الاثنين، أغسطس 04، 2008

زيت العفريت للتخسيس





طبعا عارفين النحله والدبور وهى غاويه طبعا الفرجه على التليفزيون طول الوقت وخاصه بانوراما دراما اللى فى نص المسلسل بتعمل 100 اعلان

النحله :- ايه زيت زعبوط العفريت لتطويل الشعر ده

الدبور :- ما تجبيه يا ستى عادى يمكن القرون الاستشعاريه بتاعتك تطول ولسانك يقصر شويه

النحله :- طيب يلا هات 300 يورو نجيب

الدبور :- اتصلى يالا لما نشوف اخرتها فى البتنجان اللى بيطلع علينا ده

النحله :- الو ممكن زيت زعبوط العفريت لو سمحتى وهيوصل امتى وحسابك كام (400يورو) بالتوصيل اوك هستنى بكرة تشاااو

تانى يوم

الدبور :- وصل يالا استعمليه ورينا النتيجه بقى وربنا يعديها على خير يا قلبى

النحله :- بعد شهر ولا اى حاجه يا ديبو يا حبيبى اعمل ايه هو احنا اتنصب علينا انا هتصل ازن عليهم

الدبور:- شوفى حاجه تانيه ده اعلان عن التخسيس تلات عبوات لتلات مناطق عبارة عن محروق قشر البطيخ مع زيت نمله مفقوع مرارتها ورجلين ضفدعه مطلق وسحليه مقلوبه على قفاها

النحله :- ايوة وبيقولا هيدوا عليه جهاز لشد ونفخ وفك وربط الاجنحه حلو قوى وكل ده ب1000يورو بس

الدبور :- اتصل واجيب الجهاز معاه كمان يمكن تبقى شبه النحله بوسى ولا حاجه

النحله :- بعد اسبوعين ايه ده انا جلدى لونه عمل كده ليه وكمان الجهاز فيه خرم من ايه

الدبور :- اسكتى يا نونو مش لما نزلت وسط المخ بتاع آبى لقيت بيتباع الحاجات دى هناك وبارخص كتيييير جتنا نيله هنفضل كده طول الوقت نجرى ورا اعلانات والحاجات موجوده فى السوق بس اللى يدور

آبى :- بسسسسسسسسس منك لها زهقتنونى فى عيشتى والله اسيب عليكم خرفانى يا طقم تخلف زيت زعبوط العفريت لما يلهفك انت وهى ولا قشر بطيخ يتفتح على دماغك ولا جهاز يكهربك ومنعرفش نشدك منه انتم مالكم مش بتفكروا ليه وتعرفوا ان كل ده ممكن يكون فيه الكويس واللى مضر كل حاجه تجروا زى المخابيل على التليفون وكل ده علشان مش عاوزين تهزوا طولكوا وتنزلوا الاماكن تشوفوا الحاجات على الطبيعه انتم وصل بيكم الكسل لكده زهقتونى منكم لله يعنى ربنا ادانا عقل نفكر بيه ولا نعمله باميا الحاجات متوفرة فى كل مكان فى الازهر وحارة اليهود وكل بلد فيها لو مش قادرين تعالوا القاهرة هتلاقوا خلوا اصحابكوا يسألوا والحاجات ارخص اللى بيجى فى التليفزيون بيكون زفت وغالى حتى جربته على خرفانى الوانتهم اتغيرت طيب جزاء ليكوا هولع فى التليفزيون وابقوا خلوا بقى زيت جلد الصورصار ولا كريم حراشيف التمساح تجيب لكم واحد وابقوا اتغطوا بجلد التعلب المكار اللى بيقولوا لكم عليه الله يجننكوا الاعلانات والكسل هيجننوكوا والكارثه انكم خلاص مستنين يقولوا لكم توصيل الشغل مجاننا للبيت تصبحوا على جهاز تويستر يعلى الفولت بتاعكوا ولو سمعت صوت حد فيكوا هحطه فى سرير البيبى اللى اشتريته من اعلان امبارح لانه مش هيكفى غير واحد فيكوا مش بيبى علشان هيقع جتكم القرف اتخمدوا
آبى هانم بتنجانى

هناك 185 تعليقًا:

Soooo يقول...

احجز اول تعليق
مره من نفسي ياجرعاااااااااان




سلاموووووووووووز

Empress appy يقول...

بما انى انا خرفاني فقولت ابقى اول تعليق واخده منكم نيهاهاهاها
اهلا بيكم اهلا بيكم

Soooo يقول...

طب تاني تعليق شغال ولا ايه النيظي؟؟؟؟



سلاموووووووووووز

Soooo يقول...

يلا رابع تعليق مش مشكله

هعلق وبعدين اجي اعلق تاني




سلاموووووووووووز

Soooo يقول...

اخر تعليقين بقى وهاقوم اعلق على طول

اعلقلك عالشاي معايا ياابي؟؟؟




سلامووووووووووووز

قوس قزح يقول...

يا سلام لو كانوا جربوا زيت رجلين النمل
ولا حتى كان عملوا لبخة من كبدة العناكب

انتم اتغرغر بكم
المحطة دى مضروبة
هاتى محطة ناشونال جى اقرفيك فيها حاجات تجنن

قوس قزح يقول...

انت قاعد على الباب يا سوو ولا ايه

ده انت حتى نسيت تنور النور و انت داخل

و بتكتب فى الضلمة


و النبى اعمل حسابى فى الشاى بس يكون مش اخضر ههههههههههههههههه

Empress appy يقول...

سوووو
======
انت رابط رجلك هنا ولا دافع لخرفانى تقولك ههههههههههه ماشى علق على بطتيم من الجيران او سمحت هههههههههه

Empress appy يقول...

قوس قزح
=======
اهلا بالاخوه فى الشاي ابو ملوخيه ههههههههههههه
حد قالك امشي ورا اعلانات ابي هههههههه تستاهلى

Mafrousa يقول...

ههههههههههههههه
سو و النبي تعلقلي معاك على الشاااااااي
ومعاك واحد شاي فى الخمسينه و صلحهه

ايه يا بتنجاااني البوستات الجامده ديه
و الله يا بنتى عندك حق...بقت مهاااازل
الاعلانات المهابيليه على القنوات الفضائيه

هههههههه
انا مره من المرات ابن خالتي جاب من الاعلانات ديه كريم شعر
اول يوم شعره نشف بدل ما ينعم
تاني يوم ابتدي يكش بزيادة
تالت يوم وقع
ههههههههههههههه
و لما اتصل يزعقلهم....
قالولة انت بتستعمله غلط
غلط؟؟؟!!!!
ده كريم شعر اعمل ايه اشربه؟؟؟؟!!!!
قالوله لأ بس تحطه امتي على شعرك؟؟؟؟؟
لما الشعر يكون ناااشف و مش مبلول
هههههههههههههههههه
و من يومها و هو لابس برنيطه
ههههههههههههههههههههه

محمد فوزي يقول...

أنا مفيش حاجه بتخليني ابقى عايز أولع في التليفزيون والشقه كلها غير إعلانات ( تسوق عبر شاشة التليفزيون )
دي ,,
بحس إني اللي بيعملها ناس عاهات وبيكلموا ناس متخلفين من زمان خالص يعني

يعني اللي كانت عايزه تشتغل موديل بس شعرها كان خفيف ( وخصوصا بعد الحمل والولاده ) ولاحظوا حمل وولاده و موديل ماشي !!!!!
لأ بس ربنا (وفقها الحمد لله )بعد ما جابت زيت العفريت

ولا إعلانات أدوية التخسيس ومرض السكر دي بقى اللي بما إني متخصص بتجيبلي حساسيه وإحمرار في العين وإخضرار في الشعر بصراحه

إييييييييييييه
موضوع جاااامد

تحياتي ووصلوا تحياتي لفرنسا هانم اللي مختفيه خااالص

كاميليا بهاء الدين يقول...

هههههههههههههههه

الخرفانات ألوانهم اتغيرت؟؟

فعلا يا اابى

الاعلانات دى مشكلة
ومش معروف بتصريح من وزارة الصحة ولا لأ
والرقابة دورها ايه؟
هل فعلا الحاجات دى مضرة ولا مفيدة
شئ مش واضح
والغريب انهم بيعلنوا عن حاجات زى الادوية
انا شوفت مرة زمان على قناة الناس
اعلان عن علاج للسكر وللإلتهاب الكبدى
قولت يمكن علشان دى قناة دينية ممكن الحاجات دى تكون بجد
بس واضح انها مش بجد .. مجرد مكونات من اعشاب لا تضر ولا تفيد

الهدف تجارى بحت
والمواطن العادى بيدفع تمن مكاسب الاخرين

الحقيقة شئ مؤلم ان الانسان يتعلق بقشة ويكتشف ان القشة بتشوكه مش بتعالجه

بوست هادف بيناقشة قضية كبيرة
قضية الاطراف فيها جهاز دولة رسمى
ومواطن واضح انه مواطن فى نظر الدولة غير رسمى

برافووووو اابى

تحياتى واحترامى

د/اجدع بنوته يقول...

الحمدلله انى وصلت اخيرا

لقرية الضاحكين

مبروك ع المدونه وبجد تيمه زى السكر

اللى بتكتبوا فيها دى

ربنا يجازيكم خير ع الضحك اللى بتضحكوه للناس

عندك حق ياأبى زيت العفريت

وحبوب التمساح لاصلاح اللى راح راح

وحجات زى الفل يعنى

والغريب فعلا ان ف ناس بتشترى

لولاااااااااااااات

Soooo يقول...

انتي لو خدتي رأيي كنت قلتلك المفيد

انتي تجيبي شوية طحالب بحر .. مش طحالب نيل عشان بتفرق فرق شاسع
تجيبي شوية طحالب بحر .. وتحطي عليهم لحسة قرقوش الكلب .. على نتشه من راس زعفرانه هبله .. وتضربي الكلام ده كلو بالجزمه
وبعدها على اقرب صفيحة زباله وش

هتشوفي النتيجه على العيال اللي بيلمو الزباله في خلال اربعه وعشرين صفيحه .. قصدي اربعه وعشرين ساعه

----

انا عملت اربعه شاي .. حد عايز؟؟؟؟



سلامووووووووووز

عبده الرايق يقول...

هييييييييييييييييييه
اول تعليق
احجز وارجع اقراء

قوس قزح يقول...

صح النوم يا رااااااااايق
افتح النور

فى فرح هنا و انت لسه مش دارى

عبده الرايق يقول...

قوس قزح
هو انا مش الاول ؟؟؟؟؟؟؟؟؟؟؟؟؟
ليه؟؟ فين ؟؟مين؟؟
الواد حسن الفراش قالى انه اخترع جهاز من مخلوط سيانيد البطاطس يخلى اى تعليق اول تعليق
كده يابو على
خياااااااااااااااااااااانه

قوس قزح يقول...

ماهو باعه لسووو قبلك
و دخل لم اول كام تعليق

بس يعنى ايه سيانيد ده

انا حاسة انى شوفت الاسم ده قبل كده

مش هو ده اللى كنت بتحطه لفرنسا قطرة !!!

عبده الرايق يقول...

الدبور:- شوفى حاجه تانيه ده اعلان عن التخسيس تلات عبوات لتلات مناطق عبارة عن محروق قشر البطيخ مع زيت نمله مفقوع مرارتها ورجلين ضفدعه مطلق وسحليه مقلوبه على قفاها

عظيم جدا
كل ده ب 1000 يورو
يعنى 35 جنيه مصرى
دى حاجه حلوه قوى ممكن اعمل جمعيه من 35 نفر واقبضها الاول واشتريه
بس
بلاش قشر البطيخ
احسن سومه الحشريه تفتكر اننا هنقشر المدعوء بطيخ جوزها
وبلاش زيت النمله
لحسن الواد خالد همس الاحباب خلص على كل النمل فى مصر ..صدره كله للخارج
بوست خفيف وظريف يا ابى
تسلم ايديكى

عبده الرايق يقول...

قوس قزح
سيانيد !!!!!!!!!!!!!!!!
ههههههههههههههه
مش عارفه السيانيد
كل ده من المدارس الحكوميه
شوفى يا ستى سيانيد
كلمه فينيقيه الاصل معناها السحاب
انا عندى دكتوراه من جامعه جبال الالب فى علم السيانيد

قوس قزح يقول...

تصدق انك رجل امير
جايب ميه السحاب و بتحطها لفرنسا فى الاكل اكمنها ميه بيور
ده انت بتحبها موووت

بعد كده كل مرة هنحط لك اكل فيها لازم تكون معها السيانيد يا غااالى

و شد حيلك بقى عايزين ياميش رمضان
انا بحب اللب السوبر متنساش

kochia يقول...

ازيكم يا جماعة
واحشني والله

الموضوع ده فعلا حرق دم والله
والغريبة ان الناس بتصدق يا عيني وهو كلام يعني مالوش منطقية خالص

المهم ازي الصحة
وازي فرنسا وازي عبده
والله واحشني هم والاولاد

تحياتي ليكوا

عبده الرايق يقول...

ياميش رمضان ؟؟؟؟؟؟؟؟؟؟
طبعا يابنتى رمضان جاى وهتلعلع معانا
عايزين بقى نطلع طقم الهدوم بتاع رمضان
طبعا عارفاه
البنت مفروسه وحماتى شايلينه فوق الدولاب
الطقم المرقع من كل ناحيه علشان نشترى
علشان نشحت بيه
وهنيه لك يا فاعل الخير والثواب
ملحوظه
البوست اللى وعدتك بيه انهارده ملحقتش انزله فى مدونتى الاخرى
بكره انشاء الله هنزله معلشى مفضيتشى خالص
وممكن انزله فى السهره انهارده

حسن حنفى يقول...

ههههههههههههههههههههه

والله الناس من اكسل بقت بتصدق اي حاجه

بكره الناس تتجوز من الاعلانات

kochia يقول...

انت هتسرح انت وولادك يا عبده بمناسبة رمضان

يللا ربنا يعينكوا
وتلاقي المرور مش مركز معاكوا عشان عنده شغل عربيات والرخص مش هتتسحب

ماشية معاكم حلاوة
بلاش السويس وحياتك عشان المناطق هنا محجوزة خلاص

ناس كلموني عليها

ابو لمعه 2008 يقول...

عندك حق يا ابى
اى حد يعتمد على التليفون يجراله اكتر من كده
لكن انا عندى سؤال
هو زيت زعبوط العفريت ده ممكن ينفع لحماتى اصلى عايز اى حاجه تعفرتها زهقتنى فى عيشتى
كل يوم تصحينى الساعه اربعه الا ربع الفجر وتقولى
لسه ملقتليش عريس يابو لمعه ؟؟؟؟؟
اقولها
بكره هدور يا حماتى
حتى لما رحت امريكا
تدينى رنه على المحمول
اكلمها
عايزه حاجه يا حماتى ؟؟؟
تقولى لسه ملقتليش عريس يابو لمعه ؟؟؟
علشان كده
انا محتاج زيت زعبوط العفريت ده
علشان يعفرت حماتى وتبطل زن

ابو لمعه 2008 يقول...

عندى خبر حلو لاصحاب مدونه فرنسا والرايق والضاحكون
امسكوا اعصابكم
اوعوا حد يغمى عليه من الفرحه
خبر الموسم
قررت انا ابو لمعه 2008
انى انعم عليكم بانضمامى الى مدونتكم
انا اكتر من 678 مليون مدونه بيتحايلوا عليا انى اشترك معاهم
ومنهم مدونه tyiik yoor
الناطقه باللغه الاسبانيه طبعا كلكم عارفينها
ومدونه pooo 2005 الناطقه باللغه الفرنسيه واكيد سمعتوا عنها
ومدونات كتيره جدا
وعرضوا عليا فلوس كتيره لكن انا قلت بلدى مصر اولى بيا
واول ما وصلت من امريكا
جيت هنا وقررت الاشتراك معاكم
بس طبعا عندى شروووووووووط
انا لازم ابقى رئيس المدونه
ولازم اقعد فى مكتب مكيف ب تكييف 6 حصان وبغل
ومرتبى الشهرى مش اقل من مرتب وزير
ولازم يكون عندى مكتب سكرتاريه خاص فيه 20 موظف
وعشر افراد امن
ومصعد خاص لمكتبى
ومطبخ بطباخ وسفرجى
وعربيه همر امريكانى
وعوامه على النيل
فكروا وردوا عليا ...لو موافقين اتصلوا بالمحامى بتاعى
هو معندهوش تليفون لكن عنوانه معروف
سجن ابو زعبل
الاستاذ على مشرط
متهم بسرقه غسيل
ومحكوم عليه ب 17 سنه فى 234 قضيه سرقه غسيل

الطائر الحزين يقول...

الا قولى لى يا خرفان ويا دبابير ويا نحل لو كنتم طلبتم زيت زعبوط العفريت ولما جه الراجل بتاع توصيل الطلبات قلتم له لا احنا مش عاوزين زعبوط العفريت عاوزين نبوت الغفير مش كان يبقى أحسن!!!!!!!
وبعدين هو مين اللى بيزن النحلة ولا الدبور اللى اعرفة ان ان الدبور بيزن على خراب عشة النحلة المسكينة يا ترى بتزن ليه!!

الطائر الحزين يقول...

ياميش رمضان يا رايق

يا ميش ندامة على اللى حش ولا طبشى

Empress appy يقول...

واحده مفروسه
=============

الا مسيبه ليكون جابها هى كمان من التليفزيون اصل الناس دى مش بتحرم هههههههههه اقولك خليه يجيب باروكه حلوه كده ههههههههههههههه






محمد فوزى
=========

اهلا يا دكتور اه والنبى بيجيلك احمرار وانت مش بتعالجه ايه باب النجار متخلخع ههههههههههههههههه

Empress appy يقول...

كامى فوندامى
==============
جوووووووووون وهدددددددف خطير برافو عليكى يا كامى يا قمر لما بتركزى ده اللى بقول عليه وخاصه ان الناس طيبه وبتصدق ودول بيلعبوا من ناحيه دينيه كمان شوفى زى انتى ما اعتقدتى

بس سيبك مش النيو لوك بتاع خرفانى امور والنبى دلوقتى ومسمسم هههههههههههههههه






د/ اجدع بنوته
=============
اهلا بالدكاترة بتوع المستقبل هنستنى اختراعتك انتى يا سمسمه بقى فى الحراشيف ههههههههه

حنين القلب يقول...

والله عندك حق يا آبى
بس الناس برضه معذورة مهو بيجيبوا بنات الصراحه تجنن كل واحده تبص ليهم وتقول ايوة هاجيب كريم الشعر ده علشان يبقى شعرى زيها وهى اصلا كارته شعرها هيبقى زيها ازاى
واللى تقول هاجيب الكريم ده بيخسس مناطق ويكبر مناطق وهى اصلا شبه الفيل

يا ناس فكروا بالعقل
التخسيس اعملى حبه رجيم وبطلى اكل احسن من الكريم والزفت
الشعر لو مزعلك اوى احلقى قرعه عند باولو وريحى نفسك وهتبقى ستيل كمان والبنات ممكن تقلدك
معلش يا آبى انا رأيى اقتلى النحله والدبور
سلام بقى علشان رايحه اتصل علشان اجيب اعشاب تطويل صوابع الايد والرجل

Empress appy يقول...

سووووو
==========
دا انا استخدم خلطتك دى واروح على مارينا على طول اه وخلى بالك لازم بحر مارينا مش الساحل ههههههههههههه
لا يعم اشرب انت بقى الشاى دى عيال نايمه





عبدة الرايق
===========
اه اول تعليق بعد الخمستاشر يا مثبت العقل يا رب هى ناقصه هههههههههههههههه

Empress appy يقول...

عبد الرايق
==============

هو انت بتحسب اليورو بكام علشان افهم بس ولا انت بتحسبه من ايام حتشبسوت بس اعتقد مكنش فيه يورو كان فيه دراهيم هههههههههههههه






kochia
========
بتصدق وبتكسل تدور على اللى زى الاطبقا والحاجات دى
نورتى يا كوشيا وقهلا قهلا بيكى

Empress appy يقول...

عبده الرايق
===========
يخيب اسرائيل بخيبه انت عاوز تشحت بينا زغرطى يا فرنسا هانم على ولادك وجوزك





حسن حنفى
==========
دى تبقى خيبه باويبه يا ابو حنفى ههههههههههههه

Empress appy يقول...

ابولمعه
=========
انت بس حط لها عليه رجل بطه شمال هتبقى فله خالص وهتصحيك تلاته الا ربع ههههههههههههههه





الطائر الحزين
=============
اه يا سوسه اول مرة اشوف اخ سوسه كده انتم عاوزهم يعملوا نبوت الغفير علشان يضربونى فى عقلى اكتر ما هو مضروب عاااااااا
ماشى
وبعدين لا ما هو ده التمكن الستات هى المتحكمه دلوقتى زمن الدبابير ولا وراح وبقينا نغنى له كلب وراح يا هوا هههههههههههههههههههههههههه

Empress appy يقول...

الطائر الحزين
================
ههههههههههههههههه يا ميش هو فاكر ان الناس اصلا عتقدر تأكل فى رمضان والله كل ما هيفتكروا ان بعد كام يوم المدارس وبعدها العيد هيجى لهم سده نفس من وسع

Empress appy يقول...

حنين القلب
=============
هههههههههههههه طيب خلى بالك بدل ما يدولك واحد يطول صوباع عن التانى وتبىق مشكله واهم حاجه اتبعى التعليمات هههه

حنين القلب يقول...

ابو لمعه
اهلا بيك طبعا
بس سؤال لو بابا الرايق وافق على طلباتك وده طبعا مستحيييييييييييييييل
هيجيب منين ده كله ؟؟
يا سيدى ده انت لو انضميت لينا هيديلك الجلبيه المقطعه علشان تاخد دورك فى الشحاته انت مش شايف ملبسنا ايه
بص لقوس قزح وآبى وخالد همس الاحباب
وانا حتى باباتى روقه لابس شيخ الشحاتين ومسرحنا
يلا تعالى خد جلبيتك عايزين نلحق نلم فلوس الياميش

حنين القلب يقول...

لا اطمنى يا آبى انا قطعتهم كلهم بالتساوى لو واحد طلع واحد اطول هرفع عليهم قضيه وساعتها همشى حافيه ونرحم الرايق من كسوه العيد مش كل شويه عايزة سابو ولا جزمه
يلا يا روقه وفرت اهه وكمان علشان اكمل استيل الشحاته

حنين القلب يقول...

انتوا روحتوا فيييييييييييييين
مش بحب اقعد لوحدى وخرفان آبى عماله تجرى ورايا حد يجى بدل ما امشى انا كمان
يا اخوااااااااااااااااااااااتى

فرنسا هانم يقول...

ابنائى وبناتى افراد عائله الضاحكون
ابنائى واخوانى المدونين
رجعتلكم مره تانيه
الكمبيوتر عندى كان بيعمل عمليه
تخسيس على راى ابى
وتجميل
ووندوز
وهارد
يعنى عمره كامله
والحمد لله قدرت اعمل العمره للكمبيوتر قبل قانون المرور الجديد
احسن ينشونى مخالفه يودونى السجن
ازيكم كلكم
ازيك يا رايق
25 اميل يارايق فى يوم ؟؟؟؟؟؟؟؟؟
ليه هو انت بتدور على ابره فى كوم قش؟
مفروسه ازيك وحشانى جدا
ماما مفقوعه ازيك يا قمرايه
خالد ازيك يابو همس
ابى توأمى العسوله ازيك يا حبيبتى
الطائر الحزين وحشنى انت وام الابناء
قوس قزح عامله ايه ياروحى
سومه يا حشريه ازيك وازاى بطيخ
ولد يا اسلام ازيك وحشنى كتييييييييير
صبرنى يارب ازيك يا حبيبتى
د \ هيما ازيك وايه اخبار التلاجه
مها زين ازيك وازاى حلوان كلها
نيجرو برضه لسه مظهرتش ؟؟؟
ابن حجر يا عسقلانى وحششششششششنى كتيرجدا
كاميليا مرحب بيكى بنتى العزيزه نورتى بيتك ومطرحك
حنين القلب اخر العنقود سكر معقود حبيبتى الغاليييييييييييييييييييه
ملحوظه
هو انا نسيت حد من العائله ؟؟؟؟
لو كنت نسيت حد يعذرنى
معلشى والله العظيم الكمبيوتر كان عطلان
وبعته للتصليح
وانتم عارفين التصليح النص كم
وانا مش بخرج
ابعت ميدو ابن اختى يقولى المحل قافل
الراجل مش موجود
عايز هارد جديد
عايز رامه
عايز يستحمى
لغايه لما غيرلى الكمبيوتر كله واحده واحده
وعارفين كل ده ليه
والله العظيم بسبب الوندز
كنت عايزه انزل وندوز جديد
وعندى الاسطوانه
لكم انا بطيخه فى تنزيل الوندز
اهيب بالساده المسئولين عن المدونين البطيخين اللى زى حالاتى يقولولى انزل الوندز ازاى
اصل مش معقوله كل ما اجى انزل زندز
احمى الكمبيوتر واغير له كل هدومه
انا دلوقتى
مبسوطه انى معاكم
سيبونى بقى اشوف اخباركم ايه
واشوف المدونه وصلت لغايه فين

Empress appy يقول...

حنين




ت بلم الخرفان يا اوختى فى جنب معلش انا غلطانه يا عمرى ولا تزعلى

Empress appy يقول...

وسععععععععععععع
فرنساااااااااااااا
قلبى
طيب والنبى وشى حلو عليكوا
يوم اذاعه البوست بتاعى
فرنسا تظهر وتنور الشاشه كلها تانى

انا مش عارفه اقولك ايه بجد انا مبسوطه

وبعدين يا حبيبى مش تحميه ده تحطيه فى الميكروويف وتسيبه نص ساعه مع زيت زعبوط العفريت وهتبقى جامده ههههههههههههههه


انا مكبرة دماغى قولنا لكى هاتى لاب توب علشان حتى تكلمينا وانتى فى السرير

وبعدين انا اللاب توب بتاعى فيه زرررر كده اضغط عليه يعمل دون لوود للويندوز لوحدياته خالص
نورتى تانى

الواد اسلام مواطن ده اللى هتلاقيه بيعرف ما هو سوسه فى الكمبيوتر

Asmaa mahaba يقول...

بقى انا اغيب تلات ايامالنت مقطوع فيهم الاقيكى مشرده بطيخ وحطاه فى تركيبه مع مفقوعه
اخص عليكى اما انك ايبى بصحيح
سومه_87

Asmaa mahaba يقول...

هههههه على فكره احنا مره جبنا الفرشه الدواره دى عارفاها ؟؟
هى فعلا بتدور بس على نفسها يعنى خربانه والبطاطين بايظه كمان الخلاط اللى بيرقعوه على الارض ميتكسرش احنا جربناها سحبحان الله معرفشى ليه وقع اتدش ظاهره عجيبه
وحياتك ابعتيلى اتنين زفتيل على فقاقيع ست ابوها
عشان اسلك ودانى
سومه_87

Empress appy يقول...

سومه حبيبتى
==============
دى بتلف على حد تانى ههههههههه مش حوالين نفسيتها
يا بنتى انتى جربتى تدشيه على بلاط ولا مرتبه هما بيدشوه على المرتبه انما انتى مش عرفتى تعملى من الكتالوج هههههههههه استخدمى صح بقى

هبعتلك قولى العنوان بس هتمضى على ورقه انى غير مسئوله عن اى فقاقيع تطلع فى قفاكى هههههههههههههههه

maha zein يقول...

يا جمالك يا وحش
اذيك يا ابى
دمك عسل وشربات
وفعلا جيتي علي الجرح
بس سبيهم هو بيبقه رزق الهبل علي المجانين
الى عاوز يبذر فلوسه فى زيت العفريت يبقه يدفع
بس بجد اسلوبك عسل
عوزينك ديما تتحفينا بكل بوستاتك الي دمك الخفيف بيجري فيها بالفتطرة
ربنا يسعدك

قوس قزح يقول...

فرنسااااااااااااا
حمدلله على السلامة
وحشتناااا
انا قلت الرايق عمل الدينئة و اتخلص منك بسبب العجلاتى

كنتى ابعتى ميدو للنت كافية يدخل يقولنا الجهاز بايظ

المهم انك بخير
و انت لسه مش عندك ويندوز ؟؟ اومال بتتكلمى ازاى ؟

عموما لو لسه قوللى و انا ابعتلك على الايميل الطريقة

موووه نورتى بيتك يا مامتى

غير معرف يقول...

ههههههههههه

انا شايفه ان كله نصب فى نصب
وش كده وعينى عينك

واعلانات ايييييييييه تجيب العته المغولى من اول نظرة

بجد حاجه غبيه اوي ومستفزة جداااااااااا

غير معرف يقول...

الف حمدلله عالسلامه يا فرنستى

بقالك كتيييييييييير اوى

وحشتينااااااااااا
:))
والف سلامه عالكومبيوتر بتاعك

فرنسا هانم يقول...

appy
طبعا انا فكرت فى حكايه اللاب توب لكن مش بخل ولا حاجه لقيت انى هرمى الكمبيوتر اللى عندى برخص التراب وهو مكلفنى كتير
قلت حمارتك العارجه ولا سؤال اللائيم
هو مواطن يعرف فى تنزيل الويندوز
طيب نداء الى اسلام
احضر لفرنسا حالا

فرنسا هانم يقول...

shayma
شيماء حبيتى الغاليه
وحششششششششششششششششششششششششششانى موت
الف بوسه وتحيه غاليه من قلبى ليكى

Empress appy يقول...

مها زين
===========

حبيبى الكميل ميرسى خالص لذوقك دا انا حسه ان دمى تقيل خالص انتم بقى غاويين نطح خرفان هههههههههههههههه







شيماء
==========

شيمو السكر المقالب منورة هونا اوعى يا شيمو بتكونى بتجيبى زيت العفريت هههههههه

Empress appy يقول...

فرنسا
=======
يا حبيبى عارفه بس اللاب توب هيريحك فيه حاجات مستعمله رخيصه وفيه حاجات جديده رخيصه برضه وكد كده كل ما يعدى الزمن عليه هيقدم انا برضه عملت كده بس فى النهايه جبت الافضل ليه هو فيه بتغلى غير الاكل ههههههههههههههه
هدور لكى على اسلام حاتر

فرنسا هانم يقول...

قوس قزح
ماهو كل ده انا كنت بعمل ايه ؟؟؟
بدايه الشراره الوندوز وقع
بعته مع ميدو بعد ما حن عليا وجه بعد يومين
قالى هجيب الجهاز بكره
وبعدين قالى الهارد بيفصل لوحده العيب مش فى الوندوز العيب فى الهارد
وبعدين الرامه
وبعدين البرسيسور ووووووووووووو
كل شويه يقولى حاجه
لغايه لما غير 70 فى الميه من الجهاز
وجابلى الجهاز انهارده الضهر
وطبعا جابوا شغال ونازل له وندوز
لكن انا بسأل عن طريقه تنزيل الوندوز للمستقبل
مش معقول كل ما اعوذ انزل وندوز اللف السبع لفات دول
تحياتى لكى يا قوس قزح

فرنسا هانم يقول...

appy
على رأيك يا ابى
الاكل هو اللى طاير فى السماء وبيغلى بالعبيطه
وانا هاعمل بنصيحتك واجيب اللاب توب
بس بعد ما افرح شويه بالتجديدات اللى عملها ميدو للكمبيوتر

فرنسا هانم يقول...

appy
بوست مميز وجميل يا ابى
احييكى على نقدك الساخر اللاذع
وياريت نقدر نطلع افكار الباميه دى من نافوخنا

فرنسا هانم يقول...

عائله الضاحكون

طبعا انا فرحانه بالحوارات والمناقشات والاختلافات اللى جيت ولقيتها متلتله فى الدرافت
لكن
هتستغربوا ازاى افرح للخلافات
اقولكم
الام لما تلاقى اولادها متخانقين بتضايق جدا منهم وعليهم
لكن لما تيجى وتلاقى اولادها كانوا متخانقين وقدروا يتغلبوا على خلافاتهم لوحدهم وبقيوا احباب بتفرح جدا
بتفرح لان اولادها قدروا يتغلبوا على خلافاتهم
ورجعوا يحبوا بعض تانى
انا فعلا سعيده انى رجعت لقيتكم متصافيين
ومش هتكلم فى اى حوارات
لكن اسمحوا لى كلكم امسح الحوارات الموجوده فى الدرافت
لانها اتحلت والحمد لله
مع خالص امنيات امكم
فرنسا هانم

Empress appy يقول...

فرنسا
=========
حبيبتى مبروك عليك مقدما يا قمر
وامسحى واحنا كمان مبسوطين ان امنا رجعت لنا بدل ما هى سايبانا فى بيتنا كده

وبعدين مالها الباميا يا ريت طبق مع رغيف عيش الا انا جعانه ههههههههههههه

حنين القلب يقول...

هييييييييييييييييييييييييييييييه
مامتى رجعت
ماما وحشتينى اوى كده تسبينى بعد ولادتى بيومين هونت عليكى
بابا الرايق كان بياكل الاكل بتاعى
والبت آبى كانت بتضربنى وتطفى عليه النور
والواد خالد ودانى عند بالو حلق ليه قرعه وقالى دى تسريحه مادونا
وقوس قزح رسمت على وشى علم مصر ومسكتنى من رجلى وطيرتنى من البكونه وقعدت تقول تحيا مصر .. تحيا مصر
واسلام و مها وكاملياومفروسه ونيجرو كلهم كانوا بيعذبونى تعذيب الكفار كل ده علشان انا اخر العنقود
بس تيته مفقوعه كانت بتاكلنى وتدافع عنى
ربنا يخلكى ليه ومش يحرمنى منك ابداااااااااا
بحبككككككككككككككككككككك مووووووووت

عبده الرايق يقول...

فرنسسسسسسسسسسسسسسسسسسسسسسا
كنتى فين يا ست هانم ؟
كمبيوتر ايه ده اللى بيتصلح فى 10 ايام
نو
نو
نو
هى العمليه بقت سايبه ولا ايه ؟؟؟؟
ولا اقولك
حمدلله على السلامه يا فرنسيس
نورتى بيتك ومترحك

عبده الرايق يقول...

حنين القلب
انا كنت باكل اكلك يا مفتريه
نو
نو
نو
انتى اللى كنتى بتشربى الشيشه بتاعتى من ورايا
اوعى تصدقى يا فرنسا البنت الملحوسه دى

عبده الرايق يقول...

كاميليا
انتى فين يابنت
تعالى هنا
انتى مش اخر العنقود مع حنين القلب
انا برضه كنت باكل اكلكم ؟؟؟؟

Empress appy يقول...

حنين

اه يا مفتريه يا جباره اعمل فيكى ايه اعضم انا كنتي بكقي النور علشان تنامي وكمان خرفاني مش عارفه اتلم من نونوتك هههههههههههههه

حنين القلب يقول...

عبده الرايق
الله يرحمك يا رجوله بقى بعد 10 ايام الست بره البيت تقولها حمد الله على السلامه ونورتى بيتك
دنا كنت فاكرة هتموتها وتقطعها حتت وتقولنا هنادى خدها الوبا
بعد الشر عليكى يا مامتى طبعا
بس انا بستغرب بابا اللى كان قالب الدنيا ويقولنا امكو لما ترجع هعمل وهعمل
يلا تنزل المرة دى يا حنفى

Empress appy يقول...

رايق
====
اه شيشه اللى مطلع روحنا بيها يا جبار ماشى ماما جت وعأخد الشيشه اعمل عليها مزاد فى مدونت بيكا ويبقى وفرنا واتبرع بتمنها لخرفانى هههههههههههه

حنين القلب يقول...

عبده الرايق
ايوه انت كنت بتاكل اكلنا وكاميليا هتشهد معايا احنا كنا جعنين سوا
وانا كنت بشرب الشيشه
نو
نو
نو
دنا كنت بدوقها بس يا مامتى
بابا روقه كان مشغلنى صبى قهوجى ويقولى انفخى فى الحجر لحد ما روحى طلعت والاخر بقى يخلينى اشرب لحد ما الحجر يسخن وياخدها منى ويضربنى على قفايا
خديلى حقى يا مامتى

Empress appy يقول...

حنين


يا بنتي دي تحبسه فى اوضه الفيران وانا هربطه لو بص لها بس ههههههه

حنين القلب يقول...

APPY
اه يا اختى كنتى بتطفى عليه النور وانا مش مفتريه

ااااااااااااااااااه انتى كنتى بتكتمى نفسى وانا بعيط بالمخده علشان خرفانك تنام
مااااااااااشى انا هخلى باباتى يدبحهم ويعمل عليهم شوربه خصوصاً الخروف البامبى ده علشان انتى بتحبيه
يلا بقى هىء

حنين القلب يقول...

APPY
اه والنبى يا آبى لحسن انا صدرى وجعنى من النفخ فى الحجر وكمان قفايا ورم
خلاص مش هخليه يدبح الخروف البامبى بس هيدبح الباقى حراااااااااااااااام
جعااااااااااااااااااااانه

Mafrousa يقول...

يا حليله فرنسا جت يا ولاااااااااد
يا فرنسا الغيبه ديه كلها
كل ده علشان الكمبيوتلر كان بعلفيه شوية؟؟؟
طيب و ازي الصحة دلوقتي؟؟؟ مش الحمد لله ربنا خد بإيده و خف؟؟؟؟؟
يالهوي عملتيله عمرة؟؟؟!!!!
عمرة؟؟؟!!!!ياحول الله
طيب بقى اوعي تنسي تجيبى شنطة الاسعافات الاوليه و المثلث العاكس
لحسن يعملها فيكي و يغمن عليه فى يوم
تكون معاكي الشنطة
و ان لزم تغيره الهرد و لا تنزليله الويندوز تبقى تحطي المثلث العاكس
هههههههههههههههه
حمدا لله على السلامه

الطائر الحزين يقول...

يا اخونا شوية دم أمكم عمالة تشحت علشان تشترى كمبيوتر يعنى تروح للناس الغرب واحنا موجودين على وش الدنيا لا ابدا بتاتا هيهات كل واحد فيه يتبرع بنص فرنك ونجيب لك اللى انتى عاوزاه

حمدا لله على سلامتك

Empress appy يقول...

الطائر الحزين



نص ايه ليه هى هتعمل زي ما مفروسه قالت وتجيب مثلث وشنطه طيب انا اولى بقى ببطوط بتاعتي خليك اخ كويس او سمحت والا هعلن الحرب تانى عليك وانت عارف يا شهر زعابيب

Empress appy يقول...

حنين قال تدبحى قال دا انا كنت علقتك من رجليكى فى الكوكب بتاعي عتهنزري اجري من هنا امشى

داليا ..قوس قزح يقول...

الخروف البامبى !!!!!
اوعى حد يقرب من الخرووووف ده
ده بتاعى انا حجزاه من آبى علشان اعمله مخدة

انت يا ست حنين خيفى عن الخرفان و بلاش تزهقيهم متنسيش ان العيد الكبير داخل علينا
و ابوكى ايدك منه و الارض
بقوله على الياميش بيقولى نشحت و نلم زكاة رمضان

كاميليا بهاء الدين يقول...

فرنسا هانم

حمد الله على السلامة
نورتى المدونة
وخط النت كله
قبلى وبحرى

وحشتينااااااا اوى خالص كتير
يا أجمل قلب


عبده الرايق

....
كاميليا
انتى فين يابنت
تعالى هنا
....

انا جيت اهو
بس جيت بصعوبة خالص

اصل البدو اللى انت سرقت المعزة بتاعتهم
قصدى استلفتها منهم عشان تعمل لنا عليها عزومة
خطفونى .. وكانوا طالبين اتنين خرفان من خرفان آآبى
كلمتها على القمر الصناعى
وفى خمس دقايق بعتت 10 خرفان ألوان ومعاهم جهاز دبح هدية
والجهاز ده بقى يدخل الخروف فيه من ناحية يطلع من الناحية التانية خروف بانية ومعاه السلطات كمان

.......
انتى مش اخر العنقود مع حنين القلب
......

عنقود؟؟؟
هو انت هتعملنا سبحة ولا إيه؟

كل سنة وانت طيب عشان رمضان
انت صحيح مصومنا طول السنة
بس اكيد هتاخد ثواب

رمضان كريم عليكم كلكم يارب


.

Empress appy يقول...

حتى انتى يا قوس الوان ملخبطه
خروف ايه اللى تعمليه مخده ده
ليه هو من تاكي ولا ايه

Asmaa mahaba يقول...

يا فرحى يانا يا مسعوده يا ايبى اسم الله عليكى خالتو فرنسا ظهرت اهى وعلى بوسطك البت ايبى دى مرزقه هى وخرفانها
وكمان عبدو رجع من راس سدر ايه درس التشريح دا
سومه_87

عبده الرايق يقول...

حنين القلب
الله يرحم ايام الرجوله ؟؟؟؟؟؟؟؟؟؟؟؟؟
انا سبع
انا وحش
انا غضنفر
انا ليث
انا جبار
انا رجل والرجال قليلو
حد يناولنى فاس
حد يناولنى مسدس
حد يناولنى ساطور
ولا اقولكم انا معايا العصايا بتاعه المصاصه اللولى بب
انا جاى يا فرنساااااااااااااااااا
حد يتصل بالاسعاف

عبده الرايق يقول...

appy
انتى ناويه تبيعى الشيشه فى الروبابيكيا
نو
نو
نو
انا لايمكن اسمح بكده ابدا
اما لو هتجيب لنا 1000 دورر انا موافق
طبعا شيشه اثريه
كفايه انها من الدكاتره عبده باشا الرايق
على فكره انا نسيت اخد دكتوراه فى الشيشه
اروح اذاكر بقى فى اى قهوه واخد الدكتوراه

عبده الرايق يقول...

حنين القلب
البنت مفروسه بتستر عليا لما بسرحها بالجردل
وانتى بتفضحينى لما شغلتك فى القهوه
يقولوا عليا ايه الناس دلوقتى
اب مستهتر
واا فضيحتاه
واا كسفتاه
واا كبستاه
وا وا وا وا

عبده الرايق يقول...

واحده مفروسه
بت يا مفروسه هاتى الرصيد بتاعنا اللى محوشينه من بيع البيبس
وروحى اشترى لامك فرنسا اجدع لاب توب من المعصره اللى قدامنا
هو احنا شويه فى البلد ولا ايه
وهاتى معاكى شفاطه يمكن فرنسا تحب تشفط اللاب توب بالشفاطه
ولا اقولك
خدى 10 جند اهى سليمه وهاتى طقم لاب توب لاخواتك
يكش يتمر فيهم
وهاتى اتنين صغيرين علشان التوأم حنين وكاميليا
وهاتى لهم علبتين شيكولاته
وهاتى لفرنسا علبه سجاير بوسطن
وهاتى تلاته ولا اقولك هاتى قفص مانجه عويس
ولو ملقتيش عويس سيبى له خبر وقوليله روح لبابا الرايق ضرورى
وهاتى كام علبه ايس كريم لاخواتك الولاد
اصل خالد والطائر بيحبوا الايس كريم
وهاتى باقى العشره جند واوعى تخنسرى مليم احمر

Asmaa mahaba يقول...

والنبى يا جماعه شويه بيرسول عشان فى نحل بيزن فى المدونه عاوزين نطفشه

Asmaa mahaba يقول...

اخبار جلد الحنفيات ايه يا رايق؟؟؟
شكلك خرجت من القضيه على خير

عبده الرايق يقول...

الطائر الحزين
خلاص يا طائر انا بعت البنت مفروسه تجيب اللاب توب لفرنسا
وعملت حسابك وحساب العيال كلهم فى شوب لاب توب
انشاله ما حد حوش

Asmaa mahaba يقول...

عينى عليكى يا مفروسه يالى حيدفعوكى من جيبك
تعالى يا بنتى خدى منى عشان تكملى على طلبات ابوكى
اشوف فيك يوم يا رايق بحق ما انت مدوخ الغلابه ولادك

عبده الرايق يقول...

سومه الحشريه
يا مرحبا يا مرحبا
انا جبت معايا جوزك بطيخ كان تايه فى النفق
وبقوله رايح فين يا بطيخ يقولى بدور على الحمام !!!!!!!!!!!

Asmaa mahaba يقول...

رايق انت مديون ليا بعشر تعليقات

Asmaa mahaba يقول...

قال حمام قال من امتى بطيخ كان يعرف حمامات يا رايق يا خويا الله يرحم ايام البامبرز رجاله اخر زمن لو شفته ابعته على مركب للهند

عبده الرايق يقول...

انا مدوخ عيالى يا سومه
انا بعودهم على الاعتماد على النفس
والشحاته دى وراثه عن جدودى
انا جدودى اصلا ملوك
وكانوا بيشحتوا حب الناس
تسمعى عن جدى احمس اللى بنى الاهرام التلاته

Asmaa mahaba يقول...

مباقيش غير بطيخ حيدخل حمامات كمان

Asmaa mahaba يقول...

ايه دا يا ابو الروق هو احمس دا جدك يا ماشاء الله وانا اقول يا بنتى الرايق فيه من ابو الهول
سامحنى يا رايق اللى ما يعرفك يجهلك

عبده الرايق يقول...

هههههههههههههههههه
ابعته على مركب للهند
نو
نو
نو
انا لازم اعذبك
علشان كده جبته معايا فى الشنطه
يا خبر ابيض
ده بقاله كام يوم فى الشنطه يمكن يكون حمض

Asmaa mahaba يقول...

شوف ازاى وانا اقول فى ريحه مش ولابد اتارى بطيخ عفن
هههه طيب كنت شقه على السكينه قبل ما تاخده

عبده الرايق يقول...

طبعا جدى احمس
وكان متجوز الملكه ستيته جدتى
ده تاريخ يابنتى
انتى مبتقريش تاريخ ولا ايه ؟؟؟؟؟؟

عبده الرايق يقول...

اشقه بسكينه واتسجن
نو
نو
نو
انا جبته وانتى اتصرفى معاه

عبده الرايق يقول...

قوس قزح
ياميش رمضان انا اتعاقدت عليه خلاص
ولا تزعلوا
الواد حسن الفراش ربنا يكرمه هيجيب لى كام صوره بالالوان ليميش رمضان
وكام تشكيله كده
لو حد نفسه فى حاجه تانيه قولوا
الواد ممكن يجيب صور كنافه وزلابيه وعرق سوس كمان

Asmaa mahaba يقول...

اخص على دى جيره مرجعهولى ناقص شقه

عبده الرايق يقول...

سومه يا حشريه
على فكره المدعوء بطيخ جوزك
كان معاه واحده خواجايه فى النفق
وبقوله مين دى يا طيخه قالى دى مندوبه شركه هم المم الامريكيه
انا مش بوقع ولا بفتن لكن انا بحذرك

عبده الرايق يقول...

هههههههههههههههههههه
حلوه يا سومه
انتى عداه بالشقه
على فكره الشقه الناقصه دى كانت ازاله وشالها الحى واحنا راجعيين

Asmaa mahaba يقول...

بقى كدا هم المم انا حوريه الهم اللى ما يتلم ان ما طلعت عينه مبقاش الحشريه
انا حشقه حتت واخرطه للوز
شكرا يا سى الرايق الجيران لبعضها ياخويا طول عمرك محضر خير

عبده الرايق يقول...

كاميليا
ازيك يا كامى
مين اللى خطفوكى دول ؟؟؟؟؟؟؟؟؟
قوليلى بسرعه مين اللى خطفك
كاميليا بنت الرايق تتخطف
نو
نو
نو
انا هاولع الدنيا
انا هاحضر الجيوش
انا هدمر
بس قوليلى خطفوكى بجد ولا بتهزرى
لو كان بجد يبقى ربنا يساممهم الوحشين
لكن
لو كنتى بتهزرى يبقى لازم اخد حقك منهم

Asmaa mahaba يقول...

انا قايمه انام عشان ورايا بكرا مسح سلالم اسمع انا بعتلك بطيخ مطرود
بيته عندك بس حته فى حته مرطبه ليضرب

عبده الرايق يقول...

هههههههههههههههههههه
لا ولسه
ده بيقول عليكى كلام
اخص عليه
تصدقى بيقول ان سومه مش بتنام الا فى المطبخ
علشان كل احلامها تشتغل مديره منزل

Asmaa mahaba يقول...

معلش يا رايق ليس على بطيخ حرج
هههههههه

حنين القلب يقول...

قوس قزح
appy
عبده الرايق
هو علشان انا غلبانه هتضحكوا عليه
اولا الخروف البامبى ده هاخده انا يا قوس قزح
وانتى يا آبى عايزة تعلقينى من رجلى فى الكوكب بتاعك
اااااااااااااااه يا مامتى
بابا بقولك ايه انا مش عايزة لاب توب هعمل بيه ايه يعنى هاتلى نص فرخه احسن انا جعانه موت

حنين القلب يقول...

انا دلوقتى عايزة اعرف حاجه
هى سومه الحشريه دى عايشه معانا ولا ايه هى الشقه ناقصه
انا مش لاقيه حته انام فيها وهى كمان بعته سى بطيخ ينام عندنا
ماشى يا سومه انا هنيمه على جدار البلكونه ولو وقع يبقى نصيبه ونرتاح منه عقبال ما نرتاح من الحشريه مراته

حاجات جوايا يقول...

ههههههههههههه
أجمل حاجة فى الموضوع ان الدبور والنحلة متفاهمين مع بعض
هذه هى السعادة الزوجية
وطلبات المدام اوامر .. تقول هات يتصل على طووول ههههههههه
لا وكمان بيخاف عليها من نتيجة الاستعمال ههههههههههه

----------
نيجى بقى للمهم
كنت باخد كورس كمبيوتر وكانت المهندسة اللى بتدرسلنا بتجهز نفسها وهتتجوز قريب .. وكل ما تشوف حاجة من اطقم الصينى والحلل والحاجات دى تجرى تشريها
تنزل السوق تلاقى احسن منها وباسعا اقل
كانت هتتجنن يعينى
بس هى اللى عملت فى نفسها كده هههههههه

------------
قبل زواجى حماتى جابت لزوجى تليفون من اعلانات يونايتد........
التليفون كان ناطق بصوت نسائى وفيه اظهار وكل حاجة
المهم بعد فترة لقينا الصوت النسائى بيقرب يبقى رجالى شوية بشوية .. وبعدين اختفى تماما


دلوقتى طبعااااااا التليفون عبارة عن خمس اجزاء منفصلة السماعة .. والجهاز .. وشاشة الاظهار .. وسلك السماعة .. وسلك الخط هههههههه
الله يرحمه

موضوع جميل يا قمر

كل التحية

سالى

حاجات جوايا يقول...

فرنسا هانم
~~~~~~~~~
حمدالله على السلامة يا قمر
نورتى المدونة بجد وخليتيلها حس
دى كانت مهجورة ومليانة اشباح وخرفان وحاجات غريبة هههههههههه

و سلامة جهازك من انفلوانزا الويندوز .. ربنا يجعلها آخر الويندوزات

سلام يا قمر

سالى

كاميليا بهاء الدين يقول...

عبــده الرايــق


...
كاميليا
ازيك يا كامى
...

الله يسلم قلبك ويسلم عمرك يارب


....
مين اللى خطفوكى دول ؟؟؟؟؟؟؟؟؟
قوليلى بسرعه مين اللى خطفك
.....

البدو .. البدوووووووو
اللى انت اخدت المعزة بتاعتهم


.........
كاميليا بنت الرايق تتخطف
نو
نو
نو
انا هاولع الدنيا
........

يوووووه ... دلوقت يقولنا لمولى تمن البنزين.


....
انا هاحضر الجيوش
...
جيوش النمل أكيد؟؟

أنا شاكهانك مشغل النمل
يعنى لاقيته بيفضل يشتغل ويخزن فى أكل طول السنة .. قولت تستفيد من المخزون
صح؟؟؟


...
انا هدمر
...

مش تعلى صوتك .. مدمر إيه .. احسن يقولو عليك رايق دمار شامل .. وبعدين شامل يجى يحصدنا هنا.


....
بس قوليلى خطفوكى بجد ولا بتهزرى
لو كان بجد يبقى ربنا يساممهم الوحشين
لكن
لو كنتى بتهزرى يبقى لازم اخد حقك منهم
...

ايوة .. هتاخد بحقى .. ماهو انت لازم تاخد .. مش فيه حاجه تعدى من غير ماتاخد.
D:

.

Empress appy يقول...

عبده الرايق
===========
لاااااااااااااا لاااااااا دكتوراه واحده لازمان خمسين دكتوراه
وبعدين اثريه ايه اذا كنت انت شاريه من بتاع الخرده وشيفاك بعويناتى دى ههههههههههههههه

Empress appy يقول...

حاجات جوايا
=============
ههههههههههه وهو ده اللى بقول عليه يا سالى الموضوع له شقين
اولا ان الحاجه بره فعلا ارخص
ثانيا الجوده بقى زفت
اقولك خلى الاولاد يلعبوا بالفون ده ويحطوا فيه رمل ويربطوه بحبل ويبقى استفدتى نه هههههههههههههههه
نورتى يا سالى

Empress appy يقول...

حنين
=========
انتى قويه وجباره وهتتعلقى يعنى هتتعلقى ههههههههههههههههههههه

مواطن مصرى نايم يقول...

رغم انى منقطع
لكن مش حقدر يكون اول بوست لايبى
و مش حعلق عليه
دا انا ابقى واد معفن حتى

انا قريته من زماااااااااااااااان
(وش بيرقص حواجبة و بيغيظ اى حد لسه قارى البوست ده)

عارفة يا ايبى مثلا التخسيس
حتى دكاترة التعذية
بيكونوا عاوزين اللى متابع معاهم دايما معاهم
مش بيخلوه ينزل للوزن الطبيعى بسهوله
مع ان دى حاجة سهله جدااااااااااااا

و من غير و لا اعلانات و لا نحل و لا دبابير
و الله

و ده بقى اعلان منى انا
ـ ـ ـ ـ ـ ـ ـ ـ ـ ـ ـ
اللى عاوز يخس بجد و الله انا ممكن اساعده
لانى بجد من الناس اللى نجحت فى موضوع الدايت ده دون التعامل مع اى دكتور تغذية و لا اى حاجة
و دلوقتى وزنى مثالى
اللى عاوز يخس
يتصل على
صفر تلت اصفار صفرين صفر
او من اى موبايل
صفر صفرين صفر
او عن طريق الايميل
صفر @ ياهو . كوم

لا بجد اللى عاوز حاجة يقولى فى موضوع الدايت و الكلام ده

Empress appy يقول...

مواطن مصرى نايم
================
اهلا بأخى
يا سلام انت عاوز تمارس هواياتك علينا ولا ايه لا يا عم احنا شيك وسمبتيك كده وفر نصايحك لحد غيرنا
انا نصحت قوس قزح بحاجه وجابت نتيجه هايله حتى اسألها ههههههههههههههههه
بس من غير ضرب
نورت يا اسلام وبلاش فترة انقطاع وكلامم من ده عيب انت اخونا ولازم تفضل هنا يرضيك نفضل من غير روجاله

همس الاحباب يقول...

صباح الصباح
ولا صباح اللى بتغنى
اولا حمدلله على السلامة يا مامتى
كنتى فين ده كله انا شكيت فى الرايق يكون اتفق مع الانتر لوب علشان يخطفوك
ويطلبوا ديه كبيرة ويقسم معاهم بالنص
اصل بابا الرايق انا عارفه
على العموم حمدلله على السلامة ومنورة المدونة
وكمان اخواتى جم وزحموا المدونة
ما انتم كنتم سارحين فى الشوارع

همس الاحباب يقول...

زيت زعبوط الغفير
ايه ده بيتاكل ده ولا بيشرب ولا ايه بالظبط
طب الكتالوج فين
اووووووووه انا مش بعرف عربى لو فرنساوى ممكن اقرا
وبعدين بانوراما دراما هتسيب علامة فى بيتك
ويا سلام لو العلامة دى بقت فى راسك يا ابى
انستريح من النحلة والدبور على الاقل
وبعدين لو عايزة زيت الخرتيت موجود
انت مش عارفة انا باولو اكبر مستورد خراتيت فى البلد وبعدين لو شعرك وقع انتى وخرفانك اجبيلك باروكة بمبى تجنن
وب20 جم بس و200 يورو مصاريف الشحن
واحنا فى الخدمة برده ده علشان انتى اختى بس

همس الاحباب يقول...

وبعدين اعلانات الفضائيات بصراحة بقت تخنق
كله واعلانان فيرجينيا ملوك الجمال فى الشرق الاوسط
جايبين واحد اقرع وبيحط كريم شعره يطلع بعد اسبوعين ده كلام
يعنى عمر اللى يقع ما يرجع تانى
واحد كان عنده 3 شعريات فى دماغه مبسوط بيهم
راح جاب الكريم وقعهم ليه وقعد يندب حظه ويقول ليت الشباب يعود يوما

Empress appy يقول...

همس الاحباب
==============
الشهير بالهم على القلب
زيت زعبوط العفريت ده للسانك يا باولو
وابقى قابلنى بقى حتى لو جبته ليك ان لسانك يتعالج
هههههههههههههههه

همس الاحباب يقول...

بت يا ابى بقولك ايه ما تيجى معايا
عند باولو
اخليه يحلقك قرعة
والله اتبقى تحفة اتبقى شبه سلومه الاقرع
والخرفان تجرى وراكى وتقولك قرعة زلبطه
البت حنين شكلها تحفة فى القرعة
متخافيش باولو ايده خفيفة
مش ايعمل علامات كتير فى راسك هما يدوب 150 بشلة بس

Empress appy يقول...

خالد اوس الاحباب
================

انت يا باولو طمعان فى الشعرتين اللى حيلتى طيب عيب عليك لو بقيت قرعه هتكتشوف النحله والدبور فين يرضيك يبقوا متعريين كده
وبعدين ما كفايه المكبات اللى باولو بيعملها فى دماغك در ولا مطبات الزراعى يا ابنى هههههههه

Asmaa mahaba يقول...

لالالالا جرى ايه يا رايق مش تظبط عيالك على اخر الزمن حنين اللى هى يا دوبك بنت يومين ونص عاوزه تخلص منى اخص اخص اخص لالالالا مكانش العشم عيالك يبهدلونى يا فرنسا ولا انا عشان قلبى عليكم تعملوا كدا فيا هان عليكى التليفونات اللى بدفعها من لخوكى الطاير ومنطقتش
وانا الى دافعه كفاله الرايق عشان اخرجه من قضيه جلد حنفيات العباره لا اخص اخص اخص
يا ايبى خوديلى حقى يا عاقله

بنت سيناء.. يقول...

جميل..بوست فكاهى بس بيوضح الواقع التجارى والنصب العلنى..تصورى انا بحب اتفرج على التسوق عبر التلفاز وفى كل اعلان بكون نويت اشتريهم كلهم وهى ساعة بس بعد الاعلان..تلاقى مفعول الاعلان راح..تعرفى السبب؟؟

Z_Diva يقول...

appy pashaaaaz

wensety teftat7y ele3lan ba2ya koranya malhash ay 3laka belmaowdou3, we na7no be3awn ellah hnrya7okooooo :D, bgad bt3asb kettan mn hazih ela3lanyat el5oza3blya, allah ymasiha bel5er tamima teleseen kabl elfilm we b3doh, aho rbna fta7 3lihm we b2a 3ndhm qanah bt3thm lwa7dhm :D

حنين القلب يقول...

سومه مجنونه فى بلد عاقل
مالها حنين يا حشريه انتى
انتى بتشتكى لبابا وماما علشان يضربونى
نو
نو
نو
بابا الرايق قالى شاطرة يا نونه خلصينا منها
وماما قالتلى هى ست حشريه وتستاهل
العبى براحتك يا حنين
ولو على الطائر مش تخليه يتكلم من عندك تانى
هو بابا حرمنا من حاجه ده جايب لكل واحد فينا موبايل وخط بزنس
حشريه سبينا انتى بس فى حالنا وخدى سى بطيخ فى ايديكى
عايزين ننام ارحمينا

الدفاع يقول...

لا حول ولا قوة الا بالله
انا يا اخى قاطعت هذه المدونه بسببك
وبسبب كلامك وفهمك للامور واهانتك لى
برغم تقديرى الكامل للجهد المبذول فى هذه المدونه
واكتفيت فقط بالمتابعه دون الاشتراك
فما الذى دعاك لان تذكرنى فى تعليقك على الاخت ابى
ارى انك تفتعل المشاكل
وارى انك تهدد اصحاب المدونه بشئ ما
وارى ان كلامك على ابى كلام مرسل وكلام اقرب الى التشنيع والتشهيير
فمن من بالله عليك هو صاحب المهاترات
؟؟؟؟؟
حسبى الله ونعم الوكيل
هدى الله الجميع

Asmaa mahaba يقول...

ومع احترامى الشديد هذه المدونه كيان واحد الكل هنا اسره وانت هنا الضيف ودا بوست ايبى تزيل اللى تزيله وتبقى اللى تبقيه وعلى فكره اى شىء بيتعمل بيكون متفق عليه ولو حضرتك مش عاجبك المدونه ممكن تتفضل تمتنع عن التعليق
اما لو عاوز خالتو فرنسا اعتقد ان فى ايميل على واجهه الصفحه ممكن تراسلها فيه هى والرايق...
ومعلومه صغيره انا مقعتدش مع ايبى كتير بس المره الوحيده اللى جات سيره صاحبتكم دى فيها متقالش عنها من ايبى غير كل خير ومجابتش سيرتها بكلام وحش والله على ما اقول شهيد

ياريت لو دى خلافات شخصيه او نفسيه ترجع ليك... احتفظ بيها بداخلك بعيد عن اعضاء المدونه
ولك جزيل الشكر بعدم افتعال المزيد من المضايقات

مدونه الدفاع مكانش المفروض تسيب بيتك لاى حال من الاحوال...وتترك لهم الفرصه للايقاع بين اعضاء المدونه وبينك
لكم منى جزيل الاحترام سومه_87

قابل للحذف ومفيش مانع...:))
بس مقدرتش اسكت

Asmaa mahaba يقول...

حنين
نو نو نو
فرنسا عمرها ما تصرحلك بكدا وخصوصا انها لسه شاكيالى منك

محمد فوزي يقول...

الحقيقه بالرغم من اني مش ملم تماما بتفاصيل الخلاف اللي بيدور في المدونه إلا أنني الحقيقه مستاء من أسلوب الأستاذ المحترم (صلاح حجازي) ,
وعايز اقول بكل وضوح وبكل صراحه انه خساره قوي ان الواحد يكتشف إنه بيقيم بعض الأشخاص بحكم مواقعهم ربما التي من المفترض انهم اختيروا لها بعنايه بتقييم اكبر مما يستحقونه ليكتشف فيما بعد انه ربما اخطأ في هذا التقييم !!

استاذ صلاح الم يكن من الأفضل انك توجه رسالتك عبر الميل مباشرة إلى من تريده بدلا من هذا الأسلوب المبتذل وبعثرة العديد من التعليقات في كل تدوينه بغرض الإساءه لمدونه يشهد لها كل من قابلها أو تعامل معها بالأخلاق العاليه والسلوكيات الرفيعه والهمه في عمل الخير ,

انا بالفعل لم يشرفني مقابلة آبي شخصيا لكن ما قرأته من كل المدونين والمدونات عنها أثناء تدوينهم عن لقاءاتهم الخيريه أو مختلف مناسبات التجمع يجعلني مقتنع تماما ان ما تفعله انت الآن لا يسيء لها بقدر ما يسيء لك

وحقيقة كنت اتمنى ان تتمتع بشخصيه انضج مما اراك الآن حفاظا على صورة تخيلناك بها وحرصا على لأقل على مكانتك

هذا التعليق انشره على مسئوليتي إلا إذا رأت إدارة المدونه الكريمه حذفه

marco يقول...

مدونه جميله

الدفاع يقول...

السلام عليكم
الاخت سومه
=========
لم يوقع بينى وين اصحاب ها المدونه احد
وليس هناك اى شئ فى صدرى لهم الا كل حب وتقدير ولم اكف يوما عن متابعة المدونه
لكن انا كل الحكايه انى اخدت موقف
لانى شايف ان فى اهانه وجهت هنا وانتظرت حد يرد لقيت ان محدش رد فقلت خلاص خليكى متابع من بعيد عشان محدش يقول انك بتسئ للمدونه او بتحاول تقلل من قيمتها منعا للمشاكل يعنى
ولكن النهارده الاقى اسمى فجأه بيذكر من غير داعى ؟؟؟ فدى حاجه تحير وشئ مستفز جدا
انا اسف واتمنى لكم التوفيق
تحياتى للجميع وخصوصا المحترمه آبى

عبده الرايق يقول...

بسم الله الرحمن الرحيم
السيد صلاح حجازى
هذا التعليق على مسئوليتى الشخصيه
على مسئوليه عبده الرايق
ساقوم انا شخصيا بمسح تعليقك فى مدونه الضاحكون
ولن اسمح بتواجدك مره اخرى فى المدونه
ولا اريد اى تعامل بينى وبينك
ولن نعتذر لاحد
ولن نخفض راسنا لاحد
وسنكون دوما عائله الضاحكون
ومن الان اعتبر نفسك غير مرغوب بتواجدك فى مدونه الضاحكون او مدونه عبده الرايق
يكفى هذا العبث
وانا اقدم اعتذاترى الشخصى والعلنى لمدونه الدفاع
لاننى لم اكن ملم بالامور وساويت بينه وبين اشخاص يصرون على اختلاق مشاكل بين اناس يريدون فقط رسم البسمه على وجوه الجميع
واعتذر بشده للاخت فرنسا هانم
وان لم يعجبها كلامى
تستطيع مسحه وشطب عبده الرايق نهائيا من مدونه الضاحكون
من يوافق على تعليقى من الاعضاء يعلق بالموافقه
ومن لا يوافق يعلق بعدم الموافقه
مره اخرى
كفانا عبثا فى المدونه

عبده الرايق يقول...

اخوانى فريق العمل بمدونه الضاحكون
الساده الزوار
لقد ارسلت اميل قبل عصر اليوم الى الاستاذ صلاح حجازى ادعوه الى التريث فى زياره المدونه فى الوقت الحالى
واخبرته ان مدونه الرايق ترحب بتواجده
وانه من الممكن ان برسل لى اى اميل على بريدى الخاص تجنبا للمشاكل
ولكن
فوجئت الان باربعه تعليقات متتابعه للاستاذ صلاح تحمل نفس المعنى
وقد عانينا نحن فريق العمل كثيرا بسبب تلك التعليقات
وحدث شد وجذب واختلافات كثيره داخل اروقه المدونه
مما اضطرنى الى اتخاذ امرا لم اقدم عليه من قبل وهو مسح تعلقات لزوار

Empress appy يقول...

صباح الخير
===========

فيه ايه انا مش فاهمه حاجه مين عمل ايه
هو انا كنت نايمه لا والنبى اللى هنا يقولى فيه ايه حد يرد عليا اختكم غلبانه والنبى
وعموما بشكر الناس اللى اتكلمت عنى اوووووى
بجد من كل قلبى
بس عاوزة افهم فيه ايه

حنين القلب يقول...

السلام عليكم
استاذ عبده الرايق
انا موافقه على قرارك
واكمن لك كل التقدير لاتخاذك هذا القرار
لانى شعرت من اسلوب استاذ صلاح حجازى انه يريد اثارت المشاكل فقط لا غير
واذا كانت توجد مشكله بين احدى مساعديه وبين آبى فهذا خارج هذه المدونه ولا داعى لاستفزاز باقى المدونين
شكرا

حنين القلب يقول...

appy
بصى يا حبيتى
البوست بتاعك وانتى من حقك تحذفى اى تعليق مش عاجبك
واظن اننا عرفين كويس اوى مين آبى وصعب نصدق اى شائعه او كلام عنها من اى حد
ويا ريت يا آبى نقفل الموضوع ده

Empress appy يقول...

حنين القلب
==========
حاتر بس انا مفيش خلافات بينى وبين حد اساسا هو فيه ايه البتنجان ده على الصبح
ههههههههههه طيب استنى اكلمك ههههههه

حنين القلب يقول...

مدونه الدفاع
عيب احنا اخوات ومش ينفع حد فينا يسيب بيته حتى لو مضايق من حاجه
صح ولا ايه؟؟
احسن حاجه فى المدونه دى اننا كلنا بنكمل بعض,بنخاف على بعض,وبنحس بعض ومش ينفع نخلى اى حد يفرقنا
ربنا يحفظكم كلكم

Empress appy يقول...

عبده الرايق
===========

انا مش عارفه اشكرك ازاى فى ردك غيبتى واللى انتم كلكم عارفين ان انا مليش فى اى حاجه
واصلا انا مكنتش اعرف الدفاع خالص ومعرفش فعلا ليه اتحشر اسمه فى الموضع
بس انا سعيده انى عرفته واهو ضمنت محامى كبير
وربنا يخليك لينا يابابا وانا موافقه

على كلامك كله

Empress appy يقول...

بنت سينا
==========


لا مقدرش افيدك والله يا بنت بلدى بس اعتقد ان تثيرها وقتى وبس يعنى بتشد العين ولا لا دى غبيه او ههههههههههههه
نورتى يا قمر المدونة

فرنسا هانم يقول...

انا قبلت استقالتك من المدونه يا رايق
وساقوم بشطب اسمك من المدونه
وده لانك اتصرفت متأخرا
انا مش ملمه بالموضوع كويس
ومش عارفه تفاصيل اكتر
الا اننى
فرنسا هانم
اعلن موافقتى على قرار الرايق
وعدم التعامل باى شكل من الاشكال مع الاستاذ صلاح
وعدم تقديم اى اعتذارات
ووضع مدونه فرنسا هانم ضمن المدونات التى لاترحب بزياره الاستاذ صلاح
بس
فى نقطه مهمه
ارجوا من الجميع الانتباه لها
الرايق جاب منين كفانا عبثا دى ؟؟؟؟
انت بتذاكر من ورانا ياض ولا ايه ؟؟؟

Empress appy يقول...

Z_Diva
=========

حبيبه قلبى ام زعبولا اهلا بيكى هنا يا حبيبتى
والله وحشتينى خالص خالص خالص

بصى يا بنتى علشان انا بجد نفسى اعالجك ههههههههه
خدى زيت زعبوط العفريت مع رجل سحليه
شربيه للاب توب بتاعك هيبقى فله ويكتب عربى هههههههههههههههه
نورتى يا قمر

Empress appy يقول...

فرنسااااااااا
=================

سبتينى كده تلطيش كده وحشتينى
والله يا مانتى انا ما عملت حاجه وبابا الرايق
عارف كل حاجه بالدليل والادله الكاطعه

نورتى تانى يا حبيبتى

بس اقولك جاب عبئا دى مني
انا اللى غششته ههههههههههههه
لا دى اخرة سفرة راس سدر من ورانا شوفيه بيعمل ايه بقى

فرنسا هانم يقول...

مدونه الدفاع
انا فرنسا منتظره تدويناتك التى كانت جاهزه للمدونه
وقد ابلغنى الرايق بتعليقك فى مدونه مواطن نائم
هو لسه اسلام نايم بجد ؟
مش هكرر كلامى تانى
انا فرنسا هانم منتظره تدويناتك واياك متبعتهاش
وسيبك من الكلام بتاع بتابع من بعيد ده

حنين القلب يقول...

فرنسا هانم
صباح الخير يا مامتى
بابا بياخد الكتاب بتاعى ويقعد يقراه فيه بس الحمد لله جاب نتيجه
ماما انا عايزة افطر اللبن بتاعى
آبى اخدته شربته للخرفان
واءءءءءءءءءءءءءءءءء
واءءءءءءءءءءءءءءءءء

Empress appy يقول...

marco
=========
ميرسى ليك ونورت ويا ريت متكونش اخر زيارة بس ابقى خلى بالك وانت داخل هههههههه

فرنسا هانم يقول...

ابى
يا حبيبتى انا اول ما صحيت ولقيت الجو مكهرب
دخلت الاميل ولقيت الرايق باعت لى اميل الفجر
قال يعنى مسحراتى
وباعت معاه نص مكتوب
وللاسف زعلت جدا من الحوار
بس برضه حصل خير

فرنسا هانم يقول...

برضه يا ابى اسيب معاكى اختك الصغيره حنين ارجع الاقيكى اخذتى اللبن بتاعها وشربتيه للخرفان
معلشى يا روح ماما
انا هاحضرلك احلى فطار من ايدين امك فرنسا

فرنسا هانم يقول...

سومه الحشريه
وصلنى اميلك لكن قريته متأخر
كان الرايق اتصرف
تحياتى وقبلاتى لبنات فرنسا الجدعان

المـــفـــــــقــــــــوعـــــة مــرارتـهــا يقول...

صباح الفل علي عيون الناس اللي صاحية بدري
اذيك يافرنسا تصدقي وانتي هنا بنحس اننا لينا ضهر نتسند عليه
ربنا مايحرمنا منك

المـــفـــــــقــــــــوعـــــة مــرارتـهــا يقول...

انا جدعة انا كمان نزلت في الدرافت موضوع جديد ينفع للأيام المفترجة المزنقة اللي جاية

فرنسا هانم يقول...

انا ماشيه دلوقتى لانى عندى جلسه علاج طبيعى
وعلشان كده نايمه بدرى وصاحيه بدرى
مع خالص تحياتى لفريق العمل
والساده زوار المدونه

فرنسا هانم يقول...

ماما بلطجيه !!!!!!!!!!!!!!!
ازيك يا ماما
وحشااااااااااااااااااااانى جدا
كويس ان انتى جيتى
الرايق نزل وسابنى من غير فلوس
وانا عندى جلسه دلوقتى
يأما تيجى معايا
يأما تجيبى تمن المواصلات
منك لله يارايق
علمتنا البلطجه
ولا حرام
ماما اصلا اسمها بلطجيه هانم

Empress appy يقول...

فرنسا حبيبتى
===========

ميرسى ليك يا قمر
معلش بيختصر فى الحبر ههههههههههههه لا انا والله دورت على بقيته ملقتوش
نورتى يا قمر وتيجى بالسلامه تانى

Asmaa mahaba يقول...

رايق مين اللى يستقيل هههههه والعيله تمشى مكسحه وارخم على مين انا
لالا ومين حيجيبلى اخبار بطيخ
لا انا مش موافقه على الاستقاله دى
رحلهاونطه بس هى....
الى الامام يا روميل اقصد يا عبدو

Asmaa mahaba يقول...

شكرا يا خالتو ديما كدا تشوفى ايميلاتى متاخر انا بطالب برقم التليفون وتحويل رصيد عشره جنيه عشان اتصل بيكى :))
من جاور القوم عشرين يوم يتعلم الشحاته من الرايق

Asmaa mahaba يقول...

نامى انتى يا ايبى وراكى سومه بشنبات

Asmaa mahaba يقول...

تورحى وترجعى بالسلامه يا خالتو
ولا يا سنجه اقفل باب المدونه ياد اياك حد يخرج من الباب

Empress appy يقول...

سومه قلب الاسد
===============
والله يا ابو شنبات مش عارف اعمل فيك ايه ولا اعض جمايلك دى ازاى هههههههههههههههه

Asmaa mahaba يقول...

يا ايبى باعتينلى ايميل مكتوب فيه كسبت لوتارى وعاوزين بيناتى ارد عليهم ولا دى نصبايه ههههههه
طيب لو الموضوع كدا ما تيجى نضرب لوتارى انا وانتى وناخد الفلوس ونكت

Empress appy يقول...

سومه ام بطيخ
=============
لوتارى خسئتى يا متفشلحه انا سوف اشق بطيخ نصفين
يا امى نصب وفاتحه سيبك منهم هههههههههههههه

Asmaa mahaba يقول...

يا اختى الغريق يتعلق بقشايه يمكن نكسب واغيرلك بطوط دى اللوترى بمليون استرلينى ههههههههه
واخدلكم موقع كبيررررررررررر غير المدونات لالالا احنا ممكن نفتح جريده
ونوقف الرايق على الباب مع الامن هههه

Empress appy يقول...

سومه القرعه
=============
دول هيقولوا لكى حولى لنا مش عارف كام لو قولتى لهم لا لما تبعتوا اخصموا هيقفلوا باب الهوت ميل على صوابعينك هههههههههههههه
وبعدين بطوط لا الا بطوط الكميله دى حبيبتى

Asmaa mahaba يقول...

هههههههههههه
طيب عندى فكره نجمع المبلغ المطلوب ونبعته يا اتاكلنا على قفانا ياخدنا المليون استرلينى
وبكدا ميتقفلش الباب على زوابعنا
;((
ياختى قال ايه اللى رماك على بطوط قال اللى ابط منه هههههه اقصد اللى ما ابضطش منه

Empress appy يقول...

سومه القرعه
=============

ههههههه حتى انتى يا ام بطيخ بتتريقى على بطوط بتاعتى طيب اشوفك بترفسى وتعيكى وتقولى اتصور جنبه والنبى يا ابا
بنات اخر وز صحيح

Asmaa mahaba يقول...

ياختى حد طايل بابا بيقولى حلمك تجيبى عربيه ماركه ايه قلتلك انا حلمى اجيب اسكوتر مش عربيه ياختى حد طايل كارو فى الزمن دا

Asmaa mahaba يقول...

ما تخليكى لذيذه وابقى ادخلى الميل عشان انتى واحشانى

قوس قزح يقول...

صباح الخير

انا موافقة تماما على حذف مشاركاتك الكمبيوتر يسال و انت تجيب
و موافقة ايضا عن مطالبته بعدم الزيارة مرة اخرى لمدونة الضاحكون

و فى نفس الوقت احب ان اشير ان العزيزة آبى من الشخصيات المحترمة و التى اعتز بصداقتها من المدونين اللذين قابلتهم فى الوافع

و اخيرا فى انتظار تدوينة الدفاع الجديدة

Empress appy يقول...

سومه

تدفعى كام يا قرعه مش مسكانى تريقه على عربيتى استنى اجيب ميل

Empress appy يقول...

قوس قزح
==========
ميرسى ليكى يا حبيبتى بجد ومش عارفه اقولك ايه انتى احلى حد فى الدنيا وكل اخواتى اللى هنا كمان

Empress appy يقول...

محمد فوزى
=============

سورى بجد يا دكتور بس الموضوع مكنتش عارفاه
وربنا يخليك يا رب نرد لك جمايلك دى فى شنطه اسعافات ههههههههه
لا بجد ربنا يكرمك ويوفقك وميرسى ليك ولثقتك فيه وفى اخلاقى على الرغم من انك مشوفتنيش ولا تعرفنى
مش عارفه اشكرك ازاى

كاميليا بهاء الدين يقول...

عبده الرايق

لقد قرأت كل الحوارات السابقة التى دارت بين السادة المحترمين اعضاء مدونة الضاحكون والاستاذ صلاح حجازى.

أنا أوافقك الرأى تماما
فى حجب تعليقات (الكمبيوتر يسأل - صلاح حجازى) والمطالبة عدم دخوله هذه المدونة وكذلك مدونات الموافقون على القرار.

تحياتى واحترامى
لأفراد مدونة الضاحكون جميعا
وتمنياتى بمزيد من النجاح


.

همس الاحباب يقول...

ياااااااااه
ايه اللى بيحصل ده
هو الدنيا بقت بمبى كده ليه
اولا : استاذ عبده
اخواتى واخوانى اعضاء المدونة
باسمى وباسمكم اتقدم بالشكر للاستاذ عبده الرايق على هذا الرد وهذا الموقف تجاه انت تسال والكمبيوتر يجيب
بصراحة انا ما شفتش التعليقات ولا الكلام اللى حصل النهاردة بس بصراحة انا واخد موقف من زمان تجاه تلك المدونة والقائمين عليها ووضحت هذه النقاط فى اتصال هاتفى مع الرايق
وفوجئت باتصال هاتفى من الاخت العزيزة ابى امس بتشرح لى موقف صلاح حجازى منها بوجه خاص وانه طالب من الرايق اعتذار رسمى فى المدونة
بصراحة قفلت معاها وخرجت من المدونة على اساس انى اكلم الرايق واستفسر عن الموضوع ولكن فى اللحظات الاخيرة تراجعت وانتظرت موقف الرايق وباقى اعضاء المدونة لانه بصراحة لن ولم اقبل تقديم اى فرد اعتذار لاى شخص مهما يكن
والحمد لله ان موقف الرايق وجميع افراد المدونة نفس موقفى ورفضى التام لتقديم اى اعتذار لاى شخص ما ولن نقبل بايةاهانة لاى عضو من اعضاءالمدونة
واكررها مرات ومرات غير مرغوب فى زيارة حضرتك يا استاذ صلاح حجازى فى مدونتنا وده برده على مسئوليتى الشخصية
الاهانة السابقة لمدونة الدفاع
بصراحة اخذت موقف حيادى احتراما للرايق وفرنسا ونظرا لغيابهم ونقلت وجهة نظرى هاتفيا للرايق
اما هذه المرة فالاهانة لاخت عزيزة على قلبى قوى قوى ولجميع اعضاء المدونة فى تحدى سافر لنا جميعا .

مواطن مصرى نايم يقول...

رايق
معاك يا ريس
ايبى دى اختى
يعنى الغلط فيا انا كمان
مش فيها هى بس

همس الاحباب يقول...

الموضوع المهم
والخاص بمهتارات الاخ صلاح بخصوص امور شخصية تمس الاخت ابى واناس اخرين
احب اوضح حاجة بسيطة جدا ان المشكلة بداية حدثت فى مدونتى وبسببى انا وبدون تدخل من ابى على الاطلاق اما الاستاذ اللى بيقلب الحقائق ويزيفها لو يحب يشوف الامور على حقيقتها انا تحت امره
وامر جميع اعضاء المدونة المحترمين
وانا اشرحلهم كل شىء بخصوص تلك الامور
بالمستندات واللينكات الخاصة بتلك المواضيع
ومن موقعى فى هذه المدونة
احب اوضح انى ضد التشهير او التجريح فى اى انسان مهما تكن اساءته لى او لشخصى لكن ما ارفضه هو توجيه اى اهانة او تجريح لاى من اخوتى فى تلك المدونة
لذلك اعلنها صراحة للجميع اننى لن اقبل اهانة او تجريح لانسانة اقل ما توصف به انها فوق مستوى الشبهات
ناهيك عن الجدعنة والشهامة التى تتسم بها تلك الشخصية
لذلك احب اقولها حاجة بسيطة انتى نعمة الاخت والصديقة يا رحاب
وانا معاكى قلبا وقالبا .
تحياتى وتقديرى للجميع

همس الاحباب يقول...

تعليق اخير
احقاقا للحق يا استاذ صلاح حجازى
ان الاخت ابى ابتعدت عن الاخت قطة الصحراء لاسباب انها اهانت اناس وسبت اشخاص جميعا نكن لهم كل حب واحترام وتقدير وبدون ذكر تلك الاسماء وليس كما تدعون حضراتكم .
وكل تلك السباب والشتائم موجودة لمن يريد ان يعرف الحقيقة بكل جوانبها
لذلك وجب التنوية لاعطاء كل ذى حق حقه

مواطن مصرى نايم يقول...

مدونة الدفاع

اسامة

يا باشا المدونة اساسا كلها بتاعتك
و احنا مستنين البوست التانى يا باشا
و انا كمان بعتذر لك هنا
و ده بالاضافة لاعتذارى فى البلوج بتاعك
منورنا يا باشا

الطائر الحزين يقول...

اشهدكم انا الطائر الحزين انى موافق على ماجاء من كلام لعبده باشا الرايق وفرنسا هانم
موافقه

الدفاع يقول...

الدكاتره عبده الرايق فرنسا هانم
الاخوه الضاحكين
اسف لانى اتاخرت فى الرد انا لسه شايف التعليقات حالا
شكرا لموقفكم تجاه مدونتكم وتجاه اعضائها
اللى باحترمهم جميعا وشكرا لحفاظكم على جهدكم الرائع فى المدونه
وانا اسف انا والله ماكنتش احب الامور توصل لحد كده خصوصا وان شقيقى احد اعضاء المدونه يعنى انا صاحب بيت ولكن الحمد لله قدر الله وما شاء فعل
بالنسبه لمشاركتى معكم فده شئ يشرفنى
وان شاء الله ارسل المشاركات الجاهزه فى اقرب فرصه
فرنسا هانم
==========
علم وسينفذ
تحياتى الحاره لكم جميعا

الدفاع يقول...

مواطن مصرى نائم
===============
مفيش اى داعى للاعتذار احنا اخوات
مش انا قلتلك اسمى عندك فى المدونه
ولا نسيت يا عم اسلام
شكرا ليك جدا وتحياتى
وشكرااااااا للجميع

الدفاع يقول...

مواطن مصرى نائم
===============
مفيش اى داعى للاعتذار احنا اخوات
مش انا قلتلك اسمى عندك فى المدونه
ولا نسيت يا عم اسلام
شكرا ليك جدا وتحياتى
وشكرااااااا للجميع

صباح الصباح يقول...

بوست تحفة.. نفس نوعية الاعلانات بتاعة ما تقلقش يا بشمهندس .. مبروك يا بشمهندس.. فرجينيا ملوك الجمال فى الشرق.. انا كنت باتكسف اعد بشعرى ادام جوزى فى البيت عشان ضعيف وهايش!!! والا حزام الساونا العجيب والا التييت..
صباح النصب..

Empress appy يقول...

صباح الصباح
==============

دول ناس مش كويسه يا رب الناس كلها تفهم كده نورت المدونه كلها

Empress appy يقول...

همس الاحباب
============
ربنا يخليك ليه يا خالد ولموقفك معايا انت وكل اخواتي