الأحد، مارس 22، 2009

عيله تجنن ... انا واختى والجنان

فقره اعلانيه
*******
عزيزتى ست البيت ...افرحى طبلى هللى ..وسمعينى احلى زغروده
خلاص
خلاص
خلاص
زمن القمل ولى وراح
يسر شركه الضاحكون تلى شوب ان تقدم لكم ..العبوه الفاخره من انتاج الضاحكون
عبوه متميزه من اجمل منتجاتنا (( ميه نار ))
ايوه ميه نار تقضى على القمل والصئبان فى خلال 30 عام ...ايوه فقط 30 عام ... كل ما عليكى ان تضعى ميه النار فى راسك 12 مره يوميا بمعدل مره كل واحده كل ساعتين لمده 30 عام وبعدها بصى فى المرايا وادعيلنا
***************
المسلسل العربى والان اعزائى مشاهدى قناه الضاحكون الفدائيه موعدنا مع المسلسل العربى ...عيله تجنن ... بطوله فريق العمل بمحطه الضاحكون الفدائيه
حلقه اليوم بعنوان ...... انا واختى والجنان
..
همس الاحباب وحنين القلب
.
حنين القلب تطرق على باب همس الاحباب فى منتصف الليل
همس الاحباب :- ادخل
حنين القلب :- اخويا حبيبى همس انا مش قادره انام
همس الاحباب :- خير يا حنين يا اختى يا حبيبتى مالك ؟؟
حنين القلب :- مش عارفه اكمل رساله الدكتوراه بتاعتى
همس الاحباب :- ليه بس ... ايه اللى حصل
حنين القلب :- اصلى اخترت رساله جديده علشان اكون منفرده ..وهى عن طبيعه جسم الانسان ..وانا عايزه اصور رسالتى بالفيديو ومحدش عايز يساعدنى ابدا ..وكل ما اجيب متطوع او متطوعه ميرضاش ابدا انى اصوره
همس الاحباب :- طيب انا اساعدك ازاى ؟؟
حنين القلب :- مفيش غيرك يا اخويا يا حبيبى .. انت اللى هتساعدنى اكمل الرساله ..وهصور جسمك واعرضه فى رسالتى
همس الاحباب :- خلاص يا حنين يا اختى يا حبيبتى انا موافق ..هو انا اقدر اتاخر عنك
حنين القلب :- اخويا حبيبى انت الامل والمنى والدنيا والاحلام ..خد بقى امضى على الورقه دى
همس الاحباب :- ورقه ايه دى يا حنين ؟؟
حنين القلب :- دى ورقه انك موافق على التصوير لازم تكون كل حاجه رسمى
همس الاحباب :- وادى يا ستى امضتى اهى
حنين القلب :- يااااااه مضيت من غير ما تقراء
همس الاحباب :- انا كلى فداكى يا اختى
حنين القلب :- طيب اروح بقى اجهز نفسى وبكره نبتدى الشغل
بعد يومين يدخل همس الاحباب المنزل فيجده فارغا الا من حنين القلب وحدها .. ويجد فى وسط الصاله طاوله شيز لونج
ويجد حنين بجوارها فى انتظاره
همس الاحباب :- ايه ده يا حنين ؟؟
حنين القلب :- دى يا خويا الشيزلونج اللى هصورك عليه واعمل الرساله بتاعتى ..بس انا طالبه منك طلب صغير قد النوايا ..
همس الاحباب :- انتى تؤمرى يا اختى
حنين القلب :- معلشى انا لازم اربط ايدك ورجلك علشان اقدر اصور براحتى
همس الاحباب :- خلاص يا اختى اربطى براحتك
وتربط حنين القلب همس الاحباب فى الشيزلونج بحرفيه فائقه حتى لا يستطيع الحركه نهائى
همس الاحباب :- ايه ده يا بنتى انتى هتعدمينى ولا ايه ؟؟ كل دى ربطه
حنين القلب تدخل الى غرفتها وتخرج منها وهى تمسك عده سكاكين ومنشار وكاميرا ديجيتال .. وتتجه بقل ثقه وثبات الى همس الاحباب الذى ذهل من منظرها ومن منظر السكاكين والمنشار وصاح فيها قائلا
همس الاحباب :- ايه ده يا حنين ؟؟ انت ناويه تقطعينى ولا ايه ؟؟
حنين القلب :- نعم .. وعلى رأى ابوك الرايق .. يس .. انا هاعمل عليك رساله لتصوير جهازك الهضمى والتنفسى والدورى وانت حى ترزق .. قولى بقى تحب افتح بطنك من اليمين ولا من الشمال ؟؟؟
همس الاحباب :- هههههههه انتى طبعا بتهزرى .. يلا فكينى وبلاش لعب عيال
حنين القلب تتحدث بكل ثقه وثبات وبصوت عالى وتقول
حنين القلب :- انا مش بهزر دى رسالتى ولازم اكملها .. وانت خلاص مضيت لى على الورقه ..اسمع كده الورقه مكتوب فيها ايه .. اقر انا همس الاحباب وانا فى كامل قواي العقليه وبدون ضغط وبأرادتى الكامله انى اسمح لاختى العزيزه حنين بتصوير جهازى الهضمى والتنفسى من الداخل .. امضاء ..همس الاحباب
همس الاحباب :- داخل مين وخارج مين يا مجنونه انتى ..فكينى يا بت احسن لك
حنين القلب :- اخويا حبيبى
همس الاحباب :- خوت لما ياخدك يا مجنونه .. فكينى يا هبله يا عبيطه انتى احسن لك .. الحقوووووووووووووووونى
حنين القلب :- اهداء بقى يا همس علشان اعرف انشرك
همس الاحباب :- يا نااااااااااااااااااس يا هووووووووووووووووه .. حد يلحقنى .. ابعدى عنى يا ملحوسه الله يخرب عقلك ..
تذهب حنين القلب الى جهاز التسجيل وتقوم بتشغيل اغنيه ريا وسكينه بعد ان هزت اللمبه
والملاحه والملاحه وحبيبتى ملو الطراحه ...انا ايه ذنبى انا ايه ذنبى شاورت لى بالمنديل البمبى
فيغمى على همس الاحباب ويحلم انه يرى الرايق وفرنسا والطائر وصبرنى يارب والكل يربط بطنه بشاش
همس الاحباب :- ايه اللى عمل فيك كده يا رايق ؟؟؟
الرايق :- المجنونه المهوسه اختك حنين القلب ضحكت عليا قال ايه عايزه تلاقى خاتم سليمان فى السمك اللى كلناه اول امبارح وفتحت بطنى ومعرفتشى تسدها تانى وركبت ليا سوسته
فرنسا هانم :- وانا ضحكت عليا المجنونه دى وقالتلى انا عندى دكتوراه فى الامعاء الدقيقه واتاريها بتدور على خاتم سليمان
الطائر الحزين :- وانا تقولى انت اخويا وحبيبى انت الامل والمنى والدنيا والاحلام وفى الاخر تفتح بطنى
صبرنى يارب :- ياناس حد يطاولنى رقبه البنت دى تضحك عليا وتفتح بطنى وفى الاخر تسدها باسمنت وجبس وقال ايه بتدور على خاتم سليمان
ويفوق همس الاحباب ليجد حنين القلب تستعد لفتح بطنه .. فيقول لها
همس الاحباب :- حنين اختى ياريت تلبسى جاونتى انا خايف عليكى من الكاو كاو الافريقى
حنين القلب :- ايه الكاو كاو الافريقى ده ؟؟
همس الاحباب :- مش انا كنت مسافر من حوالى سنه لاسوان ؟؟
حنين القلب :- ايوه فاكره
همس الاحباب :- لا انا ماكنتش مسافر اسوان انا كنت مسافر تنزانيا علشان اجيب نوى الكاو كاو .. وده شجر زى النخل لكن النوى بتاعه بيعمل القنبله النوويه وانا بعبطى اكلت نوى كتير وقالولى لو اتعورت فى بطنك او عملت عمليه هتنفجر زى القنبله النوويه
حنين القلب :- لا ياعم بلاها تصوير انا هافكك
همس الاحباب :- لالالالالالالالالا سيبينى مربوط انا فداء للعلم افتحى بطنى
حنين القلب :- لا انا فكيتك خلاص قوم يا عم انا مش عايزه انفجر
همس الاحباب :- الحمد لله خلصت منك ومن جنانك .. منك لله يا فرنسا خلفتى واحده مجنونه على اخر الزمن
**********
والى اللقاء مع يوم جديد
مع
.
الضاحكون

هناك 70 تعليقًا:

رئـــــيسـة حزب الأحلام يقول...

ادة قمة الاثارة
وايه الاعلان اللى فوق دة ميه نار تشيل القمل حرام عليكم ممكن واحدة تصدق وتحط وتدعى لكم اوى هههههههههههه
المهم ايه الاثارة الجامدة دى لا جامدة
تحياتى لفريق العمل

همس الاحباب يقول...

متنازل عن اول تعليق
يا رايق
ممكن اروح اقرا وارجع بعد اسبوع

حنين القلب يقول...

انا جييييييييييت


هروح اقرى واجيب المطوة وراجعه

حنين القلب يقول...

خااااااااااااالود

شوفتنى وانا عايزة افتح بطنك

هههههههههههههههههه

علشان تعرف انا قد ايه بعزك
بس ايه النداله دى مش بحب اللى يرجع فى كلامه

قوس قزح يقول...

كده يا حنين ؟؟
مكنش العشمة يا حنين تعملى كدا ابدا
و انا اللى كنت فاكرة انك جدعة و بنت بلد
كده يضحك عليكى بالكاو كاو ؟؟

كنتى شرحى و انشرى يا بنتى و خلصينا

ايه الحظ ده يا خالد
يعنى كان لازم تفوق قبل ما هى تفتح بطنك

انا لو منك يا حنين عمرى ما ارجع له الورقة اللى مضاها و استغلها فى اقرب فرصة

همس الاحباب يقول...

رئيسة حزب الاحلام
الاعلان ده مش ليكى
ده لناس تانية
ابقى اقولك عليهم
منورة دايما الضاحكون
والحمد لله انها عجبتك

همس الاحباب يقول...

حنين القلب
مطواة
انتى اخرك عصاية مصاصة
يا ماما
بس هى الجدعنة

همس الاحباب يقول...

قوس قزح
حتى انتى يا ..
ربى عيالك يا ماما
وخليكى فى شغل الشخبطة اللى على الحيطان
ههههههههه
وبعدين انتى عابزة تخلصى منى قوى كده
على فكرة انا قاعد ومتربع
والورقة تبلها وتشرب ميتها
منورة يا ام نور

همس الاحباب يقول...

حنين القلب
اه شوفتك
معلش اصلى صعبتى عليا
وانتى عاملة زى حلاق الصحة بتاع زمااان
بس ساعتها كانت شارب مية لفت فاقدالوعى
معزة واى معزة واضح فى عينيكى
وفى ايديكى اهو

حنين القلب يقول...

رئيسه حزب الاحلام

اوعى تستعمليه
دى للناس الوحشين وهما كده هيدعولنا او يدعوا علينا

هههههههههههههههههههه

تحياتى

حنين القلب يقول...

قوس قزح

اسكتى يا دوللى
ضحك عليه
بس على مين بس هتشوفى هعمل فيه ايه

انا كده كده ناويه اخلص عليه

اطمنى

والنبى لنريحوووووه

حنين القلب يقول...

همس الاحباب

انت بتسكر من ميه اللفت واقول ماما ليه كانت بتنيمك فى برطمان
ههههههههههههههههههههههه

يا عينى وعلى كده لما تحب تفوق يحطوا على وشك حبه شطه وملح

والله شكلك شبه برطمان المخلل المكسور
ههههههههههههههههههههههههههههه

همس الاحباب يقول...

حنين القلب
بقولك ايه
نصيحة جربى مية النار دى
هتريحك من الهرش للابد
مش كل يوم 2 لتر جاز نحطها فى شعرك
مية النار دى تجنن
وبلاش 12 مرة
خليها 24 علشان التاثير يبقى قوى

حنين القلب يقول...

همس الاحباب

تصدق بالله انا غلطانه
انا كنت فتحت بطنك وانشاالله انفجر حتى مش مهم
المهم انى اكون خلصت منك

حد يجيب مطوة
ومن غير بنج
هاااااااااااااااااا
عايزها زواقه ولا عياقه ولا تحتار فيها الاطباه ولا ع المشرحه علطول
اختار وانا تحت امرك

همس الاحباب يقول...

حنين القلب
برطمان مكسور
هههههههه
حلوة منك على قد سنك
بس مش احسن من برميل الطرشى

حنين القلب يقول...

همس الاحباب

فاكر يا خالود لما كنت ماشى ولقيت واحد مولع نار ومشيت بعيد عنه بشارعين وبرضه النار لقطت فيك لانك ماما كانت مبيتاك فى الجاز 6 ايام علشان انت مش عندك قمل
نو
نو
نو
انت عندك صراصير
ارحمنا يا سيدى واستعمله انت
ده انت مخك من جوا اتجرح من كتر الهرش
خايفه يقلب لجرب

همس الاحباب يقول...

حنين القلب
لا مش غلطانة
انتى اخرك كده
وبطن مين انتى صدقتى نفسك يا بنتى
وبعدين بلاش تلعبى بالنار
علشان ما تحرقش صوابعينك
انا قولتلك اخرك مصاصة يا ماما
مطواة دى ولا قصافة

Abo 7anf يقول...

ألسلام عليكم
كاو كاو
طب وبقيت الناس تعمل رسالتها ازاى
حلوه

قمر 14 يقول...

ههههههههه
ونعم البحوث
لا بجد بحث فى الجون
القناه بتاعتكوا ممتازه والله
انا بحييكم من كل قلبى
بابا عبده وماما فرنسا
وكل اصحاب المدونه دى
بحبكم جدا جدا ومتبعاكم باستمرار

همس الاحباب يقول...

ابو حنف
هههههههه
معلش يا دكترة
جاءت فيك انت
ليك علينا نخليها سحلب المرة الجااااااية
منور يا حوده

همس الاحباب يقول...

قمر 14
منورة وسعداء جدا بمتابعتك
واحنا كمااان بنحبك فى الله
والحمد لله ان القناة نالت اعجابك

حنين القلب يقول...

ابو حنف

وعليكم السلام

مش لما اعمل انا الاول رسالتى

مش حد هيفتح بطنه غيرى
انا الاووووول

حنين القلب يقول...

قمر 14

يعنى ايه رايك
اكمل البحث بتاعى ولا حرام اسيبه يعيش وخلاص؟؟؟؟

عبده الرايق يقول...

همس الاحباب وحنين القلب
ههههههههه
ايه الجمال بتاعكوا ده
خناقه جوه المدونه
وخناقه فى التعليقات
هههههه
على رأى فرنسا باشا كعب الغزال
اقلب الشبشب يا مخرج علشان الخناقه تولع

عبده الرايق يقول...

نو
نو
نو
انا نسيت صح انى ابوكم
ولد يا خالد
بنت يا حنين
هااااااااااااف تايم

جنّي يقول...

السلام عليكم

مش كنتم خليتم فقرة القمل دي في الاخر الله يق... ولا بلاش ..

احنا داخلين الضاحكون ولا الشفخانة .. فتح بطن وسكاكين ومناشير .. ربنا يكفينا شركم وشر سكاكينكم .. والحمد لله يا خالد ان ربنا نجاك من ام ساطور ..

سلام

صبرني يارب يقول...

عسل عسل عسل

حنونه وهمس ربنا يكرمكم يارب والله ضحكت ضحك
هههههههههههههههههههههههه

ربنا يكرمكم يارب ودايما بالنجاح يا حلوين


تجنن يا ابوهمس وانت على الترابيزه بجد
هههههههههههههههههه

حاجات جوايا يقول...

ههههههههههههههههههه
كده يا حنين
هان عليكى اخوكى
ههههههههههههههههه

بس انتى كنتى شايلة العفش ليه يا حنين
عشان الدم ميبهدلوش ولا ايه ؟
ههههههههههههه

كويس والله
النضافة حلوة برضه
هههههههههههههههههههه


وحمدا لله على السلامة يا ابو همس
قدر ولطف الحمد لله
البركة فى الكاو كاو
ههههههههههههه

الطائر الحزين يقول...

هو ده الشغل

كنت سيبها تفتح بطنك علشان نرتاح منكم انتم الاثنين

سماوى صح بكسر السين

غير معرف يقول...

هههههههههههه
كاو كاو
انا عارفه المرض ده منتشر بكثره فى العباسيه
هههههههههه
بوست ممتاز
سلاااااااااااام

غير معرف يقول...

سؤال مهم الله يستركم
هو منتج القمل ده حريمى بس ولا رجالى كمان

فرنسا هانم يقول...

يخرب عقلك يا حنين انتى وهمس
حلقه تجنن صح
انا بصراحه ماكنتش قريتها فى الدرافت
برضه اهون عليكى انا كمان تدورى على خاتم سليمان فى بطنى ؟
طيب الرايق وقلنا يستاهل
امانمه عليكى يا نونه
فى اول فرصه تروحى لاقرب ترزى يفك السوسته من بطن الرايق علشان نخلص منه
تحياتى يا ولاد

فرنسا هانم يقول...

عبده الرايق
مالك ومال فرنسا يا رووقه
وايه حكايه كعب الغزال دى يا كعب الكوبايه

********
انا بعت ليك اميل ضرورى ومستنيه الرد حالا يا رايق

همس الاحباب يقول...

عبده الرايق
مش انت بابا
بس عارفك تفرح فى الخناقات
القب يا حاج
القب خليها تولع

همس الاحباب يقول...

جنى
عمو سعيد
شفتنى وانا بتقطع بالساطور
شفت الدكاترة اخر زمن
بس الحمد لله قدر ولطف
كان زمانى فى تعداد الجرحى
نورتنا يا باشا

همس الاحباب يقول...

صبرنى يا رب
بجد انا اللى عايز اقول صبرنى يا رب على البت حنين والعيلة دى
هههه
الله يكرمك يا ام مريم
بجد شكلى حلو وانا مكتوف الايدى ومغمض العينين فرحانة حضرتك طبعا
منورة يا ام مريم

همس الاحباب يقول...

حاجات جوايا
هى ما شالتش العفش اصلا
من الاساس ما فيش عفش
هانت عليها الاخوة وكل حاجة
ما هو الدم ما فيش بقى ميه عندها
الله يسلمك يا ست الكل
والحمد لله مع انى مش بحب الكاكاو
بس ناوى ابقى مدمن بعد كده
تحياتى

همس الاحباب يقول...

الطائر الحزين
ههههههه
مستعجل يا عم ايهاب
الواضح اخرتى على ايد الجنان بتاع العيلة دى
نحن السابقون
بكرة يجى الدور عليكم
هههههههه

همس الاحباب يقول...

غير معرف
هههههه
الله يكرمك وانا بقول المرض ده شوفته فين قبل كده
بس العباسية دى فين مش اللى جنب كوالا مبور على ايدك الشمال
ههههههه
المنتج ده ينفع للرجال والسيدات طبعا
بس تاثيره اقوى على السيدات
انصحك انت ما تجربوش
منورنا دايما يا باشا

همس الاحباب يقول...

فرنسا هانم
منورة يا ست الكل
وكل سنة وحضرتك طيبة
شفتى بنتك وعمايلها يا فرنسا
ينفع كده
اخرتها على ايدى يا فرنسا

حنين القلب يقول...

عبده الرايق

والله يا بابتى لو سبتنى عليه كنت زمانى ريحتكم منه
ولا هيبقى فيه خناق تانى

وعايزها تولع
عيوووووووووووونى يا بابتى

حنين القلب يقول...

عبده الرايق

حاااااااااااااااضر
بس سكته احسن اقطع رقبته
ونسيت انك ابونا
منتا لو كنت علمته مش يرجع فى كلمته كان زمانى خلصت عليه وخلصت رسالتى كمان

يا عينى عليكى يا حنين
يا غلبانه ومظلومه يااانى

حنين القلب يقول...

جنى
احنا مش بنحب نقطع المسلسل الاعلان اما فى الاول او الاخر فقولنا الاول احسن

كده يا جنى انا برضه ام ساطور
دحنا كنا هنريحوووووووووه

ربنا يسامحك
وفرحان اوى ان ربنا نجاه منى
الجيات اكتررررررررر

ربنا يقوينى

حنين القلب يقول...

صبرنى يا رب

انتى اللى عسل وسكر يا ام مريم

ربنا يكرمك ويخليكى وكويس انه عجبك

شوفتيه وهو مربوط فى الترابيزة وانا بقول
حلال الله الله اكبر

ههههههههههههههههههههههههههه

حنين القلب يقول...

حاجات جوايا

والله يا سالى انتى لو عندك اخ زيه كنتى روحتى حديقه الحيوان مخصوص علشان ترميه للاسد

ياساااااااااااااااااتر

مهو انا اللى هنضف
اصلى اصغر واحده فى البيت وكلهم بيضحكوا عليه

ان شاء الله المرة الجايه مش هصدقه وهتوكل على الله وافتح بطنه

نورتينا يا سالى

حنين القلب يقول...

الطائر الحزين

كده برضه
طيب تقول عليه هو ماااااااااااشى
انما انا عملت ليك ايه ؟؟

دنا لسه عامله ليك نسكافيه بنشارة الخشب بس روعه
خلى بالك من نفسك كده البيت مش فاضل فيه غيرك

ماااااااااااااشى

حنين القلب يقول...

غير معروف

شوفت يا خالد
اهه لا يعرفنى ولا يعرفك وعرف انك من سكان العباسيه

هههههههههههههههههههههه

بالنسبه للاعلان هو للاتنين
اطمن

نورتنا

حنين القلب يقول...

فرنسا هانم

لا يا مامتى الا انتى
ده انتى حبيبتى وست الحبايب كمان

ده الرايق هو اللى عمل كده ولصقها فيه

واذا كانت على السوسته
بصى يا مامتى شدى اول خيط من السوسته هتلاقيها بتكرررررررررر معاكى مش هنحتاج ترزى ولا غيره

وحشتينى يا مامتى

ماما أمولة يقول...

مدونة خفيفة زي اصحابها

اول زيارة ليا

ان شاء الله مش هاتكون الاخيرة

يا همس الاحباب الايام دي الواحد ميآمنش لاخوه ولا ايه

ربنا يستر

تقديري لكم جميعا

maiosha يقول...

هههههههههههههههههه

لو سمحتم ممكن إزازتين مية نار .. علشان خلاص دماغى بتاكلنى

ثانيا بقى .. ممكن أعرف هو المسلسل ده بيجى إمتى بالظبط

هههههههههههههههههه

ادى اخره اللى بيكملوا دراسة ودكتوراه..هههههههههههههههههه

ShOp gUrl يقول...

اتمنى تبادل الروابط مع مدونتي فاشون فور عرب
المدونة تختص بي كل ما يهم المرأة العربيه في عالم الازياء, الجمال, الماكياج, الاتيكيت و مواضيع ونصائح من اكبر خبراء التجميل و خبراء الموضه
الرابط المدونة: http://fashion4arab.blogspot.com/
برجاء ارسال الرد علي :
جروب فاشون فور عرب على جوجل
http://groups.google.com/group/Fashion4arab?hl=en
البريد الخاص بالمدونة
Fashion4arab@gmail.com

طعمية سخنة يقول...

lol
احلي حاجة ريا و سكينة :d و هز اللمبة

حنين القلب يقول...

ماما اموله


كده برضه يا ماما يعنى مش يأمن ليه
ليييييييه دنا اخته
هعمل فيه حاجه وحشه يعنى ؟


نورتينا

حنين القلب يقول...

ميوشا

عيوووووووونى
واد يا خالد هات ازازتين للانسه
لس نصيحه استعمليهم على الريق
هههههههههههههه

بصى يا ستى المسلسل ده كل يوم احد الساعه 5 او 6 مساء على حسب مزاج ابونا الرايق
مااااااااشى
هههههههههههههههههه

نورتينا

حنين القلب يقول...

طعميه سخنه

لو كنت كملت كنت هتشوف فيلم الشياطين

ههههههههههههههههه

نورتنا

حنين القلب يقول...

عيله الرايق

فينكم يا نااااااااااس

هو المدونه بقت مهجوزة ولا ايه
فينك يا مامتى ؟؟
فينك يا بابا ؟؟
فينك يا طائر ؟؟
فينك يا رخم هو عارف نفسه كويس
ايوووووووووون خاااااااالود

طيب انا بخاف اقعد لوحدى
انا ماشيه
عاااااااااااااااااا

أمبارح كان عمرى عشرين!!! يقول...

هههههههههههه
بحث جامد اوى
والأعلان دة مضمون ولا هنشترى سمك فى مية ههههههه

همس الاحباب يقول...

ماما امولة
نورتى الضاحكون طبعا واتمنى انك تنورينا دايما
عندك حق يا ماما
وكماااان لو كانت الاخت مجنووونة ولاسعة
لازمن ناخد بالنا قوى
بس الحمدلله قدر ولطف
تحياتى

همس الاحباب يقول...

امبارح كان عمرى عشرين
ههههههه
لا مضمون مليون فى الميه
لو تحب تشوف تجربة عملى احنا تحت امرك
بنت يا حنين هاتى القزازة وفرقى شعرك
خلى البلاوى الموجودة تنزل قدام الزبون
علشان يتاكد بنفسه
ايه رايك يا عمنا دلوقتى

فرنسا هانم يقول...

انا موجوده يا حنين ومتابعه كويس
لكن سيباكى انتى وخالد تردوا على التعليقات
طبعا البوست بوستكم
لكن انا ببص من خرم الباب

عبده الرايق يقول...

ههههههههههههه
للصدفه العجيبه
والله دخلت لقيت نفسى انا الزائر رقم 15 الف
هههههههههههه
يعنى الجايزه من حقى انا
ههههههههههههه
شفتوا بقى الصدف

همس الاحباب يقول...

iههههههههه
يا سلام يا رايق
يعنى انت مش واقف على الباب
تقرا العداد من اسبوع
بلاش الحركات دى يا رايق
بس ما عرفناش الجايزة ايه برده
ههههههه
خلى الطابق مستور

عبده الرايق يقول...

والله يا خالد يا خويا انا دخلت انهارده صدفه لقيت نفسى صاحب الجايزه
وبعدين فعلا انا بتابع العداد كل يوم لكن ممكن وانا فى الشغل يدخل الزائر رقم 15 الف هاحكمها ازاى دى بقى يا خالووود ؟؟؟؟؟؟؟؟
عموما
انا كنت ناوى اجمع منكم كل واحد عشر الاف جنيه ونجيب عربيه لصاحب الجايزه
لكن بما ان الموضوع طلع فى داخل الاسره
وبما انى انا الفائز
وبما انى عارف ظروفكم كلكم
خلاص
انا صاحب العقل والرحمه ناويت اعفو عنكم فى 5 جند من العشر الاف
يعنى مطلوب من كل واحد منكم
9995 جند على وجه السرعه
وانا منتظر
والا
والا
والا هبلغ البوليس
وقد زعزر من عزرر

حنين القلب يقول...

امبارح كان عمرى عشرين

سمك فى ميه ايه بس يا حج

ده مضمون مليون فى الميه
انا واخواتى بقت راسنا انضف من الصينى حتى مش بقى فيه شعر اصلا

نورت

حنين القلب يقول...

همس الاحباب

شعرى شعرررررررررى

يا ماما
عاااااااااااااااااااااا

الواد خالد حط ميه النار كلها على راسى لحد ما بقيت قرعه

ما تجربه فى راسك انت منتا مربى حاجات كتير فى شعرك
خااااالود عندى حاجه احسن من المنتج ده
هات راسك
افتحى الفرن يا مامتى واقفلى على راسه بسرعه
بسسسسسسسسسسسسسسسس
الحمد لله خالود كلها ساعه ونفتح الفرن وتكون راسك استوت
هههههههههههههههههههههههههههه

حنين القلب يقول...

فرنسا هانم

يعنى انتى كده طمنينى ؟
سايبانى مع خالد
كنتى حاطتينى فى قفص الاسد ارحم منه

مامتى والنبى سيبك من خرم الباب وتعالى لحسن الواد ده وربنا لو سبتونا مع بعض هنولع فى البيت
وانتم احرااااااااار

حنين القلب يقول...

عبده الرايق

نو
نو
نووووو
ده غصب واقتدار
ازاى انت اللى عامل الجايزة وانت اللى تكسب
وبعدين مين اللى يدفع 9995جند
بص يا بابتى
انا كل اللى حلتى دفتر بوسته فيه 21جند ونص خدهم بس امانه عليك
هاتلى كسوة الصيف احنا داخلين على الصيف وماما من اول الشتاه ملبسانى الصوف لغايه اما بقيت شبه الخروف ةحاسه انه لصق على جلدى
ربنا يخليك ومش يحرمنا منك

همس الاحباب يقول...

عبده الرايق
انت عارف احسن حاجة بحبها فيك القناعة
فعلا القناعة كنز الرايق
يا جدع وجاااااااى على نفسك كده ليه
ده حتى كده تبذير
بقولك ايه ما تبعت انت 10005جم وانا هبعتلك 20000 ورقة واحدة
اعتقد كده يبقى عدانى العيب وخد اللى بعدى

همس الاحباب يقول...

حنين من غير قلب
راس مين اللى تتحط فى الفرن يا صينية البطاطس من غير لحمة
وتولعى فى ايه انتى اساسا
ياللى شبه عود الكبريت المطفى
بنت انتى اقعدى على جنب
خلينا نشوف اللى اكبر منك

I am the Crucified Lord يقول...

هل أنت مبضون؟ هل تبحث عن معني للحياة بلا جدوي؟ هل طالع أيمان كس أمك و عايز تطفش؟ لو انت كدة، زور المدونة الجديدة (هو فيه إيه؟)
http://howafee2eeh.blogspot.com
هاتلاقي نفسك فيها نيـــــــــــــــك