الأحد، يونيو 14، 2009

اوباما .. عريس الهنا

همس الاحباب .. والان اعزائى المشاهدين موعدنا مع المسلسل الكوميدى عيله تجنن
*********

طاخ طيخ طووووووخ.. بوووووووووم طييييييييخ طاااااااااااااااخ

الرايق :-مين الجربان اللى بيخبط بايده ورجله ده ؟... بت يا حنين شوفى مين المجنوون اللى على الباب ..وهاتى عصايه الغليه بسرعه

حنين القلب :- هو فى غيره المحروس بسلامته ابنك همس الاحباب ...جاااى بزعابيبه زى امشير

همس الاحباب :-ايه فى ايه ؟؟ ساعة واقف على الباب ما تفتحى بسرعة يا مقصوفة الرقبة

الرايق :- انت ياض مش بالراحة على الباب؟؟؟ مسروع على ايه ؟؟؟هتكسر الباب

همس الاحباب : يا عم انت محسسنى انه باب التوبه ... وبعدين انا عندى خبر بمليون دولار ..لا مليون ايه ؟؟ ده خبر بعشره وتلاتين مليون دولار
حنين القلب :-والله وبقينا بنتكلم بالملايين ... خير يا سبع الرجال جبت الديب من ديله

الرايق :- ديب ايه !!!؟؟؟ هو فييين .. مافيش غير حرمنا المصون فرنسا هانم كعب الغزال

همس الاحباب :- اااااه الاول اخد نفسى اجرى يا بت يا حنين هاتى 15 جركن عصير مانجه و15 بيضة و2 كيلو لحمة و5 فرخيات من فصيله الديصنانور علشان ابل ريقى واخد نفسى واقولكم على الخبر

الرايق :- ههههههه ..ديصنانور ...الله يرحم جدك الرايق الكبير ...اسمه ديصانور يا ولد .. وبعدين ايه 15 جركن عصير مانجه ؟؟ انت فاتح عصاره فى بطنك ؟؟؟

حنين القلب :- من يومه مفقوع يا بابتى وهو فى بطن امه .

فرنسا هانم :- فكرتينى يا بت يا حنين انا و حامل فيه كنت اروح عند اى حد يسألنى تشربى شاى ولا ساقع يا فرنسا ؟ اقولهم الحقونى بالاكل بسرعه ...كان فاضحنى فى كل حته ...وفى الاخر نزل وزنه نص كيلو

همس الاحباب :- على اساس انى فار مسلوخ يا مامتى ؟؟؟ أومال الاكل ا للى اكلته راح فين؟؟؟ فى بطن القطة مثلا ؟؟

الرايق :- قولى يا قطة قصدى يا همس يا حبييى ايه الخبر اللى جاااااى مسروع عليه

همس الاحباب :- خبر ايه !!!؟؟؟ هوانا قلت انى جايب اخبار؟؟؟؟

حنين القلب :- صباح الزهايمر بالمخلل ما تفوق ياض وسيبك من عرق السوس اللى بتشربه ده

همس الاحباب :- ااااه افتكرت انا جايب عريس لحنين القلب بس مش هقولكم هو ميييين !!؟؟

حنين القلب :- عرييييييييييييييس؟؟؟؟؟؟؟؟؟ ...هييييييييييييييييه ...عريس بجد ؟؟؟ لحم ودم زينا كده يا واد يا همس ؟؟؟ يا بوى مين يا همس يا خويا يا حبيبى مييين !!؟؟؟

همس الاحباب :- اخوكى وحبيبك دلوقتى؟؟؟ جاكى خوت فى نافوخك اليمين والشمال ... من شوية كنت ياض

حنين القلب :- عديها يا عم عيلة وغلطت ..وبعدين طالما فيها عريس ..يبقى انا الياض والبت وانا كل حاجه ..وان كان ليك عند الباشا حاجه قوله يا بشبوشتى

همس الاحباب : اممممممم ماشى بقولك ايه يا بشبوشتى قلعينى الجزمة والشراب وهاتى الشبشب ابو صباع،وهاتى اللى قولتلك عليه علشان اخد نفسى ده عريس يا هبلة .

حنين القلب :- نهارك زى شعر راسك... ابيض وزى الفل ( بكل غيظ ) اممممم حاضر يا خويا يا ابن امى وابويا .

الرايق :- ما تقول ياض وتخلص انت شغال تتنى وتتفرد زى المكواة الرجل كده ليه .

حنين القلب :- لا والنبى يا رايق ... الا همس حبيبى ... محدش يزعله ولا يقوله ياض

همس الاحباب :- بلاش انت يا رايق لانك لو عرفت العريس هتقوم تبوسنى واحتمال ترمينى من الشباك من الفرحة

الطائر الحزين :- ليه يا عم همس انت جايب جاك شيراك عريس

الرايق :- واد يا طائر ميين جاك شيراك ده قريب صلاح الدين الابنودى

همس الاحباب :- ايووون... صح هو قريب الابنودى اللى حرر عزبة النخل وضمها على صفط اللبن

الرايق :- شت اب يور ماوس انا الدكاترة عبده باشا الرايق حفيد سلالة الرايق اسطورة التاريخ والفاصوليا البيضاء ..ايه اللى جاب عزبه النخل لصفط اللبن يا متخلف دى فى قاره اسيا ودى فى افريقيا

حنين القلب :- بس بقى لا اسيا ولا باسيا ...عايزين نعرف ميين العريس وجااااى امتى عايزة اتجوز يا بشر ..

همس الاحباب :- بصوا يا عيلة الرايق انا كنت قاعد على القهوة بشرب شاى فتله ..سكر بره
الرايق :- عارفه وشربتوا كتير .. شاى بره .. سكر فتله ده ..وكل مره بشربه بطنى بتوجعنى وبيجيلى مغص من الفتله
همس الاحباب :- هو انت كنت بتشرب الفتله يا رايق .؟؟؟ المهم وانا قاعد على القهوة وبشرب شاى فتله .. سكر برة

حنين القلب:- يا دى النيلة عرفنا انك بتشرب شاى فتله وبعده معلقة سكر مش بتحب الاختلاط بين الجنسين خلصنا بقى ... ادخل على المفيد

همس الاحباب :- المهم وانا قاعد على القهوة وبشرب شاى فتلة سكر بره لقيت واحد محترم كده قاعد جنبى لابس جلابية و كاب وكوتشى اميجو بينور

صبرنى يا رب :- جلابية وكاب وكوتشى اميجو بينور؟؟؟؟ اه اكيد العجل فى بطن امه .. وتلاقيه سارق كهربا للكوتشى كمان
همس الاحباب :- بلاش ظلم يا صبرنى يارب انا شايف بعينى العداد بتاع الكهربا ..المهم الراجل كان بيتكلم ايطالى وبيقول ليدز اند جنتل مين.... انا بقى سألت القهوجى رجب حوش صاحبك عنى وقولتله قصده مين بجنتل من الراجل ده؟؟؟ قالى يا استاذ همس ده قصده حضرتك قولتله لا كده حفر قبره بايده اهو هو وعيلته واللى يشددوله اللى جنتل من... احنا عيال شبيحة وما ياكلوش معانا الكلام ده ،قام رجب حوش صاحبك عنى قالى .. انت مش عارف مين ده اللى بيكلمك يا استاذ همس ؟؟؟ انا قلت لا مش عارف هيكون مين يعنى شوكت اباظه ولا فتحي كاريوكا !!؟؟ قالى . لايا عم مش رشدى اباظه ولا تحية كاريوكا ده اوباما رئيس الولايات المتحدة

الرايق :- اوباااااااااااما ..اوبااااااااما .... نو نو نو ماكنشى عندنا حد فى التاريخ اسمه اوباما رئيس الولايات المتحده الامريكيه
حنين القلب :- ما تشغلش تفكيرك يا بابتى انت ياض يا همس قصر ولم المتكسر وبلاش تسرح بينا

همس الاحباب : اسرح بيكى على اساس انك توكه ولا بنسه شعر ولا فلايا بتنزل الحشرات ، يا بنتى بقولك انا كنت قاعد مع اوباما على القهوة وطلبتله شيشة قص وبقوله تشرب ايه قالى تى فى الفيفتى
يعنى شاى فى الخمسينة يا جاهلة يبقى اوباما ولا مرات ابوه

فرنسا هانم : هو شرب قص وشاى فى الفيفتى يبقى اوباما ابن ام اوباما

همس الاحباب : المهم قعد جنبى يشكيلى من عياله ومراته وانه عايز يتجوز من مصر فقلت ما فيش غير اختى حبيبتى حنين هى اللى هتطلع من عينيه كل اللى عملته امريكا فينا واديته السى فى بتاعها ولما عرف انها اختى طبعا وافق على طول وجاااااااى يوم الخميس بعد صلاة الجمعة علشان يخطبها من الرايق ايه رايكم فى العريس

حنين القلب :- انت متاكد من كلامك ياض انه اوباما ولا بتشتغلنى زى عوايدك ؟؟؟.

همس الاحباب :- ان شاء الله اعدمك لوكنت بشتغلك يا حنين

الرايق :- لو كان كده عايزين نفرض شروطنا اااه اللى اوله شرط اخره نور وبعدين هيتجوز حنين اخر العنقود سكر معقود

الطائر الحزين :- شروط مين يا رايق انت بتحلم ..انا كلام الواد همس ده مش نازلى من زور ...ده اوباما يا بشر



همس الاحباب :- وايه يعنى يا طائر لو كان هو اوباما فده الدكاترة عبده الرايق وماتنساش انى عزمته على شاى وحجر قص 2.50 كان زمانه بيغسل الشيش فى القهوة وبيكرس للزباين .

الرايق :- طب يا اولاد ايه رايكم نعمل قايمة ووصل امانة احنا لازمن نضمن حق وليتنا قبل ما تنضم لولاياته

همس الاحباب :- اه طبعا بس قايمة ايه هى بنتك حيلتها حاجة اصلا احسن حاجة يعمل تنازل عن 25 ولاية كمقدم صداق والمؤخر تنازل عن 25 ولاية ويبقى احنا كده طبقنا الشرع عليه .

يوم الخميس بعد صلاة الجمعة همس نزل القهوة علشان يجيب العريس والرايق والعيلة بيظبطوا البيت وبيجهزوا نفسهم

حنين القلب :- ما تزوقينى يا ماما قوام يا ماما ده اوباما هياخدنى بالسلامة

الرايق : - عايز نظام يا ولاد عايز برستيجى قدام اوباما

حنين القلب : الباب بيخبط حد يفتح بسرعة عريسى جه بالسلامة

همس الاحباب :- يا ساتر اتفضل يا مستر اوباما ما حدش كاشف راسه غير الر ايق ودى منها للسماء دايما

صبرنى يا رب : ميييين ده !!!!!؟؟؟ ده تؤام مرسى ابن ام مرسى

الرايق : مرسى !! أومال فيين اوباما !!!؟؟

همس الاحباب : اوباما سافر امريكا جبتلكم رجب شيشة الشهير باوباما المصرى
******************
مع تحيات فريق العمل بمدونه
الضاحكون

هناك 31 تعليقًا:

همس الاحباب يقول...

فعلا اوباما عريس الهنا
حد يقدر يعترض

همس الاحباب يقول...

طبعا مش محتاج احجز اول تعليق ولا تانى تعليق
لان التعليقات محجوزة مسبقا

حنين القلب يقول...

ههههههههههههههههههههههه

اخيرا عريس يا اماااااااااااااى

الحمد لله

ربنا يخليك ليه يا خالود

حنين القلب يقول...

قهوجى

يا لهووووووووووووووووووووووووى

دى اخرتها
ده حتى مش يعرف يقرى السى ولا ده قهوجى على درجه سفير


هههههههههههههههههههههه
روح منك لله يا خالد
ياما جاب الغراب لاخته

ملكة بحجابى يقول...

ههههههههههههههههه
ايه التعاشمة دى ؟
مش تعزمونى ؟
مممممممممموه ياحنين يا أوختشى
بالهنا والشفا أوبلما وحلال عليكى
وشنطوووور ياخالد
ايون كدة انا احب الرجالة المؤنعه دى
ههههههههههههههه

وسمعينى سلام ماتزقينى ياماما كمان مرة
وحياتشى
كمان مرة

:-*

ملكة بحجابى يقول...
أزال المؤلف هذا التعليق.
ملكة بحجابى يقول...

فين السلام
ايوووون
ماتزقينى ياماما
مش
ماتزوووقينى ياماما
ربنا يوعدنى بزئه زى دى انا كوووماااان
هههههههههههههه

فرنسا هانم يقول...

اوباما ابن عمى عندنا
يا مرحبا يا مرحبا
العريس طلع اوباميه خضراء مش اوباما
كده يا خالد تعشمنا وتضحك علينا
على رأى ابوك الرايق
نو
نو
نو
العريس اونطه هاتوا فلوسنا

كيــــــــــــارا يقول...

لولولولوللولولولولوولوولولولييييييييييي


مبروك يابت ياحنين عريس

لقططططططططططططططططططططططططططططططططططططططه


هههههههههههههههههههههههههههههههههههههه


انا قلت

اخرك قهوجى


هههههههههههههههههههههههههههههههههههههههههههههههههه

همسة ايمان يقول...

ههههههههههههههه

عسوله اوى مدونتكم وفكرتها جامدة موووووووووت

ربنا يوفقكم يارب وبعدين يعنى حد طايل اوباما ولاغيره

تقبلونى زائرة جديدة لمدونتكم

ضحكنونى فعلا دمتم طيبين

yoyo يقول...

صباحكم سكر

هههههههههههههههه
بقى هى دى اخرتها يا نونو
قهوجى
يا شماتة ابلة ظاظا فينا
هههههههههههههههههههه
هههههههههههههههههههههههههههه
معليش بقى هنعمل ايه بكرة يجى لك صاحب القهوة نفسه
هههههههههههه
وبعدين انتى مش فاكرة العرسان الكتيييير اوى دول
وانا على صرخة واحدة مش اخده يا بابا مش اخده ابدا
ههههههههههههه

ربنا يسعد و يسعد قلبك يا قمر
تحياتى
يويو

yoyo يقول...

خالود

دين تدان
هههههههههههههههه
خاف على نفسك بقى لتكون عروستك الاخت فتاكات كفتة
هههههههههههههههه
و ماخفى كان اعظم برده
يعنى قدم السبت برده

يويو

yoyo يقول...

معليش بقى يا فرنسا يا ختى
لسه البت مش جايه نصيبها يا ختى
يكونش معمول لها عمل على رجل جمل
ههههههههههههههههههه
هههههههههههههههههههههههههه
بكرة يجى لها سيد سيده

***************************

عبده باشا
هو انت انت شوية ولا ايه فى البلد دى
اكيد و لازمنا ولا بد يعنى
لسه العريس اللى يليق بيك و بالعيلة مش جيه ولا ايه رايك انت

دمتم جميعا صناع للسعادة
تحياتى
يويو

كلام على بلاطة يقول...

محتاجين نتــــــــحرق بجاز وسخ للضرر والمضرة
علشان نتطهر وننضــــــــف ولا نتوسخ تانى مـــره
طالما الحق لم يحق والعدل اتبدل وصار تجربه مره
والباطل صار مسيطر على العقل والقلب والسرة
ولعلع بفساده وعناده وظلمه للحـــــــــر والحـــرة
لان اليومين دول يومين الظالم والبلطجى والجره
ومن يطلب العدل ميزاننا عطلان يروح يوزن بره
هيلاقى بعيد عنا العدل والمساواة والفرح والمسرة

كلام على بلاطة يقول...

محتاجين نتــــــــحرق بجاز وسخ للضرر والمضرة
علشان نتطهر وننضــــــــف ولا نتوسخ تانى مـــره
طالما الحق لم يحق والعدل اتبدل وصار تجربه مره
والباطل صار مسيطر على العقل والقلب والسرة
ولعلع بفساده وعناده وظلمه للحـــــــــر والحـــرة
لان اليومين دول يومين الظالم والبلطجى والجره
ومن يطلب العدل ميزاننا عطلان يروح يوزن بره
هيلاقى بعيد عنا العدل والمساواة والفرح والمسرة

عبده الرايق يقول...

احجز اول تعليق وبعدين اقراء

عبده الرايق يقول...

انا برضه كنت حاسس ان الواد همس ده مش هيجيبها البر
رجب شيشه !!!!!!!!!!!!!!!!!
نو
نو
نو
انا لايمكن اقبل الجوازه دى
لازم نسأل عنه
هو شيشه قص ولا سلوم ولا زغلول
طبعا تفرق كتييييييييييييييييييير
بما ان السويسه كلهم بيحبوا المعسل القص
وانا شخصيا بفضل القص
فانا موافق ان كان الواد رجب شيشه ده قص
وبدون شروط
اهم حاجه نتخلص من البنت المسروعه على الجواز دى

همس الاحباب يقول...

حنين القلب
ااه قهوجى على سن ورمح
ولو مش عجبك
ممكن نبدله بحجر قص
وناخد الفرق
عدى الجمايل

همس الاحباب يقول...

ملكة بحجابى
هههههههه
الوحيدة اللى مقدرة تضحياتى فى العيلة دى با اميرة
ربنا يكرمك وتاخدى حقى من العيلة المزعجة دى
منورة الضاحكون دايما

همس الاحباب يقول...

فرنسا هانم
ههههههه
كنتى هتبقى حماة اوباما يا فرنسا
ويقولك حماتى ملاك
بس امانة عليكى توريه النجوم فى عز الضهر هو امريكا
ياعينى لو جال بوش كماان معاه
وقعتهم كوبيا

همس الاحباب يقول...

كيارا
عقبالك يا كيارا
ليكى عندى عريس اجمد من اوباما
ناوى اجوزك تحتمس السادس عشر
ايه رايك

همس الاحباب يقول...

همسة ايمان
ده شرف كبير لاسرة الضاحكون تشريفك لنا
والحمد لله ان المدونة نالت اعجابك
تحياتى

همس الاحباب يقول...

يويو
هههههههههه
فعلا يا شماتة ابلة ظاظا فيكى
مين ابلة طاظا دى
لا على يدى
اوباما قاعد هنا وحنين قاعدة هنا
وهى على نغمةواحدة عريس يا بوى
ههههه
تحياتى

همس الاحباب يقول...

يويو
فتكات كفتة مرة واحدة
طب سيبك من فتكات وخلينا فى الكفته
دهن قلبل وكتر ى السلطات
واتفضلى معانا اتفرجى من غير ما تمدى ايديك
هههههههه
منورانا دايما يا يويو

همس الاحباب يقول...

كلام على البلاطة
وعجبى !!!

همس الاحباب يقول...

عبده الرايق
مبروك عليك اول تعليق
تكسب معانا فى برنامج ما يطلبه النائمون
بطانية ولحاف
تصبح على خير

همس الاحباب يقول...

عبده الرايق
هههههه
فعلا اكيد يفرق القص من الزغلول
من عباس
هو مين عباس ده
الله اعلم

حنين القلب يقول...

ملكه بحجابى

نعزمك على ايه
هو احنا ناقصين فضايح

ههههههههههههههههه
وربنا شكلك فرحانه فيه
ما بلاش انتى

ماما هتزقنى
اه هما فعلا كانوا عايزين يزقزنى من البلكونه

اميرة هبعت ليكى عريس اول حرف من اسمه ر عرفتيه ؟؟
صحححححححححح رجب عريسى خديه انا مش عايزاه

وش بيغمز

أحــوال الهـوي يقول...

مررت للتحية و السلام
بعد طول الغياب

تحياتي

همس الاحباب يقول...

احوال الهوى
حمدلله على السلامة
ومنورالضاحكون دائما

ملكة بحجابى يقول...

يؤيؤيؤيؤيؤ
قال عريس بحرف الراء قال
لا يا أوختشى أنا قاطعت حرف الراء نهائى
وش بيغمز
لو تحبى اباسيلك انا حرف الراء
انا موافقه ياااوختشى طشبعا مايغلاش عليكى ياشابة والنبى
ههههههههههههههههه
ممممممممممممممموه
بألف هنا
نيهااا هااااا هااااااااااااا