الثلاثاء، أغسطس 19، 2008

الرايق ورساله الدكتوراه

اخوانى فى كل مكان
الدكاتره عبده باشا الرايق يحييكم
انا مش فيرى فيرى هااابى بالاحداث الحاليه فى كوكبنا العزيز
احنا خلاص التخلف عندنا ذاد عن حده بالهبولى ...وكل الكواكب اللى بتطير حوالينا فى الجو اتقدمت واحنا لسه محلك سر...لسه قاعدين تحت العارضه بنمص قصب ...يقال والعهده على الراوى ..العلامه الكبير الواد حسن الفراش .. ان الكواكب التانيه وصل التقدم فيها لدرجه انهم بيجوا هنا بالليل واحنا نايمين ويدخلوا المعاصر بتاعتنا ويعملوا عصير قصب لنفسهم ويمشوا من غير ما يدفعوا ولا مليم ..والواد حسن برضه قالى... والدمع فى عينيه ..ان الناس بتوع الكواكب التانيه بيضحكوا علينا برضه واحنا نايمين ويدخلوا السينمات بتاعتنا ويشغلوا الافلام ويتفرجوا عليها براحتهم ...ده برضه يرضى حد ؟؟؟
ياناس ..يابشر ...يابيبول .. بلييز لسن تو مى
ده وصل بيهم الامر انهم بيتسربوا للقهاوى بتاعتنا ويشربوا الشيشه واحنا نايمين على ودانا
وبكده يخربوا اقتصادنا القومى والكوكبى ... ويدمرون حضاره كوكبنا العظيم
انا دوووونت هاااابى انا فيرى فيرى زعلان
احنا لازم نهتم بالكوكب بتاعنا ....ومن اجل التضحيه فى سماء العلم
ومن اجل رفع المعاماه عن كل البيبول
ومن اجل كوكبنا العزيز
قررت انا الدكاتره عبده باشا الرايق
عمل دكتوراه عن تطوير الكوكب لملاحقه الكوكب الاخرى
ويسعدنى ويشرفنى ان تكونوا اول من يناقش تلك الرساله
*************************
الرساله ...ليوسف شاهين
نو نو نو
قصدى رساله الدكتوراه للدكاتره عبده باشا الرايق
******************
اننا نعرف مدى تخلف كوكبنا ..وتاخرنا عن الكواكب الاخرى ..وان عرف الدواء قتل الداء
وما طار عصفور وارتفع الا كما طار وقع
وحسنه قليله تمنع كواكب كتيره
لذلك هيا بنا نضع يدينا فى ايدى بعضينا ... حتى ننهض بكوكبنا البكر الرشيد الى قمه الكواكب
احنا لا يهمنا بلوتو ولا حتى كوتوموتو ...ولا يهمنا اورانوس ولا حتى كفر الجاموس
اخوانى طبعا انا سامع واحد قاعد متكى على الكرسى وبيقول الحل ايه يا دكاتره ؟؟؟؟
اقوله ارمى اللبانه من بقك الاول ياولد وانت بتكلم الدكاتره عبده باشا الرايق
الحل ياسيدى بسيط
خامسا
******
احنا ليه مصرين ان السنه تبقى 12 شهر ؟؟؟؟؟
هو ده سر تخلفنا ....لابد من القضاء على منبع التخلف
لازم نخلى السنه 11 شهر ...او 13 شهر
وبكده ننير الطريق امام مليارات الشباب للمضاربه فى الاقتصاد ورفع حاله الجوع والتخلف العالمى العام علميا واقتصاديا وسياسيا ..ومن الان نو نو نو لل 12 شهر
اولا
***********
لازم نغير التغير الجغرافى المنتظر ...التغير الشامل الكامل المتكامل فى اسماء المحيطات
المحيط الاطلنطى والهادى والهندى
الاسماء دى سبب الكوارث واقامه الحروب
وهى السبب الاكبر فى معاناه ست البيت لانها بتحمض الاكل بسرعه
وسبب معاناه الباعه الجائلين لانها بتطفش منهم الزباين
يقال والعهده على الراوى برضه العلامه الكبير حسن الفراش ان كواكب المجموعه الشمسيه والبالغ عددها 46 كوكب واربع نجوم 215 قمر واتنين خداديه ولحاف ... قد استطاعت بكل جهد واناء وكد واكتداد ان تغير اسماء محيطاتها وده سبب تفوقها ورقيها ووصولها الى نهائيات لوس اورانوس لالعاب البلى والكازوز
ان الامانه تقتضى علينا ان نذكر للشعوب ان الاوان قد أن للتغيير
ذكر لى العلامه الكبير حسن الفراش ...انه قد قابل اسر تنتحر فى جماعات بسبب عدم تغير اسماء المحيطات ...وقال لى ايضا العلامه ..ان الناس تنتحر بالملايين مطالبه باسماء جديده
مثل محيط ...فرفر ..هوهو ..ياسو ...نيييو ..بااااكو
وانا اقول يجب علينا فعلا الانجذاب الى التقدم ..لا العوده الى التأخر
سابعا
*****
المصيبه الكبرى فى سبب تخلف كوكبنا هى المصايف
كل الناس بتصيف خلطبيطا بدون رقى واذدهار وفته وخضار
مفيش تخطيط مفيش نظام ....هرجله وقله وعى وقله ضمير... لازم نقنن التصييف ونزول البلاجات
بمعنى
اباءنا وجدودنا من سن 60 فيما فوق لا يعومون ولا يصيفون الا فى المحيطات
اخواتنا من سن 30 الى 60 لا يعومون الا فى البحار المفتوحه
شبابنا من سن 15 الى 30 لايعومون الا فى الخلجان
ابناءنا من سن 5 الى 15 لا يعومون الا فى القنوات
اطفالنا من سن يوم الى 5 سنوات لايعومون الا فى الترع
يعنى من المفترض ان تتوزع العائلات حسب السن وكل واحد ياخد ساندويتشاته ويروح مكتب التنسيق
ومكتب التنسيق يكون مسئول مسئوليه كامله وشامله عن توزيع المصييفين
وتكون الاولويه لاصحاب المجموع العالى قصدى السن العالى
وبكده نقدر ننهض بالاسره وبالكوكب حتى نساير التقدم العلمى الفيزيائى الكميائى الاستاتيكاتى الديناميكاتى
ونسحب البساط من تحت اقدام كوكب المشترك ..وكوكب العطار
وفى نهايه رسالتى احب ان اشكر صاحب مصنع الاقلام الذى اهدى لى القلم المكتوب به الرساله
واحب ان اشكر صاحب مصنع الاسمنت الذى قدم لى الورق الكبير بتاع الشكاير حتى اسهب فى كتابه الرساله
واحب ان اشكر عم محمد العربجى على مجهوده الرائع فى المساهمه فى توصيل الدكاتره عبده الرايق يوميا الى المنتجع العالمى بالمنوفيه عاصمه استراليا للسهر فى كتابه الرساله
الرايق فى 74 اغطسس 2008
السويس جنب الشارع العمومى على شمال الرصيف

دى رساله الدكتوراه بتاعتى اللى ناوى اقدمها للمناقشه تحت اشراف اللجنه العليا لدراسه احوال الكواكب
برئاسه العلامه الكبير حسن باشا الفراش
وعضويه كلا من امين السرك ابو مرسى الحدق ... وامين السندوق مصطفى السايب
بالاشتراك مع الممثل الكبير مرسى الوحش
وانا الدكاتره عبده الرايق
لا اريد من تلك الرسائل سوى رفعه الكوكب وتوقيف ولاد
الحراميه بتوع القصب من سرقه قصبنا
وسرقه افلامنا واحنا نايمين على ودانا
وتوقيف حراميه الشيشه لان الشيشه هى عماد الاجيال القادمه وما من امه سرقت شيشتها الا وغرقت على شوشتها
ملحوظه
******
انا عندى دكتاروهات بالعبيطه ...اكتر من 57 دكتوراه و 105 ناسسجتير..ومش محتاج الدكتوراه دى
لكن انا بعمل من اجل كوكبى العزيز
كوكب
كوكب
اممممممممممممممممممم
هو احنا فى كوكب ايه ؟؟؟؟؟؟؟؟؟؟؟؟؟؟؟
يادى المصيبه الدكتوراه هتروح منى
حد يقولى احنا فى كوكب ايه ربنا يسترها معاكم دنيا واخره

مع تحيات
الدكاتره
عبده باشا الراااااااااااااااااااايق

هناك 123 تعليقًا:

عبده الرايق يقول...

هيييييييييييييييييييه
اول تعليق
هاقراء وارجع اعلق

فرنسا هانم يقول...

هههههههههههههه
احنا فى كوكب المريخ يا دكاتره
ابعد عن المفعوص الواد حسن الفراش ده
لحسن هيوديك فى 500 داهيه و200 مصيبه
واوعى يضحك عليك ويقولك احنا مش فى المريخ

فرنسا هانم يقول...

اصبت يا دكاتره
الرساله دى لازم تاخد عليها علقه
قصدى رجم بالحجاره
قصدى نولعك فيك بالنار
قصدى تاخد عليها جايزه نوبل وموبيل وتشيرنوبل
وجايزه برطوشوبل الكبرى
اهداء فرنسا هانم

فرنسا هانم يقول...

السنه 12 شهر هى سر تخلفنا !!!!!!!
واسماء المحيطات بتموت الناس !!!!!!!
والمصايف بمكتب التنسيق !!!!!!!!!!!
اولاد فرنسا
جيران فرنسا
احباء فرنسا
حد يناولنى ايد مقشه بسرعه

دكتور حر يقول...

بس عاوز اعرف


مالكم ومال الدكاتره

هتضيعوا الدنيا


بس الله ينور


:))

السماء الداميه يقول...

ايه ده يا عم انا فعلا اكتشفت ان الكوكب اهبل بناسه وشعبه هم سبب التخلف ههههههههههههههههههههه

انا بهزر متزعلش

الطائر الحزين يقول...

دكاترة
الا قول لى يا سى الدلعدى يا دكاترة يا رايق هو حسن الجناينى اللى بيشرف على الدكتوراه بتاعتك

اصل فعلا علامة كبير تريد مارك يعنى بس علامة مسجلة فى جنينه الحيوانات وجنينة الاسماك
فعلا المهم انك تكون مختلف علشان تكون عبقرى

عك عك وربك يفك

عبده الرايق يقول...

مريخ ؟؟؟؟؟؟؟؟؟؟
اوعى تكونى هتبعينى يا فرنسا
اوعى تكونى جاموسه
نو
نو
نو
قصدى جاسوسه
وتكونى ناويه تضحكى على الدكاتره وتضيعى منى الدكتوراه

عبده الرايق يقول...

وجايزه برطوشوبل الكبرى
اهداء فرنسا هانم

وات از زيس ؟؟؟؟؟؟

حاسس كده انك بتتريقى يا فرنسيس
اوعى

عبده الرايق يقول...

ايد المقشه ليه يا فرنسا ؟؟
انتى ناويه تنفضى المرتبه ولا ايه

عبده الرايق يقول...

دكتور حر
فعلا يا دكتره
الناس مش عارف مالهم بالدكاتره
انت زميل طبعا
بس اخوك الرايق بقى الدكتورهات عنده بالطن

عبده الرايق يقول...

السماء الداميه
ههههههههههه
برضه انت مش عارف زى حالاتى اسم الكوكب
حط همك على همى
وتعالى نشتكى لابن عمى

عبده الرايق يقول...

الطائر الحزين
ازاى يا ولد مكتعرفشى المشرف على رساله الدكاتره عبده الرايق
الرساله تحت اشراف
العلامه الكبير
حسن باشا الفراش مش الجناينى
نو
نو
نو
الرايق لايمكن يكون تحت اشراف الجناينى
نيفر نيفر نيفر

الدفاع يقول...

فعلا يا ولاد انا عرفت النهارده بس سبب تخلفنا عن الكواكب التانيه
انى اربأ بالعلامه حسن الفراش انه يشرف على رسالة الدكتوراه دى
حسن الفراش اكبر من كده ،بقى دى رساله تقف بيها قدام ربنا ياراجل
وكمان عاوز تورط العالم الكبير حسن الفراش معاك
لالالالالالالالالا لن يحدث هذا ابدا
بناقص يا رايق رساله الدكتوراه دى الله يسترك وانا هاكلمك فرنسا بلاش تستخدم ايد المقشه المره دى
عندى المره دى يا فرنسا هانم
وكله كوم وحكاية السنه 11 شهر دى
ده هايخالف نظام الكون ويقولك 11 شهر
خلى بقى حد يجى يقولك انك بتخالف القرأن (ان عدة الشهور عند الله اثنى عشر شهرا) ويفجرولنا المدونه الضحايا تتنتور يمين وشمال
الله يسترك ماتوديناش فى داهيه
حقيقه علميه
اسم الكوكب بتاعناهو
كوكب ام سحلول مقفول لحد مانصلح العقول ونبطل اكل الفول ونحقق مع كام مسئول وندق الطبول ونعلن الدخول من غير مانقول اننا هانقول وندبح العجول
ونقطع الرجول وننشف كل مكان مبلول
ده كان اسم الكوكب لو عاوزين اسم ابوه وجده اقولكم بس انتوا فاضيين ؟؟؟؟

سومه...مجنونه فى بلد عاقل يقول...

ايد المقشه وسع يا جدععععععععععععع

سومه...مجنونه فى بلد عاقل يقول...

ايد المقشه وسع يا جدععععععععععععع

سومه...مجنونه فى بلد عاقل يقول...

شوف يا رايق لو جع ادخل مدونه المجنونه حتلاقى اسمك منور التدوينه بص ما اهو انا مش حستر على بلاتر من كدا

سومه...مجنونه فى بلد عاقل يقول...

انا متاكده ان الدكتوراه بتاعتك مخرومه وبتنقط شوفلها سباك يصلحها يا ايق يا اخويا بعدين انا على حد علمى من حماتك الله يكرمها ميتبلش فى بقها فوله انك اتقدمت لخالتى فرنسا وانت معاك شهاده الابتدائي ممكن اعرف اخدت ال 157 دكتوراه امتى

سومه...مجنونه فى بلد عاقل يقول...

تحدثكم سومه من قاع كوكب المشرى بانه تم التاكد من صحه كلام سى عبدو الرايق وانا ظلمته والراجل فعلا معاه 157 دكتورا تتضمن الموضوعات الاتيه
1 ازاى تفشر عليا واصدقك
2 ازاى بقى لما تفشر افقسك
3 ازاى تفشر وتكون قاصد شى ورا المعنى وتفهمه
4 فلسفه الرايق فى النقض
5 ازاى تقلب المدونين منغير ما يحسوا
سته دى بقى منى ليك انت ميه ميه والله يا ابو الروق بس انا سيحتلك مع البوليس فى مدونتى واجرى واجرك على الله معلش عرق النداله حبك ومن اول شخته قرييت بالاسم

حسن حنفى يقول...

ههههههههههه

بجد دايما متميز

مش عارف اقول ايه

بس انا مستني راي حضرتك

:D

appy يقول...

هههههههههه الا كوكبى مش متخلف خالص
النبى انا نفسى امسك مجلس الشوعب المرجانيه قبل ما ربن يفتكره دا انت تظبطنا
طيب بما انك بابتى منكن تدينى دكتوراه فى رعايه النحل والدبابير وتطويرهم هههههههههه

واحدة مفروسة يقول...

ههههههههههههه
ههههههههههههههههه
يا خراااابي و الله انت رليق يا بابا الرايق
هههههههههههههههههه
بقى عندك 57 دكتوراه و 105 ناسسجتير
و جى تتكام فى الدكتوراه ديه؟؟؟؟؟
ديه يا دوبك تاخدها بصباه رجلك الصغير
ههههههههههههههههههههه
و بعدين الصراحع الاستاذ العلامه ابن العالمه نوجيده حسن باتشا الفراش
لازمن ولابد
نكرمه احسن تكريم
علشان يخليك تتطلع على المعلومات التفيده ديه

عبده الرايق يقول...

الدفاع
زين والله زين
كلام يملى العين
ام سحلول اسم كوكبنا ...منك لله يافرنسا
كانت عايزه تضحك عليا وتقولى المريخ
هى فاكرانا عبيط ولا ايه
نو
نو
نو
انا افهمها وهى طايره

عبده الرايق يقول...

سومه...مجنونه فى بلد عاقل
هتعملى ايه بايد المقشه يا حشريه

واحدة مفروسة يقول...

و بعدين يا رايق بلاش خطة 517
هههههههههههه
خامسا ...اولا...سابعا
ديه لو الانتربول و الاستخبارات الكوكبيه عرفت بيها
كل الفيران حتستخبى فى جحورها
و بعدين بقى
مافيش حد بيجي بلليل ياخد القصب
ده البت آبي هيه و خرفانها
بيقوموا بلليل يمصمصولهم كام عود
هههههههههههههههههه

عبده الرايق يقول...

يعنى ايه ياسومه شردتى الدكاتره عبده الرايق
ولا ايه
انا صابر عليكى انتى وجوزك بطيخ بيه كعب الغزال
لكن انا ممكن ابلغ عليكم هيئه اليونيسيف
وياخدوا منك المحروس بطيخ باشا

واحدة مفروسة يقول...

و بعدين جايزة اوبل مش تنفع
انت مش بتعرف تسووق
و بعدين بلاش الجواز اللى مصاريفها كتيره.....ده بس زيت و فول...قصدى زيت و بنزين....و تفضل بقية الشهر على الصفيحة
ههههههههههههههههههههههه

واحدة مفروسة يقول...

ههههههههههههههه
انت زعلان من فرنسا ليه لما بتسأل على ايد المقشة؟؟؟
هههههههههههههههههه
انت ناسي انها مش بتقدر تمشي و بتعمل علاج طبيعي
هههههههههههه
عاوزه ايد المقشة تتعكز عليها
ههههههههههههههههههههههههههه

عبده الرايق يقول...

مفرووووووووووووووووسه
ازيك يابنتى العزيزه
الحقينى انا لايص
مش عارف اسم الكوكب بتاعنا
ومناقشه الرساله بكره
ويمكن نطلع بسبوبه 50 جند ولا حاجه
ينفعوا فى الكنافه والقطايف
وكله ليكم

عبده الرايق يقول...

مين قال انى مش بعرف اسوق
نو
نو
نو
انا استاذ فى ركوب المكن
انا عندى فيسبا وبجرى بيها زى الرهوان
وبطير زى المسريدس
انا عندى دكتوراه فى الفيسبا من جامعه
الدكتور صابر العجلاتى

عبده الرايق يقول...

هى الخطه اتهرشت يا مفروسه ؟؟؟؟؟
عموما
هنغير مكان البضاعه
وهنفيش الهوامش
واى حد هيقرب من البضاعه هينشف مكانه
يلا تعالى معايا نفش الهوامش

واحدة مفروسة يقول...

على فكرة انا عارفه استمحان الدكتوراه ده
قول عشر مرات بسرعة 50 ميل فى الساعه
بسرعه اسرع من سرعة الضوء
كوكبنا كوكب كوبكم
بقدر كوكبكم يكوكب كوكبنا زى ما كوكبنا كوكب كوكبكم
هههههههههههههههههه
بسرعة
الضوء اسرع منك يا ابو الروقان
مع ان الضوء مش معاه دكتوراه

و بعدين المشكلة ديه حتتحل
لما السنه تبقى 9شهور
والشهراسبوعين
والاسبوع 5 ايام
واليوم 7ساعات
والساعة 30 دقيقة
و الدقيقة...30 ثانيه
هههههههههههههههههههه
و اسماء المحيطات اللى عامله مشكه
انا من راي نسميها
رشا و تفيده و عتريس و بهانه
اسماء نعرف نفهمها
ههههههههههههههههههههههههههه

عبده الرايق يقول...

على فكره يا مفروسه المعلومات دى مش معلومات حسن الفراش بس
نو
نو
نو
انا بساعده فيها
انا برضه ليا مخ
ممكن يعنى يهنج مره كل 50 سنه
لكن برضه مخ الرايق الكترونى
بس عايز برضه اعرف كوكبنا اسمه ايه

عبده الرايق يقول...

رشا و تفيده و عتريس و بهانه
وانا موافق
اهم حاجه نبتدى منين الحكايه
لازم نغير من نفسنا
لازم نبدل الكوكب
كوكبنا العزيز .......
داهيه سوداء يقبضوا عليا علشان معرفتش اسم الكوكب

عبده الرايق يقول...

مفرووووووووووووووووووووووسه
انتى هتاخدى اجازه من الجردل فى رمضان ولا شغاله برضه ؟؟؟؟؟؟
انتى اللى هتجيبى الهدوم بتاعه اخواتك
وانا هاجيب لهم الشرابات

واحدة مفروسة يقول...

ههههههههههههههههههههه
لما يهنج اعملله ريستارت
ههههههههههههههههه
ولا شيل الفشه و ركبها تانى
و لعلمك يا ابو الروقان
اسم كوكبنا؟؟؟؟؟!!!!
اسم كوكبنا....!!!!
مممممممممممممم
اسمه؟؟؟؟؟؟؟
اييييييه
انا عايشه فى بيت مش فى كوكب
ولا اقولك
خليه كوكب بلوتو
علشان الحرامي اللى يجي بلوتو يخوفه
ههههههههههههههههههه
عارف بلوتو
الكلب بتاع ميكي
ههههههههههههههههه
مش كده يا بندق
هههههههههههههههههههههههه

عبده الرايق يقول...

البنت سومه المجنونه الحشريه
مرات المدعوء بطيخ عماله تسيح لى وتقولى فشر
انا بفشر ؟؟؟؟؟؟؟؟؟
الرايق على سن ورمح يفشر ؟؟؟؟؟؟؟
نو
نو
نو
لا يسلم الرايق الرفيع من الاذى حتى يراق على جوانبه الدورر

عبده الرايق يقول...

ميكى وبندق
امممممممممممممممممم
ايوه
عارفهم
دول زعماء الثوره الفرنسيه
عارفهم انا ذكى طبعا وافهمها وهي طايره
هما ولا مش همه
انا دكتوراه فى التاريخ

واحدة مفروسة يقول...

اغير من نفسي؟؟؟!!!
غزاي يعني اقلب ولد؟؟؟!!!!
ولا اغير الهدوم؟؟؟!!!!
و بعدين الجردل يشتغل حلاوه بعد الفطار
انا اجيب هدوم العيد الاول و اجيب الكحك
وبعدين اديلك الجردل لفه
هههههههههههههه

واحدة مفروسة يقول...

لا طبعا
سومه حشريه و حشه
ازاي تقول عليك بتفشر
ازاي
هيه سمعتك طقطقت فى الحله بتاعة الغشار
و لا سمعتك
بطقطق حنك؟؟؟؟؟؟

عبده الرايق يقول...

انا افتكرت
للاسف الشديد
افتكرت
ميكى وبندق
هما اللى بنوا القناطر الخيريه
بعكس كتب التاريخ اللى بتقول ان اللى بنى القناطر الخيريه
خيريه احمد
اقولهم نو
نو
نو
اللى بنى القناطر الخيريه
المعلم ميكى باشا
والمعلم بندق بيه

واحدة مفروسة يقول...

لا و انت الصادق
ميكي و بندق
دول ولاد خالتك
اللى كانوا فى دار الهلال للايتام
هههههههههههههه

واحدة مفروسة يقول...

نو نو نو
اللى بنا القناطر الخيريه
ده واحد سقا
ايمع قنطر باشا و كان عامل جمعيه خيريه
قوم الراجل السقا ده كان عنده جلابيه زرقا
بيقلعها و يغسلها
اقولك الحكايه من اولها؟؟؟؟؟؟؟؟؟؟؟؟؟؟؟؟؟

عبده الرايق يقول...

مفرووووووووووسه
بابا حبيبك لازم ياخد الفلوس ويشلهالك
اوعى تتصرفى فى الفلوس لوحدك
نو
نو
نو
بابا خايف عليكى
فاكره زماااااااااااااااااان
لما كنتى فى الابتدائى
وقلتى يا بابا
عايزه شيكولاته
انا قمت مفزوع على كلمتك واخدتك على كتفى ورحت للبقال وقلت له عندك شيكولاته
قالى يس
قلتله
قولتله مش عايزين يس لما تجيب شيكولاته قولنا

عبده الرايق يقول...

شوفى الزمن بيلف ازاى
اولاد خالتى يبقوا ميكى وبندق ؟؟؟؟
ااااااااااااااااااااه
افتكرت
وانا قلت اسميكى ايه اسميكى ايه
قلت لو جات ولد هساميها بندق على اسم ابن خالتى
ولو جات بنت هسميها بندقيه
حتى العيال الصغيرين وانتى صغيره
كانوا بيسالوا ابوهم وامهم
بابا ماما
هى البنت بندقيه بتضرب نار من بقها زى التنين ؟؟؟؟؟؟؟؟

واحدة مفروسة يقول...

شيكو إيه؟؟؟؟
شيكولاته؟؟
مش ديه البتاعه اللى قعدت اعيييييط
و اعييييط
و فى الآخر قلتلى انها حاجه مش نضيفه علشان كده لونها مش ابيض
هوه انا عمري دقتها؟؟؟
ان نفسي فى البتاعه الوحشه اللى مش نضيفه ديه يابابا
اللى العيال بياكلوها و بيلغمطوا بيها و شهم و هدومهم
عااااااااااااااااااااااا
انا عاوزه من ده يا حوزومبل
عااااااااااااااااااا

واحدة مفروسة يقول...

رايق
راااايق
ابو الروقاااااان
انا عاوزه مكسرات فى رمضان
ممكن تجيبلي مكسرات
انت عارف البت صحبتى زنت على ابوها لغاية لما لملها كل المكسرات من البلد
اي حاجه تتكسر كان يجيبهالها جرييييييييييييي

عبده الرايق يقول...

ههههههههههههههههه
حلوه الفكره دى
اسهل حاجه المكسرات
يبقى امك فرنسا هانم
اول المكسرات
ههههههههههههههه
الحمد لله اتخلصنا من فرنسا
هيييييييييييييييييييييييييه

عبده الرايق يقول...

بس يا حبيبتى بس
سد يا روح بابا سد
من غير بكى وعياط
خلاص من بكره هاروح اقدم لك على واحده شيكولاته
واستنى الحجز والدور
وانشاء الله ان شاء الله
بعد سنتين ممكن نستلم الشيكولاتايه
ونلحوس وشوشنا ونلغمط هدومنا

عبده الرايق يقول...

حسن حنفى
شوف بقى الحظ
انا دلوقتى اون لاين على الماسنجر
وانت اوف لاين
كنت قولتلك رايى بصراحه
علشان محدش يسمعنا
لكن بصراحه
انت ممتاز
وبدايه لمدون هيكون ليك شأن كبير

الطائر الحزين يقول...

يا دى الجهل لا الاب عارف ولا البنت عارفة
انا عاوز استقيل من العيلة دى ايه رأيك يا فرنسا هانم

مش عارفين مين اللى بنى القناطر
اللى بنى القناطر الناس اللى بتبنى يعنى الفواعلية واحد اسمه ابارهيم وواحد اسمه عبد الرحيم
وسميت قناطر لان اللى كانوا بيبنوا كانوا بيلعبوا عليها القنطرة وكمان كانوا بيلعبوا كيكا على العالى
هذا رأى
=====
وهناك راى اخر فى معجم البلدان وفى كتاب حضارة مصر لهيرودت و كتب جمال حمدان اللى بمحدش بيفهم منها حاجة دى بيقول فيها ان كل واحد كان بياخد غيرة قنطرة علشان يوصل لهدفة ولما هما كانوا كثير سموها قناطر مش قنطرة وبنوها على ارض مسروقة لاهل الخير فسموها قناطر خيرية
فهمتى يا اختى انتى ووهو ولا نقول كمان

الطائر الحزين يقول...
أزال المؤلف هذا التعليق.
عبده الرايق يقول...

الطائر الحزين
كان نفسى اصقف لك صقفه كبيره
واقول يعيش ابنى المتعلم المتنور
لكن
وهيهات ما لكن
فى غلطه فظيعه فى تعليقك
متطلعشى من متعلم متنور زيك
هيرودوت ماله ومال التاريخ ؟؟؟؟؟؟
شوف يا بنى
هيرودوت ده رسام عالمى كبير
قام برسم اكثر من لوحتين
لوحه المونوليزا
ولوحه الكهرباء
ويقال والعده على الراوى
طبعا عارفه
العلامه الكبير حسن الفراش
ان هيرودوت رسم لوحه الرايق الكبيره
التى تباع فى سوق الجمعه
والتى تمت سرقتها اكثر من 700 مره بواسطه المافيا العالميه
ولكن شيخ الغفر
وشيخ البلد
والغفراء
استطاعوا بعد تبادل الشتائم والسب
ان يسيطروا على الموقف ويعيدوا اللوحه الى مكانها الاصلى على عربيه عم محمد العربجى

فرنسا هانم يقول...

هههههههههههههه
واضح ان كانت فى حرب ضاروس هنا بين مفروسه والرايق
اوعاك يا زفت يا رايق تكون زعلت البنت منك
مش كفايه شايلنك انا وهى
انا بشتغل واصرف على البيت
وهى بتشتغل بالجردل وبتساعدنى فى البيت
خليك فى كوزك لما نعوزك يا رايق

فرنسا هانم يقول...

دكتووووووووووووور حر
ياسلام
والله ليك وحشه يا وحش
وحش بكسر الحاء
عكس حلو
ابن اختى الغالى
ومرايتى فى عالم التدوين نسينى كده مره واحده
مكانشى العشم يا محمد
لكن انا برضه قلبى طيب وهاسامحك
خالتك فرنسا
استنى امانه عليك
السلام
لاخر العنقود
وكل عائله ابو زيد

فرنسا هانم يقول...

الدفاع
هههههههههههههه
هى ام سحلول
سلمت يمينك يا اسامه
تعالى بقى ساعدنى نمد الرايق على رجله
انا عارفاه
جوزى وابو عيالى وانا خبزاه وعجناه

عبده الرايق يقول...

نو
نو
نو
الدكاتره عبده باشاااااااا اتهزق يا رجاله بالانجليزى
هو انا عارفك انتى يا ام قويق يا فرنسا
يا حفيده دراكولا
انتى مش هتجبيها البر معايا
وانا ممكن البسك قضيه اوديكى وراء الشمس
وممكن اسلط عليكى عيال الحاره يرنوكى علقه عمرك ما اخدتيها الا من ام دبوه
كلى عيش يا فرنسا
انا بقولك اهه
كلى عيش احسن لك
كلى عيش وابعدى بعيد عن عمك الرايق
وعلى رأى الشاعر الكبير
**************
استمحيكى عذرا ان تبعدى عن مخالبى
فقد امتلئت بشتى انواع العلم دوالبى
فلن تكونى ابدا فرنسا من بين غوالبى
فما انتى الا قالب من ضمن كم قوالبى

فان زأرت زأره سهلت السباع لدقايق
وهربت الوحوش من طلعه عبده الرايق
وبات الرعب والفزع على جبينها رقايق
فيا فرنسا كلى مم احسن انا متضايق

عبده الرايق يقول...

اولاد الرايق
باقى على رمضان 10 ايام
والحلقات لسه مجهزتش
انتوا مستنين ايه ؟؟؟؟؟؟؟؟؟؟؟؟

حنين القلب يقول...

يا رب خد حسن الفراش اللى هيبوظ دماغ ابونا
يا بابتى والنبى ابعد عنه ارحمنا من الدكتورات بتاعتك دى
بص بقى بما انى اخر العنقود انا عايزة محيط باسمى واعوم فيه لوحدى ومش تخاف عليه بعوم كويس اوى
والاخر بتسئل احنا فى كوكب ايه
احنا فى كوكب خاله ام محمد
الست دى اصيله يا بابتى
دى تبقى مرات حسن الفراش
عرفتهاااااااااااااا
بوست زى العسل زى بابتى طبعا

maha zein يقول...

يا ولود الحرمية
وانا اقول القصب مين بيخلعه من فوق السجر وهو لسة ازرق
يا ولود الايه
شفت بقه
انت رسالتك بجد هتنقذ الترياق من ايد البشناق
انت مين يا عم الحج
بجد بوست حلو اوي
انا توهت وربنا
بس دي الميزة
انى اتوه شوية عن العالم المتبلد المستضاء

المدون / أحمد كجول يقول...

السلام عليكم
بعد التحية و السلام نفيدكم علما بأن مدونة
شباب الصحبة
بدأت المرحلة الاولي من العمل و نحن نقدم الان أجرأ و أكثر المقالات التي تتنوع ,, نرجو منكم المشاركة من جديد ابداء الرأي علي المواضيع وبدأ التعليق ,, كما أرجو المشاركة في الاستفتاء

دة أمل ليا و شرف ,, انا حكون سعيد لو تمنحهولي

مجهود أكثر من 5 شهور ينتظر أجابة فرد

و جزاكم الله خيرا علي كافة الاحوال
http://so7bah.blogspot.com/

فرنسا هانم يقول...

نداء عاجل
الى الدكاتره عبده الرايق

فى عند خالد همس الاحباب بيتزا
وبيتزا بفواكه البحر
وجاتوه
وحلاوه
وكاكولا
اجرى بسرعه يا واد ياحسين
شوفلنا ريرى بيتباع فين
جانا ريرى جانا غنوا وقولوا معانا
الصلاه على الزين الصلاه على الزين

فرنسا هانم يقول...

عاجل الى الرايق
الساعه 8 هبقى متواجده فى المدونه
ياريت تقراء الاميل بتاعك وترد عليا

عبده الرايق يقول...

ست الكل
ازيك يا فرنسا
قريت الاميل يا معلم
وجارى التنفيذ
انا مبسوط انك معايا دلوقتى
انتى قلتى الساعه 8
لكن انا عارفك
مواعيدك مش مظبوطه يا حفيده دراكولا

عبده الرايق يقول...

حنين القلب
محيط باسمك
وترعتين
وخليج
وواخد قناه وصلحه
هو انتى شويه عندى

فرنسا هانم يقول...

طول عمرك مسحوب من الدلعدى لسانك يا رووووووووقه
ازاى ست الكل وبعدين حفيده دراكولا
قلتلك كل عيش يا روقه
على فكره انا موجوده من الساعه 8
انا مواعيدى مظبوطه مش زى ناس

فرنسا هانم يقول...

جهزت فلوس رمضان ولا زى كل سنه هتقضيها شحاته ؟؟؟؟؟؟

عبده الرايق يقول...

انتى سكره دراكولا
ونواره بيت ريا وسكينه
وفله الاشكيف
انا برضه اقدر
تعظيم سلام للجنرال متقاعد اركان خناقه اللواء فرنسا هانم كعب الغزال

همس الاحباب يقول...

كده برده يا فرنسا
تفتنى عليه اهو الرايق زمانه
بيقلب فى المدونة بس مش ايلاقى حاجة
لان العيال قاموا بالواجب
وخلصوا على الاكل

عبده الرايق يقول...

هههههههههههههههههه
فلوس رمضان ؟؟؟؟؟؟؟؟؟؟
بلاش الفضايح اللى على الهواء دى يا فرنسا
احنا بينا فلوس
طلعى انتى من تحت البلاطه واصرفى
بلاش البخل يا هانم
عندنا عيال عايزين نربيهم

فرنسا هانم يقول...

خالد
ابنى العزيز
بس فرجت تعالى بقى نتحاسب مع ابوك الرايق
عايز يفلسع من فلوس رمضان

فرنسا هانم يقول...

هههههههههههه
شوف الخوف بيعمل ايه
سكره دراكولا
لايا حبيبى خليك انت ملحه دراكولا
انت ناوى على مشاكل ولا ايه يا رووووووقه
طلع الفلوس

فرنسا هانم يقول...

بلالالالالالالالالالالالالالالالالالالاطه
ياحسره
انت مش بعت البلاطه كمان
ان كنت ناسى افكرك يادلعدى
انا مش هافضحك بس اون لاين
لالالالالالالالالالالالالالالالا
ده انا هفضحك فى كل اذاعات العالم

همس الاحباب يقول...

فرنسا منورة يا فرنسا
ايووون كده
عايزك تخلصى على الدكاترة عبده باشا
قال 57 دكتوراة و105 ناجستير
دول بتاخدهم منين من حنفية المياه اللى فى الميدان
يا جدع رسالة الدكتوراة بتاعتك اتخلينا نهرب من الكوكب ونروح نعيش على سطح الشمس
يا سلام عليك وانت منور قرص الشمس
انعبيك فى برطمانات ونخليك مخلل لرمضان

عبده الرايق يقول...

اعقلى يا فرنسا
اعقلى وصلى على النبى كده
وروحى هاتى كام باكو من البنك علشان نرمضن
انتى بخيله كده ليه
انا عارف الفوس على قلبك روزم روزم

عبده الرايق يقول...

الرايق مخلل رمضان
ولد يا خالد
انا بحاول اطلع الفلوس اللى تحت البلاطه مع الست فرنسا باشا
انا هنغنغك انت واخواتك
انت عارف فرنسا معاها كام فى البنك

همس الاحباب يقول...

معاكى يا فرنسا
طبعا
كله الا كده
نو
نو
نو يا رايق
مش كفاية صايمين السنة كلها
وكمان رمضان انصوم
ويا سلام عايزين هدوم العيد انا واخواتى وعايزين شنطة للبت حنين
احسن غلبانة معاها شنطة حقن
عايزين نعملها بوعجة محترمة تشيل فيها الاكل

همس الاحباب يقول...

كاااااااااام يا رايق
قول
متخافش مش هقولها

عبده الرايق يقول...

انتى هتتفقى انت وابنك عليا يا فرنسا
نو
نو
نو
انا هجيب البنات يقطعوكوا
بنت يا مفرووووووووووووووسه
بنت يا حنين
بنت يا كاميليا
بنت يا قوس قزح
بنت يا داليا
هجووووووووووووووووووووووووووووووووم
فين البنات ؟؟؟؟؟؟؟؟؟
فين الجيش ؟؟؟؟؟؟؟؟؟؟؟
انكشفت يا رايق
فرنسا نور عينى
وزوجتى العزيزه
وابنى الغالى خالد
انتوا عسسسسسسسسسسسسسسسسسسسسسسسسسسسل

عبده الرايق يقول...

طيب مانا يا فالح عايز اجيب الشنطه لحنين
علشان تروح المدرسه
واجيب لها قلمين رصاص وبرايه

همس الاحباب يقول...

طبعا بما اننى الابن الاكبر
فانا عايز حقى وحق اخواتى واحنا نتصرف مع بعض
اما انت يا روقة خايك مع فرنسا حبيبتك هى هتقوم بالواجب معاك
مش كفاية يا حدع عملتلك عملية واعادة هيكلة وترميم وصمغتك بصمغ سوادنى محترم بعد العلقة اللى فاتت

فرنسا هانم يقول...

اجيب كااااااااااام باكو من البنك ؟؟؟
هو انتى خليت فيها بنك
وبعدين عايز تلم بناتك عليا
طيب دول لو سمعوك هيقطعوك حتت حتت

فرنسا هانم يقول...

قوله يا خالد
انا صارفه عليه بلاوى عند الدكتور البيطرى

همس الاحباب يقول...

ههههههههههه
لا سيبك انت من الاقلام
احنا بنعرف نضرب اقلام كويس
وحنين دى اختى الصغيرة
انلعب شوية مع بعض واضحك عليها
واخد منها الشنطة وابيعها برده
طلع الفلوس يا روقة
البنات اختفوا فى ظروف غامضة

عبده الرايق يقول...

اييييييييييييييييييييييييه
نو
نو
نو
نو
نو
نو
هو الدكتور اللى كان بيعالجنى بيطرى ؟؟
نو
نو
نو
نو
نو
وانا اقول النونوه ذادت ليه
وكنت شامم ريحه مش ولا بد فى العياده

همس الاحباب يقول...

على يدى يا مامتى
ده حتى الدكتور سرق ربع رجل خروف من خرفان ابى وحطها مكان رجله

عبده الرايق يقول...

فلوس ايه وشنط ايه يا خالد
تعالى الحق الوليه الملحوسه دى كانت موديانى لدكتور بيطرى

همس الاحباب يقول...

دى ما كنتش عيادة يا بابا
دى الشفخانة
بس فرنسا الله يكرمها
اختارت شفخانة شرحة وبرحة وهواها بحرى قالت ده برده الرايق يا ولاد
ولازمن نوديه شفخانة تليق بمقام الدكاترة الرايق

عبده الرايق يقول...

انا لايمكن اسكت على كده
انا هاروح لاكبر راس فى قاره افريقيا كلها
انا هاروح للام المتحده
والاب المتحد
والاخوه المتحدون
والفنانون المتحدون
وابلغ عنك انت وخالد يا فرنسا

فرنسا هانم يقول...

ههههههههههههه
مترح ما تحت راسك حط رجليك يا رايق
ايوه
انا بعترف انى وديتك لدكتور بيطرى
شكلك بيقول كده
وانا مزاجى كده
وانا اللى هادفع
روح بقى اشتكى براحتك

فرنسا هانم يقول...

لا يا خالد دى عياده محترمه
مش شفخانه
بيروح فيها اثرياء القبيله الحيوانيه
انا دافعه دم قلبى فى علاج ابوك الرايق
وبعدين
بصراااااااااااااااااحه
بصراااااااااااااااحه
مكنتش هتتعالج عند واحد يفهمك زى الدكتور ده

همس الاحباب يقول...

الامم المتحدة
هههههههههههه
سلملى على الترماى
لو حلت قضية فلسطين
يبقى تحل قضية فرنسا والرايق
صحى النوم يا روقة
انتى عليك وعلى الفنانين المتحدين
اهو على ياخدوك تشتغل معاهم وتجيب فلوس ونعالجك فى مستشفى الاطفال اللى فى الحارة اللى جبنا

فرنسا هانم يقول...

انا لا سمح الله مش بقول ان الرايق من الفصيله الحيوانيه
لالالالالالالالالالالالالالالالالا
الرايق انسان وسيد النسانيس
لكن
الدكتور ده شاطر
لانه واخد على تشفيه البهايم
وتقطيعها
يبقى اكيد هيعرف يلزقها تانى

همس الاحباب يقول...

روقة بقولك ايه
عمو حسن الفراش بينده عليك
وبيقولك تعالى اغلبك عشرة سيجة
ونحبس بدور قازوز
اسمع الكلا م يا روقة
فرنسا عينيها احمرت
وناوية على حاجات وحشة
وبتهدد انا خايف عليك برده
انا رايح اجيب الاسعاف
طيااااااااارة

فرنسا هانم يقول...

هههههههههههههههههه
مش كده يا خالد
الفنانين المتحدين
هى دى
وتقعد على الشباك تقطع تذاكر تحجز اماكن
ويمكن ربنا يكرمك وتمثل البطوله فى فيلم الميت
وتبقى طول الفيلم ميت

همس الاحباب يقول...

ههههههههههه
طب الرايق متشفى جاهز يا مامتى
مش محتاجة تشفية
ده حتى العضم بتاعه فوق اللحم
وبعدين المعلم عكوة قصدى الدكتور عكوة ايده مش حلوة فى التشفية

عبده الرايق يقول...

شوف النداله يا جدع
بتجرى يا خالد
انا لايمكن اجرى ابدا
انا وحش
انا سبع انا غضنفر
انا شجيع السيما
فرنسااااااااااااااااا
انت ياست هانم
انتى يا فرنسااااااااااااا
انا متأسف
وعفى الله عما سلف
وحسنه قليله تمنع مشاكل كتيره

همس الاحباب يقول...

ههههههههههه
هههههههههه
الله بابا نجم شباك
زغرطى يا مفروسة
وانتى يا حنين
بابا بقى واحد مشهور
وبيمثل دور واحد ميت
يا سلام على الابداع
سقفوا يا ولاد وهيصوا يا بنات
الرايق ميت مع سبق الاصرار

عبده الرايق يقول...

هات ودنك يا خالد
الشكل بتاع فرنسا ده انا مش ناسيه من يوم العلقه
بصيتلى نفس البصه
نو
نو
نو
العمر مش بعزقه

همس الاحباب يقول...

انا جيت وجبت الاسعاف
هو فين الدم
هو فين الرايق
ههههههههههه
كده يا فرنسا يضحك عليكى بكلمتين
لا يمكن ابدا
لازمن يبقى عبرة لكل الازواج
يلا يا فرنسا

فرنسا هانم يقول...

ايوه كده اعقل يا رايق
خده يا خالد من هنا الساعه دى
وخليه يقول ياشر اشتر
انا هاسيبكم دلوقتى
لانى قاعده من بدرى وانتوا عارفين بقى
سلام يا خالد
سلام يا روقه

عبده الرايق يقول...

فرنستى
بلاش ملوعه وطلعى كام باكو نفرح بيهم العيال

عبده الرايق يقول...

مع السلامه يا اجدع فرنسا
مع السلامه يا احن فرنسا

عبده الرايق يقول...

شفت ياد يا خالد عملت فيها ايه
كسرتها

عبده الرايق يقول...

ههههههههههههههههه
فرنسا هربت منى
انا كنت هاكسر لها سنانها
وكنت هقطعها
لكن حظها بقى
فلتت من ايدى

عبده الرايق يقول...

حتى خالد كمان هرب
ده انا بقى بخوف بصحيح
اروح ابص فى المرايه كده
يمكن اخوفنى

همس الاحباب يقول...

بلاش يا روقة

احسن تسمع وترجع تاااااااانى
الطيب احسن
وخليك انت الصغير
يلا سلام يا مامتى
سلام يا روقة
يلا اشوفك على خير

حنين القلب يقول...

عبده الرايق
هيييييييييييييييه
بابتى هيجيب ليه شنطه ومريله وقلمين رصاص
بابتى عايزة كمان جزمه جديده لحسن دى اتقطعت وصوابعى طالعه من كل حته
منكن ؟؟

حنين القلب يقول...

همس الاحباب
انت يا واد يا خالد مش ليك دعوة بيه وبعدين ياخويا انت مش بتلعب معايا انت بتضربنى وتقعد ترمينى بالنمل بتاعك وتاخد منى الحاجه بتاعتى
ابعد عنى احسنلك انا حلمت انى هطلع دكتورة وبدور على جثه العب بيها
قصدى اتعلم فيها
بابتى لو بتحب ابنك ده ابعده عنى
ماااااااااااااشى

حنين القلب يقول...

فرنسا هانم
مامتى حبيبتى
اولا البيت منور بيكى
شوفتى بابتى بيخاف منك ازاى
والواد خالد عمال يسخنه وعايزكم تتخنقوا علشان يتفرج
يا ساتر عليك يا خالود
بس سيبك انتى المهم انك بخير وربنا يحفظك ويخليكى ليه
ربنا يتمم شفاكى على خير
تصبحى على خير يا مامتى

شمس النهار يقول...

السلام عليكم
انا شمس النهار
مدون صغير
فى تانيه ابتدائى
بحب فرنسا والرايق

Zanooba (Zeinab sab9n) يقول...

هههه بجد المدونة تحفة تحفة تحفة آخر حاجة ...يالاا مستنية البوستات الجديدة عشان نكركر أكتر و ربنا يرحم الكوكب من زوس بيبول :)

تقبل تحباتي

محمود شكوكو يقول...

ليس من حقك انك تسال الأوتوبيس ده رايح على فين
المحفظة لا تزال في جيبي



جلال عامر





من أوليمبياد أمستردام (1928) حتي أوليمبياد بكين (2008) مرت ثمانون عاماً قضاها "الضاني" في إنتظار أتوبيس العتبة حتي نبهه أحد المارة أن الأتوبيس توفي فمشي ليأخذه من أول الصوان.. الأتوبيس مزدحم فيه أربع ركاب وأربعين نشال.. قال له الكمساري (خلي بالك من محفظتك) قال الضاني (ما تخافش شايلها في الجاكيت وقافل عليها زرار) قال الكمساري بصوت مرتفع (الأخ اللي طالع محفظتة في الجاكت وقافل عليها زرار) قال له عجوز بجواره (دي علامات الساعة إن الكمساري يساعد النشالين) قال الضاني (لأ يا حاج بلاش جهل علامات الساعة ما فيهاش كمساري فيها الربع والنص والعقرب الكبير) قال العجوز (ما هو أنا قصدي العقرب الكبير، إنت برج إيه؟) قال الضاني (أنا مش في برج أنا باني بيت صغير بس مش قادر أدخله) سأله العجوز (لازم فيه نزاع؟) قال الضاني (لأ مفيش فيه نزاع فيه دورين بس وعفشة ميه مشتركة، هوه لازم يا حاج إركب له نزاع؟) قال العجوز (آمال مش قادر تدخله ليه؟) رد الضاني (أصل الباب طلع ضيق قلت أسيبه لأخويا الصغير يروح بيه المدرسة.. قوللي يا حاج، إنت في الاتوبيس بقالك كام سنة؟) سأله العحوز (هوه الأتوبيس رايح فين؟) قال الضاني (آسف جداً ممنوع أقول أي حاجة لوسائل الإعلام إنت من حقك بس أقولك إسمي ورتبتي ورقمي العسكري غير كده مالكش عندي حاجة وح أفرج عليك الأتوبيس) سأله العجوز (إنت طلعت لي منين؟) قال الضاني (من باب الأتوبيس وقوم وريني نفسك تحت.. وقف يا أسطي الأتوبيس) خلع العجوز النظارة وقال (أنا جوز خالتك يا ضاني) صرخ الضاني مندهشاً (جوز خالتي!! أنا ما عرفتكش علشان قاعد علي كرسي جلد) وأحتضنه فبكي الركاب وشغل السائق شريط قرآن وقال أحد النشالين وهو يسحب محفظة الضاني (سبحان الله العظيم قد يجمع الله الشتيتين محفظته ومحفظة جوز خالته).. قال أبي (مبروك يا ضاني عرفت إنهم رجعوا سنة سادسة للمرحلة الأبتدائية وحنصرفها مع معاش رمضان) قال الضاني (هوه رمضان ده مش جه قبل كده؟) قال أبي (أيوه وح ييجي تاني) سأله الضاني ببلاهة (هوه فاضي ده ولا إيه، هوه جاي عندكم إمتي؟) قال أبي (ماحدش يعرف أصل النيابة حظرت نشر أخباره) قال الضاني (بس مادام البلح ظهر يبقي الكنافة في السكة) ثم قال الضاني للرجل الواقف بجواره (من فضلك هات المحفظة بتاعتي علشان نازل وخلي محفظة جوز خالتي).

سومه...مجنونه فى بلد عاقل يقول...

انا شايفه كلام عن شنط وفوانيس عيله الرايق اخرهم عشانا عليك يا رب
دا انتوا كنتوا سهرانين بقى زى ما همس قالى واستهلاك نور وكهربا افترا من وسع شكلكوا واخدين من العمومى

عبده الرايق يقول...

المدون / أحمد كجول
ندعو الله لك بالتوفيق
وتثمر معاك ال 5 شهور بكل خير
مع تحيات الضاحكون

عبده الرايق يقول...

maha zein
برضه التوهان مش وحش يا دكتوره مها
اهم من التوهان العوده

عبده الرايق يقول...

حنين القلب
الجزمه اتقطعت ؟؟؟
حراااااااااااااااااااااااام عليكى
ليه كده يا مفتريه ؟؟
الجزمه لسه مكملتشى معاكى 7 سنين
هو انا هلاحق على ايه ولا ايه ؟؟؟

عبده الرايق يقول...

شمس النهار
تااااااااااااااااااااااانيه ابتدائى ؟
اصغر مدون فى عالم التدوين كله
تحيه غاليه لشمس النهار
بس قولى مين عرفك التدوين
وازاى دخلت العالم ده
اكيد بابا او ماما
او حد من اخواتك مدون
الف بوسه
والفين تحيه لعميد اطفال المدونين
الباشا الكبير شمس النهار

عبده الرايق يقول...

شمس النهار
نسيت اقولك
معاك فلوس سلف

عبده الرايق يقول...

Zanooba (Zeinab sab9n)
احنا شرفنا وجودك يا زنوبه
ويسعدنا ان نضحككم كمان وكمان

عبده الرايق يقول...

محمود شكوكو
سؤال مش عارف هتلحق تجاوب عليه قبل البوست الجديد ما ينزل
المهم
هى القصقوصه الجميله دى ليك ولا لجلال عامر

عبده الرايق يقول...

سومه...مجنونه فى بلد عاقل
من العمومى ؟؟؟؟؟؟؟؟؟؟
نو
نو
نو
احنا سارقين من الجيران

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................