الأحد، يونيو 28، 2009

السلطانيه ... تاج مدير الانتاج

حنين القلب وعبده الرايق .... الان موعدنا مع حلقه جديده من عيله تجنن ..بعنوان ..السلطانيه ...تاج مدير الانتاج
صبرنى يارب :- الحق يا بابا الحق يا خالد الحق يا طائر الحقى يا ماما
الرايق :- ايه يا وش السعد انتى ؟؟؟؟ واات هابن ؟؟؟
صبرنى يارب :- مش وقت لغات يا رايق .. الحقوا فى ناس كتير داخله العماره ونسوان ماسكين اختى حنين القلب ومكتفينها ووراهم رجاله كتير وعيال
الرايق :- حنييييين القلب ...حنييييييين القلب ... حنيييين القلب ... انا معرفهاش ... مش فاكر سمعت فين الاسم ده قبل كده .. دى ممثله امريكيه من هللليوود ؟؟؟؟
همس الاحباب :- ممثله مين يا رايق ؟؟؟ دى بنتك حنين القلب .. اروح افتح الباب اشوف ايه المصيبه دى كمان
ويفتح همس الاحباب الباب فيتدافع النسوه الى الدخول ممسكين بتلاتيب المسكينه حنين القلب وهى تصرخ وتقول
حنين القلب :- اوعوا .. سييييييييبونى .. على الطلاق بالتلاته ماهسيبه ... سيبوووووووووونى على الطلاق لشرحه ...محدش ليه دعوه بيه ..انا مش عايزه حاجه من الدنيا .. انا هشرحه انا هقطعه ..عليا الطلاق ماهسيبه
شخص ما :- بنتكم دى يا حاج ؟؟؟؟
الرايق :- مش عارف يابنى .. المنظر ده شفته قبل كده لكن فييييييييييييين ؟؟؟؟؟؟؟؟
الطائر الحزين :- ايوه بنتنا ..فى ايه ؟؟ لو سمحتى يا ست انتى وهى سيبوها
سيده ما :- اهى عندك بس خلوا بالكم منها ... دى مسلحه
الرايق :- مسلحه ؟؟؟؟؟؟ نو نو نو ...دلوقتى يجى عمنا البردعى ويفتش البيت طوبه طوبه
فرنسا هانم :- متشكرين يا جماعه .. محدش يروحلكم فى حاجه وحشه .. مع الف سلامه
الرايق :- اقفلى الباب ده يا بت يا صبرنى يارب ..وانتى يا مقصوفه الرقبه تعالى هنا وقوليلى فى ايه
همس الاحباب :- فى ايه يا حنين وايه حكايه مسلحه دى ؟؟
حنين القلب :-محدش له دعوه بيا .. انا هاخد حقى بايدى .. عليا الطلاق بالتلاته لشرحه
همس الاحباب :- طلاق من مين يا حسره
حنين القلب :- بافتراض ما سيكون يا فالح ... انت فاكر انى هقعد كده على طول ؟؟؟
الطائر الحزين :- وايه حكايه السلاح ده ؟؟
حنين القلب :- لا ولايكون عندك اى قلق ... دى فرده بازوكا .. ودى سنجه ..ودى مطواه قرن غزال ..ودى بشله ..ودى ...
الرايق :- انا برضه كنت حاسس ان انتى حنين القلب بنت الهواره
فرنسا هانم :- ايه الحكايه ؟؟ ومين اللى هتشرحييه ده ؟؟
حنين القلب :- مدير الانتاج .. ايوه الاستاذ باشا مدير الانتاج فاكر ان انا وزمايلى لقمه طريه .. زى العيش الفينو .. تتصوروا يا ساده يا كرام فى كل انحاء الشقه ... ان مدير الانتاج عايز يدينا ارباح سنويه 400 جنيه
الرايق :- نو نو نو .. انا سامع ان الاشركه بتاعتكم حققت ارباح السنه دى بمبلغ 115 مليون جند ..وكل جند ينطح جند
حنين القلب :- ماهى دى المشكله يا رايق ... الشركه بتاعتنا باعت ملابس جاهزه وكسبت اكتر من 115 مليون جنيه ومفروض احنا ارباحنا تكون 2300 جنيه على الاقل لكل واحد ..لكن السيد باشا مدير الانتاج بيدى كل واحد فينا 400 وهما كل بندوم فيهم هبر فى كرشه 40 الف جنيه لوحده .. ده ظلم ولا مش ظلم .. انطق يا رايق ده ظلم ولا مش ظلم
الرايق :- بس ابعدى عنى السلاح ده ... لحسن السلاح يطول .. وبعدين ده ظلم يا فندم.. ايه الرعب ده ؟؟ فى ايه يا بنت ؟؟؟
الطائر الحزين :- للاسف فى فجوه كبيره بين حقوق العمال والمستثمرين فى الشركات الخاصه وللاسف مفيش قانون قادر يظبط الحكايه دى
حنين القلب :- لالالالالالالالالا ..قانون مين انا خدت حقى بايدى وبدراعى
فرنسا هانم :- ازاى ؟؟؟
حنين القلب :- دخلت على المدير وبكل شجاعه زمجرت زى النمر وزائرت زى الاسد ..وبصين له زى التعلب وقلت له .. انا بنت مبتاكلش على قفايا ...لالالالالالالا .. انا عايزه حقى ..انا مش هسيب حقى ..انا ليا ارباح ب 2300 جنيه انا هشتكيكم ..انا مش لقمه طريه
الرايق :- جدعه يا بت يا حنين طالعه لابوكى وجدك الرايق الكبير ... ها وبعدين اخدتى ال 2300 جند
جنين القلب :- بلاش نتكلم فى الموضوع ده دلوقتى يا رايق
الطائر الحزين :- ايه يا حنين خدتى حقك انتى وزمايلكم ولا لا ؟؟؟
حنين القلب :- بصراحه انا لوحدى اللى خدت
همس الاحباب :- ها خدتى ال 2300 جنيه
حنين القلب :- لا يابو وش حلو .. خدت يومين خصم من مرتبى .. ونزلوا الارباح بتاعتى ل 250 جنيه بس
***************
مع تحيات اسره فريق العمل
بمدونه الضاحكون

هناك 45 تعليقًا:

همس الاحباب يقول...

ههههههههه
هههههههه
اختى سفاحة من السلخانة
وخدت على دماغها
ايييييييييه دنيا

حنين القلب يقول...

هييييييييييييييييييييييه

انا اول تعليق برضه
عندك مانع يا خالود

ومش عجبك
طيييييييييييييييب
هاخد حقى برضه

ديالا يقول...

بجد تجنن

بيعجبني اوي البنات الي بتاخد علي قفاها لا سوري قصدي بتاخد حقها

تقبل مروري

Sweet Violet يقول...

هههههههههههههههههههههه
ماهى دى اخرة اللى بيعترض فى البلد دى

بس على فكرة ياحنونة الرايق بيعملك وحش قوى
ده اتبرى منك من اول صوت
تؤتؤتؤتؤتؤتؤتؤتؤتؤ ماكنتش اعرف كده خالص v_v

على فكرة انا بس جايه اهدى النفوس ^_^

حنين القلب يقول...

عبده الرايق

كده برضه يا بابتى
نستنى
ده برضه اسمه كلام

هاخد حقى كامل والا ربنا لاجيب رقبته وادخل عليكم براسه بدل ما ادخل ببطيخه

اه يا حج عض قلبى ولا تعض البتون ساليه بتاعى

ههههههههههههههههههههههه

حنين القلب يقول...

ديالا

كده برضه
حتى انتى يا ديالا
لا عاااش ولا كان اللى يدينى على قفايا

ثم انا مش عندى قفا انا كبس الراس على الجسم علطول
ههههههههههههههه

نورتينا

حنين القلب يقول...

سويت فيوليت

اه والنبى ياختى
شوفتى وهو اللى مربينا على خده حقوقكم ومش يسيبوا حقكم

بس على فكرة هو كان هيفتكرنى اول ما يشوفنى بضرب
هههههههههههههههههههههههههه

واضح انك جايه تهدى النفوس بس انتى جيتى بين مين يا ماما
دى عيله الرايق بيمبرمبه المثل فى الترابط الاسرى

هههههههههههههههههههه

جنّي يقول...

السلام عليكم

علي النعمة من نعمة ربي البت حنين دي مولودة في الحسنية او المدبح ..

عاملالي زينة وعلي الطلاق بفتراض ما سيكون وفي الاخر سكوكي على قفاكي ..
ابقي اتكلمي على قدك امال ..

جنّي يقول...

السلام عليكم

علي النعمة من نعمة ربي البت حنين دي مولودة في الحسنية او المدبح ..

عاملالي زينة وعلي الطلاق بفتراض ما سيكون وفي الاخر سكوكي على قفاكي ..
ابقي اتكلمي على قدك امال ..

حنين القلب يقول...

جنى

عليكم السلام ورحمه الله وبركاته

اااااااااااااااااه فى المدبح
خاف على نفسك بقى


اه زينة وهرقليز كمان وهجيب حقى من بق السبع يلا بقى هىء

سعيد
هو باين عليه انى صحيح مسكوكه على قفايا؟؟؟
ههههههههههههههههههههه
ربنا يسامحك يا روقه
حاااااااااااضر هتكلم على قدى

خلى بالك من نفسك يا سعيد علشان الدور الجاى هاخد حقى منك انت وخلى بالك المطوة فى ايد والسنجه فى ايدى التانيه هاااااااا

هههههههههههههههههههههههههههههههه

Kiara يقول...

هههههههههههههههههههههههههههههههه

وعماله محسساني انك بتاكلي بالشوكة والسكينه

وعلمتي اللغه وكلام غريب

وال ايه لوكشة لو كلاس

غووووووووووووووووووري

دا انت جاية من السلخانه جاهزه ههههههههههههههههههههههههههههه

حنين القلب يقول...

كيارا


هههههههههههههههههههههه
احنا هنسيح لتعض ولا ايه يا ستى

اه انا قولت كلام كتير بس مش قولت لوكشه دى
ياااااااااااى الفاظك نو كلاس
بابتى
هات الساطور نخلث على البت دى
حجبك تدا
هههههههههههههههههههههه
انتى طبعا مبسوطه
بلغتك اهه
هههههههههههههههههههههههه

Kiara يقول...

طبحااااااااااااااا وش مكثوف

ضد البطالة يقول...

ايه رأيك لو ان مدير الانتاج مالوش ذنب فى الموضوع؟
ولا احنا بندور على واحد ممكن نقدر عليه؟
وطبيعى ان ما فيش حاجة هتتغير حتى لو اتغير مدير الانتاج!!!!!!!!!!!!!

عاشقه الرومانسيه يقول...

انا اعرف عن حنين انها قويه ومفتريه
لكن فى الاخر تاخد على قفاها؟؟؟؟؟؟؟؟؟؟
لالالالالالالالالالالا
اهو ده اللى مش اعرفه ولا سمعت عنه
وانا بقول صاحبتى وبت جدعه وتعرف تحمينى
هع
طلعتى بؤ يابت

لازم تخلينى ارجع ثقتى فيكى من تانى
هو مش كده كده خصم يومين والارباح نزلت
خدى حقك بقى
روحى شرحيه يابت

انا بس عايزاكى تستعيدى السبرتيج بتاعك قدام زمايلك
وباحاول اهديكى مش اكتر
(;

حلم بيعافر يقول...

هههههههههههههههه
والله لاشرحوا
هههههههههههههههه
مدونة حلوة جدا
دمكوا خفيف قوى

maiosha يقول...

ههههههههههههههههه

بقى كل الأسلحة دى وفى الأخر تاخدى خصم

ده أنا قولت هيدخلوكى معاهم شريكة فى الشركة

معلشى يا حنين .. ربنا يعوض عليكى يارب

الفراغ يقول...

حقيقى شر البلية مايضحك
ودا جزاء اللى مايسمعش كلمه ماما تقولها
قصدى اللى المدير يقولها

Me7'o يقول...

ههههههههههههه
تحفة

والله بتخيل حنين القلب زى بوحة بالسكينة والحزام

يا مخصمين الأرباح
مااااااااااء

وفى الاخر نسيت تسلخ الخروف

ههههههههههههههه

تحياتى
ولا أقولك
أنا آخد ديلى فى سنانى أحسن
يا فكييييييييييييك

جنّي يقول...

حنين

خوفت انا من البقين دول وركبي بتخبط على الجيران ..

طيب واللي خلق الخلق انا ها اعمل واسوي ..

بس والنبي بببببلاش الممممطوة والسسسسنجة وحقك علي .. حرمت والله يا حنين ..

على فكرة انت ما بتجيش مدونتي ليه .. انا جيت عندك وادتيني بومبة فاتقمصت وما رحتش عندك تاني ..وان شاء الله ازورك قريب جدا بس النت قارفني شوية .. سلميلي على ابو همس الطيب .. اه والنبي السلام امانة لخالتي فرنسا هانم والحج عوبد ..

سلام ايها الضاحكون

حنين القلب يقول...

كيارا
وربنا عثثثثثثثثثثثثثثثثثل

بحبك

حنين القلب يقول...

ضد البطاله

لا طبعا ليه ذنب
يعنى هو لو كلم مجلس الادارة هيدوا ارباح صح
انما هو يتعب نفسه ويطالب بحقوقنا ليه؟
مهو اكل واخد حقه وزياده يبقى يتحرقوا اللى اصلا فاتحيين الشركه

انما انا معاك ان مش فيه فايده لو المدير اتغير لان اللى هايجى اما زيه او انيل منه
يلا ربنا معانا

حنين القلب يقول...

عاشقه الرومانسيه

اه والنبى ياختى
وحياه ربنا اخدت حقى
لا عاش ولا كان يا بت
دنا تربيه الرايق
اللى حرر سينا
انتى نسيتى يا بت
ههههههههههههههههههههههههههه

دنا احميكى بعيونى بس الصابون والميه عليكى
وتصليح المجارى
ههههههههههههههههههههههههههههه

وش بيطلع لسانه

ربنا يخليكى مش ليكى دعوة
خليكى فى حالك

إيثار يقول...

وخلتيني اتخيلك
زي غادة عادل اكلة خدود البشر
و بعدين يتاكل منك يومين

ههههههههه

بجد احييكوا على المدونة دي

حنين القلب يقول...

حلم بيعافر

منا فعلا كنت هشرحوا
بس صعب عليه
هههههههههههههههههههههههه

حنين القلب يقول...

maiosha

يا حبيبتى انا كنت مجهزه كل حاجه
بس كنت لسه هضربه راحت السنجه وقعت منى راح اخدها منى وادانى يومين خصم وبشله فى وشى
هههههههههههههههههههههههههههه

ااااااااااااااه العوض من عند ربنا

حنين القلب يقول...

الفراغ

عاااااااااااااااااا
لا انا هسمع كلام ماما اه
انما كلام المدير
لالالالالالالالالالالالالالالالالا

نورتينا

حنين القلب يقول...

Me7’o

انا برضه زى بوحه
ماااااااااااااااشى
صبح صبح يا عم الحج
بس ايه كنت هموت التوووووووووور
هههههههههههههههههههههههههه

بس انا هسلخ وادبح مع بعض
مش عايز الفروة ؟؟؟؟

شاااااااااااطر اجرى بدل ابعتك للمعلم فرج
ههههههههههههههههههههه

حنين القلب يقول...

جنى


هههههههههههههههههه
شوفت خوفت ازاى

خلاص يا جدعان
ابعدوا الاسلحه دى ورجعوها العراق تانى
هههههههههههههههههههههه

والله اسفه جدا
بس غصب عنى
وبعدين هو انا اقدر اديلك بومبه يا باشا
انا هاااااااااااجى دلوقتى جرى

هسلملك عليهم كلهم بس بلاش خالد دنا مبسوطه اوى انى مرتاحه منه فى البوست ده
افتكر لينا حاجه كويسه والنبى
هههههههههههههههههههههههههههههههههه

منورنا دايما

حنين القلب يقول...

عاشقه الحب
غاده عاديل مين؟؟
قولى دراكولا
ولا بيج شووووو
ولا حتى اندرتكر

هرجعهم اليومين دول اسبوع وهتشوفى وهبعت ليكى شيك القبض تشوفيه بنفسك
هههههههههههههههههههه

عبده الرايق يقول...

ههههههههههههه
على فكره يا نونه
كلك مواهب
انا برضه عرفت اربى
سنجه ومطواه وبازوكا
الله يرحم ايام جدى الكبير الرايق الاكبر
كان اكبر معركه خاضها بالشتيمه

عبده الرايق يقول...

متخافييش يا نونه
انا هاخد ليكى حقك
انا ابوكى وكلى فداكى
انا لن يغمض لى جفن الا حينما اخذ حقك
بس
نتفق الاول
هتدينى كاااااام من الارباح
اقل من فيفتى فيفتى مش هاقبل

حنين القلب يقول...

عبده الرايق

دنا تربيتك يا بابتى برضه
اومال كنت بتسرحنا فى الاشارات ليه

ده انت علمتنا تعليم عالى من فوق كل الكبارى

هههههههههههههههههههههههههههه

حلوة الاغنيه دى

حنين القلب يقول...

عبده الرايق

متخافييش يا نونه
انا هاخد ليكى حقك
انا ابوكى وكلى فداكى
انا لن يغمض لى جفن الا حينما اخذ حقك
بس

كل الكلام الحلو ده
والاخر هتقسم معايا وترجع تلاعبنى كوتشينه وتاخدهم برضه
لا يا سى بابا يفتح الله تاخد التلت بس
ها مواااااافق ؟؟

ذو الوجه المبتسم يقول...

البوست بجد لذيذ وممتع
هو اللى بيعترض فى البلد دي بيعملو فيه ايه ؟؟؟؟؟؟

طبعا مش انا اللى باعترض
ههههههههههههههههههههه

تحياتى

همس الاحباب يقول...

فعلا ان غاب الاسد
تلعب الفراخ فى المدونة
وانا اغيب يومين فى باكستان
ارجع الاقى حنين محتلة المدونة وبترد على الزوار
كلا البطة على جثتى

همس الاحباب يقول...

الاول : ازيكم كلكم وحشنونى والله وحشتنى المدونة بس غصب عنى ظروف الشغل
وانا سايب ورايا رجالة طبعا
استاذ سعيد الف شكر على سلامك وحمدلله على سلامتك
وبعدين سيبك من البنت حنين دى بق وبق فاضى كماان
ولا يهمك من سنج ومطاوى ده كله خشب وورق يا عمنا

حنين القلب يقول...

ذو الوجه المبتسم

شوفت اللى حصلى
بيخصموا ليه ويمكن يتطردوه
كددددددددددده
بدل ما تيجى تتخانق معايا
تقول انا مش بعترض
هههههههههههههههههههه

همس الاحباب يقول...

هسلملك عليهم كلهم بس بلاش خالد دنا مبسوطه اوى انى مرتاحه منه فى البوست ده
افتكر لينا حاجه كويسه والنبى
والنبى صح ومين قالك انى هسيبك فى حالك
جالك الموت يا تارك الصلاة
واستعدى لاخرتك على ايدى

حنين القلب يقول...

همس الاحباب

اسد
كركركررررررررررر
مين ده اللى اسد هو فيه اسود اقزام ؟؟
انت كبيرك ديك وشركسى كمان اللى هو اقرع ده
ههههههههههههههههههههه

وايه اللى رجعك من باكستان
ما كنت تخليك هناك كانوا عدموك وارتحنا منك

اه ارد براحتى
وبفلوسى كمان
عندك مانع

حنين القلب يقول...

همس الاحباب


ما بلاش انت يا خالود
ده انت الوحيد اللى مجربهم
وعارف انهم بيعوروا بجد
ولا تحب افكرك ؟؟
وسايب وراك رجاله
هههههههههههههههههههههه
لا وراك حنين بمليون راجل
وش بيطلع لسانه

همس الاحباب يقول...

دبك وفراخ
المدونة بقت عشة فراخ يا جدعان
احذورحنين القلب
قصدى انفاونزا الطيور
هههههههههه
بفلوسك قبل الخصم ولا بعد الخصم يا حنين
ما بلاش تتكلمى على الفلوس
انتى بالذات

حنين القلب يقول...

همس الاحباب

منا اموت واعرف انت ايه اللى جابك
وربنا كنت مرتاحه منك

بس يلا اهه نلاقى حد نجر فى شكله
استعد لايه ؟؟

والنبى ضحكتنى يا توم

حنين القلب يقول...

همس الاحباب

مهو منك انت
انت اللى لميت علينا الفراخ
وبعدين انفلونزا الطيور ارحم من انفلونزا الخنازير

قبل الخصم لانى بعد الخصم الله اعلم اذا كان هيبقى فيه قبض ولا لاء ؟؟

ههههههههههههههههههههه

همس الاحباب يقول...

سبحان الله
اسمع كلامك اصدقك اشوف تعليقاتك اتخرس
ههههههههه
يا بنتى انتى غاوية تنضربى وخلاص
وعلشان كده احنا جايبنك اخر العنقود علشان نلعب بيكى مش اكتر