهوا اول ما اقول ثرى ..تو .. وان .. تبتدى على طول وتقراء كلمه الافتتاح
الرايق :- قصر فى الدور ياعم الحاج واتكل على الله ..انت بتكلم الدكاتره عبده الرايق على سن ورمح
المخرج :- خلاص يا دكاتره ..جاهز ؟؟؟ ثرى تو وان .... احنا على الهواء
الرايق :- وشكرا على حسن استماعكم... والسلام عليكم ورحمه الله وبركاته
المخرج :- حرام عليك هتجيب درافها قبل ما نبتدى ؟؟ اقلب الورقه يا رايق وامسكها معدوله
الرايق :- اوووه ..نووو ..سورى ..انا قلتلكم اكتبوها بالمانى ولا بالفرنساوى ولا باى انجلش ..انا ضعيف فى العربى
المخرج :- ابوس ايدك احنا على الهوا بلاش فضايح
الرايق :- خلاص خلاص شط اب يور ماوس ..
الاخوه الكرام سلام الله عليكم نحييكم ونفتتح معكم اليوم قناتنا الفدائيه مع الضاحكون ..تليفون القناه 03000333 زيرو تلتميه زيرو تلات تلتات اتصلوا بينا من اى محمول او اى مكواه بالبخار او اى فانوس وهتلاقونا دايما معاكم
والان نفتتح القناه باسم الله الرحمن الرحيم
وشكرا على حسن استماعكم والسلام عليكم ورحمه الله وبركاته
*********
سنعود بعد قليل
**********
فقره اعلانيه ...
جزر حسونه بعروشه .. تاكل منه ماتحوشه
احلى جزر .. حسونه.. يقوى النظر .. جزر حسونه
اتصل على رقم 03000333 سعر الكيلو 299 جنيه زائد مصاريف الشحن
************
عدنا
*********
فرنسا هانم :- واليكم الان نشره اخبار الضاحكون
فى نباء عاجل لوكاله الضاحكون الاخباريه .. قمه عربيه طارئه فى العاصمه الصينيه بكين
علم مندوبنا فى بكين ان قمه عربيه عاجله تقام الان فى الصين لمناقشه احوال حبل الغسيل فى الوطن العربى .. وقد وافانا مدوبنا بالتقرير التالى
سلام الله عليكم تقام اليوم هنا فى بكين القمه العربيه رقم 25 مليون لمناقشه اوضاع حبل الغسيل حيث اثبتت دراسه علميه ان سؤ حاله المواطن العربى وتراجع قدراته ينتج من اصرار المواطنات العربيات على نشر الغسيل الابيض بره والغسيل الالوان جوه .. وقد اثبتت الدراسه ان الغسيل الملون يزهزه العين وينمى المخ والاعصاب ويساعد على النمو لذلك اتجهت معظم الشعوب الى نشر الغسيل الملون بدلا من الغسيل الابيض وقد علمنا ان هناك جذب وشد ولطم وربما وصل الامر الى تطليع اللسان وتلعيب الحواجب بين القاده العرب وانقسم القاده الى 22 جبهه مستقله كل جبهه تحاول ان تنشر الغسيل براحتها ..
كان معكم محمود رابسو من امام محل الكشرى بالعاصمه الصينيه بكين
فرنسا هانم :- فى نباء عاجل لوكلات الاخبار العالميه تم اختطاف 75 سفينه قباله السواحل الصوماليه .. وقد اتصل الضاحكون بمراسلنا فى الصومال
سعيد .. انت ياض يا سعيد .. انت يا وله .. سامعنى
سعيد :- ايوه يا فرنسا هانم اسمعك بوضوح .. حول
فرنسا هانم :- حول ايه ونيله ايه ياهبل هو احنا بنتكلم فى لاسلكى ..الا قولى ايه حكايه ال 75 سفينه اللى اتخطفوا دول يا سعيد ؟؟؟؟
سعيد :- والله يا فرنسا هانم انا معرفشى عنهم اى حاجه انا مالى ومال الكلام ده انا راجل قاعد على القهوه فى حالى بلعب عشره طاوله مع واحد صومالى وكل صوماويل مخى مركزه فى اللعب ومش عارف بصراحه انتى بتتكلمى عن ايه
فرنسا هانم :- سعيد ... انت اتجننت يا اهبل .. مش انت مراسلنا فى الصومال ؟؟ قوم يلا فز شوف ايه الحكايه
سعيد :-بالراحه بس يا فرنسا متزقييش.. خلاص فرجت فى واحد جاى ومعاه رشاش اهو ... سلام عليكم .. احنا نحب نعرف منك ايه حكايه ال 75 سفينه اللى اتخطفوا هنا فى الصومال
مواطن صومالى :- سفن مين وخطف مين انت باين عليك عايز تموت دلوقتى
سعيد :- لا والنبى يا عم دى الوليه الحشريه اللى اسمها فرنسا هانم هى اللى بتقدم النشره وهى اللى قالت لى اسئل .. انا كنت نايم من اسبوعين ولسه صاحى دلوقتى وهى عايزه تعرف كل حاجه .. عموما انا اسف ..
كان معكم مراسلكم
سعيد ابو رفاص من امام قهوه السعاده فى الصومال
*******************
سنعود بعد قليل
*************
فقره اعلانيه
ايدك يا عسل والريموت ... اللى يحول عن محطتنا يموت
شركه الضاحكون تلى شوب تقدم لكم قنبله الموسم .. اخيرا وبعد طول انتظار ... مجموعه رباط الجزمه القيمه .. احنا بنقدم لكم احلى منتجاتنا من اجود اربطه الجزمه .. رباط تلاته عقده اسبشيل .. ورباط خمسه عقده .. مخصص لرجال الاعمال
مش بس كده
لا شركه الضاحكون تلى شوب بتقدم هديه علبتين ورنيش واحده بغطاء والتانيه من غير غطاء
برضه لسه عرضنا منتهاش ..
بنقدم كمان علبه استانلس هديه مع المجموعه كل ده بكام ؟؟؟
سعرنا مغرى للغايه فقط 999 جنيه زائد مصاريف الشحن
اتصل على رقم 03000333 زيرو تلتميه زيرو تلات تلاتات
*******************
عدنا
***********
حنين القلب :- اعزائى المشاهدين اهلا ومرحبا بكم فى برنامجنا الفكاهى .. مقلب الضاحكون تذكروا جيد كل برامجنا على الهواء مباشره
برنامجنا هو برنامج المقالب يعنى الكاميرا الخفيه .. انهارده بيسعدنا ان نستضيف النجم الكبير الفنان محمود شويغر ونجمنا الكبير غنى عن التعريف فقد حصل على 15 اوسكار عن افلامه المتميزه .... ولعلنا لاننسى الفيلم العظيم ابره البابور مكسوره .. ويسعدنا ان نحييى الضيف الكريم ...
اهلا استاذ محمود
شويغر :- اهلا وسهلا بيكى يا حنين القلب
حنين القلب :- تسمح لنا نعمل فيك بقى مقلب الضاحكون
شويغر :- طبعا اسمح هو انا جاى ليه امال ؟؟ انا مستنى يلا نبتدى البرنامج
حنين القلب :- نبتدى مين احنا على الهواء دلوقتى ... ياريت بقى تمسك اعصابك .. وتعمل نفسك مش واخد بالك من المقلب خالص .. والساده المشاهدين برضه يعملوا نفسهم مش واخدين بالهم ...
شويغر :- ههههههههه... لعبه حلوه يا ستو انا .. اتكلى على الله ... انا مش واخد بالى
حنين القلب :- استاذ محمود احنا يسعدنا اننا نستضيفك فى برنامج الضاحكون ( فلوس بالهبل ) وبرنامجنا عباره عن ثلاثه اسئله السؤال الاول ب 250 الف جنيه ولو جاوبت السؤال التانى تكسب 500 الف جنيه ولو جاوبت الثالث تكسب معانا مليون جنيه .. يابن المحظوظه
شويغر :- من اولها حسد ..قل اعوذ برب الفلق ...انا معاكى يلا اسئلى
حنين القلب :- امسك اعصابك .. السؤال الاول ... موسييييييييييقى ...انا دلوقتى وانا بكلمك واقفه ولا قاعده ؟؟؟؟
شويغر :- لا اظن قاعده على الكرسى
حنين القلب :- هييييييييييييييه تصفيق حاااااااااااااد برافو برافو تكسب معانا 250 الف جنيه .. ركز بقى للسؤال التانى .. احنا جبنا سؤال سهل اما بقى السؤال الجاى يعتمد على التخمين .......... جاهز ؟؟؟؟
شويغر :- ايوه جاهز ان شاء الله
حنين القلب :- بص يا سيدى شايف الراجل اللى هناك ده ..عايزين نعرف بقى اسمه ايه ؟؟؟
شويغر :- لا والله مش شايفه
حنين القلب :- اللى هناك ده اللى ماسك الكاميرا
شويغر :- لا والله مش واخد بالى
حنين القلب :- يابن الحوله .. يابنى اللى هناك ده ... خلاص استنى ... ارفع ايدك فوق يا صلاح ... ايوه هو اللى رفع ايده ده ... خلاص شفته ؟؟؟
شويغر :- ايوه شفته
حنين القلب :- خلاص نزل ايدك يا صلاح ... السؤال بقى تقدر تخمن الراجل ده اسمه ايه ؟؟؟؟
شويغر :- اسمه صلاح
حنين القلب :- هييييييييييييييه الله الله ايه الحلاوه دى تكسب 500 الف جنيه ... السؤال الجاى بمليون جنيه
ركز بقى معايا ...السؤال بيقول ... ماهى عاصمه جمهوريه مصر العربيه ؟؟؟؟؟
وقدامك اربع اختيارات
- كعب الغزال 2 - ام على 3 - القاهره 4 - سمك بلطى
شويغر :- طيب ممكن احذف اجابه
حنين القلب :-ولا يهمك نحذف 3 اجابات ... يبقى الاجابه المتبقيه معانا رقم ....3 - القاهره
شويغر :- مش عارف طيب ممكن اتصل بصديق
حنين القلب :- لا يا بابا صديق مين انا تليفونى رنات بس
شويغر :- طيب ممكن اخد رأى الجمهور ؟؟؟
حنين القلب :- جمهور مين ..لا يا ناصح انا منبهه على الجمهور اللى هينطق بكلمه هقطع له لسانه
شويغر :- خلاص اتوكل على الله واختار القاهره
حنين القلب :- هو فى غيرها ياهبل ..... مبروووووووووووووك كسبت المليون جنيه ...زغرووووووده
شويغر :- هاتى بقى المليون جنيه
حنين القلب :- استاذ محمود احنا بهزر
شويغر :- نعم ياروح طنط ... عليا الطلاق بالتلاته منا منقول الا بالمليون جنيه
حنين القلب :- والنبى يا عم انا مييييييييح خالص وكلنا على بعض ممعناش اكتر من 75 جنيه
شويغر :- انا قاتل يا مقتول
حنين القلب :- والنبى ياعم محمود انا مستلفه الجزمه والفستان .. حتى الموبايل مايساويش 50 جنيه والنبى معلش .. ده احنا اربعه بناكل فى طبق كشرى واحد
شويغر :- خلاص هاتى طبق الكشرى واياك تعملى مقالب تانى معايا
******************
سنعود باذن الله
مع تحيات فريق العمل بمدونه الضاحكون

هناك 66 تعليقًا:

حاجات جوايا يقول...

طب احجز اول تعليق قبل الزحمة
وارجع تااااااااااااانى


سالى

همس الاحباب يقول...

ههههههههه
هههههههه
ايه يا رايق
نزلت بالبوست بدرى كده ليه
ولا الجدولة لزت منك
الحقى يا فرنسا
ههههه

حاجات جوايا يقول...

هههههههههههههههههههه
ايه القناة العسل دى

واعلاناتها الجبارة
الجزر عندكوا بـ 300 ج ليييييييييه ؟؟
ههههههههههههههههههههه

شغل حلووووووو ما شاء الله
شدوا حيلكوا فى انتظار باقى الحلقات

همس الاحباب يقول...

ههههههههه
هههههههه
بلاش فضايح يا رايق
اتجيب درفها من اولها كده
وشكرا على حسن استماعكم والسلام عليكم
ههههههههه
انا شغال بتصل على 03000333
والخط مشغول
سيب التليفون يا رايق
وركز مع المخرج

همس الاحباب يقول...

سالى
لا انتى فهمتى غلط
مش الجزر ب300 جنيه
ده مصاريف الشحن بس
تمن كيلو الجزر 500 دولار
ما هو جزر الضاحكون
مش جزر ام عطيات
اتصلى انتى بس وهنبعتك 5 كيلو ببلاش

همس الاحباب يقول...

حنين القلب
ههههه
يا فضايحنا على الهواء
موبيل ب50 جم ورنات كمااااان
واربعة فى طبق كشرى
ايه عيشة التقشف دى
ده احنا معانا اكبر قناة فدائية
ومعانا الدكاترة عبده الرايق
بيدفع بالدولار
ولا خايفة من الحسد

أحمـــــــــــــد أبو العلا يقول...

ههههههههههه
عسل
قناتكم عسل
وبرامجكم سكر
وأسعاركم رخيييييييييييييصه

ههههه
راااااااااائع

صبرني يارب يقول...

هههههههههههههههههههههههههههه

حلوه حلوه حلوه

طيب والله احلى من ابو حفيظه هههههههههههههههههههه

مبروك يا جودعان

الضاحكون يقول...

اخوانى الاعزاء
اخواتى الكرام
نتمنى من الله ان تحوز قناتنا على اعجابكم
ونتمنى ان نستطيع رسم البسمه على وجوهكم
شكرا جزيلا لكم

فرنسا هانم

غير معرف يقول...

ههههههههههههههههه
هههههههههههههههههه
هههههههههههههههههههه
هههههههههههههههههههههه
هههههههههههههههههههههه
هههههههههههههههههههههه
والله دمكم شرباااااااااااااااااااااااااااااااااااااااااااااااااااااااااااااااااااااااااااااااااااااااااااااات

قمر 14 يقول...

انا من كتر الضحك مش عرفت اكمل الحوار
ههههههه
هاكمله بكره
بس ارجوكم بلاش تغلوا الاسعار
سلام

شفقة هانم واحسان بك يقول...

تحفة تحفة تحفة
كلكم تجننوا احنا من كتر الضحك هنطلع على سرايا المجانين

عاشقة الحب يقول...

مروك على الافتتاح
و في انتظار الحلقات
القادمة
بس متصرفوش على انتاجها
كتير
بردو راعوا حالتكوا
و انا من نحيتي عشان اساهم معاكوا
هاخد عرض رباط الجزمة
و نص كيلو جزر من بتاعكوا
ده اللي بيقوي النظر

صيدلانيه طالعه نازله يقول...

حلو موضوع رباط الجزمه طب و الله يا بلاش و كمان 5 عقده
البرامج كلها جميله و نشره الاخبار بتجيب التايهه
هههههههههههههههههههههه
و لو سمحتوا عايزين نعمل اعلان عندكم بس بلاش الرايق يقدمه ربنلا يخليكم
لان الاعلان عن صيدليه فمش عايزين كوارث

واحدة مفروسة يقول...

هههههههههههههههههههههه
هههههههههههههههههه
هههههههههههههههههههه
بس ايه الخيانة ديه
مش كنت تقول يا رايق القناة بتاعتكم فى انهو قمر؟؟؟؟
قعدت ادور فى كل الاقمار مش لاقيت و بعدين قالولى ان القناة بتيجي على قمر 14
و الطبق اللى عندى مش بيجيب القمر ده
قولى بقا الطبق اللى اجيبة مواصفاته ايه؟؟؟
ميلامين و لا صيني؟
و برضه مش اديتنا التردد
مش لازم اعرف التردد بتاع القناة؟؟؟
افقى و لا راسى ولا نايم على جنبه ولا واقف على دماغة
ههههههههههههههههه
و بعدين يا دكترة انت مش محتاج ولا لمصور ولا لاضائة
انت هات شوية بنزين وولع فى البلاتوه تلاقى الدنيا نورت لوحدها
هههههههههههههههههه

و بعدين ايهه المراسلين السكة اللى انت جايبهم دول؟؟
ههههههههههههههههه
انت لو كنت قلت كنت بعتلك البواب بتاعنا مراسل درجة اولى
بينقل اخبار الشقق على الهوا مباشرة
هههههههههههههههههههه
و ايه المذيعة الحنينة ديه؟
ههههههههه
مش فاهمة شغلها خااااالص
الشطارة انها مش تحط الاجابة الصح من ضمن الاجابات
ههههههههههههههه

بوست تحفة
تحياتي

واحدة مفروسة يقول...

اه نسيت اسألكم مصاريف الشحن
لازم تكتبوا بيها ليسته علشان حماية المستهلك
هههههههههههههههه
يعنى النقل لو على حمار يبقى بكام و لو على عجلة يبقى بكام
و لو متورجل يبقى بكام
و لو بالحمام الزاجل يبقى بكام
هههههههههههههههههههههههههه

غير معرف يقول...

ههههههههههههه
النشره الاخباريه بتاعتكوا تحفففففففففففففففففففففففففففففه
ولا البرنامج بتاع المقالب
يجنننننننننننننننننننننن
ههههههههههههههه
انا مبسوطه انى اكون معاكم وفى عالم ملىء بالابتسامه
جزاكم الله عننا خير

سومه...مجنونه فى بلد عاقل يقول...

واحشينى جداا يا جماعه والله ومفتقداكم كلكم سى عبدو وخالتو فرنسا
وكلكم

عبده الرايق يقول...

حاجات جوايا
مبروك على اول تعليق
ومطلوب منكى 10 الاف يورو رسوم اول تعليق

عبده الرايق يقول...

همس الاحباب
بناء على طلب الجماهير تغير الموعد الى يوم الاثنين
بدل الثلاثاء
وده اظن كان طلب مييييييييييييييييييييييييييييين
ههههههه
كان طلبك انت ياباشا

عبده الرايق يقول...

حاجات جوايا
الجزر ب 299 جند غير مصاريف الشحن
يعنى ممكن يوصل ل 219 جند وده مش غالى ولا حاجه
لانه جزر منتج خصيصا من اجل النظر
ههههههههه
تحيات الضاحكون لكى ياسالى

عبده الرايق يقول...

همس الاحباب
انا مش شاغل الخط ولا حاجه
انا لسه بتعلم الارقام بالعربى
اصلهم جابوا تليفون بارقام عربى
وانت عارف بقى

عبده الرايق يقول...

احمد ابو العلا
لا ولسه الاسعار هترخص كمان وكمان
نحن نحارب الغلاء
هههههه
شكرا لك

عبده الرايق يقول...

صبرنى يارب
ربنا يبارك فيكى يا صبرنى يارب
على فكره موضوع الطبيخ فى الدرافت يجنن

عبده الرايق يقول...

فرنسا هانم
انا بقترح تسيبى موضوع النشره دى وتدورى على عربيه بطاطا او ترمس وتلقطى رزقك احسن

عبده الرايق يقول...

غير معروف
كل دى ضحكه
ربنا يزيدك كمان وكمان

عبده الرايق يقول...

قمر 14
احنا عارفين ان البوست طويل
بس ياريت تكملى قرايه للاخر
لان فى مجهود كبير والله اتبذل
تحياتنا لكى
ولكل الاقمار ال 14

عبده الرايق يقول...

شفقة هانم واحسان بك
نو
نو
نو
بلاش سراااااااااااااااايا المجانين
انا اتهريت من جلسات الكهربا

عبده الرايق يقول...

عاشقه الحب
الله اكبر
الاعلانات جابت نتيجه يا جودعان
قرب قرب قرب
اول تحويل فلوس
شكرا لكى على التشجيع

عبده الرايق يقول...

صيدلانيه طالعه نازله

طيب ده انا كنت ناوى اعمل ليكى تخفيض على كل اعلانات الصيدليه بنسبه 1 فى الميه
عن كل اعلان
يعنى لو الاعلان الواحد عندنا بالف جند
مش هتدفعى غير 990 جند فقط لا غير
يا بلالالالالالالالالالالالالالالالالالالالالالالالالالالاش

عبده الرايق يقول...

واحده مفروسه
هههههههههه
مش بقولك وحشنا كلامك
بصى بقى ياستى
القناه بتاعتنا على تردد صلاح سالم من ش الكورنيش
ومعدل الترميز افقى على راسى يعنى من الاخر وسط
والقناه دى مش محتاجه طبق ولا غيره
هى حله تتحط خمس دقايق على النار وفيها كوز ميه مبلوله ودى بتدينا طاقه متجدده لمده سنه كامله ومن غير كامات ولا تشفير ولا غيره
على فكره
رأيك القناه يهمنى جدا جدا جدا

عبده الرايق يقول...

واحده مفروسه
النقل عندنا بالتوك توك
والمسافه تقاس بالمتر
يعنى لو الكيلو متر مثلا فيه 50 متر بنضرب سعر المتر وهو 5 جند فى 50 متر يعنى حوالى 644 جند للكيلو متر الواحد
ونقطه الصفر فى المقاسات تبدا من خط الطول جرينتش خط الصفر

عبده الرايق يقول...

غير معروف
احنا والله الاسعد بتواجد الجميع معنا

عبده الرايق يقول...

سومه..مجنونه فى بلد عاقل
ههههههه
احنا اللى تشرفنا جدا جدا بوجودك معانا

عبده الرايق يقول...

حنين القلب
وانا داخل المدونه من حوالى نص ساعه لقيت اسم حنين فى البتاع بتاع الاعلام ده اللى اسمه ترافيك فييد
قلت هلاقى حنين موجوده
مش لقيتك
انت تهتى تانى ولا ايه ؟؟

عبده الرايق يقول...

حنين القلب
وانا داخل المدونه من حوالى نص ساعه لقيت اسم حنين فى البتاع بتاع الاعلام ده اللى اسمه ترافيك فييد
قلت هلاقى حنين موجوده
مش لقيتك
انت تهتى تانى ولا ايه ؟؟

حنين القلب يقول...

عبده الرايق

انا جيييييييييييييييت يا بابتى

اولا
انتوا كلكم وحشتونى جدااااااااااااا

بابتى وربنا كان ناقصنى كتير من غيركم
ربنا ما يحرمنى منكم
ولا يحرمكم منى

روقه
كده سايب الواد خالد يقطع فى فروتى فى غيابى
وربنا لاقطعه
ماااااااااشى

حنين القلب يقول...

فرنسا هانم

مامتى
حبيبتى
وحشتينى مووووووووووووووووووووت

عامله ايه؟؟
يا رب تكونى بخير ويخليكى لينا يا مامتى

حنين القلب يقول...

همس الاحباب

بص بقى
يعنى انا غيبت اكتر من شهرين وبرضه رجعت لقيتك زى ما انت
مفيش فايده

بس عارف
وحشتنى غلاستك ورخمتك ومش كنت لاقيه حد يغلس عليه

واد يا خالد
ازاى همس وام همس يا رب تكونوا كلكم بخير

حنين القلب يقول...

همس الاحباب

حنين القلب
ههههه
يا فضايحنا على الهواء
موبيل ب50 جم ورنات كمااااان

ايوة يا عم موبيلى ب50 جند واسكت بقى لحسن بابتى كان هياخده ويديه هديه لحسن الفراش وهو اصلا مش فيه رصيد ولا خط ولا ارقام بس فيه فيه رنات بيعمل موسيقه لوحده

واربعة فى طبق كشرى
ايه عيشة التقشف دى

اومال لو مش كنت ابن الرايق وعارف انه اصلا مجوعنا
عالعموم انا اصلا سيبت نصيبى فى الكشرى علشان الرايق زود الشطه

ده احنا معانا اكبر قناة فدائية
ومعانا الدكاترة عبده الرايق
بيدفع بالدولار
ولا خايفة من الحسد

حسد ودولار
واد يا خالد
انت عيان
سلالالالالامتك ربنا يسامحك يا روقه الواد جاتله انميا وبيخرف

حنين القلب يقول...

واحده مفروسه


وحشتينى يا مفروسه

والله وحشتينى موووووووت

سلامتك الف مليون سلامه ويا رب تكونى بخير

بقى مش عجباكى المذيعه الحنينه
ماشى يا شريرة
ربنا يسامحك
بس عندك حق المفروض الاجابات مش يبقى معاها الاجابه الصحيحه علشان مش يكسب

حقك عليه
المرة الجايه هنراعى الحاجات دى

وحشتينى كمان مرة يا مفروستى

عبده الرايق يقول...

حنين القلب
قيس ابن عمتى عندنا !!!!!!!!!
يا مرحبا يا مرحبا
نورك غطى على الكهربا
يا مسرووووووووووووووووور
السيف يا ولد
نو
نو
نو
سيف ايه ؟؟؟؟
دحنا نفرش الارض ورد علشان رجوعك لينا بالسلامه
انا كان عندى اجتماع مهم جدا مع كبار رجال الصرف البلديه
لكن قلت لنفسى
اسيب الاجتماع
واجيب ربع كيلو سكر ونص ازازه شربات واعمل كام كوبايه شربات وافرقهم كل واحد شفطه

حنين القلب يقول...

عبده الرايق

مسروررررررررررررررررر
دى اخرتها
وهتفرش الارض ورد
بص وفر تمن الورد وهات 2 كيلو لحمه نتغدوا بيهم
جعانه والنبى

ومش بحب الشربات
هاتلى مشبك
عاااااااااااااااااااااااااا
عايزة مشبك يا بابتى

همس الاحباب يقول...

الرايق
مسرور
وصل والسيف معاه
تعرفى تقولى الشهادة يا بت يا حنين
ولا ناوية تموتى فطيس
ده انا مستنيكى على نار
والسيف مسنون عند على السنان
ب3 تعريفة

همس الاحباب يقول...

حنين القلب
بصراحة كده
انا كنت مستريح
والمدونة كانت منورة من غيرك
مش كده يا فرنسا
ةلا اقولك بلاش فرنسا
مش كده يا رايق
وبلاش الرايق برده
مش كده يا خالد
ايوووون كده
ده كلام مظبوط المدونة كانت منورة من غيرك
شايفة الكل شهد عليكى اهو
يا ريت تغيبى قد قرن او اتنين كده
شوية هوا يعنى

غير معرف يقول...

الساده الضاحكون
والسكر زياده
برضه الضاحكون
قناتكم زى العسسسسسسسسسسسسسسسسسسسسسسسسسسسسسسسل والله
انا مش عندى مدونه
لكم متبعاكم باستمرار
وانهارده كان لازم اكتب حاجه عندكم
شكرا لكم جميعا

جنّي يقول...

السلام عليكم

عدنا

كيف حالكم جميعا ايها الضاحكون

انا رجعت من مصر وبجهز تدوينة زي السكر ..

المهم ايه المحطة الرائعة دي دا انتم ضربتم موجة كوميدي على عنيها والنيل كوميدي على قفاها ..

بس ممكن والله تستضيفوني في برنامج المسابقات يمكن اكسب المليون ولو ما اخدهمش هااخد حنين رهينة وساعتها خالد ابو همس هايفرح قوي ..

وايه كحاية الفدائية خايف يدبسوكو في بومبة الحسين ..

وما لقتوش الا اسم سعيد وتعملوه مراسلكم في الصومال .. ماشي ها تترد لكم ان شاء الله ..

سلام

عبده الرايق يقول...

حنين القلب
عايزه مشبك ؟؟؟؟؟؟؟؟؟
حا ضر
من عينى
انهارده بالليل قبل الفجر هاعمل عمليه سطو على البلاكونه بتاعتنا واسرق مشبك غسيل معتبر
بس انتى عايزاه بلاستيك ولا خشب
عموما
ندعى بس العمليه دى تنجح والرزق اللى هيطلع مشبك غسيل بلاستيك او خشب مش هتفرق
انتى تؤمرى بس يا حنين

عبده الرايق يقول...

همس الاحباب
طيب اقولك يا خالد
ممكن تأجل مسرور شويه علشان فى واحده تانيه فى بالى محتاجه للسيف
يمكن لما ياخدهم جمله نوفر فى البنزين
اول حرف من اسمها فرنسا

عبده الرايق يقول...

غير معروف
ياستى انتى تشرفى فى اى وقت
واحنا سعداء ان ناس متبعابا حتى من خارج التدوين

عبده الرايق يقول...

جنى
يا مليون مرحبا
الف سلامه يا سعيد
اتمنى تكون تمتعت بالاجازه
واجنا فى انتظار البوست بتاعك
اما بقى عن المحطه الفدائيه
انت لو قريت البوست اللى فات هتعرف
لكن انا برضه هاقولك
هو القمر الصناعى مش بيطير بره فى الفداء
تبقى المحطه فدائيه
اخوانك الضاحكون قالوا ان اسمها الفضاء
ومفروض تبقى محطه فضائيه
لكن انا من واقع خبرتى اللغويه والنحويه والصرفيه اكتشفت انها الفداء وليس الفضاء

حنين القلب يقول...

همس الاحباب

بقى كنت مستريح منى
انسسسسسسسسسسسى انك تعرف تخلص منى
انا قاعده على قلبك ومربعه لحد ما روحك تطلع ونرتاح منك احنا

والمدونه كانت منورة من غيرى يا رب تنور مدونتك بحريقه وانا اللى هولع فيها

والكل شاهد عليه
هو فيه غيرك بلا نيله وانت اصلا مش ينفع يتاخد بشهادك لان ليس على المريض حرج
صح ولا ايه ؟؟؟؟
ايووووووووون كده

يا ريت تغيبى قد قرن او اتنين كده
شوية هوا يعنى

ماشى يا خالد
هغيب ساعه وربع كويس ؟؟

حنين القلب يقول...

همس الاحباب

تك قطع لسانك يا اخى
عايز الرايق يقطع رقبتى
طب هخليك نايم واقطعك حتت بالساطور وهاخد الكبده والطحال اعملهم ونتعشى بيهم وكده هتبقى انت اللى موت فطيس

وبالهنا والشفا على عيله الرايق

خلى ال3 تعريفه ينفعوك بقى

حنين القلب يقول...

عبده الرايق

يا بابتى انا عايزة مشبك حلويات بتاع طنطا تعرفه اللى فيه عسل
وده بجنيه ونص يعنى مش محتاجه سطو
وعايز تعمل سطو على بلكونتنا
يالهووووووووى
الحقى يا فرنسا الرايق هيسرق بيته

همس الاحباب يقول...

حنين القلب
قاعدة على قلبك
على اساس انى كرسى حمام يعنى
ومربعة كمااااان
على اساس انك قاعدة على حصيرة فى دوار العمدة
وهتولعى فى مدونتى
ما بلاش انتى والنبى
خلى حد غيرك يقولها
احسن تلاقى مدونتك فى خبر كااااان
وقد اعذر من انذر
وخليك شاهد يا رايق انت وفرنسا

همس الاحباب يقول...

جنى
سعيد باشا حمدلله على السلامة واجازة سعيدة
وتعالى يا عم وانا اديللك حنين والرايق كماااااان رهينة
واطلب فيهم فدية مليون جنيه
وتعالى قابلنى لو حد دفع قرش واحد
وربنا يكون فى عونك وما ترجعش بيهم تانى وتدفع عليهم فلوس

فرنسا هانم يقول...

مبرووووووووك رجوعك بالسلامه ياحنين
والله يابنتى كنتى واحشانى جدا
تحياتى لقلمك الضاحك الجميل
انا ضحكت على اسلوبك قوى قوى
بس بلاش فضايح الكشرى
ههههههه
تسلم ايدك يا حنين

فرنسا هانم يقول...

همس الاحباب
وحنين القلب
ههههههههههههه
هههههههههههه
انتوا شدين فى شعور بعض كده ليه ؟؟
ولد يا خالد ابعد عن حنين احسن لك دى اخر العنقود سكر معقود
وبلاش تمشى وراء كلام اللى مايتسمى
اللى اول حرف من اسمه عبده الرايق

فرنسا هانم يقول...

كل زوارنا الكرام
عبده الرايق قام بالواجب ورد على الجميع
واسمحوا لى ارد رد جماعى
شكرا لكم على متابعتكم لنا
وانتظروا الليله اليوم الثانى من محطتنا الفدائيه

فرنسا هانم يقول...

الطائر الحزين
انت ليه مش متواجد يا ايهاب ؟؟
طمنى عليك

الطائر الحزين يقول...

شكر كبير لكل من سأل عن غيابى الحمد لله بخير حمدا لله على سلامتك يا حنين من اولها كدة تتخانقى وتشدى فى شواشى اخواتك


==========
رايق فرنسا شكرا لكم على التواصل

=============
مش عارف ليه مش بتتعاملوا بالاسعار السياحية مع المكالمات الخارجية لازم تضيفى 33 دولار و57.5 سنت على سعر كيلو الجزر لو كان مبشور اما لو كان مش مبشور يبقى السعر هيزيد علشان الحمولة

حنين القلب يقول...

همس الاحباب

حنين القلب
قاعدة على قلبك
على اساس انى كرسى حمام يعنى
ومربعة كمااااان

بلا نيله يا ريتك حصلت كرسى حمام ده انت قاعده تلاجه و3 عجلات بس يعنى قعده تلاجه عرجه

وهتولعى فى مدونتى
ما بلاش انتى والنبى
خلى حد غيرك يقولها
احسن تلاقى مدونتك فى خبر كااااان
وقد اعذر من انذر

لا انا بقى يا خالد واعلى ما فى خيلك اركبه بس اوعى تقع من عليه ليدوس عليك ونخلص منك قول امين
اميييييييييييييييييييييين يا رب
وخليكم شاهدين يا رايق انت وفرنسا

انا اعلنت الحرب على الواد ده

حنين القلب يقول...

فرنسا هانم

والله انتى اللى وحشتينى يا حبيبتى

شوفتى يا مامتى الواد خالد مبهدلنى ازاى
ربنا يرحمنى منه ومن رخمته
بس سيبك انتى انا هعمل فيه فصل هيجننه

عايزة تعرفيه
ادخلى الدرافت وهتشوفيه

ربنا يخليكى يا مامتى ولا يحرمنى منك ابدااااااااااا

حنين القلب يقول...

الطائر الحزين


الله يسلمك وحمد الله على سلامتك انت كمان

والله خالد اللى مشاغب وماشى يشد فى شعره ويقول
انا مش قصير قزعه انا طويل واهبل

لحد ما صدق نفسه وماشى طول اليوم فى الشقه موطى ولما اقوله افرد طولك يا ابنى يقولى هخبط فى السقف
مش فاهمه سقف ايه ده اللى طوله 80سم
يلا ربنا يشفيه

كيف تربح الاف الدولارات من الانترنت يقول...

كيف تربح الاف الدولارات من الانترنت

كيف تبدأ مشوار الربح من الانترنت هذا

لكي تربح من الانترنت لابد وان تتعلم أشياء كثيرة عن المهنة التي تود العمل بها فكي تكون طبيب لابد من دراسة الطب ولكي تكون مهندس لابد من دراسة الهندسة هذه طبيعة الحال كذلك الحال مع الربح من الانترنت فباعتبارك ستخوض مجالا جديد بالنسبة لك فلابد من التعلم المستمر لهذه المهنة الجديدة المشوقة السهلة جدا واليك شرح جيد جدا في كيفية أن تبدأ في الربح من الانترنت والحصول على وظائف وتعلم التجارة الالكترونية وسهولة الحصول على وظيفة ثابتة


كيف تربح الاف الدولارات من الانترنت

كيف تربح اموال وأنت على الأنترنت

أبدا ألان اربح من الانترنت وتعلم التجارة الالكترونية اعرف أنواع الربح من الانترنت

kiki يقول...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園