الأربعاء، يوليو 23، 2008

4 - عائله الضاحكون ...اتصل معانا تكسب لبانه

تحديث
**********
اسره مدونه الضاحكون والاب المسكين عبده الرايق ...ينقل اليكم التهنئه بالتؤام الجديد فى عائلتنا الموقره
اللى متعرفشى تنظيم الاسره نهائى
ودعونا نرحب بالتؤام الجديد
.
حنين القلب
.
كاميليا
.
ويعلن الاب عبده الرايق والام فرنسا عن تلقى النقطه على العنوان التالى
خمسه وسبعون حاره الضاحكون
***********************************
اخوانى الاعزاء
تم اختيار تدوينه فلسفه الزرار لابنى العزيز الطائر الحزين لتذاع على اذاعه البرنامج العام
برنامج الاستاذ الكبير صلاح حجازى انت تسأل والكمبيوتر يجيب
وذلك يوم الاحد الموافق 27 - 7 -2008
التاسعه وعشر دقائق صباحا
على موقع البرنامج

http://dear.to/cairo
***********************
فرنسا :- هههههههه ..ضحكونى بتوع التليفزيون دول... بالذمه ده سؤال ...هما فاكرينا ايه ؟؟ براميل طرشى ؟؟ ولا فاكرينا قلل قناوى ؟؟الحق يارايق السؤال ده ...ولا صحيح انت مبتعرفشى تقراء ..بيقولك ماهى عاصمه جمهوريه مصر العربيه ..1 - كلوريد الصديوم 2 - القاهره 3 - زعزوعه القصب
مواطن مصرى : اه ما انا اتصلت اصلى كنت عارف الاجابه فقلت لهم كلوريد الصوديم لان مش معقول يكون قصدهم على القاهرة يعنى دى زحمه حتى
الرايق :- كلوريد الصديووووووووم ؟؟؟؟.....واتصلت منين بقى يا حيله مامتك وباباك
مواطن مصرى :- متخافشى يا دكاتره اتصلت من تليفونى المحمول والمكالمة اخدت و قت قصير معايا نص ساعة فى الاول بيوصفوا لك ازاى حتضغط على رقم الاجابه و ازاى تتصل بيهم
الرايق :- طيب يشكروا بيوصفولك ازاى تتصل بيهم ...بيدوك العنوان يعنى
مواطن مصرى :- طيب مانا اتصلت و السؤال اتعاد خماشر تماناشر مرة بس لعلمكم انا حاسس المره دى انى حكسب هما قالوا اتصل اكتر فرصتك فى الموز تكتر و انا بحب الموز اوى
بلطجيه هانم عويل (مفقوعه ):-غلطان يامواطن بيه غلطان مفروض إللي يتشملل ويدفع دم قلبه عشان يشترك في مسابقة ذي دي يكون علي الأقل من المحظوظين ... لكن واحد ذيك أبوه الرايق وأمه فرنسا ... تجيب الحظ منين يامسكين .... ده انتم عيلة الحظ يفوت عليها ويقول لها أفيييييييييييييييييييييييه ريحتكم وحشة أبقوا أستحموا الأول
الرايق :- حماتى العزيزه ..لسانك بقى اطول من الطريق الدائرى ...بابور ظلط لما يفرمهولك
واحدة مفروسة : ههههههههههه لأ و انتي الصادقه يا تيته بلطجيه ..اللي يشترك فى مسابقه من دول لازمن و لابد يكون صاحب المسابقه...خاله...عمه...جوزخالته...جارهم...ولا حتي الراجل اللي سلم عليه صدفه يوم وفاة ابو واحد صاحبه
صبرني يارب(ووشها مقلوب زي السماوي كده ) : يااااااااااالااااااااا اهو رزق الهبل على المجانين . امال يعنى البت ام ضب الي فى الاعلان دي تكسب فلوس بالعبيطه ازاي . وتعمل عمليه وتشيل الضب وتحط بلونات فى كل منطقه و تتجوز مليونير اهبل يجيبلها جزيره ازاي ومنين الا من جيوب ال...........الهبل( وهي بتجز على سنانها بصوت واطي وبتبص حواليها وهى منقوطه منهم ) ها يا بابا هتعرف تجاوب على السؤال ده ولا هتكسفنا زى كل دور
الرايق :- اوه نو ..سؤال سهل فيرى فيرى سهل ..طبعا الاجابه هى القاهره ...هو احنا مش هنعرف نجاوب ولا ايه ؟؟ لانها معروفه كلوريد الصديوم عاصمه النمسا وزعزوعه القصب دى جزيره فى كوكب المشترك ...روح ياض يامواطن يا بتاع كلوريد الصديوم انت ياصايع ..روح هاتلى التليفون يمكن اكسب ..وانتى يا حماتى يا مسحوبه من لسانك يا مفقوعه ..مال الحظ ومال واحد ابوه الرايق وامه فرنسا بس بجد انتى عندك حق انا بختى مهبب ..يعنى لوكان بختى كويس كنت اتجوزت حفيده دراكولا دى ؟؟ ..وامها بلطجيه هانم عويل ..روحى يابت يا مفروسه هاتى التليفون الواد مواطن ده نايم على نفسه وهيودينا فى داهيه ..انتى فاكره يا مفروسه الترتلبيت اللى كان عايز يعمله لديكور المدونه قعد فيه 16 سنه وكل مانسأله يقولك متستجلوش يا جماعه انا جاى واحنا نقوله ماتيجى ياعم النايم يقولنا مادينى جاى اهه بس بمشى فى الجزمه الاول فاكر نفسه محمد صبحىبس يا ولاد انا حاسس انى هاكسب المره دىواحدة
.
مفروسة:ممممممممممم تصدق انت فعلا ممكن تكسب يا بابا...بس قولى الاول تليفونك مشحون..ولا بطاريته فاضيةومشحون فلوس...ولا زي صاحبه..فلسان افندى ..اصل لازمن ولابد تملاه فلوس زي الحصاله تمام الكرت ابو 100..ولو كفى كمااان ..اقولكش خليه ابو 200وانا حقولك تعمل ايه....تتصل بالرقم...حتلاقى مزيكا..حتفضل تسمعها و تنااااااام ...وفجأه تقوم مفزوع على وليه تقولك..لو عاوز الاجابه الاولى دوس واحد..ولو التانيه دوس تلاته و لو التالته دوس اتنين....و انت بقى ياعم الرايق لسه صاحي و مش واخد خوانه وعاوز تقول القاهرة اللي هيه اجابه 2 تقم دايس اتنين...و فرحان...تلاقى الوليه هيه هيه برضه طلعتلك...تقولك ..نأسف إجابتك خاطئه...وتقوم رازعه السماعه فى خلقتك....انت بقى دمك يغللى و تفضل وراها بالساعات....تخلص كارت ...و تدخل على التاني ...و الموضوع هوه هوه يتعادوفجأه تاخد بالك انك لازمن تدوس 3 ياعم الروقااان ....وههههههههههههههههه اخدو منك 200جنيه...وانت قاعد بالبيجامه و فى بيتكم..و بالهنا و الشفا يا معلم
الرايق :- نو نو نو ....انا الدكاتره الرايق ومش هيقدروا يغلبونى انا هدوس 1 و 2 و 3 مع بعض وهما يختاروا
الطائر الحزين : بابا ماما انا طلعت انصح منكم وعملت اللى بابا علمه لنا واحنا صغيرين لحد ما كبرنا وبقي كل واحد فينا زى الحيطة حيطة لا حيطة ايه ده فيه ناس معانا يعملوا معانا عمارة من الاساس لحد الروف اللى فوق المهم مش هطول عليكم عملت أيه اقول لكم انا عملت ايه نزلت تحت عند طنط سونة جارتنا وقلت لها ممكن اعمل تليفون قالت اتفضل يا بنىقمت طالب الرقم فى الخباثة واستنى الست اللى مأسوف على شبابها دى ترد عليا ابدا فين لقيتها ردت وقالت ادخل رقم الاجابة الصحيحة وتصن شويتين لقيت المدعوء بطيخ افندى جوز الست سونة جه من الشغل و دخل خد حمام و طنط سونة حضرت له الغدا و اتغدوا بس ناس معندهاش دم دا انا عندهم بقالى 3 ساعات محدش عزم عليا بأى حاجة حاجة سخيفة فرى فرى سخافة بصراحة هههههههه الوليه ردت تانى وقالت اخر فرصة لك ادخل الرقم الصحيح فكتبت اتنين قالت الاجابة صحيحة تفضل استلم جايزتك فقمت قافل السكة فى وشها امال ما هى رزعانى على التليفون بقالى 4 ساعات بابى تصدق معرفتش هستلم الجايزة منين (فلحوس انا صح)
الرايق :- طبعا فلحوس ..استلمى خليفتك المليحه يا فرنسا يا مليحه
فرنسا :- مالك بالواد يارايق حاطط نئرك من نئره ليه ؟؟؟؟
appy:- ايييييييه الدوشه دى على العصر فيه ايه انتم مالكم كده متجننين على الارقام دى انتم مش فاهمين حتى فى الاجابات بتتصلوا ليه اللى يقولك كلوريد واللى يقول قعد اربع ساعات واللى يقول القاهرة ايه ده انتم اصلم اصلم مش فاهمين ان فيه واحد قاعد على التليفونات دى بيلم الارقام وبعدين يقعدوا يعاكسوا فى خلق الله لو البنت اللى اتصلت صوتها حلو يرجع يعاكسها تانى ويا عينى بقى لو طلعت هبله وصدقت الكلام ده يبدأ يستغل فيها ويتغرغر بيها ومش عاوزة اسمع نفس حد يقولى عرفتى منين سامعين ما عدا انتى يا ماما انا هقولك فى الاستبوخس بس اعملى ليه مج شاى وانجليش كيك لغايه ما اقول بنجور لخرفانى
الرايق :- قصدك ايه يا مقصوفه الرقبه ....يعنى الواد اللى كان بيعاكس كل شويه مكانشى بيعاكسنى انا ؟؟؟؟
صبرني يارب : الصبر من عندك يا كرييييييييييييييييييييييم نفوخي يا عااااااااااااااااااالم
قوس قزح : محدش يجيب ليا سيرة 0900 دى ابدااااا .. اخر مرة قلت ابعت اغنية بحبك يا حمار للجو بتاعى و طلبت الرقم ابو 0900 للاغانى و الرسايل قالوا اختيار من الئايمة نوع الاغنية و قعد يرص فى ئايمة لحد ما بقيت نايمة على نفسى و فى الاخر جاب العاطشفى .. اختارتها قالى اختارى المغنى و تانى يرص و انا ادفع يرص و انا ادفع لحد ما خلص الكارت بتاعى و طالعت الست قالت ليا لقد نفذ رصيدكم فى حب الحمار يا ......... .... و على فكرة بقى السؤال ده فيه اختبار ذكاء علشان مصر مالهاش عاصمة .. لها محطة بس .. عمركوا سمعتوا حد بيقول لسواق تاكسى عاصمة مصر !!!
الرايق :- احسن يا ................
نيجرو : عارفين إيه أجمد حاجة في السؤال ده؟ المزة اللي...... قصدي الآنسة المحترمة اللي في الإعلان اللي عمالة تتأصع... قصدي عمالة تتمايل على أنغام الموسيقى الراقية اللي في الخلفية .. يا سلااااام .. و نعم النسوا... إحم ..و نعم التربيةاوعوا يا بنات حسكم عينيكم حد يتغرر بيكم و يقولكم هنطلعكم في التلافزيون ... انتم بنات عائلات محترمات .. إحنا نبحلق فيهم في التلافزيون و بس .. إنما اخواتنا لااااااااا
مواطن مصرى :- اشطه يابو النجارين
نيجرو :- بص يا مواطن هات ودنك..عارف يا واد يا نايم .. ديك النهار كنت قاعد بأتفرج يا معلم على قناة المسابقات إياها و كان فيه واحدة إنما إيييييه؟ .. اتصلت يا ريس و ساعة عمال أزاول فيها و أنا أشاساً ماعرفش السؤال كان عن إيه .. لغاية ما الكارت أبو 200 ذهوب تحويشة خمس تسع سنين اتفرتك يا معلم .. على مفيش.
مواطن مصرى :- ومين سمعك يا خويا انا اتلسعت اكتر من كده بكتير
هيما :- بابا الرايق انا عايز من ده يابا .. عروسة عاملة زى حلاوة المولد ولا واقفة تتهز زى عود القش المسوس وبالعة عرسة على الفطارحد يناولنى التلفون المعوق بتاعى عشان أتصل على البت ام ضب دى عشان أعاكسها ........
سومه (جارتهم الحشريه): سمعتكممممممممممممممممممم
قفشتك يا طاير.....يا ابو سنه طايره .....قال سونه قال اسمها سومه ....قال على راى المثل مشافوهمش وهم بيسرقوا شافوهم وهم بيتحاسبوا.....طبعا الحق لازم ولابد يرجع لاصحابه...عاجبك كدا يا فرنسا....
فرنسا :- ياختى الواد بيهزر ..انتى تملى كده حاطه مناخيرك معانا
سومه الحشريه :- منه لله ابنك اللى تنقطع طرطوفه صوابعه قبل ما يطلب المايصه بتاعه الاعلان.....فاتوره التليفون جاتلى بخمشمييييييييييييييييت برطوش.....والله ما مفوتاك من هنا غير لما اخد من ابوك الرايق 550 جنيه ينطح جنيه....500 حق الفاتوره و50 حق قعادك على الكورسى لمده 4 ساعات.....امال ايه واحمد ربنا انى محسبتش فرق العمله يا رايق.....ولا فاتوره النور.....كمان التليفون متوصل بالكهرباء....امال ايه لاسلكى....من اللى عمركم ما شفتوه يا عيله الرايق
الرايق :- شط ااب يوور ماوس ....احنا عمرنا ما شفنا اللاسلكى ؟؟؟ احنا بيجيلنا منه بالهبل من الخارج وطازه كمان لكن احنا مبنرضاش ناكله ...اصل فيه لحم خنزير والعياذ بالله
حماة الرايق بلطجية هانم العويل : أنتم هاتفرجوني علي مزاجكم ياللي تنشك في نواضرك منك ليه ليها للرايق ... أنا قاعدة من صباحية ربنا مستنية حلقات توم وجيري .. إلهي وانت جاهي إللي يضيع الحلقة مني ... تقع عليه مية مطينة وهو لابس لبس العيد الجديد ... إلا مافيه عيل يقوللي خدي الريموت في أيدك ياتيتة وفرجينا علي مزاجك بلا وكسة ماهو العيب علي أبوكم .. إلا ماعرف يربي دكرين بط هايعرف يربي ولاده حسرة قلبي علي حظك يابنتي
الرايق :- ماتيجى نروح مشوار للجزار يا حماااااااااااااااااااااتى
.
بقلم
.
فريق العمل بمدونه الضاحكون

هناك 136 تعليقًا:

فارس بلا جواد يقول...

السلام عليكم ورحمة الله وبركاته

بوست حلو قوى بجد
وفكره المدونه دى عجبانى جداااا



دمتم بكل خير

تحياتى

Asmaa mahaba يقول...

انا التااااااااااااااااااااااااااانى لوووووووووووووووووووووووووووووولى

Asmaa mahaba يقول...

يا سلاااام يا سومه ديما متقدمه
مش الرايق افندى

Unknown يقول...

تحفة بجد ملكوش حل
ان شاء الله يبقى مسلسل في رمضان كمان مش اذاعي بس

Asmaa mahaba يقول...

بقى انا عشان جارتكم تعملوا فيا كدا وانا اللى باقيه على العشره صحيح الرايق رايق هو وولاده ولو جابو ميت لاسلكى

kochia يقول...

انا عارفة الحلوة دي اللي قصدكم عليها اللي خلصت فلوس الاسرة الكريمة كلها
دي بقي واحدة قديمة من ايام مصر القديمة
وكانت محطوطة في التلاجة يجي من خمس عشر سنين
وطلعوها ودهنوها لون
ونفخوها
وبعدين ركبوا زمبلك واسطوانة عشان ترقص وتغني
بس الزمبلك ساعات بيبوظ عشان كدة تلاقيها بتكرر الكلام لو انت طولت معاها سواء في التلفزيون ولا علي التليفون

وانتوا يا مساكين فاكرين انها حقيقي
بس انا اعرف سكة عشان تكسبوا
شوفوا هتطلعوا بكام وانا اشوف لكم الموضوع ده

فكروا وردوا عليا

Asmaa mahaba يقول...

يا رايق انت اخرك تجيب تليفون لعبه مش لاسلكى...قال مبترضاش تاكله ما داهيه تكون قصدك على الكابوريا اللى بشنبات....الا قولى يا سى الرايق هو لاسلكك بيبقى ملزق ومسكر ولونه اصفر... متقولش يا راجل انا عرفت انت اكيد تقصد المشبك بتاع طنطا
تحياتى ليك انت وطاير ومستنيه فلوسى يا جران الهم
حاااااااااااااااااضر جايه يا سى بطيخ
سومه_87

Asmaa mahaba يقول...

هههههههه عيله الرايق نايمه....انا بس اللى صاحيه معلش اسد انا فى المواضيع ما انا جارتهم والنبى وصى على سابع جار

مدحت محمد يقول...

انكم تجتمعو فى بوست واحد اعتقد فكرة جميلة اوى

كمان مناقشين موضوع مهم جدا بطريقة كوميدية للغاية بجد ماشاء الله عليكم

عبده الرايق يقول...

انتى ياست سووووووووووووومه
انتى يا مرات بطيخ افندى
عماله تسيحى لينا قدام البيبول
واااااااااااااااااااى
انتى لو مسبتيش ماى فاملى فى حالنا
هقطلعك بطيخ طرنشات طرنشات

عبده الرايق يقول...

فارس بلا جواد
وعليكم السلام ورحمه الله وبركاته
احنا سعداء جدا ان البوست والمدونه نالوا اعجابك

عبده الرايق يقول...

لماضة
اهلا بيكى دكتواره لماضه
احنا متشكرين جدا جدا
ونتمنى نسعد الجميع
شرفتى المدونه يا دكتوره

عبده الرايق يقول...

kochia
انا موافق
وبما انى رب الاسره
والمسئول الاول عن بطونهم
اناشد الاخت كوشيا انها تقولنا على السر
ولها نصف الجايزه
وبعدين الست الاموره طلعت منفوخه ؟؟؟
ههههههههههه
وانا اقول كانوا مركبين لها خراطيم ليه
اتارى دى خراطيم هواء

انت تسال والكمبيوتر يجيب يقول...

لأخ العزيز الدكاتره عبده الرايق
مهنه جديده نعرضها عليك تكسبك دهب بعد ان اجمع الناس على ان جميع شهاداتك فى علوم البحار لن تقنع اسماك القرش اذا فكرت فى العمل معها كمدروض ...ولذلك نعرض عليك منصب فى اى قناه فضائيه تختارها...ماذا ستفعل بالظبط؟؟؟؟طبعا سؤال وجيه والأجابه صوت وصوره فى مدونتنا
...مدونة اول برنامج يخرج من ماسبيرو والشرق الأوسط عن النت والمدونات
وعلى فكره الوظيفه هذه تبحث عن اى عدد من طالبى الوظائف يعنى الدعوه للجميع
زوروا مدونتنا للتفاصيل
http://netonradio.blogspot.com
ولا يشترط الخبره بل ستقوم القناه بتدريب من يقع عليهم الأختيار

24 يوليو, 2008 01:03 ص
حذف
Blogger

عبده الرايق يقول...

سوووووووووومه الحشريه
نو
نو
نو
انا عارف المشبك بتاع طنطا
وبالاماره فى منه بلاستيك
وبيحطوه فى البلاكونه على حبال الغسيل
ها
عرفتى بقى ان الدكاتره الرايق فلفسوف عصره واوانه

عبده الرايق يقول...

وبعدين مش انتى لوحدك اللى صاحيه يا سوووووووووومه
انا كمان صاحى
بس انا صاحى لانى نمت كتير فى النهار
انما انتى صاحيه من الناموس طبعا

انت تسال والكمبيوتر يجيب يقول...

شؤال كمان للدكاتره ...طبعا انتم عارفين مين
الا يا دكاتره ممكن تكون لوحدك جروب على الفيسبوك؟

عبده الرايق يقول...

مدحت محمد
ابن بلدى الحبيب
ايه اخبار ال 5 جند ؟؟؟؟؟؟؟؟؟؟

عبده الرايق يقول...

CAIROCOMPUTER
ههههههههه
استاذنا الجليل صلاح حجازى
انا من اهم 3 اشخاص فى العالم مروضى القروش
ودى مهنه مكتسبه عن جدى الكبير احمس باشا
وابويا كمان
وكل العيله
علشان كده انا طلعت بحب القروش مووووووووووووووووووووت
وكل ما اكون 100 قرش
يبقى عندى واحد جند سليم
وجند على جند
هابنى القصر بقى والعب جوووووولف براحتى
بس مش عارف هو الجولف بيحتاج بدله غطس ولا لأ ؟؟؟؟؟؟؟؟

عبده الرايق يقول...

CAIROCOMPUTER
الفيسبوك ؟؟؟؟؟؟؟؟؟؟؟؟؟؟؟؟؟
ايه يعنى جروب على الفيس بوك ؟؟؟؟
عموما مش هتفرق معانا الاسامى
انا برضه عندى دكتواره فى الفيس بوك
والرساله كانت عن الفرق فى العناصر الغذائيه المتكامله فى السلطه الخضراء والفيس بوك

حسن حنفى يقول...

ههههههههههههههههه
والله ضحكت من قلبي
شكرا
تقبلوا مروري

كاميليا بهاء الدين يقول...

هههههههههههه

yes

yes

yes

جميل اوى انكم تجتمعوا فى بوست واحد

فكرة حلوة اوى

والموضوع كمان جميل

فعلا مشكلة المسابقات دى اصبحت غريبة اوى

ده غير موضوع
0900
ومين هايفوز فى الماتش مش عارفة ايه
ومين جاب جون مصر فى كاس العالم سنة ايه
وحاجات كده

برافوووووو

احييكم جميعا
يا أجمل عائلة فى عالم التدوين

كل الود

كاميليا بهاء الدين يقول...

عبده الرايق

الفيسبوك ؟؟؟؟؟؟؟؟؟؟؟؟؟؟؟؟؟
ايه يعنى جروب على الفيس بوك ؟؟؟؟
عموما مش هتفرق معانا الاسامى
.....

لأ يا دكاترة .. حضرتك مش واخد بالك

الفيس بووك ده اللى بيشيلوا فيه الفلوس

بس علشان سعادتك مش بتشيل فلوس

او يعنى مش بتحب الفلوس

فمش عندك فيس بوك للبنكنوت


جوود ناخت

Mafrousa يقول...

هههههههههههههههههههههههههههههه
البوست بعد ما اتأيف بقى حلو
ههههههههههههههههههههه
إلا سوه جارتنا الحشريه عاوزه تاخد 50 جنيه تمن القاعده
اوعى تدوها مليم احمر
انا شايفه اخويا وهو بيتكلم كان وااااقف
ههههههههههههههه
وبعدين يا رااايق... ياريوقه..ايه الاسلكي..اللى بلحك الخنزير ده؟؟؟
يادي المصيبه..انت بجد مش عارفه
ده اللي كانو زمان بيسموه التوكي تزوكي
و بعدين لما كبر يقى اسمه التو توك..

عبده الرايق يقول...

حسن حنفى
اهلا بك فى مدونتك
يارب نقدر نضحكوا كمان وكمان
وتقبل تحياتنا

عبده الرايق يقول...

كاميليا
هى فعلا عمليه بقت غريبه جدا
والاغرب انهم عايزين يقولولك الاجابه كذا كذا
يعنى بيقولوا السؤال
ونفسهم يغشيشونا الاجابه
مع ان اسألتهم مش محتاجه غش
يلا
رزق الهبل على المجانين

Mafrousa يقول...

يا راايق انت مش عارف الفيس بوك؟؟؟!!!
كده برضه؟؟ و دكتاره و نايمم للضهر....ونايم للفجر
و مش عارف الفيس بوككك

اهه كاميليا قالتلك ايه هوه الفيس بوك

روح اسأل فرنسا بتشيل البوك فين؟؟؟؟

ولا تيته!!!
اه هبه تيته اللي حتقولك البوك فين

عبده الرايق يقول...

كاميليا
طبعا الدكاتره الرايق دكتوراه مرحله اولى فى اللغه الالمانيه
وبجهز علشان اخد دكتوراه مرحله تانيه وتالته
وجوود ناخت يعنى كم عمرك
انا جوود ناختى 42 نخوته كل نخوته تنطح نخوته

وبعدين الفيس بووك ده يعنى البووك بتاع النساويين
نو
نو
نو
انا عبده الرايق دكتوراه فى الفيس بوك لا يمكن اوافق مطلقا بالتلاته
انا اشترى الفيس بوك
ده حتى ملهوش مكان احطه فيه

عبده الرايق يقول...

اووه
نو
نو
نو
مفروستى الغاليه وصلت
يا 3 مراحب
يا قهلا يا قهلا
نورتى المدونه
ايدك ياختى على ايجار الجردل اللى كنتى بتسرحى بيه فى المصيف

عبده الرايق يقول...

اوعى بقى تهربى وتعملى مش من هنا
وجردل ايه ومش عارف ايه
احنا دفنينه سوا
حتى لما جه البوليس يطلعه لقى الجاوند بتاعى وبتاعك مع الامانه
هاتى ايجار الجردل
وقوليلى بعتى كام قاروصه سجاير
وكام باكو مناديل ؟؟؟
انطقى يابت
انطقى لاسيح دمك

عبده الرايق يقول...

روح اسأل فرنسا بتشيل البوك فين؟؟؟؟

ولا تيته!!!
اه هبه تيته اللي حتقولك البوك فين

ههههههههههههههههههههه
ماهو انا قلت كده يا مفرووووووووووسه برضه
وقلت ماليش مكان اشيله فيه
الفيس بوك
نو
نو
نو
الفيس بوك
نو
نو
نو

قوس قزح يقول...

مفروسة هربت منك و نامت يا روقة

و بعدين فيس بوك ايه الى عايز تشتريه

ما انت زى القمر اهو و مش محتاج لا فيس ولا قفا

هى فرنسا اتجوزتك الا من فيسك و حلاوته

انا كنت عايزة فى موضوع مهم يا رايق
سفرية بورسعيد ممكن نعمل منها بسبس جامد انا و انت
ممكن نهرب لنا كام ازازة شامبو على بلسم و كام علبة شيكولاتة فى الجردل اللى واخده البت مفروسة
هات انت بس 500 جند و انا اتفق مع البوليس يوووه قصدى البايعين
و نتقابل عند الكيلو 60 طريق بورسعيد السويس

مستنياك تحت اليافطة بتاعت طمنـــى شكرا

عبده الرايق يقول...

تصدقى فعلا يا قوس قزح ان مفروسه هربت ومن غير حتى استأذان
هان عليها الجردل اللى كنا بنسرح بيه سوا فى المدونه
هان عليها الفلوس اللى كنا بنقلبها من زوار المدونه
هان عليها الفراخ اللى كنت باسرقهم واجيبهم لها واقولها ادبيحيهم يا مفروسه تقولى جبتهم منين يا بابا
اقولها سرقتهم
تقولى
نو
نو
نو
حرام عليك يا بابا مش كنت تسرق فرختين تانى عليهم علشان يكفونا
اقولها ملقيتشى
تقولى
عموما انا عملت حسابى وسرقت تلات فراخ الصبحيه
وبعد كل ده تنام وتسينى قاعد لوحدى
انا مخاصمها
ومش هاكلمها نيفر نيفر نيفر

عبده الرايق يقول...

قوس قزح
انا مستعد اعمل معاكى البزنس ده
بس بورسعيد انضربت فى السوق بعد موضوع الغاء المدينه الحره
انا من رأيى نروح المنيا نهرب قصب
ونتقابل عند جبل الوادى
وكلمه السر
مصارين ابو الليل

قوس قزح يقول...

تستاهل يا روقة
مش انت اللى مصاحب مفروسة و مجرجرها وراك فى كل حتة
و بعدين يهون عليك تاكلوا فراخ لوحدكم يا قااادر
انت اب انت
طيب قولها تبعت لنا سدر فرخة
انا اللى مخصماك نيفر نيفر نيفر

و نو بيزنس بينى و بينك

الا طبعا لو نويت تعزمنى على حتة من الفراخ
ساعتها اعمل معاك بيزنس حتى لو فلفل اسود من اسوان و نخبيه فى خرفان ابى

دعاء مواجهات يقول...

مهو لو فية كلام يتقاال يانااس كنت قولتوا

بجد اكتر من رائعين

بستمتع بالقراءة بجد

دمتم عسولين كدة

بييس..

دعاء مواجهات يقول...

بجد يخرب عقلك ياراايق

حلوة اوى نخوتة نخوتة دى

ضحكتنى من قلبى

انا اصلى كنت باخد كورس امانى من فترة وعارفة شوية ف اللغة بردو

ربنا يعيك ياخويا ع العيلة الهم دى..

هههههههههههههههههههه

بيييس

الطائر الحزين يقول...

ماشى يا سونة
رامية ودنك معانا انا اللى هرفع عليكى قضية تجسس مع سبق الارصاد والترصد الجوية
يوم مزعبب بزعابيب امشير وزعابيب القصب

حشرية صحيح واحد بيتكلم فى تليفون جارة مراته مالها مش فاهم

Empress appy يقول...

امممممم
رايق كنت فاكر بيعاكسوك لا طبعا
ولا انا طيب بزمتك حد يعاكس ابى وخرفانها ههههههههههههه
ده بيعاكس مفروسه ههههههههههه
لا بجد ده غالبا اللى حصل مع واحده صحبتى واستظراف وقرف بس ده كان فى مسابقه عن الاصوات والغناء والتمثيل

Empress appy يقول...

اخى الطائر



مبروك يا عم بس ابقى خلى بالك من الشهره بقى ههههههههههههههه

مواطن مصرى نايم يقول...

اخرتكم معايا وحشة جدااااااااا
يا افراد الاسرة كلهم فردا فردا
ما عدا فرنسا و ايبى
اااااااااه كوسة
هو الرايق اللى ممكن اعمل فيه اى حاجة
بقى يا دكاترة عبده اغيب عن البلوج متسألش عنى
ماشى ماشى
انا لو كسبت فى المسابقات دى مش حديك و لا موزه من الموز اللى حكسبة

مواطن مصرى نايم يقول...

مبروووووووووووك يا طائر
ايوه يا عم اللى على على
ممكن توقع لى على الاوتوجراف
لا بلاش الاوتوجراف
ممكن توقع لى على طرف البلوج
ههههههههههههههه
تحياتى يا باشا
اسلام

Asmaa mahaba يقول...

تقطع مين يا رايق دا انا اللى يرش بطيخ بالميه اديله ازازه بيبس هديه
امال ايه
اه هو بعينه المشبك اللى بيتحط على حبال الغسيل

Asmaa mahaba يقول...

طاير
يا الدغ ...ماهو انت وجارك مش فاضيين غير للعب والتليفونات مين يدفه سومه مين يتعب سومه مين ينضف ويغير ويغسل سومه
ليا كلام مع فرنسا

الطائر الحزين يقول...

ألدغ يا سونه (سومة)
ماشى ما تخلى الطابق مستور بدل ما اطلع اللى مستخبى

يعنى الحول اللامركزى فى بؤرة الشعور الناتج عن زغزغة المخيخ السفلى اللى عندك جعلك لا تفرقى بين سونة جارتنا وسومة اللى كانت من عيلتنا

حكمتك يارب

غير معرف يقول...

هههههههههههههههههه

جامده حوارتكم بجد

تسلم ايديكو

سلامى للجميع
:))

انت تسال والكمبيوتر يجيب يقول...

سمعتم آخر خبر؟
تقدم الدكاتره لأحدى الوظائف بالقنوات الفضائيه التى اعلنا عنها فى مدونتنا فى الخباثه وطلبوا منه ثلاث خطابات توصيه من تلاته من زوار هذه المدونه الضاحكون يتعهدون فيها بان الدكاتره لن يتعاون مع اى قناه منافسه فى حالة اجتيازه لكافة الأختبارات خاصة قنوات بىبىسى والسى ان ان وقناتى بيبسى كولاوسيفن اب الأرضيتين
وسنوافيكم بآخر الأخبار اول باول فى مدونتنا...المشكله مين فيكم حيضمنواوالتفاصيل واعلان الوظائف هنا

http://netonradio.blogspot.com

همس الاحباب يقول...

ههههههههه
اولا الف مبروك لاخى الطائر الحزين
ولكل اعضاء المدونة نفر نفر
ثانيا هو انا كنت فين
انا كنت نايم ولا ايه
روقة انا رديت عليك فى الدرافت

عبده الرايق يقول...

قوس قزح
مفروسه تانى
نو
نو
نو
انا خاصمتها لغايه اول رمضان
وهصالحها فى اول يوم رمضان
وارجع اخاصمها تانى لغايه عاشوراء
وارجع اصالحها ساعتين و22 دقيقه
وارجع اخاصمها تانى لغايه عيد الشرطه
وبعدين انا مكلف عيال صغيرين واقفين بالطوب على باب المدونه
اول ما تظهر مفروسه هيستقبلوها استقبال الفاتحين وهيعملوا فى دماغها واوا
اما بالنسبه للبيزنيس
انا كنت شايل صدر فرخه للزمن
ميغلاش عليكى
اتفضلى بالهنا والشفاء
بس اللى ياكل لوحده يزور
استنى لما اكل معاكى
امال ايه ده صدر فرخه يابا هى لعبه ؟
وبعدين انا فكرت فى مشروع عالمى
لنهضه مصر وعيله الرايق
فكرت ازرع النتاع اللى اسمه كباب ده اللى اكله الواد خالد وابى
بس مش عارف التقاوى بتاعته بتيجى منين

عبده الرايق يقول...

دعاء مواجهات
وشهد شاهد من اهلها
ايوه كده يا دعاء ارفعى راسى
انا الدكتور اللى كنت بدرس لكم الكرسى بتاع اللغه الالمانى
بس كنت زعلان منكم قوووووووووووى
علشان كنتم بتتكلموا عليا بالالمانى وانا مش فاهم حاجه

عبده الرايق يقول...

الطائر الحزين
مبروك يا طائر
فوت بقى 15 الف جند علشان البوست بتاعك
لان البرنامج ده هيروقك ياعم وهتكتب مذكراتك

عبده الرايق يقول...

appy
هههههههههههههه
بنتى الغاليه ابى
هما مين اللى بيعاكسونى
قصدك الخرفان ؟؟؟؟؟؟؟؟
نو
نو
نو
دول خرفان محترمه جدا
اى نعم كل يوم عملين لنا خناقه ومشكله فى الحته لكن معلش
نستحمل برضه
العيد الكبير قرب

عبده الرايق يقول...

مواطن مصرى نايم
ياض انت ياض
انا مش هاروح اضمنك تانى فى القسم
والمره الجايه
مش هتبقى حشيش
نو
نو
نو
دى هتبقى بودره
وورينى هتطلع منها ازاى
كل عيش يا مواطن
احسن الرايق يسفرك بره الكره الارضيه

عبده الرايق يقول...

سومه...مجنونه فى بلد عاقل
هههههههههههه
الحقى يا سومه
واحد ماسك جوزك جنب عربيع كارو وعماله يخبط على راسه
ويقول لصاحب العربيه
انت متأكد ان البطيخه دى حمراء ؟؟؟
والراجل مسك السكينه وقاله
دى على السكين يا باشا

عبده الرايق يقول...

shayma
شرفتى المدونه بزيارتك يا شيماء
تحيه من كل اسره عائله الضاحكون

عبده الرايق يقول...

CAIROCOMPUTER
قناه السفن اب ؟؟؟؟؟؟؟؟؟؟
يااااااااااااااااااه
الواحد نفسه يطلع فى القناه دى
اصلى عطشان من بدرى

عبده الرايق يقول...

همس الاحباب
شكرا يا خالد على اهتمامك
ولو انى مخاصمك من يوم الكباب اياه
لكن
اعمل ايه
بحبك

همس الاحباب يقول...

عبده يا رايق
ولا يهمك
ليك عندى 2 كيلو كباب وكفته
ان شاء الله لما تلاقى وظيفة على مقاسك
ابقى اجبهلكم
وانا يرضينى زعلك يا روقة
ده حتى انت بابا وانت ماما وانت الاشكيف المخفيف

همس الاحباب يقول...

انا فرحتلك قوى يا رايق
ايستضفوك فى قناة سفن اب
عقبال سفن ام كمان يا جدع
بس ما قولتليش ناوى تطلع ايه
اوعى تكون مكان القزازة اللى بتقول يا لذيذ يا رايق
ههههههههه
والله بجد ملعوبة يا لذيذ يارايق ياعبده يا رايق
اعلان تحفة يا روقة

همس الاحباب يقول...

لا بجد يا رايق
هما البنات راحوا فين
وفرنسا راحت فين
مش ظاهرين
طب مفقوعة ومسافرة
مفروسة راحت فين
وفرنسا
وباقى العيال اخواتى راحوا فين
اوعى تكون سرحتهم فى الاشارات يا رايق
ازعل منك بجد وممكن نقطع كل العلاقات الدبلوماسية بينا
يا خسارة بقينا ولاد شوارع على ايدك يا رايق
الحقى لمى عيالك يا فرنسا من الاشارات

فرنسا هانم يقول...

عبده يارايق
انت واخد المدونه لحسابك ولا ايه ؟؟؟؟
ايه يابنى انت ماصدقت
انا نفسى اشوفك منور المدونه على طول
لكن بعد ماتتعلم تقراء وتكتب علشان انت كده فضحنا بين اوساط المحافظات
حرام
حرام
حرام
شوف يا بابا
شوف يا شاطر
شوف يا دكاتره ههههههههههههههههه
حلوه دكاتره دى
دكاتره فى ايه يا حسره
اراهن ان اخرك ابتدائى
اكتر من كده
نو
نو
نو
نداء الى الرايق
نداء الى الرايق
نداء الى الرايق
ياريت يا ريووووووووووووووقه تجيب كتاب معلم القراءه والكتابه
وتذاكر شويه
قبل ما تقعد تهبل فى الكلام وتحرجنا
الناس تقول ايه
التعليم فى السويس بايظ
بجد يارايق
هو انت لحقت ايام المدارس ام سور ؟؟

فرنسا هانم يقول...

همس الاحباب
صدقنى يا خالد
انا هاعلق الرايق ده من رموش عنيه
هو مشافشى لسه الوش التاااااااااانى لفرنسا هانم
لالالالالالالالالالالالالالالالالا
ده انا فرنسا
وحياه شراشيبى دول
لو حطيته فى دماغى لاخليه يمشى يلم ورق من الشوراع
هو صاحبك يا خالد وعييه لحسن اقلبه هو ميعرفش انا انا كنت بالعب كاراتيه ولا ايه ؟؟؟
اى نعم انا مريضه
لكن السبع بيزائر ولو حتى بيموت

فرنسا هانم يقول...

CAIROCOMPUTER
انا نفسى تاخدوا الرايق وتعملوا عليه ابحاث فى علم الفلك
يعنى تركبوه مكوك فضاء صينى او تايوانى
وتديلوا قله و5 ترغفه
وتشدوا الفتيل بتاع المكوك وهو يسرح براحته
وياريت تودوه نيبتون رايح جاى
وتظبطوا السرعه على 10 كيلو متر فى الساعه علشان لو رجع ميلقناش

Desert cat يقول...

اصدقائى الاعزاء المدونين والمدونات
يوم الاحد 27/7/2008 يتم اذاعه حلقة خاصه عن بوست الطائر الحزين
فلسفة الزرار "
فى برنامجنا الاذاعى
أنت تسأل والكمبيوتر يجيب
http://netonradio.blogspot.com
والذى يذاع يوميا الساعه 9.10 صباحا على اذاعه البرنامج العام ما عدا يوم الجمعه
كما يمكنم سماع الحلقة مباشرة من خلال موقع البرنامج فى نفس موعد اذاعتها الساعه 9.10 صباحا
http://dear.to/cairo
تمنياتنا بدوام التواصل

فرنسا هانم يقول...

الطائر الحزين
مبروك اذاعه حلقه فلسفه الزرار فى برنامج انت تسأل والكمبيوتر يجيب

فرنسا هانم يقول...

كاميليا
بنتى العزيزه كاميليا
ياريت تشتركى معانا فى مدونه الضاحكون
لانك مكسب كبير جدا للمدونه
بس حسك عينك الرايق يقولك على اى مليم احمر وتسلفيه
احسن ده فاضحنا فى كل حته ونازل سلف من خلق الله
نتمنى نشوف اسمك منور بين اعضاء عائله الضاحكون

فرنسا هانم يقول...

سومه...مجنونه فى بلد عاقل
ايه بس يا اجدع جاره حشريه فى الكون كله
مالهم بيكى الاولاد
اى حد يكلمك تعالى ياروحى قوليلى وانا اتصرف معاه
بس والنبى بلاش تبعتى بطيخ افندى
اصله كل ما يجى عندنا يقعد يلسن عليكى
ويقول كلام مقدرشى اقولك عليه على المدونه وبعدين انا مش فتانه علشان اوقع بين واحده وجوزها
اصله كان بيقول ان مراتى سونه المجنونه مبتستحماش الا كل 3 شهور
واكلها وحش وماسخ
ومبتعرفشى تنضف الشقه كويس
وكسليه
وليل نهار لزقه للتليفزيون
وراسها فيها البتاع ده اللى اسمه القمل
وانا طبعا مش سكت له
لالالالالالالالالالالالالالا
انا قلت له مراتك انضف واحده فى العماره يا طيخه
وحرام عليك تتكلم فى غيابها
قالى انا عمرى ما بتكلم فى غياب حد انا معايا صورتها فى جيبى وبتكلم قصادها
قلت له
اخرس
واشرب الشاى ومتجيش هنا تانى
والرايق زعق له
والاولاد ضربوه
اصل كلنا بنحبك قوى يا سومه
لو ناويه تتخانقى معاه
انا عندى ياختى سكينه حاميه تستاهل رقابته

الطائر الحزين يقول...

حمدا لله على سلامتك يا فرنسا هانم

مواطن مصرى نايم يقول...

ايه يا فرنسا
مالك بالرايق
اينعم
انا مستنى بس انى اشوفه
و حعمل لك اللى انتى عاوزاة فيه
بس براحة علية
دا غلبان
اه هو بيتكلم كده الا من الغلب
حسبى الله و نعم الوكيل فيك يا رايق
ههههههههههههههه
و بعدين ماكوك ايه
دا لو راح رحله نبتون نركبه سلحفاه نفاثه
احسن

Mafrousa يقول...

اهيء إهيء هيء
بابتي زعلان مني إهيء
بااااااااااااابتي
ياااااااروقه
يااحن اب
يا سفن اب فى بعضهم
انت لسه زعلاااااان؟؟؟؟

طيب بقى انا مش حديلك...الحصيله بتاعة الجردل
و لو ان الجردل ده مش لايق على مارينا
هههههههههه
هناك يابا بيمشو بتلاجات عشرتاشر قدم
ههههههههههههههههه
و بعدين انت عارف بنتك مفروسة
خم نووووووووووووووووم
ممكن تفصل فى ثانيه

انت ناسي لما كنا ماشيين نتكلم على الكورنيش...بتاع النيل
و بنبيع للعيال الحبيبه الترمس
فاكر؟؟!!!!
مش كنا بنحكي و مره واحده لاقيت نفسك ماشي لوحدك؟؟!!!! و لما رجعت لاقتني واقعه منك و رايحه فى سابع ...او تامن نومه و بشخر

بلاش تزعل يا بابتي.....
انت اظرف اب
انت احن اب
انت سفن اب

و بعدين انت بتعرف المااااني
و انا موديني الكتاب اللى تحت الكوبري
اللى بيعلم العيال برغيف؟؟!!!!!
بتعرف المانى؟؟؟؟


بس انا متهيألي و الله اعلم اني سمعت الكلمه ديه قبل كده!!!!

فين يا فروسة؟؟
فين يا فروسه؟؟؟؟
فين
فين
ايون
افتكرت
لما واحد بيسألك ازى الصحه
بترد و تقول جووود
صح يا بابتى؟؟؟

Mafrousa يقول...

appy
--------
بت يا آبي انتى عاوزه تلبسينى التهمة بتاعة الواد اللى بيعاكس
كده يا آبي
كده

طيب مش ححميلك الخروف البمبي بتاعك ياختي

و بعدين ليه التسيح ده....
ده حتي ابوكي رد عليه مرتين بطل يتصل

Mafrousa يقول...

انا زعلااااااااااااااانه
لما انت تخاصمني لغاية اول رمضان
مين حيفتح البيبس......
و بعدين تصالحني تاني اول رمضان...
حكون صايمه.....و معنديش وقت اتصالح
و بعدين اهه كلام هوه انت تقدر.....تخاصم حد من عيالك الجمال
اللى حيخلوك تدخل السرايا برجليك؟؟؟
دول كام عيل...لو موجودين فى الحياه..كان زمان ابهاتهم...فى السرايا

ايه.... انت بتدي قوس قزح صدر الفرخه؟؟ إيه حتاكله لوحدها؟؟؟؟ولا إيه يعني؟؟؟؟
استني يا بت يا قوس
قبل ما تهبري الصدر
خليني اترمي فى حضنه آخد شوية حنان
وبعدين كوليه براحتك



لما تلاقى التقاوي
ابقى ازرعلى شجرة لوحدي
ماشي؟؟؟
سلام

Mafrousa يقول...

ايه يا اخوانا
الكباب اللى عمال رايح جاي
مالك يا عم همس
فيه إيه
انت عندك ووفر من الكباب
هات شويه
و لا انت زارعه فى البلكونه؟؟؟؟

Mafrousa يقول...

ههههههههههههههههههه
فرنسا حتحط الرايق فى دماغها
ههههههههههههههه
فرنسا حتحط الرايق فى دماغها
هههههههههههههههه

هيه دماغك كبيره او كده يا فرنسا
ههههههه
و بتتفتح وتتقفل؟؟؟؟
هههههههه
و لا الرايق صغيييييييييييييييييييير اوي كده؟؟؟؟

طيب لما تحطي الرايق فى دماغك....حتسبيه يلعب فيها براحته؟؟؟؟
ساعتها...هههه
حيسيب الجردل...و يقف يعمل سندوتشات مخ
ههههههههههههههههههههههه

Mafrousa يقول...

مبروووووووووك لاخي الطائر
الطائر طلع فى الراديو يا رجاااااااله


عقبال ما تطلع فى التليفون
و الدش

Mafrousa يقول...

سومه..
ياسومهيا حشريه
انا جايبالك دوا كويس من الجزخانه لجوزك
إيه بتقولى دوا إيه

دوا للحبوب
جوزك بطيخ
طالعله حبوب سوده فى وشه
ههههههههههههههه

Mafrousa يقول...

الى اخواتي اولا الراايق
الرااايق
فرنسا
اخونا هيما صاحب التلاجه
عنده نبطشيه حراسه على التلاجه 24 ساعة يوميا فى المستشفى اللي بياخد الجثث منها و يحطها فى التلاجه
فلهاذا هوه مشغول لشوشته...و عمال يستف فى الناس و يرصهم جنب بعضهم فى التلاجه
اما الاخت مفقوعه اللى هيه حماتك الموقرة يا رايق
فهيه بتبلبط...هيه و عيالها فى الاسكندرية
وبعدين اتأخرت لأنها من ساعتها بتدور على عوامه إكس لارج مش لاقيه
فغالبا و الله اعلم بتفصل واحده على مقاسها
قوم لما تنط فى شبر ماية ما تغرقشي


ديه كانت آخر النباء

و النبي يا بنت يا مفروسة تنفعي تبقى موذيعه؟؟؟
ايون
ابقى موذيعة فى قناه...من القنوات الفضائية
ايون الله..انا عاجباني الفكرة ديه ابقى موذيعه
و اكره الضيف فى عيشته...اسأله السؤال و اردانا عليه
ههههههههههههههههههههههههه

كاميليا بهاء الدين يقول...

فرنسا الحبيبة الغالية

ياريت تشتركى معانا فى مدونه الضاحكون
لانك مكسب كبير جدا للمدونه
.....
ده انا يزيدنى رفعة وشرف انى اشترك معاكم


........
بس حسك عينك الرايق يقولك على اى مليم احمر وتسلفيه
.....

طيب مش فيه هنا ملاليم حُمر ، ينفع أسلفه باليورو؟
أصل الدراخمة إتلغت خلاص؟
بس اليورو أحسن ، بيعمل ثمانية جند كده دلوقت

.......
نتمنى نشوف اسمك منور بين اعضاء عائله الضاحكون
......

أنا كمان أتمنى ، إن شاء نعمل حاجة حلوة سوا


====

دكاترة / عبده الرايق

جوتن تااج
اذا مش حلوه الالماني دى خليها هولندى
خودن آفوند

....
انا اشترى الفيس بوك
ده حتى ملهوش مكان احطه فيه
....

ههههههههههههههههههه

طب ينفع حضرتك تعلقه زى البادج؟
حتي شكله هايبقى حلو
بس ابقى اختار لون جميل

بون ويى

تحياتى

maha zein يقول...

رائعو اوي الحلقة دي بجد
جميلة ومفيدة جدا
بجد احسن حلقة
دمها شربات
باركولي بقه اختي فرحها بكرة
اتصلوا علي 09000 وحولولي رصيد بقيمة كارتين ب500 جنية
مزنوقة ومعذورة يا رجاله
بسرعة بس محتاجة حتتين دهب البسهم في الفرح
تحياتي لفريق العمل الرائع
بجد اسرة واحدة

حنين القلب يقول...

هههههههههههههههههههه
والله يا مواطن شاطر بس لو كنت عرفت العنوان كنت هتبقى اشطر نروح نفجر الناس دى اللى فكرنا هبل
قوس قزح كارت ب 200 جند علشان تقوليله بحبك يا حمار
يا ستى ابعتى ليه رساله واشتمى فيها براحتك وب 30 قرش بس غلطااااانه يا دوللى
بلطجيه هانم مفقوعه ارحمى بابا شويه عماله تئطمى فيه وتكسرى روحه المعدنيه
ارحمممممممممممممى يا تيته
مامى يا رب يخليكى لينا دايما يا فرنسيتى
باباتى انا مش اتصلت مش ليه دعوة هااااااااات تليفونك اتصل والعب شويه ومش تخاف مش هخلص الشحن الا هو اصلا فيه رصيد يا بابا؟؟؟
منكن سؤال صغنون فيه عيال ناقصه انا عدتهم فين عسسسسسسسسقول
وخالد همس الاحباب
ومها زين
انتوا دبحتوهم وكلتوهم ولا ايه ؟؟
بس بجد تسلم ايديكم كلكم

انت تسال والكمبيوتر يجيب يقول...

للشباب الطموحين فقط
وظائف شاغره بالقنوات الفضائيه على مدونتنا
http;//netonradio.blogspot.com

انت تسال والكمبيوتر يجيب يقول...

الأخت العزيزه فرنسا هانم
تحياتناواسمحلنا نختلف معاك فى مسالة التخلص من عبده الرايق ...فهو بكل المقاييس من المتر للكيلو متر يعتبر ثروه قوميه ...علاوه على انه ناصح ولا تنفع معه اى وسيله معروفه للتخلص منه ...لقد حاولنا ان نلحقه بالفريق الأولمبى الذى سيلعب امام فريق القروش البحريه ...ولكنه اعتذر فى آخر لحظه ...اما حكاية ارساله فى صاروخ بقله وخمس ترغفه وبسرعة 10 كيلو فى الساعه فهو بلا شك كرم منك ويدل على مدى ماتكنيه من مشاعر صادقه دافئه له لأننا نعتقد ان سرعة 5 متر فى الساعه كافيه جدا وبرده حتلاقى قدامك ومزوغ من نبتيون وراجع على اول توكتوك

انت تسال والكمبيوتر يجيب يقول...

خير الله اما اجعله خير
حكالى احد الأخوه هنا فى المدونه الحلم الغريب ده
آل ايه عبده الرايق فاز برحله فضائيه من ورقة بخت وجدها فى طبق كشرى او علبة كشرى مش متاكد ولما فاز واستعد للسفر ماهنش على فرنسا هانم ادتله قله وخمس ترغفه ولما وصل لكوكب زحل وحب يرجع قالوله انفضل اركب ...قال ايه ده ...الدكاتره عبده يركب توكتوك نو نو نو فمدير موقف تكاتيك المحافظات قال له حتركب والا تستنى قال عبده خلاص اركب بس المره الجايه تحضروا على الأقل توكتوك مرسيدس
ورجع وفرحت بيه فرنسا او اظهرت فرحها مش دى المشكله المشكله ان عبده زى ما سبق وقلنا سافر بقله وخمس ترغفه
يبقى منين جاب الفرختين والوزه اللى رجع بيهم دول؟
ياريت يكون فيه حد بيعرف يفسر الأحلام

انت تسال والكمبيوتر يجيب يقول...

الأخت العزيزه فرنسا هانم
شافك لسه مصممه على التخلص من عبده...اذا كنت فعلا مصممهانا عندى فكره شريره اوريجنال ...احنا نعمل ايه....اولمبيات بكين قربت ....احنا ننزله فى ماتش ملاكمه مع بطل العالم من الوزن الثقيل فى مياراه من 40 جوله ولو انه من اول جوله حينتهى الماتش وليك علينا نذيعه على جميع الأقمار الصناعيه ...قلت ايه مدا بينى وبينك الموضوع مش للنشر قلتى ايه

همس الاحباب يقول...

موجز لاهم الانباء
تتقدم اسرة مدونة فرنسا والرايق والضاحكون باجمل التهانى بمناسبة انضمام الاخت العزيزة كاميليا والاخت العزيزة حنين القلب الى اسرة المدونة
وزغرطى يا فرنسا
بناتك زادوا اتنين
اما انت يارايق روح ارمى نفسك فى البحر وريح واستريح

همس الاحباب يقول...

مفروسة ظهرت يا ولاد
وعايزة تبقة موذيعة
والله يا اختى الضيوف ايرموا نفسهم من الدور التسعتاشر بسببك
لانك بصراحة اتاخدى الحوار لوحدك
ومش بعيد تاخدى رايق واخواتك يبيعوا بيبسى ومناديل فى القناة الفضائية

همس الاحباب يقول...

حنين القلب
لا عاش ولا كان اللى يدبحنا يا بنتى
انتى بتقولى ايه
كل الحكاية انه خدتنى نومة
قمت لقيتهم عملوا الحوار مع نفسهم
اصل الرايق كان باعتنى فى بعثة الى كوالامبور علشان نعمل صفقة تصدير نمل الى هناك
عندك مانع

Z_Diva يقول...

nنياهاهاهاهاهااااااااااااا

و اله انتم عيلة وش اجرام صحيح... بجد مسخرة جدام

بس كله كوم بقى و في كلمة بجد بتوقعني في الارض, في اي بوست بتتقال فيه بجد مش بعرف امسك نفسي من الضحك. الكلمة دي هي " الدكاترة عبده الرايق" بجد عالية عالية يعني

يلا واي تو جو يا عائلة مائلة انتم :)))

Dr. Ibrahim يقول...

هههههههههههههه

اهى مفروسة ..أكلت النبأ

بس على فكرة الناس بتتحط فى التلاجة علطول

لأن التلاجة توموتيكى تموتيكى......

همس الاحباب يقول...

د هيما ظهر بعد غياب يا جدعان
ايه يا دكتور
انت كنت حارس التلاجة بجد ولا ايه
المفروسة سيحتلك فى المدونة والمدونات اللى جبنا

قوس قزح يقول...

انت يا رايق هتدينى صدر فرخة متاكل قبل كده
كل اللى مسموحلك به انك تتصور جنبه و بس

اما انتى يا مفروسة انا خايفة عليكى بعد ما تدوقى حنان صدر الفرخة و طعامته متبقيش مفروسة و اعصابك ترتاحة و متعرفش تخدى حقك من العيال فى الحارة

انا بقى بمناسبة انضمام كاميليا لنا هعمل على الصدر ده حفلة لها على كام زعزوة كفتة من عند خالد


د.هيما يسترك ربنا ادينى فى التلاجة رف بمفتاحه علشان اشيل فيه صدر الفرخة العيلة دى مفترية و هتاخده منى

Asmaa mahaba يقول...

قمل ....هى حصلت قمل
يا بطيخ....امال الجاز اللى بحطه كل يوم دا بيعمل ايه
خباص يا فرنسا محدش يصدق
والنعمه د نا اكلى عسل بس تقولى ايه قال اطبخى يا جاريه كلف يا سيدى بتحايل عليه يدينى اجيب ملح يقولى كفايه صوابعك فى الاكل
وحياتك يا خالتو دا هو اللى ربطنى فى رجل طربيزه التليفزيون عشان ابطل اسسسسسسمعكم...اقصد يعنى مبصش من الشباك....مش انا اللى لزقت بمزاجى

عموما الراجل بتاع البطيخ اخدلى حقى منه ...بس يا خساره طلع نقبه على شونه بطيخ اقرع هههههه
اسمع يا رايق ادعى على ابنى واكره اللى يقول امين اياك واياك والف ايك لو تكلمت عن بطيخ ان بحذذذذذرك تحزيز شديد

المـــفـــــــقــــــــوعـــــة مــرارتـهــا يقول...

انتم روحتم فين ياولاد الرايق
بقي اغيب اربع ليالي عند جوز اختك يافرنسا ألاقيكم واكلين كفتة وفراخ ولما ابقي عندكم غير الفول والطعمية ماتأكلونيش
منك للي اكل لحم الحمير يارايق ماتوعي تاكل لقمة من غيري
هو فيه حد يجيله نفس وحماته حبيبته بتصيف
انا الحق عليا اللي قطعت الأجازة ورجعت بدري عشان حسيت اني قطعت بيكم
خسارة فيكم القناديل اللي اصطدهالكم عشان تعملوها مهلبية بالرمل
قطيعة ماحدش بيتلسعها بالساهل

Asmaa mahaba يقول...

مفروسه بلاش انتى
يعنى عاوزه تفهمينى ان بطيخ اللى عندك مفيهوش حبوب وكلاكيع ومطلع عينك ومطهقك
اللى جوزه بطيخ ميحدفش الناس بالقشر
تحياتى ليكى سومه_87

Asmaa mahaba يقول...

مفقووووووووووووعه
عود احمد يا حماة فرنسا
تعالى شوفى يا خالتى اللى عاملينه فيا ولاد الرايق
يصح كدا وانا اللى متكفله بعمليات النفج والشفط بتاعتك كلها
سومه_87

Mafrousa يقول...

د\هيما
ياخراااااااااابي
اهه شوفتو بقى اهه جه على سيرة التلاجات و الناس اللي بتتحط فى التلاجات
اروح و اجري استخبى
لحسن مش عارفه ليه انا بفكره بالفره البيضه الصغنونه اللى عنده فى المعمل

Mafrousa يقول...

تيته مفقوعة
ازيك يا تيته؟؟؟
انا سمعت انك كنتي بتفصلي عوامه على مقااااسك؟؟؟
شوفتي البحر؟؟؟
ولا كان مشي؟؟؟
عقبال البلبطه اللى جايه بس تبقى تاخديني معاكي

Mafrousa يقول...

سومة...مجنونه فى بلد عاقل
--------------------------
هههههههههههههههههههههههه
هههههههههههههههههههههههههههه
هههههههههههههههههههههه
مين قالك اني عندي بطيخ يا سومه يا حشريه

انا ياختي
اللى عندي
شمااااااااااااااااااااااااام
هههههههههههه

Mafrousa يقول...

انتي يا قوس ياللى قزح انتي
انا عاوزه اشوفه طيب

ايوه صدر الفرخه ده انا عاوزه اشوفه...اشوف شكله

اختي حاببتي انتي شوفتيه؟؟؟؟؟
كده عادي؟؟؟؟ّ!!!!
انا عاوزه اشوفه...و أخد معاه صورة

انتي رايحه تطلبى من هيما انه يديلك رف؟؟؟!!!!
رف يا قوس؟؟؟!!!
اهيء..اختي حبيبتي رايحه لهيما...تطلب منه رف فى التلاجه
مش عارفة يا حبة عيني ..انها لو راحت هناك هيما حيزقلها فى التلاجه
هيه و صدر الفرخة اليتيم...اللى مالوش لا ديك يعيط عليه
ولا كتكوت...يدعيله

كاميليا بهاء الدين يقول...

قوس قزح

.....
انا بقى بمناسبة انضمام كاميليا لنا هعمل على الصدر ده حفلة لها على كام زعزوة كفتة من عند خالد
.....

من أولها كده؟

انتى عاوزة الرايق يقولنا افتح لكم صدرى تاكلوا الفرخة؟

=====

همس الاحباب

اشكرك جدا يا خالد على الترحيب

...
وزغرطى يا فرنسا
بناتك زادوا اتنين
اما انت يارايق روح ارمى نفسك فى البحر وريح واستريح
...

هتقمص شخصية عبده الرايق:
نو
نو
نو
نوووووو

نيفر ايفر ريدى

بحر ايه؟ أنا باصييف فى المحيط الاطلنطى مع الجروب بتاعى بدعوة مجانيه من حزب الحوت الابيض.
واخد بالك انت من مجانية دى؟

Mafrousa يقول...

نعمممممممممممممممممم نعممممممممممم
نقطة؟؟؟!!!!
نقطة إيه اللى حاتخدوها لحنين القلب و كاميليا ده
نو
نو
نو
هو
هو
هو
كل النونوه و كل الهوهوه
هزو انا لما كنت انضميت و لا حتى افتحيت و اكسريت
كان حد نقطنى؟؟؟؟!!!!
و لاقلمني و حياتكم

انا عاوزه اتنقط
انا ماليش دعوه انا عاوزه اتنقط...
هه مين حينقطني؟؟؟؟!!!!

Mafrousa يقول...

ههههههههههههههههه
كاميليا جايه تاخد بطاركوا يا بناااااااات
ههههههههههههه
بتطلب طلب صريح من الرايق انه يرمي نفسه فى المحيط ههههه
ما تعرفش ان الميه اللى على الشط ديه بغرق فيها اصلااااا
اهه الرايق ده يا كاميليا اللى عملوا عليه المثل
بيغرق فى شبر ميه
ههههههههههههههههههههههه
و الدعوه من الحوت الابيض
...يا صلاة النبي
هيه الحيتان....ماشية زينا فى التقدم؟؟؟!!!
بقت الوان
هههههههههههههههههههههههه
إلا المحيط ده يا جماعه اكبر من البحر؟؟؟؟
و ليه سموه محيط؟؟؟!!!
ماهو كله ميه؟؟!!
و لا المحيط كان اسمه بحر...و لما زعل منه غير اسمه؟؟؟!!!!
ههههههههههههههههه
الرايق؟؟!!!
ههههه
اللى بدخل الاقيه قاعد فى جردل الببس...ويقولي اهه هوه ده يا بت يا مفروسه اللى بيقولو عليه الجا كوزي
كوز كبير شوية يبقى جردل على طول
ههههههههههههههه
و لما اسألأه فين القاقيع يا رايق اللى فى الجا كوزي
يقولى يا بت يا هابله اهه
و يقوم راجج ازايز الببسو فتحها فى الجردل تعمل فقاقيع
هههههههههههههههههههههههههه

Mafrousa يقول...

هههههههههه


انا احتليت المدونه
ههههههههههههه
و فرنسا مش هنا و الرايق مش هنا
و العيال كلهم مش هنا
ههههههههههههه
وانا بلعب لوحدي
ترا لملم...ترالملم..ترالملم

عبده الرايق يقول...

ازيكم يا ولاد
الرايق وصل
لاداعى للهتافات
دعونا نعمل فى مسمط

عبده الرايق يقول...

اولا ارحب بابنتى العزيزه الغاليه
حنين القلب
واحب اقولها فكيها شويه يا حنين
ابوكى الرايق محتاج فلوس
وانتى مخزنه فلوس بالعبيطه
بلاش تعملى نفسك غلبانه
وانزلى دلوقتى حالا
اشترى 10000 كارت فودافون
من ابو 100 جند واشحنهملى حالا
يعنى حسبه بسيطه
10000 × 100 = 115 جند
ميه وخمستاشر جند مش خساره طبعا فى الرايق
ملحوظه
رقم التليفون علشان تشحنى الكروت
هو
4567 نقل السويس

كاميليا بهاء الدين يقول...

عبده الرايق

....ملحوظه
رقم التليفون علشان تشحنى الكروت
هو
4567نقل السويس
....

ليه؟
هو خط التليفون بتاعك موبل؟
طبعا مش دكاترة لازم يكون موبل اومال يعنى هيكون سوبر 1000



....

ميرسى جدا على الدعوة ، اتشرف جدا بانضمامى لاجمل عائلة



طيب حنين هاتشحن لك تنك التليفون

وانا؟

تحياتى

عبده الرايق يقول...

ثانيا
ارحب بابنتى العزيزه كاميليا
شاعره اسره الرايق
واميره شعراء البلوجر
واحب اقولها
جدعه يا كاميليا
دافعتى عن ابوكى الرايق قصاد الواد الملحوس خالد بتاع بولو الحلاق
اللى عايز يرمينى البحر
وانا اتمنى لكى رحله ممتعه يا كاميليا مع الجروب بتاعك
وانا اللى فارحنى ومخلينى منشكح على الاخر ان الرحله مجانيه
طبعا بنت الرايق
بس يا عبيطه نفعى نفسك واستنفعى من الرحله دى
انا هابعت لكى جردل زى اختك مفروسه وتشترى صندوقين ساقع على كام ساندويتش وتقلبى رزقك على البحر
بس حسك عينك من الخنصره
اى مليم هتخنصريه هاعرفه
انا قلبت مفروسه اول مارجعت من ملينا ولقيتها مخبيه جنيه وربع فى كم البلوزه
وكنت هاجرجرها من شعرها على القسم
واعملها قضيه امن اسره
لكن قلت عفى الله عما سلف
يلا بقى يا كاميليا
امسكى الجردل واستلمى الشغل

عبده الرايق يقول...

كاميليا
نو
نو
نو
موبل دى الجايزه اللى انا اخزتها
واسمها جايزه موبيل فى الهندسه والكمياء والتب والفظياء والنحو والرياده وحساب المثلثات والصياصه

عبده الرايق يقول...

همس الاحباب
عايز ترمينى فى البحر يا خالد
طيب
وحياه ابوك الرايق وامك فرنسا واخواتك الولاد والبنات
مانا مديك النمله اللى كنت مخبيها منك من النمل اللى كنت بتهربه
وعلى فكره بقى
انا سمعت اخر مكالمه ليك مع المهربين بتوع بلاد بره
وسمعت الراجل بيقولك ال 50 مليون نمله
ناقصين نمله
وانا بقى معايا النمله دى
ومش هتاخدها ابدا
نيفر نيفر نيفر

عبده الرايق يقول...

فرنسا
معلم القراءه والكتابه ؟؟؟؟؟؟؟؟؟؟؟؟
احنا فينا بقى من التسييح قدام البيبول
طيب يافرنسا
لعلمك بقى انا بعرف اقراء واكتب لبلب
الف ارنب
ب بطه
ت تفاحه
ج جمل
ح حسنه قليله
خ خير تعمل
د دنا جعان يا عالم

عبده الرايق يقول...

سومه الحشريه

متصدقيش فرنسا
بطيخ جوزك راجل محترم ومتكلمشى عليكى باى كلمه من كلام فرنسا
وخلى بالك من فرنسا
دى عايزه تجوز بطيخ
وجايباله عروسه اسمها شمامه
خلى بالك من جوزك ياسومه
وخلى بالك من فرنسا
انا عندى سم فيران
لو عايزاه وتعزمى عليه فرنسا انا موافق

عبده الرايق يقول...

CAIROCOMPUTER
مااااااااااااااااااااااااااشى يا عم صلاح حجازى
عايز تبعتنى الفضاء بسرعه 5 متر فى الساعه
عموما بقى انا فعلا رحت الفضاء بسرعه 5 متر
ورجعت فى نفس اليوم
اصل فى فى شارعنا حته ارض فضاء للبيع

عبده الرايق يقول...

Z_Diva
احنا اتشرفنا بوجودك معنا فى عائله الضاحكون
وشكرا على رأيك الجميل فى المدونه

كاميليا بهاء الدين يقول...

عبد الرايق

.....

يلا بقى يا كاميليا
امسكى الجردل واستلمى الشغل
......

نووو
جامييه

نو جردل ، كاين جردل، ني جردل

ماى فاذر رايق انت جايبنى من المانيا علشان امسكتو واحد جردل؟؟

طيب انا هقول لانتى فرنسا ان انا بنتك من مراتك الالمانية اللى اتجوزتها لما جيت تاخد الدكتوراه من هنا.

كمان هقولها ان الورقة اللى وريتهالها على انها شهادة الدكتوراه ، دى شهادة جوازك .

ها
فيها جردل ولا نوو جردل؟؟

عبده الرايق يقول...

واد يا مواطن يا نايم
انا بقى نفسى اعرف اسمك الرباعى
صدقنى لو عرفته مش هتشوف الاسفلت فى حياتك تانى
بس عايز اعرف اسمك الرباعى
انا عارف انك
اسلام عبده الرايق
لكن بعد كده ايه ؟؟؟؟؟؟؟؟؟؟
هو ده اللى مجنينى

عبده الرايق يقول...

كاميليا
نو جردل
خلاص اوعى تقولى لفرنسا خليها نايمه على ودانها
ونو
نو
نو
نو جردل
بس انتوا فى المانيا بتسرحوا على الكورنيش بتاع النيل بتاعكوا بجردل ولا بتبيعوا الكازوزه ازاى
وبعدين هى المانيا دى دوله افريقيه ؟

عبده الرايق يقول...

قوس قزح
اتصور جنب صدر الفرخه بس
نو
نو
نو
انا الدكاتره الكبير عبده الرايق اتصور جنب صدر الفرخه ؟؟
نو
نو
نو
اقل من صدر وزه انا متصورشى ابدا ابدا

عبده الرايق يقول...

المـــفـــــــقــــــــوعـــــة مــرارتـهــا
اهلالالالالالالالالالالالالالالالالالالالالالالالالالالالالالالا
مفقوعه
حماتى الغاليه
انتى رجعتى تنورى البيت من تانى !!!!!!
هو البحر اللى كنتى فيه مفهوش اسماك قرش ولا ايه ؟؟؟؟؟؟؟؟؟؟؟؟
حظ مهبب

عبده الرايق يقول...

مفروسه
انا كنت مخاصمك
لكن
بعد تدخل
الدول الافريقيه
والعربيه
والاوروبيه
ودول حوض البحر المتوسط
والدول الاسكندانفيه
ودول امريكا اللاتينيه
وعم على بتاع المخلل
ومستر بلاتينى بتاع الكوره
ومستر كامى الفران
وجمعيه مناهضه الرق
وجمعيه ام المطاهر
وجمعيه حقوق الجيران
والاتحاد الدولى للبلى
وفيفى
ومجموعات كبيره من رجال الاعمال
قررت
انى
اصالحك تانى

عبده الرايق يقول...

اقوم بقى انام
وتصبحوا على خير

كاميليا بهاء الدين يقول...

عبده الرايق

......
نو جردل
خلاص اوعى تقولى لفرنسا خليها نايمه على ودانها
ونو
نو
نو
نو جردل
....

ايوه كده، بهبهات مش بتيجى إلا بالعين الكحيلة


.......
بس انتوا فى المانيا بتسرحوا على الكورنيش بتاع النيل بتاعكوا بجردل ولا بتبيعوا الكازوزه ازاى
.....

مفيش حد بيسرح هنا، بس ممكن تمسك جيتار وتروح المترو تعزف، تعملك بتاع عشرة يورو فى اليوم بس دى للولاد بس، يعنى انا مش ينفع خالص خالص، وانسى انك تشغلنى، انا جاية للسياحة، لكن ممكن تاخدني معاك اترجم لك وانت بتقابل الوفود الاجنبية في اجتماعات الدكاترة المتعددة فى دار القضاء الفيدرالى

......
وبعدين هى المانيا دى دوله افريقيه ؟
....

ألمانيا دولة جيرمانية مش افريقية

قوس قزح يقول...

لا يا رايق
دى وزة شيطان دى

هو انت فاكر ان انت لو شوفت صدر الوزة هتعيش بعدها

تيتا حمدلله على السلامة
سمعت انك عملتى نوة على اليلاجى بين الستات و اجوزاهم
كل ده بسبب المايوه بتاعك
قال ايه كل ما حد يبصلك من فوق لتحت تقولى بيعكسنى
مش انا قلتلك يا تيتا بلاش المايوه الفوشيا هتبقى فيه زى بيج ماما


مفروسة لو على الصورة ماشى استنى بس نتصورها سوا فى حفلة كاميليا و حنين علشان انا خايفة على الصدر ليكش من الفلاش بتاع الكاميرا ولا ياخد تاان


كاميليا ولا يهمك الرايق هيستنى صدر الوزة بعد عمر طويل
نلحق احنا الصورة

الطائر الحزين يقول...

توأم فى العائلة
يا اهلا يا اهلا

الحمد لله انهم طلعوا بنات علشان تحشروا مع البنات اللى زيهم لو كانوا ردالة كنا بندجناهم

Ehab يقول...

انتم عيله جنااااااااااااااان

بجد فزيييييييييييييييييييييع

انا لازم اشوفلكم حل وارد عليكم فطستوني الله يهديكم
سلاااااااااااااااااااااااااااام

اخوكم اللي بيحبكم كلكم ايهاب

Mafrousa يقول...

ايهااااااااااااااااب
شنكوووتي
ما تيجي
انت ما بتجيش ليه؟؟
تعالى ادخل معانا مباراة التعليقات
هوه تعليق و تجري كده
نو
نو
نو
(ده نسبة اننا اولاد الرايق لازمن نقلده)

Mafrousa يقول...

ايه ده يا روقه

دول الحوض البحر الابيض المتوسط؟؟!!!
تدخلت؟؟؟
اما دول البانيو...!!!! مش تدخلت ليه؟؟؟؟؟

و مين دول الإسكافي ديه؟؟؟...انا مش رحتها ابدااااا

و بعدين يا عم الروقان الجردل...إختصاص مفروسه

تسرح بيه و تطري على قلبها...انا بقولك اهه

همس الاحباب يقول...

ماما فرنسا
بابا عبده
اخواتى البنات
اخوانى الشباب
من موقعى هذا اطالب بتحديد النسل فى هذه العائلة المجنونة
يا جدعان انا ما بقتش عارف اسامى اخواتى ولا عارف مين تيتا ولا مين جيرانا
طب انا مين وجيت هنا ليه
على فكرة انا هابلغ الانتر لوب عليك يا رايق واقولهم انك مش بتطبق قانون تحديد النسل وهتغرق البلد نسل
وفى الاخر هترميهم فى الشارع

مدحت محمد يقول...

مدونة عاملها جديد اتمنى الزيارة وابداء الرأى فى الفكرة ده رابط اللينك

http://romantic-messages.blogspot.com/


عبده عبده

انا الخمسة جند لاقيتها وحطتها فى الجامع ههههههههههههههه

Mafrousa يقول...

همس الاحباب
-----------احلى حاجه فى العيله ديه يا خالد انا بتكبر...و تكبر...و قلبها كبير يساع كل الناس
مش اسمك ايه...المهم انت اخو نا..و كلنا لينا اسم واحد...اولاد الرايق
و بعدين واضح ان ايوك كان بيلعب بديله و هوه صغير
وعامل فيها فلانتينو
و يقولك انا الدكاتره عبده الرايق...
اهي اول البشاير...بنته الالمانيه...شوفت؟؟!!
و عاوز يديها الجردل اللي بسرح بيه على الكورنيش

مش بعيد بكره تلاقىله ابن فى الخليج و لا السودان
هههههههههههههه

خالد
احلى ما فينا اننا بندخل بيتنا ده
ونهزر مع بعض
ونضحك مع بعض
و نتطمن على بعض
ربنا يديمها علينا عيله
ويكبرها...كمان ...وكمان
و ما تنساش انك اخونا الكبير

همس الاحباب يقول...

اختى مفروسة
هههههههههه
ربنا يبارك فى العيلة وتطرح صبيان وبنات
ما هو احنا كده ولاكده محرومين من الميراث

هو الرايق حيلته حاجة يا بنتى
فالح يخلف ويرمى فى الشارع
بس بجد مبسوط ان ليه اخوات فى المانيا زى كامى وربنا يستر ما يجيبش عيال من الصين احسن يحتلوا المدونة بجدوبعدين نصيع احنا فى الشوارع نبيع منتجات صينى

همس الاحباب يقول...

مش عايز اقولك انا مبسوط قد ايه بالمدونة وكل اللى فيها
وناوى اعزم كل المدونين عندنا
والرايق يشربهم بيبسى على حسابه
هو الرايق راح فين
ولا حاسس انه ايتدبس فى العزومة قال ينفد بالجردل

همس الاحباب يقول...

وبعدين تعالى هنا
انا ابن فرنسا مش الرايق
انا قاطع العلاقات مع الرايق بمقص وسكين كمان
يرضيكى يا مفروسة يسرق النمل من ورايا ويدفعنى غرامة تاخير علشان نملة
احكمى انتى بنفسك ينفع كده

Mafrousa يقول...

لأ مش يرضيني يا خالد
خاااالص
ماااالص
النمله ديه انا حقولك على سرها
هوه اخدها علاشان ياخد فدية عليها
و بعدين..قعد يشغل النله يا عيني...رايحه
جايه
جايه
رايحه
تشيله فى حاجات...زي فتلفيت العيش...و السكر
و بعدجين و هيه ماشيه مرهوقه و طالع عينها من الرايق...داخت
وقعت
هووووب
لزقت فى فردة شبشب
خاف يقولك
تقوم مش تديله الفديه

اهي هيه ديه الحكايه
هههههههههههههههه

يا خرابي عليكي يا مفروسه...و الله تنفعي...مذيعة
ايو....مذيعة!!!!
بس مذيعة...برامج اطفال و احكي حواديت
ههههههههههههههههههه

عالم ماريونت يقول...

بوست هايل انا عجبتني حتة ان لساانها اطول من الدائري بس دي كدة تتخنق في الزحمة
اول مرور ليا بس بجد تحفة واتمنى تزوريني في الأرياف

غير معرف يقول...

اشاعه قوبه بين البلوجريه ان الرايق ده واحده مش واحد ...مكسب للجنس اللطيف وخساره للجنس الخشن
ماهى الحقيقه

انت تسال والكمبيوتر يجيب يقول...

كيف تعرف اذا كنت مدمنا للأنترنت ام لا؟
هل يجدد طعم البيتزا السياسه فى الشرق الأوسط؟
الأمثال الشعبيه بعد تعديلها لتلائم العصر
بعض الموضوعات الجديده تماماغير المسيوقه على النت
http://netonradio.blogspot.com