الخميس، يوليو 17، 2008

3 - عائله الضاحكون ...البطاله الجزء الثانى

اخوانى فى كل قارات العالم التسعه ..يسعد الدكاتره عبده باشا الرايق وفريق العمل بمدونه الضاحكون ان نقدم لكم الجزء الثانى من البطاله ...وهى من مشكلات العصر التى تواجه العديد من الاسر المصريه

*******************

فرنسا :- استلموا بقى يا ولاد اهه المحروس طلع مع مفروسه وصبرنى يارب من الاوده
الرايق :- شط ااب يور ماوس يا فرنسيس ..وانتوا يا عيال مش عايز ضحك ..ولا عايز حد يغمز لاخوه ..ابوكم الدكاتره عبده الرايق صرح من صرارحات مصر ...اى حد هيضحك عليا همده على رجله ..فاهمين

صبرنى يارب :- ايه يا ابو الروقان مالك في ايه ؟؟ بقى معقول يا جميل انت تروح بكره الشغل وانت واثق من نفسك وتدخل على اتخنها مدير فيكى يا منطقه ولا يهمك منه . ولو قالك ربع كلمه ادينى بس رنه تلاقينى كابسه على افكاره هناك .الا عملتلي ايه يا ابو الروقان فى طلب التعيين بتاعي ؟؟؟

الرايق :- تعيين مين وزفت مين هو فى حد بيتعين دلوقتى ...نو نو نو دلوقتى فى رفد بس ..حتى ممكن تترفدى قبل مايعينوكى ..ذاتس فيرى فيرى ايزى

آبى :- ايه يا داد مالك بس ما تكبر الدى وتعلى الجى يا جميل قولى من واحد نوتى ده اللى مزعلك وانا اوعدك انطحه بخرفانى البمبى وانت عارف بقولك ايه تعالى نقعد فى الشمس شويه نظبط الدنيا وهتفك ان شاء الله فكك من العالم الوحشه دى

الرايق :- شمس ؟؟؟؟ ايه البنت المخبوله دى فى برضه فى الدنيا شمس تطلع الضهر ؟؟؟ ..ياما لسه هنشوف وياما تعاليلى ياما وشوفى ابنك الرايق جراله ايه

همس الاحباب : صباح الخير عليكو جميعا ايه يا مامتى هو بابا ضارب بوز كده ليه وراسم ميه وحداشر على وشه صبح صبح يا عم الحج.... روق يا روقة وخليها تفك

فرنسا :- ميه وحداشر بس ؟؟؟ ده راسم الف ميه وحداشر ..اصل ابوك اترفد من الشغل ..قوم باركله وهنييه

همس الاحباب : نو نو نو مش ممكن انا لا اقبل بتلك الاهانة بابا أترفد من شغله والسلم بقى شاغر يا خسارة يا ولاد بابى روقة ولا يهمك انا عندى ليك شغلانه ...ايه رايك تشتغل صبى حلاق عند بولو اتاكل الشهد يا روقة وعيشتنا اتبقى فل .

الرايق :- حد يناولنى ايد المقشه اكسر نافوخ الواد ده ...بولو ؟؟؟انا الدكاتره عبده بيه الرايق اشتغل عند بولو ؟؟؟

قوس قزح :- بابا ايه رايك نرشحك علشان تكون شيخ عاطلين الحى و نعمل مشروع لتجميل المنطشقة دعاية لك و نبعت نشترى كام برميل بويه فوشيا على كام برميل بيستاج و نلون الحارة كلها و نخلى شباب الحارة يلونوا معنا بدل قاعدتهم على القهوة اللى خلت البيوت لونها اسود و نبعت نشترى ورد من فرنسا .. لاااااا بلاش سيرة فرنسا دى هتقول نجيب جرجير و فجل نزرعه فى الحارة .. نشترى ورد صناعى من الصين احسن - اصل عيال الحارة بتاكل الطبيعى - و نوزعه قدام البيوت و بكده يا روقة تستحق لقب شيخ عاطلين الحى و شيخ الفنانين كمان

الرايق :- بتتريقى يا فنانه ...وحياه جدى الكبير احمس باشا لخلى ايامك كلها بالوان الطيف الخمستاشر ياقوس قزح يابنت فرنسا

قوس قزح : انا اتريق بردو يا روقة ده كل كبرات البلد لما بيرشحوا نفسهم بيعملوا كده بيلموا الشباب من على القهاوى و يشغلوهم لحسابهم و بعد ما تخلص الانتخابات يسقعوهم لحد الانتخابات الجاية .. انا عايزاك تسقعلك كام واد حليوة كده من على القهوة اهو حتى لو منجحتش فى الانتخابات اهو عندك بنات هتموت و تتجوووووووووز

الرايق :- هو البطاله طالما ورانا حد هيعرف يتجوز ...خليكم قاعدين مع امكم لغايه لما تخللوا ...ونعبيكم فى برطمانات ونحط عليكم تاريخ انتهاء الصلاحيه

نيجرو: يا صباح الدوشة عليكم و قلبة الدماغ صلاحيه ايه وبتاع ايه ؟؟ ... إيه يا روقة؟ بجد الحوار اللي بتقول عليه أم باريس ده؟ ... هيرفدوك من الشغل؟ ... يا دي النيلة ... هي القهاوي ناقصة ترابيزات ... عايزك فى كلمه ياروقه لوسمحت هات ودنك ..إيه يا روقة عملت إيه؟ ... بص احنا شباب زي بعضينا و مش هافتن عليك ... عينك زاغت كده ولا كده على واحدة من موظفات الشركة و المدير قفشك و انت بتعاكسها؟

الرايق :- عينى زاغت كده ولا كده ؟؟؟؟....هى امك خلت ليا عنين اصلا ؟؟ ده يابنى اللى يعيش مع فرنسا يطلع معاش بعد سنه واحده

نيجرو :- ها... قول الحقيقه ياباباتى .. مانا عاذرك .. الله يكون في عونك...واى حد مكانك متجوز ماما فرنسا هعذره برضه ..ولا تزعل نفسك يا أبو الروقان .. و إذا كان على مصروفي .. يا عم ولا تقلق .. هأمشّي نفسي بالقرشين اللي كنت باقلّبهم منك

الرايق :- ابنى حبيبى معاك فلوس ؟؟؟؟؟ ايوه كده يا نيجرو تعالى فى حضن بابا

نيجرو :- اااه اصل انت ما تعرفش .. ماهو أصل الكتاب ابو خمسة كنت بأقولك بعشرة و أبو عشرة بخمسة و عشريين و كده يعني .. يلا أهو جه و قتهم أمشّي بيهم نفسي لحد ما اشوفلي شغلانة .. أهو .. أقفلي قدام قدرة فول في محل فول و طعمية .. قدام سحارة عيش في مخبز .. اشتغل في الفاعل .. اسرح بمناديل في اشارات المرور .. .. و كلها شغلانات شريفة .. و الشغلانة بتجيب شغلانة .. المهم ما يفوتنيش التوك توك
الرايق :- سيبك من الشغل والتوك توك دلوقتى ...وتعالى ورينى محوش كام ...انا ابوك وخايف حد يسرقهم منك

appy:- بص يا دادا متصدقشى كلام الواد نيجرو.. ده بكاش صدقنى ..بص معايا فى الشغل المدير المالى الراجل الرخم ده عمل فيها عبدوو حركات مش انت يعنى وحب يوصل لرئيس مجلس الاداره على قفا المدير العام قووووووم ايه فنشووه ليه بقى علشان يعرف ان الله حق واهو قاهد فى البيت بقاله شهر مش عارف يتنيل يشتغل ولا لاقى شغل فى مكان فمتعملش فيها السيفن مان وتقول هلاقى شغل طيب اصرف انا بقى على خرفانى وبطوط منين اعقل كده وبص لاور فيوتشر الله يكرمك

الرايق :- متخافيش يا appy الفيوتشر بخير كل الحكايه تهديد من المدير بفصلى من الشغل ...وازمه البطاله اللى فى البلد مخلياهم ياخدوا راحتهم بالقوى

حماة الرايق بلطجية هانم العويل (مفقوعه ) :- أيه إللي سمعته من مراتك ده يارايق ؟! كدة تجيبوني علي ملي وشي من الساحل الشمالي وتبلغوني بالخبر المقندل ده ... أومال مين هايدفع تمن عملية شفط الدهون إللي هاأعملها الشهر الجاي ...
الرايق :- حماتى الغاليه انا الدكاتره عبده الرايق ممكن اولع فيكى النار و اسيحلك الدهون دى ...انما لو عايزه فلوس سلف عليكى وعلى البنت المجنونه سومه الحشريه جارتنا مراه المدعوء بطيخ الاهبل
حماة الرايق بلطجية هانم العويل (مفقوعه) :- انت أتجننت يارايق عاوزني أستلف تمن العملية من جارتكم الحيزبونة سومة ... عشان في الطالعة والنازلة تزلني وتزلكم بيها ... وتقوللي ياللي شافطة شكك ...... بت يافرنسا قومي لمي هدومك يابت أنتي مالكيش قاعدة مع الشحات ده ... الواد بلية صبي العجلاتي لسة مطلق مراته وعايز يغيرها ... ده عقبال أملتك عنده أسطول عجلات قد الدنيا هاتتنغنغي في عزه وهايعوضنا عن سنين الضنك إللي عيشناها مع الرايق وهايعمللي عملية شد وش في أمريكا ... يالا قومي يقطع الرايق وسنينه ... هو ده راجل يتبكي عليه ... جاته خيبه عليه وعلي عياله
فرنسا :- عايزانى اتطلق يا ماما ومعايا كوم اللحم ده ؟؟؟؟
الرايق :- ياستى لو كان على كوم اللحم ميهمكيش ..بس انتى قشرى
فرنسا :- بتقول ايه يا رايق ؟؟؟؟
الرايق :- لا ابدا بقولك معاكى رصيد تبعتيلى 5 جند ؟؟؟؟


مع تحيات فريق العمل

بمدونه الضاحكون

هناك 115 تعليقًا:

CAIROCOMPUTER يقول...

اصدقائى الأعزاء المدونين والمدونات
موعدنا السبت 19/7/2008 مع حلقة جديدة من برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
والحلقة تتضمن رودو المدونين الأعزاء على سؤال من المخطأ ( الطلاق بالمحمول )
والتعليقات التى ستذاع
سومه
سلوى سمير
رافتولوجيا
عدى محمد يونس
habiby
ميسوسوب
استرالي
دعوه للأمل
أيوية
احلام اليقظه
مجرد خواطر
mohra
جيهان على
عبده الرايق
هانى ميشيل
ٍSOU
حاجات جوايا
روفى
مواطن مصرى

كما يمكنكم سماع الحلقة مباشرة فى نفس موعد اذاعتها الساعة 9.10 صباحا
من خلال موقع البرنامج
http://dear.to/cairo
تمنياتنا بدوام التواص

مدونة الدفاع يقول...

السلام عليكم
انا باقترح يا عبده باشا انك تاخد بعضك وتشوف لك عقد عمل فى اى بلد رايقه تقدر تقدر خبراتك وشهادتك ودكتورهاتك
فى عقد عمل فى تنجانيقا عاوزين كوافريهريجى حريمى طبعا عقد لقطه خصوصا ان هناك الحريم مش عندهم شعر يعنى مش هاتعمل حاجه هو بس هاتحاول تسرح شعرهم من غير ماتجرح شعورهم
هاتعرف يا روقه ولا هاتكسفنا
ملحوظه قيمة العقد حوالى 10 جنية تنجانيقى فى الراس
وانت وشطارتك بقى

فرنسا هانم يقول...

CAIROCOMPUTER
اهلا بالاستاذ صلاح حجازى وبرنامجه الشهير
شرفتم المدونه

فرنسا هانم يقول...

مدونة الدفاع
حاول تقنعه يا خويا يسافر اهو نرتاح منه شويه و 10 جنيه تنجانيقى فى الراس مش وحشه
وانا سمعت ان الجنيه التنجانيقى بيساوى 155 حرشوفه نعسانه
والحرشوفه النعسانه بتساوى 155 كرواليزه بمبى
والكرواليزه البمبى بتتباع فى السوق السوداء ب 2 جنيه مصرى
يعنى خبطه واحده من كام واحده قرعه نبقى اغنياء
انا من جهتى موافقه
والاولاد موافقين
ياريت تقنع الرايق

فاتيما يقول...

إيه يا عيال
سد إنت و هوه
إنتو بتغلطوا فى الناس المرفودة من شغلها ليه
دا مش حلو علشانكو
يعنى يرضيكم أبوكم اللى كان قاعد على السلم طول النهار لحد ما يبانلو صاحب
و لا عارف يشرب كوباية شاى
و كان عاوز يقوم المدير و يقعد مطرحه
أهى الوزارة ريحت المدير
و ريحت بابا من القعدة على السلم
تعالى يا رايق
إنت قعدتك جت جنبى فى المجلس
و هنشوف أيام سودة
و سيب للواد نيجرو فلوسه
دا لسه ناجح
و عاوز ينزل يتفسح مع إصحابه
بلاش فضايح
سلام

غير معرف يقول...

عمى عبده الرايق
انا عندى ليك وظيفه تستاهل بقك
ايه رأيك تمسك امين عام الامم المتحده ؟

سومه...مجنونه فى بلد عاقل يقول...

اسمع يا سى الرايق ايه رايك يا خويا لو اشغلك مخبر مع سى بطيخ عارفاك تحب الفشر زى عينيك رد عليا بسرعه ان كان كدا ادى خبر لخيره شباب البلد سى بطيخ افندى
جارتك المخلصه سومه

حسن حنفى يقول...

ههههههههههههههههههههههههه
والله الموضوع جميل جدا وعجبني خااااالص
تقبلوا مروري

عبده الرايق يقول...

الدكاتره عبده الرايق وصل يا جدعان
انا كنت فى راس سدر فى مهمه عالميه
وممكن تكون على 200
او على 300
فين البشريه ؟؟؟
هل هناك مستيقظون ؟؟؟؟
ام الكل نائمون ؟؟؟؟

عبده الرايق يقول...

CAIROCOMPUTER
استاذ صلاح حجازى
استاذه عبير صبرى
انا مش هاسبيكم الا لما تاكلوا ربع طبق رز بلبن من انتاج جاموسه الدكاتره عبده الرايق
بس الجاموسه نايمه دلوقتى
طول النهار كانت فى كوافير الغيط بتسرح ديلها وجات تعبانه وعسلت سنانها بحزمتين برسيم وادتها النام يا نونا نام

فرنسا هانم يقول...

انت شرفت يارايق ماهو بدرى
يعنى لو كنت اتكلت عليك تنزل البوست كنا اتشنقنا على باب زويله انا وانت

عبده الرايق يقول...

مدونة الدفاع
هههههههههههه
فاكرنى عبيط ولا ايه ؟؟؟؟؟؟
مفيش بلد اسمها تنجانيقا
انا بلا فخر دكتوراه فى الجغرافيا وعارف انه لاتوجد بلد بهذا الاسم
وانما تنجانيقا دى قاره من قارات العالم العشره
وعدد الدول الموجوده بها 156 دوله
وعدد سكان القاره 3 اشخاص
بيريحوا فى كل بلد شويه

واحدة مفروسة يقول...

هو غيه حد غيري من المستيقظون
انت بتعمل ايه بره السعادي يا رايق؟؟؟؟

واحدة مفروسة يقول...

هو غيه حد غيري من المستيقظون
انت بتعمل ايه بره السعادي يا رايق؟؟؟؟

عبده الرايق يقول...

مييييييييييييييييييييييين ؟؟؟
المعلمه موجوده ؟؟؟
يا جود نايت
انا برضه اتشنق على باب زويله ؟
الدكاتره عبده الرايق مستواه باب زويله ؟؟
فرنسا
للاسف انتى بقيتى بلدى خالص
يلا انجرى جهزى العشا
وهاتى فنطاز ميه وشوال ملح احط رجلى فيه

واحدة مفروسة يقول...

بتعمل ايه فى راس سدر ياروقه؟؟؟؟؟
مهمه حتطلع منها بجند كتييييييير
و لا جندى واحد يروح معاك المعركة اللى حتقوم عليك من تيته و ماما

عبده الرايق يقول...

يادى الهنا يادى الهنا
مفروسه كمان
كملت
ليلتكم فل
ازيك يا مفروسه

عبده الرايق يقول...

انا كنت فى مهمه علميه سريه استقراطيه
لاكتشاف مهم فى راس سدر

فرنسا هانم يقول...

مفروسه صاحيه
واحشانى يامفروستى
تعالى معايا نشنق الرايق على باب زويله

واحدة مفروسة يقول...

يا ماشاء الله انتو تدخلونا ننام من المغربيه و انتو تسهروا
تتعشوا
ياااالهوي و منيمنا على لحم بطننا
بقى طده
ده انا حتى قايمه اصحى الدكتور هيما يدبحلنا خروف من خرفان البت آبي البتنجانى
جعاااااااااااااااانبن

عبده الرايق يقول...

اين معشر الرجال
اين الطائر
اين همس الاحباب
اين مواطن
نو
نو
نو
بلاش الواد مواطن ده احسن طلع جاسوس عليا وربطنى فى الكرسى

واحدة مفروسة يقول...

فرنستي نشنقوه و نحموه و نغسلوه و نشروه كمااان
و مهمة ايه بتاعه راس سدر
لتكون البت سدر بتلعب فى الحارة مع العيال قوم راسها اتملت قمل
ندهولك تفليها فى الشمس
هههههههههههههههههههه

عبده الرايق يقول...

مفروسه
خرووووووووووووووف من خرفان ابى
نو
نو
نو
احنا هنسرق
برضه نو تانيه
انا جايب معايا فرخه من السطوح اللى جنبنا على 10 بيضات
تعالى نجهزهم ونتعشى

فرنسا هانم يقول...

والله مانا عارفه
بيقولى راس سدر
بت يامفروسه
اسأليه كده فين راس سدر

عبده الرايق يقول...

استحمى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نو
نو
نو
نو
نو
نو
نو
نو
نو
حرااااااااااااااااااااااااام عليكم

واحدة مفروسة يقول...

انا كويسه و جميله عاش من شافلكو كلام فى التعليقات
انتو فين صحيح؟؟
انا ببلبط فى مارينا...الشط
مش اتسحلت على مارينا
و لو اننى خائفه فى قانون المرور الجديد يوقفوني و يعرفوا اني بنت الرايق قو يسحبوا الرخص

عبده الرايق يقول...

ههههههههههههههههه
راس سدر
فى سيناء يافرنسا
اتكسفى بقى
هههههههههههههههههههه

واحدة مفروسة يقول...

و العشر بيضات دول حيوكلو مين ولا مين
ده حتى الفراخ عامله رجيم و البيض بتاعها بقى قد الحمص
.. انا بفكر اسلقه..واقف انا وانت نبيعه فى قراطيس

عبده الرايق يقول...

ايه رايك يا مفروسه
ضحكت عليها
واكلت الضحكه
هههههههههههههه
قلت لها راس سدر فى سيناء
وصدقت
ههههههههههههه
مسكينه فرنسا

فرنسا هانم يقول...

حمد لله على سلامتك يا روحى
وان شاء الله تكون رحله سعيده

kochia يقول...

عبدووووو
انت لسة من يومها عاطل
دانا قلت انك لقيت حاجة تعملها
تشتغل استاذ جامعة مثلا
او وزير حساب
حاجة من اللي بتفهم فيها يعني
اواي حاجة كدة تليق بمخ حضرتك
مش تلف علي العيال تاخد منهم اللي محوشينه

علي فكرة انا شايفة ان فرنسا من ساعة العيلة دي ما ابتدت وهي اصيلة عاك وانت شادد حيلك عليها اوي
كفاية انها مستحملة البيت متر في مترين ده
وكمان عطلة
شكلك بقي وحش اوي والسمعة كدة مش هتبقي تمام
اتصرف في نفسك بقي وشوف حل

عبده الرايق يقول...

هيييييييييييييييييييييييييه
مفروسه اتسحلت
هههههههههههههههههه
ام رجل مسحوله

واحدة مفروسة يقول...

ياخراااابي
راس سدر قى سينا؟؟؟
راس سدر قى سينا؟؟؟؟
امال فرخة ايه؟؟؟؟؟وبتاع ايه
يعنى علشان اتعشى سدر قرخة لازم اروح سينا

عبده الرايق يقول...

kochia
كوشيا معانا
يا مرحبا يا مرحبا
ادبح خروفين يا ولد من خرفان ابى
ولا اقولك
ادبح ابى

واحدة مفروسة يقول...

ديه كوشيا صاحيه
هوه غيه غرق توقست كتير كده بيننا و بين السويس؟؟؟؟
ههههههههههه
راااايق
تعرفش حاجه عن شنطة المرور الطبيه الجديده
يعنى رسمي لازكن يقولولى يا دكتورة مفروزسة
اجيبها منين؟؟؟
واجيبها فاضيه و يملوهالى؟؟؟
ولا اجيب 2 كيلو قطن و احشيها بيهم

عبده الرايق يقول...

kochia
فرنسا مستحمله ؟؟؟؟؟؟؟؟؟؟؟
ده انا اللى مستحمل
متعرفيش حد من بتوع الروبابيكيا يشتريها ويريحنا

kochia يقول...

عاوز تدبح البنية

يبقي عاوز توفر الخرفان تروح تعمل بيهم مشروع جبنه في الجناين

مهو الجيب فاضي اليومين دول
خلي البت والخرفان بكرة ينفعوا

بس شوف لنا حاجة تانية لحسن انا علي لحم بطني من يجي ساعتين

عبده الرايق يقول...

مفروسه
سدر الفرخه
غير راس سدر
متفضحيناش قدام الاجانب
دى محافظه ودى محافظه تانيه

واحدة مفروسة يقول...

ههههههههه عاوز تبيع فرنسا لبتاع الروبابيكيا؟؟؟
ادي اخرة الجواز و اللي بيتجوزو؟؟؟؟؟
يجوا يشوفوا اللي عاوزين يتجوزوا آخرتها حتتحط على عربية البيكيا هيه و رجل الكرسي

عبده الرايق يقول...

kochia
انتى جعانه من ساعتين
يا حرااااااااااااااام
بقولك ايه
احنا عندنا زيتونه
نعمل عليها حله شوربه ونسقى انا وانتى ومفروسه وفرنسا وناكل بايدينا

kochia يقول...

لا بقي
دي فرنسا
عيب متقولش كدة
روبابكيا يا راجل




لو ناوي تبيع صحيح يبقي بيع للمتحف
هيدفعوا اكتر
وانا عمولتي محفوظة طبعا
ها
قلت ايه

فرنسا هانم يقول...

بتاع الروبابيكيا يا روووووووووقه
طيب قوم نفض روحك من التراب
واستحمى
ميعاد حمومك احنا فى شهر 7

عبده الرايق يقول...

kochia
فكره حلوه
المتحف الزراعى

واحدة مفروسة يقول...

الست كوشيا ديه داخله على طمع
عاوزه تتعشي.......
ماتعرفشي اننا بناخد حقنا ناشف من ااراايق علشان مش نتعشي
و الصبح بياخده مننا تاني علشان تمن الفطار

عبده الرايق يقول...

مفروسه
ممعكيش نص جنيه اشترى سيجارتين فرط اكلهم بعد العشا

عبده الرايق يقول...

فضحتينى يا مفروسه
انا باخد منكم الفلوس
نو
نو
نو
انا بستلفها بس

واحدة مفروسة يقول...

وانا حروح اقف فى طابور العيش
الحق مكان..فى الطابور

kochia يقول...

با بنتي دانا كنت معزومة علي البنت ابي بحالها
وانا اللي قلت لا
انتي كدة فهمتيني غلط خالص

بس اصل انا نباتية
وانت فاهمة بقي ماليش في اللحوم

فرنسا هانم يقول...

كوشيا
اوعى تعومى على عوم الرايق
ده ممكن يغرقك
عايزانى اروح المتحف الزراعى ؟؟؟

عبده الرايق يقول...

افهمونى يا بشر
انا مش هادبح ابى وااكلهلكم
نو
نو
نو
انا هادبحها وابيعها لكوكب تانى منافس لكوكبها
وهيدفعوا 50 مليون دورر

واحدة مفروسة يقول...

نبا ايه؟؟؟
نباتيه؟؟؟
ده انتى راسمه على تقيل اوي
ما هي دلوقتى كل الفراخ نباتيه
و كل العجول نباتيه
الطم
بعني عاوزه تاكلي الاتنين
واحنا بنشمهم بس

واحدة مفروسة يقول...

الكوكب التاني ده
بتاع مدحت صالح
هوه عرض يشتريها و يدفع فيها باليورو؟؟؟؟

فرنسا هانم يقول...

يخرب عقلك يا رايق
بقى عايز تدبح ابى
انت عارف لو لمستها بس
هاعلقك من رموش عنيك

kochia يقول...

فرنسا
اهلا اهلا
لا طبعا متحف زراعي ايه
انا مجبتش سيرة زراعي خالص

بس انا قلت متحف
عاوزة اخرجك من البيت ده سليمة
يابنيتي صحتك بالدنيا
روحي المتحف
ومنه للخارج
وتهربي من البلد ومن الرايق

ها
شفتي بقي انا عاوزة مصلحتك

عبده الرايق يقول...

مفروسه
نو
نو
نو
مدحت صالح ناوى يدفع بالدورر
هو الدورر بكام ؟؟؟

kochia يقول...

مفروسة يا حبيبيتي
انتي ذكية اوي
وكدة مش كويس علي فكرة

خليكي في الكلمتين اللي بتقريهم
اوعي تفكري
انت مش عارفة ان التفكير مش كويس ؟؟؟

فرنسا هانم يقول...

kochia
لا مش انتى اللى قلتى المتحف الزراعى
انتى قلتى المتحف
والمحروس الرايق ذودها بالزراعى
انا ناويه انفخه

واحدة مفروسة يقول...

تصبحوا على خير يا بشر
ضهري وجعني ..انا بكتب فى الضلمه
اصل النور مقطوع
ههههههههههههه
والتليفون مش بتاعى و خايفه يحملوني فاتورته
اشوفكم عند الجزار كلكم متعلقين يوم السبت
و ان اقدرت اقطع النور تانى
حشوفكوا بكرة
سلااااام

عبده الرايق يقول...

يا جماعه طالما فيها 50 مليون دورر
وكوكب
ومدحت صالح
ماتيجوا ندبح الواد مواطن بالمره
يمكن يجيب كام مليون برضه نبشبش على روحنا بيهم

kochia يقول...

حاولت انقذك يا رايق معرفتش
شكلك اتقفشت
وشكلك هتستحمي هتستحمي

مش تستني لما فرنسا تنام وبعدين تعمل خططك دي

يللا ابقي طمني عليك بقي

عبده الرايق يقول...

تصبحى على خير يا مفروسه

فرنسا هانم يقول...

انتى قايمه يا مفروسه
يلا تصبحى على ورد وريحان يا حبيبتى

عبده الرايق يقول...

kochia
حمووووووووووووووووووووووووووووم
شوفى بقى يا كويشا
انا مش بتهدد من الحموم
انا خضت التجربه دى من حوالى 5 سنين والحمد لله عدت على خير

فرنسا هانم يقول...

ههههههههههههههههههه
بقى استحميت من 5 سنين يا رايق ؟؟
انا ما اظنش ابدا

فرنسا هانم يقول...

kochia
بقولك ايه
قومى سخنى معلقه ميه
يادوب على قد الرايق

عبده الرايق يقول...

فرنسا
ممعكيش انتى نص جند سلف عايز اشترى سيجارتين
البنت مفروسه فلسعت وسابتنى

kochia يقول...

من خمس سنين يوم ما النور قطع بسبب المجاري ولا ايه

يعني نستعد ؟؟
بقوللك كويس ان الاولاد كلهم ناموا عشان ميسمعوش الكلام ده
انت عارف نفسيتهم تعبانه منك

انا هسيبك لفرنسا بقي هي تتصرف
شالوم

فرنسا هانم يقول...

روح نام يا رايق
الفجر قرب
تصبح على خير
تصبحى على خير يا كويشا

kochia يقول...

تصبحوا علي خير يا كتاكيت
كل واحد يخش العشة ويقفل علي نفسه
عشان الثعلب هيعدي دلوقتي يلم العيال اللي صاحيين
سلام

عبده الرايق يقول...

التعلب ؟؟؟؟؟؟؟؟؟؟؟؟؟؟
ياااااااااااااااااااااما
انا هاقوم انام
سلام

حنين القلب يقول...

ههههههههههههههههههههههههههههههههههههه
والله انتو عسسسسسسسسسسل
وانا مع قوس قزح فيها ايه لما تبقى شيخ العاطلين اهه برضه منصب وشغلانه مش احسن من حبستك فى الاوده يا بابتى
مامتى اسمعى كلام تيتا واطلقى منه نفسنا ناكل لحمه والنبى
خالد روح اشتغل انت مع بولو ووفر الاكل اللى انت عمال تاكله ومش سايب لينا حاجه

CAIROCOMPUTER يقول...

الأخت العزيزه فرنسا
تحيه طيبه وشكرا على كلمتك الرقيقه ...طبعا رقيقه يارايق ...ونتمنى ان نرى كل الأحبه زوار هذه المدونه المبهجه عندنا فى مدونة البرنامج ليجيبوا على ما نطرحه من اسئله او يروون لنا عن الأنترنت فى حياتهم ...لتذيع حكاياتهم واحاباتهم...نرجوا ان نراكم جميعا فى مدونتنا مع حبيب الملايين -ملايين البشر وليس الجنيهات-عبده الرايق ...وكدونتنا عنوانها سهل وطبعا اللى يسهل مايتهوش وطبعا الرايق مألقوش ان فيه اوتوبيسات مكيفه من جميع المحافظات للمدونه وعنوانها هو
http://netonradio.blogspot.com

سومه...مجنونه فى بلد عاقل يقول...

واضح ان كان فى هنا سهره وفاتتنى

appy يقول...

ياااااااا صباح اشتغلات على ابي وخرفانها
طيب يا رايق تصدق انى غلطانه انى رحمتك من الخروف اللى كان زنقك فى الحيطه
عارف بابا ابو خالد عزمنا على كباب وكنت شايله لك كام عضمه انا هأكلهم لكلب الواد اسلااااااام وخليك انت جعان كده ههههههههههههه





وكوكب مين اللى يتباع دا انا منولاه اسهم فى البورصه يا مفروسه
وبعدين اطلعي من دول اذا مكنتش انا اللى مسلماكي لمرينا اللى تبع لازوغلي يعنى وبس هما سيبينك تلعبي شويه ههههههههههه



ماما فرنسا حبيبتى

ربنا يخليكى ليه هبقى اشوقك بالخروف المولد جديد بس ده مش للدبح ده يتمشى وتخرجي بيه بس

appy يقول...

كوشيا
نباتيه اطلعي من دول امال مين اللى قضى على اللحمه اللى فى بلدكوا وعاوزه تدبحينى
طيب اشوفك فى المدبح بقى وابقى نادي عليا اشيل معاكي ولا هعبرك

appy يقول...

حنين القلب
==========

يا اهلا اهلا
لا احنا قررنا نسرح الرايق بمتاديل صيبنى ما هو ده اللى ماشى بس يا ريته ينفع

appy يقول...

انتم هتبيعوا فرنسا روبابيكا
طيب احلق انزل لها اعلان فى مدونتى بتاعت بيكيا لفى ونغمل عليها مزاد علنى هههههههههههههههههههههه

واحدة مفروسة يقول...

يا واد يا آبي يا جااااااامد
بسبس ماء فعلاااااا
ما تسيبش فرصه إلا و تكون قالباها بسبس
شوفتو اهه سمعت ان فرنسا حتتباع لبتاع البكيا
حتعملها اعلان فى مدونة بيكيا بتاعتها

مش بعيد فى يوم نلاقيها قلبت المدونه
لبنسيون الرواقه
ماهيه تعملها
وتشغلنا كلنا
ماشى يا ام خروف بمبى
وحشتيني يا مضروبة.....:-*

همس الاحباب يقول...

يا صباح الهم والعكننة الاسرى
الرايق وفرنسا ومفروسة وكوشيا وكملت بابى
يا دى الصداع المزمن
ما تناموا وتتهدوا شوية
يا رايق مش انت جاى مهدود من راس سدر من لعب البلى والسيجه على الرملة قوم نام شويتين
وبعدين هما اولادك استغلاليين كده ليه
صدقوا ما اترفدت ونزلوا فيك بستفه
عايزين يشغلوك صبى حلاق واللى عايزه تشغلك كبير حارة
ولا حماتك الكركوبة اللى عايزة تطلق بنتها وتجوزها لعجلاتى بقى فرنسا تسيب الدكاترة عبده الرايق
وتتجوز عجلاتى
اشوفك منفوخة زى الكورة الكفر بمنفاخ عجلاتى يا حماته

australia يقول...

مش هقدر اقول غير الله يكون فى عونك من حماتك الارشانه دى جايه بعد السنيين دى عايز بنتها تطلق علشان واحد عجلاتى .
ربنا يأويك بس نصيحه لخلتى فرنسا متخربيش بيتك بئيدك لازم تكونى عقله.
فى انتظار المزيد!

البت قباحة يقول...

نا بنصح كل منفوخ من شغلو انو يسيبو عشان الدنيا حر و الواحد مش ناقص نفخ

انا لسه سايبه شغل و رايحة غيرة و برضو انا عند كلمتى

اللى هيقرفنى بالسلامة

اما اخوانا المرفوديييييييين
اوعوا تستنوا اللحظة دى
و هو البنى ادم مننا اييه غير شوية طاقة

تشاااااااااااووووووووو

appy يقول...

مفروسه

عيب عليكى انتى عارفه انى فى اى حاجه مش بقول لا واحنا اولى من الغريب يا حبيبى


انتى اكتر وحشتينى قوي قوليلى مارينا حلو ولا اخليهم يعيروا الزنزانه ههههههههههههههههههه

appy يقول...

قباحه
-------

تعبش البنات حره مستكله
بس اوعي تسيبى الا لما تلافى مكان تانى يا قمر

مجدس لاقى شغل وبعدين كل مكان فيه قرفه انحملى شويه

الطائر الحزين يقول...

يا فتاح يا عليم يا رزاق يا كريم

(هى التدوينة نازلة بالتعليقات و لا ايه اللهم لا حسد)

المهم انا مع الدفاع ده أخوكى الحقيقى اللى بجد

وفعلا الدول الاسكندفليهيه دى بيتقى فيها العمل الصعبة جدا لدرجة انها بتصعب عليا أصرفها وانت ابو التحويش يا عم الرايق

والله مش عارف رأس سدر ايه اللى انتوا شاغلين بالكم بيها

عاوز اعرف ازاى بس تيجى الرأس جنب السدر
راس سدر مناخير دراع ايه ده هى تجارة اعضاء ولا ايه

maiosha يقول...

يا خبر أبيض
الله يكون فى عونك يا رايق
والله أول مرة تصعب عليا
إيه العيال دى .. بسم الله ماشاء الله
كوم لحم فعلا .. لأ ومش كفاية كل ده ومتجوز فرنسا ..فرنسا بحالها بعاصمتها بشوارعها بالشانزلزيه
وحماتك مفقوعة عايزة تشفط
وجارتك سومة حشرية
إيه البيت ده
لا والله بجد الله يكون فى عونك
هههههههههههههههههههههههه
وإنتى يا فرنسا إعقلى ومتسبيش بيتك
متخليش مفقوعة تخرب عليكى
خليها تتجوز هى العجلاتى علشان تشد وتشفط وتنفخ حتى اللى هى عايزاه
هههههههههههههههههههه

الطائر الحزين يقول...

رايق ابى حبيبى
انا جات لى فكرة جهنمية

اننا نجوز البنات

واحدة لجيزاوى صاروخ صبح منفوخ العجلاتى

وواحد للواد اللى على الناصية اللى فارش بكبدة اسمه ايه ده ايوة زكى ممبار
وواحدة لبتاع اللحام اللى تحت الكوبرى ويبقى كدة خلصنا منهم ومن مصاريفهم ودول مستعدين يخدوهم من غير شنطة هدومهم

CAIROCOMPUTER يقول...

الأخوه والأخوات الضاحكون والضاحكات اسمحوا لنا بعد اذنكم يعنى ان نعرض على الخ العزيز عبده الرايق عميد عائلة الرايق ان نعرض عليه وظيفه مرموقه نعتقد انه لا يستطيع رفضها ...ومنعا للحسد سنكتفى بدكرها فى مدونتنا وقد قمنا بعمل بوست مخصوص لها واضفنا للمدونه كلبين لتوضيح طبيعة مهام هذه الوظيفه ...علما بان العرض موجه فقط للرايق حتى لا يطمح احد غيره او تسول له نفسه ان يطمح لها...الوظيفه قد تكون خطره بعض الشىء ولكنهامغريه جداوتمنح مزايا عديده ...يكفى انه بين يوم وليله سيكون حديث العالم كله
الوظيفه بكل تفاصيلها فى مدونتنا
http://netonradio.blogspot.com
والحاضر يعلم الغايب

ٍSOU يقول...

معاكى رصيد تبعتيلى 5 جند ؟؟؟؟
اتاريكوا كاتبين فوق اللى معاه فلوس يخبيها ..دة انت يا رايق مبيت النية اهو
انا عندى ليك شغلانة بما انك من اهل السويس .. ماتمسك بدل المحافظ ؟؟
هتنفعنا جااااااامد
:))

مواطن مصرى نايم يقول...

رايق
كده انت غلطت غلط كبيير

عاوز تدبح ايبى
لا انت كده لازم تتربط تانى فى اخر البلوج
لغاية ما حد يفكك
عشان اربطك تانى

و بعدين ايه حكاية راس سدر الفرخة
و الا ورك الفرخة

هات فراخ بانيه و ريح نفسك
و بعدين اتشطر عالفراخ و ادبح فرخة بدل ما تقول انك حتدبح ايبى

و انا واقف على باب البلوج
ابقى اشوفك بس
اخرتك معايا وحشة
دمار و سواد

انا ممكن ابعت اقول لامريكا انك الرايق بن لادن اخو اسامة بن لادن
شوف انت بقى حصل ايه معاك
دا انت اقل واجب حيربطوك فى حصان و يخلوا الحصان يجرى فى البلوج

appy يقول...

الطائر الحزين
==============
طيب ما تخلينى ساكته بقى يعنى هو انت كده هتحل مشكله البطاله
ماشى
اقول يعنى اقول انت بتزحلقنا من البيت ليه

مواطن مصرى نايم يقول...

يا خبر اسود

دا انت مش خايف خالص بقى
عاوز تدبحنى
عاوز تقتلنى

على رأى كتكوت
(يا كبيرة انا مش موافج انجتل)

طب ابقى اشوفك بقى
صبرك عليا يا رايق

australia يقول...

يا رايق ارجوك العيال محتاجينك حتى لو من غير شغل الاب فى البيت له طعم بلاش موضوع ترويض القروش ده
مش علشان حماتك تقوم تنتحر استهدى باالله ويسيدى طالما عايز تشتغل مروض يبقى للدلافين يكون افضل ربنا يهديك يا رايقوتنايعنى يا راااايييييقققق.
انا عرفت عن طريق قطة الصحراء-

CAIROCOMPUTER يقول...

سرى للغايه ....ويحظر تدواله خارج المدونه
لمن يسال عن سر اختفاء الرايق فى راس سدر
والذى يحيطه الغموض ...دلت المعلومات السريه من مصادرنا فى اعماق البحر الأحمر انه نتيجه لملاحقة مسز رايق واولادها له بعد ان اعتزل العمل بمزاجه وليس لأنه اترفد كما يردد بعض المغرضين ...قرر التدريب على مهنه جديده فيها الكثير من المغامره والتشويق ...فيها غطس تحت الماء وفيها لقاءات مسليه جدا مع مجموعه ظريفه جدا من اسماك القرش تنافس الضاحكون فى ظرفها...باختصار ابوكم الرايق قرر ان يعمل مروذ اسماك ....من النوع الوديع المسمى القرش !!!!وهو اهون من اللى بيحصله على ايديكم وقد وضعنا كلبين بالصوت والصوره للرايق اثناء تدريبه مع اسماك القرش فى مدونتنا وقد التقطت الصور تحت الماء بالأقمار الصناعيه شاهدوها بانفسكم على مدونتنا كما شاهدها زوار آخرون وجمدوا قلوبكم هى متخوفش اوى والمدونه عنوانها
http://netonradio.blogspot.com
وعنوان الكلبين كما يلى
لا تقفز الى فكى قرش لم يسبق لك معرفته او على الأقل الدردشه معه على النت
لآ تضع يدك ولو سهوا بين فكى سمكة قرش
مشاهده ممتعه للجميع

همس الاحباب يقول...

بقولكوا ايه يا عيال
محدش يجيب سيرة بابا الرايق فى غيابه
والا ايتحرم من الميراث واينطرد من المدونة للشارع
مش كفاية خد فى وشه وطفش على راس سدر
من عكننة فرنساوتنغيص حماته عليه
ده حتى الضرب فى الميت حرام
وده ميت من5000 سنة من ايام الفراعنة

حنين القلب يقول...

هييييييييييييه
بابا الرايق طفش
عقبال ما بقيت اخواتى يطفشوا هما كمان
ويا ريت همس الاحباب ده ياخدوه تحرى
والطائر الحزين يروح المعتقل
ومواطن اللى نايم علطول يروح معاهم
وياخده كل الرجاله يحطوهم فى حته ويفجروهم بالقنابل
ونقعد احنا فى البيت لوحدينا نون النسوة فقط لا غير
بلا رجاله بلا وجع قلب

عبده الرايق يقول...

CAIROCOMPUTER
صديقى العزيز صلاح حجازى
اخوانى المدونين
للصدفه العجيبه ان الدكاتره عبده الرايق حاصل على 5 دكتوراه فى علام البحار
الاولى
الدكتوراه الفخريه من خالتى ام فرج فى معرفه الميه المالحه من الميه الحلوه
الثانيه
دكتوراه من جامعه الملك شعبان حماصه الخامس عشر فى العوم على الرمله
الثالثه
دكتوراه من عم خليفه المعلم الكبير فى حلقه السمك فى معرفه الفرق بين سمك القرش والبساريا
الرابعه
دكتوراه من رابطه الحالات الفكريه الخاصه فى ترويض القروش
الخامسه
دكتوراه شرفيه من رابطه محبى السالمون فى كيفيه فتح علبه السالمون بدون استخدام ديناميت
وبما ان الرايق حاصل على كل الدكتورهات دى فطبيعى انى اشتغل مروض للقروش
وانا من هنا
ومن المنصه الرئسيه بجوار مدرجات الدرجه التالته
احب ان اشكر الزميل الذى خاطر بنفسه ووضع يده داخل الماسوره بداخل بق القرش لانتشال قطار الشرق السريع وقد تمت عمليه استخراج القطار فى ثلاث ساعات وتمت العمليه بنجاح ونجا جميع الركاب البالغ عددهم 1347
هذا وجارى البحث داخل بق القرش على تليفون محمول نوكيا كان فى حوذه احدى الضحايا ويبدو ان القرش طمع فى التليفون

عبده الرايق يقول...

ٍSOU
انا امسك محافظ ؟؟؟؟؟؟؟؟؟؟؟؟
نو
نو
نو
دول يوميا ماسكين التليفون وبيحايلوا على العبد لله
ارجوك يا رايق
والنبى يا رايق
معلشى يا رايق
حن علينا يا رايق
وانا على نغمه واحده
نو
نو
نو
لكن هاروح لبتاع التليفونات وادخل نغمه تانيه

عبده الرايق يقول...

maiosha
شفتى maiosha الهنا والسعاده اللى الرايق باشا عايش فيها
يعنى اعمل ايه انا دلوقتى ؟؟؟؟
اسيب السويس كلها واروح اقعد فى السويس ولا اعمل ايه

عبده الرايق يقول...

مواطن مصرى نايم
تعالى يا اسلام يابنى نروح مشوار سوا
شيل الشنطه دى بدل ابوك الرايق ما يشلها لوحده
ايوه
جدع
خليك شايلها واقف هنا خمس دقايق
ايوه جدع
هنا
استنى شويه

...
...
...
...
...
...
..
ياحضره امين الشرطه شايف الولد اللى واقف بالشنطه هناك ده
الشنطه اللى شايلها مليانه حشيش

...
...
...
...
...
رااااااااااااااااااااااااح
راااااااااااااااااااااااح
راااااااااااااااااااااااح
مع السلامه يابو عمه مايله

عبده الرايق يقول...

appy
ابو خااااااااااااااالد كان عازمكوا على كباب ؟؟؟؟؟؟؟؟؟؟؟؟؟؟؟؟
هههههههههههههههه
هههههههههههههههه
ههههههههههههههه
فى حد فى الدنيا يتعزم على كباب ؟؟؟
ههههههههههههههههه
هههههههههههههههه
ههههههههههههههه
هههههههههههههههه
ابوخالد ضحك عليكم
هههههههههههههههه
هههههههههههههههه
بس بجد من غير هزار
ايه هو الكباب ده ؟؟؟؟؟؟؟؟؟؟؟؟

عبده الرايق يقول...

الطائر الحزين
ههههههههههههههه
راس سدر تجاره اعضاء ؟؟؟
عوضى عليك يارب
انا ندمان ان خلفتكم
ياريتنى كنت رميتكم على باب جامع وانتم فى اللفه
راس سدر دى يا متعلم يا متنور يا بتاع الشهادات دوله من دول الاتحاد السلفتى قبل ما يتفكك
هاقعد افهم فيكم لامتى ؟؟؟؟؟؟؟؟

عبده الرايق يقول...

همس الاحباب
جدع ياض يا خالد
كويس بتدافع عنى وانا ميت
ومن كام
5000 سنه
يابلاش

عبده الرايق يقول...

حنين القلب
فرحاااااااااااااااااااااااااااااانه
قوى ان الرايق طفش
طيب
ماشى
كل الجنود ترجع تانى لقواعدها

رئـــــيسـة حزب الأحلام يقول...

ايه يادكاترة عبده الرايق
انت مش لاقى شغلة ولا ايه شغال رغى رغى وايه اخبار الدكاترة كلهم
سلامى للجميع

CAIROCOMPUTER يقول...

الأخوه والأخوات فى المدونه
لاتفوتكم اللقطات النادره للأخ العزيز عبده عبده عبده ....الخ الرايق وهو يتبادل وجهات النظر مع محموعه لطيفه جدا من اسمالك القرش المعروفه بوداعتها وبراءتها وعلاقاتها القويه باللحوم بشريه او خلافه ...شاهدوا كيف اخطا الرايق خطا تاريخيا عندما ظن ان كلمة قرش فى المثل الشهير القرش الأبيض ينفع فى اليوم الأسود ان المقصود هنا بكلمة القرش هو القرش الأبيض فى البحار وهو من اشد انواع القرش وداعه حيث انه عادة لا يتكلم كثيرا ولا يدردش طويلا على النت وانما يلتهم الضحيه قبل ان تحرك الماوس
صور الرايق النادره مع اعضاء فريقه من اسماك القرش فى مدونتنا
وتعليقاتكم ستجد طريقها الى موجاتنا ان شاء الله ...فى انتظاركمhttp://netonradio.blogspot.com

maha zein يقول...

بقه ده كله يحصل من ورايا
اغيب اغيب ارجع الاقي الحلقات نزلت والشغل علي كبير
معلش بقه اصل فرح اختي يوم الجمعة الجاية بقه عقبال الرايق وفرنسا كده كلاكيت تاني مرة
وقال ايه خير الله ما اجعله خير انا مشغولة بقه وحركات
بقولكم ايه اديكم عرفتوا
تبعتوا بقه النقطة في ظرف بيج ملزوق عليه طابع بوصتة من ابو جنية علي الا تقل النقطة عن مية وخمسين جنيه
بس بسرعة وحياه ابوكم اكمننا مزنوقين شوية
او حولولي رصيد ب200 جنية علي المحمول وانا هتصرف

واحدة مفروسة يقول...

يا مساء الفل
ازيكم جميعا...معلش على التأخير.....انا بس مش متواجده

مها زين....مشغولة بجوازة اختك و بتلمي نقطتها كمااان

مممممممممممممم\مش ديه اللى اتجوزت من كام شهر و الرايق لم على حسها فلوووووووس
هههههههههه
وبعدين وقع ال 150 جنيه
و ال 200 جنيه دول شكلها نصيحة من الرايق...اصل دول الرقمين اللي بيحبهم

مواطن مصرى نايم يقول...

رايق

حشيش
يا نهار اسود

حشيش حاجة تيجى كده
اهدى حبيبى كده و ارجع زى زمان

و بعدين ابقى قول كابتشينو
مينفعش نسيح عالحشيش فالبلوج ادام الناس
ابقى قول كابتشينو

ــــــــــــــــ
ذهب الليل و طل الفجر و الحشاش كركر
شاف الجوزة قالها شدى قالت له عفر
ندر عليا لاولع فحمه من فحمة لحد القرش و نص مايخلص و نجيب التربة
ماما قالت له سيب الجوزة و خليها فى حالها
ساب مدرسته و رمى كراسته و راح شد نفسها
راحت الجوزة تعبت صدرة لما شرب منها
و ادى جزات اللى مايشربش سجاير من صغرة

شفت بقى
بغنى لك كمان يا رايق

عبده الرايق يقول...

رئـــــيسـة حزب الأحلام
هو انا اصلا ملاحق على الشغل ؟؟؟؟

عبده الرايق يقول...

CAIROCOMPUTER
كل ده علشا انقذ قطار الشرق السريع

عبده الرايق يقول...

maha zein
فرح ونقطه وفلوس
احمدك يارب
بت يا مها تعالى اقعدى جنبى هنا
ورزقى ورزقك على الله

الف مبروك لاختك
وارجو تبلغيها تحيات الرايق واسره مدونه الضاحكون

الطائر الحزين يقول...

الف مبروك يا نها لأختك

و خنسرى ايه حاجة من النقطة انت شايفة العيلة واللى جرى لها

دعاء مواجهات يقول...

فكرة لاعائلة دى

اكتر من تحفة بجد

جميلة اوى اوى اوى

بتمنى اكون واحدة منها

انتوا كلكوا على بعض كدة تتاكلوا حااف

الواد نيجرو عامل شغل جامد
...

بيس

CAIROCOMPUTER يقول...

لأخ العزيز الدكاتره عبده الرايق وكل الشباب الطموح
مهنه جديده نعرضها عليك تكسبك دهب بعد ان اجمع الناس على ان جميع شهاداتك فى علوم البحار لن تقنع اسماك القرش اذا فكرت فى العمل معها كمدروض ...ولذلك نعرض عليك منصب فى اى قناه فضائيه تختارها...ماذا ستفعل بالظبط؟؟؟؟طبعا سؤال وجيه والأجابه صوت وصوره فى مدونتنا
...مدونة اول برنامج يخرج من ماسبيرو والشرق الأوسط عن النت والمدونات
وعلى فكره الوظيفه هذه تبحث عن اى عدد من طالبى الوظائف يعنى الدعوه للجميع
زوروا مدونتنا للتفاصيل
http://netonradio.blogspot.com
ولا يشترط الخبره بل ستقوم القناه بتدريب من يقع عليهم الأختيا

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................