الثلاثاء، يوليو 08، 2008

2 - عائله الضاحكون ...البطاله جزء اول


اخوانى فى كل مكان انهارده موعدكم مع مشكله ممكن تحصل فى اى بيت مصرى ..وممكن ليه ...دى فعلا بتحصل فى اغلبيه البيوت المصريه ...البطاله ..والبطاله نوعين ..بطاله الشباب المقبل على الحياه وبطاله رب الاسره ..وانا الدكاتره عبده الرايق بقول ان اسوء انواع البطاله بطاله رب الاسره ...انهارده احنا هنتكلم عن بطاله رب الاسره ...وهناخد فى طريقنا بطاله الشباب لفه كده على الماشى .... علشان المشكله عويصه شويه قسمناها على حلقتين ...ودلوقتى تعالو ا نشوف المصيبه اللى حلت على عيله الرايق

لحلقه الاولى من البطاله

**********************

فرنسا :- ياولاد حد يخش يشوف ابوكم ويقوله كلمتين انا بصراحه غلبت معاه ..امبارح اتخانق مع المدير بتاعه وراسه والف زعزوعه قصب انه يسيب الشغل ...وانتم عارفين لو ابوكم قعد من الشغل يمكن مايلاقيش شغلانه تانيه ..ولا يمكن ليه ده اكيد مش هيلاقى شغل هو حد فى البلد لاقى يشتغل .. وبعدين انا حاسه كده انهم رفدوه ... وانا لوحدى مرتبى مش هيكفى البيت ..مالكم ساكتين ليه ؟

واحدة مفروسة:- يااااااااااااالهوييييييييييي مين ده اللي بسيب الشغل؟؟!!! و خناقة إيييه اللي بتتكلمي عنها.؟؟؟؟؟ياااخراااابي ليكونو عاوزين يخفضوا الموظفين قامو خلقوا مشكلة معاه؟؟؟؟و لا يمكن مسك عليهم غلطة!!!اااه ماهم اليومين دول اللي يكشفهم و يكشف الاعيبهم يتخانقوا معاه و يقرفوه..لغايه لما يقول جاااااااي و يمشي يالهوي يالهويي..لحسن يكونوا حيخصصوا المدعوءه اللي بيشتغل فيها؟؟؟؟ اااااه ماهم يقعدوا يعملوا البحر طحينه من بتاعة رشيدي الميزااان...وهيه و لاميزان ولا نيله...و ميزانهم مش موزون اصلاا و بعدين يستغنوا عن الموظفين....انتي عارفه ...البت نجاة زميلتي..ابوها قالوله البنك اللي بيشتغل فيه حيخصخصوه..كل واحد يمضى على استقالته و حنرجع نعينه بآضعاف المرتب....قوم الراجل من عبطه مضى........ومضى قطار العمر بيه وعمل حادثة على قضبان متكسرة.....واهه قاعد على القضبان يبكي...غباءه فى انه صدقهم...قال و إيه ماسك مرايا و على نغمه واحده عمال يقول ..إخص و يبص فى المرايا و يقول ..إتفوه..خصخصوه...إخص إتفوه خصخصوه...إخص إتفوه خصخصوه

قوس قزح :- يعنى بقى عنده اجازة مفتوحة هييييييييييييييه .. اروح اتفق معاه بقى و نشوف هنعمل ايه فيها بابتى يا بااابتى

فرنسا :- فرحانه ان ابوكى اترفد ...اشوف فيكى يوم بالوان الطيف الخمستاشر يا قوس قزح

بلطجيه هانم عويل (مفقوعه ) :- بقى المدير النص لبة ده يقدر يرفت الرايق بيه ... هو يقدر يمشي خطوة من غير جوز بنتى حبيبي ده إن ماكانش المدير هو اللي يركع تحت رجلين الرايق ويقوله المصلحة هاتخرب من غيرك يارايق ماتسيبناش ياروقة .. هانشحت من غيرك ... ماتسيبناش نلوص ياأبو الروقان ... ابقوا قولوا تيته مفقوعة دي مابتفهمش في أيتها حاجة .. ودخلوني مدرسة فكرية وقولوا الست دى نزل علي نافوخها التخفيض

فرنسا :- الف بعد الشر على نافوخك يا ماما ...وبعدين موسم التخفيضات لسه بدرى عليه

مواطن مصرى : يوووووووه هو كل يوم لازم نصحى على صوتكم دا ايه وجع الدماغ ده , ماله سى الحاج بابا ماهو اكيد انجعص على المدير و عمل فيها رئيس مراجيح مولد النبى و قعد يقوله نو نو نو و رطن له بالكلمتين الانجليزى اللى اخدهم فى سنه رابعة ابتدائى انا لو من المدير ارفده بس اتعين انا مكانه اه كفايه علية كده و كفاية على المدير كمان انا ممكن امسك مكانهم هما الاتنين سبونى بقى اقوم آكل اوو نو زيس ايز فرى كريزى بيت على راى ابو الروقان سى بابا

فرنسا :- والنبى ماحد هيرفد نافوخى من راسى الا انتى يا بتاع الديناصورات ...بقى عايز تاخد مكان ابوك فى الشغل ؟؟؟ اصبر عليا شويه يا اسلام يابن فرنسا ...انشاء الله هاعمل اكله من اكلاتك واكلهالك لوحدك

آبى :- براحه شويه يا فرنسيس هانم انا مش فاههمه حاجه هو عبده بيه هيسيب الشغل؟؟... يبقى كده مفيش مارينا السنه دى ولا ايه طيب حتى بلاش شرم الشيخ هو ليه بابا بيعمل كده فينا يعنى لو مش عجبه القعده على السلم يعملوا له مكتب على السطوح ويقعد فى مكانه

فرنسا :- مارينا ؟؟؟ طيب احنا مارينا دعوه ...تعاليلى ياما شوفى بنتك ام باريس جرالها ايه

سومه المجنونه الحشريه :- سلام عليكم يا جماعه..فيه ايه يا فرنسا ياختى ؟؟...الجيران لبعضيها ..انا سمعت من خرم الباب ان سى الرايق رفدوه ...قعدت اصحى فى المدعوء بطيخ جوزى يجى معايا نعزييكم ونتفرج عليكم ...بصلى وقالى انا مروحشى للاشكال الحوش دول ...قلت له اخرس يا طيخه ..فرنسا دى ست ولا كل الستاتيت...ورحت واخده ديلى فى سنانى وجيت جرى اتفرج عليكم ...اصلى بحب الفرجه ومبحبش الحكايات دى تفوتنى ابدا ...

فرنسا :- فيكى الخير يا حبيبتى ..اتفرجى براحتك ...وبعدين مكنتيش تعبتى نفسك وانا كنت اسجللك المصيبه فيديو

سومه المجنونه الحشريه :- ولا يهمك يا فرنسا ...فيديو ايه وزفت ايه ؟؟ انا بحب اتفرج على الهواء .. شوفى بقى يا فرنسا ...انا حاسه كده ان الرايق اختلس فلوس وعلشان كده ادوله صابونه وفرقعوه ...والراجل مبيختلسى فلوس الا لو كان فى ست تانيه ...خلى بالك يا فرنسا ..انا جايه وقصدى خير ياختى ...قطيعه تاخد الرجاله فى مركب واحده واولهم طيخه جوزى حبيبى

الطائر الحزين:-بابا بابا رد عليا انت مش سامعنى ولا ايه ولا كمان شايفنى ؟؟؟؟؟؟

فرنسا :- يا مجايبك يافرنسا ..ياخلفتك البيضاء يا فرنسا ...بتكلم مين ياحبيبى ؟؟ هو فين ابوك الرايق اصلا ؟؟

الطائر الحزين :- انا عارف انكم كلكم كذابين والناس اللى ماشية فى الشارع كمان كذابين- مش انت يا ماما يا فرنسا وانتم يااخواتى وانت يا عم زينهم يا حلاق مش كل ما تشوف ابويا كنت تقوم تقف وتقول له اتفضل يا بيه ؟

فرنسا :- فين زينهم الحلاق ده ؟؟؟الواد خرف ولا ايه ؟؟؟ ولا يكون فاكر نفسه على المسرح

الطائر الحزين :- مش انتم قلتم كلكم ان بابا هو المدير وكان بيقعد كثير ميروحش الشغل وكنتم بتقولوا عليه المدير- منظرى هيكون ايه قدام صحابى لما يعرفوا ان ابويا اللى مخلفنى هيبقى عواطلى - بس انا عارف بابا مستر رايق اكثر منكم ميسبش الشغل ابدا الا اذا كان نايم على شغلانه تانية هتأكلنا الشهد اكيد فيه شغلانه تانية -

فرنسا :- نايم على شغلانه تانيه ؟؟؟؟؟؟؟؟ هو حد فى البلد لاقى تانيه ولا تالته ؟؟؟

هيما :- وحدووووووووووووووووووه يا جدعان .... ليه بس الشقاوه دى هو حد لعب فى ترومستات التلاجة ولا إيه ؟؟؟ الدنيا حر حد يحط فيشة التلاجة ياخوانا

فرنسا :- اهى كملت والحانوتى وصل

هيما :- ايه فى ايه يا بشريه ؟؟؟ ! قولولى بس مين مزعل بابا وإحنا نقطعوه ونسلخوه وبعد كده هنحطه فى اكياس ..ونعينه فى التلاجة ..وأهو يساعد على كيلوين البطاطس اللى بنجيبهم اول الشهر..

فرنسا :- هو انا كل واحد يجى اغنيهاله ما عبيها فى شريط كاسيت احسن ..ابوك هيسيب الشغل ..

هيما :- مصيبه لحسن يعمل زى واحد صاحبى هيشتغل بعد ما يتخرج فى القطر وهيشيل خشبة ويحط عليها جهاز ضغط وترمومتر ويمشى فى القطر ويقول " أقيس ضغط ...أقيس حرارة ... تقيس ضغط مرتين نقيس لك الحرارة هدية يالا ...مين يقيس قرب يابيه قرب ياباشا

مفروسة( لأمها):إييييه.؟؟؟؟ إييييه؟؟؟؟؟شغل إيه اللي يسيبه ده.؟؟؟!!!!!!..حد يبقى فى شغلانه اليومين دول و يسيبها....لييييه؟؟؟!!!!....شايف المرتب بتاعه إن شاء الله بيقضينا...ده يا حسره..إن كفانا عيش حاف مش يكفينا غموس...و بيكمل باقى الشهر سلفيااات....اما ادخلله اشوف النصيبة اللي حتطبل و ترقص على واحده ونص على دماغنا ديه

صبرني يارب(بتكلم نفسها) : حلو كمان هايسيب الشغل تبقى كملت قال يعنى لاقي الاشغال بتجري ورانا . ما انا اهو اتخرجت وقاعده زي خيبتها . طب ان شاء الله لو حصل وساب الشغل يبقى ننسى الجواز والجهاز والعيشه والى عايشينها .جواز ايه ده احنا هانجوع يا معلمي. لما اقوم ادخل مع البنت مفروسه واقوله انا كمان كلمتين


الى اللقاء مع الجزء التانى
ومواجهه مع الرايق والبطاله

هناك 98 تعليقًا:

رئـــــيسـة حزب الأحلام يقول...

هتسيب الشغل يارايق ليه كدة ايه اللى حصل
على العموم انا شكلى هسيب الشغل انا رخرة نرنح بقى نسرح ببطاطا
اهى شغلانه

عبده الرايق يقول...

رئـــــيسـة حزب الأحلام

بطاطا فى الصيف ؟؟؟؟؟؟؟

نو
نو
نو
انا هاسرح بترمس علشان املىء القلل وابيع بق الميه بواحد جند والترمس ببلاش

maiosha يقول...

كده يا رايق هتسيب الشغل

هو إنت فين أصلا فى القعدة دى؟؟
أقولك على شغلانة حلوة إعمل زى صاحب دكتور هيما

هات سلم وحطه فى محطة القطر وأقعد عليه .. وأهى كده قعدة سلم وكده قعدة سلم .. بس صدقتى فى محطة القطر بالطريقة دى هتكسب أسرع

maiosha يقول...

ولا أقولك تعمل إيه أحسن

خد تلاجة هيما وإملاها بيبسى وكوكاكولا .. وأقعد عند بوابة عمارتكم

أه ومتنساش السلم برضة تعقد عليه .. طبعا ده عشرة عمر .. أوعى تتخلى عنه

kochia يقول...

يا حرام
يعني شقة قد الحق
وكمان الراجل اترفد
مهو من انزحته
تلاقيه قعد يفتي ويتفزلك
وجاب العيال ورا
هم يستاهلوا صحيح
بس برده اهم عياله وفي رقبته
ابقي تعالي مع البنت اللي هتبعتها عندي يا رايق
وانا هشوف لك حاجة ككويسة
واحد كدة عاوزة افقع مرارته عشان هو عنده مرارتين
تعبينه اوي
وانت عارف كتر المرارة بيجيب المرارة
عشان كدة نخدمه انا وانت ونفقعهمله

مستنياك مع البنت

australia يقول...

بصراحه هى لما بتقفل - بتقفل مره واحده *ولمابتفتح- بتفتح مره واحده .
انا لازم أواسييك واخد بخطرك كلنا بنتحط فى المواقف اللى زى دى .
بس العيال ولادك دول ولاد ال.......!
كل واحد بيدور على همه وبس اللى عايز يتجوز والمصايف وغيره .
متزعلش منى يا رايق انت معرفتش ثربى العيال دى ودلعتهم اوى .
المهم ربنا يصبرك على البلاوى دى بتاعة الشغل ووووووممكن ولادك .
انا فى انتظار الحلقه التانيه علشان اطمئن عليك بس انت مكنش لك صوت ومحدش بيبص عليك.
ياخبر ابيض احسن الرايق يكون اغمى عليه من الزعل قوموا ياولاد شوفو ابوكم !
ربنا يطمنا عليك يا راااايق .
(البوست رائع)

دكتور بهــدوء يقول...

شغل ايه ونيله ايه اللي هتزعل عليها يا خي فكك
صحتك ف الدنيا
ووجودك وسط عيالك كده والله مافي احسن منه
واحنا هنستفيد ايه م وجع اعصابك
وفرنسا المفروض ماتضايقش نفسها
وترشد استهلاكها شويه
وهتمشي المركب مش لازم اريال النص كيلو
دلوقتي اريال عامل تمن كيلو لزوم الغسله
هوه الاريال سبب زياده المصاريف ف كل بيت
ركزي كه يا فرفر وانتي هتعرفي
********************************
البوست


ولاااا اروووووووووووووع

الطائر الحزين يقول...

هنا من ارض اسوان احييكم جميعا
يا عمى هو انت اول واحد يترفت من شغلة

بقول لك لما كنت باجى لك الشغل كان فيه ثلاث انفار بيقعدوا على المكتب يتاعك وكل واحد له درج وكل واحد فى ايدية مفتاح يا ترى الدرج بتاعكم مين اللى هايخدوا؟؟

عاوز سودانى
ولا تسااااااااااااااااالى يا لب

قوس قزح يقول...

ولا يهمك يا روقة مفيش احلى من الاجازة

لا صحيان بدرى
ولا ارتباط بمواعيد
ولا حد يتأمر عليك

المشكلة بس فى الفلوس و دى امرها سهلة خاااالص
و ادى اول المشاريع اهو مع رئيسة الاحلام
بعها لها كام حلم من احلامك اللى محصليتش و الحلم يكون بـ10 جند

قوس قزح يقول...

maiosha

انتى نسيتى ان السلم تبع خالد و عامله مصدر رزق له من حكاية النمل
ممكن يأجر عتبة الباب لابوه

اما عن تلاجة هيما دى صعبة جدااااااااا

قوس قزح يقول...

kochia

بنت !!
بنت ايه
ايه يار روقة انت عتبيه بناتك ولا ايه

يالهووووووووووى
الحقينا يامااااااااااااااااا
اخلعى الرجل ده بسرعة قبل ما يخلعنا منك
الرجل ده ناوى يعمل علينا مكتب سيرفيس لمدونات
البنات يروحوا يروقوا المدونة و ينضفها
و الولاد يعملوا قهوة و شاى و بيبسى

هيما خبى التلااااااااااجة

مواطن مصرى نايم يقول...

انا مش حتنازل عن ان المدير يرفد الرايق
عشان اتعين مكانه

ممكن اخليك تبيع الترمش و الميه على باب المصلحة
متقلقش
مستقبلك مضمون

kochia يقول...

قوس قزح يا حبيبتي
انت الظاهر مقرتيش عرضي اللي عرضته علي ابوكي في البوست بتاع الشقة الضيقة دي اللي هتموتوا فيها
انا قلت اخدمكم ويبعت واحدة منكم تبات عندي لان المطبخ عندي فاضي
ماحنا جيران وبلديات والناس لبعضيها
بس هو مرضيش بصراحة
بس دلوقتي هو عطلان وانا هخدمه
هي الشهامة خلصت من البلد ولا ايه
وانا هاخدكم كدة شروة
يللا والرزق علي الله

مدونة الدفاع يقول...

,ولا يهمك يا روقه بيه انا طول عمرى ماحبش غير الشغل الخاص عشان كده بانصحك تتجه للاستثمارات الخاصه وتكون ملك نفسك فكر كده فى مشروع حلو تفتحه مثلا كشك ورد ولا تجيبلك شواية سمك وتشوى عليها دره(اصل ااسمك غالى)ولا ياريت بقى صندوق تلميع احذيه وتشوفلك قهوه وتقعد على اجدع كرسى فيها وتلمع بقى يا باشا والميزه فيها ان مشاريبك على حساب القهوه ولو زهقت ابقى العبلك عشرتين طاوله مع اى حد
او اقولك رمضان قرب وكل سنه وانتو طيبين اعملك فرن كنافه بلدى وفرن قطايف وانت تكسب دهب
بس ابقى خلى بالك من الضرايب والامن الصناعى والحى والمرافق والتموين والحراميه واشوفك بقى من كبار رجال الاعمال فى عالم البزنس الخاص ،عقبالنا يارب

المـــفـــــــقــــــــوعـــــة مــرارتـهــا يقول...

انت عاوز تبيع أحفادي يامنيل
أنت أتجننت يارايق
لو مصمم كدة
يبقي النص بالنص
انا نص وفرنسا نص
هو انت هايجيلك اعز من حماتك بلطجية هانم المفترية

عبده الرايق يقول...

kochia
كوشيا سيبك من العيال دول مش فاهمين انك عايزه تساعدينا
ربنا يجبر بخاطرك
طبعا سويسيه ومن ارض البطوله
شوفى بقى
انا هابعت لك حماتى بس عايزك تشدى عليها شويه لحسن مطهقانى فى عيشتى
وهابعتلك البنت قوس قزح علشان ترسم لك لوحه وانا عارفك ايديكى فرطه وهتديها كام الف يورو ولا كام الف دورر يمشوا الحال شويه
واعملى حسابك
انا لازم اطمئن على مفقوعه جماتى الغاليه وبنتى العزيزه قوس قزح 3 مرات فى اليوم
مره فى الفطار
ومره فى الغداء
ومره فى العشاء
وعلشان انا عارف ان انتى فى التعليم والحاله على قدك انا مش هتقل عليكى
انا هاجى لوحدى ومحدش هيجى معايا خالص الا ممكن فرنسا مراتى
وممكن تيجى معانا بنتى الواعيه الناصحه مفروسه
وممكن اجيب صبرنى يارب علشان غلبانه والجوع قارصها
وممكن اجيب البنت ابى
ومها زين والبنت المجنونه سومه
ومش هاجيب حد من الرجاله ابدا الا الطائر الحزين والواد المواطن بتاع الديناصورات والواد الحانوتى هيما بتاع التلاجه
و ابن حجر العسقلانى
ونيجرو
وحبيبى همس الاحباب هو وبولو الحلاق
بس مش هاجيب حد تانى
اعملى بقى حسابك احنا عائله من ذوات اكلى اللحوم
يعنى فطار وغداء وعشاء
لحمه وفراخ وسمك
وعلشان منكلفكيش كتير هنجيب معانا المعالق والطباق بتاعتنا

عبده الرايق يقول...

مدونة الدفاع
انا الدكاتره \ عبده باشا الرايق اشتغل بتاع ورنيش ؟؟؟؟؟؟؟؟؟
نو
نو
نو
انا لايمكن اقبل المهزله دى
ولا يسلم الشرف الرفيع من الاذى حتى يراق على جوانبه الدم
انا اشتغل بتاع ورنيش ؟؟؟؟؟؟؟؟
25 سنه وانا سارح بالصندوق بتاع الورنيش زهقت منه
انا صدقت لما وظفونى فى الحى وربنا تاب عليا من الورنيش
عايز ترجعنى تانى ؟؟؟؟؟؟؟؟؟؟

المـــفـــــــقــــــــوعـــــة مــرارتـهــا يقول...

ده انا اللي هابعتك تزور القرافة بعون الله
صحيح ماتشتغل حانوتي يارايق
واهو تطلع لك بهدوم الميتين واقراص القرافة دي طعمها حلو
مهنة لايقة علي قيافتك ياروقة

عبده الرايق يقول...

حماتى الغاليه
مفقوعه
انا مش هابيع احفادك
وهو حد يشترى البلاوى دول ؟؟؟؟؟؟؟؟؟؟
انا اتعرض عليا عرض من كوشيا انها تستضيه واحده من البنات عندها علشان الزحمه
وانا رشحتك انتى يا حماتى علشان انتى نسمه
ربنا يستر ومتقريش التعليق اللى فوق

عبده الرايق يقول...

حماتى
عايزه تشغلينى حانوتى ؟؟؟؟؟
طيب كفايه الواد هيما
هيبقى 2 حانوتيه فى البيت ؟؟؟؟؟؟؟؟

عبده الرايق يقول...

بقولك يا حماتى
انتى ناويه تطولى عندنا ؟؟؟؟؟؟؟؟؟
اصلى شفتلك شقه محصلتشى
عشرين الف فدان وليها الف شباك والف باب
وليها بقى الحاجه اللى نفسك فيها من زمان وللاسف مش موجوده فى شقتنا ..فيها حمااااااااااااااااااااام
مفاجأه صح ؟؟؟؟؟؟؟؟
بس مش هنا
فى المريخ

المـــفـــــــقــــــــوعـــــة مــرارتـهــا يقول...

عاوز تبعتني المريخ يارايق
اخس عليك يهون عليك العيش والنكد اللي شفناه مع بعض ياقاسي
وبعدين الست كوتشي عاوزة واحدة تقعدها في المطبخ ياخفيف يعني خدامة بلقمتها
هاتشغل مرات المودام شغالة يارايق ؟!

بحبك يامصر يقول...

يلا يامستر رايق اهو ترتاح شويه من الشغل
هما اللى اشتغلو اخدوا ايه
قضيها بقه






بوست جنان

عبده الرايق يقول...

maiosha
انا فى الاوضه ببكى شويه وراجع فى الجزء التانى
بس كلام فى سرك انا كنت بقزقز لب سوبر
والاولاد فاكرنى بعيط
اوعى تقوليلهم

عبده الرايق يقول...

australia
انا زى ما قلت موشيا
انى كنت فى الاوضه
وهاطلع لهم فى الجزء التانى
اما بقى عن الاولاد
انا محضرهم عقاب جماعى لو عصوا اوامرى
تفتكر اعاقبهم بايه

البت قباحة يقول...

اية الحكاية دى
هو كل مكلم مع حد يقولى اسيب الشغل
باين علية الحر هيطلع الناس مش من هدومها بس لا من شغلها كمان

يا ناس اللى نعرفة احسن من اللى منعرفهوش

سلامى

عبده الرايق يقول...

دكتور بهــدوء
على رأيك واحنا اخدنا ايه من الشغل ياحسره
انا نويت اعمل عمل وطنى
العائله الغلبانه دى لازم كل الناس تساعدها
العيال هيموتوا من الجوع
لازم نفتح صندوق تبرعات للعيله الميئوس منها دى
وحسنه قليله تمنع مسلسلات كتيره

عبده الرايق يقول...

الطائر الحزين
ابنى الغالى الطائر فى اسوان؟؟؟؟
ايه اللى موديك البلد اللى كلها حرب دى
انا سمعت ان الحروب فيها كتيره وان المتمردين استولوا على العاصمه
ارجع يا طائر الى بلدك الحبيب مصر
هى فين اسوان دى ياولد ؟؟؟؟؟
قبل تايوان ولا بعدها؟؟؟

عبده الرايق يقول...

حماااااااااااااااااااااااتى
انا هبعتك المريخ فسحه بس ...واعاره لمده 200 سنه ..واهو نستنفع بمبلغ الاعاره انا اتفقت معاهم على 15 جند فى السنه
ولو لقيوكى حما كويسه ممكن يبعتوكى اعاره لزحل
ابسطى بقى هتلفى المجموعه الشمسيه ..ولو انى عارف انكى متعرفيش المجموعه الشمسيه
اقولك انا عليها
المجموعه الشمسيه بديل لمجموعه الانفلوانزا

عبده الرايق يقول...

بحبك يامصر
على رأيك نقضيها
بس اللى مطير النوم من عينى
ان اصحابى اللى بتسلى معاهم بالبلى راحوا المصيف

عبده الرايق يقول...

البت قباحة
نو
نو
نو
الدكاتره عبده الرايق
مكانه
علم
ثقافه
سياسه
برستيج
يعنى فول وطعميه
قصدى فول اوبشن

عبده الرايق يقول...

مفرووووووووووووووووووووووووووسه


اين انتى ؟؟؟؟؟؟؟؟؟؟؟؟؟

مواطن مصرى نايم يقول...

النكت اشتغلت
اهوه
براءة انا بقى

عبده الرايق يقول...

مواطن مصرى نايم
نو
نو
نو
مواطن مصرى فيرى فيرى صاحى
الله ينور يا اسلام تسلم ايدك

مواطن مصرى نايم يقول...

عشان تعرفوا انى موهوب بالفتره
حاجة مش بإيدى دا ربنا خلقنى كده
ههههههههههههههههههه
انا ابقى اسمع حد بعد كده بيقول عليا نايم
انا صاحى بشهادة
و توقيع موظف مرفود اللى هو الرايق
ههههههههههههههه

واحدة مفروسة يقول...

ياصلاة النبي يا صلاة النبي
ماشاء الله على اللمه الحلوه ديه

إلا يا رايق مين اللي حيدفع تمن المشاريب ؟؟؟؟انت عارف البير و غطاااه
ولا كل واحد جايب المشروب بتاعه معاه؟؟؟
والنبي اللي حيجي يزورنا يجيب مشروب له
وواحد تاني نشيله..لاحسن الايام اللي جايه حنسرح بإمشاط و فلاياات

واحدة مفروسة يقول...

kochia
--------
هوه يعني علشان انتي بلديات الرايق عاوزاه يجيبلك بنت من بناته؟؟؟؟؟؟
ياختي بتقوليله مستنياك مع البنت
كانه بيشتغل فى مكتب نخدماتي
ههههههههه
آخرتها يا رايق حتسرح عيلك يشتغلوا فى البيوت
يالهووووووووووي الحقى يا فرنسااااا
الست بلدياتكم....

واحدة مفروسة يقول...

لوووووووووليييييييييييييييييي
بقينا عوااااالم
الحمد لله و صلنا للعالميه.....
وصيتنا وصل لقارة استراليا
ومش واحد بس اللي جاي يزورنا ديه القارة بحالها
ياصلاة النبى
و النب يا عم استراليا تشوفش للرايق شغلانه عندكم
انشالله حتي يمسحلكم القارة
ولا يكنسها
ولا حتى يفللي عيالها
او حتي تلاقيله شغلانه عند العم كنجارو يشيله العيل اللي ياعيني شايله على طول ده

واحدة مفروسة يقول...

دكتور بهدوء
----------------
همه اليومين دول بيغسلو باللآرايل
طيب و التلفزيونات بيعصروا بيها؟؟؟

احنا عن نفسنا لسه بنستعمل سنلايت
صابونة..
ياسلااام يارااايق امتى حنقب و نغسل بلأرايل و نعصر بالتلفزيونات و نشوف الدنيا على منشر الغسيل

واحدة مفروسة يقول...

يا طاير
اختك مفروسة تكلمك من محافظة 6 اكتوبر اللي بعد المحور على ايدك الشمال و لنت جاي من ال10من رمضان

انا عاوزه سوداني و بلح و دوم
ايون دوم...المكعبر ده...اقعد أأرأد فيه و بعدين اشيله فى جيبي سلاح...لو حد ضايقني ازءله بلطوبة بتاعته؟؟؟

إلا ممكن تسألي همه بيعملوه عصير إزااااي؟؟؟؟

واحدة مفروسة يقول...

الى اخي العزيز المواطن النايم
اسيحلك بره؟؟؟؟
انا ممكن اسيحلك يعني؟؟؟؟
ههههههههههههههههههه
تسلم ايدك و الله...
و المنه اللي انت جايبها علشان اسيحها شلتها فى تلاجة هيما
هههههههههههههههههه

سومه...مجنونه فى بلد عاقل يقول...

لالالالا انا بسجل اعتراض بعد الشر على بطيخ
ان شاله عبدو الرايق وبطيخ لالالا:)))
سومه_87

سومه...مجنونه فى بلد عاقل يقول...

روح يا رايق ربنا يكرمك اشوفك كبير زبالين مصر الجديده

عبده الرايق يقول...

سومه الحشريه

بمناسبه بطيخ جوزك
هو ده اللى فى صوره البروفيل ؟؟؟
اصله باين عليه بطيخه قرعه
ههههههههههههههههههه

عبده الرايق يقول...

سومه الحشريه

هى فى حاجه اسمها مصر الجديده ؟؟؟؟
ههههههههه
طيب هى القديمه فين ؟؟؟؟
رميتوها ؟؟؟
ادى اخره قله الثقافه

عبده الرايق يقول...

مفروسه
حمد لله على السلامه
منوره مكانك ومطرحك
استعدى علشان هاجيب عربيه ايس كريم ونسرح انا وانتى
انتى تمسكى الزماره وتزمرى
وانا اشخط فيكى وارزعك بالقلم واقولك بطلى دوشه خلى اناس تنام زمرى فى سرك

واحدة مفروسة يقول...

ههههههههههههههه
و نعمل زي الناس بتوع زمااان

كلوكلو....كلوكلو......هههههههههههه
بس انا روقه مش حزمر..انت تدور على اقصر واحد فى اخواتي و خليه هوه اللي يزمر
انما انا طويله....و ماينفعشي ازمر خاااااالص
هههههههههههههههه

مواطن مصرى نايم يقول...

ايه يا مفروسة
ماشى ماشى
كده كنتى حتفضحينى قدام الاجانب
و كنتى حتقولى انك انتى اللى فسمتى النكت اللى الرايق كان حاططها مشلفطه
كده برضوا
بس الحمد لله انك مقلتيش
و مفيش حد عرف
ههههههههههههههه

مواطن مصرى نايم يقول...

اما بقى حكاية مصر الجديدة و القديمة

الكلام دا قديم خالص
مين اللى علمك الكلام ده
يا سومة غلط
دلوقتى فى مدينتى مدينة عالمية على ارض مصرية

لعلمكم الارض اللى بيتبنى عليها مدينتى
شركة طلعت مصطفى واخدها شبه مجانا
لانها حتدى الحكومة بدالها كام وحده سكنية
و احنا نتضرب على قفانا

عبده الرايق يقول...

لا ياحبيبى انت فضحتنى وفضحت نفسك على الهواء
وفضحت نفسك اكتر ... لان المطلوب منى كوبى وبيست وانا عملتهم
بس حصل خير ومحدش بيدخل المدونه دى وبيعرف يقراء

عبده الرايق يقول...

مفروسه بنتى طويله ؟؟؟؟؟؟؟؟؟؟؟؟؟
يا مصيبتاه
يا وكستاه
يا مهلبيه يا
ابوكى الرايق قصير يا ولدى قصير قصير قصير
بس كويس لما تكونى انتى طويله علشان لما نروح فرح وانا مشفشى حاجه تبقى تشيلينى

حنين القلب يقول...

يا لهوووووووووووووووووووووى
بابا هيشردنا ومش هنلاقى ناكل ولا نشرب هو احنا صحيح مش بناكل بس اهه عايشين
يا ماما والنبى كلميه او موتيه اللى يريحك بس المهم لو موتيه شوفى حد تانى والنبى يبقى بابا بس اختارى المرة دى صح شوفى لينا واحد مليونير يعيشنا صح مش الرايق اللى مجوعنا ولا تعليم ولا اكل لو اترفد بجد يا ماما اخلعيه وانا معاكى
سلام يا ماما
سلام يا روقه

واحدة مفروسة يقول...

حنين يا اختي
تختار صح إزاي يعني؟؟؟
هوه انتي فكرك الرايق يسبها
ده هيه اللي بتشيله وقت الزنقة
هههههههههههههههههههههههههههه

انتي مش سامعه بيقولك قصير قصير قصير
حاسبي تتكعبلى فيه و انتي ماشية
ههههههههههههههههههه
علشان كده كان بيلم النمل....يادوبك
هههههههههههههههههههههه

عبده الرايق يقول...

واحدة مفروسة
عجبتك قوى يا مفروسه قصير قصير قصير
وخلتينى الم النمل
طيب انا بكره الصبح بدرى فى الفجر هاروح عند الترزى وهيطولنى بتوب قماش مره واحده علشان ابقى طويل طويل طويل والم النسور من السماء وهى طايره

عبده الرايق يقول...

حنين القلب
تيجى منك انتى يا حنين
وانا اقول انتى العاقله انتى ومفروسه
فى ثوانى بعتونى
انتى عايزه امك فرنسا تخلعنى
ومفروسه فرحانه انى قصير وبتقولى بتلم نمل
عوضى عليك يارب
عوضى عليك يارب
عوضى عليك يارب
من بكره الصبح هاروح الف على الجوامع يمكن الاقى عيله صغيره محطوطه على باب الجامع اخدها واربيها
واقعد اقولها
بابا طويل بابا طويل بابا طويل

maha zein يقول...

انا رجعت اهه من الاسكندرية وقريت الكارثة الى حلت عليكم...قصدي البوست الجديد
الحياه بجد خلاص
كل جدع خدله قرشين طلعله بيهم عمره زولا حاجة وقاعد جنب عياله مستني الفرج
واذا كان الشباب مش لاقي والكبار مش لاقيين اومال مين شغال يا رجاله فى البلد دي
الحرمية؟
تحياتي

فارس بلا جواد يقول...

السلام عليكم ورحمة الله وبركاته
المدونه لذيذه قوى بجد
دى اول زياره ليا وباذن الله مش الاخيره

وخلى بالك
لاياس مع الحياه ولا حياه مع الياس


تحياتى

maiosha يقول...

أه .. بقى كنت يا رايق بتقزقز لب سوبر

بتقزقز لب سوووووبر

خلاص إغمزنى إنت بشوية لب وأنا مش هجيب سيرة لحد

NoNa يقول...

السلام عليكم ورحمة الله وبركاتة

اية جمال دة يااسلام

انا اول مرة اشوفس فكرتها جميلة مدونة الجديدة دى

بس فكرتها جميلة اووووووووى

حلوة اوى حلقة دى فى انتظار الجزء التانى ان شاء الله
ياترى اية اخبارك يارب تكون بخير
ابقى طمنى عليك قلت اسئل عليك بقالك فترة مبتسئلش
يارب تكون بخير

مواطن مصرى نايم يقول...

nona

منورة البلوج
المدونة دى فكرة الرايق و فرنسا انا عضو فيها بس

و الجزء التانى حيكون جامد اكيد
اصل دا حوار الرايق حيعجبك
و بجد شكرااااااااااااااا
عالسؤال
انا و الله مكسوف انى بقالى فترة مش بسأل بس سهو و الله
دى غلطه معلش
تحياتى و اوعى تكونى زعلانة
eslam

appy يقول...

دوشع عيله دوشه
عيله عامله وجع دماغ وطبعا ماما فرنسا اتقمصت وسابت البيت اشرب بقى يا بابا عبده شوف هتأكلنا منين ولا خرفانى دى مين هيحميهم
يالا بلطجه ببلطجه انت تسيب الشغل وماما تسيب البيت (ومشوها بيت بلاش فضايح ونقول انها اوضه فى بير سلم )
يا عم اعقل محدش لاقى الشباب مترمى على السلالم مش لاقى شغل ارحمنا بقى

NoNa يقول...

السلام عليكم
على فكرة مدونة جميل جدا
يا عبدة الرايق وانت وفرنسا ماشائ الله بجد روعة

يارب عايزين نشوف التكلمة

اسلام مرسى على سؤالك وردك الجميل انا عارفة انك مشغول ولايهمك انا ديما بعت سلام مع يوها بقولة يسلم عليك انا مقصرة انى بعيدة شوية عن بلوج وجديد فى بقالى فترة مش بشارك المهم انك بخير :)
مرسى على سؤالك مرة تانة انا ابدا مش زعلانة

الطائر الحزين يقول...

افتج حجرك يا بابا هاتى حللك يا ماما
رجعت لكم من اسوان بشىء وشويات
ثمن كليو من كل نوع من التوابل و نصف كيلو سودانى من اللى قلبك يحبه

جميلة اوى شغلانة المومياء دى الواحد عمل يعمل ميت ووتلاقى ا الفلوس نازله عليك ترف

3ala asm masr يقول...

لاء الف سلامه على الرايق
ربنا يجعلها اخر الاحزان

فرنسا هانم يقول...

بقى انت كنت قاعد جوه الاوده تقزقز لب يارايق ؟؟؟؟؟؟؟
وانا نابحه صوتى مع العيال من بدرى
اعمل ايه ؟؟
طول عمرك راجل عايز قنبله ذريه على مقاسك
هو انت مقاسك كام فى القنابل يارايق ؟

فرنسا هانم يقول...

مواطن مصرى
حلوه حكايه النكت دى
الله ينور

فرنسا هانم يقول...

kochia
اهلا بيكى يا كويشا منوره البلوج
انا عندى اقتراح
ماتخدى الرايق وتاخدى عليه ضمان سنتين
وتاخدى معاه مكنسه هديه وطقم صينى كمان
وخليه فى المدونه عندك
اه نرتاح انا والعيال منه

فرنسا هانم يقول...

فارس بلا جواد
منور البلوج
ياريت نشوفك باستمرار

فرنسا هانم يقول...

الطائر الحزين
الف حمدلله على سلامتك
تعبت نفسك وجبت زياره عايزه ونش يشلها
بس ليا سؤال
هو انت كنت واحد القطر على حسابك ؟
اصل تمن كيلو دى حاجه مش سهله ابدا

فرنسا هانم يقول...

اخوانى اعضاء الفريق
اى شكوى من الرايق ...انا جاهزه لاستلامها
واى تصرف عمله انا ممكن اعلقه على باب زويله
لان اسلام خلاص خد براءه
دلوقتى الباب موجود للرايق

فرنسا هانم يقول...

3ala asm masr
الله يسلمك يا حبيبتى
معلشى الرايق باين عليه بيقزقز لب

فرنسا هانم يقول...

الرايق
ايه حكايه قصير قصير قصير دى
احنا حنلم عيال صغيره ولا ايه؟

الطائر الحزين يقول...

قطر مين يا ماما
دى طيارة بوينج
ام ست كراسى فى الصف
احنا عدينا خلاص
وكله على حساب صاحب المحل

الطائر الحزين يقول...

ابى الرايق
ليه بس تبين للناس انك مش عارف الموقع الجعرافى بتاع اسوان دى بعد قفلة المحمل شرق الهضبة الوسطى لمرتفعات التبت اعلى قمة افرست العمومية بعد عمر افندى على ايدك اليمين

الطائر الحزين يقول...

ابى انا جبت لك لب قزأز براحتك قال الجيب جيب ابونا ......

rain man يقول...

عجبتني فكرة المدونة اوي قولت لازم ادخل
اشيد بيها
تحياتي لاصحاب الفكرة و لكل المشتركين فيها

رجل المطر

سومه...مجنونه فى بلد عاقل يقول...

قال على راى المثل ولا كل من لبس بالطو يبقى دكتور ولا كل من قرى كتاب بقى مثقف....شوف ياسى الرايق يا خويا مصر الجديده دى اللى عند مارينا

(احمد سكر ) يقول...

ياولاد الايه

طب اعيط انا بئه ولا ايه

ولا اسيب ليكم التدوين واخلع

بقى كدا تعملو عيله

بتنتهزو فرصة عذابى مع النت وتعملو عيله من ورايا

كدا يارايق

مش تعرفهم على اخوك بتاع المغامرات

مااشى

انتم الجانيين علىروحكم

استعدو للقادم

بجد ربنا يخليكم لبعض

واتمنى اكون بينكم

تحياتى

احمد سكر

عبده الرايق يقول...

الطائر الحزين
ابنى العزيز الطائر الحزين
صفر
انا اعلن انك تاخد صفر فى التاريخ
ياراجل عيب عليك
فى حاجه اسمها جبل ايفرست ؟؟؟
وكمان جنب عمر افندى ؟؟؟
نو
نو
نو
اسمه فهرست
قول ورايا
فهرست
قول بصوت عالى
فهرست
وده موقعه اخر الكتاب
كل كتاب فيه فهرست
اتعلموها بقى
هاعيش لكم لامتى
مفروض تعتمدوا على نفسكم
انت عايز درس فى التاريخ
وانا الدكاتره عبده الرايق هاحاول احل المشكله دى واديلك درس مكثف فى التاريخ
نبدء بالموقع الجغرافى لبلدنا الغاليه مصر
شوف يا ولد
مصر بلد افريقى
يحدها من الشرق
يحدها
يحدهااااااااااااااااااااا
اقولك
خلى الدرس لبكره
اصلى مش فاضى

عبده الرايق يقول...

فرنسا هانم
فرنسا رجعت تانى
اهلنين وسهلنين و5 مراحب ست الكل
كنتى فين يا مدام ؟؟؟؟؟؟؟؟؟

عبده الرايق يقول...

rain man
رجل المطر فى الصيف ؟؟؟؟؟؟؟؟
والله صعبان عليا
الحال معاك واقف اليومين دول
اقولك على حل
اشترى خرطوم مطافى وشغل الميه وارفع الخرطوم لفوق تشغل مطر صيف وشتاء
اهلا بيك نورتنا
وشكرا على الزياره

عبده الرايق يقول...

سومه الحشريه
مصر الجديده اللى عند مارينا ؟؟؟؟؟؟
طيب مانا كنت عارف
بس كنت بهزر
انتى فاكرانى مش مثقف ولا ايه ؟؟؟؟
انا الدكاتره عبده الرايق
ليسانس تجاره تقدير محتاس مع مرتبه الشرف
دكتوراه طرق وكبارى من جامعه الملك ابو تريكه
زماله علم الزهور الحشريه المفصاليه من خرابه المدرسه القديمه
بكاليريوس اداب قسم مدنى
ثانويه عامه
شهاده الزماله من كتاب الشيخ سليمان
شهاده الابتدائيه من مدرسه احمد عرابى
قريت بكل فخر الجزء التالت من رجل المستحيل
وقريت كتب ومجلدات للكاتب الكبير خميس منصور
وفى الاخر تقولى ثقافه
انا الثقافه

عبده الرايق يقول...

(احمد سكر )
احمد باشا سكر
احنا يزدنا الشرف انك تكون عضو من اعضاء المدونه
ولو انى زعلان منك
بقى ياراجل تروح بلجيكا ومتجبشى للرايق ازازه برفان من العاصمه بتاعتها باريس ام العطور والاناقه

عبده الرايق يقول...

هى المدونه فاضيه كده ليه ؟؟؟؟؟؟؟؟؟؟؟
فين البشر ؟؟؟
فين مفروسه ومفقوعه وهمس الاحباب ؟؟؟
فين ام سحلول ؟؟؟؟
فين الطائر وابى ؟؟؟؟؟؟؟
مفيش حد ؟؟؟؟؟؟
عليا النعمه لاقلبها حاره والم العيال والعب معاهم تانى

همس الاحباب يقول...

بابا ايترفد لوووووووووولى
والرايق ايطلع معاش مبكر
وايقعد على القهوة
ويشرب شيشة كمان
ومامافرنسا اتصرف عليه وعلى اخواتى
تعرف انى فرحتلك يا روقة

همس الاحباب يقول...

روقة وحشتنى موووووت والله
فرنسا كمان
مفروسة
مفقوعة
ابى
الطائر الحزين
مواطن مصرى نايم
قوس قزح
كل اخواتى الحلوين وحشتونى قوى قوى
هانت كلها سويعات وارجعلكم

عبده الرايق يقول...

همس الاحباب
انت فرحان وبتزغرد يا خالد ؟؟
طيب
انا هاوريك
هات بقى الربع جنيه اللى استلفته منى علشان تجيب بيه ساندويتش فول زمان قبل ما الساندويتشات تغلى
طلع بقى الربع جنيه ولا ابلغ عنك البوليس

فرنسا هانم يقول...

الطائر الحزين
حمد الله على السلامه يا طائر

فرنسا هانم يقول...

عامل دوشه ليه يارايق ؟
وواخد التعليقات لحسابك
وايه اللى ناوى تعمله فى المدونه
هى ملهاش صحاب ولا ايه
اجرى لم العيال دول والعب بره لحسن ارش عليكم ميه

فرنسا هانم يقول...

ياريت تدخل الدرافت يا رايق

واحدة مفروسة يقول...

مااالك يا راايق مالك عامل زعابيب ليه؟؟؟؟
و بعدين ايه ديه اللي حتقلبها حارة؟؟؟؟
هوه احنا عارفين نعيش فيها و هيه كده تقوم تقلبهالنا حارة؟؟؟ حارة؟؟؟؟
بدل ما تقول ميدان يا دكاترة؟؟؟
و بعدين احنا فى اجتماع علشان نعالج خرفان آبي
هوه انت مش بتقرا مدونات و لا ايه؟؟؟؟
دول بعتوا منادي بمكرفون
وفضل يلف..ويلف..ويلف...ويلف
و لمنا كلنا انا و اخواتي من بلكونات المدونات


و بعدين انت بتخاف لحدك يعني؟؟؟
امال فين فرنسا؟؟؟؟؟

بتبص فين يا رايق؟؟؟!!!
انا مش قصدي فى الخريطة
امنا فرنسا....فاكرها؟؟!!!!
هيه فين؟؟؟!!!!

الست ديه شكلها حتخلعك بجد
يالله
كل واحد و نصيبه

واحدة مفروسة يقول...

فرنسا جت
فرنسا جت
شوفت!!!!!
اكيد عملت عمله سوده و مهببه!!!!!
اهيه حتمدك على رجليك فى الوضه الدرافت
استلقى يا عم وعدك

المـــفـــــــقــــــــوعـــــة مــرارتـهــا يقول...

دستووووووووووووووووووووووووور عليكم
بت يامفروسة
بتعملي ايه يابت
انتي تاخدي بعضك وتدخلي تنامي
ماتعبتيش من خروجة النهاردة
(وش بيطلع لسانه للرايق )

واحدة مفروسة يقول...

مفقوعة اختي حبيبتي
انتي بتحنسي الرايق بالخروجة بتاعة النهارده؟؟؟
انتي عاوزه تفرسيه و تقوليله اننا انبسطنا؟؟
ولا عاوزه تفرسيه و تقوليله اننا كنا قاعدين فى تكييف؟؟؟
ولا عاوزه تفرسيه و تقوليله اننا اكلنا جاتوه؟؟؟
ولا عاوزه تفرسي و تقوليله اننا اكلنا شاورمه؟؟؟؟
حرام عليكى
الرايق كل ما يتفرس بيقصر
كده مش حنلاقيه خاااالص

سومه...مجنونه فى بلد عاقل يقول...

ههههههههههههههه تشرفنا يا حج رايق
انت اخرك تفتح ازازه سفن اب وتشربها

سومه...مجنونه فى بلد عاقل يقول...

مش عاملى اب وبطاله وثقافه

CAIROCOMPUTER يقول...

الأخت العزيزه فرنسا
تحيه طيبه وشكرا على كلمتك الرقيقه ...طبعا رقيقه يارايق ...ونتمنى ان نرى كل الأحبه زوار هذه المدونه المبهجه عندنا فى مدونة البرنامج ليجيبوا على ما نطرحه من اسئله او يروون لنا عن الأنترنت فى حياتهم ...لتذيع حكاياتهم واحاباتهم...نرجوا ان نراكم جميعا فى مدونتنا مع حبيب الملايين -ملايين البشر وليس الجنيهات-عبده الرايق ...وكدونتنا عنوانها سهل وطبعا اللى يسأل مايتهوش وطبعا الرايق مألقوش ان فيه اوتوبيسات مكيفه من جميع المحافظات للمدونه وعنوانها هو
http://netonradio.blogspot.com

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................