السبت، يوليو 26، 2008

عشاء ليله الدخله


بعد فترة خطوبه دامت لاربع سنوات ظل الخطيب طوالها يمنى نفسه بهذا اليوم الموعود واقترب الموعد والكل يعد ويجهز لتلك الليله السعيده وقبل يوم العرس
سألته حماته :ها يا حبيبى تحب بقى نعملك عشا ايه يوم الدخله؟؟؟؟؟؟؟؟؟؟
العريس : بصى بقى يا ستى انا اكتر حاجه باحبها هى السمك بكل انواعه فانتى بقى جهزيلى شوية سمك كده على جمبرى وتبقى حاجه تفتح النفس
مصمصت شفايفها هى وبناتها اخوات العروسه وردت واحده منهن :ايه ده انت عايز الناس تاكل وشنا وتقول احنا ماجبناش اكل كويس ما ينفعش اختارلك حاجه تانيه
العريس وهو مخنوق منها :مين بس اللى هايعرف هو انا هاخد الاكل اروح افرجه للناس ده هو يادوب من الدار للنار فورا وبعدين هو فى احلى ولا اشيك م السمك
حماته : اختار لك حاجه تانيه وبلاش السمك بلا كلام فارغ
العريس : مش مختار و اللى تحبوا تاكلوه اعملوه
(حاجه تسد النفس)
فى سره طبعا
وجه اليوم الموعود والليله كانت طويله اصل العروسه كانت من مدينه وهو من مدينه تانيه تبعد عنها حوالى 3 ساعات وركب العربيه اللى مستلفها وراح مسافر يجيب العروسه ومجوع نفسه على الاخر عشان العروسه ماتقولوش انت واكل نص بطن من اولها؟
ماطولش عليكوا العريس جاب العروسه وخلص الفرح وجوه بطنه 30 واحد بيجروا ورا بعض من الجوع
راح لشقته مع عروسته وطبعا اهلها واهله وكان فى ناس مايعرفهمش ودخلوا كلهم الشقه يتفرجوا و العريس واقف على حيله ياخد العزا.....اقصد يتلقى التهانى لحد لما حصل على الاستقلال(هو تخيل ده فى وقتها مكانش يعرف ان ده كان بداية الاحتلال الابدى السرمدى)
وجه بقى وقت العشا والصينيه معديه قدامه رايحه للسفره وعليها الاكل ملفوف بقى بورق الومنيوم لزوم السفر الطويل
واشعلت العروسه شموع الفرح وحطتها على السفره بكل رقه ورومانسيه
وقالتله: ها يا حبيبى تحب نبدا بايه فى الاكل
العريس بفجعنه : هو الاكل فى ايه وايه وايه يا حبيبتى
العروسه : معرفش والله استنى كده
وبدات تكشف الاكل
- فى جوز حمام وصينية رقاق وصينية رز معمر ووزه او بطه مش عارفه يا حبيبى
العريس هايعيط من الجوع: انا راجل اعز الحمام فى بينى وبينه عشره مقطوعه من زمان ونفسى اقبله اسلم عليه وابوسه ناولينى فرده بقى
افتح يا سمسم
العروسه بتناوله الحمام قالها : بقولك ايه انا مش عارف اكل فى الشموع الوالعه دى ممكن بعد اذن حضرتك انتى وجو الرومانسيه الهايل ده اولع بس النور اللى مكلفنى الشئ الفلانى انا نفسى من زمان اشوف الليله دى كلها فارجوكى نخليى النور والع الليله دى بس وبعدين نبقى نشيل عداد الكهربا بعد كده لو حبيتى
العروسه : بس كده يا حبيبى حاضر واضاءت الانوار
وراى الحمامه فى يده
العريس : ايه دههههههههههههههههههه الحمام مش مقلى ليه هما جايبينه مسلوق بس
وبعدين مش قادرين يشيلوا راسه منه؟!!! سايبنها ليه مدلدله كده

قالت وهى مندهشه وخايفه الليله تقلب بغم : دقايق يا حبيبى واسويهالك
مسك ايديها بسرعه: رايحه فين مش من اولها كده انتى ما صدقتى تجرى على المطبخ ما ينفعش
بلاها حمام ياستى خير ربنا كتير اهوه
شوفى بقى طول ما فى رقاق فى الاكل انا معنديش مشكله
هاتى السكينه يا جميل

ناولته سكينه يقطع بيها الرقاق
مسك العريس السكينه وبدا فى سعاده المجانين يعمل شوية اكروبات بالسكينه ويلفها زى بتوع السيرك من فرحته(مكنش عارف اللى فيها)
واخيرا راح بالسكينه موجها سلاحها ونصلها الحاد جدا للرقاق القابع فى الصينيه الكبيره
وبدا يحاول التقطيع
واتاه صوت من الرقاق يدل على انه حط السكينه فى حاجه ناشفه
فحول ايده بالسكينه ليمين الصينيه
ثم ليسارها
ثم للوسط
كلها مش مستويه ثم حولها لوجه زوجته قائلا:
هو مين اللى عمل الاكل ده يا وليه قصدى يا عروسه
قالتله: الجيران يا حبيبى اصل احنا مش كنا فاضيين فنزلنا الاكل عشان يحطوه فى الفرن وهما رجعوه لنا ملفوف فى ورق الالمونيا
العريس وهو بيحاول يكتم الاصوات اللى بدات تطلع من بطنه نتيجة ماتش المصارعه الحره اللى جواها : ولا يهمك يا حياتى مش فى بطه؟ ولا وزه دى ؟؟؟؟؟؟؟انا كنت مخليها للاخر عشان عارف انها هى اللى هاتسد معايا الحمد لله ربنا حققلى امنيتى
فضت العروسه ورق الالمونيا اللى تسبب للعريس فى اصابته بما يسمى فوبيا الالمونيا بعد كده وبقى عنده من يومها عاده ان الاكل ما يتقدملوش متغطى باى غطا مهما كان
وقالت له ان شاء الله يا حبيبى هاتكون البطه ِحلو......هاااااااااااااااااااا وشهقت الزوجه وقطعت كلامها وبصت لعريسها والاسى يملأ عينيها
العريس : ايه طلعت بلاستيك ولا ايه؟؟!!!!
قالتله لا بس الظاهر يا حبيبى الجيران معندهمش لا زيت ولا سمنه لانها هى كمان مسلوقه بس مش مقليه
العريس :هو انتى فهمتى امك انى هاجيبلك شغاله؟؟؟؟
العروسه :لأ..... ليه يا حبيبى
العريس : اصل اللى باعت الاكل ده باعته لناس هاتعمل دخلتها فى مطبخ، هى امك فكرّت ايه؟؟؟ اننا هانقعد ناكل ولا نكمل تسويه فى الاكل؟؟؟؟(حسره عليا)
يالا حصل خير

العروسه وهى بتطلع حاجه من البطه وتحاول تخفيها: حقك عليا حبيبى انا مش عارفه اقولك ايه
العريس وقد لمحها منفعلا ورفع حاجب ونزل التانى: ايه اللى فى ايدك ده هما حاطينلى ايه فى الاكل انا عارف ان امك مش بتحبنى ورينى كده؟؟.....
فردت المسكينه كفها وقالتله لا انت فاكر ايه؟؟؟ ده انا لقيت دبوس تحجيبه مرشوء فى البطه
العريس:عاملينلى عمل؟؟؟؟؟؟؟؟؟هو ده بقى العمل اللى بيعملوه على رجل بطه؟؟؟؟؟؟؟
قام وهو بيقرا المعوذتين فمسكته العروسه قائلة : عمل ايه بس؟؟ ياسيدى هاتلاقى اللى بيلف الورق على البطه حاول يشبكه بدبوس فرشئه فى البطه
بدات البطه تصعب عليا من الدبوس اللى كان مرشوء فى صدرها طول الزفه والسفر
وفجاه تذكر اههههههههه؟ولمعت عينه : صينية الرز المعمررر وعاد ليسن اسنانه من جديد
وبيضرب المعلقه فى صينية الرز وهو بيقولها : قومى شوفيلنا شويه طماطم كده على شوية مخلل فى التلا.....وقطع كلامه صوت اصطدام الملعقه فى الرز مصدرةً صريراً معدنياً عالياً
وقلب الملعقه التى بها حبات الرز فى الصينيه وراحت تناسب منها حبات الرز الصلبه وتصطدم بالصينيه وتتطاير هنا وهناك
جز العريس على اسنانه وقال : ماله بس السمك كانوا خايفين من كلام الناس والفضايح؟؟؟؟؟؟؟؟دول هايتفضحوا فضيحه ... ده انا هاصور الى حصل وابعته على يوتيوب( أب لود وكده)
العروسه وهى مستكينه: طيب نعمل ايه دلوقتى يا حبيبى هو انت لسه جعان قوى؟
العريس وهو مفقوع : هو انا كلت اساسا عشان تقوليلى انت لسه جعان؟؟؟ ، انا مش فاهم ايه الاكل البلاستيك اللى اهلك عاملينه ده
وبدات تراوده خواطر وافكار شريره
الشيطان جه جنب ودنه : بص بقى انت تكلم اهلك فى الموبايل وتقولهم يبعتولك اكل تانى وهما هايقوموا بالواجب وتبقى كده دبحت لعروستك واهلها القطه من بدرى
العريس بص للشيطان بطرف عينه وقاله محتدا عليه : انا ما ينفعش اعمل كده
الشيطان: ليه فيها ايه دى؟
العريس : اصلى مش معايا رصيد الرصيد خلص فى الفرح (علامات الاسف تملأ وجهه علشان ماشحنش تانى قبل ماييجى الشقه)
الشيطان : طب بص انت فاتح باب الشقه وعلى حسك وصيحلها جامد
العريس: يا عم انا قادر اصيح ده انا واقع م الجوع
العروسه رفعت ايديها من على خدها : انت سرحان فى ايه مش بترد ليه
العريس منتبها: اه عندى فكره مش اختى جت الصبح انا كنت شايفها عماله تحط فى التلاجه معلبات وكده بصى قومى افتحيلنا علبيتين 3 سالمون وتونه وسخنيلنا رغفين عيش بلدى من الفريزر على كام حته طماطم على كوبايتين عصير وتعالى
العروسه قالت وهى متاخده: وهو ده يصح فى ليله زى دى ده حتى يبقى عيب فى حقنا
العريس و جسمه كله بيتهز : ننننننننننننننننننننننننننننننعمممممممممممممم وهو كل اللى فات ده مش عيب
انام جعان يعنى عشان يطلع اهلك حلوين و موجبين قومى يا ياست انتى يالا احسن والله اخدك انتى والصينيه واوديكوا لاهلك زى ما البياعين بيرجعوا المرتجع بتاع البضاعه الاكسباير
قامت العروسه وحضرت العشا
وجات الصينيه عليها علب التونه والسلمون والجبنه ام طماطم والعصير
وبدا الزوج يمد ايده وهو بيقول لعروسته : مش كانوا عملوا سمك وجمبرى احسن من اللى بناكله ده اديها رسيت فى الاخر على سلمون وتونه
بصى بقى انا هاكل وانتى بعد الاكل اعمليلى كوباية شاى وهاتلاقينى منتظرك جوه ماتتاخريش
راحت العروسه بعد العشا!!!! تعمل الشاى ورجعت واتصدمت لما بصت على عريسها وهو حاضن المخده ومكعور نفسه فى ركن السرير الجوانى وصوت شخيره يعلو ويعلو ويعلو ويعلووووووووووووووو
وصباحيه مباركه يا عرايس


بقلم الدفاع
.
aldefaa.blogspot.com

هناك 99 تعليقًا:

المـــفـــــــقــــــــوعـــــة مــرارتـهــا يقول...

ياحرام
بس تعرف ان معظم أكل الصباحية ده بيبقي بايت والناس كتر خيرهم أدوكم الحرية عشان تطبخوه وقت ماتحبوا
بالا كل عروسة وانت طيب ياراجل ياطيب
الا بالحق هو الفرح ده كان فرجك ولا انت بس بتسيح لهم
بجد بجد بوست مالوش حل

فارس بلا جواد يقول...

السلام عليكم ورحمة الله وبركاته
سلام على مدونه من احلى المدونات

بوست مميز
تحياتى

Phoenix يقول...

لا بجد بوست جامد على الاخر

ربنا يكون فى عون العريس بعد كدا

دا شكله وقع واقعه حلوة مووووووووت

يلا بقى اهى جوازة تفوت ولا حد يموت

سلامانجوووووووووووو

(:

حسن حنفى يقول...

بوست جميييييييييل جدا ومميز


ربنا يخليكم

تقبلوا مروري

حنين القلب يقول...

والله لو كان رجعها مش كان حد هيغلطه
بقى ده فصل الراجل قال سمك وجمبرى
لازم حاجه تشرف والله دى حاجه تعر
ونام فى الاخر مهو لازم ينام
عايزاه يسهر وهو متعشى سالمون احمدى ربنا لو صحى تانى يوم مش عنده مغص ورحتى بيه المستشفى
وانت يا عريس
طالقها احسن دى باين عليها هتكون خايبه زى اهلها
احنا جايين نهدى النفوس
سلام

نعكشة يقول...

وماله السمك و الجمبري صحيح

دنا حتى بحبه

يلا عشان ينام خفيف خفيف

ههههههههههههههههه


أحسن

يلا خير

دمتي سالمة

سلامٌ عليكي

Asmaa mahaba يقول...

هههههههههه بالف هنا وشفا
مطرح ما يسرى يمرى....
انا اعرف ناس اتعملهم صنيتين مكرونه باشاميل و3 رقاق لحمه مفرومه و10 اجواز حمام وبطتين ووزه دا غير البانيه ولحمه بارده ورحت بعدها بيومين رميت مع العروسه الاكل فى الزباله لانه حمض ملقوش حد ياكله....
بعدين عادى لو العريس عاوز يمشيها حيمشيها يعنى يقوم مع عروسته يساعدها
زى الشاطر...والحركه بركه
بس انا عاوزه اسال سؤال اكل بصل مع التونه ولالا ....عشان تونه منغير بصل متمشيش
اعتقد ان دا العشاء بتاع رشدى اباظه ولبنى عبد العزيز
تحياتى ليك سومه_87

ابن حـجـر الـعـسـقـلانـى يقول...

بجد مش معقول

معلش اسمحلى و من غير زعل أقول لك: يخرب بيت دماغك

أنا مت من الضحك .. أصلك فكرتنى مواقف تانية شبيهة باللى انت حكيته

بجد بوست جامد جدا

Mahmoud البطراوى يقول...

بجد بوست ملوش حل

اسلوبك روعه وفكرته البوست جميله اوى
وتقلق كل الى متجوزش :)
ههههههههههه

قوس قزح يقول...

يستااااااااااااهل
ده عريس مجوع نفسه اسبوع قبل الفرح علشان العشا ده
30 واحد بيجروا فى بطنه بس
ده ولا 100 واحد

وبعدين اهو فى الاخر اكل اللى نفسه فيه .. السمك ههههههههههههه

اسلوبك جامد جدا
و فيه خفة دم عالية و حبكة للقصة تمام

تحياتى

Unknown يقول...

ههههههههههههههههه
مسخره بجد
جميل جميل جميل

Unknown يقول...

اهي دي جزاء اللى بيفكر يتجوز

الطائر الحزين يقول...

اخويا حبيبى
وانا اقول كل ما تيجى عند امك بتبقى ملهوف على الاكل كدة ليه اتريك يا ضنايا جعان من ليلة الدخلة
وطبعا الجوع ده عامل زى الزلزال واللى انت فيه ده عامل زى التوابع خلى بالك من العيال اوعى تاكل أكلهم

انت تسال والكمبيوتر يجيب يقول...

الأخوه والأخوات الضاحكون
الحلقه الأولى التى اذيعت اليوم الأحد27-7-2008 موجوده لمن يريد سماعها او تسجيلها فى بوست خاص فى مدونتنا
http://netonradio.blogspot.com
مع تحياتنا واللى القاء مع اذاعة تدوينه اخرى من الضاحكون وتحب نراكم فى مدونتنا لتجيبوا على ما نطرحه من اسئله ولكى نسمع مقتراحاتكم عن اذاعة التدوينات فى الضاحكون
برنامج انت تسال والكمبيوتر يجيب

كاميليا بهاء الدين يقول...

هههههههههههه

ههههههههه

جميلة جميلة جميلة

بس بجد العروسة كمان كانت جميلة لانها كانت صبورة خالص وتحملت عصبيته مع ان مش لها ذنب فى احداث الصينية .. اكيد هى كمان كانت جعانة وتعبانة.

صباح مشرق بالضحكات


تحياتى

ميرا ( وومن ) يقول...

السلام عليكم

بجد بوست حلو انا متعاطفة مع العروسة جدا كانت في نص هدومها

فكرتني بعشا اختي اللي عملوة الجيران الحمد لله أنماما انقذت الحمام والبط من ايديهم

تحياتي

Doba يقول...

هههههههههههههههههه
هههههههههههه
ههههههههه

وقعتنى من الضحك وانا متخيلة منظره وهو هيموت من الجوع وعمالة الصدمات تتوالى فوق دماغه

فينك يا رايق
هيجيله صدمه اول مييجى للبوست ده
مهو ميعرفش الأكلات دى ولا أنواعها يا عينى

اصله يوم زفافه عملوله بابا غنوج وبتنجان

نيهاهاهاهاهاع

WhItE HeArT يقول...

هههههههههههههههههههههههههههه

بجد بوست رائع

عجبني الاكشن والريئاكشن بتاع الحوار بجد كان حوار محترم يعني لو انا كنت مكان العريس كان زماني خدتها فعلا هيه والاكل زي المرتجع ووديتها لاهلها واتعشيت في مطعم نضيف وريحت نفسي


بس ده طلع انسان محترم بصحيح

ههههههههههههههههه

اديها قلبت بغم

ماله السمك والجمبري بس هوه في احسن منه


تحياتي

الدفاع يقول...

فرنسا هانم ،الدكاتره عبده بك الرايق
الاخوه الضاحكون :- اسمحولى انول شرف الرد على تعليقات الاخوه المدونين واتقبل تعازيهم فى فقدان العشاء

المفقوعه مرارتها
==============
طبعا كتر خير الناس فعلا انهم خلونا نطبخ الاكل ده تانى ولعلمك البومين اللى بعد الفرح قضيناهم فى المطبخ بنسوى الاكل ده
هو الفرح فرحنا والعشا عشانا والخناقه اللى فى الفرح خناقتنا ورقصنى يا جدع

فارس بلاجواد
===========
وعليكم السلام ورحمة الله وبركاته شكرا جزيلا
noraamahdy
============
شكرا هو فعلا من ناحية وقع فهو وقع جدا ولسه ماقامش من الوقعه لحد دلوقتى
حسن حنفى
==========
شكرا واتفضل مر زى مانت عايز ماهى فضيحه مر ياسيدى واتفرج زى ماتحب وهات صحابك وحبايبك
حنين القلب
==========
كلامك كله صح انا فهمت ليه دلوقتى اسمك حنين القلب ده واضح جدا من كلامك وطريقتك الساحره فى تهدئة النفوس ولعلمك هى النفوس هاديه بطبيعتها شكرا على مجهودك
نعكشه
======
اهو نام خفييييييييييييييييييفففف على الاخر
شكرا
سومه
=====
هو فعلا كان نفسه يتحرك ويقوم بس ياعينى كان تعبان وجاى من سفر جعان وعاوز يوفر مجهوده اللى باقى عشان يعرف ينام كويس عشان يقوم فايق تانى يوم ويقعد يطبخ فى الاكل من تانى
للاسف مكانش فيه بصل عشان طبعا مش مستحب انه يبقى ريحته بصل فى ليله زى دى والا العروسه هاتشم البصل وهو نايم وماتعرفش تنام على فكره هو صحى من النوم لقى نفسه نايم على الارض مش عارف ليه تفتكرى ليه؟؟؟
تحياتى لكى
ابن حجر العسقلانى
==================
لا زعل ولاحاجه تفتكر حد يحصله كده فى الليله دى ويعرف يزعل تانى الاى سى بتاع الزعل عندى ضرب ومالوش قطع غيار
شكرا وتعيش وتفتكر وعقبالك يارب
بطوط وحبوب
============
امال تفتكر انا كتبته ليه؟؟؟؟؟ماهو عشان اللى ماتجوزش ياخد عبره ويقف يشرف بنفسه على اكله
عقبالك
قوس قزح
========
لو مكانش يجوع نفسه عشان ليله زى دى هايجوع نفسه ازاى ياحرام ده مكالش يومها الا قبل الفرح ب 3ساعات بس وكل لحمه بس
شكرا
لماضه
====
(مسخره)؟؟؟؟؟؟ تقييمك للبوست رائع وشامل وجامع ولم كل حاجه فى كلمه واحده
ههههههه فعلا مسخره
الطائر الحزين
=============
اهئ اهئ اهئ اخويا ضنايا شفت بقى انا مستحمل اد ايه من يمها وعندى عقدة الجوع بالليل ومش بعرف انام الا لما اكل اى حاجه ودلوقتى باقوم من النوم فى عز الليل ادور على اى حاجه اكلها بقيت حاجه كده زى المشى اثناء النوم
تفتكر انا بقيت مجنون؟؟؟؟؟
cairocomputer
==============
طيب

كاميليا
========
هى اللى صبوره امال العريس ده يبقى ايه ؟؟؟؟الراجل اللى من كتر صبره نام
شكرا ليكى
وومن
=====
ياههههه هى حكاية الجيران مع العشا دى منتشره؟؟؟؟ مش انا بس؟ ده الحنا بقى لازم ننادى لا لتدخل الجيران فى عشاء العرايس
شكرا لتعاطفكم
doba
====
ماتقوليش بابا غنوج احسن بافتكر السمك وانا اول مافتكر السمك باروح اشترى علبة سلمون او تونه احتياطى
وده من توابع الليله دى
بالنسبه للدكاتره عبده هو اكيد مستنى اما الاكل يستوى عشان يجى
شكرا ليكى

الدفاع يقول...

white heart
=============
هو فعلا فكر فى كده بس الطاعم كانت قفلت بقى وبعدين قالك بقى الليله هاتعدى هاتعدى والاكل ده هايستوى فى يوم من الايام مين بقى اللى هاياكله؟ شكرا لك

Ehab يقول...

ههههههههههههههههههههههههه
ههههههههههههههههههههه
هههههههههههههه


يا لهوتي هي دي اخرتها برده

عايزين تنيمونا على سلمون وتونه

لا الكلام ده مينفعش
انا من منبري هذا بوجه نداء عالي المستوى

الحاجه تيجي مستويه

انا في اول البوست مخفتش علشان عارف حماتي ايديها تتاقل بالدهب وامي شرحها برده نفس الفن في الطبخ

لكن حكاية انهم يتشغلوا والجيران هم اللي يظبطوني دي بقى وجعت بطني كده الموضوع مش مضمون
خلاص الحل الوحيد اني اخليهم يعملوا الأكل قدام عيني الأول وبعدين نحدد ميعاد الفرح ونشيل الأكل في التلاجه لحد الفرح
وانا ابقى اسخنه بنفسي وامري لله


سلااااااااااااااااااااااااااااااااام

غير معرف يقول...

ههههههههههههه

لا جامده موتتنى مالضحك

بجد جامده وبعدين ماهو فى الاخر برضه اكل الى فى نفسه سمك

ههههههههههه

همس الاحباب يقول...

صباحية مباركة يا عريس
هههههههههه
بجد البوست جامد قوى
اولا : انت بدات الموضوع بسمك وجمبرى وفالاخر رسيت على اكل نص سوى
ياخى ده حتى الاكل كده بيبقى صحى ومفيد وبعدين الست الوالدة غلطانة ليه تسيبك بالجوع ولا انت كنت ناوي تخلص على الاكل لوحدك هههههههه
بصراحة عندنا الام بتهتم بالعريس وبتعمله اكل مخصوص بغض النظر عن اكل اهل العروسة
وبعدين مسافر بالجوع ليه بقى
كله كوم ولا الدبوس اللى فى البطة ورق فويل على ايه والنبى
وفالاخر سلمون ومعلبات مالها عيشة العزوبية
احنا كنا قاعدين محترمين فى بيوت اهالينا
يلا علقة تفوت ولا حد يجوع
وعدى يا ليلة
وصباحية مباركة يا عم النايم
هههههههه

Mafrousa يقول...

ههههههههههههههههههههههههه
هههههههههههههههههههههههه
هههههههههههههههههه
صباحية مباركة يا عرايس
انا الاول فطست من الضحك على البوست و على الاسلوب
و بعدين موووووووت من الضحك اكتر
لما عرفت انك العريس
ههههههههههههههههههههه
هههههههههههههههههه
ههههههههههههههه

تعيش و تتجوز غيرها
هههههههههههههههههههههههه
هههههههههههههههههه

Asmaa mahaba يقول...

بس عرفت ليه صحى لقى نفسه واقع من على الارض ....اكيد العروسه طمعت فى السرير واتفقت مع الرايق وباعت السرير وصاحبك نايم
انا لو منه اعملها قضيه تبدبد ممتلكات
تحياتى ليك سومه_87

انت تسال والكمبيوتر يجيب يقول...

لأخوه والأخوات الضاحكون
الحلقه الأولى التى اذيعت اليوم الأحد27-7-2008 موجوده لمن يريد سماعها او تسجيلها فى بوست خاص فى مدونتنا
http://netonradio.blogspot.com
مع تحياتنا واللى القاء مع اذاعة تدوينه اخرى من الضاحكون وتحب نراكم فى مدونتنا لتجيبوا على ما نطرحه من اسئله ولكى نسمع مقتراحاتكم عن اذاعة التدوينات فى الضاحكون والسؤال المطروح الآن فى المدونه ياكمبيوتر ونت فى الجهاز يامفيش جواز
برنامج انت تسال والكمبيوتر يجيب

27 يوليو, 2008 10:06 ص

مواطن مصرى نايم يقول...

و الله انا علقت قبل كده
بس الظاهر انى قفلت من غير ما اضغط على نشر التعليق
ـــــــــــــــــــــــ
اكشن تانى مرة
(دا الصوت العالى بتاع المخرج)
بس يا باشا
انا بالرغم انى سكندرى
الا ان السمك ده اكتر حاجة مش بحبها
يوم ما بيكون الكلام على سمك
بقضيها بيتزا
او اى حاجة فى الدنيا الا السمك و السبانخ

stop
(دا المخرج برضوا)
الاداء رائع يا استاذ اسلام
(اسلام دا انا)
بس حنعيد المشهد ده تانى

انا بقى ارد رد بكل برود
كأنى مرهق من المشهد
لا يا استاذ مش حينفع اكمل النهاردة انا المشهد ده ارهقنى
(تقولوا اللى بيمثلوا دول بيحفروا ترعة السلام)
ههههههههههههههههههههههههه

بوست جميل يا باشا الله ينور
تحياتى
اسلام

Mafrousa يقول...

إسلااااااااااااام
انت يا اخويا
و النبي يا شيخ تكلمي المخرج بتاعكو علشان آخد دور فى التصاوير

ههههههه
ان شالله دور اللمبه اللى حتنوروا بيها
هههههه
رمضان داخل يا نايم
اشتغلنا على فانوس عيلة الرايق
انا مديالك شهر اهه
مالكش حجه

maha zein يقول...

لسة مجوزين اختي اهه
والله وصيت ماما تحمر الحاجة كويس
وفعلا كنت متاثرة بالبوست بتاعك من وهو في الدرافت
وراحلها اكل فظيع
كنت هموت واكله
عقبالكم جميعا

مواطن مصرى نايم يقول...

مفروسه

شفتى ياختى مش المخرج طلع اطرش مش بيسمع
بس لو على حكاية لمبة دى سهله
اكلملك النجفه عندنا فى البيت
هههههههههههههههههه
ان شاء الله حعمل لك الفانوس

بس ممكن تقولى لى يعنى ايه فانوس
هههههههههههههه

و الا اقول حدور فى جوجل يمكن اعرف
ههههههههههههههههههههههه

لا ان شاء الله
ربنا يسهل

انت تسال والكمبيوتر يجيب يقول...

الا يوحى ما حدث باضافة بند او شرط فى عقد الجواز يحدد مواصفات اول عشاء للعروسين بالتفصيل؟ احنا عندنا سؤال عن اشتراط العروسه قبل الزواج وفى العقد شرط غريب وهو ان يضم الجهاز 3 كمبيوتر ووصلة نت طوال سريان عقد الجواز مما دفع العريس وامام الماذون والمعازيم الى رفض الجواز
القصه بالتفصيل فى مدونتنا وهى فصه واقعيه وسوف نذيع تعليقاتكم عليها فى برنامجنا الأذاعى اول برنامج فى الشرق الأوسط عن النت والمدونات
http://netonradio.blogspot.com

Mafrousa يقول...

بييبسسسسس
حاجه ساقعه بيبسسس
ككولا بيبسسس
اشرب يا بيه
اشربي يا هانم
المشاريب النهارة ببلاش
اصل الاهلى جاب 2 جون
و الرايق بيوزع المشاريب ببلاش
ببسسسسس
كوكوووولا بيبسسسسس
بيبسسسس
فانتا فانتا

اللى عاوز ياكل ياخد الاسانسير و يطلع فوق
حيلاقى كل ما لذ و طاب بس ني

ياخد اللى ياخده و يسوية كويس
و يرجعه تااااااني
و انا اديله منابه
انا بقولكو اهه
الرايق يقطعكوا حتت
اما الاخ المدافع
سوف يدافع بكل ما تبقى له من قوة
ان يتذوق الاكل الجميل اللى كان ني

مبروك للأهلى
و مبروك للزمالك

إنجى يقول...

هههههههههههههههههههههههههههههههههههههههه

اول مرة اسمع ان فيه عريس نام متعكور

متكعور ازاي يعنى دى

المهم

صباحية فل الفل عليك

ماهو لو كنت أكلت على ضوء الشموع وسبت النور مطفى مكونتش شوفت مسلوق من محمر وكنت أكلت وخلاص

هو أكل وبحلقة؟

هههههههه

مبرووووك عليكو كاميليا

بيتهيألى بقى الحاج رايق هايعملها وليمة معتبرة
ماهو راجل فييس والجند عنده ملوش عدد
والنبى ابقى اعزم العريس ده
عشان تمسح اثار ليلة السالمون دى


ياترى انا معزومة؟
انا عايزة أكل ديك رومى محشى وز جواه بط جواه حمام جواه سمان جواه عصافير بركيلينو
ومتسألش ايه هي البركيلينو دى
انا سمعتها كده فى ايطاليا

سلام

wanna b a physician يقول...

الله يبشرك
لا ياعم انا هاوصى اهلى يعملولى اكل والا اولع فى العروسة وفى البيت وفى الجيران

الطائر الحزين يقول...

شفت الحسرة يا عم الحاج

ناس بيجيبوا لك وصفات من ايطاليا يا حاجة احنا كنا لاقيين حاجة

بلاش بقى تعذبى الواد اكثر من كدة

هيييييه دنيا

كاميليا بهاء الدين يقول...

انجى

....
ياترى انا معزومة؟
انا عايزة أكل ديك رومى محشى وز جواه بط جواه حمام جواه سمان جواه عصافير بركيلينو
ومتسألش ايه هي البركيلينو دى
انا سمعتها كده فى ايطاليا
....

كده برضو يا انجى؟
اهو الرايق سمع عن العزومة خطف نفسه وطالب فدية 3 مليون جند
والتسليم فى ميدان بركيلينو

Mafrousa يقول...

ياحليله يا حليله
بقينا انترناشيونال

لأ مش ماركة ناشيونال
انترناشيونال
يعني عالمييين
ضمينا كا من ايطاليا و المانيا و فرنسا
و دلوقتي حنعمل الاتحاد الاوروبي الرايق


بس إيه الدك الرومي المحشي ده يا انجي يا اوختي
انا اسمع فى القصص و الروايات ان اسنبي حارسه...و صاينه..الديك
بيبقى محشى رز
وانهه ديك ده اللي حتحشري فيه حمام و فراخ
ده اكيد ديك قد الأوده اللى ابويا الرايق معيشنا فيها

Mafrousa يقول...

ابويا الرايق خطف نفسه
الحقووووو
الحقوااااا
ابويا الرايق خطف نفسه
إهيء
إهيء

Mafrousa يقول...

كاميليا يا اختي
انتي جبتي الخبريه ديه منين؟؟؟!!!
قوليلي بسرعه

كاميليا بهاء الدين يقول...

واحدة مفروسة

مش تزعلى كده ولا تخافى

الرايق خطف نفسه اه
بس كمان هاياخد فدية كبيرة
اومال هايلم فلوس العزومة منين؟

انتى عايزة الاتحاد الاوروبى الرايق
يسحب العضوية؟

على فكرة
الشعار بتاع الاتحاد ده
عصفور باركيلينو مطبوع على بادج خلفيته حمرا


اما بقى الديك الرومى اللى انجى قالت عليه ده هاقولك:
بصى .. انت عارفة عفركوش ابن برتقوش؟؟ اللى جاب صينية العشا
لأ .. لأ .. مش صنية العشا بتاع العريس بتاعنا .. صنية اسماعيل ياسين .. اهى انجى عايزة صينية كده لكل مواطن.

بالهنا والشفا
يدوم العز يا روقينو

Mafrousa يقول...

يعني حنبقى أغنيه يا أختي؟؟؟
اغنيه جداااااا
و تفتكري مين اللي حيدفع للرايق الفدية؟؟؟!!!!!!!!!

ده مديون لطوب الارض

يالهويييييييي...لا يقولك ولادي حبابي لمولي الفديه...علشان اسيب نفسي

ما هو ابوكي يعملها...ااه
ولا يهدد يقولك لو مدفعتوش الفديه حموت روحي
إهيء إهيء

فرنسا اول واحده حتقولك....
عياااال إياك واحد فيكم يطلع ميلم
اهو راح لحال سبيله

ولا تيته

حتقوله الفديه بالنص يا رايق....

ولا خالد لازمن ولابد ياخد حق النمله اللى خطفها منه الرايق

إهيء إهيء


على فكرة يا اختي انا مش زعلانه خااااالص ان الرايق خطف نفسه
انا بعيط من الجوع
نفسي اتفتحت على الديك اللي على صنية بردقوش



تعرفيش فين الفانوس السحري؟؟؟؟


انا جعاااااااااااااااااااااااانه
إهيء إهيء

كاميليا بهاء الدين يقول...

واحدة مفروسة


يعني حنبقى أغنيا يا أختي؟؟؟
اغنيا جداااااا
...

لأ طبعا مش هنبقى اغنياء .. هو الرايق هايدينا حاجة؟
انتى فاكرة ان الحداية بتهادى بكتاكيت؟
نوو
نوو
يو آر دريمنج ماى سيستر

...
و تفتكري مين اللي حيدفع للرايق الفدية؟؟؟!!!!!!!!!
ده مديون لطوب الارض
......
يبقى انتوا بقى تبيعوا طوب الارض ده .. ويبقى عصفورين بحجر واحد .. خلصتوا من الدائنين ولميتوا الفدية


.......
فرنسا اول واحده حتقولك....
عياااال إياك واحد فيكم يطلع ميلم
اهو راح لحال سبيله
......

ايوة صحيح .. راح لحال سبيله ..
بس تفتكرى هايسيب حال سبيله فى حاله ولا برضو هايدفعوا فلوس؟ اصل ده مش بيروح حتة ببلاش.

....
ولا تيته
حتقوله الفديه بالنص يا رايق....
...
حقها بصراحة

....
ولا خالد لازمن ولابد ياخد حق النمله اللى خطفها منه الرايق
....
هو الرايق خاطف نملة؟؟
ومن خالد؟؟

اااه .. يبقى هى دى السلاح اللى بيهدد نفسه بيه .. يعنى هيقولنا لو مش الفدية اتدفعت .. هخلى النملة تاكلنى .. وتبقى مشكلة وسكندال عالمى .. والاخبار تذيع ان بابانا أكلته نملة


....
تعرفيش فين الفانوس السحري؟؟؟؟
...

الفانوس السحرى مع آنتى فرنسا .. بتتبع بيه خط سير الرايق.

-

مواطن مصرى نايم يقول...

ايه ده
الرايق خطف نفسه
يعنى انا الحق استخبى منى قبل ما اخطفنى
ما انا ممكن اطلعلى فى اى حطه و اخدنى على حتة معرفهاش
و اربط عينى
و اطلب فدية برضوا
لا فكرة جامدة
الحق اسخبى بقى

كاميليا بهاء الدين يقول...

مواطن مصرى نايم


...
لا فكرة جامدة
الحق اسخبى بقى
...

ايوه إلحق استخبى بسرعة
بس اوعى تستخبى فى الحتة اللى فيها النملة
.. احسن الرايق ياخد منك ايجار قانون جديد من الباطن .. ويقولك انت فاكرنى مش هاعرف؟ انا احدى الدكتورات بتاعتى فى فن العقل الباطن

_

قوس قزح يقول...

صباح الخير عليكم
ايه حكاية الرايق على الصبح دى
هو انا نخلص من صدر الفرخة ندخل فى الديك الرومى

طيب كان استنى شوية كمان
مش بيقولوا ان خطفت اخطف جمل

كامى ممكن تقوللى العصافير دى ملونة ولا ابيض و اسود
انتى عارفة يا حبيبتى الالوان تفرق معايا اوى

كاميليا بهاء الدين يقول...

قوس قزح

...
كامى ممكن تقوللى العصافير دى ملونة ولا ابيض و اسود
انتى عارفة يا حبيبتى الالوان تفرق معايا اوى
...

هو الحقيقة عصافير الباركيلينو دى المفروض انها مجموعة ألوان برضو زى ألوان الطيف .. لكن الفرق إن ألوانها بتتأثر بالحالة النفسية

يعنى مثلا لما تشوف آنتى فرنسا .. كل ألوانها تنور وتبقى فرحانة

ولما تشوف نناه مفقوعة مش عارفة ليه تقلب أخضر وبس

ولما تشوف مفروسة
تقلب أحمر وتطيييير ترسم قلب فى السحاب

ولما تشوفك .. تتكسف على ألوانها

أما بقى لما تشوف الرايق
بتقلب اسووود عليها وعلى اليوم اللى فكرت تطير فيه فى سماه .. خوفا من انه يصطادها ويعمل عليها مزاد علنى ويبيعها بأعلى جند .. قصدى بأعلى سعر.

_

قوس قزح يقول...

عرفتهاااااااااا
ايوه ايوه
دى العصافير اللى بيستخلصوا من دوا اركليون المهدىء النفسى


بس اشمعنى الاخضر لمفقوعة ؟؟ علشان هى بتجنز زى النحاس ولا ايه

و ايه حكاية القلوب الحمرا دى
البت مفروسة بتعمل شغل و هى بتبيع البيبس علشان العشاق يشتروا ولا ايه

Mafrousa يقول...

اختي قوس قزح جت يا مرحبا يا مرحبا بالالواااان
الحقى ابوكي و اخوكي
ابوكي الرايق خطف نفسه و طالب فديه
إهيء
و اختك حتموت على الديك بتاع شمهورش اللى بطنه بتاخد وزه و بطه و بتقول وااك وااك وااك
و اخوكي الطاير راح يستخبى من نفسه
هههههههه
وانا نفسي فى العصفور ابو قلب احمر ده


حيعمل شغل حلو على الكورنيش...و الجردل فى ايد و العصفور على الدماااغ

اما ابوكي ده حكايته حكايه

حتى العصافير بتجري منه خايفه يرهنها بقرشين

هوه طبعا ابوكي لو شاف العصقور من اصله ليعمل عليه شوربه تكفيه العمر كلع و ريشه يعمله مرتبه ينام عليها

كاميليا بهاء الدين يقول...

قوس قزح

...
عرفتهاااااااااا
ايوه ايوه
دى العصافير اللى بيستخلصوا من دوا اركليون المهدىء النفسى
....

لأ مش بتاعت المهدئ النفسى وإلا كنا دبحناها واكلناها لنناه مفقوعة وكانت خفت من زمان


........
بس اشمعنى الاخضر لمفقوعة ؟؟ علشان هى بتجنز زى النحاس ولا ايه
........

مش اقدر اقول أحسن تحطنى بلاك ليست وتخبطنى دعوى مستجابة تنقلنى من ألمانيا الفيدرالية لألمينا القمح


....
و ايه حكاية القلوب الحمرا دى
البت مفروسة بتعمل شغل و هى بتبيع البيبس علشان العشاق يشتروا ولا ايه
...

فرفورة الجميلة مفروسة دى رومانسية خالص .. ومش بتدى بيبسى لحد الا لما تتأكد انهم بيحبوا بعض بجد .. وبتعملهم تيست كمان .. يعنى تبص للشاب وتقوله حبيبتك عايزة تشرب بيبسى دوبل هاتدفع ولا ايه؟
لو قالها لأ اديها واحة بس .. يبقى مش بيحبها ..
اما لو قال لها اديها الجردل كله .. يبقى بيحبها ..
بس المشكله ان فرفورة طيبة اوى .. مش بتسأله اديها الجردل تشربه ولا تسرح بيه وتكسب انت من وراها؟

جردل ايه اللى تشربه؟؟
انا لخبطت ولا ايه؟

كفاية كده

سى يو تومورو
باااااى

قوس قزح يقول...

مفروسة
طبعا طائر لازم ينفد بريشه
الواد له حق ما احنا اكلين الطيور بكل انواعها

و القلوب الحمرا دى ابوكى هيفرح بها اوى
و يفتكرك عملاها علشان الاهلى

انا عارفة هو فين
امبارح شوفته ماسك ازازة سيبرتو و بينفخ نار من بوءه احتفالا بالاهلى

تلاقى السبرتو سطله و اترمى تحت بر اى السلم

قوس قزح يقول...

كامى

ايوه عندك حق دعوات مفقوعة بتجيب الارض و هتقلب العصافير غربان


و بعدين انتى هتقوللى على مفروسة
دى طالعة نسخة من ابوها الرايق و بتعرف تسترزق فى ايوتها حتة
البت مختارة الكورنيش علشان تدبس العيال فى البيبس اكمن قلبهم رهيف و عايزين يرسموا نفسهم قدام الموزة


انما قوللى يا اختشى تومورو ده مين اللى رايحة تقابليه
و مش خايفة من فرنسا لحسن تمدك انت و سى تومورو ده

كاميليا بهاء الدين يقول...

قوس قزح

...

انما قوللى يا اختشى تومورو ده مين اللى رايحة تقابليه
و مش خايفة من فرنسا لحسن تمدك انت و سى تومورو ده
...

كده؟ رجعتينى من نص الطريق؟
D:
بصى يا دوللينو .. ماهو كله اخد ختم باركيلينو دلوقت

تومورو ده يبقى إبن عم اليورو ..
والحقيقة بابى الرايق بعت لى ايميل قال لى فيه
انه محتاج 5 مليون يورو
و 4 مليون دراخمة تكون مش رخمة
و 2 مليون مارك انطونيو ..
وطبعا العملية دى كبيرة ..
محتاجة واسطة ..
وتومورو ده رئيس مجلس ادارة مافيا البنكنوت ..

فهمتى يا دوللينو؟؟

يللا بقى

تشااااوو

ومش تقولى مين تشاوو ,, ده الراجل الصينى اللى هايوفر لنا الاسلحة .. والاسلحة لازم تبقى صناعة صينى علشان مش تموت حد

يللا بقى

تووت سينز

قوس قزح يقول...

كاميليووووووووو
انتى كده بتجرجرى لرجلنا كلنا يا امى لعالم المافيا

و عارفة تووت سينز
ده بتاع حادثة القطار الاخيرة و شكله جاى ياخد اى تبرع عشمان يصلح المزلقان

انا موافقة اروح معاكى المشوار بتاع البت الرخمة دى بس لو احمد السقا هناك

او فيتر زين ... ده ابن عم مها زين :)

حسن حنفى يقول...

ههههههههههه

موضوع جميييييييييل

جدا

الطائر الحزين يقول...

بتجيبوا فى سيرتى ليه مش كفاية ابوكم ناتف ريشى وحابسنى

انتوا كمان عليا منكم للى كل ورك البطة

الطائر الحزين يقول...

هى حصلت كمان يا الوان مش عارفة بعضها انتى وبيقولوا عليها قوس قزح سبرتو انا مش جايبك من تحت الكوبرى امبارح وانتى بتشمى كوله وكمان الشربات بتعاعتنا بتوديها فين اسكتى بدل ما اقول على كل حاجة

Empress appy يقول...

اولا بعتذر عن تاخيري
بس الاحداث الاخيره تعبانى



الدفاع

تعيش وتاخد غيرها معلش

قوس قزح يقول...

الله الله الله
ليه بس كده يا طائر و انا اللى كنت بقول عليك مكسور الجناح ..جاى تنفش ريشك عليا بردو

ده انا كنت بقول على الرايق
طلعت انت كمان لك فى السبرتو هههههههههههههههههههههه

رئـــــيسـة حزب الأحلام يقول...

دى ليلة الدخلة وليلة السفرة ههههههههههههههههههههههههههههههههه
هههههههههههههههه
ياسيدى كنت خلصت نفسك وجبتها دليفرى
خليكوا واعين بقى
وألف مبروك لولوىىىىىىىىىى

بنت مصريه يقول...

يا سلام
بيعاقبها يعنى
اما صحيح راجل غلس
هههههههههههههههههه
بس بوست جميل احييكى يا فرنسا انتى والرايق
تسلم اديكوا
والله انا شكه ان انتوا اللى طبخطوا الطبيخ ده ههههههههه

غير معرف يقول...

السلام عليكم ورحمة الله وبركاته

شفت بقى علشان مكنش عجبك البفتيك


ادى انت كلت معلبات يا بطل ورست فىالاخر على سلمون

انا كده بقى مزعلش لما تيقى تاكل الفى الطبق بتاعى

لانى عرفت انه من توابع الجوع
على رأى ابو الابناء

بس بجد سخسخت من الضحك
جميله جدا
وبعدين ايه اتكعورت دى

امال السرير التانى راح فين

يله كعورة تفوت

غير معرف يقول...

السلام عليكم ورحمة الله وبركاته

شفت بقى علشان مكنش عجبك البفتيك


ادى انت كلت معلبات يا بطل ورست فىالاخر على سلمون

انا كده بقى مزعلش لما تيقى تاكل الفى الطبق بتاعى

لانى عرفت انه من توابع الجوع
على رأى ابو الابناء

بس بجد سخسخت من الضحك
جميله جدا
وبعدين ايه اتكعورت دى

امال السرير التانى راح فين

يله كعورة تفوت

انت تسال والكمبيوتر يجيب يقول...

اين الرايق ...اين الرايق
نصدق مين اللى بيقول خطف نفسه وطالب فديه والا اللى بيقول خد حصيلة بيع البيبسى وهرب بيها لبنوك بره؟
دلوفتى فين الرايق او من يحل محله؟ طيب فيت الست فرنسا؟
فيه مشروع جديد كما يقول سعيد صالح فى مدرسة المشاغبين سنتتتنضم موجات الأذاعه الى مدونة الضاحكين لأذاعة بعذ التدويتات
والبدايه ستكون مع تدوينة مها زين عن مارثون جامعة حلوان
ونحن فى انتظار ظهور الرايق او فرنسا هانم لنبدا
اظهر يارايق ولا تخف سننفذ لك كل مطالبك ....عد الى اهلك ....

انت تسال والكمبيوتر يجيب يقول...

مازلنا فى انتظار الرايق او فرنسا هانم لنضم موجات الأذاعه الى مدونة الضاحكون
نتحدث اليكم من مدونة اول برنامج اذاعى عن النت والمدونات فى الشرق الأوسط يخرج من ماسبيرو
http://netonradio.blogspot.com
اهلا بالزائرين

د. إيمان مكاوي يقول...

حقيقي منظر يموت من الضحك ..تدوينه جميله
تحياتي

المـــفـــــــقــــــــوعـــــة مــرارتـهــا يقول...

بتش ياكاميليا
انتي يابتش
ولا أناديلك بالمتشقلب وأقولك ياماي جراند دوتر عشان تردي
إما وريتك
عارفة النجوم اللي بتطلع في عز الضهر
انا بقي شارية دستتين نجوم وشايلاهم تحت السرير مخصوص عشانك .. وهاوريهم لك بكرة في عز الضهر
بس أيدك الأول علي تمنهم من حصالتك وأقبل الدفع بشيكات يشمعني ابوكي بس اللي هاتسلفيه
ده اللي مالوش خير في جراند مازر بتاعته مالوش خير في أيها حد تاني
ده لولا صبري علي الرايق ابوكي كان زمانه مدبوح ومتكيس والسكينة التلمة اللي في النملية تشهد علينا.. وروحي أسأليه وهو يقولك

المـــفـــــــقــــــــوعـــــة مــرارتـهــا يقول...

يالا ياولاد الرايق قوموا معايا نلم قرشين لأبوكوا عشان اللي خطفه مايرجعهوش تاني
ده تلاقي الرايق خارب بيته عيش ولكفتة
يالا خد الشر وراح البركة فيا انا اللي هااربيله عياله وانزلهم يسرحوا بلب وسوضاني في الإشارات
دي الايد البطالة نجسة وعاوزة تتغسل بديتول

المـــفـــــــقــــــــوعـــــة مــرارتـهــا يقول...

بت يامفروسة
انتي يابت يامفعوصة
ماهو طول ماأنتي قاعدة كدة ومخك أجازة ومتنحة قدام الأعلانات عمرك ماهاتفلحي
يابت قومي ذاكري ولا عشان ابوكي طفش يبقي انتي هاتبطلي مذاكرة
يابت حطي مخك جوا راسك تعرفي خلاصك
يادي النيلة ياولاه ولا أكني باكلم نفسي البت مطنشاني
حد يطنش الحاجة البركة اللي منورة بيتكم
روحي وانتي هاينزل عليكي غضبي يخسسك

كاميليا بهاء الدين يقول...

مفقوعة مرارتها

.....
ولا أناديلك بالمتشقلب وأقولك ياماي جراند دوتر عشان تردي
.....

yes
yes
ماى جراند ماذر ، افوتر لو سيرفيس ماى دارلنج

كوكتيل لغات اهو علشان تعرفى انك فيرى اكسبنسيف عندى


.......
إما وريتك
عارفة النجوم اللي بتطلع في عز الضهر
انا بقي شارية دستتين نجوم وشايلاهم تحت السرير مخصوص عشانك . وهاوريهم لك بكرة في عز الضهر
.....

وحياتك النجوم لفت فوق دماغى من الخوف اول ما قرأت التعليق ده
D:

براحة عليا يا جراند ماذر وحياة ماى فاذر اللي مش عارفينله طريق دلوقت .. ياترى عامل ايه؟ أكل ولا لأ؟ عطشان ولا لأ؟

معزز مكرر ولا بيعذب نفسه علشان يحمسنا وندفع الفديمة ونرحمه

،

الدفاع يقول...

لو سمح لى الاخوه الضاحكون عاوز بس انوه عن شئ بخصوص نشر او اذاعة اى تدوينه خاصه بى
انا لا اسمح مطلقا باى نشر او اقتباس او اذاعه من اى نوع لاى تدوينه من كتاباتى الا بعد استئذانى والحصول على تصريح منى بذلك واخص بالذكر cairocomputer واتمنى ان لا يتعدى احد على حقى والا ساضطر اسفا لاتخاذ ما يحفظ حقى من اجراءات
وارجو ان يكون تنويهى هذا سببا فى لفت الساده القائمين على نشر واذاعة التدوينات بوجوب استئذان الساده المدونين اولا

وانا باعتذر عن قطع فاصل الضحك بهذا التنويه

الدفاع يقول...

الشنكوتى الكبير
=========
خلى بالك من اكلك حتى بعد مايتعمل ومتامنش لحد وقد اعذر من انذر
انجى
====
متكعور دى يعنى الواحد ينام وركبته عند المخده ودماغه عند ركبته وهو والمخده وركبته عند الجيرا والجيران مسافرين اساسا وشقتهم مقفوله ده بالظبط وصف المتكعور
وفى انواع كتيره للكعوره وكله حسب الطلب
الطائر الحزين
========
انا مستنى اى حد يبعت اى حاجه يمكن تمسح اثار العدوان
حسن حنفى
=======
شكرا وتحياتى
رئيسة حزب الاحلام
===========
دليفرى مين ده اللى اجيبه
؟؟؟؟؟؟
ده واحد بيسوى الاكل يعنى؟؟؟؟
شكرا
بنت مصريه
========
شكرررررررررااااا
ام الابناء
=====
وعليكم السلام ورحمته وبركاته
================
انتى مش هاتبطلى تصييح
اكل ايه اللى باكله من طبقك
الحقيقه المره انك مش ليكى طبق ده احنا بناكلك معانا كده يعنى والطبق اللى بتاكلى فيه ده بتاعى اساسا الاكل كله بتاعى
وانتى فاكره انى لو مش موجود حد هايعمل اكل؟؟؟؟؟
ومش هاكل برضه بوفتيك من بتاعك ولو حتى جبتيلى الخواجه بوفتيك نفسه يقنعنى
وبعدين سرير تانى ايه هو كان لسه اتبعت؟؟؟ انتى فقدتى الذاكره ولا ايه
فوقى كده يا حاجه الله يكرمك
cairocomputer
========
فى تنويه فوق ياريت تقراه
ايما(ام البنين)
=======
بعد الشر من الموت تحياتى
وشكرا لكل الموجودين
ومش عارف ليه فرنسا والرايق مختفيين لحد دلوقتى
انا اعتقد ان هما بيدوروا على الاكل بتاعى عشان يسووه من تانى وياكلوه
هاهاى كان غيرهم اشطر
الاكل ده انا عاينه فى متحف مخصص لمخلفات الحرب الزوجيه ومش ممكن حد يوصله
وشكرااااااااا للجميع

عصفور المدينة يقول...

قلت لي شركة إيه اللي بتقدم التونة نية؟؟؟

Empress appy يقول...

انتبااااااااااااااه



لكل الاعضاء


برجاء الدخول الدرافت للاهميه
فيه حاجات منى كاتباه بليززززززز


فرنسا والرايق
اكتر حدددددددددد بليززززززززززززز

سمر الشافعى يقول...

ماشى ياجماعه هوا اه الراجل كان جعان وكل حاجه بس يعنى احنا نسينا العروسه الغبانه المسكينه اللى جوزها سابها ونام يوم فرحها دى قال وايه ارررربع سنين خطوبه وفالاخر همه الاكل ماكنت تاكل فى بيتكو ولا ماتاكلش خالص مش تضرب ليله العمر بعد كل الخطوبه دى ):

انت تسال والكمبيوتر يجيب يقول...

الأخ الدفاع
حد جاب سيرة تدويناتك؟ولحسن الحظ او لسوءه مانشر لك هنا لا يصلح لنشره فى اذاعة مصر الرئيسيه التى تعتبر صوت مصر لأننا لا ننشر اى شىء وخلاص وبالتالى لا مشاكل

seven يقول...

بصراحة هوه بيسبهبل
ايه المشكلة لما يبقة الاكل مسلوق
عيب يعنى ولا حرام
ده حتى صحيا احسن
يستاهل بقة

الدفاع يقول...

عصفور المدينه
============
واحشنى والله انا سالت عن الشركه طلع اسمها ام العروسه وفى شركه تانيه منافسه ليها اسمها ام العريس ولها فرع كبير اسمه اخت العريس تحياتى يا باشمهندس
سمر الشافعى
=========
احب اطمنك ان ليلة العمر ما نضربتش الحمد لله وتم الاحتفال بيها بعد تسوية الاكل
واحنا بخير الحمد لله
seven
=======
شكرااااااا جدا

الضاحكون يقول...

مدونة الدفاع

اخى العزيز لا تقلق فلا يتم الموافقة على النشر فى اى مكان اخر بعيد عن المدونة الا بسؤال صاحب التدوينة او المشاركين فيها ان كانت تدوينة جماعية

و لك الحق كل الحق اخى العزيز فى القبول او الرفض و بدون ابداء اسباب

الدفاع يقول...

الاخ cairocomputer
=================
اعذرنى انا ما كنتش عاوزك تتنرفز بالشكل ده وعاوزك تثق تماما انى عارف كويس جدا ان التدوينه اللى اتنشرت هنا عند الاخوه الضاحكين لاتصلح لاذاعتها او نشرها فى اذاعة صوت مصر ولا حتى فى اى مكان ولكن بشكرك بشده على التنويه وعلى انك اشتركت بالتعليق على تدوينتى واديت لنفسك الحق-بغير مسوغ- انك تقيم التدوينه بعدم الصلاحيه وتتكلم باسم اذاعة مصر وبرغم انى مش عارف مين اللى ادالك الحق ده بس انا فى غاية الامتنان ليك ولتقييمك للتدوينه وبالمناسبه دى عاوزك تبلغ اذاعة مصر الرئيسيه اللى انت اعتبرتها صوت مصر انى شخص متواضع صاحب حق -بغض النظر عن كونه عديم الصلاحيه - وانى كصاحب حق من حقى اتصرف فى حقى زى ما انا عايز وبلغها كمان
انى لا اسمح باذاعة اى من كتاباتى التى لا تصلح للاذاعه مطلقا وابدا
اظن ده من حقى
صح ؟ ولا انا غلطان؟
واظن ان ده مايزعلكش
واتمنى وبشده ان نقرا لسيادتكم ونستمتع بابداعكم ونستمع لفنكم دائما
وشكرا مره اخرى على اهتمامكم بالرد والتقييم باسم اذاعة مصر الرئيسيه التى ساكون فى شده الفخر انها انتدبت احدهم للرد على ما اكتب او لتقييمه حتى لو كان غير صالحا
وعذرا للضاحكين عن قطع مادة المدونه بهذا التعليق

الدفاع يقول...

فرنسا والرايق انا مش قلقان انا بس حبيت احط مبدأ والفت نظر اللى بينشروا اى تدوينه الى وجوب الاستئذان وشكرا على انكم سمحتوا بنشر تدوينتى بمدونتكم الرائعه واحيكم على المجهود الرائع اللى فيها
تحياتى

مواطن مصرى نايم يقول...

مدونة الدفاع


حضرتك كنت ممكن تذكر الكلام و عدم رغبتك فى النشر فى اى مكان اخر
للشخص اللى ارسلت له التدوينة
سواء الرايق او فرنسا

و عموما الاستاذ صلاح حجازى مش بياخد حاجة من اى بلوج من غير ما صاحب التدوينة يوافق

و كونه قيم تدوينتك انها لا تصلح فى النشر فى البرنامج

كل شخص عنده الحق فى ان يقول رأيه
و تعليقك الاولانى هو اللى اجبره انه يرد كده لانه كان حاد جدا
و بدون سبب

ارجو عدم التحدث فى هذا الموضوع و الا سنضطر اسفين بعد اذن فرنسا و الرايق

بحذف اى تعليق يخص هذا الموضوع

يا ريت التعليقات تبقى فى مجال التدوينة فقط

تحياتى
اسلام

الدفاع يقول...

مواطن مصرى نايم
هو الاستاذ صلاح حجازى من حقه يقول رايه وانا مش من حقى؟
انا لما نشرت التنويه اللى حضرتك قلت انه من غير سبب ده لان الطائر الحزين اتذاعت له تدوينه بغير اذنه ونوه لكده فى المدونه بتاعته
وانا باعتذر فعلا انى قلت راى فى الموضوع ده فى المدونه هنا لانها مش مكانى وباكرر اسفى وبشده
وانا مش هانتظر لما تقوم بحذ تعليقى اللى فيه راى خاص بيا
وارجو انك تراجع تعليقات الاستاذ صلاح حجازى من البدايه هاتلاقيها كلها خارجه عن مضمون المدونه وهو حتى مش بيكلف نفسه عناء الرد على التدوينه
واللى بيقوله حاجه كده زى الاعلان
فلو انتوا ولكم منى غاية التقدير والاحترام شايفين انى مش من حقى اقول راى بحريه واحترام لنفسى وللاخرين
فانا اسف جدا وباطلب حذف التدوينه بالكامل اذا كان ده فى صالح المدونه
وباكرر اعتذارى على انى قلت راى الخاص فى مكان لا يخصنى
والسلام عليكم

الضاحكون يقول...

CAIROCOMPUTER

الاخ الكريم
الرجاء الاخذ فى الاعتبار ان كل التدوينات التى تنشر بمدونة فرنسا و الرايق والضاحكون هى تدوينات ذات مستوى راقى
و ان كان اختياركم لبعض منها لا يعنى تمام افضليتها على الاخريات و لكن قد يكون لرؤية خاصة بالبرنامج

تحياتى

maiosha يقول...

ههههههههههههههه
تستاهل العروسة علشان بعد كده لما جوزها يقولها إعملى سمك تعمل سمك وتقوله حاضر
ههههههههههههههههه
وبعدين هو يعنى الحق على أهل العروسة ماهم برضة مش عارفين إنت بتحب الأكل ويل دن ولا ميديام
قالوا يسيبوك براحتك

هههههههههههههه
صباحية مباركة

رئيس حزب المغتربين يقول...

على فكرة المونه جامده اوى وانا فعلا حصل معايا كده بس الاكل مش كان نى كان بارد جدا وانا موتى وسمي انى اكل حاجة بارده بس انا بقا دبحت القطة وخليت مراتى تسخن الاكل كله تانى.

ومعلش انا اسف انا بس عندي استفسار عن حاجة وعايز اى حد يرد عليا مش حد معين ايه موضوع اذاعة مصر الرئيسية والكلام ده هل ديه حقيقة يعنى ان ديه اذاعة بجد فى الراديو ولا حاجة كده على النت وخلاص انا مش عارف وهو انا بقالى كتيير اوى كده بره مصر لدرجة ان يبقا فيه اذاعة رئيسية لمصر وانا معرفش او حتى مسمعش عنها على فكرة سؤالي مش بيقلل من قيمة اى حد مش عايز حد يفهمنى غلط بس عايز حد يوضحلى وشكرا على حسن تعاونكم معنا.

بحبك يامصر يقول...

هههههههههههههههههههه
فكرة البوست جميله
اسلوب جميل ده لازم ينام

عبده الرايق يقول...

بسم الله الرحمن الرحيم
لقد تلقيت مكالمه هاتفيه من اخى العزيز ابو خالد
بناء عن طلب قوس قزح ان هناك مشكله فى المدونه
وانا كنت فى شغلى فى راس سدر منذ يوم السبت
وقد توكلت على الله وعلى فرنسا فى اداره المدونه
وعندما اتانى الخبر
اتصلت باخى خالد همس الاحباب للاستفسار عما حدث
ولم انتظر رده
واتصلت باللموزين الذى طار بى الى السويس
وها انا الان بين ايديكم
وللعلم السياره فى انتظارى خارج المنزل
سوف اقوم بالدخول اولا الى الدرافت
والعوده الى التعليق مره اخرى

عبده الرايق يقول...

قبل التعليق
وقبل الدخول الى الدرافت
انا زعلان جدا من فرنسا
ازاى تسيب المدونه الايام دى

همس الاحباب يقول...

استاذ/ عبده
طبعا ربنا يكون فى عونك
لانى عارف ظروف شغلك
وثانيا بشكر حضرتك على سرعة تواجدك فى المدونة
وتقديرى لمدى حبك وخوفك على تلك المدونة التى اصبحت جزء من كيانك واصبحنا اسرة واحدة فيها

همس الاحباب يقول...

طبعا انا اسف لانى منذ 48 ساعة لو اذق طعم النوم ولم اتواجد فى المدونة كذلك
ولكن بعد اتصال اخى عبده الرايق بى تركت كل شىء وذهبت لاقرب سيبر لاعرف المشكلة
واحزننى كثيرا ما وجدته من اسلوب الحوار فى التعليق بخصوص النشر فى اذاعة مصر .
ودخلت على الدرافت لاستبيان اراء الاخوة اعضاء المدونة

همس الاحباب يقول...

اخوانى الزائرين
اخوانى واخواتى اعضاء المدونة
بصراحة وعلنا نحن لن نقبل باى تجاوزات او مهاترات فى تلك المدونة
لانها مدونة الجميع
وانا على نفسى افوض فرنسا والرايق فى ادارة تلك المدونة وكذلك الرد على اى تجاوزات لانهم بصراحة اصحاب الحق الاصيل فى انشاء تلك المدونة وتبنى جميع الافكار
لذلك ارجو من الجميع الالتزام بذلك
تحياتى وتقديرى للجميع

Mafrousa يقول...

طيب يعني كل واحد مسافر و عنده شغل بره البيت
الرايق فى راس سدر.....وديه طبعا تبع سدر الفرخه اللي حيفطس و ياكله
و خالد اخونا الكبير...عنده شغل بره باااااردو
و سايبينا اولاد الرايق اللاسعين كلهم...بيتنططوا في كل حته و فالبين الدنيا
و فرنسا زوغت هيه كمااان
طيب عينوا البت مفروسة الالفة على الحضانة ديه
ههههههههههههههه
انا احب اعمل آلفه
حصل خير يا راايق...مافيش إصابات
مافيش إسعاااف
مافيش جثث يشيلها هيما....
مافيش أكل علشان ناكل

عبده الرايق يقول...

الاخ العزيز
صاحب مدونه الدفاع
الاخ العزيز صلاح حجازى
صاحب مدونه كايرو كومبيوتر
تحيه طيبه لكم
ولكل اعضاء فريق العمل بمدونه الضاحكون
وتحيه لكل الزائرين
اولا
مدونه الضاحوكون
لا تخص فرنسا والرايق واعضاء الفريق فقط
وانما اسمها مدونه الضاحكون
يشترك فيها الجميع
وتنشر تدوينات للجميع
ويبدو اننى قد حضرت متأخرا
الا اننى احب ان انوه
ان مدونه الدفاع
صاحبه مدونه الضاحكون
وراديو كومبيوتر صاحب مدونه الضاحكون
وارجو من الجميع عدم تكرار الامر مره اخرى
ولعلم الجميع
الاستاذ صلاح حجازى قبل اذاعه بوست الطائر الحزين ارسل اميل لى واميل لفرنسا لاعلامنا بالامر قبل الاذاعه باسبوع
وقد قمت بنشر الخبر فى المدونه قبل اذاعته
ثم
لو رجعنا للتعليقات السابقه
لن نجد اى اشاره من بعيد او من قريب من جانب راديو كومبيوتر
لتدوينه عشاء ليله الدخله
ولا اعلم من اخبر مدونه الدفاع انها ستذاع
انا لا اقلل من شأن ليله الدخله
فانا اول من قراها
وانا من قمت بتنسيقها
وانا اول من ضحكت واستمتعت بها
انها تدوينه عظيمه
ولكن الاستاذ صلاح حقا لم يشير اليها
ولم يقول انها لم تصلح للاذاعه فى الراديو الا بعد تعليق مدونه الدفاع
الاخوه الاعزاء
ساضطر الى السفر حالا
وارجو الا نتحدث فى هذا الامر مره اخرى
مرحب بمدونه الدفاع ضيفا دائما فى المدونه
ومرحب بكايرو كمبيوتر ضيفا دائما فى المدونه
والسلام عليكم
وارجو منكم عدم الحديث فى هذا الامر مجدد

Mafrousa يقول...

طيب انا دخلت جوه مش لاقيت حد
خرجت بره مش لاقيت حد
ارووووح فين؟؟؟؟؟؟؟؟
ارووووووح فيييين؟؟؟؟

داليا ..قوس قزح يقول...

طيب يعنى دلوقتى يا رايق انت مش هنا
و كمان فرنسا مش هنا

اومال لما نحب نكلم شعب مصر نكلم مين ؟؟


مفروسة خااليكى جوه انا جيالك

انت تسال والكمبيوتر يجيب يقول...

الأخ الرايق
شكرا على ردك الذى وضع النقاط على الحروف ولكن اسمحلى ان ارد على بعض ماورد فى كلام اخونا دفاع وان لم اتعود الرد على المهاترات ويوميا تصلنا منها الكثير وانما ارى ان كلامه تعدى شخصى عندما سال هذا السؤال الغريب
وتتكلم باسم اذاعة مصر وبرغم انى مش عارف مين اللى ادالك الحق ده
واقول له انها غلطة الدوله ممثله فى وزارة الأعلام التى لم تعرض عليك قرارات تعيين الناس فى مناصبها مسبقا
اما عن وصفه لتعليقاتى بانها اعلانات قاقول له ان مابها من معلومات يذاع يوميا على الملايين ولا نحتاج زوار مدونه مهما كان عدد جمهورها لأنه لن يصل ابدا الى واحد على مليون من مستمعينا كما ان لنا مدونه وموقع يزوره زوار من اكثر من 30 دوله ويمكنه التاكد بنفسه من عداد جوجل فى الموقع كما ان لنا موقع آخر باللغه الأنجليزيه

الدفاع يقول...

حرصا منى على طلب اخونا الرايق بعدم التعليق فانا سالتزم بذلك
فقط ساقول انا كل كلامى لم يكن مهاترات
انا لم اتعدى على احد لاشخصيا ولا على رايه
ثالثا انا لم يصلنى مناحد ان هناك نيه لنشر تدوينتى انا فقط نوهت
وهذا من حقى وانا باعتذر عن استخدامى لحقى اذا كان ده هايرضى طرف الحوار الاخر
وانما يبقى سؤال حيرنى شخصيا؟؟؟ لماذا الغضب والتحامل فى ابداء الراى؟؟؟؟
وشكرا واعدكم ان يكون هذا اخر مساهاماتى فى هذا المكان برغم تقديرى واحترامى له
وشكرا

عاشــــــ النقاب ـقــــة"نونو" يقول...

هههههههههههههههههههههه
مش ممكن ضحكت من قلبي
تسلم يديك
تحياتي

انت تسال والكمبيوتر يجيب يقول...

جقيقى هذا الدفاع مستفز وانا كنت لا انوى الكتابه فى الموضوع ولكنه فعلا غريب طيب ياخى لما لم يقل لك اجد اننا ولا السى ان ان ولا البىبىسى ناويه تاخد حاجه من انتاجك بتخصنا احنا ليه بكلامك وهجومك غير المبرر ؟ راى ايه اللى بتقول عليه؟تهاجم من لا صلة له بك ولم يفكر فى اخذ شىء كتبته وتقول راى؟مجرد افتعال مشكله؟ونشر جو من الكآبه ضد طبيعة المدونه ؟ شىء جقيقى غير مغهوم ....ولكن وارد فى كل مشروع ان يظهر واحد او اكثر يهوى اثارة المشاكل واختلاق معارك وهميه