الاثنين، أغسطس 25، 2008

فلسفة التخديعه

هو :السلام عليكم
هى : عليكم السلام - ايه رجعت من الشغل بدرى ليه النهاردة؟؟؟
هو: بدرى من عمرك وبعدين ده استقبال تحبى ارجع هو فيه مشكلة لو جيت بدرى ؟؟
هى : لا مفيهاش مشكلة يعنى برد انت جيت بدرى؟
هو علشان جيت والشمس طالعه يعنى لا يا ستى انت بس نسيتى ان الساعة اتغيرت
هى : اه صحيح دى الساعه اتغيرت وان اقول هو النهار اتعفرت ليه
هو:نهار ايه اللى اتعفرت ده النهار طول
هى:اه بس الواحد بيصحى من النوم يلاقى الساعه 9
هو: بصوت منخفض قصدك تقولى 1
هى: ثوانى يكون الأكل جاهز ادخل غير هدومك وريح شوية ولما يجهز الاكل هصحيك
هو : ماشى ودخل يريح جتته شوية
مضت ساعه وايقظ الجوع الرجل من النوم ونادى وقال هو لسه كثير على الأكل
هى: لا خلاص شوية وهعلق عليه
هو : نعم ت إيه تعلقى على مين هو انت لسه هاااااااااااتطبخى وقام مفزوع يجرى لقى امامة طشت كرنب مسلوق وكسرونة تخديعه فطبعا كان مدروخ رجله دخلت فى التخديعه اتلسوعت وشالها بسرعه ايه انتى كمان عاملة كرنب؟
هى: ايه بس اللى صحاك ثوانى والاكل يكون جاهز ثوانى


هو: قصدك سواعى مش انت عارفة انى نازل كمان من غير فطار
هى: هاقوم اعلق على الكرنب اهه


هو:تعلقى ايه انت لسة بتلفى الكرنب ده محتاج يومين لوحدهم اللف ده
هى : لا كلها ساعة زمن

هو:طيب مفيش أى حاجة اكلها طيب
هى: لا مفيش اصلى كنت غاسلة النهاردة

هو:يعنى فى حد فى الدنيا يعمل كدة غسيل ومحشى وكرنب كمان فى نفس الوقت طيب كنتى خليه بتنجان ويشاو بايده على رأسة ويحركها دائرايا
هى:ما انا مخدتش بالى ان الوقت بيعدى وطول ما انا لاقية الشمس طالعه بقول لسه بدرى على ما تيجى
هو:يا ستى ده المحشى ده بيتعمل فى يومين على الاقل يوم تشترى فيه الكرنب وتقطعيه وتسلقية ويوم تعملى التخديعة وتلفية
هى :معلهش بقى لو جعان انزل هات لنا سندوتشات ونخلى المحشى لبكرة
هو:بيغلى طيب مقلتيش كدة من الاول ايه --- اجيب سندوتشات ايه
هى: هات اى حاجة فول وطعمية اى حاجة

هو: فول وطعمية هيعملوا ايه بس شقة الفول بقت ب 75 قرش يعنى لو جبنه 10 سندوتشات هيبقوا ب 7 جنيه ونصف يا داى خراب البيوت فكر شوية كدة و افتكر جوعه والمحشى والتخديعة اللى وقع فيها وقال لا لا انا هجيب ُقرص وجاب ورجع البيت تانى
هى : الله امال فين السندوتشات
هو:لا انا جبت ٌقرص
هى : وجايب كثير ليه كدة

هو : علشان ناكل والباقى نطلع بيه الأرافه بكرة
هى: ليه هو مين اللى مات ؟؟؟؟؟؟؟؟

هو:لحد دلوقتى مفيش فيه حد مات بس اكيد فيه واحد منا هو اللى هيوزع على روح التانى
هى:طيب متنساش تتصل علشان تجهز مفاتيح الترب
هو:جاااااااااااااااااااااى وراح فى غيبوبة عميقة هو موت وخراب ديار

الطائر الحزين

هناك 34 تعليقًا:

حسن حنفي يقول...

اول تعليق

حسن حنفى يقول...

هههههههه

مش مصدق نفسي

اول تعليق بجد

ربنا يرحم الراجل

كلنا لازم ندعيله

بس هو اللي غلطان رجع بدري ليه

حنين القلب يقول...

والله ليه حق يموتها ويطلع عليها الترب ده ايه الافتراه ده لازمته ايه الغسيل والمحشى محنا اهه مش بناكل محشى ولا بنغسل لان اصلا مش عندنا هدوم وعايشين وزى الفل وبابا روقه كويس خالص ومامتى عسوله ومقضينها قرص برضه والنبى يا اخويا مش معاك قرصه لاختك الصغننه
تسلم ايدك يا طائر بوست زى العسل

سومه...مجنونه فى بلد عاقل يقول...

ههههههههههههه انا الاول مكرر والتانى مكرر

سومه...مجنونه فى بلد عاقل يقول...

حلو والتالت مكرر

سومه...مجنونه فى بلد عاقل يقول...

منك لله يا طائر جوعتنى ايه يا ابنى صوره الكرنبايه دى
بعدين ملقيتش غير كرنب دا حتى اكله بيعمل روايح مش كويسه وبيجيب انتفاخ

سومه...مجنونه فى بلد عاقل يقول...

يا لينا يا لينا الفرخه تحطى ميه عليه تبقى شربه يا لينا ههههههههه

سومه...مجنونه فى بلد عاقل يقول...

اقولك كترى من الشربه
اقولك املى الاوضه ميه واطلقى الفرخه فيها

سومه...مجنونه فى بلد عاقل يقول...

يعنى خلاص حبك الغسيل ما تحطه فى الفول توتوماتيك

maha zein يقول...

يا جدع حرام عليك اتقي الله بقه القرص ارخص من الساندوتشات
انت عايش في الستينات
لا وايه جايب قرص كتير
الراجل ده مبذر علي فكرة
انت شكلك مقروص اوي
رنا يعينك علي القرص والكرنب
بوست رائع وكما اعتدناها منك
خفة الدم والظل

د/مروة المعداوى .....قباحة سابقا يقول...

هههههههههههه

محشى
هو لسه فى حد بيعمل محشى فى الحر دا
ماما بتجيبه ملفوف جاهز مش عارفه من واحدة عندهم فى الشغل

امال الست دى بقى طول النهار تلف محشى عشان غيرها يعمله و اللى فى البيت عندها بيكلوا اييييه و مين اللى بيعملهم اكلهم

على العموم قرص محشى سندوتشات كلها رفاهيه الواحد اليومين دول كفايه عليه يتنفس اصل المرتب يادوب على قد المواصلات

تشااااااااااااااوووووووووووو

كاميليا يقول...

هههههههههههههه

العنوان تحفة

فلسفة التخديعة

بس يعنى وهو داخل مش كان يشم ريحة الكرنب
ويعرف ان الأكل لسة عليه كتير

الحوار جميل جدا ومُتقن

تحياتى واحترامى

احمد اشرف يقول...

ههههههههههههههههههههههههه
ربنا ويقومه بسلامه ويصبره على مراته
دعوتنا ليه
بوست رائع خفيف الدم
تقبل مرورى
تحياتى

لماضة يقول...

ايوه انا نفسي اعرف ايه علاقة لف المحشي بيوم الغسيل
وبيوم الجمعه بالذات
وبعدين ازاي يعني القرص ارخص
دي القرصايه بتقف دلوقتى بجنيه وربع
اه صحيح والفول بجنيه ونص
بجد حلوة جدا
الحوار ممتع وسلس
الله ينور يا ريس

فاتيما يقول...

يا إيهاب ربنا يعين هوه
على هيا
بس يعنى الست برضو مغلطوتشى
يعنى عاوزة تغذيه و تأكله محشى
بس تصادف إنه كان يوم الغسيل
و تواكب مع معاد تغيير الساعة
طب الست دماغها دفتر ؟؟
بالهنا و الشفا القرص
و على رأى الفيلسوف اللى مش فاكرة هوه كان أفلاطون و لا سقراط و لا أرسطو
بس كان واحد فيهم و مراته بتدلق عليه مية مش ولابد يعنى على رأى السادات الله يرحمه و لما سأله احد تلامذته
- إزاى حضرتك مستحمل مراتك دى ؟؟
رد عليه و قاله
- يا بنى بعد عشر سنين جواز يا إما تتجنن ...
يا تبقى فيلسوف
و إدينى عمالين نطلع على الفلسفات واحدة تلو الآخرى
الله ينور يا طائرى الحزن

appy يقول...

كرنب كرنب
وبعدين استنى يعنى ايه رجلك وقعت فى التخديعه دى
هو بتحشى على الارض وبعد كل ده هتكمل محشى
ههههههههههههه
هيبقى محشى بالكوارع يعععععععع
بجد لا صعب ربنا يقومه بالسلامه مالها الفراخ البانيه والاسكالوب بانيه
والمكرونه بالتونه والبيريونى
والنجرسكو والفيتوتشينى
علشان تعرف الفرق بس لسه فيه حد بياكل محشى دى موضه قديمه اوى ههههههههههه
يالا كل تخديعه وانت طيب

واحدة مفروسة يقول...

هههههههههههههههههه
ازيك يا طائر
فلسفة التخديعه؟؟!!!!!ممممممم
عاوتعرف فلسفة التخديعه تعالى و انا احكيلك
التخديعه بقى
تجيب بصلايه و تقطعها و......
لا لا لا انا شكلى حيندب و يقولك على السر افزيييييييع
نو نو نو
خليها ليا انا لوحدي

هههههههههههههه
عارف شكل الست هيه اللى حتطلع على الراجل بالقرص
ههههههههههههه
اصل ان كيدهن عظيم
ههههههههههههههه

ام الابناء يقول...

يعنى الست تعبه نفسها وبتعمله محشى بعد مغسلت هدومه هو وعياله
ومن حبها له قامت تعمله محشى علشان ياكل ويتبسط
وكمان مش عاجبه
ولا عاجب الى حواليه كمان

صحيح الانسان ده مبيعجبوش العجب

بجد حلوه قوى
يا طائرى الحبيب
تسلم ايدك يا ابو الابناء

maiosha يقول...

هههههه
هههههههههههههه
لا حول ولا قوة إلا بالله
الراجل فطس يا عينى
إنا لله وإنا إليه راجعون
‘بقوا هاتولى قرصه معاكم

هههههههههههههههههه

kochia يقول...

اولا وحشتني المدونة من زمان مقريتهاش وفيه اكيد حاجات حلوة راحت مني هتابعها طبعا

كل سنة وانتم بخير .. لجميع المشتركين

اما بالنسبة للمدونة بتاعة النهاردة
بقوله لك الله
بس كنت استنيت المحشي يمكن كان طلع حلو !!!!
بس والله عملت خير بالغيبوبة
هي دي الحل الوحيد

تحياتي

انسان بلا عنوان يقول...

غسيل ومحشى !

وكمان اعده براحتها وبتقول لسه بدرى

مهو حاجه من الاتنين لاما صحتها مساعداها !

يا اما مخها مفوت !

بس اكيد المحشى كان متشاله شوربه يتعمل بيها ، كان ياخد شوية شربه وخلاص بعيش مثلا

ولا يجيب بيض ويقليه وجبنه ولانشون وكده ده خيبه خالص

الطائر الحزين يقول...

ايها الراقدون تحت الرز بالتخديعة واللى بتعيبوا فى الكرنب وبتقولوا بيعمل انتفاخ ده فهم خاطىء للطبيعية المحشية لانه بيعمل انتفاخ لما بيتاكل نى يعنى مش مستوى لكن لما بيستوى بيبقى زى اى محشى ده طبعا لو اتاكل اصلا

ايه يا بابا يا رايق ما تمد ايدك بسم الله مش على المحشى على القرص
ونشوف مين هيسبق مين على الأرافة

الطائر الحزين يقول...

حسن حنفى
أول تعليق وتانى تعليق
ربنا يرحمنا يا خويا ابقى هات قرص معاك

========
حنين
مين يموت مين يا أمى
هو فيه ست بتموت قبل راجل ولا ايه
اقرأى التاريخ كويس
طيبة اوى
=======
سومة اقعدى انت كمان العبى فى الصالة بتاعة المدونة لحد ما تقعى فى حلة المحشى انت كمان
ايوة من اللى تحت الحوض
==========
مها زين
انت أخر مرة اشتريتى قرص وفول امتى
الراجل رحت اقول له عاوز ب 75 قرش فول قال لى اقل حاجة بجنية ومش متوضب والمتوضب يبدأ بجنية وربع كنت عاوز اقول له طب هات قرص فى سرى طبعا

========
د/مروة اهلا وسهلا
لا صيف ولا شتا
فعلا يا دوب على قد المواصلات وبما اننا بنمشى يبقى يا دوب على أد ثمن الجزم لا مؤاخذة يعنى

=========
كاميليا
يشم ايه بس
بقول لك بدأت كقوس عمل المحشى لما الراجل رجع وكان قايم مدروخ من النوم
==========
احمد اشرف
اهلا بيك منور يا باشا
===========
العلاقو بين يوم الجمعة والمحشى هلى علاقة طردية تجاذبية بحته
تظهر فيه الحلل والغسالة والترتيب والتنظيف أجازة بقى لازم الناس ترتاح وتشوف حاجة جديدة
=============
فاتيما
بعد عشر سنين جواز اما تتجنن اما تكون فيلسوف هو سقراط
( إن زوجتي كالسماء ترعد وتبرق ثم تمطر بعد ذلك. فقد كانت تزعق وتشتمه وبعد ذلك تلقي عليه بالماء القذر.. فإذا نظرنا إلى فلسفته العظيمة غضبنا منها. وهي معذورة، فزوجها رجل (صايع) عاطل يمشي عاري الصدر والقدمين ويعيش عالة على تلامذته الأغنياء وخصوصاً تلميذه أفلاطون. وسقراط ينسى طول الوقت أن له زوجة وأولاداً. فهو فيلسوف على العين والرأس وكزوج وأب يستاهل أكثر مما تفعله زوجته)
من مقالات انيس منصور
====================
أبى هانم
نعم بتقولى ايه بسون تاليه وسورواكوه و دنش و عصير بالايس كريم ربنا يخليكى للغلابة
الناس مش لاقيه تاكل عيش حاف
طيب ما ياكلوا جاتوه
أبى انطوانيت
============
واحدة مفروسة
حتى اللى كانت لسانها هيقلت وهنأخذ منها سر الخلطة رجعت فى كلامها
كيدهن عظيم
=====
أم الابناء
غسلت هدومة هو وعيالة يبقى مش لازم محشى علشان خاطر المحشى والغسيل لا يجتمعان فى يوم واحد خدناها كدة فى اولى ابتدائى
=============
مايوشة
اللى عاوز قرص يطلع معانا على الأرافة
===========
كوتشيا
يستنى يمكن يطلع حلو
حلو ايه يا حاجة بس دا الراجل لسانه دلدل من الجوع و ديناصورات بطنه بتصوصو تقولى يستنى
له الله
=============
انسان بلا عنوان
شربه دا انت طيب اوى امال مرقة الدجاج ده فايدتها ايه يا ناصح
=========

بنت سيناء يقول...

صحيح يوميات وتحدث بين الازواج..ذكرتنى هذة الحكاية بفكاهة سأذكرها





















ذهب رجل مع زوجته لشراء كرافت فدخلو محل فاختار الرجل كرافته لونها احمر..فقالت زوجتة::اية دة ملقتش غير اللون الاحمر البلدى دة
فوضع يدة على كرافته خضرا فردت علية::يووة انت مال ذوقك النهاردة
فأختار اللون البنى فقالت له::البنى مش هيمشى مع بدلك
فتعصب الرجل وبسرعة اخرج من جيبة مسدس واطلق النار عليها والتفت الى البائع وقال له::

هات بئة كرافتة سودا
تحياتى الك

appy يقول...

نعم نعم
بتتريق على الباتسون ليه والكرواسا

وبعدين ماله عصير الكنتالوب بالايس كريم وحش ده حتى تحفه
ههههههههههههههههه

لا بلاش جاتوة علشان بيجيب تخن بص ممكن تاكل دنش اخف شويه او شوكليت بول من مونجينى حلوة ههههههههههههه
وبعدين العيش موضوه قديمه وكله مسامير يبقى بقى الواحد يعمل حسابه ياكل العيش ويمسك مغناطيس فى ايديه ههههه

إنسانة أقرت إنها مجنونة يقول...

هههههههههههههههههههه
بجد بوست مش معقول هو النهار عندها طول اليوم ولا ايه بس هو عنده حق المحشي معروف انه بياخد غلبة ووقت مينفعش خااااااااااااالص مع الغسيل
كان الله في عونه وربنا يرحمه هههههههه
ممكن قرصة بقي بدل ما اخرج وايدي فاضية وهي لسه معملتش المحشي ههههههه

الطائر الحزين يقول...

ايه هى الناس فين ؟
هو رمضان بدأ عندكم ولا ايه

اسكندراني اوي يقول...

عسسسسسسسسسسسسسسل
هو كده كده في حد حيموت ....ممكن من الجوووووع

mthlykaweyy يقول...

مدونه حلوه ومضحكطه ههههههههه

بس حرام هو شكله راجل كةيس بلاش تزعليه

او هتهولى وانا اطيب خاطره
ساذورك دائما وسانتر زيارتك

لا تتاخرى

سانتظرك

يسرا يقول...

نفسي اعرف مين اللي اخترع المحشي اصلا
وقت وتعب ومجهود
وفي الاخر بيتاكل في اسررع وقت

صحيح هو فيها ايه لما الورق يتقطع ويتقلب مع الرز من غير لف ووجع دمااغ
؟؟؟؟

الدفاع يقول...

كل تخديعه وانت طيب يااخى
وانا احييك على فكرة القرص دى تحيه شديده من راجل بيعانى من شراء الاكل الجاهز بدل ما استنى المحشى وياريت لو اتبقى شوية قرص تبعتوهالى بدل ماتطلعوا بيها على الارافه اهو انا اولى من الغريب
ولا لازم اقطع هدومى عشان ابقى مستحق للقرص

قوس قزح يقول...

انا جيت بس متاخر عارفة ( وش مكسوفة )

وشى منكم فى التراب يا ردالة

بس ايه الروايح اللى طالع من البوست ده
و بعدين دى فلسفة الخديعة الست بتعملها لما تكون عايزة تحضر الاكل النهارده و تسويه بس بكرة ، هى الست هتتعب يومين !!

معلش صاحبنا وقع فيها بقى و انضحك عليه :)

Z_Diva يقول...

monkin so2al


heya eh ya5oya elta5de3a de ?????

luv this blog and u all r so funny, ramadn kreem legamie3 sokan elblog we 3la raskom setkom Fransa

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................