الأربعاء، يوليو 02، 2008

1 -- عائله الضاحكون ....ازمه السكن

الاخوه الكرام ضيوف مدونه الضاحكون

يسعدنا ان نقدم لكم الحلقات الكوميديه ..عائله الضاحكون ..باقلام فريق العمل
وطبعا كان من حظ العبد لله السيىء انى اكون الاب ..وده لانى ساتزوج من الحيزبونه ام لسان طويل.. اطول من لاعيبه السله ..مرضعه نفرتيتى وجليسه اخناتون ...الشاويش فرنسا هانم ...ونصيبى ان يكون لى اولاد ..طالعين لامهم لسانهم فالت منهم ...مره حبيت اعاقبهم وامنع عنهم المصروف قاموا باعوا كل هدومى لبتاع الروبابيكيا ..وخلولى شورت وفانله وكتبوا عليها رقم 10 وقالولى انت راس الحربه يابابا
اسيبكم مع الحلقه الاولى

فرنسا :- أيه يارايق مالك ياخويا أكلك مش زى عوايدك ...مالكشى نفس ولا أيه ..شايفاك مابتلحسى طبق الفول زى كل يوم ..وقاعد وحاطط خدك على ايدك وشايل طاجن ستك مدام حنفى

الرايق :- أوه نو فرنسيس ..بلاش البجاحه وطوله اللسان قدام العيال ..يو آر فرى كريزى
فرنسا :- أنا مجنونه يا رايووقه ..وحتى يا خويا لو أتجننت مين هيكون السبب ؟؟؟ هو فى غيرك دا أنت تجنن بلد بحالها
الرايق :- شوفى يا فرنستى ..أنا خلاص الرمان البلى بتاع مفاصلى فرط من الشقه دى ..أنا بفكر ناخد شقه كبيره ..يعنى ممكن ندور على شقه فيها 15 او 20 اوضه و5 حمامات ...نفسى بقى اخد اوضه ..مش الاوضه اللى سى هيما عملها تلاجه ...والبت مفروسه مالياها عرايس ودباديب ولا خالد اللى بقول عليه ولد طالع لابوه الرايق باشا .... كل شويه يجبلى عيلين تلاته ويخبيهم ولما اسأله يقولى اصلى بولو الحلاق شلفطلهم شعرهم ولا البنت المخبوله appy جايبالى برسيم وحطاهولى تحت المخدات وفى الدولاب وتحت السرير وكل ما اكلمها تقولى ..حرام يبابا اصل خرفانى يتما ابوهم وامهم ماتوا فى حادثه طياره

فرنسا :- أسكت يارايق .. ماتشبطش العيال .. خلى العيال ساكته وراضيه

مفروسه :- ساكتين ؟! إحنا ساكتين من غلبنا ..أووووووف .. أنتو مش حاتشوفولنا علبة أكبر من ديه شوية.؟؟؟؟!!!...أنا خلااااص أتفعصت فى الشقة...و هدومي مش بلاقيها من كتر الزحمه... ناقص تحطولنا فى الشقه عسكرى مرور ...لاااازم كل يوم ساااااااعة علشان أدور على هدومي؟؟؟!!!!..

الرايق :-طيب مانتوا إللى عشرتاشر كان لازم تهلوا وراء بعض ؟؟؟ هو طابور جمعيه ؟؟؟

مفروسه :- يعني كان لازم العزوة..و العيال الكتير ... إييييييييه ما كانش فيه كونجيه على أيامكو؟؟؟!!!!!انتو تشوفولكو صرفة..فى الحشرة اللى أنا محشوراها ....

فرنسا :- صرفه ازاى يعنى ؟؟؟ قولى يا ستى عايزه ايه ؟؟؟ طلباتك ؟؟؟

الرايق :- ايه يا فرنسا ...براحه شويه على البنت ...شوفى المعامله الصح ( قولى عايزه ايه يا مضروبه لاكسر نفوخك )

مفروسه :-أنا عاوزة دولاب لوحدي و سرير لوحدي...البت مفقوعه بترفس بالليل..خلاص بطني بقت في ضهري من كتر الرفس....ولا إيدي طول الليل اخرجها من بقها زههههههههقت ... ماهو ياإما تشوفولكم صرفة في الزحمة دي ياإما هادبحلكوا البت مفقوعة وأخلص من قرفها

الرايق :- البنت مفروسه دى عندها حق كل يوم الاقيها على الفطار عماله تعد فى صوابعها خايفه لتكون مفقوعه اكلتهم ..وبعدين يامفروسه اوعى يوزك عقلك ولا يبطك عقلك وتقتلى البت مفقوعه لحسن يطلع لنا عفريت فى الشقه

الطائر الحزين :-بابا - ماما

الرايق :- أهلا بالفيلسوف .. أستلمى بقى يافرنسا

الطائر الحزين :- هو أنتم خلفتونا ليه ما دام مش قادرين على مصاريفنا؟؟؟؟

فرنسا :- اممممممممممممممممممممم ..وأنت طلباتك أيه كمان ؟؟؟

الطائر الحزين :- انا عاوز أجيب جيلاتى ولا أقول لكم أنا عاوز الفلوس بتاعتى إللى بابا خادها إللى كنت حاططها فى الحصالة الصفيح

الرايق :- وووووووووووولد ...يو آر كريزى ..شط يور ماوس

الطائر الحزين :- ايه فاكرينها ولا لأ؟؟؟؟... اللى كانت محطوطة تحت ليانة الكنبة الموجودة فى الصالة

الرايق :- أنا مش فاكر حاجه بتيتن (بتاتا انا فقدت الذاكره )

الطائر الحزين :- انا وفرت عليكم وريحكتم من مصاريفى أهه عاوز بس حقى ولا اقول لكم مش مهم انا ضحيت بكل حاجة اهوه بس المهم اننا نلاقى حاجة كويسة نقعد فيها كمان ممكن اطلع من المدرسة علشان اوفر شوية ما هو التعليم بقى زى قلته والله
الرايق :- تطلع من المدرسه ؟؟؟ نو نو نو ...انا حاطط كل امأل عائله الرايق عليك نفسى تدخل كليه الهندسه وتطلع دكتور قد الدنيا
- الطائر الحزين :-بابا ماما انا جات لى فكرة اننا نجيب سرير زى بتاع السجن بس ده باربع ادوار ننام عليه انا واخواتى بدل السريرين اللى موجودين ؟؟

الرايق :- هههههههههه تصدق يا فيلسوف ...الفكره دى الف الميه وامك بقى ايه ...سجان من النوع الاصلى ...يااااااااه الشاويش فرنسا ...هههههههه ..اسم على مسمى ..حلوه الفكره دى

فرنسا :- اصتبح يارايق وقول يا صبح

مواطن مصرى : أنا عن نفسى يا بشر مش فارقة معايا بس اهم حاجة السرير عاوز واحد اكبر من كده شوية عشان اخد راحتى فى النوووووم و كمان عاوز اوضه لوحدى بس مش عاوز حاجة تانية

فرنسا :- بس كده ؟؟؟؟ لأ عرفت تخلف يارايق الواد طالع قنوع على الاخر ..قال اوضه لوحده قال

مواطن مصرى :- اه صحيح الدولاب يكون درفتين و بالنسبة لترابيزة الكمبيوتر عاوز يكون فيها مكان للاسكانريعنى كمان عاوز كمبيوتر .

الرايق :- عايز ايه ياخويا كمبروتر ؟؟...ليه قالولك علينا ورثنا
مواطن مصرى :- يعنى حنجيب ترابيزة من غير الكمبيوتر بتاعها ..كومودينو بقى و تبقى كده تمام
الرايق :- علجم والله علجم ...جولى ولا تخبيش يا زين فين بقى المشكله فين ؟؟؟
مواطن مصرى :- المشكلة فى علبة التونة اللى احنا ساكنين فيها دى حينفع يكون فيها كل الحاجات دى يالا انا مليش دعوه اهم حاجة اللى انا عاوزه يتنفذ و الا الحاج يكون رايق لوحده يعنى واحنا لأ...... هيما ..ناولنى الشاى بتاعى لو سمحت.
الرايق :- فرجنى ياخويا على خطوتك ..وورينى عرض اكتافك ..ولا اقولك سمعنى احلى سلام هاودعك ..الشاى ده بتاعى احنا هننصب علي بعض انت شربت شايك ياخفيف
الطائر الحزين:- يا أبا يا أما هو انا يعنى اللى وقعت من قعر القفة يعنى لا هيبقى مهنينى على أكل ولا كمان كوباية شاى
الرايق :- وايه اللى طلعك للقفه ياولد ..انا مش قلت 176 مره القفه دى محدش يقعد فيها خاااااااااااالص ..وبعدين مزرجن ليه كده؟؟؟؟
الطائر الحزين :-ماهو كفاية اخويا التخين اللى واخد السريرين اللى فى الاوده لوحدة وانا واخواتى نايمين على طرف السرير وكل شوية الواحد يسمع صوت كركبة وكان فيه قنبلة انفجرت انا مش عارف ازاى هو اللى واخد كل السريرين وهو برده اللى بيقع
الرايق :- هههههههههه ...الواد ده عامل زى الكوره الشراب يخبط فى الارض ويرد تانى على السرير ..طالع لامه ...عارفين ياولاد ...اقولكم على سر ...امكم فرنسا هانم كانت مشتركه فى كأس العالم 1982 بس كانت هى الكوره ...وانتى ياض ياخالد مش نفسك فى حاجه أنت كمان
همس الاحباب :أنا عن نفسى هاخدها من قصيرها وأروح انام على السلم على الأقل أرتاح من صداعكم وازعاج اخواتى اللى ما يتسموا دول .
الرايق :- عيب يا ولد تقول على اخواتك اللى مايتسموا ...وبعدين السلم ده بتاعى انا ده ماركه مسجله
همس الاحباب : وبعدين انا ناوى افتح محل حلاقة فى الاوضة بتاعت بابا واجيب بولو الحلاق الخصوصى بتاعى أيه رأيك يا ماما آخد بابا عبده يحلق عنده ويا سلام لو مفروسة ومفقوعة كمان هايعملهم نيولوك جامد.حتى أسألى آبى كده انا خدتها ظبط شعرها هى والخرفان بتوعها عنده

appyا: كان مالها بقى خرفانى طيب دي مودبه وبتنونو حتي وصوتها حلو

الرايق :- صوتها حلو ؟؟؟؟؟ اعمللهم بقى شركه خرفانفون ..ولا مأماءه فون يمكن ياخدوا جايزه موبل فى الموسيقى


فرنسا :- إن كان ياخويا على الرايق خده ..وياريت مترجعهوش ..اما اخواتك البنات نو نو نو

الرايق :- ههههههههههه ..فرنسيس أنتى بتنونوى زى القطط ولا زى خرفان بنتك appy
فرنسا :- قطط ؟؟؟؟ يمكن..... اصلى شايفه قدامى فار
الرايق :- فار ؟؟؟؟ فين الفار ؟؟؟
فرنسا :- روح عند المرايه دى وانت تشوفه
همس الاحباب : طبعا بابا الرايق مبسوط منى لانى هاخد الأوضة بتاعته وهادفعله الإيجار بالدولار وهو ممكن يأجر السلم منى ويقعد فيه هو وماما فرنسا ... أهو طرواة وبعيد عن علبة السردين إللى أحنا فيها.
الرايق :- يابنى السلم ده اختصاصى انت اصلا مش هتعرف تقعد على السلم ...يابنى ده ليه قعده معينه باتجاه الصوصله
فرنسا :- الصوصله ....اسمها البوصله يادكاتره

الرايق :- بوصله ولا صوصله إحنا هنتجوزها ..خلينا فى الواد خالد ...وهتعمل كل ده ليه ياض ؟؟؟

همس الاحباب :على الأقل أستريح من الطائرالحزين إللى بيقلب الفلوس منى ويحطها جوه الحصالة بتاعته ولا قوس قزح إللى شغالة شخبطة على الحيطان وفاكرة نفسها بترسم تابلوه .

الرايق :- هى كمان طلعت فلوسك والفيلسوف الطائر الحزين عمال يذلنى عليها ...كُل حلو يا طائر وبلاش تحف فى البيض ...خلاص ياولاد من بكره هندور على شقه بِرحه
همس الاحباب : أيه رأيك يا روقة أنا ليا واحد صاحبى أسمه الحج بركة ممكن يديك شقة تمليك ومش هاتدفع كتير نص مليون يورو بس و هايديك عليها كيس بلح ولبشة قصب كمان

الرايق :- الحاج مين ياخويا ؟؟؟؟.....بركه ؟؟؟تصدق انا خايف منك انت بالذات يلا
عرفت منين الحاج حركه ده ؟؟؟انا لا هادفع يورو ولا دور
ر...انا عايز شقه وخلاص ..وعايز اوده كبيره العب فيها تنس

الطائر الحزين :- مامى أنا عاوز أعمل فتحة فى الجلابية علشان يبقى عندى خمس فتحات زى اللى عند بابا فى جلبيته

الرايق :- ولد ...اسكت ...هسسسسسسس ..بلاش فضايح ..الفتحات إللى فى الجلابيه دى من زماااااااان ...أصلى كنت بتخانق بيها مع العيال

الطائر الحزين :- وبعدين الواد همس المياس ده إللى بيقول إني بأخد الفلوس بتاعته ده شحات وجعان من يوم ما أتخلق ... هو حيلته إلا اللضه وكمان باصين لى فى البيضة إللى أول مرة أكلها من ست شهور ده انا كنت نسيت شكل البيض خالص قُُطع البياض على الصفار على الكل كليلة

الرايق :- محدش هيجيبلى كالو غير الولد الفيلسوف ده ...ست شهور يامفترى ؟؟؟؟....فاكر ياض زمان لما كنت فى تالته ابتدائى ...مش جبتلك ساندوتش بيض من المطعم ؟؟؟؟ اوعى تكون ناسى ...ولا تكون عامل نفسك ناسى

الطائر الحزين :- انسى ازاى يابابا ..مانتا ساعتها اخذت الساندويتش واديتنى الورقه وقلتلى اتفرج على الصور .زواكلت انت الساندويتش كله

صبرني يارب : بابا ماما انا جتلي فكره
الرايق :- صبرنى يارب عليكم قولى ياشجره الدر

صبرنى يارب :- ايه رايكم نقدم على شقه فى الاسكان ؟؟ ده انا سمعت إمبارح إن فيه شقق شرحه وبرحه ومتشطبه ميه ميه عشان الناس الى بيوتهم بتقع هي بتتأخرلها سنتين ثلاثه بس الصبر حلو وبعدين...... أوبااااااااااااااا نسيت بس احنا بيتنا ما وقعش .طب ما تيجوا نوقعه ده سهله اوي

الرايق :- ازاى يا فالحه ؟؟؟

صبرنى يارب :- هى بس صرختين من ماما فى وشنا مع جريتن من البت ابى وخرفانها تخلص الليله المهم تتصرفوا بقى عشان أنا جالي كساح من السرير القصير ده رجلي بتبقى خابطه فى باب الاوضه قافلاه .

قوس قزح :- بابتى مامتى أنا عايزة حيطة واحدة بس ... شوفتوا بقى أنا متساهلة معاكم إزاى و طول عمرى قنوعة و شاطرهأنا عايزاها علشان أعمل عليها فن تكعيبى تدويرى لولبى

الرايق :- ووات ؟؟؟؟؟؟؟؟؟ ايه التبعيبى تعبيبى لولبى ده ؟؟؟

قوس قزح :- ده فن يابابا بيعبر عن الحالة النفسية اللى إحنا بنمر بيها كل يوم وكل يوم أعمل ألوان جديدة و علشان الولد ده إللى بشوفه على السلم يبطل يخبى الالوان منى ويقولى انه مش عجبه فنى

الرايق :- عندكوا حق يا ولاد ..يلا بقى يا فرنسا هاتى ال300 جند اللى شايلاهم علشان ننقى لنا شقه معتبره

فرنسا :- أنت مش حاسس بالمشكله ولا أيه يارايق دى الشقق ولعت

الرايق :- ولعت ؟؟؟؟؟ طيب محدش بلغ المطافى ليه ؟؟؟ ماى فرند رئيس الميه ممكن أكلمه

فرنسا :- خليك عايش فى ميه البطيخ يارايق دى الشقه ال 3 أوض دلوقتى إيجارها يوصل 700 جنيه

الرايق :- ليه ؟؟؟؟؟؟؟ هو فى أيه ؟؟؟؟؟؟؟؟؟ علشان أيه ؟؟؟؟؟؟؟؟؟؟؟

فرنسا :- مرتبك كله مش هيكفى إيجار شقه يارايق
الرايق :-هو بصحيح يا فرنسا ..اصلى اتجوزتك كده على طول وطول ماحنا متجوزين منكتش فاضى اسألك ..انتى صحيح بتشتغلى ايه ؟؟؟؟

مع خالص تحيات

فريق العمل بمدونه الضاحكون

‏هناك 222 تعليقًا:

‏1 – 200 من 222   ‏›أحدث   ‏أحدث»
صبرني يارب يقول...

اول تعلييييييييييييييق اول مره فى حيااااااااااتي اسبق البت مفروسه الرخمه

صبرني يارب يقول...

انا باينى هنا لوحدي يا حلووووووولي

يلا بقى حد يجى يقول رايه فى البوست غيرنا باين احنا هانخلي كل المشاركين اعضاء يا فرنستى ولا ايه .

هههههههههههههههههههههههههه

اصحي يا بت يا مفروسه

اسلام الحضرى يقول...

طب هجز تانى تعليق

صبرني يارب يقول...

لالاااالاااااااا حضري انا الى التاني وانت التااااااالث .

امال فين الشعب يا ولاد

شعبي الحبيب الصبور المهاود اين انت

ابن حـجـر الـعـسـقـلانـى يقول...

بصراحة .. حالة التفاهم و الود اللى فى الأسرة .. و الصوت المنخفض .. و مستوى الحوار العالى و المهذب .. و الهدوء و احترام الآخر .. و التضحية بالنفس من أجل أفراد الأسرة .. و التعاون اللى موجود فى الأسرة دى تعتبر مثل و قدوة لأى أسرة على سطح كوكب المريخ

إيه دة يا جماعة ... أنا شايف ملايكة بتتكلم مع بعضها .. حمام عايش مع بعضه فى سلام

بس سؤال يا جماعة و ما تفهمونيش غلط ... انتم متأكدين إنكم بنفس عددكم دة من زمان ؟؟ يعنى ماحدش قتل حد أو خلص عليه أو أكله مثلا ؟؟ دة مجرد سؤال برىء و لا أقصد من ورائه أى حاجة ... انتم عارفينى أنا واضح و صريح على طول .. و عمرى ما كنت بادارى على حاجة و أظهر عكسها .. دى مش أخلاقى

سومه...مجنونه فى بلد عاقل يقول...

مش ممكنننننننننننننننن وتقدم ساحق لسومه وسادس تعليق

سومه...مجنونه فى بلد عاقل يقول...

والله نفسى كنت اكون معاكم بس معلش النتيجه ظهرت وعندنا حداد فى البيت اختكم جابت جيد جدا من اللى بالعافيه ابو 75 بالزق والتلصمه....محدش يبارك ممكن تدعولى بس
:((((

سومه...مجنونه فى بلد عاقل يقول...

طبعا فى فى البيت تريقه على ودنه واللى طالع واللى داخل يقولى يا صاقطه :(((((((((( يا فاشله يا ام جيد....وفى قرار حربى باغلاق المدونه عندى ....والكل بيطالب برفع والغاء النت.....ساوافيكم بالتفاصيل

سومه...مجنونه فى بلد عاقل يقول...

بخصوص الحلقه حلقه جميله جدااا والله بس انا عاوزه اعرف فين الكواليس دى وبتتخانقوا فين ..........كل ما ادخل البيت ملاقيش لا بابا عبده ولا ماما فرنسا

ابن حـجـر الـعـسـقـلانـى يقول...

يا سومة حرام عليكى ... ما حدش يبارك إيه بس .......... دة أنا أبارك و أبارك و أبارك من هنا لبكرة

أنا يوم ما كنت باجيب جيد فى مادة كنت باعمل فرح تلات أيام .... و لما كنت باعدى السنة صافى كنت باعمل فرح أربعين يوم

بقى عايزانى أشوف حد جايب جيد جدا و ما أباركلوش ... صعبة عليا دى

المـــفـــــــقــــــــوعـــــة مــرارتـهــا يقول...

شفت العائلات ياعسقول أفندي
آدي العائلات ولا بلاش

شفت مفروسة إللي عاوزة تتدبحني
هي مش الأعمال بالنيات
يبقي مادامت كان في نيتها انها تدبحني
يبقي انا اندبحت
آآآآآآآآآآآآآآآآآآآه يااااااااااااني
ياللي اندبحتي صغننة ياني
ياللي كنتي وردة مفتحة في عيلة الرايق ياني
ياللي كنتي عصفورة وسط الغربان يامفقوعة
حسرة قلبي عليكي ياختي
ان شالله اللي يرفسك من سريرك يجيله حمار يرفسه

صبرني يارب يقول...

سومه ممكن نولع فيكى بس على فكره
امشي يا بت من هنا

انا كنت باجيب مقبول وبابا يدينى كلمتين فى جنابي عن بتاع البسبوسه الى قاعد تحت وبيجيب جيد جدا
قوم انا امشي ابرطم فى واقوله احمدوا ربنا اننا بنجح بقى بلاش تأمير

او اضحك ضحكه صفراء فاقع لونها واقوله الله يبارك فيك وامشي

وغالبا كنت بارجع من النتيجه على اي حته فى الدنيا غير البيت .

ما اسمعش صوتك يا فاشله يا ام جيد جدا متلزق انتى
مبروووووووووووك هبله هانم افرحي بالنتيجه بلاش السماويه الى انتم فيها دي

المـــفـــــــقــــــــوعـــــة مــرارتـهــا يقول...

سيبوني عليها
ماحدش يحوشني
هأعضك ياسومة
ماتخافوش مش هااعض غيرها
بقي زعلانة عشان جيد
ده جيد مرتفع تيكة من العالي
لمي الدور عشان فيه ناس هاتاكلك
انا ناجحة بنفس التقدير بتاعك كدة ياسومة واهلي كانوا فرحانين ومظأططين وماحدش عملها غيري في العيلة
يعني انا اشطر واحد في العيلة بلا فخر

صبرني يارب يقول...

عسقول

اليست حقا عائله محترمه ؟؟؟؟

اسلام الحضرى يقول...

حلو قوى بجد انا كنت هقع من الويندوز م الضحك
وفعلا هو ده مثال الحوار العائلى
ولو وقعتوا البيت وختوا شقق ابقوا قولوا انى كنت ساكن معاكم علشان اخد شقه انا كمان

صبرني يارب يقول...

مفروسه ما جيتيش على الاميل ليه

ضفينى يلا وتعالى نرغي شويه

بت خيخة وأى كلام يقول...

لو الشقة الجديدة هيبقى فيها بلكونة
يبقى كدة انا ممكن ارمى بلايا عليكم
واتمحك فيكم واقول ان انتوا اهلى وناسى وبابتى ومامتى

من غير البلكونة
ولا هاعرفكم

ابن حـجـر الـعـسـقـلانـى يقول...

يا جماعة أنا رايح أنام .. يا ريت ما أجيش بكرة ألاقى حد فيكم إيده متاكلة أو دراعه مقطوع ... ممكن تقطعوا شعر بعض ماشى عشان الشعر بيطلع غيره ... لكن لو واحد صباعه طار مش هايعرف يجيب غيره

و ياللا ... أشوفكم أمس

صبرني يارب يقول...

خوووووووووووخه انتى فين

وربنا امبارح باقول القاعده دي ناقصه خوخه

ما تيجى معانا ؟؟؟؟؟

بت خيخة وأى كلام يقول...

سومة
جيد جدا وعاملين حداد

طب بلاش اقولك انا بقى كنت بجيب ايه وبعمل ايه

عبده الرايق يقول...

سومه...مجنونه فى بلد عاقل
مش عارفه الخناقات دى والاختلافات فين يا سومه
طبعا مانتى قاعده فى البيت ولا انتى هنا اصلا
من البلاكونه للسلم ومن السلم للبلاكونه
فالحه بس فى ملىء بطنك وخلاص
وكل شويه تتمحكى
عايزه باميه خضراء يابابا
عايزه باميه زرقاء يابابا
عايزه باميه بيج يابابا
وفى الاخر تلسعى الربع جند وتجرى على الشارع

صبرني يارب يقول...

عسقلاني انت عارف انى الكبيره بتاعتهم ما تقلقش حافظه الامن انا
يلاتصبح على خير

عبده الرايق يقول...

سومه...مجنونه فى بلد عاقل
انتى جبتى جيد جدا ؟؟؟؟؟؟
جبتيه منين ؟؟؟
وجديد ولا مستعمل ؟؟؟
افرحى يافرنسا بنتك جابت جيد جدا
اربعه سلندر
يلا شدى حيلك علشان تعرفى تسوقى

المـــفـــــــقــــــــوعـــــة مــرارتـهــا يقول...

أستخبي يابت ياسومة بسرعة تحت السرير احسب بابا جاب الحزام وهايلسوعك
خلاص يابابا
روق نفسك ياجنتل
مش هاتعمل كدة تاني
البت عرفت غلطتها ومش هاتكررها
والمرة الجاية هاتجيب المرتبة
ومعاها الأمتياز

خبي رجلك ياعصفور
بين القمح وبين الفول
بابا شافك ياسومة
ألحوقنا ياعيال سومة بتنضرب ياعيال

المـــفـــــــقــــــــوعـــــة مــرارتـهــا يقول...

انت هاتطلع عيل يابابا
انت مش قلت هاتضربها
لازم تضربها
يشمعني هي مش بتنضرب
لا لازم تنضرب

صبرني يارب يقول...

رااايق

منور يا ذوق

والبت سومه دي شكلها فهمها بطيء او نظرها ضعيف

سومه اصحي يا امي ادخلي الدرافت

صبرني يارب يقول...

ما تبس يا بت يا مفقوعه انتى سوده ن جوه ليه

سبيه بقى هو نسى وراح ياكل البميا جوه يا ستاااااار

خليكى مستخبي يا عصفور مش عارف الفول والى قالته البت مفقوعه ده

اسلام الحضرى يقول...

انا جه تانى

سيادة الدكاتره عبده الرايق مع ان الممبار اللى فات ركب متاخر بعد البوست المنوه عنه ما نزل قررت

طبعا كان لازم اقرر انى اغير فيه شويه تعدولات ضغيره


واليكم اخر الانباء

http://img390.imageshack.us/img390/9402/22qf1.gif

عبده الرايق يقول...

مفقوعه
صبرنى يارب
كل الاخوه الموجودين فى الشارع
قصدى فى المدونه
بحييكم جدا
ومعلشى انا بغير حاجات وبكتب الجديد فى المدونه
لان الهانم فرنسا نامت وسابتنى لوحدى
منها للبعبع ياكل دراعها

فاتيما يقول...

يا خوانا روقوا بالكم
شقة المحب خروف
لأ
قصدى بصلة البت آبى خروف
يوووه
بصلة المحب فى المطبخ
و خرفان آبى مالهاش دعوة
مش كدا يا عيال حصيرة المدونة واسعة و نساع بعضينا كدا و نبقى حلوين
بت يا سومة يللى تنفضحى
إنتى بتغيظينا يا بنت
جيد جدا
و عندك فى البيت مش مبسوطين
و هتنضربى كمان ؟؟
يا ستى ألف مبروك
و عقبال ما اشوف يوسف إبنى عايز ينضرب زيك
يا رب
أقعدوا بالعافية

ňįĝŗő يقول...

سيبوني عليها
ماحدش يحوشني
انا اصلاً ضوافري بتاكلني
بصي يا سومة يا حبيبتي هي خبطة واحدة بس
صدقيني مش هتوجع
دي زي شكّة الشاكوش بالظبط
إيه البطر على النعمة ده؟
يا نهار بلاك
جيد جداً
اسمها جيد جداً
بالزق بقى بالدحرجة بالقفز بالمظلات
اسمها جيد جداً
يا ماما الدخول في منطقة السبعينات في حد ذاته انجاز
اركني انت دلوقت بقى على جنب شوية كده

إيه يا جماعة هو ماحدش في الزمن ده عاجبه حاجة خالص
شقة إيه اللي عاوزين تغيروها؟
مالها يعني لما تكون ضيقة؟
أنا أهو لما بأتقلب جامد شوية على السرير بألاقي نفسي في الحمام
قولت حاجة؟ ... اشتكيت؟
قولت يا نهار أسود أنا كده مش هألاقي علبة كبريت أتجوز فيها؟
أبببببداً
الحياة لونها بميبي خاااالص مقلم بكحلي كارف على أسود مهبب
رنبا يخليلنا أبو عزة علشان يعقدنا في الحياة أكتر و أكتر


يلا سلام

صبرني يارب يقول...

البت مفقوعه الى عاملالي فيها سهيره اوي نامت هى كمان طب يا اختي انا ضفتك ابقى اقبلي لو وصلتك الاضافه

والاميل بتاعي جوه فى الدرافت ابحثي عنه بقى

CAIROCOMPUTER يقول...

المؤتمر الصحفى الذى عقده احوكم لواء دكتور محافظ امين شرطه عبده الرايق البوم صباحا فى تمام التاسعه وعشر دقائق واذيع على الهواء مباشرة على موجات اذاعة مصر الرئيسيه واعلن فيه اكتشافه الجديد للقضاء على نقص المال فى ايدى الكثيرين من ابناء الشعب ...هذا المؤتمر قد احدث ردود افعال عالميه واسعة النطاق وترجم الى كثير من لغات العالم كان آخرها لغة زيمبابوى ...ومن فاته الأستماع يمكنه الأستماع الى المؤتمر وتصريحات العلامه الدكتور لواء امين شرطه محافظ عبده الرايق فى مدونتنا او موقعنا وهما كالتالى
http://netonradio.blogspot.com
http://dear.to/cairo
والتسجيل موجود فى الأرشيف حلقة 2-7-2008

02 يوليو, 2008 11:20 م

الطائر الحزين يقول...

يا فتاح يا عليم يا رزاق يا كريم اصطبحنا وصبح الملك لله يعنى الواحد لا يعرف ينام فى الحقيقة ولا حتى فى الخيال يا بنتى انتى وهيا انت يا واد بطلوا زعيق شوية هنلاهيا منكم ولا من الحر

ابو العساقيل سكت العالم دى

الطائر الحزين يقول...

طبعا ما انت سهرانين ادام الراديو امال لو جبنا تليفزيون هتعملوا ايه طبعا محدش بيرد نايمين ورايحة فى سبعه وخمسين نومة

Doba يقول...

إنها حقاً عائلة محترمة
كل منها يخاف على الآخر ويضحى من أجله

ولكن هيهات

انا لو منك يا رايق أمشى فى البيت وماسك فى ايدى دبوس واللى يعترض تغزه وهكذا وخاصة فرنسيس

والهانم اللى عاوزة تعمل فن تكعيبى دى كده كخ وعيب مش نرسة على الحيطة وانتى يا بت يا آبى لمى الخرفان دى بقى وعلميهم يبطلو نونوة هى الرفان بتنونو دى بتعمل ماااااااااااء

والطائر الحزين شكلك كده مسهوك وبتلبدلهم فى الدرة وبتوقعهم فى الغلط وكمان بتقشقشهم من الأبيج اللى بيطلعوه

دمتم عائلة ضاحكة
وحلوة قوى الحركات اللى بتعملوها فى المدونة شطورين

بت يا مفروسة العبى مع مفقوعة بدل ماجيلكم خالتكم دوبه لو جت هتطرقعكم انتم الاتنين فاهمين يا بنات يقما هجيب السيخ المحمى وها

مبروك يا بت يا سومة النجاح واشتغلى الوالدين اعملى زعلانة بس انبسطى وزقططى وفرقعى بمب وهاتى بلالين بس ابقى لاعبى الرايق معاكى بيحب هو الحاجت دى

العواف عليكم
ولا فتكم بعافية
ولا اقولكم
تتمسو بالخير

متنسوش تغسلوا رجليكم

appy يقول...

ياااااااااا صباح الخير عليكوا


ايه يا فاتيما يا قلبى مالها خرفان آبى تعباكوا فى ايه
دى خرفان متربيه على الباتيه
حتى اسالى بابى الرايق ده هو عارف وبيحميهم بالشامبوو كمان

appy يقول...

الطائر الحزين

ايه مالك يا فيلسوف عصرك انت بترمى بالكلام عليا انا طبعا بما انى بصحى متأخر اوكى لينا خرفان تأخد حقى

سبهللة عالاخر يقول...

انا كنت داخلة اعلق عالبوست لاقيت التعليقات بتاعتكم عايزة تعليق من حلاوتها وخفة دمها
حقا انتم عائلة محترمة ودمها زى العسل

الطائر الحزين يقول...

شامبوا يا أبى
يعنى انت سبب المهزلة اللى احنا فيها بتأخدى الشامبو والصابون والاكل وتأكل خرفانك واحنا يا ولداه جوعى ومساكين


ابشرى العيد قرب

appy يقول...

الطائر الحزين
ايه يا خويا ما انا بخنسر من مصروفى واجيب لهم شامبو من الاكياس من عند اونكل عبدوو بتاع الكشك اللى على اول الشارع ومشيها الشارع مش الحارة بلاش تعملى تسييح قدام الناس

ayman badr يقول...

اكيد سواقة
انتى تشتغلى سواقة
بجد فطست على نفسى من الضحك وبجد مدونة لذيذة جداو حوار جميل
واستنوا الجديد اللى هبعته على ايميلكم أرجو أنه ينال إعجابكم
تحياتى

الطائر الحزين يقول...

آبى
هو الخروف المربوط فى رجل الكرسى اللى جوه الكشك بتاع عم عبده ده جابه منين

آبى كمان بتبيعى الخرفان

ابو قسم بقى أحسن اهلل و اقول لأخواتك وانت عارفاهم هيجيوا يشلوا عم عبدة بالكشك بالخروف ويقولوا وضع يد

kochia يقول...

اولا تحياتي لكل فريق العمل .. وبصراحة المجهود واضح في التنسيق والتاليف

وتحية خاصة لمستر عبده بيه وفرنسا هانم بصفتهم طبعا المؤسسين وبصفتهم البابا والماما بتوع القعدة دي
وانا مبسوطة اكيد انهم الاتنين من السويس .. يعني هيطلعوا اشاعات علي البلد انها دمها خفيف وهي بصراحة الحر مبخر كل خفة دم فيها اليومين دول
وممكن يبخر الدم كله

وكمان بما انهم الاتنين من السويس ممكن تكون الشقة الجميلة بتاعة العيلة دي برده عندنا وده بيخليني طبعا شهمة واعرض انهم لو مزنوقين اوي ممكن يبعتوا حد من البنات يبات معايا
المطبخ عندنا طراوة اوي وكمان شوية المواعين الي بيباتوا هبلاقوا حد يغسلهم
واهو نستحمل بعض احنا بلديات

ها .. قلتوا ايه
هتبعتوا مين ؟

kochia يقول...

عبده بيه الرايق
اشكرك طبعا شكرا جزيلا انك ارسلت ليا دعوة للاشتراك في مدونة الضاحكون
وطبعا يسعدني انك اكون بين هذه المجموعة الرائعة
لكن الحقيقة المود الكوميدي بتاعي بيجي ويروح كدة مش ثابت علي حال
ساعات اكتب علي كئيب وساعات اكتب علي معقول

عشان كدة صعب ابقي وسط المجموعة الجامدة دي بشكل دائم لكن اذا كتبت حاجة دمها خفيف ان شاء الله اوعدك انها تكون من نصيب مدونة فرنسا والرايق والضاحكون
وانا رديت عليك في مدونتي بس ربما تكون مدخلتش تاني منذ اخر زيارة ليك
عشان كدة بقوللك هنا حتي تعلم انني لم اهمل الدعوة بالعكس سعدت بها جدا

وعلي فكرة انت فاضل لك زيارة عشان تاخد الحاجة الساقعة اللي طلبتها
انا قلت لك اني بوزعها كل 3 زيارات
ومتنساش اني مستنية الكادر زيك
يعني مش كل زيارة بحاجة ساقعة
ده يبقي خراب بيوت

تحياتي

واحدة مفروسة يقول...

السلام عليكم أنا جييييت
إيه ده مافيش حد هنا من الإخوه الاعداء
يكونش هيما اخدهم يعملهم فران تجااارب
إيه ده ؟ده ولا حتى آبي
أكيد بتفسح خرفانها...زي ما بيفسحوا البوهبهات
وتلاقيها وهيه ماشيه عماله تحايلهم
إتفسحي يا خرفونه إيإيإيإيح

هيه مالها المدونه مكركبة كده....همه كانوا سهرانين للصبح و لا إيه؟؟؟؟

يالله احسن..خالوني آخد رحتي فى الشقه و اتمطع و افرد دراعي من غير ما يدخل فى بؤ البت مفقوعه

إلا يا خوانا هيه صحيح البت سومة ديه مجنونة؟؟؟؟ اه و ربنا
البونيه واخده لوحدها 75 لوحدها مش الدفعة بحالها!!!!! و مش عاجبها...يالهوي...البت اتجننت فعلااا
ولا كمان واخده برضه لوحدها جيد جداً

هيه الناس اتفجعت كده ليه؟؟؟....

لأ لأ لأ البت ديه بتغزي العين عنها و عاوزه تهرب من الحلاوة
بنت الراايق امال حتطلع لمين.يعني.؟؟؟؟

واحدة مفروسة يقول...

ههههههههه
إسلام حيقع من الويندوز من الضحك
ههههههههههه
و هوه بيقع بأة لقى الفير وول قدامه خاف ليقع عليها...راح بسرعة مكلم السيكيوريتي سنتر يلحقوه
ههههههههههههههههههه
يابني البتاع ده حيجننك و حتبقى إسلام المجنون و سومه المجنونه و مفقوعة و مفروسة
صلاة النبي عليك يا رايق و على عيلتك
اسماءهم كلها على مسمى
مش إسلام اخونا برضه و لا إيه؟؟؟؟!!!
يمكن من ام تانيه و اب تاني؟؟؟؟ولا يمكن بالتبنى
هههههههه
الصراحه هوه عامل معايا واجب و لا الاخوات...تكونش يا رايق سبته على باب الجامع يوم ما اتولد...
اصل المخ الفله ده....لازمن و لابد..يبقى أخونا....

واحدة مفروسة يقول...

يادي النيله على الالوان اللى الواحد عمال يتعك فيها و هوه ماشي
البنت ريمبو ديه..ماشيه تلحوس الدنيا بالألوااان...!!!!!

...أمال انتي فين يا صبرني عليهم و على قرفهم ياختي.؟؟؟!!..مش النضافه ديه برضه تخصصك.؟؟؟!!.. و لا انتي ليكي فى الزبادي و الجبنه؟؟؟
البنت ديه واعيه و باين عليها شاطرة...مش زي اختها خايبه

هوه في إيه.؟؟!!..هما خلفونا و رمونا فى المدونه و طفشوا ولا إيه؟؟!!


بت يا خيخة تعالى و انا اديكي السطوح من بابه يا بت...بلكونه كله اهه مالكيش حجه و ان حبيتي تنامي انصبى خيمة
بس انتى تعالى

kochia
وده من إيه؟....قصدي معناته إيه؟؟؟
نمتي ..صحيتي لقيتي نفسك كده...و لا حد خضك؟؟؟...اقولك مش مهم....يعني اسملله انتي شيفانه البسمه لاتفارق شفاتيرنا

..لأ انتي فاهمه غلط..المدونه ديه بس بتاعه الضحك...اما بقى برة المدونه
هههههه النكد كله يا اختي...تعالى..تعااالى.....و ان ما ضحكتيش معانا..اهه تبقى تنكدي علينا...عادي يعني...كلنا أخوه

واحدة مفروسة يقول...

ايمن بدر...ابعت يا خويا ابعت...أهو تنقذ اختك إللي مش عارفه تكتب و لا كلمه...الحر سيح نافوخها....

بت يا آبى الحقى خروفك البمبى ....شكلة مزنوق...روحي فسحيه مع إخواته...لحسن يبوظ لفرنسا السجادة اليتيمه اللى حيليتها.....
يوم ما جابتها راسها و الف عقده لا تجيبها 5 متر و الشقه كلها على بعضها 4 متر
طيب يا فرنسا حتودي فين المتر اللي فاضل؟؟!!
قالتك..انا حطلعه على باسطة السلم علشان نعمل لنفسينا قيمة فى العمارة....النصيبة بقى العمارة مافيهاش إلا إحنا كلهم طفشوا من ابوكي مستلف منهم كلهم....
قال و تقولك..اهه برضه نشيل المتر ده لوقت عوزه بلاش ندهوسة فى الشقه....افرضوا هيما اتقبض عليه و هوه بيدخل واحد التلاجه..و لا البت آبي خروفها نطح واحد وهو ماشي...
ولا صحيح انا دبحت البت مفقوعة...و لا اخوكي اللي عاوز يبقى حلاق..جاب دماغ الراجل على الزيرو و بلغ عنه؟؟
مش كل دول محتاجين محااامي ....اه المتر موجود يسد

المـــفـــــــقــــــــوعـــــة مــرارتـهــا يقول...

مفرووووووووووووسة
بت يامفرووووووووووسة
يابت يافرساني ياني
ماتيجي نلعب في الرمل علي باب البيت
ده رمل بتاع الجيران الوحشين اللي أبوكي متخانق معاهم
تعالي مكاتخافيش من السحالي انا هاأمشيها
ماتنسيش تجيبي معاكي جردل مية عشان نطينها جنب البيت

واحدة مفروسة يقول...

لأ يا اختي ...البت اختك الطويله صبرني بتقعد تزعألي كل لما تيجي تغسل هدومي
تقولي همه العيال بيوقعوكي يا مفروسة....؟ و انا العيل مش هيه اللي بتوقعني
الخروف بتاع البت آبي الصغنن ...مش بيرضى ينزل معاها تفسحة زي البوهبهات...وانا باخده العب بيه...و هوه بيوسخلي هدومي
يييييييييييعععععععععع
فبروح رمياهم لصبرني...

عبده الرايق يقول...

انا جيت
السلام الجمهورى
دقوا المزاهر يالا ياهل البيت تعالوا

المـــفـــــــقــــــــوعـــــة مــرارتـهــا يقول...

بابا جه
بابا جه
بابا أوبح جه
فين الشيكولاطة ياسي روقة
انا عاوزة شيكولاطة من اللي فيها لبانة

واحدة مفروسة يقول...

عااااااااااااااااااااا
فين السوداني بتاع القرود؟؟؟؟
انا عاوزه سوداااني
....

المـــفـــــــقــــــــوعـــــة مــرارتـهــا يقول...

بابا
انت ياواد يابابا
ماتيجي تلعب معانا جنب البيت
انا خليته طينة وهاابني عليه فيلا كبيييييييييييرة
تساعنا احنا والخرفان
والعرايس والدباديب
وهاأجرهالك بميت جنيه في الليلة بس
ايه رأيك ياعم في الديسكاونت ده

واحدة مفروسة يقول...

بت يا مفقوعه بطلي تلعبي فى الطين
..انتي يا بت
ديه مش شيكولاته يا مفقوعة ....!! يا دي النيله البت بتلحس ايدها
فاكراها شيكولاته...
ما هو من عمايلك يا رااايق البت محرومه
مش عارفه شكل الشيكولاته غير من التلفزيون

المـــفـــــــقــــــــوعـــــة مــرارتـهــا يقول...

بت يامفروسة
بطلي سوداني بقي
احسن طلعلك ديل
وبكرة هانلاقيكي علي البلكونة متشعلقة

قوس قزح يقول...

ايه الدوشة دى هو انا كل ما انام يومين اصحى على دوشتكم

فى ايه .. بتقولوا سومة جابت جيد جدا !!
و دى تعرف تجيب جيد جدا لوحدها !!

انا شاكة فى البت دى اللى عاملة فيها مجنونة

واحدة مفروسة يقول...

بابا فين؟؟؟ بابافين؟؟
هنا هو قوله مين؟؟
قوله عموه
اقوله مين بيكلمه

يالهوي اكيد ابوكي اتزحلق فى الوان ريمبو ووقع
ههههههههههههههههه
يا اما هيما حطه فى التلاجه يبرد
يا اما نطحه خروف من خرفان قابي طيره
ههههههههههههههه
ابوكي اتطح ابوكي اتنطح

عبده الرايق يقول...

CAIROCOMPUTER
والله يا عمنا صلاح مش عارفين نودى جمايلك فين
العيال عيالى فى العيله هنا مش مقدرين مواهبى ومش عارفين يوسف وهبى
اعمل ايه
مش عارفين ان ابوهم الرايق بيطلع الراديو
لا انا دلوقتى كبرت وبطلع الراديو لوحدى
من غير ما حد يطلعنى بمسك الزراير وهوب ابقى فى الراديو
بقولك ايه مستر صلاح
انتو كده حسابكم تقل قوى معايا
انا كاتب كل حاجه فى ورقه البردى بتاعه جدى الكبير احمس باشا بانى الاهرام التلاته
ومؤسس حديقه الازبكيه
انتوا كده عندكم 2 ونص مليون يورو و113 جند مصرى
انا علشان كرمى ونبل اخلاقى هسيب لكم ال 113 جند وهاخد ال 2 ونص مليون يورو
ويكون لعلمكم انا مش بقبل شيكات
وقدامكم 48 ساعه من دلوقتى تفكروا
والا
هاسيب عليكم العيال عيالى يخربوا الراديو بتاعنا وانتم بتذيعوا البرنامج ويرشوا عليكم ميه
اولاد
يا اولاد
يا جيشى الحبيب
اين انتم
فين الجيش ؟؟؟
خلاص ياعم صلاح
طالما الجيش مش موجود انا هاقبل ال 113 جند واسيب ال 2 ونص مليون يورو

المـــفـــــــقــــــــوعـــــة مــرارتـهــا يقول...

هو البرشام
مافيش غيره
هو اللي يخلي المجنونة شطورة
انا عملتهولها عند النمل اللي عايش في بيتنا
اديته حتة شيكولاتة ومعاها ورقة
وقلتله عاوزة برشامة فيه خط منمنم عشان سومة حبيبتي مالحقتش تذاكر دروسها وعاوزة تضحك علي بابا وتجيب مجموع

عبده الرايق يقول...

ياهلا ياهلا
البنات هنا
يا مرحبا
وبتلعبوا فى الطين ؟؟؟
يا للهول
ياللفاجعه
ياللمصيبه
اولاد الرايق بيلعبوا فى الطين
انها وكسه
انها مصيبه
انا احتج
انا اعترض
انا عايز العب معاكوا

المـــفـــــــقــــــــوعـــــة مــرارتـهــا يقول...

لا يابابا ماتخافش وراك عيال تاكل الظلط
الملاييين يااما بلاش
احنا عاوزين ناكل هاتوكلنا منين
ماتعملش نفسك فيييس
وتنسي كوم اللحم اللي بتأكله

عبده الرايق يقول...

بت يا مفروسه
هاتى حله ميه وكبيها على الطين علشان نلعب
وانتى يا مفقوعه
تعالى ساعدينى نعمل عجينه
وانتى يا قوس قزح
تعالى يا فنانه
ارسمى لينا بقى شكل الذره ولا اقوله
شكل النواه
ونعمل شكل فيزيائى محصلشى

المـــفـــــــقــــــــوعـــــة مــرارتـهــا يقول...

بص انا موافقة انك تلعب معانا
بس بشرط
ماتوسخش هدومك
المرة اللي فاتت ماما ضربتنا عشان خليناك تلعب معانا في الشارع
ومنعت عنك المصروف
ماتطلق الست دي وتريحنا بقي
عندي ليك عروسة ماحصلتش

لا بتهش ولا بتنش
وصوتها واطي
وبتتكلم لغات
وشعرها اصفر وعينيها واسعة
وبتحط جاز علي شعرها

عبده الرايق يقول...

ليه يا مفقوعه الفضيحه اللى على الهوا دى
انا مش لسه جايب لكم ربع كيلو لحمه راس من سبع شهور
انتوا ايه عيال مبتشبعوش ولا ايه
اقولك
هاتى ودنك
ايه رايك ندبح ابى
قصدى خروف من خرفان ابى

واحدة مفروسة يقول...

باميه؟انت لسه فاكر حلة البامية؟؟؟؟
مش ديه اللي كنت بتاكلها امبارح فى البلكونه بليل من غير ما حد يشوفك؟؟؟
و لما سمعت صوت افتكرت حد من العيال حيقفشك....قمت رامي الحله من البلكونه؟؟؟؟
و طلع الخروف بتاع آبي بيتقلب
انت ناسي؟؟؟
اصل امبارح الجو كان حر و انا كنت نايمه فى البلكونه وشوفتك

عبده الرايق يقول...

اطلق فرنسا ؟؟؟؟؟؟؟؟؟؟
يااااااااااااااااااااااااريت
دى ست شرانيه ووحشه
انا نفسى اكب عليها برميل بنزين واولع فيها
بس ياخساره البنزين غلى

عبده الرايق يقول...

ههههههههههههههههه
مفروسه اتجننت
انا جبت سيره الباميه ؟؟؟؟؟؟؟؟؟؟؟

عبده الرايق يقول...

يابنات
ارجو الانتباه

واحدة مفروسة يقول...

يالااااااااااااااااااهوي
مين ديه اللى تطلقها
اوع يا راجل
هوه فيه حد مستحملها فى البيت إلا انت

عبده الرايق يقول...

ارجو الصمت والسكوت لسماع هذا الخبر الحزين
موسيقى حزاينى

موناليزا يقول...

ايه ده يعنى مفيش عزومة على الغدا قريب!!

المـــفـــــــقــــــــوعـــــة مــرارتـهــا يقول...

لحمة
هي اللي احنا كالناها دي كانت لحمة ؟
دي شكلها كان مش عاطفي علي الإطلاق
انا جبت اللي في بطني يوميها
من ريحتها

عبده الرايق يقول...

انا امبارح كنت مع صديق ليا مهم قوى قوى قوى فى الداخليه
قالى على خبر حزين جدا جدا

المـــفـــــــقــــــــوعـــــة مــرارتـهــا يقول...

احنا نلم من بعضينا ونشتري
جركن جاز
كفاية عليها
دي كانت مجوعانا
وقال ايه بتحوش عشان تشتري جهاز للبنات
طب مش من باب اولي كانت تجهز نفسها الأول قبل ماتجهزنا
ده البيت فاضي ومافيهوش لا شوكة ولا معلقة

واحدة مفروسة يقول...

يالهوييييي
ماتقول يا راجل حيعينوك شويش؟؟؟؟؟

عبده الرايق يقول...

موناليزا
لا طبعا فى عزومه
بس هنتعبك وانتى جايه
هاتى بس ب 5 جند عيس
و2 كيلو لحمه
ورز
وخضار
وسمنه
وطماطم
واحنا عندنا الملح والعيال اللى هياكلوا

المـــفـــــــقــــــــوعـــــة مــرارتـهــا يقول...

خبر ايه خضيتني
قووووووووول ماتقطعش ياروقة

قوس قزح يقول...

وكمان يا بابا عامل مؤتنر رسمى على الريديون

يعنى شكلك كده مريش و نافخ نفسك علينا و لا عم كنتاكى

ما تجيب دبوس اقصد جند
مزنوقة فى علبة الوان شمع علشان العب مع العيال قدام البيت

عبده الرايق يقول...

اخوكم خالد
همس الاحباب
طلع مهرب كبير
وتم القبض عليه من 3 ايام

واحدة مفروسة يقول...

ههههههههههههههههه
كله بيتكلم فى صوت واااحد
هههههههههههههههههههههه
بااااااااااااااااااااس
عاوز تقول ايه؟ قول و خلصنا
انا اتفرست

المـــفـــــــقــــــــوعـــــة مــرارتـهــا يقول...

يالهوي
بيهرب ايه بقي ان شاء الله
اكيد بيهرب أمواس حلاقة لصاحبه ابوللو
وهو فالح الا في الأمواس

قوس قزح يقول...

خبر ايه متقول ؟؟
بس اعمل حسابك انا مش معايا ولا مليم
من اولها اهو

واحدة مفروسة يقول...

يلهويييييييييييييي
خالد كان بيهرب إييييييه؟
انطق قوووول؟؟؟
مايكنش كان بيهرب زيت ولا عيش؟؟
با دي النيله
اكيد كان بيهرب الواد بليه اللى كان مستخبى من الاسطة بتاعه فى الشقه

قوس قزح يقول...

مهرب ايه
يا عم دول كام كيلو بومبون سيما و هم افتكروه بومب العيد

المـــفـــــــقــــــــوعـــــة مــرارتـهــا يقول...

وعاوزين كفالة كام بقي ان شاء الله ؟

بقولك ايه
ماتريحنا وتتبري منه
وخلصنا بدال ماهو جايب لنا العار وموقف حال اخواته البنات اللي امه بتجهزهم

عبده الرايق يقول...

للاسف يا بنات
الواد خالد فى الحبس
طلع مهرب نمل
ايوه مهرب كبير قول للنمل
بياخد النمل بتاعنا اقتصاد بلدنا وبيبيعه فى بلاد بره بالدورر
الباليس قبض عليه متلبس ومعاه نص مليوم نمله
وقال ايه بيقول انه بيعمل بيهم نمليه
وانا اخذت له محامى كبير جدا
ماى فرند ابو بشله
ساقط اعدادى
لكن شاطر قوى
قالى انا هاطلعه براءه
وقالى اتعابه انه يتعشى عندنا كل يوم لمده شهر

المـــفـــــــقــــــــوعـــــة مــرارتـهــا يقول...

اللي عاوز يتبري من الواد همس يرفع ايده
واللي عاوز يتبري من هيما يرفع رجليه
واللي عاوز يتبري من البت مفروسة يرفع حواجبينه
أنااااااااااااااااااااااااااااا

قوس قزح يقول...

نععععععععععععععععم
يتعشى عندنا
يا حسرة هو فين العشا ده
ابقى خالى خالد بقى يصطاد له كام نملاية على كام صرصار و يعملوا طبق مشاوى مشكل

عبده الرايق يقول...

فعلا يابنات
انا هتبراء منه
حرامى النمل
الوحش
ياحرامى النمل ياوحش
انا متبرى منك ليوم السبت الجاى
انا متبرى منك ليوم السبت الجاى
انا متبرى منك ليوم السبت الجاى
انا متبرى منك ليوم السبت الجاى
انا متبرى منك ليوم السبت الجاى

المـــفـــــــقــــــــوعـــــة مــرارتـهــا يقول...

يالهوي يارايق
انت وافقت تأكله عندنا
أنت ماسمعتش اللي بيقولك ان العيال بتتخطف من أهاليها اليومين دول عشان تجارة الأعضاء
عاوز تتدخل واحد مانعرفوش بيتنا يارايق
اقطع دراعي من لغلوغه
ان ماكانش الراجل ده جاي عشان يعاين البضاعة ويشوف مين فينا اللي يستاهل يتقطع

عبده الرايق يقول...

بت يا مفروسه
بت يا مفقوعه
بت يا قوس قزح
اعترفوا
الواد خالد كان بيشيل النمل فين ؟؟

الـجـدة فـصـيـحـة يقول...

السلام عليكم ورحمة الله وبركاته

اضحك الله سنكم
المدونة جميلة جدًا
وأتوسعت في الأعضاء والمواضيع
وبقت عائلة بسم الله ما شاء الله
عائلة محترمة حقًا

وعايز شقة يارايق بـ 300 جند
امممممممممممممم
لا خليك في العلبة احسن
وجيب سراير ادوار اوفر


دمتم في رعاية الله

المـــفـــــــقــــــــوعـــــة مــرارتـهــا يقول...

ماتزحزحها شوية
أتبري منه للسنة الجاية
وخليك بحبوح ياراجل

عبده الرايق يقول...

ااكل مين ؟؟؟؟؟؟؟
لا وانا برضه هادخله بيتنا ؟؟؟
نو
نو
نو
انا هبعت له كل يوم ساندويتش طعميه فى البوسته

واحدة مفروسة يقول...

لألألألألأ
لازمن ولابد نضع حد لهذه المواضيع الجاااامده اوي
يعني إزاي حنتبري منه يعني اختكم ما بقتش تفهم
ابوها قالها هاتي حلة ميه سمعتها حلة باميه
حنجيب براية يعني ولا حنعمل إيه؟؟؟؟؟

عبده الرايق يقول...

اتبرى منه للسنه الجايه ازاى ؟؟؟
مش هينزلوا العيال على بطاقه التموين

المـــفـــــــقــــــــوعـــــة مــرارتـهــا يقول...

انا شفته بيخبيهم في أوضتك

انت مش كطل يوم تصحي الصبح وشك احمر
دي مش حساسية من ماما ذي مانت كنت فاكر
ده النمل كان بيتفسح علي وشك كل ليلة

اسلام الحضرى يقول...

ايه ده انا صحيت متاخر كل ده حصل وانا نايم

قوس قزح يقول...

بص بقى انا هقولك بالحق
الواد ده طول النهار كان قاعد على السلم
و انا بصراحة كنت فاكراه بيبص على رجلين الستات اللى طالعة و نازلة

اتريه بيلم النمل من على السلم

تلاقيه مخبيه فى المرتبة علشان دايما كان بيقولى جسمى منمل لما بيصحى الصبح من النوم

واحدة مفروسة يقول...

اييي اييي اييي
انا فرصتني نمله كبيرة
مفقوعه يا اختي ممكن لو سمحتي
تبقى تلحوس امك بشوية عسل علشان النمل يجي عليها ياكلها

اسلام الحضرى يقول...

وكمان همس الاحباب طلع مهرب نمل مهو العيب عليك انت كنت قاعد تاخد الفلوس اللى فى الحصاله بتاعته يعمل ايه يعنى يسرق

المـــفـــــــقــــــــوعـــــة مــرارتـهــا يقول...

انا هااقوم انام بقي قبل مالواد همس ييجي ويضربني عشان خليت ابوه يتبري منه
احسن ده ايده تقيلة اوي طرشة ومابتشوفش
ولا ماما دي اكيد برضه هاتضربني ومش بعيد تحبسني في تلاجة هيما عشان كنت هااجوز بابي واحدة غيرها
والأكيد بقي ان سومة برضه هاتضربني عشان قلت لبابا يضربها
يامفصر رقابتي يابابا
ماهو انت لو كنت بتاخد موقف ماكانش ده بقي حالي

ماهو انا اصلي بقيت الملطشة في البيت ده
وماحدش بيعملي احترام

واحدة مفروسة يقول...

.اهلااا إسلام
الحقنا عندنا نمل فى البيت
و خالد همس راح يهربه و قفوه فى الجمارك
اصله مش كان ضايفهم على الباسبور.

اسلام الحضرى يقول...

لا ما انا عرفت السبب الحقيقى هما كانوا عارفين بس كانوا سايبينه

بس اليومين دول فى شخصيه كبيره فى البلد هتحتكر النمل علشان طلع فيه سبوبه كبيره قالوا بقى يلموا العيال الصغننين اللى كانوا شغالين فى السبوبه دى علشان ميبوظوش الاحتكار

المـــفـــــــقــــــــوعـــــة مــرارتـهــا يقول...

في بيتنا مهرب نمل
أننننننننننننننننننأأأأأأأأأأأأأأن
بووووووووووووووووووم تشششششششششششششششششششش

ظغرطي ياعنايات
لولو لو لو لي
ووزعي الشربااااااااااااااات

واحدة مفروسة يقول...

لأه
انت مش عارف ده الراايق اللي بلغ عنه
اصله كان مخبي 2 كيلو سكر...و لقى النمل حياكلهم فراح مبلغ عنه السلطات الامنيه

اسلام الحضرى يقول...

يعنى انتى عارفتى ان الرايق هو اللى بلغ عنه

اصل انا مردتش اقولكم الشخصيه اللى هتحتكر النمل


الدكاتره عبده الرايق


لما لاقى الحصاله بسم الله ماشاء الله ملاينه قال اخلص انا السبوبه دى من بره بره

واحدة مفروسة يقول...

مين عنايات يا اختي؟؟؟؟؟
و مين شرباااات
لألألألألألأ
انا حالتي اتأخرت يا جماعه
كل ده من قلة الاكل
ابوكو مجوعنا تجويعه وحشه

المـــفـــــــقــــــــوعـــــة مــرارتـهــا يقول...

ماتوقعوش شربات علي الارض
احسن ابوظلكم السبوبة بتاعة الواد خالد وارش فليت

واحدة مفروسة يقول...

ياصبرني ما تشوفيلك حل فى الميه اللي مغرقه الدنيا
كل شويه الراايق يتزحلق مننا...ومش عارفه بيروح فين؟؟؟؟

واحدة مفروسة يقول...

بقولوكوا ايه انا حقوم ادور عليه...لحسن ابوكو لما بيتزحلق بيجيب الشقه من اولها لآخرها

قوس قزح يقول...

تلاقيه بيدور على مكان النمل
يمكن فاكر الواد خالد باع كام نملة و مخبى فلوسها فى حتة كده و كده

كل واحد يقوم يخبى حصالته يا عياااااال

ابوكم سارح فى البيت و بيعمل عملية استكشاف للجند

اسلام الحضرى يقول...

يعنى هو يسلم ابنه فلذت كبده للحكومه علشان السكر وانتم تعملوا بيه شربات

اسلام الحضرى يقول...

يعنى هو يسلم ابنه فلذت كبده للحكومه علشان السكر وانتم تعملوا بيه شربات

واحدة مفروسة يقول...

ههههههههههههه
اماال نسيب النمل ياكله

سومه...مجنونه فى بلد عاقل يقول...

هههههههههههه
كل دول بينادوا عليا لا مهو انتوا معندكوش فكره انا اتقفشت وانا بنزل تعليقات وهاتك يا كلام من اللى قلبكم يحبوه هنا فى المدونه بتهزق وامى فى نفس زاات الوقت بتهزق اعاااااااااااااااا
انا مش حاكل بس هىء وعامله اضراب

سومه...مجنونه فى بلد عاقل يقول...

قال ايه بابا عبدو يطلق ماما فرنسا
سبحان الله قال على راى المثل رضينا بالهم والهم مش راضى بينا سيبك منه يا اماا انا حجوزك اجدع منه
مش هو ابويا بس انا ولا اعرفه مادام الموضوع فيه طلاق
اه بالمناسبه خالد كان بيخبى النمل تحت البلكونه

رئـــــيسـة حزب الأحلام يقول...

ايه الاسرة المحترمه دى اها حقا عائله محترمه بجد حاجه تفرح تفاهم وناس مش عارفه تنام انا رائ تسرحوا العيال فى الاشارات يبيعوا مناديل ولعب وفلايات دة اقتراح لحل المشكلة وبكدة كل واحد يجيب لقمته وربنا يسهلكم
مش عايزين كسوة الشتا والصيف
انا من موقعى هذا ادعو الجميع للتبرع
باللى يقدر عليه

رئـــــيسـة حزب الأحلام يقول...

حاجة قليله تمنع بلاوى كتيرة كتيرة وهنيالك يافاعل الخير والثواب يوجد فى مقر المدونه اسرة تعانى المجاعة والقحط وناس لابسه مقطع الى كل دول العالم المتقدم تبرعوا لاخوانكم فى المدونه الضاحكون تبرعوا هنادى بنك الغذاء العالمى ان هناك حاله مجاعة مستعصيه الى منظمه اليونسكو الى كل المنظمات الدوليه تاتى لتنقذ هذة الاسرة من الضياع
الحقوا ايها العالم المتحضر
انظروا لاخوانكم فى الصومال واخوانكم على النت فى مدونه الضاحكون تعالوا اتبرعوا وربنا مايرميلك جته

العسكري عتريس يقول...

دعوة لحضور المناقشة المفتوحة للمدونين عبر غرفة شرقاوي اون لاين علي البالتوك ، سيدير حلقة النقاش الاستاذ الدكتور إيهاب إبراهيم استاذ المسالك بكلية الطب وصاحب مدونة فليعد للدين مجده ، وذلك في تمام العاشرة مساء اليوم الجمعة 4 يوليو والدعوة لمناقشة موضوعات المدونين المختلفة .
اقرأ المزيد علي شرقاوي أون لاين موقع طلاب جامعة الزقازيق
http://www.sharkawyonline.com/Articalshow.asp?NewsID=2223&Categories_ID=17

حنين القلب يقول...

رااااااااااااااااااااااائع
بجد والله بوست دمه زى العسل
وتسلم يا طائر يا حزين هو فعلا خالد همس الاحباب شحات ؟؟
انت قدرى هو اخوك وتعرفه اكتر مننا
قوس قزح رسمك عسل بس والنبى كفايه شخبطه
صبرنى يا رب فكرتك هايله بجد
آبى والنبى لمى خرفانك عماله تجرى ورايا
مفروسه حبيبتى والله ما عارفه اقولك ايه عسل والله
بابا وماما الرايق وزوجته فرنسا
انا غصب عنكم وحتى وانا مش معاكم هبقى اخر العنقودمعلش ده اجبارى
بجد كلكم زى السكر
سلام

CAIROCOMPUTER يقول...

الأخوه الضاحكون لدينا فكره نجب ان نسمع آراؤكم فيها
نفكر فى تقديم بعض اسهاماتكم بعد ضغطها ونبدا بفلسفة الزرار ونقترح عنوانا لها
الأربعاء الموافق يوم الجمعه!!!
مارايكم وافونا بالآراء فى مدونتنا
netonradio.blogspot.com

حنين القلب يقول...

والله انا لو منك يا بابا مش تجيب ليه محامى خليه يتسجن علشان بعد كده يحرم
ولا اقولكم
مالكم كده كلكم جاييين عليه مهو لو كان موجود كان ضربكم كلكم
يا عينى عليك يا خويا تعالى بقى شوف اللى عماليين يقطعوا فى سيرتك

appy يقول...

صباح وجع الدماغ ايه المشكله خالد وانا عارفه بيخبى النمل فى الخرفان ويبعها لما تكبر وفى المقابل بيجيب الاكل ليهم

يا عم الفيلسوف انا بفسح خرفاني عند عم عبده

واللي بلمح بدبح خرفانى هدبحه واعمله عليه كشك الماظيه من اللى بسمع عنه فى التلافزيون بتاع الجيران
وخالد اتفقت مع الامت هيطلعه مقابل اللعب مع خرفانى شويه وبالمره يأخدوا لهم خبه نمل وتخلص منهم بدل قمل الدوله ويدوهم رتب هههههههههههههههههههههههه
قوس قزح لو سمحتى لعملى نيو لوك لميمى الخروف بتاعي او سمحتى

صبرني يارب يقول...

صباح الخير يا ماما صباح الخير يا بابا

صباح الخير يا عيال يااخواتي

صباح الخير يا زوار

قلنا نرمي الصباح بس

منورين يا جماحه

قوس قزح يقول...

حنين القلب
يرضيكى يعنى اكبت فى نفسى عمايل العيلة دى
مش لازم ابعبر عن نفسى ولا ايه !!

يالهوووووى منكم حتى شوية الشخبطة مستكترنها عليا هىء هىء هىء

قوس قزح يقول...

ابى
استنى كام شهر كده و انا اعملك لهم نيو لوك قبل العيد
علشان انتى عارفة اخواتك و طمعهم فيهم فى العيد الكبير

صبرنى يا رب

صباحك فل
فين بقى الفطار الانتركونتينتال بتاع يوم الجمعة !!
الاسبانش اومليت و السوسيدج و الزبدة و المربى و الكرواسون و الدنش
اه و متنسيش النسكافيه الجولد

بسرررررعة يا صبرنى

فرنسا هانم يقول...

اخوانى زوار المدونه
ابنائى فريق العمل
المحروس الرايق
ارحب بكم جميعا واتمنى ان تستمتعوا معنا
كما اتمنى ان اتلقى ملاحظاتكم على المدونه لان الملاحظات تدفع دائما الى الامام وليس الى الخلف

فرنسا هانم يقول...

بطل اشاعات يا رايق
الواد همس الاحباب مش مهرب نمل
انا بنفى التهمه دى على خالد
وبقول ابنى مش وش سجون
ده تربيه ايديا
وعمر اولاد فرنسا ماحد منهم دخل السجن نهائى
قال مهرب نمل قال
خلى بالك من العيال ومن المدونه يارايق انا رايحه للمحامى اشوف صرفه للولد

صبرني يارب يقول...

قوس قزح

ايه ده ؟؟؟ عيب عيب عيب ايه الكلام الى انتى قايلاه ده .
انا يتقلي انتركوتيكال الى قولتيه ده ؟؟
ده دوا يا بت ؟؟
اوعي يكون كلام قليل الادب ؟؟؟

شكله كده باين

عموما يا ستى انا عندي رز باللبن لو يشبه حاجه من الادويه الى قلتيها ابعتلك طبق
بس ما تقوليش لمفروسه

فرنسا هانم يقول...

سومه يا مجنونه
جيد جدا وزعلانه ؟؟؟؟؟؟؟؟؟؟؟
ده انا لما جبتها رقصت قدام المرايه ساعتين بحالهم
واللى غاظنى انى ملمتشى ولا جنيه نقطه

فرنسا هانم يقول...

الطائر الحزين
برنامج انت تسال والكمبيوتر يجيب اختار فلسفه الزرار
ايوه كده
ابنى حبيبى رافع راسنا للسماء

فرنسا هانم يقول...

صبرنى يارب
انتى معايا على الهواء؟؟؟
وايه الاكلات الغريبه اللى انتوا بتتكلموا عنها دى
هى عيله الرايق تعرف الا الفول والطعميه

فرنسا هانم يقول...

اسلام الحضرى
احنا مش عارفين نشكرك ازاى على المجهود اللى بتبذله معانا فى المدونه
جزاك الله خير

فرنسا هانم يقول...

بت خيخة وأى كلام
منوره الدنيا كلها يا خيخه
ليكى وحشه جامده

فرنسا هانم يقول...

فاتيما
دول ياختى عملولى كالو فى نافوخى نازلين خناقات ونازلين قفش فى بعض
انا بقول اسربهم على الملاجىء وارتاح

همس الاحباب يقول...

يا نهاركم ابيض
الواحد يغيب يومين تعملو كده
فعلا ان غاب القط العب يا رايق
تيجى منك يا رايق يا خسارة وانا اللى بقول عليك انك انت اللى قتلت باباى روح يا شيخك منك لفرنسا اتاخد حقى منك
مفقوعة نهارك ابيض استنى عليه اللى ما جبت راسك على البلاطة
مفروسة عيب انتى جدعة ما تصدقيش العيال الوحشة
قوس قزح حتى انتى وانا اللى بقول عليكى فنانة نهارك زى قوس القزح
ابى اختى برافو عليكى بس بلاش تسييح
فرنسا انتى ماما وانتى بابا وانتى انور وجدى ما تصدقيش الرايق ده جوزك وانتى عارفاه شردة حتى مع عياله

همس الاحباب يقول...

لا بجد استنونى انا هاسيب الشغل واجى اخلص على العيلة كلها اولع بيكم الشقة ما عدا ماما حبيبتى
واخواتى المؤدبين
اما اللى ماشيين على هوى بابا الرايق وقعتهم هباب معايا والبادى اظلم يا جدعان

عبده الرايق يقول...

ياهلا ياهلا
ابنى العزيز خالد رجع
شرفت البيت يا خالووووووووووووود

عبده الرايق يقول...

يا ولاد اخوكم خالد جه
تعالوا يا ولاد
كل واحد ياخد الجند ده وميجبش سيره انى قلت نمل ولا غيره
خلاص اتفاقنا
خلوا الطابق مستور
تعالوا بقى نضحك عليه ونعمل نفسنا معملناش حاجه خاااااااااااااالص

maha zein يقول...

يا غلبي علي العيلة الكريمة
انتوا اللى بيعجبني فيكم انكم عيلة متفاهمة
وحواركم بيقلب المواجع علينا
بجد تحياتي ليكم وانكم كل همكم بجد وانشغالكم واهتمامكم لاستغلال مواهبكم من اجل إسعاد الناس
ربنا يكرمكم

عبده الرايق يقول...

اهلا خالود ابنى حبيبى انتى جيت من المصييف ؟؟؟
نورت بيتك ونورت مكانك
انا برضه قلت لللاولاد ان اخوكم راح المصييف
ولما هيرجع هيشترى لامه فرنسا نمليه محترمه للمطبخ
يلا بقى اسيبك تغير هدومك لانى مش هاقدر اكمل كتابه احسن صوابعى منمله

الحب الجميل يقول...

السلام عليكم

أحيكى على البوست الرائع دة 00أنتى فعلا حكاية
عندى فى المدومنة مشكلة وعايزالها حل ممكن تشوفيلى حل ليها

دمتى بخير

Dr- Hema يقول...

علينا العوض يا جدعان

انا رايح أجر بلكونة محدش عايز يزاحمنى فيها ؟!


د/هيما

فرنسا والرايق يقول...

الحب الجميل
اهلا بيك فى مدونتنا
ويسعدنا ان نكون عند حسن ظنك

مواطن مصرى نايم يقول...

بقى انا اغيب لمده
48 ساعة
الاقيكم واخدين التعليقات مقاوله
و مفيش اى زغروف صغير يسأل على غياب المواطن
او حد يجى يصحينى من النوم
اخرتك معايا وحشة يا ابا الحاج رايق
ايون
و سومــــــــــــــة
اخرتك معايا وحشة
بقى جيد جدا و حداد
دا جيد جدا يبقى تعملى شادر و تفرقى شندوتشات لحمة بالفراخ المحشية جمبرى
يا جماعة بجد شكل الموضوع و هو معروض تحفة
مبروك للجميع
الله ينور
eslam

فرنسا والرايق يقول...

مواطن مصرى نايم
حمدلله على السلامه يا اسلام
كنت فين ؟؟
مش قولنا بلاش بيات بره البيت
المره دى هتعدى لكن المره الجايه لايمكن تعدى ابدا

حاجات جوايا يقول...

هههههههههههههههههههه
بسم الله ماشاء الله
الحلقة الاولى جميلة جدا
والتعليقات لوحدها تعمل حلقة تانية

أهى دى العائلات ولا بلاش
ربنا يزيد ويبارك


بس ايه يا بنات ده ؟؟؟؟
مالكوا متضايقين من مامتكوا كده
دى هى اللى شالت وربت وسهرت وغسلت وكوت ونضفت وطبخت
اخص عليكوا اخص
بنات ناقصة رباية صحيح

وباباكوا كمان عايم على عومكم
يقطع الجواز وسنينه

خلى بالك يا رايق .. فرنسا ممكن تخلعك
ومتلاقيش مكان تقعد فيه وترجع للسلم

أنا بس بوعيك
ظبط امورك كده معاها وهاتلها هدية حلوة وادينا داخلين على مناسبة حلوة أهه " عيد ثورة يوليو " وانت وذوقك بقى هههههههههه

يلا خلى الواحد يعمل الخير ويرميه فى البحر


منتظرة الحلقة الجديـــــــدة


دمتم بخير احبائى

سالى

الطائر الحزين يقول...

يعنى الواحد يغيب كدة ولا حد يحس بيه ايه هوا عايش معاكم
صحيح هتفتكروا ايه ولا ايه؟
حتى ابنكم حبيبكم نستوه

عشانا عليك يا رب

===========
فرنسا هانم ولا اعرف ولا حد قالى على فلسفة الرزار

AUSTRALIA يقول...

سيناريوا اكثر من رائع-
واكيد فى اسر كدا فى مصر واكيد هى دى مشاكل كل الاسر المصريه 1- الشقق 2-الخدمات 3-الصحه وفى حاجات كتيره بس انا مش مركز دلوقتى بس فى الاول والاخر المشكله الكبيره من رقم 1:& مالا نهايه هيا الحكومه ومش هطول علشان توفقوا على النشر وعلى فكره
انا بحيى العسوله appy لانها فعلا فكرت كويس فى مشروع جميل جدا الثروه الحيوانيه وتربيتها للخرفان مشروع مربح وهتساعدكم فى الحصول على شقه.
فى انتظار الحديد اقصدالجديدعز بعضهم يووووه معلش الواحد بدء ينسى العربى والا اه اقصد الجديد زى بعضهم فرق نقطه:
تمنياتى لكم بالتوفيق .

maha zein يقول...

أنا راحة النهاردة اسكندرية يويمن وارجع يوم الاتنين
عالم التدوين هيوحشني
هروح اغير جو يومين وارجع انشاء الله بطاقة جديدة لكل حاجة
اتمني ارجع الاقي شقلبظات فى المدونة
تحياتي ليكم هتوحشوني كثير
واعذروني لحد ما ارجع

CAIROCOMPUTER يقول...

الأخوه والأخوات كتاب وزوار المدونه
نود ان ناخذ رايكم فى فكره نقوم ببجثها حاليا وهى تخصيص جائزه كبيره ونود ان نطمان انه لا يوجد لدى اى منكم اى مانعلو منحت لأخيكم
عبده الرايق
والمعترض يتقدم فى خلال 3 سنوات ومعه المستندات اللازمه
اما الجائزه
فهى رحله حول العالم من شرقه الى غربه ومن شماله الى جنوبه ....سيرا على الأقدام

عبده الرايق يقول...

CAIROCOMPUTER
سيرا على الاقدااااااااااااااام ؟؟؟؟
ومن شرق العالم لغربه ؟؟؟؟
ومن شماله الى جنوبه ؟؟؟؟؟؟؟؟
نو
نو
نو
احب ان انقل لكم خبر وفاه الرايق وتنازل الورثه عن الجائزه
ايه مش سامع
بتقول ايه ؟؟؟
اه بتقول امال انت مين ؟؟؟؟؟
انا قرين الرايق

TIMMY يقول...

أنا مش فاهم حاجة !!

هو أنا شارب حاجة و لا انتوا اللي شاربين !!

شكلي محتاج أقرأ مرة تانية ,,,

و لو ما نفعش .. آخذ درس خصوصي و أمري لله ..

عبده الرايق يقول...

CAIROCOMPUTER
على فكره الجاموسه بتاعتى اللى الواد العلامه حسن بيه الفراش قالى عليها خلاص بدءت تزهر
بقالى كام يوم بأكلها رز فى الفطار ورز فى الغدا ورز فى العشاء ورز بين الوجبات ورز فى السهره وهى بتتفرج على روتانا
لغايه لما بدءت تحلب رز بلبن
بس المشكله ان الرز بلبن طلع عادم
وانا رحت للعلامه حسن باشا الفراش قالى ولايهمك
بعد كل وجبه اديها عودين قصب تمصهم وتقدر تحلب منها رز بلبن محلى
وانا الدكاتره العلامه عبده الرايق حبيت اطمئن البرنامج بتاعكوا انى مش هنساكوا وهبعت لكم معلقه رز بلبن ...يلا انشاله ماحد حوش

عبده الرايق يقول...

TIMMY
ليه بقى الاحراج ده
ايوه احنا شاربين
لازم تفضحنا اون لاين
اصل البنت بنتى مفروسه بعتها تجيب بجنيه عيش قام البياع قالها الجنيه ده مقطوع يا شاطره ومتبهدل بليه واشربى ميته
واحنا بقى بلينا الجنيه وشربنا كلنا ميته كل واحد اخدله كاس

همس الاحباب يقول...

هام وعاجل
اليكم انباء الظهيرة من امام قسم النبى حارسه وصاينه
فى سابقة غير مسبوقة فى عالم التسول
تم القبض على المدعو عبده الرايق الشهير بروقة من امام مسجد السيدة وبصحبته افراد العائلة الكريمة مفقوعة هانم واختها مفروسة
كما تم التحفظ على المدعوة قوس قزح امام محطة المترو نظرا لتهربها من سداد ثمن التذكرة وسنوافيكم لاحقا باهم التفاصيل والتعليقات عن تلك الانباء .

عبده الرايق يقول...

AUSTRALIA
شكرا لك
ونتمنى لك التوفيق ونتمنى لك الصحه الحديد
ولا برضه بلاش الحديد لحسن نروح السيما

همس الاحباب يقول...

حمدلله على السلامة يا روقة
كفارة يا جدع
طب والنبى العيش والحلاوة فى الشنطة
كنت اجيب ماما فرنسا وجايين نزورك

عبده الرايق يقول...

همس الاحباب
ههههههههههههههههه
هههههههههههههههه
ههههههههههههههه
جات اوت يا بطل
من حظك النحس ان ليا تعليق فوق تعليقك وتحت تعليقك يعنى انا اون لاين
تعالى بقى اقعد جنبى وغنى وقول
يا فرحه ماتمت خادها الغراب وطاااااار

همس الاحباب يقول...

يا فرنسا يا مامتى الحقى الرايق اتقبض عليه متسولولابس جلابيه متقطعة يع عليها وواخد البت مفقوعة بجلابية قديمة وحالقةزلبطة على البلاطة
بجد دى عيلة سوابق يا فرنسا

همس الاحباب يقول...

ما هو كلام ده مش النهاردة يا روقة
دى اخبار بايته
فى التلاجة

عبده الرايق يقول...

خالد حبيبى
شفت العيال الوحشيين اخواتك طلعوا عليك اشاعات
وانا اقولهم
نو
نو
نو
خالد ابنى فلذه كبدى مهرب نمل ؟؟؟
مستحيل
نو
نو
نو
انا خالد مربيه وعارفه كويس
ودافعت عنك
لحد ماكانوا هيزعلوا منى
قلت وماله
يزعلوا يزعلوا
انا عمرى ما هسمع كلامهم ابدا
يلا بقى يابطل
حمدلله على السلامه
المهم ماترجعشى لموضوع النمل ده تانى

عبده الرايق يقول...

برضه ياولد احنا عندنا تلاجه
هيهات
وهيهات
وهيهات
شوف 3 هيهات رقم قياسى عالمى

همس الاحباب يقول...

عملتها يا رايق
ودبست البنات فيها
وخلعت انت زى الشعرة من العجين
الحقى بناتك يا فرنسا الرايق ضيعهم ورجع من غيرهم

عبده الرايق يقول...

بص بقى
ممكن اعمل سوبر هاترك واقول تانى
هيهات

عبده الرايق يقول...

ده انا غلباااااااااااااااااااااااان
ومسكين
وحرااااااااان
ومش بحب اتكلم على حد فى غيابه ابدا
دى حتى تبقى نميمه
انا كنت قاعد ابص بس
واحرك عينى شمال ويمين واستغرب
واقول ليه كده يا بنات تقطعوا فى فروه اخوكم وهو غايب

واحدة مفروسة يقول...

انا مش بحب رز ابو لبن
ممكن لو سمحت يا رايق ـكلها قمح
اصلي بحب العاشورا

عبده الرايق يقول...

وبعدين انا لازم ارد لك اعتبارك
وارد لك كرامتك
مش عيله الرايق اللى يحصل فيها كده
نووووووووووو
نوووووووووووو
نووووووووووو
مش عيله الرايق
مش عيله الرايق
هات انت بس 200 جند وانا اروح اضربلك البنات دول كلهم
ولا اقولك خليهم 1000 جند وانا انسفهملك بالبازوكا

عبده الرايق يقول...

البنت مفروسه على الهوا
يا مصيبتاه هنروح فى داهيه
شوف يا خالد
انا والبنت مفروسه كنا بنتكلم عليك كويس
والبنت مفروسه هى الوحيده اللى كانت جايه فى صفك معايا

واحدة مفروسة يقول...

تضرب مين يا عم الرايق
بت يا آبي هاتي خرفانك ابوكي حينزل يفسحملك النهارده

ازيك يا خالد و الله ليك وحشة....كنت إعارة ولا إيه
طلبوك فى وزارة الاسكان تنورلهم المساكن الجديده بالشمعه

واحدة مفروسة يقول...

هههههههههههه
ايون كده اعدل كلامك
الجو حرررررررررررررررررررررر
احنا كده حنبوظ من الحر....
علشان كده الدول البارده محافظه على شعبها من البوظان...الجو على طول ساااقع
احنا بلدنا....بتبوظنا بدري بدري
حنحمض...

همس الاحباب يقول...

مفروسة يا ختى
ازيك والله وحشتينى احسن من بريزة لب
هو الرايق سابك وهرب من قدام الجامع
ولا ايه

عبده الرايق يقول...

خلاص يا مفروسه
هاشترى جاموسه تانيه وااكلها قمح
ونشغل خطين للانتاج
خط رز بلبن
وخط عاشوراء

واحدة مفروسة يقول...

انا مش عاوزه لب
انا عاوزه سوداني بتاع القرود
اللى بياكله سوبر بندق
علشان ابقى سوبر مفروسة

همس الاحباب يقول...

انت اتقولى يا رايق
ما انا شفت كل حاجة ما حدش قالى
نمل يا رايق
طب خليها حاجة اكبر شوية
وانا بقول عينى منملة
وايدى بترتعش ليه
قال من تهريب النمل

واحدة مفروسة يقول...

ياريت يا رايق تجيب تلاجه قد الجاموسه كده و تحط فيها الجاموسة و هيه صاحيه
علشان نعمل خط ايس كريم بالمرة

عبده الرايق يقول...

خالد انا ومفروسه كنا معاك
والباقى كانوا ضدك
يلا بقى
خليك جدع
ابوك واختك جعانين
هات حاجه نجيب بيها اكل وبلاش بخل

واحدة مفروسة يقول...

ههههههههههههههه
وايدك منمله

عرفتوا النله اللي بتتجوز فيل اكثر وفاءاً من الاخري التي تتزوج نمله مثلها؟؟؟
لييييه؟

همس الاحباب يقول...

سودانى ايه يا مفروسة
عندك الرايق خليها يجيبلك
هو فالح ياخدكم ويشحت بيكم قدام الجوامع وعلى الارصفة
وانا بقول اختى مفروسة انقرضت ليه
طلع الرايق سايبك على لحم بطنك
تصدقى صعبتى عليه
واعزمك على طبق عاشورة
بس خلى بالك من الرايق
اوعى يدوقه

همس الاحباب يقول...

لا بجد قولى يا رايق
الفيل لو اتجوز نملة ايخلفوا ايه

واحدة مفروسة يقول...

تاكل ايه يا رايق الجو حر
حر
حر
اي حاجه حناكلها حتحرر زياده
احنا عاوزين بطيخ
ايس كريم
ميه ساقعة
تعالى نلروح الاسكيمو يا عم
انا خلاص
حسيح و مش حتلاقوني

عبده الرايق يقول...

يابت اسمعى كلامى
نحط الجاموسه فى التلاجه ؟؟؟
انتى مجنونه ؟؟؟
نو
نو
نو
احنا هنشترى قاعده ونحط عليها الجاموسه
ونركب لها ماتور
ونشحنها غاز الفريون
ونديها نشا وشيكولاته ومانجه وفراوله وهى هتظبط نفسها
وتطلع لنا ايس كريم فى جليم

واحدة مفروسة يقول...

غليت نملتكو
علشان لما الفيل حيموت
حتفضل طول عمرها تدفن فيه

النمله لو اتجوزت فيل حتخلف فيل منمل

همس الاحباب يقول...

يا سلام يا رايق غالى وطلب رخيص
تعالى جنبى يا بابا وانا اعزمك على فراخ مشوية من عند الراجل اللى جابلى تسمم اول امبارح
يلا نبقى عملنا جميلة فى فرنسا واخواتى

واحدة مفروسة يقول...

لا ياعم الرايق

طيب يالله انا حرانه
وعاوزه ايسكريم

شوفتوا أخر خبر قال امريكا بتعمل ايس كريم بطعم الفول
عالم محدثه
كاتهو واكسه

عبده الرايق يقول...

هههههههههههه
بطيييييييييييييييييييييخ ؟؟؟؟
حرام عليكى
البيت عندنا مليان منه
تقولى مسز رايق ناويه تتاجر فى البطيخ؟

همس الاحباب يقول...

برافو عليكى يا مفروسة
اهم عيال فرنسا والرايق اللى هما اخواتنا كده
فيل منمل
مبروك عليكى اللقب يا مفروسة

عبده الرايق يقول...

ههههههههههههه
ايس كريم بطعم الفول
هههههههههه
اكيد بيحطوا على وشه بدل المكسرات حتتين محلل

همس الاحباب يقول...

بيت مين مليان بطيخ يا رايق
انت مش قايلى اخر مرة شفت البطيخ من 50 سنة وكانت قرعة شبه زلبطة البت مفقوعة ناسى ولا افكرك

واحدة مفروسة يقول...

غلا صحيح كيلو البطيخ بكام
انا و بلا فخر بشتريه ب 3 جنيه
و البطيخه بتتاكل على يومين
الطم
عاوزه الحكومه تصرف فى الصيف بدل بطيخ...وبدل ايسكريم

عبده الرايق يقول...

ولد يا خالد
سمعت عن الايس كريم اللى بطعم الفول؟
روح هاتلنا شقه ايس فول
وشقه ايس طعميه
وذود الشطه

واحدة مفروسة يقول...

لأ مخلل ايه و انت السادق بيرشوه بشوية زيت حارز يزوقوه ببصله

عبده الرايق يقول...

خالد انا يابنى بتفشخر
سيبنى اقول
هو حد شايف حاجه
وبعدين مش كل ما اقولك سر تفضحنى

واحدة مفروسة يقول...

و الله انا بتكلم بجد
ربنا ما يحرمهم من اللي عندهم
بكرة حتلاقو الفول عندنا غلى علشان
الناس فى امريكا بتاكله ايس كريم
و مش بعيد الدرة بكرة ياكلوه ايس كورن

عبده الرايق يقول...

ليه يا مفروسه انتى ساكنه فى هوليود كيلوا البطيخ عندنا فى السويس بجنيه ونص وبطيخ جيزه يعنى من حداكم
يعنى عندكم الكيلو ارخص من كده

واحدة مفروسة يقول...

بتتفشخر ببطيخ
بلا واكسه
طيب اتفشخر بحاجه عدله؟؟؟
الواد الدكتور هيما..كان بيقول فيه حته اسمها كفر ابو بطيخ
عاوزين نروح رحله هناك

عبده الرايق يقول...

مفروسه انا مصدقك من غير حلفان
هما الامريكان كده
يجوا فى الهايفه ويتصدروا

‏«الأقدم ‏‹أقدم   ‏1 – 200 من 222   ‏›أحدث ‏أحدث»