الاثنين، يوليو 13، 2009

عيله تجنن ...طوابع البريد


عبده الرايق ..... والان اعزائى مشاهدى قناه الضاحكون الفدائيه موعدكم مع المسلسل الضاحك ( عيله تجنن ) وحلقه بعنوان طوابع البريد
********

الرايق :- هاااااااى اند هاااااااى ايفرى بدى ... يو اار فيرى اند فيرى محظوظيين بيبول
فرنسا هانم :- ههههههههه ...محظوظيين ؟؟؟ !!!!!!!! طيب بلاش تيجى منك انت يا رووقه .. خليها فى سيرك احسن
الرايق :- نو نو نو ... انتى دايما كده وقفالى زى الرغيف فى الزور يا فرنسيس .. احنا خلاص هنبقى من اصحاب الملايين ... وداعا للفقر ..وداعا للهدوم المقطعه ...وداعا للسلف والدين
همس الاحباب :- وحياه جدك الرايق الكبير اللى حرر اسبرطه القديمه بلاش انت يا رايق .... احنا مش مستعدين نسمع اى حاجه تانى
الرايق :- ولد يا همس ... شط اب يوور ماوس ...كلوز يور بق .. المره دى بجد وجدانى ..انا هاكسب ملايين الدورارات ..وهنلف القارات التسعه كلها ... من اول قاره زحل لغايه قاره استراريا
الطائر الحزين :- زحل ؟؟؟ .. نو نو نو زحل ده مش قاره يا رايق دى محطه سكه حديد على حدود نفيشه
الرايق :- بتنونو ليه يا طائر ؟؟؟؟ بلاش نو نوه ...زحل دى قاره كبيره ...جنوب الهند ...وعموما مش هى دى البروبليم ... المشكله دلوقتى انكم تسمعونى وتصدقونى وتحطوا ايديكم فى ايدى
حنين القلب :- معلشى يا بابا انا ايدى فيها بصل مكان التقليه ..خليها الاسبوع الجاى لما نشترى صابونه ونغسل ايدينا
صبرنى يارب :- وانا ايدى فيها مونوكير ومش هينفع احطها فى ايدين حد
فرنسا هانم :- وانا ايدى فيها واوا ... وميكركروم
همس الاحباب :- وانا ايدى خارج نطاق الخدمه
الطائر الحزين :- وانا لسه متوضئ معلشى يا رايق خليك لمره تانى
الرايق :- نو نو نو انتم مش فاهمين حاجه ...انا الرايق ...انا الحضاره .. انا الانحباس الحرارى ... انا حفيد احمس العظيم بانى الاهرامات .. انا الدكاتره الكبير الحاصل على 22 رساله دكتوراه ... اسمعونى ارجوكم لاخر مره ... بلييز ..ليسنت تو الرايق
حنين القلب :- خلاص بقى يا جماعه نسمع بابا المره دى
الرايق :- كم انتى عظيمه يا ابنتى الموقره حنين ..بصوا بقى يا بشر .. قريت عن مسابقه مجموع جوايزها 30 مليون دورر وانا والحمد لله واثق من الفوز على الاقل ب 29 ونص مليون دورر
همس الاحباب :- وايه المسابقه دى ان شاء الله
الرايق :- مسابقه لهواه جمع طوابع البريد القديمه ..وانا استطعت انى اجمع اقدم طابع بريد فى العالم بتاع الملكه فرتوريا ملكه فرنسا سنه 1840
الطائر الحزين :- قصدك الملكه فيكتوريا ملكه بريطانيا
الرايق :- انا دونت كير ... ميهمنيش فيكتوريا ولا فرتوريا انا يهمنى الجايزه وبس
همس الاحباب :- الظاهر الموضوع بجد يا جماعه
فرنسا هانم :- والطابع ده معاك يا رايق ؟؟؟
الرايق :- طبعا يا مزمزين فرنسيس هانم كعب الغزال ..انا معايا اقدم مجموعه طوابع فى التاريخ ...وخلاص هاكسب الجايزه وهنروح اوروبا ونتفسح فى كنشاشا وبنج يانج وافريكانو
حنين القلب :- وهتجبيلى عريس يا بابا ؟؟؟؟
الرايق :- وهاجبيلك اجدع عريس يا حنونه ... وهنقيه بايدى ..وهاجبيلك معاه كمان ضمان خمس سنين وقطع غيار اصليه
صبرنى يارب :- الظاهر كده هتلعلع يا جدعاااااااااااااااااااااااااان
فرنسا هانم :- ازغرد يا خواتى ... لولللللللللللللللللللللللللللللللللللللللللللللى
الطائر الحزين :- وفين بقى المجموعه دى يا بابا ؟؟؟
الرايق :- اهه فى الشنطه دى معايا
همس الاحباب :- الرايق يا يعيش يا يعيش ..يعيش يعيش يعيش
الطائر الحزين :- ورينا بسرعه المجموعه يا رايق
الرايق :- هنا الجمال ..هنا الفلوس ..هنا الدورارات ..هنا كنشاشا ..هنا النغنغه ..كله فى الورقه دى
همس الاحباب :- ايه ده ؟؟؟؟ ده عنوان موقع على النت
الرايق :- طبعا يا ولاد ..انا قريت الاعلان رحت كاتب على جوجل صوره اقدم طوابع فى العالم .. راح جوجل باشا الله يستره .. جابلى كل الصور اللى موجوده للطوابع وبعدين ....
وات ايز زيس ؟؟؟ ايه يا بشر ؟؟ فى ايه ؟؟ بتسبونى زى كل دور وتمشوا ليه ؟؟؟ رايحين فين ؟؟؟ وات ايز زا بروبليم ؟؟؟ ... وانتى يا حنين ماشيه برضه معاهم ؟؟؟؟
حنين القلب :- خلالالالالالالالالالالالالالالالالالالالالاص انا طهقت ... وهترهبن ومش هتنيل اتجوز علشان ترتاح يا رايق
**********
مع تحيات فريق العمل
.
بمدونه الضاحكون

هناك 25 تعليقًا:

عاشقه الرومانسيه يقول...

احجز اول تعليق
قبل حنين وخالد
حجزززززززز

عاشقه الرومانسيه يقول...

والتانى كمان بالعند فيكم
ياحلولىىى
اروح بقى اقرا وارجع

ديالا يقول...

تحفه البوست ده تحفه

بجد اله يستره جوجول باشا بيخلصنا من حاجات كتير

وربنا البوست ده دمه زي الشربات

تقبل مروري

عاشقه الرومانسيه يقول...

اجمل ما فى البوست انهم كلهم لقوا حجه حلوه علشان مش يحطوا ايدهم فى ايدك يارايق
يارايق كفايه كدا
عقدت العيال فى عيشتهم
حتى البت حنين الغلبانه اتعقدت ومش هتتجوز
عجبك كده؟
(:
بس والله عسل يارايق انت وعيلتك

عاشقه الرومانسيه يقول...

الرايق :- كم انتى عظيمه يا ابنتى الموقره حنين


مين دى؟
حنين؟؟؟؟؟؟؟؟؟؟؟؟؟؟
هههههههههههههههههههه
ههههههههههههههههه
واضح انك ماتعرفش بنتك كويس يارايق
كركركركركركررررر

عاشقه الرومانسيه يقول...

بت ياحنين
اعملى زى الرايق
اكتبى فى جوجل عريس
واكتفى بالصوره
اءاءاءاءاءاء
(:

بـِصَمتـِـ أميرة ــــى يقول...

هههههههههههههههههههه
ياحلاوة ياولاد
ايه العثل الثه ده ؟
مش عارفه ليه وانا بضحك بكركرة اوى اللى هى من المعدة دى
لقتنى افتكرت مشهد لاسماعيل ياسين والشويش عطيه بيفتكرة
وبيقول (هوووو بغباااوته ) هههههههههههه
سورى ياجماعه
الأفيه بتحكم
ههههههههههههههههههههه
ياشماتة أبلة ظاظا فيك يارايق

تقبلو ضحكاتى
نيهاااا هاااا هاااااا
أميرة

(ملكة بحجابى )

همس الاحباب يقول...

هههههههههه
ههههههه
الله يستره عم جوجل فضحنا على الملا

حنين القلب يقول...

ههههههههههههههههههههههه
يعنى اعمل ايه
والنبى فيه اكتر من كده غلب

عجبك كده يا بابتى ادينى هترهبن
بس والنبى شكلى هيبقى ازاى وانا مترهبنه فى الظروف دى وانت فاهم

ههههههههههههههههههههههه
وش بيغمز

همس الاحباب يقول...

عاشقة الرومانسية
اول تعليق فى الضاحكون
روحى يا بنتى انتى من الاحرار

همس الاحباب يقول...

عاشقة الرومانسية
براحتك ما هى سايبة والبركة فى الست حنين

همس الاحباب يقول...

ديالا
هههههههه
هو من جهة بيخلص فهو خلص على كل حاجة بينا وبين الرايق
الله يستره جوجل دنيا واخرة
الفاتحة على روح عمنا جوجل

همس الاحباب يقول...

عاشقة الرومانسية
عندك حق يا دودو
هو فعلا ما يعرفش مين حنين
اسالوا عمو خالد
وهو بقوللك
كرركرر

همس الاحباب يقول...

ملكة بحجابى
هههههههههه
فعلا القافية تحكم
والحمد لله ان البوست عجبك
وان شاء الله نسعد بتواجدك الدائم

حنين القلب يقول...

عاشقه الرومانسيه

مش عجبك يا بت ولا ايه ؟؟
ايوة انا الموقرة
دنا اخر العنقود لازم يدلعنى
بس شوفتى يا بنتى
خلانى اترهبن
ربنا يسامحه
يعنى هعنس يعنى؟؟؟

حنين القلب يقول...

همس الاحباب

مالك يا سبع البرومبه
ما احنا كنا مرتاحين منك
وايدك خارق نطاق الخدمه والنبى ده عقلك اللى خارق النطاق
خاااااااااااااااااالص

ومش عجبكم ان بابتى مدلعنى
ربنا يخليك ليه يا بابتى يا فراسهم

كيدنا العوازل ياما ياما كدنا العوازل لا ملامه
لا ملالالالالالالالالالالالالالالالالالالالالالالالالالامه
ههههههههههههههههههههههههههه

همس الاحباب يقول...

حنين القلب
ههههههه
مش احسن من ريحة البصل
يا بصلة هاااااانم
وبعدين من امتى عيلة الرايق عندها بصل واكل من اساسه
وبعدين الرايق بيدلعك علشان عارف انك العبيطة اللى فينا وبتصدقى
وبعدين بيرفع من روحك المعدنية يا كرنبة هانم
هههههههههههه

جنّي يقول...

السلام عليكم

وطبعا الجعان بيحلم بسوق العيش .. علشان كدا صدقتم ابو الروق الرايق ..

معلش يا حنين تعيشي وتاخدي غيرها .. وانا في الخدمة والمثل قال خدوهم فقرا ياخدكم ربنا ..

سلام ايها الضاحكون

حنين القلب يقول...

جنى

ازيك يا سعيد باشا

والله كل مرة على كده ويضحك علينا


معلش يا حنين تعيشي وتاخدي غيرها .. وانا في الخدمة والمثل قال خدوهم فقرا ياخدكم ربنا ..

افهم من كده انك بتتقدم ليه رسمى
زغردى يا امه
امسكه يا بابتى
عررررررررررريس يا اماى
لا يا عم من غير ما ياخدنى ربنا انا لسه صغننه
ههههههههههههههههههههههههههههههههههه

Me7'o يقول...

الضاحكووووووووووون

وإحنا كل ما نقرا البوست ولا الخناق بتاع همس وحنين بنبقى

"الضاحكون المستلقون على القفا"

تحياتى

Me7'o يقول...
أزال المؤلف هذا التعليق.
Me7'o يقول...

وكل مرة كده

أضحك لحد ما أستلقى على قفايا

السجادة علمت يا عم خالد

المفروض تعلم من قدام على القورة علشان علامة الصلاة

مش تعلم من ورا على القفا علامة الضحك

وبعدين على القفا فى علامة أساساً

هههههههههههههههه

تحياتى ليكم

نااااااافر نااااااااااافر

"التعليق اللى ممسوح ده بتاعى عدلت فيه كلمة"

همس الاحباب يقول...

ميخو
ايه يا هندسة ده
ربنا يسعدك وتستلقى براحتك
هههههه
وبعدين ده مش خناق
ده جر شكل بس

همس الاحباب يقول...

ميخو
ههههههه
المهم انها علمت من كتر الضحك مش من حاجة تانية
هههههههه
انا اعرف دكتور علامة ممكن يعالج حالتك المستعصية
انت تزور الدكاترة عبده الرايق مرة واحدة وبالشفا العيادة بتاعته اجازة 7 ايام فى الاسبوع
منورنا دايما يا هندسة
والحمد لله ان المدونة نالت اعجاب حضرتك
تحياتى

Me7'o يقول...

الدكاترة عبده الرايق
بصيغة الجمع

نو نو نو

حرام عليك يا شيخ

أنا متهيألى أول ما يشوفنى هايمسك فى رقبتى ويقولك

عيان يا أبوى عيان
بنجه بس ما تنيموش يا أبوى
ههههههه

تحياتى ليك ولذوقك