ركز شويه حتد التشابه فى علاقه المرأه بالرجل وعلاقه توم وجيرى.......
سومه:اصطبحنا واصطبح الملك لله....
بطيخ لايمها لحسن والنعمه اسيبلك البيت وامشى ومنتش شايف وشى تانى
بطيخ:ياله الباب يفوت عربيه مرسيدس ....التاكسى اللى يودى
ابليس الله يكرمه:لالالا دا كلام واحد مش فارقه معاه ...كرامتك يا سومه
سومه:ايوه يا عم ابليس انفخ فيها انت لحد ما تولع بجاز
ابليس:يا ستى دا انا بنصحك الحق عليا
بطيخ:وكمان بتكلمى نفسك ....وتبرطمى طبعا دى اخلاق واحده متربيه انا غلطان
ابليس :طبعا انت غلطان اديها قلمين على خلقتها خليها تفوق هى فاكره نفسها بنت بارنديلو
بطيخ:هى اسمها بارنديلو....
ابليس :اسمعها كدا .....يا عم فكك ....خليها تغور
سومه:يعنى بتشتم فى سرك دى عمايل واحد محترم...
ولميت الهدوم ....تاكسى...وركبت .....وزعابيب امشير بتتنطط قدامى....جرز ورنيت...باب واتفتح ...وترحي
سوسن:سوماااااااااااا ....ازيك وازى بطيخ .....لسه كنا فى سيرتك
اخدت فى وشى ودخلت على الاوضه
سوسن :ماما سومه مش طبيعيه....
ماما:بت يا سومه مالك فى ايه ماداهيه تكونوا اتخانقتوا دا انتوا لسه فى شهر العسل
سومه:بلا عسل بلا بصل....دا انسان مش مظبوط....ومعندوش قناعه
ماما:بغض النظر عن الشعارات .... مش هو دا بطيخ اللى فضلتى تحلمى
سومه:دا كان كابوس يا ريتنى كنت صحيت قبل ما يتم
ماما: خبر ايه بس يا حبيبتى....
سومه:البيه واقف بيعاكس فى الشباك....
ماما:مش ممكن تكونى ظالماه؟؟؟
سومه:شوووووووووووفته بعينى ومحدش قالى
ماما:يا حبيبتى كبرى دماغك....دا طبع الرجال
الراجل لو اتجوز كل ستات الدنيا وبقى واحده حيتمنى يتجوزه
سومه:ياماما دا كلام...؟؟؟
وانا اللى كنت واخداه عاقل
ماما:وحد قالك انه اهبل يا بنتى لا سمح الله.....دا داء فيهم وميبطلوه لو ايه حصل
بقولك ايه الراجل عمره ما يبص برا غير لو جوه يسد النفس ....
سومه:طب اسمعى ....ضربت شعرى اصفر وعملت موزنبليه....ولبست شفتش
ماما:وبعدين
سومه:قالى هايل يا حبيبتى بقيتى الخالق الناطق شبه الاراجوز...وسابنى ومشى...
ماما:ما تلاقيكى نيلتيها مكياج قوى....عارفاكى لما تعكى....
سومه:تانى يوم....فردت شعرى واديته بنى.... وقلت اعمل تسريحه شبه الصينيين....اول ما دخل قالى توكا توكا وانحنى احتراما ليا..
ماما:جمييييييييييييييل....
سومه:وسحب نفسه من سكات ونزل رجعلى بدكتور نفسانى بيقولى مجنونه
ماما:ماهو حد برضو يعمل فيها يبانى.....اديها عشره بلدى ....دا البلدى يوكل
سومه:تالت يوم.....اديته لون اسود....اسود على راسه وعلى راس اللى جايبينه....ولبست زى مشخلله الرقاصه.....لسه بقوله اخاصمك اه
طلع ربع جنيه فى ايدى ويقولى كله على الله.....فاكرنى بشحت
فتح التليفزيون وقعد يتفرج على الستات اللى فيه ويبصلى بغلب وزعل ويقولى نعمه واللى يكرها يعمى...
ماما:وهو كان حد ضربه على ايدى
سومه:كل شويه يقولى انا اتعميت .....انتوا ضحكتوا عليا....خدعتونى
قوليلى يا ماما هو انا عفريت
ماما:ليه يا حبيبتى
سومه بعياط ونويح:اول ما بيصحى بيقولى يا حفييييييييييييييييييظ .....بدل صباح الخير...تصورى يا ماما
الاخت الصغرى لسومه:يا عاااااااالم الصوت ارحمونى ....ياخواتى عاوزه اسمع سى عموره افندى(بتنهيده)
سومه:بالزمه انا متخانقه وانتى هنا بتحبى على
جرس الباب .....تررررررررررررررررررررررن......افتحوا الباب
الكل فى نفس واحد :مييييين بطيخ.....؟؟
سومه:ايه اللى جابك احنا مش متخاصمين.....وقلت الباب اللى يودى
بطيخ:اصل النور قطع فى الشقه.....وبخاف اقعد لوحدى قلت اجى اخدك تطفشى العفاريت واهو نتونس مع بعض...هاهاهاه
سومه:هىءهىءهىء لا خفيف ...احسن خللى العفاريت تاكلك.....ومناديتش للحلوه اللى فى الشارع اللى عمال تعاكسهالى ليل نهار ...تونسك ليه
بطيخ:يا ريييييييييت ....(قالها بهمس).....اقصد اصلها مرضيتش.....
سومه:نعم....يعنى انت طلبت
بطيخ:لا يا حبيبتى .. .. وتسيب المحل لوحده ازاى بس...انا محبش قطع الارزاق...
سومه:يعنى هى دى مشكلتك معاها.....اقعدلكم انا فيه
بطيخ:تكون خدمه العمر.....
سومه:افندم
بطيخ :يا حبيبتى انا بهرج معاكى انا عمرى ما استغنى عنك...
بالعقل كدا....ساعات تشترى فرده جزمه ضيقه شويه بس بتستخسرى الفلوس وبتلبسيها...
سومه:مين دى انا جزمه
بطيخ:شوفى اديكى فهمتينى غلط.....اقصد انها مهما كانت ضيقه حصبر عليها لحد ما توسع وتبقى على قدى
سومه:بطيخ انتبه....انت لسه مستمر فى الغلط
بطيخ:طول عمرك نواياكى سوده....طيب خدى عندك مثل تانى...
.فرضا انا اشتريت شراب واكتشفت ان لونه مش ماشى على هدومى
سومه:غير الهدوم...
بطيخ:افرضى معنديش غير طقم واحد
سومه:غير الشراب.....انت تقصد انك عاوز تغيرنى..!!؟؟؟
بطيخ :لا يا حبيبتى انا معييش فلوس اجيب شراب جديد....
ممكن استلف واحد من جارنا.....
وارجعهوله بس مقدرش استغنى عن شرابى القديم
عشان حمارتك العارجه تغنيك عن سؤال اللئيم........
وفجاه سومه تتخيل نفسها اتقلبت حماره ...ثم تهز راسها مستبعده تلك الفكره.....
الام:سومه .....سوووووووماااااااااااااااااااااااااا....انتى معانا..؟؟؟
سومه:ها اه يا ماما ....انتوا كنتوا بتقولوا ايه....؟؟؟
ماما:اسم الله عليكى يا حبيبتى....بطيخ عاوز يحدد معاد الفرح....
سومه:فرح...يعنى احنا لسه متجوزناش....؟؟ !!!
اه والله دا كان حلم....طب اقرصونى.....
خلاص فرررررررررررررررركش مفيش جواز
بطيخ:فى ايه بس
سومه: سورى يا بطيخ.....بطلت رجيم البرسيم
بطيخ:بتقولى ايه..؟؟
سومه:ورلك على حماره تانيه.....اقولك روح للصرماتى يوسعلك الجزمه.....ولا نقى شراب عدل
لا حول ولا قوه الا بالله......باينها رجعت تتجنن تانى وتجيلها الحاله.....وتم تاجيل الزواج لحين علاج العروسه
وتنتهى القصه....ولا ينتهى الحمار ...اقصد الحوار هههههههه
قال على راى المثل برا وجوا فرشتلك وانت مايل ومين يعدلك......
سارى على جميع الرجال
تحياتى للجميع سومه_87
هناك 112 تعليقًا:
انا الاووووووووووووووووول
اسلوبك يا با بت يا سومه تحفه بجد
والى هيتجوزك كان الله فى عونه :)
بعد كل التخيلات دى كلها ومصممه انك بره وجوه فرشتيله وهو مايل
هههههههههههههههههههه
بجد تحفه
شوف ازاى بقى يبقى بوستى وانت اول تعليق
سبحان الله عموما منور يا بطوط
وكمان معترض على انى عملت كل ما يمكن فعله
ماشى ماشى
دا انا اللى كان الله فى عونى
دا يا هناه يا سعده
تحياتى ليك سومه_87
دى خيااااااااااااااااانه من الرايق اخص عليك يا رايق مش تدينى ميسد على 0999999 اللى حاطاها فى مدونتى
يادى البخل الانسانى اشحال مكنتش مسلفاك
اللى حيشمت فيا انا وبطيختى عشان اتخانقنا ححدفه بقلحه
مش تخليك فى صفى عشان مسيحش
اول الشمتانين الحج بطوط تاجر بطيخ فى تفاهنا العزب
طبعا غيران على بضاعتك
وبتدافع عنها
ايها الراقدون تحت التراب هى عيله الرايق نايمه ولا ايه
هههههههههههه
بوست جمييييييييييييل
ربنا يكرمكم
حسن حنفى
ربنا يكرمك طبعا انا بصفتى جاره الرايق واللى عليها الكلام برد على ما سى الرايق ييجى
منور المدونه
تحياتى ليك سومه الحشريه
الله اومال احلامى انا ليه مضروبة !!!!!!!!
بس جدعة و الله
بلا جواز بلا هم
خاليه يروح يدور على كنتلوبية يتجوزها و يخلفوا شوية قرع ههههههههه
بوست جامد يا سومة دمك خفيف يا مضروبة :)
سومة
العسولة
هتحاسبى الراجل على احلام اليقظة؟
طيب انتى كنتى قاعدة بتحلمى
فين الاحلام الوردية بتاعت الخطوبة؟
ربنا يسعد قلبك يارب
تحياتى واحترامى
ههههههههههههههههههههههههه
ههههههههههههههههههههههههه
اهم ما في الموضوع ان العروسة حتتعالج
ههههههههههههههههه
يا بنتي بلاها من ديه جوازه
دول زي القطط
ههههههههههههههههههه
بس بيني و بينك يا سومة يا حشرية
لو بطيختك طلعت قارعة زي الراجل اللى فوق ده
حتعملي ايييه؟؟؟ هههههههههههههه
على فكرة جارك الرايق مسافر
و مش عارفين حيرجع امتى
بيقول ياختي بيشتغل فى راس و سدر
مش عارفه بيعمل فيهم ايه همه الاتنين
اما فرنسافمفقوده يا فلداه...يظهر و الله اعلم بتدور على الرايق
هههههههههههههههه
بوست عااااالي جداااااا
و نفسي اشوفك فى بيت العدل
هههههههههههههه
اسلوبك ملوش حل يا سوما
موتينى من الضحك
وعجبانى اوى حكايه
برة وجوه فرشتلك وانت مايل وايه يعدلك
سايرة على كل الرجال
هههههههههههه
بجد تحفه
و الله يا سومة
ربنا يكون فى عون بطيخ
(دا اكيد بقى اقرع)
هههههههههههههههه
يا شيخة
حرام عليكى
ربنا عالظالم
و بتقولى نسبة العوانس كترت
دا اقل شئ يحصل بعد البوست ده
اللى متجوزين كمان يطلقوا
هههههههههههههههههه
بوست جميل يا بنتى
اسلام
و بعدين بتقولى يا هناه يا سعده اللى حيتجوزك
و بتقولى لبطوط
اللى اساسا واثق ان مفيش هنا و لا سعد
ههههههههههههههههه
انا موافق يا سومة
اجى امتى اخلص الموضوع
هههههههههههههههههههه
ــــــــــــــــــــــــ
بره الضحك اللى فى الهزار اللى ممكن يكون زغزغة
اه طبعا يا هناه يا سعده
كفايه خفه دمك
ـــــــــ
ربنا يخلص بطيخ منك
(واحد مطلع لسانة)
ههههههههههه
تحياتى
اسلام
بجد بوست تحفة واسلوبك روعة
وفعلا يا هناه يا سعده اللى هيتجوزك يا سومة يا عسوله
تقبلى مرورى
جميلة جميلة جدا
اكثر من رائعة
دمك شربات
وبطيخ شكله عسل ودمه شربات
تلاقيه بيهزر معاكي يا ستي
في ايه
بس عندك حق
الرجاله عنيهم علطول فارغة
وميملهاش غير التراب
اخص عليهم وعلي قلة قيمنهم
اخص
هههههههههههههههههههههههه
حراااام عليكى يابنتى
بقى علشان حلم يقظة كمان مش حلم بجد
هتفركشى الفيلم كلو
لااااااااااا
دا افترا بقى بجد
بس سيبك كلمتك اللى ف الاخر صح اوى فكرة
مفيش واحد بيترضى ولا بيقتنع ابدا
كلهم زى بعض
بيس ياقمر
بره وجوه فى الحلم
ولما جيتى على الواقع اديتى بطيخ فوق نافوخة دششتيها
مع ان البطيخة طلعت حمرا بس رمتيها بردة
مفترية
سومه
يا بنتى يا حبيبتى انا قولت لكى بطيخ ده اخره يتحط للوز مش صدقتينى
وبعدين بلاها جواز بلاها هباب
يعنى اللى اتنيلوا عملوا ايه
اهم بصى على مفروسه وقوس قزح مثال عظيم شنيع
للعقل المفوت ههههههههههههههههه( وش بيطلع لسانه)
وده كله بسبب الجواز يالا انضمى للصف بلا بطيخ بلا قرع عسل
بيب بيب
بطيييييييييييخ
بيب بيب
بطيييييييييخ
===================
واضح فعلا ان العروسة عندها هسس ولازم تتعالج علاج فورى
يعنى كل ده يطلع نتيجة لأحلام يقظة وبتعاقبى الراجل أنه طلع فى أحلامك
============
انا من موقعى هذا
بقولك
اتجوزى يا حبيبتشى
علشان نفرح فيكى
ونتفرج على الواقع اليقظ مش الحلام
قال أحلام قال
محدش يضيع بطيخته من ايده ابدا
ثم زى مامتك مبتقول
كلهم كده يا اوختشى
العوض على الله بقى
=========================
بوست تحفة ودمه خفيف قوى
وبنات الرايق وأولاده لازم يرجعو يعملوا تناغم مستمر فى عدم وجود الأب والأم
تيجى يا مفروسة نقلبها مراجيح ونفرقع بمب وصواريخ
هيييييييييييييييه
كل حلم وانتي طيبة
بجد عسل وسكر عسل
بس قوليلي انتي عرفتي ازاي؟
يا صباح النكد الاسرى
يا ست سومه حرام عليكى اللى بتعمليه ده
ده بطيخ ابن حلال ويستاهل كل خير
فيها ايه يعنى لما يشبهك بفردة الشراب
ولا حتى الجزمة ده حتى الجزم بقت اغلى من الستات دلوقتى ههههه
وبعدين فعلا حمارتك العرجة تغنيك عن سؤال ....
وبعدين ايه هو اللى سارى على جميع الرجال
هنرجع تانى نشد فى شعور بعض
وتيجى الامم المتحدة تفك الاشتباك بين البطيخ والقلقاس
بس بجد تسلم ايديك
احلام يقظة تجنن وتخلى البنات تقعد جنب مامتها للابد
ويا بخته ويا هناه اللى هيتجوزك
انا بقول كده برده
ويا بختك ياسى بطيخ
ههههههههه
ههههههههههه حلو اوى البوست ده بس يا خوفي يطلع الحلم حقيقة او يتحقق على ايد بطيخ افندى الله يكون فى عونه ده انتى عشان حلم فركشتى الجوازه امال لو شوفتيه بيبص بجد هتعملى ايه اصل انا بصراحه عنيا كانت زايغة قبل الجواز بس بعد ما اتجوزت اتلميت مش احترام وكده لا ابدا بس مراتى قالتلى اول ما اتجوزنا ان هى مش زى بقيت الستات تزعل وتسيب البيت وكده لا قالتلى لو شفتك بتعمل حاجة كده ولا كده هقتلك وحلفت انها هتقتلنى دي مره كانت فى المطبخ وانا كنت بتفرج على التليفزيون حدفتنى بحاجة كده كنت هتعور يعنى وقالتلى لما اكون موجوده متركزش مع حاجة غيري ووالله كنا فى شهر العسل.......
قوس قوزح
ممكن اصدرلك شويه احلام لو عاوزه
تحياتى ليكى سومه_87
كاميليا
بالزمه حد بيتخطب يحلم احلام ورديه
امشى بكلميرا صورى المخطوبين هو شايل هم الدنيا ازاى حيكمل باقى الجهاز وهى شايله هم تانى ازاى حتبوظله الجهاز اللى حيجيبه
تحياتى ليكى سومه_87
مفروسه
مطلوب حالا العثور على الرايق والخاله فرنسا والا حطلع الطبنجه وافرقع فى المدونات
واموت مفروسه
يا بنتى لو بطيخه طلع اقرع زى الراجل اللى فوق مفيش عندى اى مشكله
المهم دماغه متبقاش من جوا قرعه
تحياتى ليكى سومه_87
شيماء
مش كدا برضوا انا بقول اننا بنعمل كل اللى علينا وهم مفيش فايده فيهم
تحياتى ليكى سومه_87
مواطن
ان بالذات ربنا هو اللى بيخلص مش انا اللى حخلص
بعدين بطوط اخويا الصغير ههههههههه
انت نسيت انى 120 سنه
وانت بالذات خليك نايم
اوعى تصحى
طبعا يا هناه يا سعده
كلام فى سرك انا اللى اقرعيت من بطيخ
تحياتى ليك سومه_1800
صفا
ربنا يكرمك ويسترها معاكى دنيا واخره شايفين يا عيله الرايق الكلام الحلو
تحياتى ليكى سومه_87
مها
ايوه يا اوختى اخص عليهم لا وبعد دا كله جاى الرايق يقولى فرنسا بتدور لبطيخ على عروسه....
طبعا يشكر الرايق على تنبيهه...
اما بطيخ
جاته عرسه اما تلهفه هو وعيلته البطيخيه كلها
قال يتجوز عليا قال طيب دا فيها تشريح
طرنشات
تحياتى ليكى سومه_87
دعاء مواجهات
ايوه فراغه عين
جاتنا نيله فى حظنا الهباب
تحياتى ليكى ولكل الليدز والميسات سومه_87
الطائر
وانا ايش درانى حمرا ولا قرعه
هو ان كنت لسه كسرتها...ههههه
بعدين طبعا اما فى الحلم يدايقنى يبقى فى الحقيقه ناوى يعمل ايه
تحياتى ليكس سومه_87
ايبى
لا يا ابلتى انا مش حنضم لحزبكم انا عاوزه حد اناقر فيه وازهقه ويقرفنى كدا حياه مخستكه ومقرفه بس اسمها حياه
سيبك من الحزب دا يا قمر ان شاء الله ربنا يرزقنا باتنين بطيخ احمر ومرمل وميوقعناش فى بطيخ الاقرع:))
تحياتى ليكى سومه_87
دوبا
لالالالالالالالالالالالالالالا مش عندى يا ماما بمب وصواريخ انتى نسيتى انهم جيرانى يعنى اللى يضرهم يضرنى
هش يا بنت منك ليها ليها لوه
اصطفوا صفين مسمعش صوت
سلام سلاح للخلف در معتدل ماارش
اعتقد ان الحقيقه مش حتخلف كتير عن الواقع غير انى اصلا اصلا مبغيرش هههههههه
يعنى يبص لستوته يبص لميمى مع نفسه فى الاخر حيرجعلى زى البطيخه...ويعتذر
كمان انا مش عبيطه عشان اعرفه انى عارفه انه بيلعب بديله من ورايا خليه كدا مرعوب انى اكتشف
تحياتى ليكى سومه_87
مفجوعه هانم
عرفت ايه ....انه بيبصبص ولا انه حلم
ههههههههه
مفيش شىء يخص بطيخ يخفى على سومه بوتيتا
يا بنتى دا انا احلامى عمرها ما تنزل الارض ابدا
تحياتى ليكى سومه_87
همس
اه حنرجع نتخانق تانى
اخص باين عليك منهم
ياله خد الباب وسكه وراك
لينا كلام لما الرايق والوالده فرنسا يرجعوا
سومه_-87
همس الاحباب
خلى العسل فى قناطيره لحد ما تجيله تساعيره او يعسل بزياده ويبقى طعمه يكرف بلا هم جواز ايه يا راجل خلينا اهو متونسين
طبعا يا هنا يا سعده
زى ما انا قلت لجمعاوى روش قبل كدا تخيل انك مروح بيتك مستنيك عزرائيل وعرفت انك حتموت حتحاول تمشى ع الصراط المستقيم عشان وقت الحساب
هو دا اللى حعمله مع بطيخ حرعبه عشان يخاف يتحاسب فميغلطش
هههههه
خطط ورسم على تقيل
تحياتى ليك سومه_87
رئيس حزب المغتربين
ههههههههههههه حلوه الفكره دى برضوا ممكن نجرب ندبحله القطه
بس على فكره دى مش شخصيتى دى شخصيه سومه اللى فى القصه
يعنى يعاكس من هنا للصبح ولا حعبره كانه مش بنى ادم ومش موجود اصلا
دا فى حاله انه طلع عينه زايغه...
لو محترم اشيله على راسى طبعا عشان ميتكسرش انت عارف انه فى الاول او الاخر بطيخ
تحياتى ليك سومه_87
لو خالتو فرنسا لم تظهر فى خلال يوم حفجر المنطقه
سومه_87
جاءنا البيان التالى تم القبض على الرايق بتهمه اختلاس جلد الحنفيات بتاعه المصلحه الحكوميه اللى بيشتغل فيها
مما اضطر لحبسه على زمه التحقيق تلات سنين ونص
انتهت اخبار الخامسه
وجاءنا البيان التالى خالتو فرنسا مشتبكه ف خناقه بقالها يومين مع اللمبى واسماعيل يس بيحاول يكلم زينات صدقى عشان هى اللى اخدت المفتاح من شكوكو لان شكوكو كان عاوز يشترى شقه بوحه
قوم خالتو اعترضت عشان بوحه هو نفسه اللمبى ابنها قم الرايق طلب البوليس ليهم واتشدوا كلهم على لومن طره وهم مشرفين جنبنا هنا
كانت معكم مراسله قناه البحيره سومه_87
هههههههههههههههههههههههههههههه
هلكتينى من الضحك ياسومة
ده كله طلع حلم
الله يكون فى عونك يابطيخ هههههههههههه
اخلع يابنى دى هتجننك
ى بتشك فيك من الاول اخلعععععععع
ههههههههههه
لا بجد القصة تحفة لا والاسلوب يضحك جدا
سومه
اعقلى يا اختى
ده احنا جيران برده
مدونة ايه اللى اتفجريها
متنسيش اننا جيران خبط لزق
يعنى اتنفجرى معانا انتى وسى بطيخ
ومش انلحق نلم القشر حتى
استهدى بالله كده وخليكى بعقلك
وبعدين بابا الرايق
بيسرق جلد حنفيات المصلحة
نو
نو
نو
انا باحتج انا معترض
انا لااقبل تلك الاهانة
انا لااقبل اقل من حنفية كاملة وياريت يكون خلاط ايطالى
قال جلد قال
ليه ناوى يرش مزرعة البطيخ اللى جبنا
يعني هي مش كفاية انها ست مجنونة وبتحكم على الناس من خلال الحلم ومش كفاية كمان انها عطلت الجوازة وعطلت الراجل اللي كان هينتشلها من مستنقع العنوسة لاء كمان بتتكلم وتقولك مش عارف ايه
صحيح الستات دول مايعجبهش حال
بدل ما تحمد ربنا وتحافظ على الراجل وتموت نفسها علشان تسعده بتتكلم ومش عاجبها
بصي يا سومة الراجل ما يبصش برة إلا في حالة واحدة ان جوة اصبح لا يطاق لو الست حافظت على نفسها وعملت لنفسها اب ديت بصفة دورية الراجل عمره ما هيبص برة
ههههههههههههه
هههههههههههههههههه
بجد حلوه جدااااااااااااا
مبدعه فىالكتابه
دمتى بالف خير
تحياتى
أسلوبك هايل يا سومه وعلى فكره واقعي جدا ...الحوار ده بيحصل فعلا بين الأزواج ..
تحياتي
والله يا سومه عندك حق
قطيعه الجواز واللى يتجوزه
والله انتى يا بنتى ربنا بيحبك هتتجوزى وكمان بطيخ
الحمد لله ربنا نجدك
ربنا يوفقك يا بنتى وشيلى فكرة الجواز دى من دماغك صدقينى هترتاحى
يا خبر أبيض ... و أنا اللى كنت باقول إن معاكسة البنات هاتنتهى بمجرد ما الواحد يتجوز ... كدة يبدو إن مافيش أمل للتغيير .. يبقى الواحد مايتجوزش أحسن و يقضيها معاكسة و هو مرتاح الضمير إن مافيش زوجة هاتتضايق من أفعاله
-------
أنا كنت عايز أقول لك يا سومة إنى باعتذر لك و و كمان باعتذر لناس تانية عشان علقتوا على موضوع الأشارب و أنا مارديتش على التعليقات .. لأنى كنت شوفت تعليقاتكم بعد ما الموضوع الجديد نزل بفترة فقلت ماحدش هاينتبه لردى
و بخصوص حكاية "جامعة حلوان" اللى سألتى عنها .. دة موضوع ظهر فى تدوينة مها زين اللى فاتت عشان هى جامعة حلوان و كل زمايلها جم علقوا على موضوعها فكانت المدونة أشبه باحتلال من جامعة حلوان للمدونة .. أنا بقى بما إنى جامعة القاهرة قلت أشعللها فتنة طائفية و انت عارفانى باحب أهدى النفوس
ملحوظة: أنا ليا أخ و أخت خريجين كلية تربية فنية جامعة حلوان
حلو البلوج ده اوى
دمك خفيف يا سومة و الله
و بوست فعلا واقعي
ههههههههههه
فعلا علاقة الازواج فيها شبه كبير من طوم و جيري
اصل القط مايحبش الاخنًاقه
سومة
..
كاميليا
بالزمه حد بيتخطب يحلم احلام ورديه
...
الله؟
تخونك الدباديب الحمرا
وباقات الورد وألبومات الاغانى الرومانسية .. وكاااااااااظم
وعمرو دياب .. وماله لو كنا ليلة بعيييد وسبنا كله النااااس
والتليفونات بالساعات
D:
تحياتى وحبى
انا مش عارف اقول ايه
اول مره امر على مدونتك الليذه فعلا
وقريت اكت من بوست وقريت معظم التعليقات
بجد مدونه جميله
وموضوع الراجل والست ده رائع وكوميدى بلذاذه
بجد تحياتى لمجهودك ولاسلوبك
واسمحيلى ارفع لك القبعه
مدحت محمد
حلوه النصايح دى
طيب مش تخليكم محضر خير
يمكن حد يحتاجلى فى حاجه ولا يتزنق فى قرعايه اديهاله بسعر الجمله
اعملوا لمستقبلكم
ساعتها مش حينفعكم بطيخ
تحياتى ليكى سومه_87
همس الاحباب
مازلت مصره على رايى
يا ييجى الرايق يا افجر المدونه وساعتها مش حتلحقوا تلموا الاشر اصلا
اما عن الانباء الوارده فهى صحيحه ميه فى الميه
سومه الحشريه
اتضح ان الانباء اللى وردتنى صحيحه وتتم حاليا محاكمه الرايق واتضح انه هو السبب فى غرق العباره لانه سرق جلده الحنفيه مما تسبب فى دخول المياه وسرسبتها للعباره لحد ما اتمليت وغرقت
كله بسبب الرايق
تحياتى ليك سومه_87
موصطفى ريان
ليه الغلط دا بقى يا عم الحج وكمان بتشتم الستات مين دول اللى مش لاقيين جواز طب دا كتير بس هى النفس
وبعدين مش احنا اللى معنسين الرجاله هى اللى بتعنس عان معهاش فلوس لكن احنا مستنيين لما ربنا يعدلهالم
تحياتى ليك سومه_87
فارس بلا جواد
اشكرك بشده روح يا شيخ ربنا يجعلك فى كل خطوه حصان لحد ما تجمع المرسيدس كلها حصان حصان
تحياتى ليك سومه_87
ايما
شوفتى ما انا قلت كدا محدش صدقنى يا بنتى كلهم مسكوا فى انها حلم وممسكوش فى ليه وازاى بطيغ عينه زاغت وعاكس
اشكيكوا لمين يا رجال غير لربنا
حسبى الله ونعم الوكيل
تحياتى ليكى سومه_87
حنين القلب
ماهى متشاله مش لسه بقولك الجواز كتير بس هى النفس
تحياتى ليكى سومه_87
ابن حجر
مفيش راجل بيبطل معاكسه حتى لو مطلعهاش من بقه بيخبيها فى قلبه
وعلى لسانهم ديما شوفلى عروسه ويبقى متجوز وبرضوا متردد بشان اللى معاه حتى لو واخده بالها منه
لا تقلق انا مش زعلانه انا برضوا توقعت ان عشان البوست الجديد نزل انك حتقرا التعليق بس مش حترد
انا كمان جامعه حلوان بس فنون كميله
تحياتى ليك سومه_87
الياوى
شكرا ليكى وفعلا الرايق وفرنسا استطاعوا تحقيق اجمل بلوج جماعى رايته من وجهه نظرى دا طبعا بفضل ربنا بسم الله ما شاء الله
عشان محدش يقول انى بقر
نورتينا
تحياتى ليكى سومه_87
مونى
هههههههههه حلوه القط ميحبش الا خناقه دى
بس فى علاقه تانيه غير دى بين توم وجيرى والازواج وهى المقالب اللى بيلبها توم لجيرى
تحياتى ليك سومه_87
مفيش راجل بيبطل معاكسه حتى لو مطلعهاش من بقه بيخبيها فى قلبه
فاقسانا يا سومة .. طب الحل إيه طيب ؟؟
خلاص بقى ماتزعلوش لما نعاكس و من ورا زوجاتنا
كامليا
وحياتك لسه مشوفتش لا دباديب ولا يحزنون
اما اتخطب ابقى اقولك جالى دباديب ولالا بعدين انا واحده تفكيرى عملى الافضل يدخلى بحزمتين فجل وجرجير قال دباديب قال ياما جاب الغراب لخطيبته
ولو سمعنى كاظم حدشدشله التسجيل مبحبوش انما لو سمعنى سى عبحليم افندى ممكن اندمج شويه
تحياتى ليكى سومه_87
ابن حجر
ومين قالك حنزعل مش قولت فوق الحل اننا نتجاهلهم ونخليكم يا رجاله حاسين انكم عاملين عامله سوده
سومه_87
سامو
دى مش مدونتى بس فى هنا ولا 10 مدونين كلهم زى العسل انا ما الا واحده جارتهم وحشريه ومطلعه عينهم وعين بطخطخ خطيبى الخيالى
تسلم على مرورك واتمنى تشرفنا تانى
وتذكر دائما ان ما اقول هو كلام مجانين
تحياتى ليك سومه_87
سومه الحشرية
جارتنا العزيزة
احتلت المدونة يا جدعان
هل من مستمع هل من مجيب
الى الرايق وعائلته
ابناء الرايق واحفاده غرقوا فى العبارة يا جدعان
ولا ايه فين البنات وفرنسا
فين اولاد الرايق
همس
هعهعهعهعععع
سابوك وجريوا بالشفاء ان شاء الله
لا انا عندى معلومات ان الرايق هرب فرنسا والاولاد تقريبا سابك انت تشيل القضيه
سومه_87
يا رجال العالم اتحدوا
هناك مؤامرة تحاك ضدكم من النساء
الستات دول مفتريات ولابد من وقفة
ولتكن 40 دقيقة حداد على ارواحهم
وصدق المثل القائل
من يامن للدنيا والحريم يبقى اهبل او غشيم
يلا انفجر المدونة بكل من فيها من نساء
الرجالة تهرب بسرعة
سومه
اختى الوحيدة
متاكده من تلك الاخبار
انا حاسس بخيانة
هجووووووووووووم
همس ايوه متاكده تماما
سومه_87
الا قولولى هو اللى ياكل لانشون مسمم يحصله ايه عشان انا رايحه اكله وشاكه انه بايظ؟؟؟
لنشون ومسمم
توكلى على الله بالهنا والشفا
متخافيش
انا مجهز الورد وكل حاجة
بقولوك بلاش تاكلى بطيخ معاكى
محتاجينه معانا
عامة لو حسيتى باى الم ولا حاجة
اتصلى 0900
وانا هبعتلك الدكاترة العلامة عبده الرايق وهو ايعمل اللازم
كانت حشرية ولسانها طويل
يلا ما دايم الا وجه الله
انا اكلته وربنا يستر بس لو تعبت اوعى تجيبلى العلامه الرايق ثم انا لو مت بطيخ عمره ما حيعييش منغيرى انا وهو روحين فى زكيبه هههههه
تحياتى ليك سومه
_87
على فكره بطنى بدات توجعنى فعلا ههههههههههه الطفاسه مش حلوه
مقيت فيها يا ابن عمو الرايق
ههههههههههه
سومه اتسمت يا رجالة
الحق يا رايق شوف شغلك
سبوبة زى الفل
وبعدين يا اختى اللى يجى على الرايق واولاده عمره ما يكسب
دول ولايا مكسورين الجناح
هههههههه
سومه
اوعى تكونى بتتكلمى بجد
الحقى نفسك اديها ليمون
او انزلى الصيدلية خدى حاجة بسرعة
يادى الطفاسة والفقعة اللى فيكم يا بنات حواء
ماشيين بمبدا وجع بطنى ولا دلق الطبيخ
همس
تقريبا اختراع الليمون بتاعك منفعش انت بتنادى عن الرايق صحيح مصائب قوم عن قوم فوائده
ســـومة
.....
ولو سمعنى كاظم حدشدشله التسجيل مبحبوش انما لو سمعنى سى عبحليم افندى ممكن اندمج شويه
.....
عبحليم؟؟؟
ما بلااااااااش
علشان لما يزعلك هايسمعك .. بيع قلبك بيع ودك شوف الشارى مين
ولما يجيى يصالحك هايسمعك .. قولى حاجة أى حاجة قول بحبك قول كرهتك بس انطق وخلصنى
لوما تتقلى عليه هايسمعك .. جبااااااااااااار فى قسوته جبااااااار
ولما تعاتبيه هايسمعك .. ظلموه .. القلب الخالى ظلموه
ولما تطلبى منه طلب هايسمعك .. توبة .. توبة ان كنت احبك تانى توبة (يامُستغل)
ولما تطلبى كلمة حلوه هايسمعك .. كان فيه زمان قلبين الحب تالتهم
تقوليله بقى ده كلام؟ يقولك .. بلاش عتاااااب لو كنت حبيبى
ها
اكمل لحد ما تتجوزو ولا ايه؟؟
خليكى احسن فى كاظم
أصله بيحترم الحبيبة أوى
كل ما يكلمها يقولها يا سيدتى .. زى ما يكون بيشتغل سواق عندهم
.
سومه
بتودع يا جدعان
والرايق بيقوم بعمليات الاسعافات الاولية
والنتيجة !!!!!!!!!!
مع الاسف اضطرينا نضحى بسومه علشان خاطر بطيخ يعيش
زغرطى يا فرنسا
افرح يا رايق
جارتكم الحشرية سومه اكلت لنشون مسمم
بس الواضح انه السم اللى فيه مغشوش
اختى كاميليا
سبيها تسمع اى حاجة
دى حلاوة روح يا كامى
حلوة سيدتى دى
هما الرجالة اللى جابونا الكافية ووجع القلب
ماله احمد عدوية ومالها السح الدح امبو ادو الواد لابوه
ولا كوز المحبة اتخرم اديله بلطة لحام
يا عينى اخر سلطنة
همس الاحباب
اخى خالد
.....
هما الرجالة اللى جابونا الكافية ووجع القلب
ماله احمد عدوية ومالها السح الدح امبو ادو الواد لابوه
ولا كوز المحبة اتخرم اديله بلطة لحام
.....
عندك حق اهو احمد عدوية ده مناسب جدا للحالة بتاعت اللانشون
علشان لما تقول ااااه .. تعبانه .. يقولها سلامتها أم حسن
تقوله ودينى للدكتور .. يقولها دكتور ايه .. احنا نروح نعمل زار ويغنى لها .. هههههههه نسيت اول كلمة .. استنى ...
تقريبا حرنكشنج دبح كبشه
هههه مش عارفة كتير فى اغاني عدوية
وبعدين الراجل السمكرى بتاع الكوز ده مش ينفع .. هايعملها صداع .. بعدين تغنى لنا هى بقى .. جرحونى وقفلوا الاجزخانات
.
كامى
ههههههههههههههه
ايوه كده
هو المطلوب سماعه
صداع وزعابيب وكده
اصلها جارة حشرية قوى
اتغنى سممونى وقفلوا الاجزاخانات
شفتى حد ياكل لنشون لنشون لنشون
وكمان بايظ يع
همس الاحباب
ايوه يا خالد
....
اتغنى سممونى وقفلوا الاجزاخانات
شفتى حد ياكل لنشون لنشون لنشون
وكمان بايظ يع
....
سممونى وقفلوا الاجزاخانات هههههه
وتقوله اتصرف يا بطييييييخ
يقولها .. مانا مش لاقى الدكتور
يوماتى اروحله مرتين م السيدة لسيدنا الحسين
تقوله اشمعنى السيدة وسيدنا الحسين؟
يقولها .. عشان ابيع الدبلتين والاسورة
تقوله .. الشبكة؟؟
يقولها ااااه .. اللى شبكنا يخلصنا
تقوله .. خاف اااالله ... خااااف الله
.
.
انا جيت يا اولاد الرايق
هههههههههههههههه
سومه اتسممت؟؟؟!!!!
سووومه؟؟؟؟!!!!!
اتسمممت؟؟؟!!!!!!
اوعو تكون اكلت اللانشون؟؟؟
ايون
الانشون اللى احنا حاطينه للفيران....علشان نموتها
يعني يا سومه مش لاقيتي غير الانشون بتاع الفيران؟؟؟؟؟
ما عندك يا حشرية.....الشوربه اللى بقالها اسبوع فى التلاجه
طفاااااااااااااااسه
انا ماليش فى الاغاني يا بشر
انا ليا فى البيبس
حاجه ساقعه...بيبس
انا متهيألي
لو سومه جالها عريس...حتقول يا مه القمر على الباب نور اناديله
يامه الحقى!!!!!!
الحقى حيوووووووووووولعععععععععععع!!!
هههههههههههههه
السلام عليكم ورحمة الله وبركاته
سومة بجد فعلا أسلوبك جميل جدا فى الكتابه وسرد الاحداث هههههههههههههههههههه
بجد أنا بحيكى عليه وعلى المدونه الرائعه والمميزة دى
دى اول زيارة لى لمدونتك لانى جديده فى عالم التدوين وإن شاء الله هتتكرر كتير فأتمنى إنك تقبلينى زائرةدائمه لكى ولمدونتك الجميله
تقبلى تحياتى
أختك الملاك
مفروسة وصلت يا جدعان
اختى الحقى سومه اتسممت
والرايق بيعالج فيها من الصبح
وخايف عليها شكلها اتفرفر فى ايديه
انتى عارفة ابوكى الدكاترة عبده الرايق وبحور علمه فى علاج التسمم
كامى
هههههههههه
انتى متعرفيش
مش بطيخ سلف الشبكة للرايق
والرايق باعها فى سوق الجمعة
ب3 جنيه ونص
اصلها طلعت شبكة قرعة
قصدى فالصو
الملاك
وعليكم السلام ورحمة الله
نظرا لظروف الاخت سومه الصحية وعدم تمكنها من الرد عليكى فى الوقت الراهن
فانتهز تلك الفرصة الذهبية
وارحب بحضرتك وقولك اننا سعداء بتشريفك والحمد لله ان المدونة عجبتك
وكمان اسلوب سومه يجنن وساخر جدا
بس مع الاسف بقت سومه المسمومة .
هو فين الرااايق ده؟؟؟!!!!
إلا مافيش حد موجود فى المدونه المهجوره ديه؟؟؟!!!
انا حعما اضرااااب
انا لوحدي انا و اختي الهيمانه كاميليا بتاعة الاغاني
و الست سومه الحشريه...اللى جالها تسمم من الحشره
واخي خالد
عاااااااااا
كل شغل البيت واقع على دماااغ مفروسه
إهيء إهيء إهيء
يعني الجردل فى إيد....
و المقشه فى إيد......
الصبح فى البيت...
و بالليل على الكورنيش..
انتو بتضحكوووا عليا و لا اييييييه؟؟؟!!!!
فينك يا فرنسااااا
اوعاكو تكون اتبرت مننا و من عمايلنا؟؟؟
ولا يكونشي طينت عيشة الرايق بعد مجيء بنته الالمانيه؟؟؟
ما انا عاارفه فرنسا زي الفريك
مش تحب شريك
عااااااااااااااااااااااا
عاااااااااااااااا
انتوووووووووووفين؟؟؟!!!!!!
مفروسه
انا جيت اهو انا عارفه ان باولو ده مش هيجبها لبر
انا هوديه يقعد تحت الشجره او اربطه فيها هههههههههههه
هههههههههههه كاميليا
الناس ازواق وعلى فكره اكتر اغانى قولتيها اللى انا بحبها طيب ياختى الهى يغنى اللى قولتيهم دول كلهم خير وحياتك
عارفه كاظم دا بتخنق اما اسمعه حتى لو سيدنى من هنا للصبح
تحياتى ليكى سومه_87
هاهاهاها رجعت يا بشر يا ستار يا رب على الحقد
كل دا عشان شويه مغص ربنا ما يحوجنا ليكم ابدا
طبعا ما صدقت يا همس لاقيت زبونه واديتها
اركن على جنت خلينى اسلم على البنيه واضايفها بدل المضايفه اللى انت كسفتنا بيها دى
ملاك
منوره يا حبيبتى مصر كلها والمدونات
يا مرحبا يا مرحبا نوركم غطى ع الكهربا اهلا بيكم اهلا بيكو يالى احنا جينا عنديكو
احنا فرحانين احنا مبسوطين
بنت يا ايبى افتحى ازازتين عصير منتهى الصلحيه اللى لسه جايباه من يومين
ياله شهلوا واعملولكم همه
ماله يا حاجه ايبى باولوا مزعلك فى ايه يا اختى طيب دا حتى مطيع واخره عضمه
تعلن قوات الامن السوميه الهمسيه المفروسيه الكاميليه المتايبه عن مسؤليتها فى خطف الرايق وخالتى فرنسا
يا مفروسه قولتك الرايق ممسوك فى قضيه جلد حنفيات محدش صدقنى
يابنتى هو السبب فى غرق العباره
مش قلتلك الحنفيه فوتت بسببه وغرقتها
يا عينى عليكى يا خالتى مين حيربى كوم الللحم دا من بعد الرايق يا خالتى المفروض يحصل موقف جدعنه من مفقوعه حماه الرايق وتساعدها
ببا رجع وجابلى 3 شاورمه من ام عيش كبيييير مش الفينو المخستك بتاعنا
واكلتهم مش عارفه ليه حاسه نفسى اتسدت يا ترى حتعشى ازاى
حدش عنده فوار عاوزه اهضم عشان اقوم اتعشى
حد عاوز حتتين جاتو او بسبوسه انا فى الخدمه
يعنى مش كدا ازعل بقى ولا اتقمص يعنى ولا اخبط راسى فى الحيط اول بوست ليا هنا وخالتى والرايق مجوش هى دى غلاوتى عندكم طيب خلاص لا انتوا جرانى ولا اعرفكم بس
السلام عليكم
باينلى جيت متأخرة اوى اوى بعد التعليق المية وحاجه بس مش مهم المهم انى جيت هنا بس المواصلات بين المدونات بقت زحمة موت على ما توصلى للمدونة اللى انتى عاوزاها.
المهم
امممممم
يالهوى انا نسيت انا كنت عاوزة اقول ايه
اللهم ذكرنى ياربى
اللهم ذكرنى ياربى
ماتقولى ليا انا كنت عاوزة اقول ايه
امممممم
اه افتكرت
بصى حوار الراجل والست دا فعلا زى توم وجيرى معركة غير منتهية مش عارفة ليه
وبالنسبة لسومة وبطيخ يابختها انها كانت فى حلم مش فى حقيقة .
بالنسبة لطريقتك فى الكتابة ممتعه بجد.
ويارب بطيخ يبطل يبص برا تانى
وعلى راى المثل القائل(اللى انتى لسه قايلاه)
برا وجوا فرشتلك وانت مايل مين يعدلك.
سلاموز
أول تعليق ليا في المدونة الرائعة دي
ربنا يوفقك
سومـــة
..
الناس ازواق وعلى فكره اكتر اغانى قولتيها اللى انا بحبها طيب ياختى الهى يغنى اللى قولتيهم دول كلهم خير وحياتك
...
أفهم من كده انك بتحبى كمان عبد المطلب؟؟؟؟؟
....
عارفه كاظم دا بتخنق اما اسمعه حتى لو سيدنى من هنا للصبح
...
هههههههههههههههه
خلاص نخليه يغنى لك يا مُستبدة
كازم ده جميل .. مش بتسمعى اغنية .. لاتتنهد احسن تولع لنا الدنيا
هههههههههه
تحسى انه بيغنى لتنين
.
همس الاحباب
....
هههههههههه
انتى متعرفيش
مش بطيخ سلف الشبكة للرايق
والرايق باعها فى سوق الجمعة
ب3 جنيه ونص
....
ااااااه .. قولتلى بقى
علشان كده اخد الجرشينات وراح يصييف فى راس سدر ويتروشن
.
دونت بريس اف 1
الاول عاوزه اعرف مندوسش ليه على f1
ثانيا الحقيقه متختلف عن الحلم اكيد عقلى الباطن حاسس ان فيه مصييبه بتتدبر من ورايا
تصميم مواقع
تسلمى على مرورك الكريم
انتى يا ابلتى كاميليا الاقيش عندك عودين جرجير
بطيخ مين اللى يدى الشبكه للرايق هو المقندل على عينه كان جاب شبكه ولا شوفنا ريحتها ما اتباعت يا اوختى من تانى يوم عشان البيه يسد تمن العفش
تقصدى الرايق راح يصيف فى مارينا بتاعه لومان طره
كله من جلد الحنفيات لا ومش حابك يصيف غير على مدونتى
ماشى يا ابو الرووق
اياك بس خالتو فرنسا متكونش تعبانه
سومه
-87
هههههههههههههههههههههههههههههههه
جميلة بجد يا سومه
كل ده كان حلم
يا أحلامك يا سومه
هههههههههههههههه
بس فعلا انا استغربت كل يوم تضربى لون فى شعرك
كل يوم ؟؟؟
قولى كل سنة
كل ميد تيرم
مش كل يوم
ههههههههههههههههه
وهو فيه حد برضه يتجوز بطيخ
ماله العنب
ولا التفاح
ولا المانجو
هههههههههه
تسلم ايدك بجد
سالى
تسلميلى يا سالى
انا اعرف ناس بتعمل العجب ومع ذلك مفيش فايده تقولى ايه حسبنا الله
تحياتى ليكى سومه_87
إرسال تعليق