الخميس، أغسطس 07، 2008

5 عائله الضاحكون .....طب فايف ستارز

اخوانى الاعزاء
زى اى عائله ممكن نتعب واى فرد مننا يمرض ... وزى اى عائله ممكن نودى مريضنا لمستشفى حكومى ...لكن توهنا فى الطريق ومش لقين مستشفى حكومى ..فرنسا عيانه مننا ..وقدمنا المستشفى الخاص لكن عفش بيتنا كله ميجيش تمن ليله فى المستشفى الخاص ...نعمل ايه ؟؟؟؟؟؟
**************************************
الرايق :- اه يابطنى ..اه يا دماغى... اه يا شعرى ...لا بلاش شعرى ..اه يا مناخيرى اه يا ضهرى
مفروسه :- بابا ..انت ياسى بابا ..ماكفايه زن هو انت اللى تعبان ولا ماما كده هتخلينا نتخايل
الرايق :- اه منك انتى يا مقصوفه الرقبه ماهى فرنسا تتعب وانا ادبس فى الدواء ..كل مانجيب لها علاج ونروح لدكتور تانى يغير العلاج ..ويكتب علاج جديد ..وانا بقى يصعب عليا ارمى العلاج القديم اقوم شاربه كله ..وعلى راى المثل وجعك يابطنى ولا كب الدواء ...اه ياعينى ..هو انتوا طفيتوا النور ولا ايه ؟؟؟؟
...قولولى اعمل ايه ياعيال مش قادر اوديها مشتشفى خاصه ..اسيبها كده تموت فطيس ولا ابيعها لبتاع الروبابيكيا .
. همس الاحباب :- اه يابطنى...... اااااااااااااااااااااااااااااااااااااااااااااااااااااه
الرايق :- مالك ياولد يا خالد
همس الاحباب :- خالد مين بقى يا عمونا هو البتاع اللى كان فى ازازه العصيرده وشربتهولى امبارح دواء ؟؟؟؟
الرايق :- طبعا دواء انتى قلتلى هات حبه عصير يابابا وانا كنت زهقت من طعم وريحه الدواء قلتلك خد الازازه كلها ليك بالهنا والشفاء
همس الاحباب :- هنا وشفا ...ااااااااااااااااااااااه ...يا بطنى

بلطجيه هانم عويل :- ربنا ما يحرمكم من الهبل يا عيله الرايق بنتي أنا تروح لبتاع روبابيكيا ..منك لله يارايق ماهو برضه البركة فيك انت وعيالك جبتوا لبنتي الضغط بطلباتكم إللي مابتخلصش
ماهو لو أنت بتسمع الكلام وتوديها لدكتور عليه القيمة معاه دكتوراه بحق وحقيقي
لكن انت بتستخسر في بنتي وموديها لدكتور حمير الفيزيتة بتاعته حزمتين برسيم ...والاكاده بتشربوا الدواء بتاعها انت والمفعوص اللى اسمه خالد ده كمان
ده جوز بنتي التانية ربنا يعلي مراتبه كمان وكمان لما مراته بتتعب بياخدها جري علي مستشفي أستثماري
تخرج منها ذي الحصان مش انت يارايق مستخسر في بنتي ... ماهو أنت لو وديتها لدكتور كبير من الأول كان زمانك ريحت ووفرت

الرايق :- حماتى الغاليه بلطجيه .......ههههههههههههه مستشفى استثمارى ؟؟؟؟ هى دى معموله للشعب الغلبان يا حماتى ...دى معموله للاغنياء والسياح العرب ..اما اللى زينا اخرته يقعد على الرصيف ويشم ريحه الدواء من بره ..دى بقت مستشفيات خمس نجوم يا حماتى

مفروسة:هههههههههه روبابيكيا يا رايق فرنسا تبيعها لبتاع روبابيكيا.....و كل ده علشان كام روشتة اتغيرت...امال يعني ماجبتش سيرة التحاليل والاشاعات يا ابو الروق...ده كل دكتور تدخله يبص فى الروشته القديمه على التحاليل القديمه..و كانه ركبه عفريت...وقعد ينونو زيك كده...و تلاقيه يكتبلك روشته غيرها و يباصيك على معمل تحاليل تاني....و في الاخر بما اننا بتنجان على الآخر مش عارفين فيه إيه....انت عارف البت انتصار اللى فى اول الشارع ابوها الله يرحمه...كح قامو جريو بيه على الدكتور كتبلهم دوا و قلهم لازمن ولابد تعملوا تحليل...الراجل يا حبة عيني عملهم..جه سخن و الكحه زي ماهيه...قاموا جري راحو لدكتور تاني...و عملو نفس المشوار يا عيني...فضلوا عالى الموال ده قول شهر..و عدي عقبال امالتك و املت امي ...على 15 دكتور ب 15 روشته ب 15تحليل...شوفت الناس ..مش انت بتعيط من 3روشتات.......بس يا رايق ما سالتنيش الراجل مات ليه؟؟؟؟؟ انا اقولك جه فى يوم يا حبة عيني مش عارف هوه بياخد من انهي دوا...فقام قالك عليا الطلاق لآخدهم كلهم...و خادهم من هنا وراح على البساتين فى اول طيارة.....
انت لسة بادري يا عمونا...انت لسه فى التالت هههههههههههههه

الرايق :- التالت يا مقصوفه الرقبه ليه قالولك عليا برجع

مفروسه :- بص يابابا انت توكل على الله و دخلها مستشفى خاص ياخدو منها كليه على قرنيه..و تدفعلهم برضه..يعني يشركوها و تدفعلهم....فى الوقت ده بالتمام..حتنفع ياخدها بتاع الروبابيكيا...هههه قال روبابيكيا قال

سومه: حبيبتى يا فرنسا قالبى عندك يا اختى كله من عبده اللى حيجيبلك الكافيه
منهم لله الرجاله....قال ياخدونا لحم ويرمونا عضم ويقولك روبابيكيا
حقه ملكش حق يا سى الرايق.....اسمعى يا اختى بلا علاج بلا بتاع هى وصفتى اللى تخليكى زى الحصان اه امال ايه ماهو مش كل من دخل كليه الطب ولبس بالطو يتقالوا دكتور...عصبى راسك برباط ...وهاتى معلقتين فربوخ على معلقتين تريوخ....واغليهم وبالشفا وادعيلى
هو احنا ياختى طول عمرنا سمعنا عن مستشفيات وعن دكاتره قطيعه تقطع الطب وسنينه....

appy:- بقول ايه انا بودى الخرفان بتاعتى عند دكتور المفروض انه متخرج يا عينى باطنه بس علشان مرتبه مش بكفيه بيشتغل بعد الضهر بطرى ايه رايكم بقى نورديها هناك وعلى فكرة كشفه مش غالى

مواطن مصرى : لا اله الا الله الملك و الدوام لله
وا اسفاه .. ماماتى تعبانه ...يا عم رايق ما تطلع من تحت البلاطه و نوديها مستشفى الجولف اللى سعاد نصر عملت فيها العملية
اصلهم بيقولوا عليها انها حلوه زى اغلب المستشفيات , و بيقولوا ان عملية سعاد نصر نجحت بس المريضة ماتت
يبقى العيب فى المريضة مش فى المستشفى!
و الا اقولك تعالى نوديها اى مستشفى عام اهى تقعد لها يجى خماشر تمناشر سنة فى الاستقبال لحد ما يجى دورها
و لما يجى دورها الدكتور ينسى ابن اخته فى بطنها بس العملية تنجح!

الرايق :- مستشفى حكومى ...هههههههههه هى لسه فى مستشفى حكومى ؟؟؟؟؟
بذمتكم لسه فى مستشفى حكومى ؟؟؟؟؟؟؟؟؟؟

هناك 61 تعليقًا:

لماضة يقول...

هههههههههههههه
اخس عليكم يا ال الرايق
وانا رحت فين
محسوبتكم دكتورة كله من ده
يعني باطن قلب سكر وزيت
كله ماشي
ابعتوا انتوا الحاله الموعوده اللى عليها الدور
وهنصص الفيزيته سوا
انا عاوزه اكتب كتير بس عاوزه الحق اول تعليييييييييق

لماضة يقول...

هييييييييييه
اكتب براحتي بقى
شوفوا يا اخوانا
انتوا لازم تضحوا بعمكوا الرايق عشان خالتي فرنسا تعيش
ولو مستغنيين عنهم ممكن نضحي بالعيله كلها
بس خرفان ابي تفضل صاحيه لحد العيد الكبير وبعد كده يحلها ربنا
واهي برضه تبقى صدقة جاريه على ال الرايق

لماضة يقول...

الله الله ده التعليقات فاضيه العب براحتي بقى
اعملوا حسابكوا وانتوا جايين العياده
ان الكشف العادي ببيضه ورغيف عيش بحتة جبنه
اما بقى لو كشف مستعجل يبقى صينيه عجة وعيش فينو بالسمسم

سومه...مجنونه فى بلد عاقل يقول...

لالالالا الطب فى اراس مش بالدكتره هى خلطتى ميه ميه حتمشى زى العسل

سومه...مجنونه فى بلد عاقل يقول...

فى ريحه ميكركروم فى المدونه اتاريكى داخله خارجه ومنورانا تقريبا عيله الرايق يا نايمين يا جربوا خلطتى وفطسوا وهو المطلوب

سومه...مجنونه فى بلد عاقل يقول...

اسمع يا سى الرايق عندى ليك يا خويا عروسه بس ايه هى حوله شويه وبتجز على رجليها حبتين وباين عندها مرض جلدى هو مش جرب بس يمكن جزام بس بصراحه بصراحه البت متتعايبش وسيبك من خالتى حل عنها شويه

مدونة الدفاع يقول...

الف سلامتك يا ست فرنسا
يا عم الدكاتره عبده الرايق
مش انت فالق دماغنا انك معاك خمسه دكتورهات
مفيش منهم دكتوراهفى معالجة فرنسا ياخى دى فرنسا هانم بحلوها ومرها هاتوديها مستشفى حكومى ليه؟؟؟؟ هاتتعين هناك؟دول يا ياباشا اول مابيشوفوا مريض يروحوا معينينه فى المستشفى فى رتبة مريض تحت الاختبار ودى الوظيفه الوحيده اللى بتنجح فى الاختبار فيها من غير واسطه ويعينوك فورا برتبة مريض مستعصى على الشفاء
وهى كمان الوظيفه الوحيده اللى مالهاش معاش ولا سن معاش
لها ب معاش مبكر من غير مكافأه فى الدنيا لان المكافاه بتاعتها بتكون فى الاخره
نصيحتى انك توديها مستشفى خاص
بس سافر بره بقى شوفلك شغلانه تصرف منها على المستشفى
والف سلامتك يا فرنسا هانم

كاميليا يقول...

هى لسه فى مستشفى حكومى ؟؟؟؟؟
؟؟؟؟؟؟؟؟؟؟
.....

حكومى؟؟

حكومى مات .. تعيش حضرتك

أصل مرة دخل يعمل عملية .. قالوا له هات البنج معاك .. وهات كمان خيط للخياطة عشان البكرة بتاعت المستشفى خلصت ،، وياريت خمس عشر أكياس دم .. قالهم اجيب الحاجات دى ازاى وانا مش عندي بطاقة تموين وكمان شالوا الدعم ..
كان عنده انبوبة بوتوجاز استبن .. بنج بيها نفسه
.

حسن حنفى يقول...

ههههههههههه


موضوع رائع

maha zein يقول...

وماله عم عبدو الحلاق
حلو بردو
ضاكتور الصحة
يعني
بلا طب فايف ستارز ولا بتاع
تحياتي

حنين القلب يقول...

مالك يا ماماتى
سلامتك الف سلامه
بابا بطل بخل بقى ةتعالى عندنا مستشفى فى اسكندريه بس جامده ومش هتاخد منك الا 20 قول 35 الف جند بس
وهتطلع زى الفل
وبطل تشرب العلاج لاخواتى
الواد خالد كان هيموت وعملنا ليه غسيل معده ولسه معدته على الحبل مش نشفت
آبى اسكتى انتى خالص دكتور خرفان ايه بس ولما هو باطنه يشتغل بيطرى ليه اهه كده ولا هيركز فى ده ولا ده
مواطن مصرى نايم انت داخل تعزى يا عم ماما لسه فى وسطينا ربنا يخليها لينا
مفروسه ربنا يخليكى انتى اللى حاسه بماما هاتى حقنا من الرايق اللى مجوعنا ده
تيته هو الرايق كده قال يقول مستشفى حكومى عايز مامتى تطلع بعد الشر عنها مخلصه
تصدق وتؤمن بالله يا روقه
انا دخلت مستشفى خاص ومن اكبر مستشفيات اسكندريه وخدوا على قلبهم اكتر من 10000جند والاخر العمليه طلعت غلط
فما بالك بالحكومى كانوا شالوا ليه العمود ومشيت ببطاقه التموين

حنين القلب يقول...

صباح الخيييييييييييييييييييير
ماما عامله ايه النهارده
باباتى شعرك عامل ايه اومال لو مش كنت اصلا مش فيك شعر
اخوااااااااااااااااتى
انتو فييييييين
العيله كلها نايمه ولا ايه
اصحوا بقى الساعه بقت 10

كلام على بلاطة يقول...

كل الروقان ده رغم العبارة
والغلا والبلا
تحياتى

appy يقول...

لماضه
========
اه انتى هتقولى ليه دا انتى دكتوره ولا كل الدكتورات اللى فى الدنيا بس اوهدك بحد غير فرنسا احتا عاوزينها هههههههههههه
ممكن بابا عبدو اجيبه لكى تتعلمى فيه او خرفانى انا مضحيه بيها

appy يقول...

حسن حنفى
===========
اهلا بيك وميرسى على تشريقك للعائله

appy يقول...

كلام على بلاطه
============
اهلا بيك هنا ببلاطك ههههههههههه
بص يا عمنا احنا كتبنا كنير فى العباره وانا عندي بوست بكده
بس احنا هنا بناقش مشكله وهى المرض والناس اللى على قدها
ومشاكل المسنشفيات الحكوميه اللى لا تنفع حتى تبقى شفخانه لحد
وهى دي مشكله كمان بوستات العائله عن المشاكل زي البطاله وازمه السكن بس بنوضحها بطريقه سخريه شويه
يا رب تكون قرتها وفهمت القصد
نورت هنا ومبسوطيبن بيك

appy يقول...

حنين القلوب كلها
==================
صباح الفلات عليكي يا قمر انا صحيت اهو يا قمر وصوتك العالي ازعج خرفانى يا ساتر روحى حميهم بقى خلينا نفطر قومى فزي يالا

الطائر الحزين يقول...

اصطبحنا على الصبح على وجع البطن والسنان ما تثبت انت وهى ايه يعنى اكلتوا اكله مش ولابد
==============
الحمد لله انى زوغت منكم اليومين دول ولا كان زمانى متلقح معاكم فى العنبر اللى جنبكم
انا خارج مش ناقص اعمل فيها تومرجى ع الصبح لما تخفوا ابقوا ابعتوا لى
============
مين اللى هيعمل الغدا النهاردة

الطائر الحزين يقول...

حنين القلب
احنا صاحيين من بدرى
انت غريبة اوى سايبانى لايص مع العائلة المريضة مش عارف مين عاوز يشرب مكركروم ومين عاوز يبلبع صبغة يود
شوفى عاوزين ايه من السوق علشان تطبخى انت النهاردة

الطائر الحزين يقول...

دكتورة لماضة
يعنى جاية م\بايدك فاضية لا شوية دوا
ولا رباط شاش
ولا شوية جبس

appy يقول...

الطائر الحزين
=============
ما هو حضرتك هتجيب الحاجه من السوق وتطبخ اليوم بتاعك يا هندزه هههههههه

وبعدين بتشرنا صبغه يوود يا ساتر وانا كنت فاكراها كوكاكولا وعماله اشرب واقول يمكن علشان بارده مش حسه بطعمها عاااااااااااا
ما هو انا عمري ما شربتها يبقى تعمل فيه كده روح يا اخي وارجع بسرعه عااااااااااااااا

همس الاحباب يقول...

صباح الصداع
وانفلونزا الطيور
ووجع البطن اللى على الصبح
برده ده كلام يا رايق
اقولك هات عصير تدينى دواء
ويا خوفى يطلع سم فيران
ااااااااااااااه يا بطنى انا
دكتورة لماضة عندنا يا هلا
دكتورة ممكن استشارة طبية
والرايق ايدفع الفيزيتة متخافيش
يعنى ممكن يقسطها على 150 سنة بس يدوب

همس الاحباب يقول...

سومه المسمومة
والنبى بلاش انتى يا سومه
فرنسا دى مامتى حبيبتى
جربى خزعبلاتك على سى بطيخ بتاعك
وممكن اديكى بابا روقة تجربى فيه
ما هو عنده مناعة من كتر شرب الدواء بتاع فرنسا

واحدة مفروسة يقول...

انا جييييييييت
يا هلا يا هلا بالزواااار
إيه الموضوع كل ديه\زوار فى غير مواعيد الزيارة
هو مستوصف من غير بواب و لا إيه؟؟؟؟
فينك يا عم الرايق؟؟؟!!!! فينك\مش واقف على الباب ليه؟؟؟
دلوقتي فرنسا تعبانه و ربنا يعجل بشفائها
فأي حد يجي يزور لازمن يغسل ايديه على الباب بالديتول
خوفا من العدوى
و انتي يا آبي
إنتي ياااختي
خدي خرفانك تسرح فى حته تانيه
احنا عندنا حجر صحي
هههههههه
من فضلكم من فضلكم اللى يجي يزور
يدفع تكسرة على الباب
و لا هيه يعني الزيارات بلوشى
إيه يا رااايق
انت فين
مش واقف ليه على بوابة تحصيل الرسوم
ههههههههههه
هوه الواحد لازم يعمل كل حاجه فى البيت ده؟؟؟!!!!!!
طيب البوفيه المتنقل معايا .... الجردل و البيبيس.....
الزيارة لفرنسا بالمشروب
ايون بالمشروب...
بيبس...حاجه ساقعة بيبس...بيبس...فنيك...مطهر .. بيبس

همس الاحباب يقول...

سومه
ههههههههه
والله انتى جارة حشرية بجد وبتصطادى فى المياه العكرة
عايزة تجوزى روقة واحدة كسر ونص عمر
الرايق لن يقبل بغير فرنسا هانم
هى اللى بتغسله وبتنشره وبتكويه فى المدونة وبترميه من البلكونة ويرجع تانى علشان تشطفه من جديد

همس الاحباب يقول...

هههههههههههه
مفروسة
النهاردة الجمعة يا اختى
والزيارة مجانا
علشان كده الرايق نايم وسايبك لوحدك
ممكن بيبس كنز على حساب الرايق

maiosha يقول...

يا حبيبتى يا فرنشا قلبى عندك

خد يا رايق البطيخة دى قطعهلها خليها تطرى على قلبها شوية
ولا يهمك يا فرنسا إحنا ممكن نتبرع كل واحد ب15 قرش وندخلك أحسن مستشفى

بس أوعى الرايق يعرف بحكاية التبرعات دى وياخد الفلوس ويروح يصيف بيهم فى مارينا ولا حاجة

وألف سلامة عليكى يا جميل .. إنشاله بوش يارب

حنين القلب يقول...

آبى
عااااااااااااااااا
انتى صاحيه الساعه 12 الظهر ناموسيتك بمبى زى خروفك
وخرفان ايه اللى اقوم احميها دى اذا كنت انا مش استحميت من العيد اللى فات اقوم احمى الخرفان
وبعدين ايه قومى فزى دى هو انا الخدامه وانتى مرات بابايا
يا ماماااااااااااااتى
شوفى البنت آبى عماله تبهدلنى
والله يا آبى لسلط عليكى خالد يخليكى نايمه ويدخل يقص شعرك وحواجبك ورموشك
وتبقى صورة تبكى الاصل من سى بطيخ جوز سومه بس انتى هتبقى بطيخه قرعه
هههههههههههههههههههههههههه

حنين القلب يقول...

الطائر الحزين
اهه انت كده علطول محدش بيشوف وشك الا لو كنت جعان او مزنوق فى فلوس
واكل ايه اللى عايزنى اعمله ليك
انت جبت ربع كيلو مكرونه اسباجتى وربع كيلو بتنجان ولمونتين
قوس قزح خدت المكرونه لونتها وبتقولى دى هعملها فرش للرسم بتاعتى
والبت آبى خدت البتنجان اكلته للخرفان
وخالد خد اللمون وعمل ليموناته لبولو
اعملكم اكل منين
ثما انى نسيت اقولكم
الرايق باع الانبوبه وقال احنا اصلا مش بنطبخ مش ليها لازمه
ايه العيله دى يا ربى
يا رب توب عليه بقى واتجوز
طائر تعالى اقولك كلمه فى ودنك
(شوفلى عريس وانا اديلك 15 جند بعيد عن الرايق ماشى )

لماضة يقول...

انا جبت العدة اهو يا جدعان
استعنا على الشقى بالله
هنشرح مين النهارده
هع هع هع

حنين القلب يقول...

لماضه
صباح الفل يا دكتور
بصى يا ستى
انا هاجبلك الرايق شرحيه واتعلمى فيه براحتك
بس والنبى بلاش مامتى دى تعبانه وصحتها مش هتستحمل
لماضه ممكن طلب
بعد ما تشرحى بابا روقه
اعملى عمليه استئصال للسان لخالود
وهاتى كريم للبت آبى لحسن من ساعه ما بالو حلق ليها ومش عارفه راسها كلها مطبات
اه نسيت اقولك لو ليكى فى العنين روحى لجارتنا سومه اصل عندها حول بسيط لو عالجتيها يبقى كتر خيرك
اهه شغل كتير يلا اشتغلى وانا هروح اعملك كوبايه شاى

حنين القلب يقول...

يا نهاااااااااااااااار
لماضه
انتى حطيتى بنج لاخواتى فى الشاى ولاايه ؟
يا عياااااااااااااال
انتوا روحتو فين
نو
نو
نو
انتوا كسلانين اوى
انا هروح العب مع بابا كوتشينه واضحك عليه واخد مصروفى بالمره

الطائر الحزين يقول...

العريس موجود
بس هو يرضى بيكى
الواد كرشة بن المعلم كوارع الجزار اللى على الناصية

appy يقول...

حنين
=======
انتى بتنادى على مين يا حبيبتى اصلا احنا مش هنا ولا سمعينك وبعدين دا انتى اتعديتى من خرفانى بتصوصوى هههههههههه

appy يقول...

ايه عريس انا سامعه حد بيقول عريس

طائر انت بتقول كده طيب معندكش واحد فوشيا بس يكون دكتور يعالج مانتى حبيبتى

مدحت محمد يقول...

هههههههههههههههههه


هو لسة فى حكومى

قصدك تقول هو لسة فى دكاترة اصلااااااااا

حنين القلب يقول...

الطائر الحزين
لوووووووووووووووولىىىىىىىىىىىىىى
زغردى يا مامتى
هتجوز كرشه
هو انا اطول اتجوز ابن جزار على الاقل هشوف اللحمه اللى بابا مش بنشوفها الا فى العيد الكبير ويا ريت بناكلها لا ده احنا بنشوفها فى التليفزيوم وبسسسسسسسسسسسس
بص يا طائر انا هروح دلوقتى لبتاع العربيات اللى بيصنفر ده
هخليه يصنفرنى وابقى بلمع كده
ويدينى وش دوكو
والاخر يعملى الفنيش ويركب ليه فانوس على كتفى علشان انور
اظن كده ممكن اعجبه ولا اييييييييه

حنين القلب يقول...

appy
منتو اصلا كسلانين ليل ونهار نايمين
وانا بصوصو لا يا آبى انا بنونو
نيو نيو نيووووووووووووو
وعايزة عريس
بقولك ابعدى عن كرشه خلاص انا اخدته شوفى ليكى عريس تانى ماشى احنا اخوات مش هناخد عرسان بعض
عييييييييييييييييييييب
ممكن اكلمك صاحبه الواد ممبار لو عجبتيه يلا نخلص الجوازتين فى المدبح
يا رب توافق يا روقه

الطائر الحزين يقول...

يا تلحقى يا متلحقيش اصل البت حلوتهم حاطه عنيها عليه
همتك بقى
عاوزين ينوبنا من اللحمة جانب

حنين القلب يقول...

الطائر الحزين
حلاوتهم مييييييييييييين اللى هياخد خطيبى هموته
رووووح هاته بس فين ابوك مين اللى هيقعد معاه
ولا حتى اخوك الكبير خالد موجود
طائر لو مش لقيت حد هاته وهات ورقتيين نكتب عليه عرفى لحد ما الرايق يظهر وكده يبقى ربطناه
صح ولا ايه ؟؟

mohamed ghalia يقول...

هههههههههههههههه
مالها المستشفيات الحكومية دى حتى نظيفة وجميلة وهواها يرد الرزح والعيان مش بيبقى عايز يخرج منها تانى!
تحياتى

مواطن مصرى نايم يقول...

لا دا و انا فى المستشفى كمان
واحدة سألتنى على عنبر الولادة
قالت لها مش عارف
راحت قايله لى اصلى انا حامل بقالى سنة و نص يعنى 18 شهر و لسه دورى فى الولاده ماجاش
المهم عرفت ان السبب فى الاخر انها حامل فى توأم
عشان كده 18 شهر

حسن حنفى يقول...

اعتزلت التدوين

شكرا انكم قبلتوني في عالمكم الفتره

دي

ويشهد الله كم احببتكم فيه

عبده الرايق يقول...

برضه قطعوا النت ولسه جايبينه انهارده
مش عارف مستقصدنى ولا ايه
عموما
يلا
حصل خير
انا هاروح الشغل دلوقتى
ولى عوده معاكم ان شاء الله بعد عودتى
انا سامع حد بيقول لسه هتروح الشغل دلوقتى
اقوله
انا كنت قاعد جنب الكمبيوتر منتظر الفرج
بعد ما الشركه قالت النت جاى انهارده
تحيه لكل اعضاء فريق العمل
ولكل الناس

المهاجر الى الله يقول...

ادعوكم لزيارة مدونتى المتواضغة والمساهمه بتعلقاتك وارائك
www.eyuon.blogspot.com
وشكرا

ام الابناء يقول...

السلام عليكم ورحمة الله وبركاته

اولا كل عام وانت بخير بمناسبة قدوم شهر رمضان
وكل عام وانتم وانا الى الله اقرب

ومقيمون لشعائر الله عز وجل
ومحيون لسنة نبيه الكريم صلوات الله وسلامه عليه

ثانيا
انا معكم قلبا وقالبا فيما اخذتم من قرارات بخصوص الحفاظ على كرامة اعضاء المدونه
وحمايتهم من اى اسفاف من قبل اى شخص
مهما كات شخصيته
واعلن لكم ان لى مزيد الشرف بدخولى المدونه والتعليق بها
واكن كل احترام وتقدير لكل عضو من اعضاء فريق العمل

وطبعا بما ان ابو الابناء
وعم الابناء
من اعضاء المدونه
فانا ارى ان لى حق التواجد بينكم بالمدونه
الا اذا رأيتم انتم غير ذلك

ووفقكم الله لما فيه الخير

المهم بقى
ازاى تبقى فرنستى الجميله تعبانه
ومحدش يجرى بسرعة يجيب احسن دكتور
الف مليون سلامه ياقمر
عموما انا مكن اقدم اى خدمه
اجيب دكتور من اى مستشفى استسمارى واجى
او اعملكم اكله ترم عضمكم ممكن
شوفو وابقو قولو عاوزين ايه

كاميليا يقول...

عبده الرايق

طيب يا بابا ارجع بسرعة

علشان عاوزة اسلم عليك

واقولك كل سنة وانت طيب

ورمضان كريم

appy يقول...

ام الابناء
=========
الشرف لينا بجد وجودك هنا وفى كل مكان كمان


بقولك ايه اعملى اكله حلوه بس متحطيش عينك على خرفانى الله يكرمك احنا اخوات
شرفتى المدونه

واحدة مفروسة يقول...

انا جيييييت
‘يه ده مافيش حد فى استقبالي ليه فى هذة الاستوباليه؟؟؟؟

ما علينا
اهلا اهلا بالزوار... اهلا اهلا باخواتي و جارتي الحشرية و تيته وعمو و خالتو
و....ايه ده ؟؟!!!
البيت ده مافيهوش ولا عمو و لا خالتو...معلش انا اتلخبطت

ازيك يا فرنسا اخبارك ايه؟؟؟ ان شالله بخير دايما يا رب

اهلاااااااااا ابو الروقان
بقا قطهو النت؟؟!!
مممممممم
و يا تري خر دم؟؟!!!
طيب كان معاك شنطة الاسعافات الاوليه؟؟!!..تحطله بلاستر بفزلين..مطرح ما اتقطع؟؟؟!!1

طيب حطيت المثلث و الرجل و النقلة العاكسه لغاية لما يتصلح؟؟!!!
شكلك حياخد مخالفه معتبرة

حد يروح الشغل الساعه واحده يارايق؟؟!!
واحده؟؟؟؟؟
شكلك مش حيجيبها البر مع فرنسا....
طيب فرج جه؟؟ّّّّّّّ!!!!!
فرج؟؟!!!!
اللى انت قاعد مستنيه؟؟؟!!!!

تلاقيه ضحك عليك و لا جاي

طيب انا كمان حروح الشغل و ارجع بالليل...
ماهو انا لازمن..ابيع الصندوق بتاع البيبس...
سلام
اراك ليلا يا ابتااااااااه

appy يقول...

مفروسه
حبيبتى حمد لله على السلامه ده اولا
صانيا رجعنا لوجع الدماغ يا بنتى بابا عبده ساب الجردل وخده باعه لبتاع الخرده شوفى اوفه وحطى فيها تلج وشليها على راسك وبيعي ههههههههههههههه

كاميليا يقول...

واحدة مفروسة

حمد الله علي السلامة

....

اهلاااااااااا ابو الروقان
بقا قطعو النت؟؟!!
،،،،

مش فيه حد قطع النت ولا حاجة

ده الرايق بيعمل ترشيد للسيجنالز

بيعدهم سيجنالاية سيجنالاية

ويقولك قطعوا النت

ومش عارفة شغل ايه الساعة واحدة ده؟ واشمعنى واحدة؟

.

عبده الرايق يقول...

كاميليا
ازيك يا كامى
ايه اخبار الساده المسئولين فى المانيا ؟
طبعا انا هازورهم قريب
وطبعا لازم تترجمى ليهم كلامى
من ناحيتى انا متخافيش
انا بعرف المانى لبلب
بون برلين هتلر
والواد حسن الفراش ناوى يعلمنى المانى
هو بيعرف فى الالمانى
مره قعد اسبوع يتكلم المانى بس
وقالى هاعلمك المانى بس عايز منى 20 الف دراخمه
و20 الف يورو
و20 الف دورر
و20 الف استرشينى
و20 ريال
و20 الف كرونه
و20 الف صابونه غسيل صان لايت
انا قلت ولا يهمنى
كاميليا بنتى هتبعت كل دول من المانيا فى اول قطر جاى من هناك

عبده الرايق يقول...

مفروووووووووووووووووووووووووووسه
بقى كده يا مقصوفه الرقبه
13 سنه بره البيت
تقولى رايحه اشترى ب واحد جند سوزدانى من بتاع القرود وتغيبى 13 سنه
وانا طبعا ابوكى ولا ارضى نهوئيا بذلك الحكايه
لذلك قررت الاتى
القرار الابوى رقم واحد
القرار رقم 2
القرار رقم 76
القرار رقم 219
القرار رقم 220 تنشر كل القرارت السابقه فى الجريده الرسميه فى الصفحه الاولى الممتازه
وفى حاله انشغال الجريده
تنشر على حبل الغسيل لحين البت فى امرها

عبده الرايق يقول...

مفروسه
مره تانيه
انا رحت الشغل الساعه 1 الضهر فعلا
لان انا واخد دكتواره فى الساعه 7
ودكتوراه فى الساعه 8
ودكتوراه فى الساعه 9
والساعه 10
والساعه 11
والساعه 12
ودلوقتى بحضر رشاله للدكتوراه قى الساعه واحد وموضوع الرساله
العقرب فات فات وفى ديله سبع لفات

عبده الرايق يقول...

كاميليا
مره تانيه
انا رديت على مفروسه فى موضوع الشغل الساعه واحده
لكن
نسيت اقول حاجه
الواد العلامه الكبير حسن باشا الفراش
بيمضى مكانى
عبقال ما اتعلم الامضاء
لكن انا بكتب العين صح
واتعلمتها فى 10 سنين
عبقال باقى الاسم

عبده الرايق يقول...

ام الابناء
تحيه لكى منى انا الرايق ومن كل افراد فريق العمل
ونورتى بيتك ومطرحك
بارك الله لكى فى زوجك الاخ الكريم الطائر الحزين

عبده الرايق يقول...

مواطن مصرى نايم
انت فين ياض يا اسلام ؟؟؟؟؟؟؟؟؟
اختك صبرنى يارب عماله تشد فى شعرها وعايزه تتعلم تغير الاومليت بتاع المدونه
وامك فرنسا عماله تشد فى شعرها وعايزه تتعلم تنزل الوندز
روح ياولد شوف اختك وامك عايزين ايه
ومستنيك ترد عليا وتقول نفذت لهم طلبهم
قدامك خمس شهور عبقال ماتروح الدرافت
طبعا مشوار مانا عارفك

كاميليا يقول...

اهلا اهلا يا ابتاه

حمد الله على السلامة

ازى الشغل؟؟

يللا بقى علشان انا خلاص مسافرة

بعد ساعتين ثلاثة بالكتير

مستنياك عشان الساندويتشات وزمزمية المية

هاروح اجيب لك دولارات كندي عشان نغطى مصاريف البعثة التعليمية بتاعة العلامة الكبير حسن باشا الفراش

هو علامة فى ايه؟

عبده الرايق يقول...

كاميليا
اوووووووووه
نو
نو
نو
فى حد فى الدنيا ميعرفشى العلامه حسن باشا الفراش ؟؟؟؟؟؟؟؟
نو
نو
نو
اوعى حد يقراء التعليق ده يقول عائله الرايق مش بتقراء التاريخ
حسن باشا الفراش
علامه
علامه
ايوه صحيح
هو علامه فى ايه ؟؟؟؟؟؟؟؟

حنين القلب يقول...

بابا روقه
حمد الله على السلامه
البيت من غيرك كان مضلم
باباتى يلا بقى علشان تكتب كتابى
اخويا الطائر جاب ليه عريس
كرشه بن المعلم كوارع الجزار منتا عارفه طبعا
باباتى وافق والنبى عايزة اتجوز عاااااااااااااااااااااااااااا

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................