الاثنين، فبراير 02، 2009

فلسفة الخناق



دخل الراجل الشارع اللى ساكن فيه وسمع ولاد الحلال حواليه بتغمزوا ويتلمزو


فلف لهم وقال فيه ايه يا جدع انت وهو


قالوا لا مفيش بس احنا شفنا الست بتاعتك كانت طالعة بتعيط من شوية


قلنا لها مالك ؟فى ايه؟ مردتش علينا


هو يا نهار ملوش الوان وجرى على البيت خبط خبطات سريعه فى ايه ايه اللى حصل بتعيطى ليه


هى بمسكنة ابدا مفيش


هو بقول لك ايه متعصبنيش اكثر ما انا فى ايه بتعيطى ليه


هى اصل فيه راجل فى الشارع اللى ورانا عاكسنى وقل ادبة عليا


هو مين ده نهار ابوه ......وسحب سنجة وجرى على الشارع التانى


ووقف فى نص الشارع انت يا شارع ياللى مفيش فيه راجل ومحدش يرد عليه


مفيش حد عاوز ينزل يكملنى يا حارة قطط


ما هو لو فيه راجل راضع من صدر امه صحيح كان نزل وبرضة محدش بيرد


وما يسمعش الا صدى صوتة
مفيش حد راضع من صدر امة ينزل يكلمنى صحيح كله دلوقتى شغال على الصناعى هى شركة ريرى اتغنت من شوية


ولسه هيزعق تانى ويقولى انت يا شارع ياللى مفيش فيه وهٌب قام لسانه دخل جوه زورة ومعرفش يكمل


اذ ربما كان بيحلم ان شاف ادامة راجل 3 متر * 3 متروقال له عاوز ايه ؟


من الواضح ان الرجل ده راضع من صدر أمة صحيح مش بس كدة ده اكيد رضع من كل الامهات
اللى كانوا فى الشارع فى الوقت ده ولمدة سبع سنين متواصلة علشان يبقى كدة ومسك صاحبنا من ياقة الجلبية قاله عاوز ايه الراجل يعنى مستحملش اغمى عليه على الفور
فعلشان كدة لازم يبقى فيه فلسفة للخناق لازم تعرف الاول قدرات خصمك علشان تستعد له حتى ولو
كان الاستعداد انك ترجع ترضع تانى من صدر امك

هناك 29 تعليقًا:

عاشقه الرومانسيه يقول...

لا حلوه
عادى بتحصل فى احسن العائلات

واحدة مفروسة يقول...

هههههههههههههههههههههه

أحــوال الهـوي يقول...

قبل سياسة الخناق و تقدير حجم الخصم
بطلوا تسخين في الرجاله
و الست عارفه ان جوزها مش بتاع خناق و لا قد البلوه المسيحه اللي هيقابلها تروح حدفاه في التهلوكه و بعدين تقوله حد قالك تتخانق

تحياتي

الطائر الحزين يقول...

عاشقة الرومانسية
ايوة بتحصل بس مش فى احسن العائلات ولا العائلات من اصلة

=======
مفروسة
دى ضحكة مفروسة ولا فرحانه فى الراجل

=============
احوال الهوى
ما هو لازم تقدر حجك العدو قبل ما نواجهة علشان نعرف حجم الخسائر

~*§¦§ Appy §¦§*~ يقول...

الشيطان بقى ونقح الكرامه اللى بتخلى الواحد ميفكرش
بس انا معترضه على حاجات
هبقى اقولك عليها اكيد

سمو الامير يقول...

هههههههههههه

راضع من كل الأمهات لسبع سنين !!!

يا دوووووووووب

هههههههههههه

ثانكس ع البوست

mony يقول...

حتى ولو
كان الاستعداد انك ترجع ترضع تانى من صدر امك



ههههههههههه

بجد قصة جميلة لتوضيح الفكرة

الفراغ يقول...

لو عاوزنى اضحك ففعلا ضحكت
لكن يوجد اعتراضا كبيرا على بعض افكار المدونه
فنحن يجب ان نرسخ لللاخلاق الدينيه الحميده فى مدوناتنا
ورغم ذلك ورغم اعتراضى فان ما اضحكنى هو قولك (انه رضع من كل الامهات لمدة سبع سنين متواصله)
اشعر بخفة دم قلمك
تحملنى ارجوك
فانى من جيل سابق جيلك باميال
دمت فى رعاية الله

عبده الرايق يقول...

هههههههههههه
حلوه يا طائر
خد بقى الحكايه دى عندك
من حوالى 18 سنه كنت فى شغل عندكم فى القاهره فى منطقه مساكن شيراتون
وفى واحد لا يفقه شىء عن فلسفه الخناق
وميعرفشى مبادىء الفلسفه دى نهائى
اتخانق مع واحد من الرجاله بتوعى
ولجل ليلته وليلتى السوداء كنا حوالى 20 شخص وهما 3 بس
وللاسف اتخانقوا مع واحد ومش عارفين انه معاه ناس كتير
المهم بقى ياسيدى
وبقولك والله الحكايه دى حقيقيه
الاتنين اللى مع الراجل ده جريوا
وفضل هو لوحده
وبما ان العبد لله مسئول عن الناس بتوعى الموجودين فى الموقع ولان مفيش اى تكافىء بين شخص واحد و20 شخص
اترميت على الراجل كانى درع بشرى له لحمايته من الضرب
وكان نصيبى كدمات فى ضهرى وفى جنبى وفى رجلى لانى ارتميت عليه لكى امنع عنه وابل الضرب
وبعد ان صرخت من الالم وفقدت اعصابى فى الناس بتوعى انتهت المعركه وبدء الكل يتأسف لى لانه ركلنى
وانا مش منتبه للاسف اكتر من انتباهى للالم
وبعد ان عنفت الجميع على المشاركه فى المجزره التى كنت انا ضحيتها الوحيده
لم اسمع منهم الا كلمات
معلشى والله يا استاذ فلان
والله ماشفناك
والله مخدناش بالنا
وامام هذا الاعتذار اللى لا هيودى ولا هيجيب
طلبت من الجميع الانصراف الى اعمالهم
وانفردت بالشخص الذى دافعت عنه
وقلت له
ياخى خلى عندك نظر حد يتخانق لوحده مع 20 واحد ويقل ادبه عليهم كمان
قالى والله انا لو كنت عارف انهم كتير كده كنت حطيت جزمه فى بقى وسكت اهم حاجه انا متشكر انك دافعت عنى
وتانى يوم كنت فى السويس مع اسبوعين اجازه بسبب واحد ميعرفشى اى حاجه عن فلسفه الخناق

الطائر الحزين يقول...

~*§¦§ Appy §¦§*~
ايوة طبعا لو كان بيفكر مكنش ده حصل
نقبل جميع الانتقاضات ونصلحها ونوصلها للمنازل

--------------------
سمو الامير
شفت

-----------------
mony
شكرا يا فندم

-------------------
الفراغ
بعد اذنك تركت رد فى مدونتك
شكرا على الزيارة

الطائر الحزين يقول...

الراييييييييييق

اهلا بك يا سيدى
دى اخرة المخلص تكسير ضلوعة
وبعدين قاهرة ايه هو انت مش عارف انا منين؟ لسه الضرب مأثر فيك لحد دلوقتى؟؟؟

الفراغ يقول...

سلام عليكم
اولا انت نورتنى
ثانيا انت كلك زوق انك رديت عندى فى مدونتى
ثالثا انا مش قصدى حاجه فى المدونه ككل
لكن انا كان قصدى فى البوست الاخير
ايه بقى المشكله؟
يعنى انه راضع من كل ستات الشارع يعنى معناها ايه؟احنا فاهمين طبعاودا كان قصدى اننا مانضحكش على اشياء يعاقب عليهاالدين
بس خلاص والله كان قصدى طيب ولك كل التقدير
دا انا حتى خدت مدونتك عندى لانى حبيتها ومابحبش النكد
لكن النكد تقريبا بيحبنى
ملحووووووووووووظه
اذا كنت زعلتك امسح التعليق
ومش هازعل

الطائر الحزين يقول...

أظنى من اوائل من علق عند حضرتك ولو حضرتك تتفضلى يالحضور الى مدونتى الرئيسية نشرف بك وترى ما أتحدث عنه من موضوعات

أما لفظ انه راضع من كل ستات الحارة فلا أرى انه فى لفظ الرضاع ما ينافى الدين ولا هو ضدة ويمكن فعلا للشخص أن يرضع من اكثر من امرأة الا اذا كان هنا شىء خفى على لا اعلمة ولو كنت اريد حذف تعليقك ما رددت هنا حضرتك تنورى

فرنسا هانم يقول...

ههههههه
هو صاحبنا فعلا زودها شويه
ياترى نقدر نزوره فى انه مستشفى
ولا اذا كان الراجل 3 متر فى 3 متر يبقى هنزوره فى حوض الروض اكيد

فرنسا هانم يقول...

الفراغ
قريت تعليق حضرتك
وقريت رد الطائر الحزين هنا وفى مدونتك
وعموما
احنا تشرفنا جدا جدا بحضرتك
ويسر اسره مدونه الضاحكون ان تدعوكى لقراءه باقى صفحات المدونه وستجدينها ان شاء الله عند حسن ظنك بنا
تحياتى لكى
ويسرنا التعرف بكى

فرنسا هانم يقول...

الرايق
ههههههههههه
احسن والله يا روووووووقه
ضلوع مكسره احسن من مخ مكسر
مين بقى ضحك عليك وقالك ان الطائر الحزين من القاهره
اصحى يا روقه فضحتنا. منه لله حسن الفراش ده اللى لخبط نافوخك

شارك/ منتدى خير الكلام يقول...

مع خالص تحياتى لهذا الابداع
ناصر/مدير منتدى خير الكلام

عبدالناصرمحروس سيد يقول...

مع خالص تحياتى
نا صر/خير الكلام

جنّي يقول...

السلام عليكم

الطائر الحزين .. فكرتنا بواحد صاحبنا كل ما يتخانق وينضرب يقول للناس شيلوه من فوقي لاموته ..

انا يا عم الحاج أؤثر السلامة لا راضع من صدر امه ولا من صدر حمارة حصاوي ..
ونجري احسن والجري نص الجدعنة واحيانا الجدعنة كلها ..

سلام

maiosha يقول...

هههههههههههههههههه
إيه البوست الجامد ده

ههههههههههههههه
وايه حكاية الرضاعة دى كمان

بس سيبك القفلة بتاعة البوست جامدة جدا

هههههههههههههههههه

الرابطة وبناء الأمة يقول...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

اللؤلؤة يقول...

السلام عليكم
عزيزى الطائر الحزين :
القصة لها مغزى جميل وهو إن الشخص دائما لا بد وأن يدرس خصمة جيدا
تحيانى
ويسعدنى التواصل معك

صبرني يارب يقول...

لا لا استنى فى تعديل هنا

بما انى فاشله رضاعه طبيعى ايوه مافيش صحه يا اخويا

فرير ده مش لبن ده زي السيرلاك كده اكل يعنى

تقدر تقول بيبى لاك بقى عشان هو ده اللبن الصناعي المنتشر
هههههههههههههههههه

وبعدين دلوقتي فرضا واحد ماماته صحتها على ادها زيي كده يعمل ايه بقى يعيش قطه
ههههههههههههههههههههه

تحياتي لك على البوست

فتافيت يقول...

هههههههههههههههههههههه
حلوة جدا .. وبجد بستغبى اي حد يدخل في موضوع مش بس خناقة ومايكونش عارف اللي قصاده قدرته ايه وهو قدرته ايه

بس جااااااااااامدة .. وخصة بتاعة ريري والرضاعة الطبيعي

سلام يا جميل

غير معرف يقول...

بس الفلسفة ما خلصتش على كده
انا اعرف الراجل ده كويس
اول ما شاف التانى الى 3 متر ده وقبل ما يمسكه من ياقة الجلابية
ابتدى يصرخ ويقول
بقينا اتنين يا حتة ما فكيش راجل
يا حارة قطط

منذر

اسماء واحلام فى وجدانى يقول...

اول تعليق

جميلة جدا وهى دى الحقيقة

بس انا زعلان منك لانك خبط فى القطط

وانا بعيد عنك روحى فيهم ومقدرتش اقول لحد فيهم الكلام ده ليزعل منك

ربنا يوفقك

احمد

الطائر الحزين يقول...

فرنسا هانم
للاسف مينفعش نزورة فى حته جتته ذهبت مع الريح

و الرايق مردش تانى نبقى نسأل عليه ليكون اصابه مكروه ولا حاجة


شارك/ منتدى خير الكلام يقول...
ماشى


عبدالناصرمحروس سيد
برضة ماشى


جنّي
عليكم السلام

هو ده الحل الاستراتيجى



maiosha
شكرا

الرابطة وبناء الأمة
علكيم السلام ورحمة الله وبركاته
حاضر ماشى طيب

اللؤلؤة
عليكم السلام ورحمة الله
شكرا لتفهمك فلسفة التدوينة اهلا بك دوما

صبرني يارب
دع الصناعى دلوقتى بقى على طوابير ومحتاج واسطة


فتافيت
مش موضوعع غباء الامر بتحكمة حاجات كثير نخوة ومروءة وشجاعه وقدرة


غير معرف
أى نعم
بس هو قال بثينا واحد هو هيقدر يجيب فى سيرة حد تانى


اسماء واحلام فى وجدانى
اهلا بك
اسماء واحلام ووجدانى وفى الأخر أحمد
طيب بنا يوفقك

همس الاحباب يقول...

انا جيت
نورت البيت اكيد
بس اجى الاقى خناقات وفلسفة ينفع الكلام ده يا عم الطائر
وبعدين طالما انتوا مش قد الخناق بتتخانقوا ليه فضحتونا وسط الحارة
وقال رضع من سبع امهات غير امه
انا اعرف طفل كان بيرضع من امهات القرية كلها وفى الاخر طلعت بنات القرية كلها اخواته من الرضاعة
اضطر انه يهاجر علشان يتجوز من بره
تسلم ايديك يا طائر
تحياتى

kiki يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍