الاثنين، يوليو 14، 2008

الأشارب


تحديث

أحب أن أعلن عن عدم مسئوليتى عن الزلزال الذى ضرب مصر المحروسة فى صباح يوم الثلاثاء الموافق الخامس عشر من شهر يوليو العام الثامن بعد الألف الثانية الميلادية ..... و شكرا


حاجة تانية ... أنا كنت فاكر إن أزمة الأشارب دى أزمة خاصة بيا لوحدى .. لكن اكتشفت من التعليقات (و ذهلت فى نفس الوقت) إنها مشكلة عامة لدى العنصر الرجالى ... بل و العنصر النسائى يقر و يعترف بها .... يا رب صبرنا


حاجة تالتة ... يا بتوع جامعة حلوان خلوا بالكم من عيالكم ... و قد أعذر من أنذر

------------

بيبقى يوم مش فايت يوم ما بتسوقنى الأقدار إنى أنزل مع إحدى أخواتى البنات الاثنتين عشان نشترى أشارب لإحداهما .. و بيبقى عندى إنى أروح أحرك الهرم من مكانه أهون عليا من مشوار الأشارب ده..أصلا أختى لما بتطلب منى إنى أروح معاها مشوار الأشارب دة بتبقى عارفة إنها بتطلب منى طلب شاق ..

عشان كدة قبل ما تطلب منى الذهاب معها عشان نشترى الأشارب بيسبق هذا الطلب سؤال فى ظاهره البراءة و فى باطنه العذاب الأليم : انت فاضى النهاردة ؟؟

فأنا بتلقائية و انا مش واخد بالى أرد و أقول لها: أيوة فاضى ..

فتبدأ بالابتسام حيث لا يوجد ما يستوجب الابتسام مما يدعونى للتوجس و تبدأ علائم القلق فى الظهور على وجهى .. و يقابل ذلك ظهور الابتسامة بشكل أكثر ابتهاجا على وجهها ربما محاولة منها لامتصاص قلقى .. أو ربما مستمتعة بما سوف أتعرض له بعد دقائق قليلة من صنوف العذاب الأليم .. فتتبع أختى السؤال السابق بسؤال آخر إجابته معروفة بالنسبة لها ألا و هو: طب ما تيجى معايا نشترى أشارب؟؟..

و هنا يسقط فى يدى و تخرسنى الصدمة .. طبعا لازم أوافق و إلا أمى (اللى هى أم أبو العساقيل... فاكرينها؟؟) هاتتعامل معى بما لا يقبله أى عسقول لذلك أضطر صاغرا إلى الموافقة لتبدأ رحلة العذاب

و فى طلب الأشارب .. ننزل من البيت و نحن نعرف وجهتنا .. نتجه مباشرة إلى المول الأولانى .. و عبارة "المول الأولانى" ليها مدلولات كتيرة .. أول هذه المدلولات موجود فى كلمة "مول" لأنه بالتأكيد أى مول هايحتوى على ما لا يقل عن عشرة محلات لبيع الأشاربات مما يجعلك تدرك مقدما عدد المحلات التى سيتم تفنيدها بحثا عن الأشارب .. أما كلمة "الأولانى" تعنى أن هناك مول "تانى" و ربما "تالت" و دة معناه إن العشرة محلات اللى فى المول الأولانى التى تم غربلتهم طلبا للأشارب لم يوجد فيهم أثر لأشارب يحقق الشروط المستحيلة التى تشترطها أختى فى الأشارب .. و دة يجعل احتمال إن محلات المول التانى يبقى فيها الأشارب المعجزة اللى يحقق مطالب أختى احتمال مستحيل تقريبا و إلا كنا لقينا أشارب مناسب فى المول الأولانى

و أحب أقول لكم إن الحصول على اتنين كيلو لبن عصفور كناريا استرالى يعد أيسر بكثير من الحصول على الأشارب اللى فى خيالها .. و بصراحة أنا كل رجائى فى الدنيا إنها تدرك هذه الحقيقة لأنها لو أدركتها يا إما هاترضى تتنازل شوية عن بعض شروطها فى الأشارب .. أو ماننزلش أصلا من البيت بغرض البحث عن شىء لا يوجد إلا فيما وراء الطبيعة .. أو نبحث عن الأشارب المطلوب فى كتب الخيال العلمى .. أو نحاول استخراج الأشارب من أساطير الأولين

اللى يغيظ .. إن الأشارب من دول بيبقى مناسب لكن بيترفض لوجود مجموعة معينة من الأسباب .. فى حين إن أشارب تانى ممكن يترفض لخلوه من الأسباب التى تم رفض الأشارب السابق نتيجة وجودها فيه .. أو نصل إلى أشارب مناسب مبدأيا من ناحية اللون و القماش و لكن يتم رفضه لأنه توجد عليه مثلا وردة صغيرة مش باينة ذات لون بنفسجى .. فى حين إنها لما تلف الأشارب هاتلاقى الوردة مش هاتبان .. لكن مافيش فايدة .. الحكم صدر على الأشارب المسكين بالرفض و لا رجعة فيه .. و أحيانا تتوالد أسباب رفض الأشارب من بعضها البعض .. يعنى ممكن يتم رفض أشارب عشان فيه إطار بنى .. و لما نلاقى أشارب تانى أخوه طبق الأصل فى محل تانى لكن بدون الإطار البنى يطلع نوع القماش مش عاجبها .. و لما نلاقى فى محل خامس أشارب قماشه كويس و من غير زفت بنى يطلع سبب الرفض إنها عايزة يكون فيه تشجيرة بنى أسطورية الإيحاء عشان شكل الأشارب يبقى حلو .. و لما نلاقى الأشارب اللى يحل المعادلة التفاضلية دى فى محل عشرتاشر نلاقى إن سبب رفضه هو احتواء الأشارب على ورقة شجر بنى و هى مش بتحب لا ورق الشجر .. و لا اللون البنى .. طب يا ستى نولع فى اللون البنى خالص .. تقول لى: لأ .. لازم بنى عشان هايليق على الهدوم البيج .. و أخيرا نوصل لأشارب هو بالظبط اللى هى عايزاه و كأن الوحى قد نزل على مصمم هذا الأشارب بالمواصفات التى فى مخيلة أختى تماما و لولا يقينى بأن مصمم هذا الأشارب هو بشر مثلنا لقلت أنه يعلم الغيب .. و لكن حينها يكون مزاج أختى قد تغير .. و تتذكر أن أشاربا شاردا من مئات الأشاربات اللى فاتوا علينا أثناء الرحلة هايكون مناسب أكتر و لازم نرجع ندور عليه .. فى هذه اللحظة تبدأ فى الظهور عليا أعراض الإصابة بالانشكاح فى الشمبرلاح .. و نبدأ رحلة العودة متحملا آلام إصابتى بالانشكاح للبحث عن الأشارب الفذ بمعاودة تفنيد المحلات اللى فحصناها من بداية الرحلة .. التساؤل المهم الذى يطرح نفسه الآن .. هل هانلاقى الأشارب الذبلة اللى رجعنا عشانه و لا لأ ؟؟ دة أمر بيتوقف على دعاء السيدة الوالدة (اللى هى أم أبو العساقيل عشان ما تنسوش) .. لو هى داعية عليا يبقى مش هانلاقى الأشارب فأبتدى أعانى ويلات استمرار البحث عن الأشارب الفلتة .. أما بقى لو لقيناه هايكون دة معناه إن برضه أمى داعية عليا لأننا بعد ما نلاقيه مش نشتريه بقى و نخلص .. لأ .. تبدأ أختى فى تطبيق سلسلة الشروط الماوراء الطبيعية على الأشارب ليحصل الأشارب على حكم قاطع مانع جامع لا راد له بالرفض التام و الغير مبرر ثم ننطلق لنكمل رحلة البحث عن المجهووول فى غياهب المووول

الغريب إن أختى فى وسط معركة الأشاربات هذه و تحت مثار النقع فوق رؤوسنا فى الليل الذى تهاوى كواكبه (على رأى الباشمهندس بشار بن برد) بتكون فى منتهى النشاط و فى أفضل حالاتها النفسية و بتتحرك بمنتهى الحماس .. و كأن مجرد عملية تمشيط المول و محلاته هى الهدف و ليس شراء الأشارب هو الهدف.. واحد صاحبى مرة قال لى إن الحالة النفسية لزوجته بعد الرجوع من مشوار شراء أى حاجة بتبقى أفضل ميت مرة من حالتها النفسية بعد الرجوع من نزهة

مرة أختى و هى بتبتدى تفاوضنى على الذهاب معها فى رحلة أشارب .. نويت فى بالى نية و أضمرت أمرا .. قلت لنفسى إننا و احنا بننقب عن الأشارب فى صحراء المول أنا هاقوم بعمل معين أطلع منه بنتيجة و لما أواجه أختى بالنتيجة دى بعد الرحلة هاتقدر تدرك بنفسها عدم معقولية الشروط اللى هى مشترطاها فى الأشارب .. فقلت بدل ما أنا واقف مستنى خارج المحل ما باعملش حاجة أنا أسلى نفسى و أقتل الملل بإنى أعد عدد الأشاربات اللى فى المحل .. بعد كدة أجمع المجموع النهائى فى نهاية الرحلة لعدد الأشاربات فى كل المحلات اللى روحناها عشان أحسسها بالكم الهائل من الأشاربات اللى هى رفضتها فى السبيل إلى اختيار الأشارب سعيد الحظ .. و كنت متوقع إن العدد هايبقى حوالى خمسميت أشارب

روحنا المول الأولانى .. و من محل لمحل .. و أنا مشغل العداد .. (و للأمانة .. اليوم دة روحنا مول واحد فقط مش مولين.. يعنى الرقم اللى هانوصل له كمان شوية ممكن تضربوه فى اتنين و انتم ضميركم مستريح) فى نهاية الرحلة هالنى عدد الأشاربات اللى أختى تصفحتها و رفضتها عشان تشترى فى الآخر على مضض أشارب مش عاجبها و رضيت بيه بالعافية عشان ما تروحش البيت فاضية

و الله العظيم عدد الأشاربات اقترب من خمسة آلاف أشارب .. خمسة آلاف أشارب يا عالم يا هوووووووو ...... خمسة آلاف أشارب مافيهومش واحد يحقق المعادلة اللوغاريتمية الصعبة

معنى كدة إن أنا لو فكرت أشتغل بياع أشاربات فأنا محتاج يكون عندى فى المحل خمسة آلاف أشارب عشان أتمكن من بيع أشارب وحيد .. دى بالتأكيد تبقى تجارة خاسرة .. و لما واجهتها بالحقيقة المذهلة و أنا متخيل إنها هاتدرك هول ما فعلته و هاتبدأ فى التراجع عن معتقداتها أمام هذا الدليل القاطع لقيتها بتقول لى:"و إيه يعنى خمستلاف أشارب .. دة أنا كان نفسى يبقى فيه أكتر من كدة عشان ألاقى الأشارب اللى أنا بادور عليه" .. أنا مش هاقول على اللى حصل لى ساعتها لكن أنا هاذكر وقتها إن مرصد حلوان قام برصد هزة أرضية مقدارها ستة و سبعة من عشرة درجة على مقياس ريختر و مركز الهزة الأرضية كان مكان بيتنا

نداء إلى كل من قرأ هذه التدوينة .. لو كنت تنتمى إلى عالم الرجال فأنا أنصحك عند قيامك بمثل هذا المشوار (و هاتعمله هاتعمله .. دة قدر يابنى)
إما أن تتظاهر قبلها بأنك ميت .. أو تتسلح فى أول الرحلة بشريط كامل من المهدئات لأنك ستستهلكه بالكامل حتى نهاية الرحلة

أما لو كنتِ تنتمين إلى عالم النساء .. فأرجوكن يا معشر النساء .. تعالين على أنفسكن و تنازلن و لو بمقدار قليل عن شروطكن فى الأشارب .. حتى عشان خاطر بياعين الأشاربات يعرفوا يلقطوا رزقهم .. و الله أنا لو شوفت واحدة فيكن لابسة أشارب درجة لونه تختلف بقدر بسيط - أو بقدر كبير حتى - عن درجة لون باقى الهدوم و لا هايفرق معايا .. بل بالعكس .. دة أنا هاقدرها جدا و هاقدر مقدار التضحية اللى قامت بيها و تنازلت للدرجة إنها تسمح بهذا الاختلاف الطفيف فى درجات الألوان

بصوا بقى من الآخر .. أنا يوم ما أتجوز أنا هاتجوز يا إما واحدة مش محجبة أصلا .. أو لو محجبة أنا هاشترط فى عقد الزواج إن زى ما العصمة هاتكون فى إيدى .. برضه حق اختيار الأشارب هايكون فى إيدى .. و ماشى يا بينى آدمين

بقلم

ابن حجر العسقلانى


هناك 91 تعليقًا:

المـــفـــــــقــــــــوعـــــة مــرارتـهــا يقول...

بص ياعسقول ياخويا من الآخر كدة وعلي بلاطة مش عاوز عروسة انا ممكن اجيبلك عروسة عشان انت واحد صبور وحمول
ماهو اللي عنده صبر كدة يخرج وينقي ويسيب اخته تحيره عشان ايشارب
يبقي واحد عنده صبر أيوب واللي هاتتجوزها هاتبقي محظوظة
ربنا يسعدك ياعسقول ويريح بالك

Mafrousa يقول...

ههههههههههههههههههه
ايون احنا بنعمل كده
ايه فى حاجه؟؟؟ّ!!!!
ماهو لازم نشوف اليشارب ده حيليق ولا لأ
و ان لاق على الهدوم لونه مش بيبقى جلو على الوش
و العكس صحيح
هههههههههههههههه
انت يا بني من قصرها تقول للبنت اللي حتتجوزها تلربط منديل احسن
ههههههههههههههههههه
بلا خوته ووجع قلب
هههههههههههههههههه

Mafrousa يقول...

همه العالم اللي نزلو الايشاربات فين
همه مش هنا ولا ايه
طيب عم عسقول فييين؟
دورولي عليه حالااااااااا
بالاااااااااااا
عاوزه انزل اشتري ايشارب
ههههههههههه
استلقى وعدك...
على الصبر اللي انتى فيه ده
كلنا اخواتك ياعم عسقول
....

ابن حـجـر الـعـسـقـلانـى يقول...

المفقوعة مرارتها

هو أنا صبور آه ... بس خلاص شحنى خلص .. ثم هى تبقى محظوظة و أنايجيلى انهيار عصبى .. لا يا ستى .. بلاها الجوازة دى .. إلا بقى لو ماعندهاش مانع تلبس أى أشارب أجيبه ليها .. كدة يبقى الموضوع فى السليم .. أقول لك على حل ظريف ... أنا ماعنديش مانع إنى اشترى ليها الف أشارب و هى مع نفسها فى البيت بقى تختار اللى هى عايزاه .. حل حلو ؟؟؟
-------------


واحدة مفروسة

أيوة .. مين بينده ... أنا حاسس ببوادر مشوار أشارب .. أنا مش موجود .. أنا سافرت مشوار لسنغافورة و مش راجع غير بعد شهر

سبحان الله ... مرة واحدة لقيت اخواتى بقوا كتار كدة ليه

حنين القلب يقول...

كل الستات كده يا عسقول بس للامانه مش كلهم انا بلف نص مولات اسكندريه بس وبشترى علطول وجوزى مش بيرضى يجى معايا ليه مش اعرف؟
المهم لما تتجوز ابقى ورينى هتختار ليها الاشاربات ازاى
وبعدين انت عملت كل ده من اشارب اومال لو هتشترى طقم خروج كامل طقم جيبه وبدى وبدى كات وشوز وشنطه واشارب واكسسوار كنت هتعمل ايه كنت انتحرت ؟؟؟؟
والنبى يا ستات احنا لينا الجنه
الرجاله دول علطول ظلمينا
بجد بوست دمه عسل تسلم يدينك

ka2en Makboot يقول...

:)

بص ياابن حجر يااخوية بص للجانب المضيء في رحلاتك المولية للبحث عن ايشارب ديه .. انك فهمت شوية من عقلية البنات .. هم الشوبينج عندهم هواية مش الموضوع اختيار ايشارب .. ولما تتجوز اديك فهمت القصة تسمع مراتك بتقول ايشارب تقوم تطلع كل اللي في جيبك وتحطه في ايدها وتقولها روحي يا حبيبتي خدي واحدة من صحابك واشتروا واتغدوا كمان علي حسابي وبكدا يبقى رحمت نفسك من مشوار الايشارب :))

دمت بكل ود وخير وسعادة

تحيــاتى :)

حنين القلب يقول...

مفروسه اديله والنبى عرفينه اننا مظلومين وانه مش صبور زى ما مفقوعه بتقول لانه لو صبور كان صبر للاخر مش دبس اخته فى حاجه هى مش مقتنعه بيها
كنت صبرت ان شاء تتفرج على 50000 اشارب المهم الاقتناع
هههههههههههههههههههههههههههه
ولا ايه يا مفروسه؟

زى الهوا يقول...

هههههههههههههههههه

طب ماتخلى اخت حضرتك تعمل زيى وتجيب الايشارب الاول , وعلى اساسه تجيب الهدوم بعد كدة , هترتاح اكتر بكتير , بس حضرتك مضحى فعلا , لأنى عمر اخويا ما راح معايا ولا مرة وانا بشترى الايشاربات , بس قول لأختك النصيحة دى تجيب البدى والجيبى وتختار بقى الجيبة على لون الوردة اللى فى الطرحة ههههههههه , بوست جميل وتخيلت بهدلة حضرتك فى المول

maha zein يقول...

انت يا جدع انت وامام الناس دي كلها وبتوع جامعة القاهرة الي هيهلوا كمان شوية
ايه يا عم الي خلاك تجيب سيرة مرصد حلوان فى البوست
بس عشان تعرف ان حلوان راشقة في كل حاجة
وعمود من عماويد مصر
انا مش ساكنة في حلوان
بس جامعتي فيها
تبقه ذى الفل
بعدين يا عم ما تسيب اختك تنقي براحتها مش فهمة يعني حقدكوا
ولا انتوا عشان مش بتلاقوا يعني محلات فيها خمسين الف قميص وبنطلون
هو غل
البنت زوقها عالى وعوزة تجيب اشيك حاجة ومتكنش منتشرة
بيني وبينك الايشارب هو الي بيبين البنت دي شيك ولا نص لبة
يعني شكل الايشارب والجزمة هما الاساس لقياس مدى شياكى الللبس
استحملها شوية يا جدع
واستغفر ربنا علي كل الي قلته في حق النساء
قال اتنازلوا قال وهاتوا اي ايشارب
انت مدرك انت بتقول ايه
بوست رائع جدا
بس في انتظار بتوع القاهرة يجوا يشاركوك غلك
يلا يا بتوع حلوان تعالوا زورونا
غلاوي

الـسـيـدة نـون يقول...

هههههههههههههههههههههههههههههههههه
ههههههههههههههههههههههههههههههه
ههههههههههههههههههههههههههه
ههههههههههههههههههههه
هههههههههههههههههههههه
هههههههههههههههههههههههههه

مش معقول انت تجنن يا عسقول

وطبعا فاكرين ام ابو العساقيل
وهى دى حد يقدر ينساها
ده كفاية كيس البيض الى انت كسرته بيضة بيضة

ههههههههههههههههههههههههههه

المهم يا جميل
والله بما انى من معشر النساء
ولا هو فيه حد عنده راى تانى؟
امممممممممممممم
طيب

المهم
بما انى من معشر النساء احب اقولك
انى ساعات بكون زى اختك بالظبط

وساعات تانية تلاقينى فى اقل من تلات دقايق كنت اشتريت الايشارب


يعنى انا امبارح بس اشتريت ايشارب من هايبر وان
فى تلات دقايق وعارف بكام ؟
مش هتصدق
بخمسة جنيه
اه والله العظيم ايشارب بخمسة جنيه

وعلشان كدة انا اشتريته فى تلات دقايق


المهم
ده انت ضحكتنى ضحك
ههههههههههههههههههههههههههههههه
ربنا يسعدك يارب
تحياتى ليك
اختك خيخة

فارس بلا جواد يقول...

السلام عليكم ورحمة الله وبركاته
بوست هايل جدا
تحياتى

ابن حـجـر الـعـسـقـلانـى يقول...

حنين القلب

يااااااااااا لهوىىىىىىىىىىىىىىى

هو لسة فيه حاجات تانى ؟؟؟؟؟؟؟

إذا كان حتة أشارب عمل فيا كدة ... يبقى هاعمل إيه فى باقى الحاجات ... ربنا يصبرنى

بس حرام عليكم كدة .. خمسين ألف أشارب و المهم الاقتناع ؟؟ يا مغيث .. طب ليه الاقتناع ما يحصلش مع أول ألف أشارب

بس بجد تعليقك موتنى من الضحك
--------------------

Two in One

يبدو كدة إنى لو ما إديتش الفلوس لمراتى (فى المستقبل إن شاء الله) و هى تروح تجيب بيها اللى هى عايزاه .. هاروح أصرف الفلوس دى على علاجى من الصرع

بجد شكرا على التنبيه على هذه النقطة الاقتصادية و الصحية الجوهرية الألمعية

و رحمتك يا رب
----------------------
maha zein

تصدقى أنا كاتب الموضوع دة من فترة بس يبدو إن الإشعاع الحضارى بتاع حلوان كان مأثر عليا ساعتها فجبت سيرة مرصد حلوان .. أنا مش عارف هم ماعملوش مرصد فى القاهرة ليه جنب جامعة القاهرة

بس أنا كنت مألف لكم قصيدة هجاء جامدة .. هانشرها فى أول معركة بينا و بينكم إن شاء الله .. و طبعا مش محتج أقول إنى جاى أهدى النفوس .. دة شىء واضح من كلامى طبعا

و أشكرك على إنك قلتيلى على أن سر أناقة البنت فى الأشارب و الحذاء .. فقط

يعنى مافيش حاجات تانى لأنى مش هاستحمل إنى أكرر اللف و الدوران دة على أكتر من الأشارب و الحذاء ... و يا معين

ابن حـجـر الـعـسـقـلانـى يقول...

بت خيخة و أى كلام

احنا بنتكلم فى الأشاربات دلوقتى ... إيه اللى جاب سيرة البيض دلوقتى ؟؟ و لا هو لازم تسيحوا يعنى و تفكرونا بالذكريات الأليمة

يا ريت يا خيخة كل الأشاربات تبقى بخمسة جنيه .. بس برضه مش هاتفرق لأن مجرد تمشيط المول هو الهدف و لبس الحصول على الأشارب

ثم أنا مش عايز حد يختم تعليقه بعبارة "أختك فلانة" عشان كلمة أختك دى بتفكرنى بغياهب المول .. كلكم بقيتم اخواتى دلوقتى ؟؟ .. ياللا .. ما علينا

أخوكى بن حجر :-)

و ربنا يسعدك دايما يا رب و يحقق لك اللى فى بالك
----------------

فارس بلا جواد

و عليكم السلام و رحمة الله و بركاته

شكرا على تعليقك و نورتنا بزيارتك

kochia يقول...

قد كدة انت مخنوق من المشوار ده
بعد كدة اتحجج باي حاجة
بس مش كل البنات كدة
وان كان يعني النظرية هي هي انهم يلاقوا حاجة علي مزاجهم
بس عندكوا هي مزوداها حبتين تلاتة خمسة كدة

بس مشكلة (( البني )) دي انا سمعت عنها كتير

معلش بقي نصيب

تحياتي

الباحث عن الحقيقة يقول...

وعلى كده بقى ناويين تاخدوا عسقول وهتدفعولنا كام في الساعة؟؟؟
بالمناسبة احنا ما بنديش شهادة ضمان
هههههههههه
______________

انا قلت الواد ده مكافح محدش صدقني
صحيح طلع في الاخر مكافح بيعد ايشاربات
بس برضه ..يكفي انه بيعد ايشاربات

وبعدين ياد انت بتتلكك قال يا اتجوزها من غير حجاب يا اشترط عليها مش عارف ايه
طب ما تتجوزها من غير راس احسن

ولا اقولك خدها قرعه علشان ليلة الدخله انتم الاتنين قرع ..الليله هتولع بإذن واحد احد

ياختي كميلة ياختتتتي
تعالى نزلتلك فيديو حلو في الاستراحة

ملحوظة : فرنسا والرايق ما بنقبلش شيكات الدفع كاش

فاتيما يقول...

يا عسقلانى
الله يحظك ضحكتنى يا شيخ و انا اللى زيى ملهاش ضحك الأيام دى
بس بجد خلتنى أضحك من قلبى
حكاية اللف دى ليها هدف تانى غير الشراء
و هو الفسحة و التمشية
واضح إنها لسه صغيرة و ممنوع تخرج لوحدها تشترى الإيشاربات
فلهذا إنت رايح فى مهمة امنية
و عموما الرجالة مبتحبش الشرا و لا التدوير
أنا شخصياً من و انا فى أولى جامعة بخرج أشترى حاجتى لوحدى و لو معايا أى حد معرفش ألف براحتى خالص
معلش الستات نمكية شوية
بس التفاصيل الكتير دى جزء من شخصية أى واحدة
و بكرة يا سيدى ييجى إبن الحلال اللى يريحك من المشوار دا
و تتسلم إنت الشعلة من أخ تانى غلبان زى حالاتك
و تحياتى ليك و للحاجة و لست البنات اختك

غير معرف يقول...

بصراحه الله يكون فى عونك اكيد انت بتحب اختك لدرجه لا توصف .
بس انت الكبير والراجل و(الرجال قوامون على النساء).
بالنسبه للبن الكناريا الاسترالى انا ابعتلك بيتهيقلى كدا الامر بقى سهل .
طب تعمل اه مع واحد اشترى كوتش وقاسه وسألته عجبك مظبوط قال تمام وبعد مانرجع يقول دا ضيق شويه ونروح نرجعه تانى .وهكذا يحدث الامر اكثر من مره.!!
يا ابن حجر لازم تكون صلب واجمد لحد متجوزها وهيا حره مع جوزها الله يكون فى عونه.
اقدم اعجابى بالبوست والمدونه.

Lobna Ahmed Nour يقول...

رغم تعاطفي الشديد مع حالتك ....
الا اني لازم احذرك لو اشترطت ان حق اختيار الاشارب يكون في ايدك فانت احتمال كبير اوي تتخلع من اول اشارب
هههههه

sakayar يقول...

بص يا عسقول
انا هقولك الحقيقة
انت لو مكنتش اتعسقلت زمان وانت صغير
مكانش زمان حصل لك كل ده
يعني ده عقاب يابني
وذنبك انك اتعسقلت
واوعى تقول انك اتولد لقيتك متعسقل
علشان ده طعن ف البنكرياس ولا يجوز
بس هقول إيه
على رأي المثل يا حبيبي
القوي عليه ربنا يهده
والبيت بيت ابونا سبقونا ع الابواب
هههههههههه
يلا تعيش ومتاخدش غيرها
اصلي حاسس لو قالولك كلمة ايشارب دي بس بعد كده هتطلع جري ع البلكونة
او تنزل الشارع بهدوم مقطعة وتقول انا اللي جبت ده كله لنفسي
سلااااام
مدونتك لذيييذة

Mony يقول...

عارف يا عسقول

جوزي كان نفس العقلية البريئة بتاعتك ديه

يعني كان اخواته بيطلعه عين اللي جابوه في كل مشاويرهم

و يعيني ماكنش يقدر يتذمر علشان ابوه و امه(الاتنين)هيطينه عيشته لو مانزلش مع اخواته

فجمع كل الكبت اللي جواه من الناس ديه كلها و قرر انه ماينزلش اي مشوار يكون فيه لف و شراء ابداااااااااً(بس معايا انا)علشان انا اللي يقدر عليها

اما اخواته فلغاية دلؤتي بيمرمطوه برضه

بس الله يكون في عونك

و يعدين لو كنت انت ناويت العمل ده لوجه الله علشان ترضي ام العساقيل كان هيبقي في عداد تاني (غير عداد الاشاربات)هو اللي شغال
كان عداد الحسنات هو اللي هيشتغل يا فندم

المرة الجاية انوي قبل ما تنزل انك بتعمل العمل ده بر بأمك و اختك

و افتكر ان الرسول صلي الله عليه وسلم كان في خدمة اهل بيته
اي نعم ماكنش اهل بيته بيروحه المول بس اعتقد لو كان فيه كان هيكون معاهم

ربنا معاك في المرات القادمة

الطائر الحزين يقول...

ايه يا بنى اللى طلعك معاها
انا اكثر حاجة بنغظنى على رأى واحد حبيبى طريقة مشى الفاترينات تلاقى الواحدة ماشية معاك وعنيها على الفاترينة ممكن تصطدم بعربية تجبها بالعافية من على شفا حفرة او يمكن كانت هتقع فى بلاعة مفتوحة

وبعدين ممكن فى الاخر تلاقى اللى معاك اشترى جزمة وهو فى الاول نازل علشان يشترى ايشارب

العالم دى صحيت أمتى

Empress appy يقول...

هههههههههههههههخخخخخخخخخخخ
لا كده صعب قوى انت يعنى بتخوفنى علشان لما اتحجب انى هبهدل نفسى كده لا يا خويا بجد
عيب انا هبقى محدده فى الحاجات دى بس اشك لانى اساسا لما اروح اشترى اى حاجه بلف المول كله عليها بس برجع لاول حاجه لانى من الناس اللى عنيهم بتقع على اللى يناسب لهم على طول هههههههههه
بس والله انت اخ جامد تيجى تشتغل اخويا اسبوع وهاخدك كارفور وهايبر بس مش ايشاربات هههههههههههههههههه

Empress appy يقول...

عسقول هو الزلزال بتاع النهارده ده انت ليك علاقه بيه ولا دى توابع هههههههههههههههههه

داليا ..قوس قزح يقول...

طيب انا هقولك على حاجة
انا بقى عكس اختك
بيعجبنى كتير اوى و بشترى كل مرة كام ايشارب
بس بردو ولا واحد منهم احس ان هو ده اللى كنت عايزة للطقم معين

يعنى عندى درج مليان ايشاربات بستخدم ربعهم بس والباقى عجبنى شكلهم فبقول يمكن اشترى حاجة لهم


يعنى من الاخر كده بشترى الايشارب الاول هههههههههههههههههه

غير معرف يقول...

نبيلة
ـــــ

انت ياراجل ياللي اسمك عسقلاني ... مالك ومال حلوان مش اعلنت الحرب علينا ... وفين بقي بتوع القاهره ياعيني اتخدوا اثري...

سلملي علي اختك قولها هايله ... وعاشت البنات حره مستقلة.

الطائر الحزين يقول...

ابن حجر

هو انت قريب من الزلزال ولا ايه

ولا فيه حد دعى
معلهش يا بنى العين وحشة بردة

WhItE HeArT يقول...

ههههههههههههههههههههه

هموت من الضحك والله

اصلي بيحصل لي نفس اللي حصل لك بالظبط بس انته ماشاء الله عندك طولة بال غير طبيعيه

انا من الاول بقول لها بصي هما 4 محلات ملاقيتيش اللي انتي عايزاه يبأه مش موجود في مصر كلها

ونتفق وبروح معاها بسلامة نية وهيه بتبدأ تخون الاتفاق وهاتك يا 5 ويا6 وفي الاخر انا مبستحملش زيك انا بقول لها ده اخر محل لقيتي لقيتي ملقيتيش مش مشكلتي مش انا اللي هلبس


بس انا كنت متصور ان انا بس اللي في البلد دي بيعمل كده اتاري الموضوع منتشر وبأه مشكلة

وان شاء الله انا هسمع النداء بتاعك بعد كده

تحياتي

الطائر الحزين يقول...

شايف الافترا بتاع العالم

بيقولوا على الراجل مش صبور
كل ده مش صبور

يا عينى علينا

ما انا بقول لك ايه اللى طلعك من الاساس

المرة اللى جاية قول لها اوصفى لى وانا اروح اجيب لك

خالد حفظي يقول...

ما شاء الله عالمواهب
إيه الحلاوة دي يا عسقول
عارف أنا كبيري خمس محلات ... و شوية وتلاقي أم العيال بتقولهم
يللا يا ولاد أبوكم بدأ ينفخ
مفيش مكان بكرهه في الدنيا زي محلات الحاجات الحريمي .. بيتهيألي البياعين اللي بيشتغلوا في المحلات دي ربنا بيحبهم عشان كدة بيكفر سيئاتهم في الدنيا

الطائر الحزين يقول...

على فكرة لما بروح اشترى أى حاجة بيقولوى انا بجيب معاك من الأخر علشان انت مش بتفاصل لكن لو واحدة ست جت تشترى منى حاجة اقوم رافع السعر لحد ما هى تنزل منه اللى هى عاوزاه وتمشى ومفكرة انها عملت عمل كبير وهى فى الاخر مضحوك عليها بس هى بتحب كدة

maha zein يقول...

انتوا فين يا بتوع جامعة القاهرة
فين فين فين فين
صحابك باعوك
ههههههههههههههههههههههههههههه
يا لهوى عليكم
شباب تعبان
انا بهدي النفوس بس واكيد انت واخد بالك

maha zein يقول...

وانت كمان يا عم عسقول انت فين شكلك اتاخدت اسير علي راى نبيلة
مش هنفرج عنك غير لما تمضى اقرار علي نفسك انك تفتح محل ايشاربات فيه خمس الاف ايشارب بإطار بني وورد بنى

نعكشة يقول...

بجد بجد بجد

ربنا يخليك لأختك
و يعزك

أنا غبطها عليك

أنا لو اخويا بيخرج معايا كدة كنت عملت فرح بنت العمدة
لأ و إية يستحملني ادخل كدا محل
هذا من ضرب الخيال
ضربة و علقة مشافهاش قبل كدة كمان

آل يخرج معايا آل

ربنا يخليك لإخواتك

أما بلنسبة للأشاربات

فانا مرة خرجت و جبت اشاربات بالهبل ملبستش منها ولا حاجة

مع اني من الناس اللي بيلبسوا أي حاجة علي أي حاجة

لأ اختيار الايشارب فعلا عشان يليق علي الهدوم مشروع صعب

عامتاً

اتمني دوام لاصحة و راحة البال

سلامٌ عليك

رئيس حزب المغتربين يقول...

شوف بقا يا سيدي انت متضايق عشان نازل مع اختك عشان تدور على إيشارب بالرغم من انك ممكن تكسفها تزعق لها اى حاجة انما بقا لو نزلت فى يوم تدور على ايشربين لخطيبتك الجديده واختها وطبعا مش هتقدر حتى تنفذ عن غضبك ولا بنص كلمه دي بقا بجد المأساه يا سيدي والمصيبة الاكبر ان الاتنين ذوقهم مختلف انا افتكر انى فى اليوم ده وهو يوم واحد لأنى فسخت خطوبتى بعدها انا فى اليوم ده لفيت تقريبا 4 مولات واخوك بقا معاه عربية يعنى لف يا معلم ووسط البلد وايه بقا وفى الاخر اشترينا الايشاربات من محل جنب بيتهم قولتلهم طيب ما جيناش هنا من الاول ليه قالولى عشان احنا كل مرة كده عارفين ان الى احنا عايزينو هنا بس ممكن نلاقي حاجة احسن بره وكانت ديه نهاية علاقتى مع الايشارب ومع خطيبتى وكان اول شرطي لمراتى لما اتجوزنا هتنزل تشتري الايشاربات مع اخوها مش معايا ولحد دلوقتى انا محقق الشرط ده وشكرا إيهاب

بنات افكارى يقول...

السلام عليكم

ايه دا ماشاء الله على حضرتك والله تستاهل وسام فى قوة التحمل وربنا يخلي الوالدة ام ابو العساقيل يارب ويخلي اخواته كلنا فينا العادة دي بس انا الحمد لله خفيت من زمان وبطلت ايشاربات عقبال الباقي يااااااااارب علشان نريحكم وحلو اوي الشرط اللي هاتشرطه على زوجتك ان شاء الله حل بردو علشان بعد كدا مش هايبقى مشوار واحد وممكن تفلت منه زي مع اخواتك لا دا هايبقى اجباري ربنا يصبرك يارب ويعينك بس بردو ارجع اقول ان حضرتك عملة نادرة فى قوة التحمل انا ممكن اخويا يخلص مني فى اقرب فرصة عادي يعني لون هو اللي بيعمل العكس وياخدني اختارله لبسه
يلا يافندم ربنا يخليك ليهم يارب وماتتحرمش من لفك معاهم فى المولات قادر ياكريم وربنا يجوزهم وترتاح

السلام عليكم

son's egypt يقول...

السلام عليكم
خلاص ياعم عسقلان لما تسالك تاني ابقي اعرف الاول الغرض من السؤال بعد كده جواب

صبرني يارب يقول...

هههههههههههههههههههه
عسقول انا عن نفسي ما بيجيليش روح الف كده على الهدوم والايشاربات وما الى ذلك

يمكن وانا بنت كان ليا روح شويه بس مش اوي كده زي اخواتك

واكبر عذاب ليا فى الدنيا لما اكون نازله اشتري لبس العيد لولادي يا لهوييييييييييييي
بيبقى يوم جاز

ولا لما كنت باشتري هدايا للعائله الكريمه العريضه الطويله وانا فى الامارات.
كان جوزي وانا بانقي الهدايا بصراحه بيبقى هاولع فيا وكل مره يقرر انه ما عادش هايشتري هدايا خاااااااالص
بس وربنا كنت باجيب حاجات حلوه وفى حدود الميزانيه ولاخواته بس هو كان بيبقى هيولع فيا برضه ههههههههههههههه

اما الآن فحضرتك بالعافيه بيجى معايا وانا باشتري الجزم للعيال عشان بيبقوا كلهم معايا
وبطل ينزل معايا خاااااااااالص فى اي حاجه تانيه حتى هدوووووووومه انا الى باشتريها .

maiosha يقول...

ههههههههههههههههههه
والله يا بختها أختك بيك .. أمال اللى زى حالاتى اللى معندهاش إخوات ولاد تنزل مع مين بقى؟؟

وبعدين إنت كده هتوقف حالنا .. مش عايز تتجوز واحدة محجبة.. طيب والمحجبات ميتجوزوش ولا إيه؟

وبعدين كويس إنك طمنتنى إنك لو لقيت لون الإيشارب درجته مختلفة مش هتفرق معاك.. بس على فكرة ده مش هيغير مسار ولا وقت رحلة البحث عن إيشارب

مواطن مصرى نايم يقول...

هههههههههههههههههههه
ايشارب
يا راجل انا لما بنزل معاهم عشان اى حاجة
بفرض رائى و ذوقى هو اللى بيمشى
و كمان عن رضا
لا انا مفترى على فكرة
و حمش
ااااااااااااااه
يعنى مش اى ايشارب يهزنى

مواطن مصرى نايم يقول...

appy
appy
appy

اتحجبى و متخافيش دا الواد ابوا العساقيل مزودها
و لو عالايشارب انا ابقى اجيبه ليكى
ذوقى حلو على فكرة
امانة عليكى اول ما تتحجبى تقولى لى

عشان اجيب لك اول طرحه
ههههههههه
بجد انا اد كلمتى

انتى نسيتى الواد الطائر
و مفروسة و الرايق
انا رابطهم فى رجل البلوج تحت

Mahmoud البطراوى يقول...

ههههههههههههههههه

كلنا هذا الرجل

ابن حـجـر الـعـسـقـلانـى يقول...

أنا عارف إن الأخت فرنسا و الأخ الرايق هايعلقونى على التونجر على باب المدونة عشان اتأخرت فى الرد ... بس أنا لسة راجع من برة دلوقتى .. فاتوسطولى يا جماعة عندهما عشان مش هاستحمل تنجرة (من التونجر يعنى) أو قولوا لهم يقللوا الأمبير بتاع التونجر شوية




kochia

آه و الله مخنوق جامد .. و خلاص مابقيتش مستحمل أسمع كلمة مول
ثم هى إيه حكاية اللون البنى دة صحيح؟؟ عامل مشاكل كتير

------------------------------
الباحث عن الحقيقة

تصدق بإيه أنا كنت بافكر فى موضوع الزوجة القرعة دة .. و لقيتك بتتكلم عنه فى التعليق .. و شكلى كدة هاخد الموضوع بجد .. و أحيك على هذه الفكرة الـ"لامعة" يا باحث

بس بقولك إيه يا برنس .. أنا باقول نقلل الضريبة اللى هاناخدها من المدونة دى بحيث إنهم يشرفونا فى الاستراحة ... و هناك بقى ننحل وبرهم
------------------------------

فاتيما

كويس إنك أكدتى لى موضوع إن الهدف مش الشراء بل الهدف هو التنزه و التمشية و أحيانا اختبار قدرة الأخ على التحمل و الصبر

و حكاية إن ييجى بن الحلال اللى يريحنى من التعب دة و إنى آخد الشعلة من أخ تانى غلبان موتتنى من الضحك و فكرتنى بكذا مثل
الأول:شيلنى و أشيلك
الثانى: شيل دة من دة يرتاح دة عن دة
الثالث: لا تعايرنى و لا أعايرك ياللى الهم طايلنى و طايلك

و الحمد لله إننا رسمنا الضحكة على وجوه الناس
--------------------------

australia

لا دة مش حب .. دة قهر بعيد عنك .. و ألف شكر مقدما على لبن العصفور .. هم مش هايبقوا عشرة كيلو برضه .. و لا أنا كدة طلبت كتير ؟؟

و الله يكون فى عون صاحب محل الكوتشى
-----------------------------

Unique

يا لهوى ... خلع ؟؟؟ لأ حرام ... و الله نحن معشر الرجال غلابة إلى أبعد مدى .. و يارب صبرنا
--------------------------
sakayar


بالفعل الذنب ذنبى لأنى اتعسقلت بدرى .. و على رأى المثل .. اللى ياكل على ضرسه .. يجيب حمام و يطيره

ثم أنا خلاص جات لى فوبيا الأشاربات

بس تعالى هنا .. انت عرفت ازاى شكل الهدوم اللى أنا لابسها ؟؟؟؟؟
-------------------------------

mony

مش عارف ليه حسيت إنى بافكرك بزوجك أيام شبابه دة بافتراض إنى أنا شباب مع إنى بعد كل هذا القدر من الصبر بدأ شعر رأسى يشيب

و بجد أشكرك على التذكير بالنية الحسنة .. بس بجد نفسى اتعتق بقى من المشاوير دى .. طب هم يعملوا فيا حسنة و يعتقونى لوجه الله .. صدقينى هايبقى ثوابهن كبير عند ربنا

و بجد تعليقك ضحكنى كتير

-------------------------------


الطائر الحزين

هاهاهاهااااااااى .. حلوة حكاية ممكن فى الاخر تلاقى اللى معاك اشترى جزمة وهو فى الاول نازل علشان يشترى ايشارب .. ضحكتنى يا راجل
بس أنا بصراحة مش باصطدم بحد أثناء تجوالى فى المول لأنى مش باطيق أبص على المحلات و بابقى مركز فى طريقى خصوصا الطريق إلى باب الخروج من المول .. و يا سلام لما باقرب من الباب .. روحى بترجعلى .. و الصبر يا رب
----------------------------
appy

هو فيه إيه يا جدعان .. إيه حكاية الأخوة اللى زادت فجأة عندكم اليومين دول .. هو أنا بقيت أخو كل الناس و لا إيه

طب بصى يا ستى .. مادمتى بتلفى كل المول و ترجعى لأول محل .. أنا هابقى استناكى عند أول محل لغاية ما تخلصى لف

طب مشوار هايبر دة هايكون فيه أكل ؟؟؟ لو فيها أكل هاجى ألف و اتحمل شوية معلش ..ز ماحنا اخوات برضه :-) .. و لا إيه ؟؟

و بخصوص الزلزال ... أنا و الله ماليش علاقة بيه .. ثم دة كان الساعة ستة الصبح و مافيش مولات بتفتح فى الساعة دى

ابن حـجـر الـعـسـقـلانـى يقول...

اسمحولى يا جماعة أكمل ردود بكرة ان شاء الله عشان خلاص فصلت شحن

مصطفى محمود يقول...

ياحج انت روحت مشوار الايشارب بس

امال لما تروح على باقي الهدوم ؟ :)

بص من الاخر زي مانت قلت دا قدر

ربك يسترها

انا بحذرك من الصراحة دي لأنها خطر خصوصا مع جنس الايشاربات

سيكو عليكو

Unknown يقول...

ابشروا .. هنقفل المدونات ونقعد فى البيت
يوم الاربعاء 9/7/2008

فى المصرى اليوم كتب الاستاذ / مجدى الجلاد عن مشروع جديد

لتقييد الحريات واليكم المقال
---------------------------------------

قانون «ذبح» الفضائيات .. والـ «فيس بوك»!

ادعوكم لبحث هذا الموضوع الخطير قبل فوات الاوان

محمد فوزي يقول...

لا يا بني ده مش صبر ده إستسلام , وانا لو مكانك ومع اني مبحبش فان دام كنت مثلت فيلم لا تراجع ولا إستسلام بأجزائه الأربعه وولعت في المول والأيشاربات و... لا حرام مقدرش
دي حبيبتي والله
بس برده الرحمه حلوه , وبعدين مالها الإيشاربات الساده وأهو حتى ينفع لو هي خريجة فنون جميله إنها تلونها وترسمها على مزاجها ونخلص بقى

تحياتي يا عسقول
من طرف أخوك فوزي
( وأظن الإخوه اللي من النوع ده متخوفش )هههههههههههه

Empress appy يقول...

منكن يا عسقول اجيب لك بسكويت من ابو مسين قرش بسسسسسسسس
لان باقى الميزانيه رايحه على اللبس يا عم البشمنهدز ههههههههه

Mafrousa يقول...

مساء الخير انا جيت
فين عسقول
فين ام الخرفاااان
فين مفقوعه
فين....فرنسا
فين ...االرايق
فين الاولاد و البنات
الحياء منهم و المحبوسات

محدش هنا؟؟؟
عسقووووووووول
عسقووووووووووول
تيجي معايا السوبر ماركت؟؟؟
تلاجة هيما فاضية..عاوزين شوية حاجات

ولا اقولك ...عيد ميلاد دوبا كان يوم 14 تيجي نجيب هديه

ولا اقولك تعالي .....
إيه يا عمنا بتجري ليه
تعاااااالي
انت زعلت؟؟؟؟
اصلك يا عسقول..بالك طويل....و انا عاوزه اللي يلف معايا يكون باله طويييييييييييييييييييييييل

بلااااش حروح آخد ام الخرفان حبيبتي الففها معايا و اضحك عليها و اخليها تدفع
هههههههههههههه

همس الاحباب يقول...

هههههههههههه
كل ده علشان ايشارب
ومال لو طقم كامل كنت عملت ايه
قعدت اسبوع من الزمن تلف وتدور
بس والله جدع انا لو مكانك كان زمانى ولعت فى المول واختى كمان وولعت فى الايشاربات اللى فى البلد كلها
بس بينى وبينك انا لما كنت خاطب
كنت بحب الف قوى على المولات كانت خطيبتى تدوخنى معاها بس كان زى العسل على قلبى
اما دلوقتى خليها تقولى تعالى نشترى زجاجة زيت من السوبر ماركت
كلا ثم كلا ثم كلا
نو
نو
نو
هو احنا فاضيين للكلام الفاضى ده
قال زيت كان زمان وجبر يا اختى

همس الاحباب يقول...

وبعدين لما هما مش بيعجبهم العجب ولا الصيام فى رجب
بيشحطوطنا معاهم ليه
هى بهدلة وخلاص
ما يقطعوا ملاية السرير ويعملوها ايشاربات ويريحونا يا جدع
او ينزلوا عند المنجد يفصلهم ايشاربات حسب الطلب
بلا فقعة مرارة

عبده الرايق يقول...

ايه الكلام الفاضى ده ياعسقلانى ؟؟؟؟
انت بتنفى مسئوليتك عن الزلزال
يعنى ايه ؟؟؟
مين بقى المسئول ...انا يعنى ولا مين ؟؟
بص بقى يا عسقول
كل واحد ياخد حقه
وانا هافضحك على النت
وهجرسك ولازم كل الناس تعرف الحقيقه
وتعرف مين سبب الزلزال
انا لايمكن اخبى حاجه
ولايمكن ادارى عن اهلى وناسى اى حاجه
انا هاقول الحقيقه
كنوز العالم كلها متسويش نقطه فى بحر الحقيقه
انا رجل ليا مبادىء
وليا تاريخ مشرف فى ثوره 1995 وليا مواقف بطوليه فى حرب 2007 وجدودى ليهم تاريخ مشرف فى ثورات 1921 و 1946 و 1955..يعنى احنا عيله بطوله
لكن انا ممكن اسكت
واغطى على الخبر ماجور
لو بعت لى 15 الف يورو
او ما يعادلها من الدوررات
132 الف دورر
او علبتين سجاير وباكو معسل

عبده الرايق يقول...

انت تستاهل
فى حد فى الدنيا ينزل يشترى ايشارب
ياراجل حرام عليك
انا لايمكن ابدا ابدا اقف على الفرنه واشترى ايشارب ابدا ابدا
نو
نو
نو
فرنه؟؟؟؟؟؟؟؟ نو و وان سوازانت نو

عبده الرايق يقول...

الباحث عن الحقيقة
ازاى مفيش شهاده ضمان ؟؟؟؟؟؟؟؟؟
نو
نو
نو
ده برضه كلام معلمين يامعلم
احنا هنعرض الموضوع على فيفى
ودى تعتبر اعاره مش بيع
والعقد معاكم ومعانا قانونى
حتى اسأل اى لاعب يقولك
وبلاش نتكلم على عصام الحضرى
العسقلانى حاله والحضرى حاله تانيه خالص
انا الدكاتره عبده الرايق بما انى المسئول القانونى عن المدونه وبما انى دكتوراه فى انتقالات اللاعبين والمدونين اعلن الاتى
بالنظر الى الماده رقم 32 h . r . r المعدله بالماده رقم 32 r .r .h فقد افتى المسئول الخامس لفيفى ان ابن حجر العسقلانى من حقه الانضمام الى الضاحكون بدون قيد او شرط ولا يحق للباحث المطالبه باى حقوق ماديه ..ولو اتكلم يسجن مده لا تزيد عن 200 سنه ولا تقل عن 199 سنه..وهذا بعد ان تأكد لفيفى ان الباحث كان يعامل ابن حجر معامله سيئه حتى انه عزم ابن حجر على اسبوع مصيف فى الاسكندريه وقبل الرحله اجر الباحث ناس نزحت البحر وبقى فاضى من الميه خالص مفيش الا القروش والسمك والحيتان والمراكب كله واقف صف انتظار موازى للرصيف مستنى الميه

Unknown يقول...

على فكرة ....فكرة مدونتكم دى جامده لانكم كذا واحد بيدون فيها وبتبقا عمل جماعى ودى حاجه حلوة اتمنى التواصل

همس الاحباب يقول...

ايه رايق
هو انت اخترعت دستور وقوانين على مزاجك ولا ايه
ويورو ايه اللى بتتكلم عنه

عبده الرايق يقول...

رئيس حزب المغتربين
رئيس حزب المغتربين هههههههههههههههههه
والله جدع
بس برضه انا هتنزل تشترى مع اختك
ماهو كاس وداير
يعنى لو نزل الازواج هتنزل مع مراتك
ولو نزل الخطاب هتنزل مع خطيبتك
ولو نزل الاخوات هتنزل مع اختك
احسن حاجه
نرفع يافته لا للايشاربات

عبده الرايق يقول...

رئيس حزب المغتربين
هو انت عندك عربيه ؟؟؟
طيب ماتدينى لفه صغيره لغايه الصين

عبده الرايق يقول...

قصدك ايه يا خالد ؟؟؟
انا معرفشى اليورو ولا ايه ؟؟؟
نو
نو
نو
دى اهانه قوميه وطنيه فيدراليه
اليورو ده يا عمونا عمله قديمه الاصل من ايام السندقاليين
من سنه 4 ونص كليو قبل الميلاد
ووجدها العلماء منقوشه على ورق الحرنكش وعلى اعقاب السجاير
ايه
فى ايه
هتشككنا فى معلوماتنا ولا ايه ؟؟

عبده الرايق يقول...

هو فين البشر ؟؟؟؟؟؟
مفيش بشر
يا خساره
ذهبوا مع الريح
انا مش بقول يا خساره انهم مشيوا
نو
نو
نو
انا بقول يا خساره لانهم اكلوا الاكل كله قبل ما يمشوا
دول حتى لحسوا الطباق
وانا لسه جاى من السفر تعبان
ومسافر بكره الفجر تانى
اكل انا ايه بقى
حتى مراتى والاولاد عند حماتى
وانا مش بحب اسخن اى اكل نهائى
اكل ايه ؟؟؟؟؟
ههههههههههههههههههه
سؤال الحلقه
اتصل على 0900
واكسب مليون يورو
اكل ايه انا بقى دلوقتى
مع العلم ان التلاجه فيها حاجات كتير والله بس انا مكسل
واحد بيقولى منين الحاجات دى
اقوله
ربنا يخلى المحسنين
اكل ايه ؟؟؟؟محدش لسه قالى
دى غلطتى
انا متصلتش بمسز رايق وقولتلها انى جاى انهارده كنت عايز اوصل السويس وانااااااااااااااام كام ساعه واتصل بيهم بالليل
لكن
دلوقتى اكل ايه ؟؟؟؟؟؟؟؟؟؟
الظاهر انى لازم اختار
اما انى انام جوعان
او اتصل بمسز رايق

همس الاحباب يقول...

ههههههههههه
يا حرام يا رايق
تصدق صعبت عليا
اقولك نام خفيف احسن
بس علشان تعرف قيمة مسز رايق
اما اخوك بلا فخر ولا بيهمه
بجهز لنفسى العشا والفطار كمان

بس بشرط يكون جبن وزبادى اكتر من كده يا خسارة انام خفيف برده

همس الاحباب يقول...

ولا اقولك يا روقة
ابعت الطيارة الخاصة بتاعتك
تجيبك سيمون فاميه وملوحة ورنجة
من بلاد السند والهند وكمان تجيب معاها سن الفيل بالمرة

الدفاع يقول...

ايه يا اخوانا الانحدار اللى وصل له الاخوه الرجاله ده ؟؟؟؟؟؟
هى وصلت يا سيد عسقلانى انك تنزل تشترى ايشارب مع اختك؟؟؟؟؟!!!!!!!!
يادى العيبه والجرسه؟؟؟؟؟راحت علينا يا ولاد والقطه اكلت عيالها؟؟؟؟ياخبر ابيض!!!!!!!!!!ايشارب؟؟؟وكمان تلف على المولات؟؟!!!!ماحستش انك بتمثلنا فى الموقف ده وانك مسئول وانك هاينضرب بيك المثل كل ما واحده تحب تجرجر اخوها او جوزها تقوم تقوله هو انت يعنى مش زى عسقلانى اللى اتبهدل فى اليوم الفلانى؟؟ولا انت على راسك ريشه؟؟؟نتبرى منك يعنى ولا نعمل ايه؟؟؟ياللعار نتاويك فين دلوقتى؟؟؟؟؟ حد يا اخوانا يناولنى البندجه من تحت السرير نخلص عليه عشان مايحصلناش اللى حصله
يا سيد عسقلانى انا هاسيبك لضميرك يمكن تقدر تصلح غلطتك فى يوم من الايام
والله غفور رحيم

""""" يقول...

انا جايه اقولك يابختها اللى هتتجوزك بجد :)

انا اللى اعرفه ان مفيش راجل بيحب يلف وينزل مشاوير البنات دى

يعنى انا مثلا باخد اختى معايا عشان اجيب ايشارب بالعافيه

واهى اختى بنت ذيى بس انا نفسى ببقى نازله وكانى نازله ارض المعاركه ورايحه احارب

انا بتعدى عليا ايام كتير عشان بكسل اخرج اشترى حاجه

واخويا عمره ما نزل معايا اى مشوار اشترى حاجه لنفسى

نهائى

عمرتها ما حصلت ولا هتحصل

ربنا يخليك لاخواتك ويخليهم ليك
ويكرمك يارب

ابن حـجـر الـعـسـقـلانـى يقول...

قوس قزح

و الله انت كدة ريحتى نفسك .. انت كدة مية مية .. انت انزلى اشترى أشاربات بالهبل بعد كدة طبقى شروط اختيار الأشارب فى البيت ... و ممكن بعد كدة تفتحى محل بيع أشاربات تعرضى فيه أشارباتك الزيادة

اللى فى الدرج .. و أنا ممكن أشاركك بتلات الأشاربات اللى عندنا فى البيت .. و مش عايز مكسب .. كل اللى أنا عايزه إن ماحدش يطلب منى أروح معاه مشوار الأشارب دة تانى
------------------------------

نبيلة

هوباااااااااااااا ... أنا سامع تخبيط فى جامعة القاهرة و أبناء جامعة القاهرة .. معلش هم ماجوش عشان مشغولين حبتين .. هايخلصوا شغلهم على القهوة و ييجوا على طول
سلمتلك يا ستى على أختى .. و بجد نفسى البنات تعيش حرة مستقلة .. حتى تستقل عنى و تروح تجيب أشارباتها لوحدها بمزاجها

----------------------

الطائر الحزين

ازيك يا ابو الأحزان .. لا يا عم أنا لا قريب الزلزال و لا حاجة .. لكن ليا كلمة عليه .. يعنى ممكن يخدمنى فى هزتين كدة و لا حاجة

بس أنا مش عارف هم ليه بيقولوا الراجل مش صبور .. دة أنا بانقط صبر .. عالم مفترية يا جدع

و بجد ضحكتنى على البياع اللى نفد صبره و كشف لك سر المهنة فى لحظة ضعف ... دة و الله البياعين دول ليهم الجنة على رأى أستاذ وطنى
----------------------------

WhItE HeArT

يا عم يا بختك .. قادر تمارس بعض السلطة .. أنا بقى مش قادر .. حكم القوى بقى .. إلى جانب إن اخواتى بيلاقوا دعم لوجيستى و فكرى من أمى بحيث يجعلنى أنسحب من أى مواجهة بينى و بينهن

و يا بختك
------------------------

وطني
أستاذنا الكبير وطنى
الجملة بتاعة:"البياعين اللي بيشتغلوا في المحلات دي ربنا بيحبهم عشان كدة بيكفر سيئاتهم في الدنيا" دى موتتنى من الضحك .. و الله عندك حق .. أنا بجد تساءلت كتير إزاى البياعين دول قادرين يتغلوا ..

لكن يبدو إن كل ميسر لما خلق له .. أنا متهيألى لو اشتغلت الشغلانة دى .. أنا ممكن بعض نصف ساعة أكون مخلص على زبونتين خنقا و بيسلكوا من إيدى التالتة

و بجد أنا سعيد جدا بتعليقك يا أستاذ وطنى
-------------------------------

maha zein

يا أهلا يا أهلا بقائدة القوات المسلحة لجيش حلوان القومى

أنا واخد بالى بالفعل إنك بتهدى النفوس .. واضح جدا من كلامك .. لعلمك شباب جامعة القاهرة موجودين فى كل حتة بس هم بيختفوا عشان الحسد (اظهروا الله يخرب بيت سنينكم كسفتونا) .. دة حتى عندنا

الطلبة لما بيتخرجوا الجامعة بتسلمهم مع الشهادة حجاب ضد الحسد .. هو كمان احنا مش شباب تعبان .. هو انت تقدرى تقولى علينا شباب عيان .. أو مش عيان قوى .. هو شباب خرفان .. أو مش خرفان

قوى .. هو شباب متبهدل .. هو مش متبهدل قوى .. يعنى من الآخر تقدرى تقولى كدة إننا من الآخر شباب فاشل

و مسيرى أخبطكم القصيدة بتاعة الهجاء بس لما الهجوم يشتد

ثم شروط فك الأسر اللى انت حاطاها دى أشد عليا من الأسر نفسه .. أنا عندى أتأسر عن طلبة من جامعة حلوان أهون عليا من إنى أبقى تاجر أشاربات ... دة أنا كنت خلصت على نصف زبونات المحل و كان

الموضوع انتهى بإنى يجيلى صرع
------------------------

نعكشة

و الله أشكرك على الدعاء الجميل .. بس بما إنك بتتساهلى فى شروط الأشاربات .. اعملى معروف و استخدمى الأشاربات اللى عندك .. أهو توفرى فى المصروف شوية .. بس بجد أنا نفسى أبقى زى أخوكى

بس مش عارف .. كل الأطراف الأسرية متفقة عليا و ماليش أى حد يدعم موقفى فى المجتمع الدولى .. أنا بقى لما أختى بتروح لوحدها تشترى أشارب أنا باعمل فرح ابن العمدة (مش بنت العمدة طبعا لأنى

راجل) و باوزع شربات

و عليك سلامٌ الله و رحمته و بركاته
------------------------------

رئيس حزب المغتربين

يا راجل حرام عليك اللى عملته فيا بحكايتك ... أنا كنت حاسس إنى وصلت لأقصى درجات المأساة لقيتنى لسة جنبك تلموذ .. يا عم كان الله في عونك .. بس انت أثبت لى إن اللى أوله شرط آخره نور .. لكن

للأسف ماعرفتش أشترط على اخواتى نفس الشرط اللى انت اشترطته على الزوجة

بص .. أنا بادعمك و بادعم موقفك و أرجو إنك تثبت عليه و تفضل محقق الشرط دة ... دة انت بقيت مثل أعلى ليا يا راجل
---------------------

بنات افكارى

و عليكم السلام و رحمة الله و بركاته

الله يكرمك على الدعاء الجميل .. ربنا يجازيكى خير على دعائك دة بأفضل منه

أنا بالفعل حامل هم الزواج من مشاويره اللى شبه المشاوير دى .. لكن أنا ساعات فكرت إنى انتقم من اخواتى بإنى أطلب منهن النزول معى لشراء هدوم ليا .. لكن كنت مخطئ و اكتشفت إنى أنا كدة بانتقم من نفسى لأن المشوار بتاعى بيخلص فى لحظة و بنكمل باقى المشوار لف على حاجات لاخواتى ماكانوش ناويين يشتروها أصلا

بجد يا رب يتجوزوا و ارتاح (بالفعل واحدة منهما تزوجت) .. بس الله يكون فى عون اجوازهما

و شكرا على التعليق الجميل
----------------------------------

son's egypt

و عليكم السلام
و الله هو حل سهل .. لكن ساعة القدر يعمى البصر
هاحاول أبقى أكثر انتباها فيما بعد
و منورنا يا نجم

--------------------------

صبرني يارب

يا ستى أنا كنت هاعيط خلاص على المأساة بتاعة الشراء بتاعتك

بس بجد بجد تعليقك ضحكنى جدا .. لكن أنا ملاحظ إن كل الرجالة بعد الجواز تقريبا مش بيشتروا حاجة و الزوجة هى اللى بتقوم بالواجب و زيادة فى موضوع الشراء دة .. و لولا إنى عارف إن الشراء بيمثل ليكم متعة أنا كنت قلت انكم عايشين فى قهر لا نهائى .. بس انت قلتيلى إنك مش بتحبى تشترى الحاجات دى فيبدوا إنك بتعانى معاناة فظيعة .. الله يكون فى عونك
------------------------

maiosha

يا سلام عليكى يا رافعة معنوياتى .. بالفعل .. يا بخت أختى بيا و الله (أنا باهزر طبعا) .. بس يا ستى أنا لا هاوقف حالكم و لا حاجة .. بس البنات ما تحبكهاش قوى كدة .. إذا كان الأشارب بيستهلك كل هذا المجهود .. طب باقى الحاجات هاتعمل فيها إيه .. الشبكة و الشقة و العفش و الفرح و الحاجات دى ... دلوقتى الجواز بقى عايز سوبر مان

و بجد و الله أنا باكررها تانى .. أنا مش هايفرق معايا اختلاف لون الأشارب عن باقى الهدوم .. بس ليه مش هايغير مسار رحلة التنقيب عن الأشارب ؟؟؟
----------------------

مواطن مصرى نايم

إزيك يا أخى المواطن .. مش عارف ليه مش مستريح لكلامك .. حاسس إن فيه "حمشنة" زيادة عن اللزوم حبتين .. إلى جانب إن حكاية إنك تفرض رأيك و ذوقك على اخواتك دة مش راضية تدخل دماغى .. يا راجل قول كلام غير دة .. أو قوله لواحد مالوش اخوات بنات .. أنا فى مرة حاولت أسرع من عملية شراء الأشارب بإنى أشارك فى الاختيار .. حسيت بإن الكلام اللى باقوله معدى زى الهوا ... كأنه ماتقالش أصلا .. فشكلى بقى وحش فى المجتمع الدولى و من يومها آثرت الصمت
--------------------------------

بطوط حبوب

عندك حق .. كلنا هذا الرجل .. مش عارف إمتى هانفك الأسر دة

عروسة ننوسة يقول...

حلو اوى البوست وجامد

ابن حـجـر الـعـسـقـلانـى يقول...

مصطفى محمود

طب اضحك عليا طيب .. ما تصدمنيش بالحقيقة .. أنا كدة مش هاعرف أعيش

فلتحيا العذوبية

سيكو عليكو و رحمة الله
----------------------------

محمد فوزي
أيوة كدة .. هى دى الأخوة بصحيح .. طب باقول لك إيه .. ما تكمل جميلك و أديك عنوان المول و روح ولع فيه .. دة حتى المول جنبيه بنزينة على طول يعنى مش هاتتعب
------------------------

appy

و ليه تصرفى الخمسين قرش على البسكويت .. اتبرعى بيها لجمعية :"توعية النساء .. من أضرار تحول الرجال إلى بؤساء" .. كدة هاتكون الفايدة أكتر
--------------------

واحدة مفروسة

مساء الفل و صباح الخير بالليل

آه صحيح نسيت أقول لك يا مفروسة إن أنا مت من ساعتين زمن .. و بصراحة كان نفسى أروح معاكى المشاوير دى كلها لكن نعمل إيه ... الموتى لا يستطيعون السير

يا بنتى انت بالصراحة دى كدة ماحدش هايروح معاكى فى مكان ... طب اضحكى عليا طيب ... قوليلى أى حاجة عن نداء الواجب و الأخوة و المعانى اإنسانية الرفيعة .. يمكن أعيش فى دور الإنسان المثالى و أروح المشاوير معاكى تحت مخدر العبارات الرنانة .. لكن تطلبى المشوار بشكل مباشر كدة من أى حد طبعا ماحدش هايروح معاكى
-------------------------

همس الاحباب

هاهاهاهاااااااااىىىىىى .... ضحكتنى يا راجل ... و أحسن حاجة انك تثبت على مبدأك قبل الجواز زى بعد الجواز ... انت ضربت مثل رائع للثبات على المبدأ ... أيوة كدة ..خلينا نتعلم منك ... هو احنا لينا إيه غير الثبات على المبدأ

و حلوة فكرة ملايات السرير دى ... هم يقطعوها أشاربات الصبح و يخيطوها ملايات بالليل ... و اهو يبقى توفير حتى كمان هى ماتلاقيش وقت فاضى خالص .. كل الوقت هايضيع فى الخياطة و القص
---------------
عبده الرايق
أبو الرووووووق
ليه الدخلة الشمال دى ... ثم انت عايزنى أقول إنى المسئول عن الزلزال ؟؟ أنا ممكن أثبت لك إنى مسئول عن الزلزال بس من غير كلام .. ببساطة أبعتلك هزتين حاجة كدة سبعة ريختر نقاوة لحبيبى أبو الروق يثبتوا لك إنى المسئول بالفعل عن الزلازل ... و ما تزعلش نفسك يا راجل ..ز إحنا عندنا كام رايق

ثم أنا بالفعل قرأت عن الحروب و الثورات دى فى كتاب تاريخى رائع اسمه:"الصريخ .. فى خرافات التاريخ" .. دة كتاب مليان حاجات من دى كتير و اسمك متكرر تقريبا فى كل الأحداث


ثم إيه دة ؟؟؟ فرن ؟؟؟ آه صحيح .. فى الكتاب اللى فات دة كانوا بيخبزوا الأشاربات فى الفرن ... يعجنوا القطن و يحطوه فى الفرن يطلع الناحية التانية أشاربات .. بس بيبقى طعمه خطير

مش انت مش عارف تاكل إيه ؟؟؟ روح هاتلك أشاربين من التلاجة و سخنهم فى الفرن .. و رش عليهم حبة كتان .. هايبقى خطييييييييييييييييييييير .. و ادعيلى
----------------------

المبرمج المحترف

شكرا على الكلام الجميل .. و عايزين نشوفك دايما
---------------------

مدونة الدفاع

أرجوك .. سامحنى .. مش قادر استحمل عذاب الضمير .. خلاص .. أنا اعترفت إنى مذنب .. بس أعمل إيه .. ضغوط الحياه هى اللى خلتنى أشارك فى شراء الأشارب .. أنا كدة مش هاعرف أعيش .. يا ريتك كنت سيبتنى على حالى و ماكنتش تفكرنى .. أنا ما صدقت نسيت.. أنا شكلى كدة هاروح أشرب عشان أنسى ... و اسوق العربية و انا سكران ... و اعمل حادثة .. و افوق منها و ارجع لصوابى تانى
-------------------

amal

بصراحة كلامك رفع روحى المعدنية قوى و خلانى طاير .. و شكرا جدا على الدعاء الجميل

بس ما تتغروش بالصبر بتاعى دة ... أنا بعد الجواز هابقى واحد تانى ... واحد حمش .. يقول الكلمة تتنفذ .. الكلام بقى بتاع مول و اتنين و تلاتة دة خلاص ... راح لحاله .. هى تقول لى يالا ننزل نجيب أشارب .. أروح أنا باصص لها بالعين الحمرا و أزعق و أقول:"ياللا بينا بسرعة قبل المحلات ما تقفل" .. أيوة كدة .. أمال الحمشنة هاتيجى منين

ابن حـجـر الـعـسـقـلانـى يقول...

عروسة ننوسة

شكرا على تعليقك و شىء يسعدنا إن المدونة عجبتك

Asmaa mahaba يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههه
معلش ديما متاخره ايه دا هههههه ربنا يعينك شوف معلومه اكتر المحلات اللى بتكسب هى محلات الايشاربات ما شاء الله....ودا عن تجارب
ثانيا..ممكن تشوف واحده قرعه واهى بكدا لا تلبس ايشارب ولا حتبى محجبه..
ثانيا انا عندى الايشاربات تلات ادراج من الدولاب وولا واحد بيتلبس بسبب حق تنقيه الايشارب ...باختصار اهلى بيجيبوها وانا مبنقيهاش فمبتتلبسش خاااالص ...شوف لو سابونى انقيها كنت وفرت
وبروح اجيب انا تانى غير اللى جابوه
اهم شىء فى الموضوع مش انك تشترى ايشارب لا انك تلاقى ايشارب عرضه كويس ومش شفاف والا حتضطر تدورله على بطانه واذا دخلت فى دوامه البطانه عليه العوض ومنه العوض...
كمان اما بنختار ايشارب لازم نشوف حيتلف ولا كل شويه حيتزحلق من على الراس ....ملحوظه هات كاميره وبص على البنات اللى فى الشارع وصور حركاتهم مش قله ادب ولا معاكسه:))
بس حتلاقى اغلبيه الوقت كلنا ماشيين نعدل الايشارب يا نرفعه يا ننزله يا ندخل الشعر اللى طالع براه...بقترح توليد طاقه كهربائيه من ورا طاقه حركه تعديل الايشارب
كفايه كدا يا ابو العساقيل واهو كله بثوابه
تحياتى ليك سومه_87

Asmaa mahaba يقول...

اه صحيح تعالى هنا ..ايه حكايه جامعه حلوان ؟؟؟ معلش خدنى على اد فهمى واشرحلى عشان انا بفهم بالتصوير البطىء
ثم انا محسيتش بالزلزال وتقريبا محدش من صحابى حس بيه هزات الحكومه السعريه خليتنا معندناش دم ونحسنا من الهزات الارضيه
سومه_87

Asmaa mahaba يقول...

سورى يا عسقلان
تنبيه لاستاذ محمد فوزى مالهم بقى بتوع فنون جميله ان شاء الله زى الفل ولعلمك معنديش طقم واحد مش واخد بوطشه لون جواش او زيت او حبر ....وبيبقى الايشارب منقوش ونرسم عليه برضو مش حاجه يعنى ولا معضله
وبعلن رسميا مسؤليتى عن عمليه طرحه لكل فتاه ...والانضمام لحزب اعداء الرجال اللى ضد سياسه حريه تنقيه الايشارب
بس يا رايق مترشش بيرسول مش حمشى ولا براجون
بس هىء

مواطن مصرى نايم يقول...

لا يا خويا يا ابو العساقيل
اخوك اسلام بقى بيفرض رأية
اسلام ده اللى هو انا يعنى
بس فى حدود المعقول
اذا كان رأئى لابد من فرضة
و ذلك لان فى الطبيعى لو الحاجة الى اختارتها مش عاجبانى يبقى مش حتتجاب
اه انا غبى حبتين
و مخى قفل و اساسا انا صعيدى بس اسكندراى
و كمان و الحمد لله
انا بمنح لهم قدر من الديموقراطية
اللى هو انهم لو ما جابوش اللى انا قلت عليه
يبقى مفيش حاجة غيرها
شفت الديموقراطية
فغالبا الحاجة امى ربنا يخليها لنا
هى اللى بتنزل معها تشترى

خليك مقرف و صعيدى و قفل و ديموقراطى زيى
حتخلص من الايشاربات

Asmaa mahaba يقول...

قال على راى المثل ان غاب القط العب يا فار ...يا سلام سلم رايق جايله عين وبيتكلم...وقال بيعلن الحرب عليا انا وقرعتى حبيبتى...لولا انى عارفه انك على فيض الكريم وفرنسا زى اوختى وربنا العالم وامها ام نص لسان يعنى اهو زى ضرتى نمشيها خلاص ... ولولا انى عامله حساب لجيره الهم دى كنت خليت بطيختى تقبض عليك وتحطك ياى مع المساجين...
انا اللى مسكتاه بس ومصبراه يقولى الرايق اقوله معلش ليس على الرايق حرج
بكره اجيب الللاك توب ومتحوجش للكمبيوتر العفش بتاعى وادخل ارد عليك الكلمه بكلمتها
جارتك الحشريه سومه...
اوعى اوعى اوعى تفكر تلعب بديلك من ورايا ....وارجع الاقيك شاتم طيختى...وقد ازعر من انعر
المره الجايه معتقل يا رايق

Asmaa mahaba يقول...

مواطن اخر كائن حى تتكلم عن الديمقراطيه ...انت عارف وانا عارفه...ومش حنسيح..زفاكر تعليقك على بوست هايله اما قلت ومالو تعدد زوجات ....مفقوعه منك فاقعه من ساعتها...وما ليك عليا حلفان لم تعابينك وانصح الرايق يبتعد عن طريقى طريقى مليان بالبطيخ...

Princesa ... WHiSPeR يقول...

عندى حل اتخذته بعد سنتين من الازمه دى نفسها
البنوته تختار الإيشارب اللى يعجبها
فى بعد ما تقتنع بيه تدورهله على هدوم
الموضوع هيبقى اسهل بكتييييييييييييييييييييييييييييييييييير

مواطن مصرى نايم يقول...

سومة

ههههههههههههههه
لا يا بنتى دى كانت هزار و الله
انتى قلبك اسود منقط بكحلى خالص
لا و الله هى بإذن الله واحده
(و إن خفتم الا تعدلوا)
بس ادعى لى بالله عليكى
ان الواحده دى موضوعها يتم
و اوعدك انها تبقى الوحيدة
و الله

انا بطبعتى كمان و الحمد لله مش بنجذب بسهولة لاى واحده
و ده كمان لان تعاملى مع بنات حوا محدود و محدد داخل الاطار المحدد لسور جامعة اسكندرية

و بكره جدااااااااااااااااا
الراجل المزواج و البصباص
و بيقل احترامى للراجل اللى يبص بره بيته و الله

انسى بقى يا سومة دا كان هزار و الله
ههههههههههههههههههههههههههههه

غير معرف يقول...

اتاريك عمال تلف على الايشاربات وسايب التدوين كان زمانك كتبت 100 تدوينة بدل اللف على الايشارب
ولو ان الحكاية مضحكة بس فيها عبر اي والله
أولا انك بتضحي عشان أختك وبتشاركها حتى فيما لا يمثل لك أهمية وهو شئ مهم جدا
عرفت اني مش من صنف البنات لأن اي ايشارب في الاوكيه وياريت كل الهدوم والجزم والشنط من محل واحد
عن نفسي أحيانا اكلف أختي بشراء الايشاربات والسبب الوحيد الذي يضايقني من الحجاب ان شعري كان لونه بيمشي على كل الهدوم

سلام حرجع تاني عشان أنا في المكتبة
ال جي

فرنسا هانم يقول...

كويس انى لحقت البوست قبل ما تشطبوا
ايه يا عم العسقلانى
هو الرجاله تطول تنزل تشترى معانا ايشاربات ؟؟؟
من الف ومتين سنه كده وكام شهر واخواتى سابونى انزل اشترى براحتى
مش حريه كامله
لا
هما زهقوا من مشاويرى اصلا

فرنسا هانم يقول...

الباحث عن الحقيقه
متصدقشى الرايق
ده مش مسئول قانونى ولا حاجه
واحنا مستعدين للتفاوض

فرنسا هانم يقول...

حنين القلب
عارفه ان انتى لسه زعلانه منى

فرنسا هانم يقول...

وطني
انا سعيده ان بوست العسقلانى اسعدنا بزياره حضرتك
نورت المدونه يا فندم

فرنسا هانم يقول...

اخوانى فريق العمل
اخوانى الزوار
اهلا بكم جميعا
واظن ان ابن حجر قام بالرد عليكم جميعا
مره اخرى شكرا لكل من شرف مدونه الضاحكون

مواطن مصرى نايم يقول...

فرنسيس

الحمد لله انك ظهرتى
حمدالله عالسلامة
ايه انتى خدتى انك تباتى بره المدونة
الرايق كده حيتجوز عليكى
بس متخافيش
انا اللى حجوزة

انت تسال والكمبيوتر يجيب يقول...

اصدقائى الأعزاء المدونين والمدونات
موعدنا السبت 19/7/2008 مع حلقة جديدة من برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
والحلقة تتضمن رودو المدونين الأعزاء على سؤال من المخطأ ( الطلاق بالمحمول )
والتعليقات التى ستذاع
سومه
سلوى سمير
رافتولوجيا
عدى محمد يونس
habiby
ميسوسوب
استرالي
دعوه للأمل
أيوية
احلام اليقظه
مجرد خواطر
mohra
جيهان على
عبده الرايق
هانى ميشيل
ٍSOU
حاجات جوايا
روفى
مواطن مصرى

كما يمكنكم سماع الحلقة مباشرة فى نفس موعد اذاعتها الساعة 9.10 صباحا
من خلال موقع البرنامج
http://dear.to/cairo
تمنياتنا بدوام التواص

Asmaa mahaba يقول...

والله يا خالتو انتى صعبانه عليا تصومى تصمو وتفطرى على رايق

نعكشة يقول...

لأ ماهو بيعجبني لون الايشارب او شكله

ههههههههههههه

محدش راضي بحاله يا سيدي الفاضل

عامتاً

دمت سالم

Soooo يقول...

وياريتها جات عالايشاربات وبس ياعسقول ياخويا

بص .. من خبرتي المتواضعه في الحياه .. اكتشفت ان الجنس الناعم .. او مايقال عنهم ناعم اعتباطا .. مايعجبهمش العجب ولا الصيام في ايلول

وبجد لما بابقى ماشي في الشارع واشوف واحد وخطيبته ولا مراته بيعملو شوبنج - بيشترو اي حاجه يعني اصل انت عارفني علامي انزليجي - بيصعب علي الاخ اللي مع الاخت .. ولو بصيت على وشه ولمحت عينيه هتحس انه بيستنجد بيك حتى لو انت ماتعرفهوش
هتحس انه بيقولك الغوث يابيني ادمين .. الغوث .. اخوكو بيعملو شوبنج مع بنت من بنات حوا

لكن دي جزاة اللي سمع وصدق الاغنية الخياليه العلميه اللي بتقول في مطلعها

البنات البنات
ألطف الكائنات
غنو يا تلميذات
طافاطيفي طاط طاط طاط

وماتسألنيش يعني ايه طافاطفي طاط طاط طاط .. عشان شكلها شتومه باللغه النواعمي



سلاموووووووووووز

Unknown يقول...

بصراحة انا اتخنقت لك
من كثيرة اللاف وكمان تطليع القطط الفاطسة فى الاشاربات انا رأي تعتزل النزول معهم وخلاص
لان المشوار دا طلع صعب اوى وخنقة
انا صحيح بنت
بس مش بحب اللف كدة بنتخنق
وان قررت يعنى انك تنزل معاهم تانى يبقى خد اختى فى ايدكم اهى تشترى معاهم
لانها زيهم بالضبط فى الموضوع دا



احترامى

جنّي يقول...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

. يقول...

هههههههههههههه
حلوه حكايه الايشاربات دى بس ياريتها تيجى على الايشاربات بس خد عندك الملابس و المايكب و الشنط و الاحذيه
شغلانه ربنا يعينكم

مهندس مصري بيحب مصر يقول...

خليها تلبس خمار و اهي تريح و تستريح
بلا اشارب بلا وجع دماغ
:)

غير معرف يقول...

Heya i'm for the first time here. I came across this board and I find It truly useful & it helped me out a lot. I hope to give something back and aid others like you aided me.

my page ... page next