الأحد، يوليو 19، 2009

دستور يا مبارك

عبده الرايق .... سيداتى وانساتى وسادتى دلوقتى موعدنا مع حلقه جديده من برنامج ( انت والدستور) وتقدمه لكم المظيعه حنين القلب
المخرج :- ايه يا جماعه فين الضيف ؟؟؟ حرام عليكم الوقت بيسرقنا فاضل عشر دقايق ونطلع هواء
همس الاحباب :- المخرج عنده حق يا حنين فين الضيف بتاعك ؟؟ثم انتى مش جاهزه ليه ؟؟
حنين القلب :- صبركم عليا شويه يا جماعه .. وبعدين انا جاهزه من بدرى ولابسه الفستان بتاع العيد وحاطه كحل .. ها اعمل ايه تانى ؟؟؟؟
همس الاحباب :- كل ده مش مهم .. المهم الضيف بتاعك مجاش ليه ؟؟؟
حنين القلب :- انا سئلت ابويا العبقرى عبده الرايق ......
همس الاحباب :- ميييييييييييييييييييين ؟؟؟؟؟؟؟؟ .سئلتى مين ياختى ؟؟؟؟؟؟
حنين القلب :- ايه مالك مادد بوزك كده ليه ؟؟؟ ومالك متحنط زى المومياء الفرعونى كده ليه ؟؟ بقولك سئلت ابى العبقرى عبده باشا الرايق
همس الاحباب :- لا ابدا ولا حاجه ... وهكذا كانت نهايه حنين القلب ... برضه يا مسلمه حد يعتمد على الرايق ؟؟؟ حرام عليكى نفسك ... انتى يابنتى عمرك مارحتى لدكتور عيون ابدا ؟؟؟
حنين القلب :- ايه يا همس مالك متحامل ليه كده على ابونا الرايق ... انا شايفه انه عبقرى بس انتوا اللى مش واخدين بالكم منه .. نونونو... الرايق لازم ياخد فرصته فى الحياه
المخرج :- وانا اخد صابونه من الاخراج .. حرام عليكم فاضل خمس دقايق .. حاولوا تتصرفوا وتجيبوا اى ضيف تانى
همس الاحباب :- هى لعبه ؟؟؟ ضيف تانى مين ؟؟ يعنى هنجيبه من السوبر ماركت ولا من الجمعيه ؟؟ دا برنامج بيتكلم عن الدستور وحريه المواطنين فى الدول الناميه .. والناس اللى بتفهم فى الدستور قليلين جدا.... وقال ايه ...الرايق هيجيب ضيف بيفهم فى الدستور... بطلوا ده واسمعوا ده..ياما لسه هنشوف وياما
حنين القلب :- انت ياض يا همس .. بلاش شغل الحموات الفاتنات ده ..انا واثقه ومتأكده من امكانيات الرايق ... انا مع الرايق قلبا وقالبا.... ههههههههههههههههه ... الرايق وصل ...هييييييييييييييييييييييه ... كايد العزال يا رووووقه ..تحيا جمهوريه مصر العربيه
الرايق :- هااااااااااى ايفرى بدى ... انا جيت قبل البرنامج بدقيقه واحده ... انا راجل مظبوط طول عمرى ..عمرى ما كنت ساده ولا زياده ..دايما مظبوووووووووووط ... يلا بقى شوفوا لنا حاجه ناكلها انا والاستاذ علام الضيف بتاعنا
المخرج :- تاكل ؟؟؟؟؟؟؟ حرام عليك هتطير البرج اللى فاضل فى نافوخى يا رايق ... فين الضيف ؟؟؟؟
نيو علام :- انا هنا ..انا هنا يابن الحلال
همس الاحباب :- ايه ده يا رايق ؟؟؟ الشيخ ده ماله ومال الدستور وحريه المواطنين ؟؟؟
الرايق :- يلا ياض العب بعيد ... انت دونت تفهم اى حاجه ...يلا الااونه ..الا دوى ...الا تريى ..فتح المزاد
المخرج :- اطلع بره يا رايق .. وانتى يا حنين القلب ..جاهزه ؟؟؟؟
حنين القلب :- ايوه اتفضل انا جاهزه
المخرج :- ثرى .. تو ..وان ..هواء
حنين القلب :- والان سيداتى انساتى سادتى موعدنا مع حلقه جديده من برنامج ( انت والدستور ) وحلقه اليوم بعنوان الدستور وحريه المواطنين فى الدول الناميه ..ويسعدنا ان نستضيف الاستاذ ..علام ..اهلا وسهلا يا استاذ علام
نيو علام :- اهلا بيكى يا حنين القلب ..وانا اسمى نيو علام ..او سوبر علام ..او هابى علام ..لكن انا بفضل نيو علام
حنين القلب :- اهلا بيك يا استاذ نيو علام ... عايزين نعرف من سيادتك سر الملابس الغريبه دى على استاذ فى الدستور ..بصراحه الملابس دى بتفكرنى بالدراويش بتوع زمان
نيو علام :- هههههههههه ..دراويش دراويش ..يابو الريش انشاله تعيش
حنين القلب :- طيب احنا نعرف ان الدستور وضع اساسا لحمايه المواطن من سطوه الحكام ..الا انه يستخدم الان لبسط نفوذ الحكام وخاصه فى الدول الناميه ..فهل هو دستور للمواطن ام دستور للحكومه
نيو علام :- هههههههه ..كلامك مظبوط والله يا حنين .. هذا هو الجول المظبوط والله هو الجول المظبوط .. شوفى يا بنتى ..الدستور معمول اساسا للاسياد .. مش للمواطنين الغلابه التعبانين ..لالالالالالالا الدستور للاسياد بس ..اما العبيد فلا دستور لهم
حنين القلب :- لكن حضرتك راجل قانون وراجل دستور ..ازاى تفرق بين المواطنين ؟؟ هو الدستور مش بيقول المواطنين امام الدستور سواء ؟؟؟
نيو علام :- سووووووووووووواء ؟؟؟؟؟ لالالالالالالالالالا طبعا فى عبيد وفى اسياد ...هو ده الدستور.. واذا حد قال غير كده يبقى اهبل ..العبيد عبيد ..والاسياد اسياد ...والاسياد هما الدستور وهما اللى بيعملوا الدستور .. جاهز ماشى ..تفصيل ممكن ..تيك اواى على الرحب والسعه ...لكن الدستور للاسياد فقط ..انتى مش بتسمعى الناس بتقول دستور يا اسيادنا ؟؟؟
حنين القلب :- انا مش مع حضرتك فى الكلام ده ..مش هو ده الدستور..مش هو ده الدستور ..ارجوك يا مخرج وقف البرنامج ..ودلوقتى مع فاصل اعلانى
المخرج :- ايه الكلام ده يا بشر ؟؟؟ ده لعب عيال
همس الاحباب :- لالالالالالالا دى بركات الرايق ...انا اول ما شميت ريحه الرايق عرفت انها هتخرب
الرايق :- بس يا ولد منك ليها ...شط اب يوور ماوس ...كلوز ذا دوور ..وات اذ يوور نيم ؟؟ سورى يا جماعه ..سورى يا بشر ...فى سوء تفاهم يا جدعان .انا للاسف كنت فاكر انكم عايزين تتكلموا عن الدستور بتاع العفاريت والجن ...بتاع دستور يا اسيادنا ..رحت جايب الشيخ نيو علام موديل 2009 وقلتله اننا هنتكلم عن العفاريت والجن ودستور يا مبارك ...دستور يا مباركين ..دستور يا اسيادنا
همس الاحباب :- وادى النتيجه ...حرام عليك البرنامج يا رايق حرااااااااااااااااام حرااااااااااام
الرايق :- بس ياض ...اسكت .. تتصور انا مش شايف فرق بين الدستورين ... كله دلوقتى محصل بعضه ..وكله بيخدم الاسياد ..ان كان عالم تالت ولا عفاريت كله دستور
و .... دستور يا مبارك ...دستور يا مباركين ..دستور يا اسيادنا


هناك 26 تعليقًا:

حنين القلب يقول...

هيييييييييييييييييييييييه
فى غفله من الزمن
وخالود مش موجود
اخد اول تعليق

سجل يا تاريخ

حنين القلب يقول...

والله حرام عليك يا بابتى
انا صحيح دايما معاك قلبا وقالبا بس كده تضيع مستقبلى
يعنى بعد ما صدقت القى شغلانه تيجى انت ترفدنى منها
عااااااااااااااااااااا

ودستور يا مبارك دستور يا مباركين
ههههههههههههههههههههه

وربنا عسل يا بابتى
ربنا يخليك لينا يا اخف دم فى التدوين

حنين القلب يقول...

وجوووووووووووووووووون
وجووووووووووووووووون
وجوووووووووووووووووووووووووووووون

وثالت تعليق وانا مغمضه عينى وايدى فى الهواء
ولا عمرنا دخلنا السجون ولا شفناها بس اسمنا محفور جواها

وصلللللللللللللللللللللى

هههههههههههههههههههههههههه

هى دى اخرتنا يا جدعان

حنين القلب يقول...

همس الاحباب

اول مرة تقول حاجه وتطلع صح
بس الحمد لله اهه علام ده ارهم منك

انت لو كنت سالتك عن الدستور كنت هتقولى ده اللى بنشفى بيه اللحمه

منتا اخر اللى تعرفه الساطور انما دستور لسه مش سمعت عنه
ههههههههههههههههههههههههههههه

فرنسا هانم يقول...

ههههههههههه
طول عمرى بقول اخرك شغل العفاريت دى يا رايق
ههههههههههههه
اشربى بقى يا ست حنين
قولتلك شوفى مستقبلك بعيد عن الرايق

فرنسا هانم يقول...

يقال والعهده على الراوى
ان الدشتور الامريكى اول دستور وضع فى العالم بعد الحرب الاهليه
وقد وضع الدستور بالصدفه لان الاجتماع كان مخصصا اصلا لتنسيق التعاون بين الولايات الامريكيه بعضها البعض
ويقال ايضا ان دستور الدول المتقدمه فعلا يحمى المواطن من سطوه الحكومه
الا ان دستور الدول المتخلفه يحمى الكرسى تحت اقدام الملك
ويقال ايضا ان دستور الدول المتخلفه مطاط
يعنى لبانه
يعنى قابل للفرد والكى والنشر والقص واللزق حسب المذاق
ويبدو انك فعلا على حق يا رايق
فكله شوبش يا موانسين

Empress appy يقول...

ودي كانت نهايه المذيعه الشنيعه المريعه الفزيعه حنين القلب عشلان مشربتش اللبن
سوري قصدي علشان اتكلت على حيطه مايله يووووووا
علشان مش شايفه شغلها


وحشنوتى يا عيله مجنونه كلكم

Me7'o يقول...

الدستور

الدستور فى الدول النامية منقسم إلى شقين
الشق الأول هو

الدسُ
وده أقدم نظام تشغيل

التور
وده شعار الدول النامية
(تور الله فى برسيمه)

لتصبح الترجمة الكاملة هى

"أقدم نظام تشغيل لتور الله فى برسيمه"

تحياتى

عبده الرايق يقول...

حنين القلب
مبروك اول تعليق يا نونه
وانا اسف على الغلطه الفظيعه بتاعه الشيخ نيو علام دى
وهههههههههههه
كله فى الدستور يابا

عبده الرايق يقول...

فرنسا هانم
حمدا لله على سلامتك يا فرنسيس
وبعدين يا ست يا متعلمه ايه علاقه امريكا بالحرب الاهليه
عيب عليكى تكونى متعلمه ومحاسبه قد الدنيا وتقولى ان الحرب الاهليه كانت فى امريكا
نو
نو
نو
حد يفهمها يا بشر الحرب الاهليه دى كانت خناقه فى النادى الاهلى
ها ايه بقى جاب النادى الاهلى لامريكا يا فالحه ؟؟؟؟

عبده الرايق يقول...

Appy
ابى هانم وبطوطها
اهلا بيكى يا ابى
وبعدين الحيطه مش مايله ولا حاجه يا ابى
نو
نو
نو
الاسمنت هو اللى غالى يا ابى

عبده الرايق يقول...

Me7'o
هههههههههههه
شكرا يا هندسه
فعلا ترجمه حرفيه ميه الميه
ومع الماده 76 المعدله فى اربع ورقات فلوسكاب
نقدر نقول
دستووووووووووووووووووور يا اسيادنا
تحياتى ليك يا باشمهندس

Somaya Kamal El Din يقول...

هههههههههههه

حلوة الحلقة

عاشقه الرومانسيه يقول...

هو خالد فييين؟
سايبكم تلعبوا يعنى وهو مش موجود
ماتخفى يابت ياحنين
اهو طلع عنده حق اهو
ياخاااايبه

حنين القلب يقول...

فرنسا هانم

مامتى وحشتينى
انتى فين وسيبانى بابتى عمال يغرق فيه

ماشى يا مامتى
فرحانه فيه
ربنا يسامحك


وحشتينى مووووووووووووووت

حنين القلب يقول...

appy

حتى انتى يا آبى
وربنا بشربه كل يوم اللبن

وانا شنيعه وفزيعه ومريعه ماشى يا آبى مخصماكى

وانتى كمان وحشتينى يا ست المجانين

حنين القلب يقول...

ميخو

وربنا ترجمه تجنن

وتعالى هنا
مش عجباك الخناقات بتاعتى انا وهمس
دى ولا حلقات توم وجيرى
ولا انت مش بتحب الكرتون
ههههههههههههههههههههههههههه

نورتنا يا هندسه

Me7'o يقول...

شكراً يا حنين

بس هو خالد فين
أنا مش لاقيه بقالى يومين كده

وبعدين أنا طول ما على النت فاتح قناة الضاحكون كوميدى أنا ورايا غيرها هى اللى بتمسح هم اليوم كله

تحياتى

حنين القلب يقول...

عاشقه الرومانسيه

انتى مالك يا بت انتى
ما تخليكى فى حالك

وخالد كلامه غلط
وبابتى كلامه صح طوووووووول عمره

واللى مش عجبه هنبلغ عنه امن الدوله

هااااااااااا ايه رايك؟؟

حنين القلب يقول...

ميخو

يعنى احنا مرتحين منه

تعرف يا ميخو انا علشان مش شوفته فى المدونه من يومين هدبح خروف

فما بالك بقى لو مش شوفته شهرين تلاته هدبح بقرة كبيرة واعمل عقيقه فى المدونه
هههههههههههههههههههههههه

خالد اجازة النهارده
بكرة باذن الله هيكون موجود

ومنورنا دايما يا باشا

غير معرف يقول...

اضحك الله ثغرك
تحياتى لكم

وضعت أخيرا رابطا يضم 300 موقعا ثقافيا و أدبيا على مدونتى

http://shayunbiqalbi.blogspot.com/2009/07/blog-post_23.html

أتمنى أن يحوز اعجابك سيادتكم
*********************************

Kiara يقول...

هههههههههههههههههههههه علي رايك مبقتش تفررررررق

حاجات جوايا يقول...

هههههههههههههههههههه
حلقة فظيعة
اولا انا مشتبهة فى نيو علام او سوبر علام مش ده بتاع فلاش .. مغامرات ميدو وسوبر علام ههههههههههههههه
حتى الضيف اللى جيبتوه نصاب ومتنكر .. يا عينى على مستقبلك التلفزيونى يا حنين هههههههههه

بس بجد ربط هااااااااااااايل جدا بين الواقع والشعوذة


فعلا الدستور للاسياد
دستور يا مبارك
دستور يا مباركين
دستور يا اسيادنا
برافووووو مستر رايق

وحشتووووووووووووووووووونى

همس الاحباب يقول...

عاشقة الرومانسية
معلش يا دودو
اذا غاب القط العب يا فار
وحنين شمت نفسها بغيابى
هانت كل حاجة ترجع لطبيعتها باذن الله

همس الاحباب يقول...

ميخو
معلش يا هندسة
ظروف الشغل مش اكتر
بس باذن الله هانت
ونرجع تانى نتابع معاكم
الف شكر لسؤال حضرتك

همس الاحباب يقول...

اسرة الضاحكون
بعتذر عن التاخير والتواصل
بس غصب عنى والله يا رايق