الاثنين، فبراير 16، 2009

الرايق ... وانتخابات مجلس الشعب

سقراطه :- ايه ده فين الانتريه بتاعكوا ؟؟

مسز رايق :- ااااااااه يا نعمه ياختى سيبينى فى همى وغلبى

سقراطه :- هم وغلب !!!!!! .. فى ايه ياختى كفا الله الشر

مسز رايق :- المحروس بسلامته عبد باشا الرايق باع الانتريه والتلاجه وانبوبه البوتاجاز

سقراطه :- ايه الكلام ده ؟؟ ده شغل مجانين ولا عاقلين ؟؟ وباعهم ليه المتعوس ده ؟؟؟

مسز رايق :- والله مكسوفه اقول ايه ولا ايه

سقراطه :- قولى ياختى انتى هتتكسفى منى ؟

مسز رايق :- بسلامته ضربت فى نافوخه يترشح فى انتخابات مجلس الشعب

سقراطه :- نعم نعم نعم فين احنا وفين انتخابات مجلس الشعب ؟؟؟ ايه الكلام ده ؟؟ وانتى ازاى تسكتى على جنانه ده ؟؟؟

مسز رايق :- بس بس احسن باين على المحروس بيفتح الباب وداخل

الرايق :- واحده هاااااااااى لمسز رايق ... وربع هااااااااى لسقراطه هانم كعب الغزال

سقراطه :- غزال لما يلهفك .. ايه الجنان بتاعك ده ؟؟ ازاى تبيع الانتريه والتلاجه وانبوبه البوتاجاز ؟؟

الرايق :- وات ايز زيس ؟؟؟ ايه ده يا سقاريطو ؟؟ هو انا اتجوزت عند مأذون احول بدل ما يكتب كتابى عليكى كتب كتابى على اختك

سقراطه :- وانت تطول يابو رياله ؟؟ دى غلطه عمرنا اننا نسبناك .. انا بندم على جوازك من اختى طول عمرى

الرايق :- بس يا متخلفه انتى .. شط ااب يور ماوس .. وماوس يعنى فار والمعنى فى بطن الشاعر .. ههههههه

سقراطه :- بالذمه مش مكسوف من نفسك ؟؟؟

الرايق :- انا يا متخلفه انتى واختك بعمل مستقبل مشرق لحزب الرايق الجديد مستقبل مصر والسويس وقاره اسيا كلها .. انا بلا فخر هاعمل اجدع حزب ديدوقراطى تقدمى عدم انحيازى .. واحب ابشرك انه هيكون الحزب الاول والاعظم مش فى السويس بس ... نو نو نو .. ده هيكون الحزب الاول فى مصر كلها بل فى قاره اسيا كلها

سقراطه :- اسيا ؟؟؟ واحنا مالنا ومال اسيا يا دكاتره يا متعلم ؟؟؟

الرايق :- مالنا ازاى يا جاهله ؟؟؟ احنا مش فى قاره اسيا ؟؟؟ هه ردى .. احنا فى اسيا ولا مش فى اسيا

سقراطه :- لا فى اسيا معلش اصلى جاهله متاخدشى عليا .. ايه بقى حكايه الانتخابات دى ؟؟ وبعدين احنا فين والانتخابات فين ؟

الرايق :- بصى يا كومه تخلف .. النائب الجد يحب الجد .. والنائب الشاطر يعمل لنفسه دعايه من بدرى مش نستنى ليوم الانتخابات ونعمل الدعايه .. انا انا هترشح مرسيدس ولازم اكون مجهز نفسى كويس


سقراطه :- مرسيدس هو فى ترشيح مرسيدس ؟؟؟

الرايق :- ههههههه طبعا يا متخلفه .. مش فى مرشح فيات ومرشح مستكل يبقى الدكاتره عبده باشا الرايق لازم يكون مرسيدس .. بصى يا سقاريطو انا خلاص جهزت كل حاجه .. والواد حسن باشا الفراش هيبقى مدير الحمله الانتخابيه بتاعتى لكن انا محتاج معونه ومحتاج دعم
سقراطه :- انت مش بعت عفش بيتك ومعاك فلوس
الرايق :- فلوس ايه وعفش ايه .. انا صرفت كل الفلوس على 3 ندوات فى اطار برنامجى الانتخابى .. الندوه الاولى كانت فى الكيلو 112 طريق مصر السويس وعملتها فى الصحراء علشان الاعداد الغفيره اللى كانت هتحضر الندوه لكن للاسف انا راحت عليا نومه ونسيت اروح الندوه .. والواد حسن الفراش قالى ان الندوه حضرها 96 مليون ناخب كلهم من السويس .. اما الندوه التانيه فعملتها على الراديو مباشره وعملت 100 يافطه كبيره وكتبت عليهم اسم حزب الرايق الجديد علشان الناس فى الراديو يشوفونى ويعرفوا برنامج حزبى .. والندوه التالته بقى عملتها فى بيت مدير حملتى الانتخابيه العلامه حسن باشا الفراش وده كان اقتراح العلامه ابو على قالى بدل ما نتعب نفسنا ونتعب الناس نشترى عشرين كيلو لحمه وفاكهه وساقع ونعمل الندوه فى البيت وللاسف محدش جه خالص لكن العلامه حسن باشا قالى انا هاحكى لكل الناس على طعم اللحمه اللى يجنن

هناك 35 تعليقًا:

Eng. Ahmed Abo El-Ella يقول...

الله يكون في عون مسز رايق
ههههههههه

اللؤلؤة يقول...

السلام عليكم
الأخت الكريمة.... لأ حلوة ويوجد على شاكلة الرايق فى أرض الواقع كثير
تحياتى

جنّي يقول...

السلام عليكم

سيادة النايب عبده الرايق

هي دي اخرة اللعب مع السياسة .. ها تبيع عفش البيت حتة حتة وحسن الفراش ها ياكل بتمنهم لحمة .. بس انا مش معاك انك تبيع انبوبة البوتاجاز نفرض حسن الفراش حب يسخن الحاجة الساقعة ها يعمل ايه دلوقتي ؟

ممكن سؤال ولا مؤاسفة .. مش اسيا دي هي منتجة السيما بتاعة زمان ؟؟

maiosha يقول...

لووووووووووولى

والله وهتبقى سيادة النايم يا رايق
أمانة عليك يا سيادة النائب .. متهتمش بالسويس بس .. عايزينك تاخد مصر كلها على قلبك عايزينك تبقى عالمى.. هو إنت أى نايب .. ده غنت نايب مرسيدس على سن ورمح

وياريت بتعتلنا كيلو لحمة الله يخليك للعيال.. وكرسى من عندكو بالمرة من العفش اللى عمالة تبعزق فيه يمين وشمال ده
وعقبال ما اشوفك وزييير يا رب
بس وزير بى غم دابليو المرة دى بقى

الفقير الى الله يقول...

والله وعملوها الرجاله

يعني خلاص هيطلع حزب مش ممكن مش ممكن
بس ياريت ياريت لما تترشح ويعينوك متنساش الغلابة زي اللي سبقك والمعني في بطن الشاعر !!؟؟

تحياتي

Doba يقول...

تنتخبوا ميييييييييييين

عبده الرايق
=====
بتحبو ميييييييييين

عبده الرايق

بيب بيب
روووووووووووقه
بيب بيب
رووووووووووقه
===============
يلا يا حارة ضلللللللللمه روقه اللى نورناااااااااااااااا

يلا يا حارة هس هس روقه هيعملكو الحس

ويااااااااااااهوووووو
روووووووووقه اهوووووو
============
الف مبروك يا سيادة النايب
والله ربنا بيحبنا ورزقنا بزينه الناس

مهى الدنيا لن تستقيم الا بوجود الرايق وسط دائرة الكبار العظام

والعظام من اللحمة واهى كلها فايدة
الف مبروك يا باشا

انا على اتم استعداد انى اقدملك 100 صوت منى لوحدى بس صوت ايييييييييه حيانى حيانى يعنى

يالهووووووووووووووووووى

اسلام يقول...

ههههههههههههه
هههههههههههه
ههههههههههه

فرنسا هانم يقول...

بعت البوتاجاز يا روووقه
هههههههه
طيب ماهو ده المتوقع من نائب عاقل ورزين زيك
فاهمنى
عاااااااااااااااااقل
ورزيييييييييييييييين
ههههههههه

فرنسا هانم يقول...

اخوانى واخواتى
زوار المدونه الكرام
انتظروا معنا
الحلقات الضاحكه
محطه الضاحكون الفدائيه
دمتم بخير

فرنسا هانم يقول...

انت فين يا روووقه ؟؟
اوعى تكون عملتها
لا متفهمنيش غلط
انا قصدى اوعى تكون عملتها وبقيت نايب قد الدنيا
بس هى نايب يعنى ايه ؟
طول عمرى اسمعهم بيقولوا خايب ونايب

عبده الرايق يقول...

Eng. Ahmed Abo El-Ella
وانا يا مستر احمد الله يكون فى عونى
شكرا لك

عبده الرايق يقول...

اللؤلؤة
ههههههه
عمى اللؤلؤه
كاتب التدوينه هو عبده الرايق
وهو مذكر
وانت قلت اختى الكريمه
انا عايز حقى
ههههههه
برضه تحياتى لك

عبده الرايق يقول...

جنّي
هههههههه
لاحلوه ياسعيد
فعلا اسيا هى منتجه افلام السينما زمان
وهى اللى انتجت فيلم الناصر صلاح الدين
لكن انا مش اقصد اسيا دى
انا اقصد اسيا الدوله اللى عاصمتها برلين
اصحى معايا يا سعيد
دى اسيا ودى اسيا
تحياتى الغاليه لك
وطمنى وصلت مصر ولا لسه

عبده الرايق يقول...

maiosha
طبعا انا سوف اهتم بمدينه مصر كلها من الاسكندريه جنوبا الى راس غارب شمالا الى بيت ام اسماعيل شرقا الى ساقيه الراعى غربا
انا فداء لمصر كلها
واللحمه هتبقى على عينك يا تاجر
للعرض فقط
تحياتى لكى ولخفه دمك

عبده الرايق يقول...

الفقير الى الله
انتخبونى وانا لن انسى الغلابه
انا سأظل فداء للوطن
ومن قدم شىء بيداه التقاه وهنيه لك يا سارق الخير والثواب والمعنى فى بطن الشاعر
على فكره عمنا الشاعر بطنه اتملت للاخر

عبده الرايق يقول...

Doba
لاداعى للهتاف
لاداعى للهتاف
دعونا نعمل فى صمت
نعم دعونا نعمل فى غايه الصمت

وهييييييييييييييييصه
هيييييييييييييييصه
هيييييييييييييييييييييه
ولا يا رايق
لم الدور
والله مانا حاله
روح لبويا وقاله
كف سويسى للصباح
ترن ترنتن ترن ترتن
هههههههههه
وحشتينا جدا جدا يا هبه
والله ليكى اسلوب بيموتنى من الضحك
تحياتى الغاليه لاختى الكريمه
هبه

عبده الرايق يقول...

اسلام
هههههههه
ياسيدى بس كفايه ضحكتك
انا مش عايز غيرها

عبده الرايق يقول...

فرنسا هانم
عااااااااااقل ورزين
عااااااااااااااقل ورزين
تقصدى مين يا ام قويق ؟؟
قصدك انى مش عاقل ورزين ؟؟
وبرضه حاطه المعنى فى بطن الشاعر
نو
نو
نو
فرنسا انا معايا دكتوراه فى العقل من جامعه العباسيه فى ام ستردام بهولندا
ودكتوراه تانيه من ابو ستردام برضه من هولندا
ناهيك عن الدكتوراهات الكتيره من اخوات استردام وقرايبهم
بصى يا فرنسيس شوفى انتى بتكلمى مين

عبده الرايق يقول...

فرنسا هانم
اقولك يا فرنسا يعنى ايه نايب
بصى يابنتى
عندنا فى الصعيد لما بيجى العيد الكبير وبناكل لحمه
بتبقى فى حراسه مشدده من كل افراد الاسره على طبق اللحمه
وبيبقى فى جهاز مخابرات من الاب والام على باقى افراد الاسره مين بص للحمه ومين شاور على اللحمه
وفى نهايه الطبيخ
بتقوم الام بتوزيع اللحمه على الشحاتين قصدى افراد الاسره
وكل واحد له نايب
واحد يطلع النايب بتاعه سمين ولا احمر ولا دهن ولا حرامى قروض ولا محتكر
كل واحد والنايب بتاعه
فهمتى يعنى ايه نايب ؟؟؟؟؟؟؟

عبده الرايق يقول...

الرجاء من اعضاء فريق العمل الدخول للدرافت

همس الاحباب يقول...

ههههههههههه
هههههههههه
هييييييييييه
الرايق بقى نايب
انا من اول ما شوفتك وانا عارف انك نايب
بس انا معترض
ممكن امسك الحملة الانتخابية بتاعت حضرتك
مكان حسن الفراش

همس الاحباب يقول...

وانا من موقعى هذا اعلن على الملا ان الرايق وبس هو النايب ولا نايب الا الرايق
طب هو انت بعت الانبوبة وسبت البوتجاز ليه
96مليون ناخب من السويس فقط
هى السويس دى مش عاصمة الصين برده
وبعدين برنامج انتخابى فى بيت حسن الفراش
ههههههههههههه
ههههههه

همس الاحباب يقول...

هههههههه
ههههههههه
جامدة يا روقى تسلم الايادى
بالنسبة للدرافت
دخلت وشوفت وجارى التنفيذ فورا
ومجهود جامد يا سيادة النايب

غير معرف يقول...

طيب كنت خلى البوتاجاز يمكن ينفع فى كوبايتين شاى كشرى ولا حاجه
ولا انت مش ناوى تشربنا حاجه
لاننا بصراحه مش متأكدين انك ممكن تسقينا حاجه ساقعه من ام واحد جند
ههههههههه
بوست ممتاز

عبده الرايق يقول...

همس الاحباب
طبعا ياجدع شرف كبير انك تمسك الحمله الانتخابيه بتاعتى
لكن
للاسف ثقافتك
ودراستك
ومعلوماتك السياسيه
والاقتصاديه
مش هتيجى حاجه جنب العلامه الكبير حسن باشا الفراش
انت عارف حسن الفراش ده جهبز فى السياسه والفلك والرياضه
وهو اول من اثبت ان الارض كرويه
لانه بيبيع حاجات بالقسط للزملاء وبياخد فلوس القسط مرتين فى الشهر
ولما حد يكلمه يقوله ان الارض كرويه والارض لفت لفتها وجه ميعاد القسط التانى
يعنى من الاخر
مستر حسن النصاااااااااااااب

عبده الرايق يقول...

همس الاحباب
هى حكايه ال 96 مليون دى وسعت شويه منى ولا ايه ؟؟؟؟
انا بصراحه مش متابع العدد
لكن ده كلام حسن الفراش وانا مصدقه
واكيد السويس اكبر من كده بكتير
ممكن تكون مثلا 79 مليون وفى مليون اتاخر عن الحضور
لكن انا برضه مصدق حسن الفراش
وعارف انك عايز تضرب فيه بمبه علشان تمسك انت الحمله

عبده الرايق يقول...

همس الاحباب
ماشى ياسيدى انا مستنى النتيجه

عبده الرايق يقول...

غير معروف
هههههههه
جبت منين واحد جند دى ؟؟؟؟؟؟
لكن انا الرايق ابو الكرم كله
تعالى انت وانا سوف اقدم لك احلى ازازه ساقع
صحيح هتكون فاضيه علشان صاحب الدكان اللى تحت البيت ممسوك فى القسم
لكن برضه هنحاول نعمل حاجه
انشاله شفطه كده على الماشى

الفراغ يقول...

دمت بكل خير
وبارك الله فيك
حبيت ادعيلك قبل ماكلمك
ماشاء الله
انت فعلا نابعة ضحك
ايوه صح الكلمه
نابعة من نبع يعنى انت نبع ضحك
يارب تفضل تنبع علطول
كفايه كدا انا بضحك بقالى يومين

حنين القلب يقول...

بابا بقى النت عندى يقطع ومحدش يسأل عليا ويقول فين حنين ؟؟
انا زعلانه جدا
انا مكشره جدا
واااااااااااااا
وااااااااااااا
وااااااااااااا

حنين القلب يقول...

روووقه والنبى لما تدخل مجلس الشعب ابقى خدنى معاك
اهو ازغرد كام زغروووووده كده من اللى قلبك يحبهم
وبعدين فوق يا عم مصر كلها 75 مليون
وانت تقولى 92 مليون انتخبوك
انا ممكن اصدق فى حاله واحده
تكون بتضرب العدد فى مليون
يعنى 92 واحد بس انتخبوك
وهما دول اللى اخدوا منك فلوس الانتريه والبوتجاز والتلاجه

Unique يقول...
أزال المؤلف هذا التعليق.
عبده الرايق يقول...

الفراغ
شكرا لكى سيدتى الفاضله
على تلك الكلمات الجميله فى حقى وفى حق المدونه
ونتمنى ان يجعلنا الله عز وجل سببا فى رسم بسمه ولو بسيطه على الشفاه

عبده الرايق يقول...

حنين القلب
بنتنا الغاليه
ارجو ان يعود المارد كما كان
مارد الادغال القى قمقمه
افتحوا الباب والا حطمه
لاتظنوا الامن فى جدرانكم
ان تصدى لجدار هدمه

kiki يقول...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園