الاثنين، فبراير 23، 2009

محطه الضاحكون الفدائيه

الرايق :- هاااااااى ايفرى بادى .... انا فيرى فيرى.. اند فيرى سعيد

فرنسا هانم :- ايه يا رووقه مالك داخل المدونه كده وبترقص وفرحان ؟

الطائر الحزين :- ايه يا بابا فى ايه ؟؟ اوعى تقولى عينوك رئيس للوزراء


الرايق :- نو نو نو ... رئيس مين ووزراء مين ؟؟؟ انا جايب لكم خبر يستاهل 15 جند حته واحده

همس الاحباب :- استنى بس يا بابا لما اجيب كرسى اقعد عليه قبل ما اسمع اخبارك .. احسن يغمى عليا من الخبر

حنين القلب :- فى ايه يا قوم مالكم ومال بابا ... انا سمعاك يا بابتى وكلى ودان صاغيه .. جولى ولا تخبيش يا زين .. لقيت لنا شقه ولا اتنين ؟

الرايق :- نو نو نو ... شقه مين وفول مين وطعميه مين ؟؟؟ انا استلفت قناه فدائيه على النايت سات .. وهسميها محطه الضاحكون الفدائيه

حنين القلب :- لاياعم انا ماليش دعوه بيكم بتيتا .. انا مش عايزه ابقى فدائيه .. انا عايزه استنى رمضان الجاى واتفرج على عمى عباس الديميرى


الطائر الحزين :- ايه حكايه فدائيه دى كمان يا با الحاج ؟؟

الرايق :- ولد يا طائر .. يا فلفسوف عصرك واوانك مش عارف يعنى ايه فدائيه ؟؟ استلمى بقى خلفتك البيضاء يا فرنسيس

فرنسا هانم:- استلم ايه ؟؟ هو انا اصلا فاهمه يعنى ايه محطه فدائيه

همس الاحباب :- ولا يهمك يا بابا انا فاهم وعارف ... انت ناوى تلبس قميص متفجرات وتروح تحارب الهكسوس ... اتكل على الله يا بابتى .. وربنا ينصرك .. وتحيى جمهوريه مصر العربيه .... اييييييييييييه دنييييييييييييييييييا

الرايق :- انا عارفك انت يا خالد يا سوسه .. عايز تتخلص منى علشان محدش يقلب جيوبك وانت نايم .. لكن بعينك .. انا قاعد على قلبكم

همس الاحباب :- طيب ايه بقى حكايه المحطه الفدائيه دى ؟

الرايق :- طبعا دى من مساوئ التعليم فى مصر .. نو نو نو .. دى مش مصر لوحدها دى كل قاره اسيا كمان ... اسمع يا فالح منك له لها لها ... القمر الصناعى ده مش بيطير فى الفداء ؟؟؟ يبفى القنوات بتاعته قنوات فدائيه ... صح يا عباقره ولا مش صح ؟؟؟

الطائر الحزين :- بس فهمت .. قصدك قناه الضاحكون الفضائيه

الرايق :- فضائيه !!!!!!!!.. ياعم روح نام اسمها الفدائيه مش الفضائيه .. عموما انا مش هدخل معاكوا فى جدل لغواتى .. فدائيه ولا فضائيه احنا مش هنتجوزها

فرنسا هانم :- طيب جبت منين القناه دى يا روووقه ؟؟؟

حنين القلب :- بابا .. ماليش دعوه ..انا عايزه قناه كروهات وقناه بمبى ليا لوحدى

الرايق :- خلاص يا روح بابا هاجبلك قناه لوحدك بتغنى العنب العنب العنب ... الحكايه يا قوم ... بلييييس ويت منت .... ولد يا همس .. هات التيبول دى علشان اقف عليها واعرف اشوفكم كلكم

همس الاحباب :- ماشى يا عم الحاج .. ادى التيبول .. قصدى الترابيزه اهى

الرايق :- بصوا بقى .. ذاتس ذا استورى ..القصه هى ان خال حسن باشا الفراش ... خرج من السجن اول امبارح وعلشان هو كان خارج حسن سير واسلاك ادوله 6 محطات فدائيه هديه على النايت سات ... وانا رحت ابارك له وخدت معايا عشر سجاير فرط .. ونص كيلو خيار .. وربطتين شبت وبقدونس .. قام الراجل الله يستره ادانى محطه فدائيه هديه ..وحلف برحمه سته ماهى راجعه

الطائر الحزين :- شبت وبقدونس يا حاج !!!!! طيب وهنعمل بيها ايه المحطه دى ؟؟


همس الاحباب :- ودى عايزه سؤال .. اكيد هنفرش بيها فى السوق ونبيع حرنكش

حنين القلب :- حرنكش ..... هييييييييييييييييييييه ... فكره جميله .. عايزه حرنكش عايزه حرنكش عايزه حرنكش

فرنسا هانم :- كلام الطائر مظبوط هنعمل بيها ايه ؟؟؟؟

الرايق :- احنا هنقدم فقرات متعضضه فى المحطه الفدائيه ... وانا الدكاتره الكبير والعلامه المشهور والحاصل على 46 ونص دكتوراه هقدم الفقره العلميه

حنين القلب :- ابا الحاااااااااااااااااج .... بلاش دى والنبى .. ابوس ايدك ابعد عن التاريخ والجغرافيا والعلم عموما ..خليك فى فن لعب البلى والكازوز احسن

فرنسا هانم :- طيب مش الاول تخلص كتاب معلم القراءه والكتابه علشان تعرف تقراء يا رايق

الطائر الحزين :- بجد انا تعبت كل يوم .. اقعد احل معاك الكلمات المتقاطعه .. وانا اللى اقراء وانا اللى احل وانا اللى اكتب .. وانت فى الاخر تقولى شفت ذكاء ابوك الرايق يا طائر

همس الاحباب :- وانا بصراحه زهقت من المعلومات الفالصو بتاعتك دى يا حاج ...وبعدين قولى مين اول رئيس جمهوريه لمصر

الرايق :- ههههههه ده سؤال يا ولد ؟؟؟ طبعا يا جاهل اول رئيس جمهوريه لمصر هو الامير قطز .. لما الراجل بتاع الفرنجه جاله وقاله .. طيب اكلم مين انا لما احب اكلم شعب مصر ..فى فيلم جهااااااااااااااد انتى فين يا جهااااااااااد

سلاااااااااامه انا هنا يا سلاااااااااامه

الطائر الحزين :- ههههههه لا اصبت واحسنت ...بارك الله فيك وصبرنا على ما نحن فيه ...بس كنا عايزين نعرف منك ..ايه هى عاصمه مصر ؟؟؟ اظن ده سؤال سهل جدا واى عيل فى ابتدائى يعرفه

الرايق :- هههههه كلام جميل كلام معقول مقدرشى اقول حاجه عنه ... شوف يا فلفسوف عصرك واوانك ...تعاقبت على مصر عده عواصم من العصر القديم والعصر الحديث منذ اكثر من 150 سنه ...وكانت هناك عده عواصم منها ... مساكن عين شمس .. والسبتيه .. وبولاق ابو العلا .. وبولاق الدكرور .. وعزبه النخل

فرنسا هانم :- هههههه ونسيت برج القاهره وبرج الجدى وبرج العذراء ...... يلا يا ولاد الاكل جاهز بلاش وجع دماغ ... تعالى كل يا رايق وبطل فضايح

الرايق :- طبعا هناكل .. وبعدين نفتح القناه انا جايب معايا طفاشه صينى معتبره

********************
********************

الى اللقاء مع اولى حلقات محطتنا الفدائيه

مع تحيات فريق العمل

بمدونه الضاحكون





هناك 32 تعليقًا:

عبده الرايق يقول...

هييييييييييه
اول تعليق
ابقى الحقى الترسو بقى يا فرنسا
ههههههه
*********
حنين
عوووووووووووووووودى يا حنين
بلاش بخل وادفعى تمن الوصله
وبعدين ابوكى الرايق سداد
من جنيه لعشر الاف جنيه
بس ادينى يومين او تلاته واصلح الماكنه اللى بتطبع الفلوس وابقى مليونير قد الدنيا
*********
الطائر الحزين
على فكره عندك غرامه 25 مليون جند علشان مشفتكشى البوست اللى فات
ها
هتدفع ولا ارفع قضيه ؟؟؟
**********
همس الاحباب
وانا بكلمك كنت بتقولى انك لسه جاى من البنك
ههههههههه
الواد حسن الفراش قالى ان همس بيضحك عليك
لان مفيش بنوك خالص فى مصر
وانا بصراحه مصدقه
عايز تفهمنى انك كنت بره مصر ورجعت فى ربع ساعه
نو
نو
نو
انا احتج واشجب وادين
********
صبرنى يارب
يارب تكونى بخير مش سامع صوتك
طمنينى عليكى

maiosha يقول...

لوووووووووووووولى
مبروك يا جماعة على القناة الفدائية الجديدة

بس والله برافو عليك يا رايق البقدونس والسجاير الفرط طلعوا بيعملوا عمايل

الله يخليك يا رايق متبقاش تنسانا فى المحطة الفدائية بتاعك دى

انا ممكن اشتغل فيها اى حاجة

إنشاله اطلع اخر الأرسال واعمل تششششششش

قولى انت بس وانا ابعتلك الwcبتاعى على طول

مبرووووووووووووك تانى مرة

maiosha يقول...

تالت تعليق بالمرة

غتاتة بقى

علشان متنساش بس

صبرني يارب يقول...

انا جيت اهو

معلش كنت مخستعه شويه


مبرووووووك مبرووووووووووك مبروووووووووك


وما كنتش اعرف والله ان فى شغل فى الكواليس

والنبى يا شوباب ابقوا زمرولي كده ولا اي حاجه
انتم عارفين السن وكده

متشكره اوي يا رايق على سؤالك علينا



والفدائيه حلوه اوي اوي

بالنجاح يا بشوات معلش ما لحقتش انا اشارك فى الكام حلقه الاولانين

تحياااااااااااااتي للجميع وواحشينى كلكم

حاجات جوايا يقول...

هههههههههههههه
يا قنواتك يا مصر
هى كانت ناقصة الفدائية دى كمان ؟؟؟

ربنا يكون فى عونك يا قارة اسيا هههههههههههههه

فى انتظار اولى حلقات المحطة الفدائية

سلامى للجميع
سالى

صيدلانيه طالعه نازله يقول...

مبروك يا جماعه و الله فرحتلك يا رايق
عايزاك تقدم برامج الشباب و المراه و الاطفال و الطبيخ
طبعا مش انت اللى جبت الخيار و الشبت تبقى بتاعتك

أحــوال الهـوي يقول...

مبروك تشبيت قصدي تدشين المحطة الجديدة هو قطر الصعيد بيقف فيها
و اهم حاجه تبقي فدائيه يعني نضحي بالجنين علشان الشعب يعيش

ماهي ناقصه

ياريت نعيش اول ارسال بس ما تنساش الاعلانات

تحياتي

الطائر الحزين يقول...

يا حلولى يا حلولى اقعدوا كدة افتحوا فى قنوات وسيبوا الاخبار تتسرسب مننا ازاى القمر الصناعى بتاعك يا رايق والحلة اللى انت حاطتها فوق العشة بتاعة المحطة مجبتش احداث الحسين

فرنسا هانم يقول...

ترسووووووووو
ترسوا على انهو رصيف يا رايق ؟
والله خايفه ترسوا على الرصيف بتاع عباره السلام
وبعدين انا مسيرى اتعلم جدوله البوستات وابقى اول تعليق

فرنسا هانم يقول...

سيب حنين فى حالها يا رايق
احسن والله انا اللى هاقف لك
مبروك يا ولاد القناه الجديده
وانا شايفه شغل جميل جدا فى الدرافت
ربنا يبارك فيكم
تحياتى للجميع

فرنسا هانم يقول...

maiosha
انتى تشرفى القناه يا ميوشه
اتفرجى انتى على الحلقات الاولى وشوفى القناه ولو حبيتى تشاركى يبقى شرف كبير لينا
وانتى عارفه الاميل بتاعى وبتاع الرايق
واحنا مستعدين لتلقى مشاركتكى فى اى وقت
تحياتى لكى

فرنسا هانم يقول...

صبرني يارب
ربنا يسمع منك يا صبرنى يارب
والقناه دى تعجب الناس
ونقدر نرسم البسمه اللى بنتمناها على الشفاه
وعلى فكره مشاركتك فى الدرافت ممتازه
تحياتى لكى

الضاحكون يقول...

اسمحوا لى اكمل باسم المدونه
فرنسا هانم

الضاحكون يقول...

حاجات جوايا
اهو لقينا فى زحمه القنوات اننا ندخل كده فى الوسط
بس ياريت نقدر نكون عند حسن ظن الجميع
وانا شايفه ان فى شغل بجد جامد فى الحلقات
تحياتى لكى يا سالى
وحشانى
فرنسا هانم

الضاحكون يقول...

صيدلانيه طالعه نازله
احنا فعلا برامجنا متنوعه
وفيها الكثير
ونحتاج عونكم جميعا لمساعدتنا على رسم تلك البسمه التى نتمناها
اما عن الخيار والشبت والبقدونس بتوع الرايق
هو برضه واخد فلوسم مننا يعنى احنا مشتركين معاه فى امتلاك المدونه
تحياتى الغاليه لكى

الضاحكون يقول...

أحــوال الهـوي
ههههههه
حلوه تشبيت ... تدشين المدونه دى
احنا فعلا مش نسينا الاعلانات
وعندنا ثلاث بوستات جاهزه باعلاناتها
فرنسا هانم

الضاحكون يقول...

الطائر الحزين
ازيك يا طائر
لا وكل شويه ماسك غطاء الحله بفوطه ويقولى الاسعار غليت الاسعار غليت
واقوله ليه ماسك الدش بالفوطه يقولى مش الاسعار غليت انتى عايزانى اتلسوع

عبده الرايق يقول...

ههههههههه
والله برافو عليكى يا فرنسا
رديتى على كل الناس
واحنا نقعد بقى فى بيوتنا
ههههههه
ممنونيين يا فرنسا
بس برضه ترسو

غير معرف يقول...

هذه مدونه جيده جدا
وفيها الكثير والكثير من الفكاهه
سلامى لكم جميعا
احمد الرويشى
السعوديه - جده

Doba يقول...

انا ليا عدة ملحوظات
====================
أولا الصورة اللى محطوطة بعنوان المدونة جميلة قوى بجد وشكلك يارايق اترسم كده ف مخيلتى بغض النظر عن الشكل الاساسى وطبعا قممممممممر
هههههههه

نيجى للنقطة التانية
==
موضوع الرايق وسقراطه ومرات الرايق عموما او فرنسا هانم بشكل خاص موضوع حلو قوى قوى ولو اتعمل فيلم كرتون او مسلسل بسيط هتبقى ضجه حلوة قوى

انت عامل الرايق بطريقة ممتااااااازة بكل تفاصيله وطريقته وافكاره

الطائر الحزين
حكيم العائلة كالعادة والعاقل اللى فيهم

همس الاحباب
بتاع مصلحتوووووووووو
بس احلى حاجة كانت تجارته بتاعت النمل

عسل عسل عسل - حنين القلب وانتى عاملة اخر العنقود ودلوعة بابا
=================
عمل موفق جدا ووقعت من الضحك لما عرفت ان فدائية معناها فضائية

انتو ممتازين وبتعملو تيم حلو قوى ومجموعتكم ممتازة ارجو الاستمرار والتوفيق الدائم

وحاول تاخد دروس يا رايق بقى احسن انت فضحتنا انت وحسن باشا الفراش

تحياتى لفريق العمل
هبة

همس الاحباب يقول...

الف مبروك على افتتاح القناة الفدائية
وربنا يخلى خال حسن الفراش يا رايق
وعلى فكرة انا ناوى اروح ازوره
يمكن ناخد قمر صناعى كماان بجوار القناة
وهنغرقكم وهنغرقكم قنوات

همس الاحباب يقول...

رايق
حسن الفراش قالك مفيش بنوك فى مصر
صدق كلامه يا جدع
وشوف مين هيسلفك 10000 جند علشان كاس العالم فى جنوب افريقيا
هههههههه
احتج براحتك
ويا ريت يكون فى الكيلو 95 طريق مصر بلصفورة

همس الاحباب يقول...

فرنسا هانم
يا سلام لو على الجدولة بسيطة
اشرحلك خطواتها فى ايميل
بالتفصيل الملل
ولا حوجة للرايق وغيره
وبعدين يارايق اشمعنى يوم الثلاثاء تنزل بوست
علشان بكون اجازة يعنى
وااجى متاخر دايما
عامة براحتك
ليك فرنسا يترد عليها

همس الاحباب يقول...

دوبا ام يوسف
ههههههههههه
حلوة بتاع مصلختووووووووو
بقولك ايه بالمناسبة
لوعندك نمل فى الشقة
بلاش ترشى بيرسول
اخوكى مزنوق فى صفقة والنمل شح فى البلد
هههه
منورة دايما يا ام يوسف
تحياتى

الضاحكون يقول...

غير معرف
ياسيدى اهلا بيك
واحنا بيشرفنا جده
قصدى جدا جدا
اننا نصل الى قلوبكم
شكرا لك ولكل السعوديه

الضاحكون يقول...

Doba
ههههههههه
هى الصوره من رسم اسلام ديو
وهو رسمها خصيصا للمدونه
وهو مسئول عن الشكل اللى خرج بيه الرايق
اللى هو العبد لله
لكن الحقيقه غير الصوره
المهم
انتى يا هبه دائما عونا كبيرا لينا والله
وانا ببقى مبسوط جدا من تعليقاتك
انا بقى عن الكرتون
ياريت احنا عندنا افكار كتيره
والقناه بتاعتنا فيها كتير جدا
والجاهز حاليا 4 بوستات نتمنى من الله ان تحوذ اعجابكم
اما من جهه الدروس وحسن الفراش
انا فعلا باخد حاليا دروس فى كل العلوم
لكن برضه عند حسن الفراش
اصله مبيكلفنيش حاجه
فطار وغداء ونص علبه سجاير يوميا بس على حسابى
ربنا يخليك ليا يا ابو على يا جهبز
ارق التحيات
لاختنا الكريمه
هبه

عبده الرايق

الضاحكون يقول...

همس الاحباب
نو
نو
نو
مال البنوك بقى ومال الفلوس ؟؟؟؟
دى حاجه ودى حاجه تانيه خاااااااااااااااااااااااااالص
انا فعلا محتاج 10 الاف جنيه من كل مدون ومدونه
يعنى مبلغ وقدره ؟؟؟؟؟؟؟؟؟
مش عارف كام
المهم الكل يدفع
وده لمساعده الرايق فى الذهاب الى جنوب افريقيا لمشاهده كاس العالم
همس
هتدفع يعنى هتدفع

عبده الرايق

Empress appy يقول...

وحشاتنى المؤامرات الاسريه دي
والفيلسوف مش هيبطل ابدا ابدا
اما باولو هم الاحباب ده ربنا يرحمكم منه

صبرني يارب يقول...

تسلمى يا فرنسا

ايوه كده حد يقولي رايه ايه ده يا جودعان
ههههههههههههههههههههههه

همس الاحباب يقول...

APPY
بقولك ايه ما تلمى خرفانك
وتلعبى بعيد
وابعدى عن باولو
احسن الراجل ناوى يعملك صبغة بمبى لون خرفانك

صبرني يارب يقول...

همس الاحباب

والنبى ابقى ابعتلي الاميل ده انا كمان الهي يخليك

بتاع الجدوله ده يمكن نتزنق فيه اصل جربت مره اعملها عندي بهدلت الدنيا

غير معرف يقول...

انا منتظره افتتاح القناه دى يارايق
واسمها فضائيه ولا فدائيه ميهمش
اهم حاجه تنجح علشان تقدر تجيب لى بلوفر يدفينى فى الشتاء حراااااااااااااااااام عليك جتتى تلجت