الجمعة، أغسطس 01، 2008

الصداع الشريرررر... والدماغ الخطير

الصداع الشريرررر... والدماغ الخطيررررر
تراتاتاتاتارا تيراراتتتتاراا تيراراتتتتتارتاراتيرارريرارارا
ههههههههه متستغربوش .. ده انا بس بدندن بمقدمة " انا قلبى خالى ولا انشغل بك " لليلى مراد
ما انا أصلى فى ساعات التجلى تلاقينى اشتغلت دندنة كده مع نفسى .. وانا بنضف الشقة ولا بغسل الاطباق
أحلى حاجة فى الدنيا دى لحظات الصفا والهدوء النفسى ولو انها قليلة جدا ونادرة أوى فى حياتنا .. ويمكن اهميتها جاية من ندرتها .. إيه ده ؟ خدوا بالكم دى نظرية اقتصادية عشان بس تعرفوا إنى مش زى اى حد ولا اى سبت وكلامى كله حكم هههههههههه
وعشان تعرفوا سبب الروقان .. تعالوا معايا واسمعوا الحكاية
يحكى فى قدييييييم الزمان ......... لا لا لا مش دى .. استنوا استنوا لقيتها أيوووووووه هى دى الحكاية .. صحصحوا معايا
بعد يوم شاق من الأشغال الشاقة المؤبدة الاسبوعية ونظام " اكنسى امسحى سيقى نفضى اكحتى اغسلى نضفى روقى .. اوعى تهلفطى او تتلكعى ولا تتجرمى شهلى لمعى " على رأى بنات المؤسسة فى مسرحية هالة حبيبتى
أصابنى صداع .. شرير .. متآمر .. صهيونى
أخدت له سيتال أقراص500 .. انه يسيبنى فى حالى أبدا ابدااااااااا .. خالص خاااااااااالص
وأنا أصلى من يوم ما حملت فى ابنى دودو وانا مش باخد غير سيتال اللى الدكتور كان كاتبهولى لأنه خفيف وغير مضر للحوامل والمرضعات .. يبقى أكيد أكيد ملوش الأضرار المعتادة للمسكنات الأخرى .. وطبعا السيتال العجيب معملش حاجة .. واستمر الصداع فى الدق والهبد فى طااااااخ طييييييييخ طوووووووخ فى رأس الغلبانة اللى هى انا .. طب أعمله إيه ده عشان يرحل عنى ؟؟ .. أعمله زار وأجيبله شمهورش وحبشتكاناته ولا أخبط راسى فى الحيط ولا اعمل ايه ؟؟؟
الرحمة من عندك يااااااااارب
قووووووووووم إيه ؟؟؟؟؟؟؟؟؟
واحدة جارتى بنت حلال قالتلى ان فيه واحد بيعدى كل يوم جمعة بعد الصلاة ومعاه ادمغة سليمة مش بتصدع .. أنا بينى وبينكوا مكدبتش خبررررررر وفحصت ومحصت وعملت استبيان بين الجيران أكدولى الخبررررررررررررررررررررررر
قعدت استنى يوم الجمعة .. وإذ فجأتن وأنا واقفة فى المطبخ ألاقى صوت عربية ماشية بتنادى .. " ادمغة سليمة للبيييييييييع .. بيب بيب بييييييييييب " قمت جريت على البلكونة وبصيت .. لقيت عربية نص نقل ملياااانة ادمغة .. بس المشكلة انى فى الدور الرابع ومش هاعرف أنقى كويس .. ولو نزلتله السبت ممكن يخمنى ويدينى دماغ مش مقاسى ولا تكون مصدعة ولا مخبوطة ولا حاجة .. قلت مبدهاش .. كان ابو دودو لسه مارجعش من بعد الصلاة .. رحت آخده دودو ونزلت تحت البيت وتوجهت للعربية ودار بينى وبين البائع هذا الحوار
أنا : إزيك يا حاج .. انا سمعت عنك كل خير .. عايزاك كده تنقيلى دماغ حلوة على مقاسى بس تكون زيرو .. " لا مش صلعة يعنى وكل واحد عارف نفسه ههههههههه قصدى تكون لسه بالتيكيت بتاعها "
الحاج : كل ادمغيتنا ميه ميه يا مدام .. شاورى انتى بس على اى دماغ تعجبك وهديكى عليها ضمان 6 شهور
أنا : بجددددددد .. خلاص هاتلى دى بس عرفنى طريقة الاستخدام .. وشاورتله على واحدة كده على يمينى
راح فاكيكهالى من كيسها وقاللى : ودى بتتلبس كده من الرقبة وقعد يشرحلى .. ودى طبعا يا مدام زى ما انتى شايفة فيها تجاويف خالية للعين والانف والفم والأذن .. ده غير انها مش بتغطى الشعر .. " يعنى زى الماسك اللى بيغطى البشرة بس "
أنا : ودى بتتلبس على طول ولا إيه ؟؟
الحاج : أيوه يا مدام البسيها على طول ما هو زى ما انتى شايفة كل دماغ لها لون بشرة مختلف .. وعلى حسب لون كل واحد بياخد اللون اللى يناسبه .. الأبيض بياخد الأبيض .. والأسمر بياخد الأسمر .. يعنى مش هتبان ده غير إنها مش بتتأثر بالماء ولا بالحرارة وتعمل على تلطيف حرارة الجسم .. والاهم أنها بتمنع وصول القلق والتوتر للعقل وتخلى اللى لابسها فى حالة انسجـــــــام
أنا قلت بالى : الراجل ده حافظ ولا فاهم ؟؟؟ معقول الكلام ده ؟؟؟
لقيته بيكمل .. وياريته ما كمل : واعتبريها زى طقم الأسنان

أنا : إيييييييييييه ؟؟؟ طقم الاسنان ؟؟؟؟؟؟ انت شايفنى هاتمة ؟؟؟؟؟؟؟؟؟
لا بقولك إيه خلى بالك .. ده انا أقرقشك وانت واقف
الراجل لحق نفسه وقاللى : مقصدكيش يا مدام العفو .. أنا بس قصدى انها سهلة فى التعامل معاها
أنا : خلااااااص .. أدينى هجرب ولو نفعت معايا .. هابقى آخد منك تانى لماما وزوجى .. واعين لإبنى فى جهازه .. مهو الصداع ده مش بيسيب حد
وأدينى أهه بكلمكوا وانا لابسة الدماغ العجيب ومتسلطنة عالآخر وبدندن " انا قلبى خالى ولا انشغل بك " يا سلاااااااااااام .. مفيش احلى من روقان البال
تحبوا اشتريلكوا المرة الجاية .. نسيت اقولكوا انها بـ 30 جند .. عشرين ليا .. وتمنها 10 هههههههه يظهر انى ها خلف الرايق فى الملاعب ههههههههههه
ها مين قال هات ؟؟؟؟؟
العرض سارى حتى نفاذ الكمية
أو نفاذ الصداع من الكره الأرضية
كانت معكم
سالى فوزى
من وحى صداع شرير متآمر

هناك 112 تعليقًا:

غير معرف يقول...

اول تعليق

حسن حنفى يقول...

مش مصدف نفسي اول تعليق بجد حد يقرصني

ههههههههه

عموما موضوع جميييييييل ومميز

انا عاوز دماغ من دي

هههههههههه

لان الصداع فعلا مش بيسيب حد

لو لقيتيها ابعتيهالي علي

sheva_hassan@yahoo.com

او ممكن تسيبيها علي المدونه

www.shevvaa.blogspot.com

تقبلي مروري

حاجات جوايا يقول...

إيه ده ؟؟؟
نزل امتى ده ؟؟؟؟؟؟؟؟؟؟
يا حلولى يا حلولى

ده انا داخلة بالصدفة البحتة

بس بجد مفاجاة جميلة جداااااااا
وخصوصا انى لسه راجعة بعد غياب شهر

يلا مستنيه رايكوا يا جماعة فى الموضوع
وسلامى لكل أسرة الضاحكون .. ضاحك ضاحك .. وضاحكة ضاحكة


سالى

maha zein يقول...

ايه ده انا خفت
قال بتتلبس من الرقبة قال
ومعرفش في منها الوان
لا والراجل بيتكلم بثقة
يا ماما
لا وايه كمان بتعمل علي تلطيف حرارة الجسم
يا حفيظ
مالها دماغنا ياختي مهي حلوة اهه ولا بتتلبس ولا بتطلع من الرقبة
ههههههههههههههههه
بس فعلا موضوع عسل ودمه خفيف
تسلمي يا سالى

Asmaa mahaba يقول...

لا حول ولا قوه الا بالله طيب يا بنتى اما المواسير ضاربه عندك قوى كدا مقولتيش ليه اهو كل دا من تقميع البسله وتقطيف الباميه
يا عينى يا سالى البنيه كانت بصحتها هاتولنا الدكاتره عبدو الرايق يا ولاد الحلال اهو على الاقل احسن من بياع الروس اللى تحتيكم دا
تحياتى ليكى سومه_87

Asmaa mahaba يقول...

الا قوليلى يا سالى يا بنتى مجربتيش ليه اتنين بانادول فى السريع
ولا اقولك اقتلى جوزك وودى دودو عند ماما واوعدك حترتاحى نوهائيا
تحياتى ليكى سومه_87

انت تسال والكمبيوتر يجيب يقول...

حلوه جداياسالى ....بجد حلوه تعرفى ليه
هذا الخيال ممكن يتحقق فى يوم من الأيام مش بعيد ...ماسك للصداع او للتفكير السليم او لهجر الخرافات والخزعبلات ....او للسلام ورقة المشاعر ...خيال يجر لخيال ...فكره خصبه ...والضحك تلقائى طبيعى بدون تكلف ...برافو

حاجات جوايا يقول...

احم احم
الو الو الو
1 2 3
1 2 3
فراشة الحاج لؤلؤ المرجانى ترحب بكم


وابتدى
ابتدى
ابتدى
الرد على التعليقات

حاجات جوايا يقول...

حسن حنفى
~~~~~~~~~
اهلا يا فندم نورت اول تعليق

حاجات جوايا يقول...

حسن حنفى
~~~~~~~~~~
ههههههههههههه
بس كده
غالى والطلب رخيص
تعالى يا ناموسة اقرصيه عشان يصدق
عندنا ناموس بس ايه ؟؟؟ بيورم جامد يعنى هتصدق هتصدق هههههههههه


شكرا شكرا شكرا
اول ما بتاع الادمغة يعدى هديله ايميلك يبعتلك دماغ مضغوط .. وعليك انت بقى فك الضغط ههههههههههههه

نورتنى اخى الفاضل

مواطن مصرى نايم يقول...

ههههههههههههههههههههههههههههه
و الله بوست ميه ميه
كالعادة يا سالى اعتمادك على الخيال رائع بجد الله ينور
بس فى اقراص (برونتو بلس)
دا بجد جامد جدا و ملهش اضرار للحوامل برضوا
و كل الحركات دى
بجد رائع تاخدى قرصين منه
و هو كمان رخيص مش غالى زى باقى ادوية الصداع
تحياتى
كان معكم طبيب محاسب اسلام

حاجات جوايا يقول...

maha zein
~~~~~~~~~~
هههههههههههههههه
ايه يا بنتى خايفة من ايه ؟؟
دى بتتلبس فوق الراس مش زى " لخمة راس "
ماسك يعنى من غير دبح ولا سواطير هههههههههه

بس بجد انتى اللى عسل والله

منورانا يا قمر

حاجات جوايا يقول...

سومه .. مجنونه فى بلد عاقل
~~~~~~~~~~~~~~~~~~~~~~~~~~
تقميع البسلة وتقطيف البامية
انا برضه اللى المواسير ضاربة عندى
ههههههههههههههههههههههههههه

هو فعلا مفيش غير الدكاتره عبده الرايق
هو اللى هيجيب القاضية
قصدى الفايده
هههههههههه

منورة يا سمسم

حاجات جوايا يقول...

سومه .. مجنونة فى بلد عاقل
~~~~~~~~~~~~~~~~~~~~~~
انا تقريبا مجربتش بنادول خالص
كانت ماما استعملته ومجابش نتيجة
وعموما انا مش بحب اخد مسكنات جامدة عشان بتتعب الكلة والكبد
و ربنا الشافى


اممممممممممممم
ايه الافكار الدموية دى يا بنتى حرام عليكى
ما انا لو قتلت جوزى هيعلقونى على حبل المشنقة .. وابنى هيتيم .. ورقبتى هتتعور من الحبل هههههههههه

وفى الآخر جوزى هيدخل الجنة وانا هدخل النار
يا ساتر على افكارك
ههههههههههههههه

حاجات جوايا يقول...

cairocomputer
~~~~~~~~~~~~~
اهلا اهلا اهلا
حللت اهلا ونزلت سهلا
بجد حلوة ؟ .. ايه الكلام الكبير ده ؟
اخجلتم تواضعنا يا فندم بجد والله
وياريت بجد يتحقق .. لان الصداع بجد بيسبب مشاكل كتير غير الالم الفظيع .. زى العصبية مثلا وعدم القدرة على التفكير واتخاذ القرار

أثريت الموضوع برايك يا فندم

نورتنا

حاجات جوايا يقول...

مواطن مصرى نايم
~~~~~~~~~~~~~~~
أهلا يا اسلام
شكرا ربنا يخليك
أخجلتم تواضعنا والله
يا نهار كسوف ملوش حل النهارده
هههههههههه

برونتو بلاس كنت باخده فعلا و نسيته من زمان ..
بس انا مش باخد قرصين من اى حاجة .. قرص واحد كفاية اوى .. أصلى مش بحب الادوية وبخاف منها .. حتى مع ابنى بحب اديله حاجات طبيعية للبرد مثلا زى العسل والليمون والينسون وكده

ربنا يبعد عنه التعب يارب وعن المسلمين

نورتنا يا طبيب محاسب اسلام

الطائر الحزين يقول...

ايه فيلم الرعب ده
ماسك وصداع

وصلى صوابعك فيشة الكهربا وانتى هتبقى زى الفل

حنين القلب يقول...

ايه ده ؟؟
واغير دماغى ليه وافرضى الدماغ التانيه فيها مرض معدى ولا ضيقه عليه ولا اى عيب اعمل انا اييييييييه ؟؟
انا اركب دماغى تانى
نو
نو
نو
بصى يا سالى لو فيه تغيير عمود فقرى شيلى ليه 2 لانى حاسه ان اخرتها هيشلوه خالص وابقى زى العرسه من غير عمود
بجد بوست حلو
سلام يا عسوله

بحبك يامصر يقول...

لا اله الا الله
الناس جرلها ايه
الناس بتكلم نفسها

عروسة ننوسة يقول...

هههههههههههههههههههههه
ياريت تشتريلى واحدة والحساب بعدين

WhItE HeArT يقول...

ههههههههههههههههههه

بعد الشر بعد الشر


انا نادرا لما بيجيلي صداع ولما بيجيلي بيبأه يوم استغفر الله العظيم يارب


عموما ممكن الاقيلك عندي مشتري بس اصيري على رزقك

ههههههههههه


تحياتي

كاميليا بهاء الدين يقول...

هههههههههههههه

البوست ده فكرنى بفيلم اسمه فيس اووف

انا بقول كل واحد دماغه مريحاه

اه صحيح ..
افرضى الدماغ دى طلعت رجالى؟؟
كان يحصل ايه؟؟

بوست عسول اوى


تحياتى

son's egypt يقول...

السلام عليكم
انا نفسي في دماغ هادية ومكنش عندها صداع كتير

ابن حـجـر الـعـسـقـلانـى يقول...

طب و الله عندك حق فى موضوع الصداع دة .. أن لما الصداع بيجيلى بابقى عايز أقطع دماغى و ارميها و مش عايز غيرها حتى


بس فكرة حلوة إننا نغير دماغنا دى .. أصل أنا بقالى فترة كدة زهقان من دماغى و نفسى أعمل نيو لوك

مدحت محمد يقول...

الحاجة الوحيدة اللى بتظبطنى هى الشاى الصراحة

همس الاحباب يقول...

هههههههههههه
ههههههههه
وعندك 3 دماغ خطير وصلحه
تعرفى انها فكرة جميلة
وممكن تتطبق فى الواقع
وحلوة تاخدى واحد تشيليه فى الجهاز لابنك ما هو جهاز كان ناقص دماغ خطير
وبعدين انتى بقيتى استغلالية كده ليه ولا الرايق بركاته حلت عليكى يا ست سالى

همس الاحباب يقول...

هههههه
هو انتى سالى بتاعت حاجات جوايا
ههههههههه
وانا بنزل البوست بقول مين سالى دى
طلعتى انتى وكنتى مختفية بقالك مدة
الحمد لله انك جيتى فى الوقت المناسب

انسان وبس ! يقول...

لا حول ولا قوة الا بالله

البنت ضربت خالص

الف سلامه عليكى

وبالشفا ان شاء الله

Mafrousa يقول...

انا جيييييت
إيه ده هوه لسه الرايق مش جه؟؟؟!!!!
ولا فرنسا؟؟؟!!!!
ليكونوش غيروا دماغتهم فى سوق الدمغه
و نسيو فين عنوان المدونه؟؟؟
ولا يكون الرايق طمع فى دماغ ملونه و عنيها ملونه؟؟؟
قاعد فى بيتهم للبنات تعاكسة؟؟؟
ولا فرنسا؟؟!!!!!
يالهوي على التهيس بتاعنا العالي
ده طبعااا لا ن رمضان داخل...
ونقول دلوقتي براحتنا

و انتي يا سالي يا اختي
عندك صوداع اندهي لمفروسة
ههههههههههههه
عندها حتة شاكوش يستاهل راسك المصدعة
ههههههههه
و آدي دقني ان جالك صداع تاني
هههههههههههههههه
اقولك يا اختي
تعلي اقعدي معيا على الكونيش و افتحلك واحد سفن من ابو بلاش بتاع روقه...و انتي دماغك تروق و تحلى


إلا الاخ او الاخت بتاع راديو كمبروتر مش لما يدخل يقول هوه مين؟؟؟
علشان نعرف نرحب بيه بس
و نشوف حنفتح بيبس من الجردل......؟؟؟
ولا من التلاجه؟؟؟؟؟؟

ما اهو احنا برضه و لاد الرايق عندنا اليونيفورم بتاع تيك و تاك
ممكن نلبسه.....
هههههههههه
و شغل العفاريت يشتغل برضه...ههههههههه
بس احنا نحب نعرف احنا بنكلم مين؟؟؟اه
و انا ابويا الرايق موعيني
قالي يا بت با مفروسة خدي بالك من المدونه انتي واخوكي خالد
واي واحد يدخل لازمن ولابد نعرف هوه مين
اه
احنا شغلنا على ميه بيضا...
ومن الجردل برضه

همس الاحباب يقول...

اختى مفروسة
كويس انك جيتى
احسن انا خايف اقعد لوحدى فى المدونة
بقت مسكونة يا ختى بالاشباح
وكل واحد داخل لابس معرفش ايه البتاع ده بتاع سالى على دماغه وهاتك يا رزع فى المدونة
حتى سالى هربت وسابت المدونة ولبست الماسك بتاعها وجريت

حاجات جوايا يقول...

أنا جييييييييت
امال فين باقى العيلة
فرنسا والرايق وسحر وآبى وصبرنى وكل الناس الحلوين

امممممممم
انتوا بتصيفوا ولا ايه ؟؟

اظهروا وبانوا عليكوا الامان
مستنايكوا اهه


سالى

حاجات جوايا يقول...

الظائر الحزين
~~~~~~~~~~~~~~~
بقى كده ؟؟
طب موافقة بشرط توصل صوابعك فى الفيشة اللى جنبها
هههههههههههه

العراف يقول...

ههههه حلو قوى القصه دى وانت كمان دمك خفيف جدا ماشاء الله عليكى انا اول مره ازورك وان شاء الله مش الاخيره مدونتك حلوه جدا بتخرجنا من جو كابه الدنيا ودوايرها المهم ربنا يوفقك ويزيد من خفه دمك عشان تسعدينا

حاجات جوايا يقول...

حنين القلب
~~~~~~~~~~
ههههههههههههههههه
لا يا حنين دى مش دماغ كاملة
ده ماسك مجوف مفيش فيه امراض
متخافيش على ضمانتى
مش بقولك مجرباه

امممممممم
هابقى اسألك على العمود الفقرى ده
اهه ينفع برضه

منورة يا قمر

حاجات جوايا يقول...

بحبك يا مصر
~~~~~~~~~~
هههههههههه
اه شوفت
ولسسسسسسسسسسسسسسه

حاجات جوايا يقول...

عروسه ننوسه
~~~~~~~~~~~~
اشتريلك واحدة ماشى

بس الحساب قبلين
مش بعدين
ههههههههههه
انا بقولك من الاول اهه

منورة يا قمر

حاجات جوايا يقول...

white heart
~~~~~~~~~~~~
ايوه كده دورلى انا صابرة اهه
بس مش هاصبر كتير يعنى
وممكن اشترى الكمية كلها واحتكرها وابيعها بالسعر اللى يعجبنى
اه امال ايه .. ما احنا فى زمن الاحتكار

دى فرصتكوا انمتوا مش فرصتى انا
هههههههه

نورتنا اخى الفاضل

حاجات جوايا يقول...

كاميليا
~~~~~~~
هههههههههه
لا متخافيش فيه محل للرجالى .. ومحل للحريمى .. ومحل للاطفال ولاد وبنات

اطلبى انتى بس وتصلك الكمية حتى باب المنزل والشحن مجانا
هههههههههههههه

منورة يا قمر

حاجات جوايا يقول...

son's egypt
~~~~~~~~~~~
وعليكم السلام ورحمة الله وبركاته
طلبك عندنا
هادية ورايقة ومتسلطنة وآخر انسجام

وتصلك اسرع من ماكدونالدز
ههههههههههههههههه

نورتنا اخى الفاضل

حاجات جوايا يقول...

ابن حجر العسقلانى
~~~~~~~~~~~~~~~
مش لوحدك والله
بس اه تصدق ممكن تعمل نيولوك وتاخد لون بشرة غير بشرتك ههههههه أهو تغيير

نورتنا اخى الفاضل

حاجات جوايا يقول...

مدحت محمد
~~~~~~~~~~
الشاى مع الفطار وبعده بيمنع الصداع طول اليوم .. ده عن تجربة
ويبقى يوم لونه فحقلى غامق لو مشربتش شاى الصبح

بس كعلاج مش بياثر معايا خالص

نورتنا اخى الفاضل

حاجات جوايا يقول...

همس الاحباب
~~~~~~~~~~~~
ايوه كده بدانا الشغل
عندك 3 دماغ خطير وصلحه لأبو همس
حلوة السبوبة دى فيها 60 ج
ههههههههههههههه

لا متخافش لسه مبقتش استغلالية أوى
ما انا عارفة ان كل اللى بيدخل المدونة هنا بييجى غاسل جيوبه بعد ما بيقروا التحذير اللى على الباب


بس انا طبعا عارفة عنوانين مدوناتهم
أول ما هبقى استغلالية هروح على طووووووووووووووول
هههههههههههههههه

منور الموضوع يا ابو همس

حاجات جوايا يقول...

همس الأحباب
~~~~~~~~~~
هى بعينها هههههههههههههه
ايه طلعت انفع ولا منفعش ؟؟
لو منفعش ما تقولش فى وشى
استنى لما ادور واغمض عينى واسد ودانى
هههههههههههههه

اه والله الحمد لله انى جيت فى الوقت المناسب
كنت هزعل اوى لو نزل من غير ما اشوفه


أمال باقى العيلة فين ؟؟؟؟؟؟

حاجات جوايا يقول...

انسان بلا عنوان
~~~~~~~~~~~~~~
هههههههههههههههه
خالص خالص
يظهر ان الصداع بيعمل تلف فى المخ

يلا البقاء لله

حاجات جوايا يقول...

واحده مفروسه
~~~~~~~~~~~~
والله يا بنتى منا عارفة راحوا فين ؟؟
ده انا قلت هيعملولى احتفال ويجيبوا تورته وجاتوه و بيبسى والذى منه
آجى الاقى المدونة فاضية و راشيين قدامها جامد لما هدومى غرقت

وبعدين ايه العيلة السوابق دى
واحد عايزنى احط صوابعى فى فيشة الكهربا
وسيادتك عايزة تكسريلى دماغى بالشاكوش
وسومه عايزانى اقتل جوزى
فيه ايه ؟ مالكوا يا ولاد الرايق ؟؟

انا وقعت فى ايد عشماوى ولا ايه ؟؟

بس لما مامتكوا فرنسا تيجى وهخليها تشوف شغلها معاكوا
هه بقى
هههههههههههه


بالنسبة لـ " cairocomputer" يا مفروسة فده الاستاذ صلاح حجازى صاحب مدونة netonradio.blogspot.com
ومقدم برنامج انت تسال والكمبيوتر يجيب فى اذاعة البرنامج العام

يعنى اطمنى فى بيتها مش حد غريب
وعندك واحد بيبس من التلاجه

وبعدين ايه حكاية الجردل والحاجة الساقعة دى .. انتوا بتبيعوا بيبسى عالكورنيش ولا ايه ؟؟؟ ... يظهر انى غبت كتير اوووووووووى ..

يلا روحى اندهلى لاخواتك بقى عشان جايبالكوا حاجة حلوة معايا


متتأخرررررررررريش

حاجات جوايا يقول...

همس الأحباب
~~~~~~~~~~
هههههههههه
منا نسيت أقولكوا ان الدماغ العجيب ممكن تلبسه بالمقلوب فيتحول لطاقية الاخفاء

يعنى تلاقى المدونة دلوقت مليانة ناس ومش باينين
ههههههههههههههههه


عووووووووووووو

حاجات جوايا يقول...

العراف
~~~~~~~~
أهلا بك يا فندم
ربنا يكرمك والله بس انا عايزة اوضح ان الموضوع ده هو الموضوع الوحيد لى هنا .. وان المدونة دى مش بتاعتى .. دى مدونة جماعية للضاحكين وعلى رأسهم الاخت الحبيبة فرنسا هانم .. والاخ الفاضل عبده الرايق
وباقى الاسرة الضاحكة تجدها على هامش المدونة الأيسر

نورتنا اخى الفاضل
ننتظر دوام الدوام ان شاء الله

حاجات جوايا يقول...

المدونة فاضية كده ليه ؟؟

هو فيه ايه ؟؟

لافى امتحانات وبتذاكروا ولا برد وبتدفوا ولا حاجة

حتى التلاجة فاضية ومفيش فيها كوبايه ميه

انا ايه اللى يقعدنى لوحدى


انا ماشية بقى

سلااااااااااااام

عاشقة المسرح يقول...

شكلك تقلت العيار يا حلوة
بلاش تشربي عصير مانجه كتير
هع هع هع هع

كاميليا بهاء الدين يقول...

سالى

.....
لا متخافيش فيه محل للرجالى .. ومحل للحريمى .. ومحل للاطفال ولاد وبنات
اطلبى انتى بس وتصلك الكمية حتى باب المنزل والشحن مجانا
.....

لأ أنا مش عاوزة دماغ

أنا عايزة قلب

شوفى كده الراجل ده عنده قلوب؟؟
بس تكون جامدة ومتينة كده.

.

همس الاحباب يقول...

ههههههههه
كامى
عايزة قلب
وانا عايز كرشة وفشة
هههههههه
سالى اتفتح مسمط يا جدعان
واتجيب كوارع
والطلب عليه خدمة 5 جم هى تاخد اجند
وانا 4 جند
يلا خليها علينا احنا

همس الاحباب يقول...

سالى
لا يا ستى تنفعى ونص بس انا عارف سالى حاجات جوايا وام دودو حبيبى
اما سالى فوزى كان الاسم جديد شويه
بس الحمد لله انك جيتى فى الوقت المناسب
اما باقى افراد الاسرة الموقرة
فاعتقد والله واعلم انهم سافروا البرازيل يشربوا قهوة ويرجعوا تانى
الرايق اخدهم فى طيارة ورق وسابنى انا ومفروسة وكاميليا علشان ننضف المدونة

همس الاحباب يقول...

سالى
اقولك على سر بس ما تقوليش لحد
اقوللك عيلة الرايق فين
ولا بلاش ياستى اتروحى تفتنى عليه وهما عيلة مفترية وايدها تقيلة
وعندهم جارة حشرية اسمهما سومة .. المسمومة غاوية تاكل لنشون بايظ وتتحشر فى كل حاجة

غير معرف يقول...

السلام عليكم
أصدقائنا وأعزائنا المدونون وجميع أعضاء وزوار مدونة الضاحكون
الآن

مجلة علّي صوتك
مجلة المدونين
منهم وإليهم
لينكها http://3allisotak.net/

عبده الرايق يقول...

هاااااااااااااااى
ايفرى بدى
عوده المؤمياء
قصدى
عوده الرايق
انا هاروح اتصفح المدونه من النقطه اللى سيبتها فيها
واعود للمناكفه والخناق وشد الشعر
واحسن حاجه
ان الرايق بدون شعر
يعنى هشد شعركم
ومحدش هيقدر يشد شعرى

همس الاحباب يقول...

سمع هس
سمعنا اجدع سلام صعيدى شحط محط
بمناسبة عودة الرايق الكبير لقواعده سالما
وكفارة يا روقة
وايه رايك فى العيش والحلاوة
ولا العيش واللانشون بتوع سومه
روقة يا جدعان طلع من الزنزانة بكفالة قدرها 1/2 مليون يورو
ماما فرنسا واخواتى لموا الفلوس من قدام الجوامع ودفعوا الكفالة للرايق
علشان كده هما كانوا مختفيين اليومين اللى فاتوا
بس انا ومفروسة قعدنا وسبيناهم لوحدهم
عرفتى السر بقى يا سالى
اوعى تقولى لحد وخصوصا الرايق

همس الاحباب يقول...

والان مع هذا الفاصل الاعلانى الراقص
بمناسبة عودة بابا الرايق
وعقبال عودة ماما فرنسا
وباقى الاخوة المشردين فى الشوارع وامام الجوامع
اروح المهممن الشارع بقى كفاية عليهم كده
وهتبدا العائلة فى الظهور مرة اخرى

قوس قزح يقول...

لولولولوى
ابونا ظاهرررررررر يا رجالة
اما انت صحيح رااايق

عودأً احمد و محمد و عبدالعال

عقبالك يا فرنستى ما تيجى و تنورى تانى
انا خايفة يكون الرايق كان بيتخلص منك بعد ما عرف ان العجلاتى عينه منك

همس الاحباب يقول...

هههههههههههه
اول واحدة فى بنات الرايق
ظهرت قوس قزح
اصلها كانت قاعدة قدام الجامع اللى اول الشارع
رحت جبتها جرى وجيت
يا حرام كانت تقطع القلب
وما فيش حد عايز يعبرها ولا حتى بشلن مخروم

كاميليا بهاء الدين يقول...

همس الاحباب

خاااااااالد

....
ههههههههه
كامى
عايزة قلب
وانا عايز كرشة وفشة
هههههههه
سالى اتفتح مسمط يا جدعان
واتجيب كوارع
والطلب عليه خدمة 5 جم هى تاخد اجند
وانا 4 جند
.....

اهو الكلمتين دول هما اللى رجعوا الرايق طاير من راس سدر
علشان يقعد على الكاونتر يستلم الفلوس

نو بيزنيس هنا ويزاوت رايق
.

همس الاحباب يقول...

ههههههههههههه
يلا وادى تانى واحدة من بنات الرايق وصلت كاميليا
دى بقى شغالة تشحت من الناس بالالمانى
ومفيش حد فاهم هى بتقول ايه
والناس ماشية جنبها مزبهلة وبتقول ختى الاجانب طلعوا زينا يا جدعان
وجايين يشحتوا فى بلدنا يا هووووووو

كاميليا بهاء الدين يقول...

همس الاحباب

نو
نيفر ايفر

انا كنت قاعدة فى الكافيه مستنية وصول الرايق على الطائر 707 اجرة السويس وشوفته وهو نازل
بس مش عارفة ليه كان ماسك مثلث وشنطة اسعافات اولية!!!!

.

عبده الرايق يقول...

ابنائى وبناتى الاعزاء
اهلنين وسهلنين
بالايدين الاتنين
انا سعيد جدا بوجودى بين اولادى الاحباء
وحتى حماتى بلطجيه هانم
وجارتنا الحشريه سومه
تحياتى لكم جميعا
والى اللقاء فى برنامج اخر
والسلام عليكم

عبده الرايق يقول...

نو
نو
نو
العنوان غلط
برنامج ايه انا معاكم
بس انا مزنوق فى حق اللموزين
وشويه فكه كده قد 20 الف جند
الرجاء
لم المبلغ المطلوب قبل يومين

عبده الرايق يقول...

همس الاحباب
قوس قزح
كاميليا
فين اخواتكم ؟؟؟؟؟؟؟؟؟؟؟؟؟؟؟
اوعوا يكون الديب اكلهم

عبده الرايق يقول...

جدع ياض يا همس
لم اخواتك وتعالوا اتعشوا
بابا جايب لكم عشاء محصلشى
معزه بدويه انما ايه مربربه
تعبت وانا بجرى وراها واخبيها من العرب
نو
نو
نو
مش سرقه
انا مستلفها منهم
وهارجعلهم العضم بتاعها بعد ما ناكلها

عبده الرايق يقول...

قوس قزح
كل دى زغروده !!!!!!!
الجيران صحيوا
عموما انا بشكرك جدا
بس هو العجلاتى ده احول ؟؟؟؟؟؟؟؟؟

عبده الرايق يقول...

كاميليا
انا فاهم انتى بتقولى ايه
الواد همس
نو يتكلم انجليزى
لكن ابوكى الرايق لبلب فى الانجليزى



نو بيزنيس هنا ويزاوت رايق

يعنى بتقولك يا همس الاحباب يا فالح

انا هسلف الرايق 550 دراخمه
اتعلموها بقى
كده فضحنى بين الاجانب
اقول انا ايه بقى لكلينتون رئيس امريكا لما يقابلنى فى طابور الفرنه ؟؟
ها
ردوا عليا
اقول اولاد الدكاتره عبده الرايق مش عارفين يتكلموا المانى
بس فى سؤال يا كاميليا
هو الكلام ده المانى ؟؟ولا انجليزى ؟؟؟

كاميليا بهاء الدين يقول...

هاى هتلر
نو
نو
مش دى

هاااى رايق

حمد الله علي السلامه


....
كده فضحنى بين الاجانب
اقول انا ايه بقى لكلينتون رئيس امريكا لما يقابلنى فى طابور الفرنه ؟؟
....

كلينتون مين؟ كلينتون خلاص راح فى الوبا

وبوش ندهتو النداهة ابقى روح شوفه وهو بيقول (شئ من بعيد ندااانى .. واول ما ندانى جرالى ما جرالى) وهو راكب العجله بتاعته وبيلف المزرعة تقريبا مش عارف عنوان الفرنة

.

عبده الرايق يقول...

ايه ؟؟؟؟؟؟؟؟؟؟؟؟؟؟
كلنتون مبقاش رئيس امريكا ؟؟؟؟؟؟؟؟؟
امال مين الرئيس ؟؟؟
وبعدين ازاى محدش يقولى
الدكاتره الكبير عبده باشا الرايق
اخر من يعلم
دنييييييييييييييييييييييييييييا

Empress appy يقول...

سالى
لما بيجيلى صداع متزمت وماسك فى قفايا مش عاوز يسبها بصدعه انا هههههههههههههههه
اه بجد بنطح ليه خروفين على معزتين ببقى فله
ههههههههههههههههههههههه

حنين القلب يقول...

يا رب كل اللى اكل من المعزة اللى جابها بابا وهو راجع بطنه توجعه
انا مش كلت يا مفاجيع
واد يا خالد هاااااااااااات حته
كلتها منا عارفاك مفجوع
كامليا انتى عارفه اننا توؤم ومولودين فى يوم واحد ازاى تاكلى واختك جعانه ماشى ربنا يسمحك
قوس قزح ده انتى حبيبتى يا داليا كده اهون عليكى كنتى شيلتى ليه القنصه
بابا... روقه الا قولى هى المعزة عندها قنصه ولا لاء ؟؟؟
المهم هاتوا اى حاجه اكلها حرام عليكم بقالى اسبوع مش كلت
هروح ادور فى النمليه مهو اصلا البيت ده مش تلاجه

المـــفـــــــقــــــــوعـــــة مــرارتـهــا يقول...

ولا يهمك ياحنين تعالي معايا عند الراجل الغني اللي ساكن علي الناصية هايدبح النهاردة
بس البسي لبس ماعليهوش القيمة ماتفضحيناش احنا رايحين نشحت بكرامتنا

اشوف فيك يوم شبه يوم المعزة كدة ياروقة بقي تجيب المعزة وتاكلها لوحدك وتنساني اكمني كنت نايمة عند حشرية تحت التكييف أخس علي بنتي اللي اتجوزتك

عبده الرايق يقول...

حنين القلب
سؤال وجيه برضه
هى المعزه ليها قنصه ؟؟؟؟؟؟؟
سهل الرد
بس سيبيلى فرصه يومين بس اخد دكتوراه فى القنصه للملكه الحيوان
طبعا الدكتوراه بتكلفنى كتير لكن انا بمشى الموضوع باتنين جند مع العلامه الكبير حسن باشا الفراش

عبده الرايق يقول...

حماتى الغاليه
انساك ازاى وازاى انساك
هو انتى كنتى نايمه تحت التكييف عند سومه الحشريه ؟؟؟؟؟؟؟؟؟؟؟
بس ازاى قدرتى تدخلى تحت التكييف دول معندهومشى مكان وحاطيين التكييف على الارض
ايه يا حماتى
انتى هواء ؟؟؟؟؟؟؟؟
وعموما ياستى انا ماليش بركه الا حماتى الغاليه
وهسيبلك شويه شوربه تعومى فيهم

عبده الرايق يقول...

نداء الى فاعلى الخير
كان فى واحده ست
عندها 12 بنت
قالولها يا ماما عايزين ناكل خوخ
قصدى
كان فى واحده اسمها فرنسا هانم
متغيبه من 10 ايام
السن ....40 سنه
اللون... ازرق فوشيا بخطوط صفراء
الطول .... 243 كيلو جرام
ترتدى نظاره نظر وباروكه 6 طبقات و4 نظارات شمس
من يجدها الرجاء الاتصال بمندوب وزاره الخارجيه فى السويس

همس الاحباب يقول...

هههههههههه
الرايق بيدور على فرنسا يا جدعان
فعلا القط مش بيحب غير خناقه
يلا فرنسا شدى حيلك واظهرى من تانى
بلاش تشمتى فينا العوازل
تيتا مفقوعة ظهرت اخيرا
منورة يا تيتا اوعى البنت سومه تكون اكلتك لنشون من بتاعها
حنين القلب
ههههههه
حلوة مفجوع دى
دى على وزن فجع يفجع فهو مفجوع مش كده وعامة انا مقدرش انساكى انا سبتلك ديل المعزة وظوافرها والقرون بتوعها اهم ينفعوكى فى قعدة الزار اللى بتعمليها مع ريا وسكينة

Empress appy يقول...

عبده الرايق
===============

انت حتى كتر السفر بتاعك خلاك توصف فرنسا غلط
صوتى ياللى انتى مش معزمه هنا

يا عمنا لونها بينك فى بلو
يوووووووا انت بجد عاوز تغير بيربيريز النظاره
او اقول لك ركب مساحات زى بطوط
وشيل الفيميه اللهى يسترك ههههههههههههههههههههه

قوس قزح يقول...

ياربى على الناس و حقدهم

هو انتم يعنى كنتم موجودين لما الرجل رجع بالسلامة و فرحنا به و علمنا فرح

و بعدين احنا خوفنا من الفتنة على خرفان ابى

و قلنا نخلص من المعزة بسرعة

قوس قزح يقول...

لاااا بقى
الالوان دى تخصصى

فرنسا كانت لابسة لون فوحلوئى منقط بدهبى
و تحته عباية قماشها جر شكل و مبطشة بلون دم الغزال الجريح

افهموا فى الالوان بقى

قوس قزح يقول...
أزال المؤلف هذا التعليق.
Empress appy يقول...

قوس قزح
=======
يا بنتى انا خرفانى لا تنظر للمعيز خرفانى متربيه كويس
الدور والباقى على اللى سايب معيزه دايره على حل فروتها ههههههههههههههه

همس الاحباب يقول...

اووووه
جينا للصداع والنحلة والدبور
وقوس قزح والالوان بتاعت البلياتشو
يعنى مفيهاش نوم النهاردة
ما هى الخرفان بتجرى وعمالة تنطح فى الناس

همس الاحباب يقول...

ايه يا رايق
هو انت شرفت
وسالى مشيت واختفت فى ظروف غامضة
اكيد اختلفتم فى توزيع ايراد مبيعات الماسكات انا عارفك عينك على السبوبة
عايز تعوض اللى فاتك يا روقة
تعالى ياسالى متخافيش رايق مش هياخد كتير نصيبه 99% من الربح والخسارة نصيبك انتى 100%
كده عين العدل

الطائر الحزين يقول...

الراجل بتاع الماسكات لسه معدى وجبت منه ثلاثة قلت اجرب الاول فى اخواتى البنات اصل العمر مش بعزقة بقالهم ثلاث ايام العصبى ركبهم مش عارف ليه لا عارفين يشيلوا الماسك ولا قادرين على الصداع

ايه الحل يا سالى
يمكن فيه غلط فى طريقة الاستخدام ولا الكتالوج

Empress appy يقول...

خالد
اتهد ربنا يهدك وبطل تجري ورا خرفانى

Empress appy يقول...

الطائر الحزين


ايه يا عمتا ده ماسك قافش فى وشي ومش راضى يطلع حتى عملت له زار مرضيش

حاجات جوايا يقول...

انا جييييييييييت

انتوا هنا ولا مشيتوااااا

أنا قلقانة بجد على خالتى فرنسا .. ياريت لو حد يعرف عنها حاجة يطمنا يا جماعة

حاجات جوايا يقول...

عاشقة المسرح
~~~~~~~~~~~

هههههههههه
يظهر كده برضه
طب تعرفى بجد ان المانجو والموز لو عندى صداع وكلتهم بيزيد

منورة يا قمر

حاجات جوايا يقول...

كاميليا
~~~~~~~~
مممممم
مش عايزة دماغ
وعايزة قلب


طب انا اعرف واحد اسمه محمد منير كان ماشى ينادى من كام يوم ويقول " حد عايز قلب فاضى "

لو ناوية اكلمهولك

ها ايه رايك ؟؟؟

حاجات جوايا يقول...

همس الاحباب
~~~~~~~~~~~~

ياااه جوعتنى
تعرف بجد نفسى اوى ادخل مسمط .. وآكل فتة كوارع وطحال وممبار
تصدق مفيش مسمط فى دمياط

ومعرفش من الأحشاء دى غير الكبدة والفشة والطحال

بجد جوعتنى .. وممكن اكلكوا دلوقت
ههههههههههههه

حاجات جوايا يقول...

همس الأحباب
~~~~~~~~~~~~~
ربنا يكرمك يارب
يا سلام على الألاطة .. راحوا البرازيل عشان يشربوا قهوة بس ههههههههههه

وانتوا يعينى اللى بتنضفوا .. بس انتوا بتكبوا ميه كتير اووووووووى

غرقتونى

حاجات جوايا يقول...

همس الاحباب
~~~~~~~~~~
يا سيدى قول متخافش
العمر واحد والرب واحد

انت هتقولى على سومه
ما انا مجرباها ههههههههههه

ربنا الحافظ

Empress appy يقول...

انا معاكي يا سالى
فرنسا النت عنها مقطوع ان شاء الله نلم لها ونجيب لها وصله تانيه

حاجات جوايا يقول...

مجلة على صوتك
~~~~~~~~~~~~
اهلا وسهلا يا فندم
مبروك صدور العدد الجديد
والى الامام دائما

حاجات جوايا يقول...

appyyyyyy
~~~~~~~~~~
انتى جيتى يا حبيبتى
الحمد للـــــه
انا اصلى بخاف اقعد لوحدى
برد عالتعليقات واجرررررررى

المدونة باين عليها مسكونة بجد
فيها اصوات غريبة
يا حفيييييييييييظ

حاجات جوايا يقول...

appyyyyyyyyy
~~~~~~~~~~~~
بجد النت مقطوع عندها
طب الحمد لله انها بخير
مفيش اغلس من قطع النت ده اصلا
اسألينى اناااااا

ربنا يرجعه بالسلامةعشان ترجعلنا بقى

شكرا يا جميل انك طمنتينى

حاجات جوايا يقول...

عبده الرايق
~~~~~~~~~~~~
اهلا أهلا حمد الله على السلامة
نورت بيتك يا مستر رايق

عودا حميدا

Empress appy يقول...

لا يا سالى دول مش عفاريت دول خرفانى مش تخافى يا حبيبتى

حاجات جوايا يقول...

همس الأحباب
~~~~~~~~~~
ههههههههههه
اه عرفت السر متخافش سرك هيتذاع عالفضائيات بس محليات لأ شوفت بقى انا كتومة أد ايييييييه ؟؟


كفارة يا رايق
بس 1/2 مليون يورو ده كتير أوووووووووى كانوا جابوا بيهم همر وشاليه فى مارينا احسن ههههههههههه مش كده برضه

حاجات جوايا يقول...

appyyyyyy
~~~~~~~~~~~~
ممممممم قولتيلى !!!!
وانا برضه بقول ايه العفاريت اللى ريحتها غريبة دى
هههههههههههههه

حاجات جوايا يقول...

فاصل واعود ان شاء الله

سالى

همس الاحباب يقول...

سالى وصلت يا جدعان
قولى بقى
الرايق اخد كام منك
شكله كده طفش بالايراد
وراح مسمط الجحش
بيعمل كوارع وممبار عجب

Empress appy يقول...

انت جيت يا خالد اهي مشيت

همس الاحباب يقول...

ههههههههه
ابى لا مشيت علشان خرفانك
وانتى الصادقة
عملتى المدونة مزرعة خرفان
ونحل ودبور
زهقت ومشيت

Mafrousa يقول...

مين اللى مشيت يا خااالد
ديه آبي
تلاقيها كانت بتعمل كمين للرايق بس
ديه آبي ياااابا
ديه بتربي الخرفان علشان العيد الكبير
و لما العيد الكبير يهل...
تقولك
خرفاااااااااااااني
إلا خرفاني
خدوا قلبي ولا تاخدو خرفاني
هههههههههه

حاجات جوايا يقول...

عدنا بعد الفاصل


هههههههه
طبعا مش هلاقى حد كالعادة
معلش يا ابو همس انا مشيت من هنا وانت جيت معرفتش ارد عليك

وبعدين ايه اللى بتقوله ده
انت متخيل ان ممكن الرايق ياخد منى حاجة
هوهوهوهووووو
مش اناااااا

محدش يقدر ياخد منى حاجة ابدا ابدا
ده انا قوية ومفترية

انا اديتهومله بمزاجى الحقيقة اصله يعينى كان لسه راجع من سويسرا اللى خرج منها بكفالة دى وجعان موووت .. وانا قلبى ضعيف هههههههههه

حاجات جوايا يقول...

appy
~~~~~
همس الاحباب
~~~~~~~~~~
ههههههههه
لا انا مشيت عشان أعمل شاى لزوجى وبعدين تم احتلال الجهاز .. إلى أن تم استقلاله ورفعنا العلم

حاجات جوايا يقول...

واحدة مفروسة
~~~~~~~~~~~~~
انتى جيتى ومشيتى علطول يا مفروستى
شكلى هحصلك الجو شكله كئيب كده وشتوى
تقريبا هتمطر فى المدونة
خوديلك ساتر بقى

حاجات جوايا يقول...

كاميليا
~~~~~~~~~
ههههههههههه
رجع بخدعة يا كاميليا
والمسمط طلع فاضى وخد منى الايراد وراح يجيب من المسمط اللى جنبه

شكلى كده انا اللى اتخدغت فى الموضوع ده
عااااااااا

حاجات جوايا يقول...

appyyy
~~~~~~~
ههههههههههه
لما بيجيلك صداع بتصدعيه انتى ؟؟
ههههههههههههههه
لا جدعة بجد يا آبى
مربية خرفانك كويس وبيردولك الجميل وقت الشدة

طب مش ناوية ترقيهم شوية جزاء جدعنتهم دى وتحوليهم لأحصنة مثلا هههههههههه

حاجات جوايا يقول...

الطائر الحزين
~~~~~~~~~~~~~
امممممممم
أكيد مقريتش التعليمات اللى فى المانيوال بتاعه
المفروض توضع طبقة من الكريم على البشرة قبل ارتداء الماسك

يا ناس ركزوا ماتفضحونااااااااش