الأربعاء، أكتوبر 29، 2008

بلاش تمسك ايد مُزة

فى يوم من الايام كنت قاعد ولا بيا ولا عليا كان يوم عجب خلصت شغل الساعة 8 بالليل زميلى فى الشغل بيقولى وراك حاجة قلتله يا بنى ما انت عارف انى لا مرتبط ولا حد لسه اتكلم عليا فاضى طبعا خير..
- قالى طب يلا بينا
- على فيين يا عم !!!
-هنروح مشوار قريب من هنا مش هتتاخر
-ولا تاخرنا احنا ورانا ايه يلا بينا
المهم وصلنا شارع التحرير و وقفنا قدام فندق
- وقالى يلا بينا نطلع الدور الثامن
- نعم الثامن اشمعنى يا حاج
- هنقابل ناس صحابى منتظرينى فوق
- صحابك وفى فندق يا بنى انت اخرك غرزة ابو المعاطى وشركاه
ما علينا طلعنا فى الاسانسير للدور الثامن وصاحبى بيسال عامل الاسانسير هو النايت ف الدور التامن قاله اااااااه يا باشا اتفضل
- نااااااااايت يا نهارك ابيض !!!
- متخافش تعالى بس
- لا يا عم مفيناش من كده نااااايت يا فضيحتااااه انا لسه بالسلوفانة ياعم وجااااى من الصعيد طازة تقولى نايت وديسكو ده كانوا فى النجع طخونى عيارين..
المهم دخلنا وعينك ما تشوف الا النور كل الاحبة اتنين اتنين وانت يا قلبى دقاتك زادت ليه
قعدنا على الترابيزة انا وصاحبى ولقيت مزة جااااااااية لابسة ومش لابسة وسلمت على صاحبى وبتقولى هاااااااى
قولتلها هاااااااااى ورحمة الله وبصيت لقيتها مسكت ايد صاحبى وقعدت تهرج معااااااه
وانا قاعد اتفرج على اللى بيحصل فى المكان وجسمى بيشر ميه وبقيت زى الفار المبلول اللى طالع من طشت ميه سخنة ووشى جايب الوااااااان الطيف السبعتاشر.

بصراااحة اول مرة اتعرض لموقف زى كده ولقيت صاحبى بيقول للمزة استاذ خالد زميلى
طبعا انا من جوايا مولع وبالعن دى زمالة ودى معرفة يا جدع المهم شوية ولقيت واحد جااااااااى تشربوا ايه يا بهوات

- مش عايز اشرب حاجة انا عايز امشى .
- تمشى ايه استنى عيب هاتله كنز يا متر
- ااااه دى رشوة بترشينى بكنز ماشى لما ننزل بس
طبعا الجدع ما كدبش خبر وجاب 2 كنز وجاب لب ابيض يجى بنص جنيه كده
قلت هو ده اللى بيقولوا عليه المزة وقعدت قزقز لب وانا متنح كده وببص فى الارض من الغيظ والخجل ااه والله كان لسه عندى دم وبتكسف .
وفجاة لقيت حاجة واقفة جنبى بصيت كده من تحت لفوق لقيت سيقان واحدة ست واقفة جنبى وبتقولى ازيك انا ولاء انت اسمك ايه؟؟؟
- ااااانا مش فاكر انا ميين طب انا فييييين ؟؟؟
اااااه نسيت اقولكم انا بصراحة اتخضيت لقيت حاجة سمرة كده وطويلة اطول من الليلة السودة
افتكرتها الشاويش عطيه بصراحة وكان هاين عليه اعيط وافتكرت محمد هنيدى فى فيلم صعيدى فى الجامعة الامريكية كل الناس شافت الليلة الحمرا الا انا شفت الليلة السودة
ولقيتها بتقولى هاااااااات ايدك ..
ايد مين يا ستى لا يمكن ابدا ايد النجعاوى الكبير تلمس ايد حرمة ولا عاش ولا كان انا محدش يمسك ايدى ابدا غير امى علشان تعدينى الشارع ..
المهم صاحبى منسجم وعايش الحياة وانا ساكت خااااالص وهاين عليه اقوم ارميه من الدور التامن واستريح منه .

- طب مش يلا بينا كفاية كده انا عندى مشوار وعايز امشى

- يا عم احنا لسه قاعدين ومشوار ايه اللى جه فجاة
-يا عم ورايا مشوار مهم جدا رايح اقص ضوافرى وبعدين انا اتخنقت منك يلا بينا مش كفاية عمود النور اللى واقف جنبى
لقيته بيقولى طب نحاسب ونمشى يا متر الحساب
حاااااضر يا باشا الحساب 66 جم وخدمة وتبس يبقى 100 جم
طبعا انا سمعت الرقم وفطست على نفسى من الضحك انا اللى كنت قاعد مكتوم من الصبح
عجبنى قوى والخدمة يبقى الحساب 100 جم فعلا الخدمة تستاهل بصراحة .

- صاحبى بص كده وازبهل وبيقولى معاك فلوس
- قلتله اااااه بس ليه قالى علشان تدفع الحساب ااااااه ماشى مفيش مانع ما هو حسابك تقيل معايا اصلا .
اللى كان عاجبنى فى الموقف اننا اخدنا 2 كنز وبنص جنيه لب يعنى الحساب يطلع كده 3 جم بالظبط و97 جم خدمة يا بلاااااش كله ده علشان مسكت ايد واحدة طب يا جدع كنت جيت مسكت ايدى الاتنين كماان وخدت منك 10 جم بس.
وقال ايه الاخت ولاء كانت عايز تمسك ايدى الحمد لله كان زمانك دافع 200 جم بدل مسكة ايد ولاء .
نزلنا فى الاسانسير وطبعا انا ببص لصاحبى ومش قادر امسك نفسى من الضحك لدرجة قعدت فى الاسانسير وهو شغال يضرب فيه يا بنى فضحتنا حرام عليك والراجل بتاع الاسانسير يبص ومندهش
هو الجدع ده شرب ايه ده لسه طالع من ربع ساعة هو دماغه خفيفة كده
صاحبى لا مش شرب حاجة بس اتجنن الواضح .
ومن هذا اليوم كل ما شوف صاحبى افتكر منظره هو وماسك ايد المزة ومنشكح واتخيل منظره بعد الحساب اموووووت على نفسى من الضحك .
وده جزاء من يفكر يمسك ايد مُزة لوحده .


هناك 65 تعليقًا:

رئـــــيسـة حزب الأحلام يقول...

احجز اول تعليق

رئـــــيسـة حزب الأحلام يقول...

دى نصايح للشباب عشان قضية الساعة
ههههههههههههههه
جزاك الله خيرا
الف تحية لجميع العاملين بالمدونة ومزيد من التقدم

عبده الرايق يقول...

اول تعليق ضاع ؟؟؟؟؟؟؟؟؟
نو
نو
نو
انا اكسر انا ادغدغ انا اموت انا اخلى الدم للركب
نو
نو
نو
انا هربان من الكولامبور عاصمه همارسبرج علشان الحق اول تعليق ويضيع منى
لايسلم التعليق الرفيع من الاذى حتى يراق على جوانبه الدم
ناولنى البندقه ياولد

عبده الرايق يقول...

خلاااااااااااااااااص
هتنزل المره دى
لكن يكون فى علمك ياريسه
المره الجايه لايمكن تنزل ابدااااااااا
نورماندى ثرى
ثرى
ثرى
تربتا تيى

عبده الرايق يقول...

الى جميع الاخوه الزوار
والى ابنائى الضاحكون
والى الارشانه فرنسا هانم
انا متشكر جدا جدا على سؤالكم عنى
واحب اعرفكم انى سوف اغيب عنكم فتره العلاج وذلك لان الطبيب منع عنى الكمبيوتر والتليفزيون والاضاءه المباشره نهائى
وانا للاسف لم اقراء البوست ولكنى قرأته مسبقا فى الدرافت
ملحوظه هامه
********
لو حد عايز يشترى الحيزبونه الارشانه فرنسا هانم بيعوها واخلصوا منها اهه نجيب تمن جلستين علاج طبيعى
اخر سعر معروض كان معروض عليا 256 جند و75 قرش
مين يزود ؟؟؟؟؟؟؟؟؟؟؟؟
فتحنا المزاذ

عبده الرايق يقول...

خالد همس الاحباب
بس ياسبع انكشفت وبانت حقيقتك
انا عرفتك دلوقتى
انت اخو حنين القلب
ايوه اخوها هنا فى المدونه
واخوها فى الحقيقه
علشان هى سعديه المبلوله
وانت الفار المبلول
وانا مش ابوكم
انا متبرى منكم انتم الاتنين
احسن اكون انا المبلول
وفرنسا مرات المبلول
مالكم ؟؟؟؟؟؟؟؟؟؟؟
كلكم اتبليتو ليه يا ولاد ؟؟؟؟؟؟
حنين تقولى سعديه المبلوله وهمس يقولى الفار المبلول
فينك ياعم عوض يا بتاع البامبرز وفى ايامك ؟؟؟

عبده الرايق يقول...

قبل ما اسيبكم لفتره البيات العلاجى
اوعدونى محدش يجيب سيره للدكتور انى دخلت النت
اصله راجل جزار وشرانى وكل شغله كهرباء
حاجه تانيه احب اقولها
اشكر جدا الاخوه الذين سألوا عنى
خالد همس الاحباب
وحنين القلب
وقوس قزح
والطائر الحزين
واحمد سكر
وعبر الاميل اللى لسه شايفه دلوقتى اشكر
راندا على اميلاتها الكثيره اللى ملت الميل
واشكر الارشانه فرنسيس هانم على ال 32 ميل الى بعتتهم
واسألها بذمتك لو كان الميل بفلوس كنتى هتبعتى كل ده ؟؟؟؟؟؟؟

همس الاحباب يقول...

رئيسة حزب الاحلام
انا فرحان انا مبسوط
علشان اخدتى اول تعليق من واحد صاحبنا كان منتظره من اسبوع
هههههههه
دى مش نصايح يا ريسة
دى خيبة منى مش اكتر
ليت الشباب يعود يوما

مهندس مصري يقول...

هههههههههههههههه
قطعت النايتات و اللي بيروحها
و الناس المحترمة ما تروحش الاماكن دي
:)
كويس انك ما مسكتهاش
بلا هم

و الف سلامة للرايق و كويس ان طمننا عليه

همس الاحباب يقول...

عبده الرايق
هههههههه
هههههههه
بجد بجد
انا فرحان انه ضاع منك اول تعليق
وبتقولى انا اول تعليق
تعيش وتاخد غيرها يا عمنا
بس والله منور المدونة وسعيد انك دخت تطمنا عيك يا باشا
ترجع بالف سلامة
بس والنبى بلاش نو نو
وبلاش اكسر وادغدغ
احسن فرنسا تسمع وتيجى تخلص عليك
وانت مش ناقص
والعيال والبنات نايمين
مش ايلحقوا ينشلوك من تحتها

همس الاحباب يقول...

عبده الرايق
اجرى يا رايق
القلل اتتحدف
والخرفان اتنطح
والاسد بيزار
والقطة بتنونو
احتجاجا على المزاد بس انا ممكن اعملك مزاد جامد قوى
بس فى نهايه البوست
وتكون انت هربت من المزاد

همس الاحباب يقول...

عبده الرايق
هههههههه
ههههههههه
لا يا جدع انت اتتبرى من عيالك يا راجل
د احنا طالعين للرايق مبلولين
انت مش فاكر ولا ايه
الله يرحمه عم عوض ويرحم ايام البامبرز

همس الاحباب يقول...

مهندس مصرى
منور يا باشمهندس
هههههه
والله كانت غلطه وندمان عليها
بس بصراحة كده المزة كانت وحشة
وايدها طويلة قوى
والواضح كده ما كانش عندها اخوات صبيان وكانت عايزة تغرغر بيا
نورت يا هندسة

رندا يقول...

فى الاول الف حمدالله على سلامتك يارايق يارب
بتشكرنى على اية بس ياريس
دة واجب الاصدقاء
فرحت جدا بتواجدك وتعليقك الى كلة
فرحة وهيصة وجمال والله
.........................
خالد
اية ياعم الى وداك هناك
كدة الضاحكون هياخدوا بالتار
من ولاء ههههههههه
يعنى طار فى الهوا شاشى وانت متدراشى ياجااادع
يعنى طلعت من برة تقول انا جدع من غير ماتاكل لب ههههههههههه
وعاملى عضلات وانت اتبليت
نايت يعنى نايت امال لو روحت
مورنيج كان هيحصلك اية
وكمان لب وكانز بس ههههههههههه

هى الدنياكانت بتمطر عندك جامد ياخالد المرة الجاية خد شمسية معاك ههههههههه
خالد
خليك فى التدوين ومش تروح اى مكان
حرصا على مشاعر ولاء هههههههه

صبرني يارب يقول...

رااااااااااااااااااااااايق

يا لهوي انت عملت ايه فى ام احمد يا رايق عشان يجرالك كده يا اخويا

هى حصلت لحد الكهربا؟؟؟؟؟؟

الف الف سلامه عليك يا رايق والله البلوج كله ما له حس من غيرك
وعلى فكره انا سألت عليك طوب الارض حتى اسأله
وضفتك على الميل عندي وحضرتك منفضلي يا دكاتره

وربنا يتم شفاك على خير ويجيبك لنا بالسلامه
ولو المشكله فى الاضاءةالمباشره ممكن تخفض اضاءة الشاشه لو اضريت

نوووووووووورت يا رايق

صبرني يارب يقول...

همس الاحباب

معلش يا اخويا كنا بس بنرحب بالدكاتره الاول الا له وحشه والله وقاطع بنا يا اخويا وسايب ولاده مشردين فى البلوج

ايه الى انت عملته ده ؟؟؟
طب وما قمتش ليه روحت ياعم الحاج ولا هو ما صدقت يعنى ؟؟؟
ولما انت الى دفعت فى الاخر كنت شوف الليله السوده عايزه ايه طيب ههههههههههههههه

والحمد لله انك كنت لسه مش مرتبط
عشان كان ممكن تتعبى فى اكياااااااس

تحياتي لك يا استاذ خالد
وابقى قولي بقى اخبار الزبادي وكده لو فى جديد
ههههههههههههههههه

حنين القلب يقول...

ايووووووووووه يا جدعان
دنا اتاخرت اوى
بس غصب عنى النت كان فاصل الله يخرب بيت النت ده

فاصل ونعود

حنين القلب يقول...

والله العظيم انت تحفه
سلوفان ايه اللى انت فيه انت هتشغلنا انت كبيرك كيسه نيلون

وكانت عايزة تمسك ايدك يا لهووووووووووووووووووووى
الحقى يا ام خالد ابنك كانت واحده هتضحك عليه وتمسك ايده

حنين القلب يقول...

وبقيت شبه الفار المبلول
الحمد لله مش انا لوحدى
هو الرايق قالها كلمه احنا اخوات بجد

استنى اروح اجيب ليك بمبرز

حنين القلب يقول...

ومن البوست ده يا حلوين يا اللى قريتم نتعلم حاجه كويسه
1- اوعى تخرج فى مكان مش تعرفه
2-اوعى تمسك ايد ولاء ولا اى موزة تانيه الا تتدبس فى 100 جند
3-لو صاحبك اتزنق ندل معاه ومش تدفع ولا هو يمسك وانت تدفع
4- يجب كلنا نطالب باعدام خالد همس الاحباب لانه خدش حياء ولاء

الناس كلها شافت الليله الحمرا وانت شوفت الليله السوده
احمد ربنا ان ليلتك عدت على خير

حنين القلب يقول...

والراجل بتاع الاسانسير فاكرك سكرت
ههههههههههههههههه
منتا فعلا سكرت منتا اخرك تسكر من الكنز
انا عايزة افهم انت مالك انت ومال النايت والديسكو
انت كبيرك تقعد على عتبه بيتكم وتقعد تلعب فى الزرع وتركب الحمار والجمل بسسسسسسسسسسسسسسسسسسسس

بس عارف بوست زى العسل بجد
تسلم الايادى يا خالود

حنين القلب يقول...

عبده الرايق
منووووووووووووووور الدنيا كلها يا بابتى
والله عملت للمدونه حس كنا قاعدين من غيرك زى اليتامى
وحشتنا
وربنا يتمم شفاك على خير ويرجعك لينا بالسلامه

حنين القلب يقول...

عبده الرايق
كده برضه تتبرا منى
ليه يا سى بابا هو انا كنت عملت زيه ومسكت ايد موزة
طيب انت دلعته علشان كده عمال يلف على النايت والديسكو ومن حقك تتبرا منه انا ذنبى ايه؟؟

وبعدين منتا ابونا ولا نسيت البامبرز

عجبك كده يا سى خالد اهه بقيناعيله المبلولين

~*§¦§ Appy §¦§*~ يقول...

ههههههههه هو برضه اللى جرك على هناك
الا فندق ايه ده يا ابنى وكان سنه كام دول ميه جنيه بقوا مينى مام فى كافيه دلوقتى هههههههههههههههه

بس انا فرحانه فيكوا

Beram ElMasry يقول...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

كاميليا يقول...

ههههههههههههه

لو عرفوا فى البلد انك روحت هناك

هتتجطع تجطييع

ههههههههههه

اسلوبك جميل اوى خالد
واختيارك للكلمات روعة

ضحكت كتير اوى وانا متخيلة المشاهد
ربنا يسعد قلبك يا رب

تحياتى واحترامى

كاميليا يقول...

عبده الرايق

الف حمد الله على سلامتك

ربنا يتم شفائك على خير يارب

ويعطيك الصحة وراحة البال

كل الاحترام

Beram ElMasry يقول...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

الطائر الحزين يقول...

حمدا لله على السلامة يا ابو الروقان

==========

خايب حط خيبتك على خيبتى خليه يمسكها يا فوزية
=============
الحمد لله يا عم كد اريح

قوس قزح يقول...

نايت يا خالد ؟؟
اول ما تشطح تنطح
جاى من الصعيد الجوانى على النايت والغوانى
فينك يا ام خالد تشوفى ابنك و هو واقف جنب السيقان
المهم صاحبك اداك الفلوس و لا ضحك عليك و قالك ده تمن الفرجة ههههههههههههه


..............

رايق
انت مفيش فايدة فيك ؟؟
بردو دخلت النت
طيب انا هقول للدكتور بقى
علشان يديلك حقنة كبيررررررررررررة
تخليك متعرفش تقعد تانى قدام الجهاز

يا سيدى احنا عارفين انك تعبان
ممكن بقى تنسانا شوية لحد ما تخف ؟؟

ربنا يرجعك بالسلامة و يكمل شفاك

همس الاحباب يقول...

رندا
هههههههه
ههههه
والله هم غرغروا بيا وقالوا نايت
بس فى الاخر مش طلع نايت خالص
انا من ساعتها مش باخرج من بيتنا
وبأمن نفسى كويس ضد البلل
ولاء ههههههههههه
دى كانت الشاويش عطيه متنكر فى زى مزة

همس الاحباب يقول...

صبرنى يا رب
ههههه ههههههه
هما لزقونى فى الكرسى
وقعدت ربع ساعة بحالها
والاخت ولاء متذنبة جنبى زى عامود النور
الحمد لله فعلا كنت لسه فى كى جى 1
الا زمانى كنت فى خبركان
قصدى متعبى فى اكياس التلاجة
ههههههه
زبادى حرام عليكى يا ام مريم
ام همس مصدعانى بموضوع الزبادى وكل يوم اقولها بكرة
وبتسال ما فيش حاجة جديدة قولتلها صبرنى نسفت مطبخها وبتجدده وبتاكل تيك اواى ههههههههه

همس الاحباب يقول...

حنين القلب
هههههههههه
صح النوم يا اهل الكهف
وكنتى طمعانة فى اول تعليق
انسى يا عمرو

همس الاحباب يقول...

حنين القلب
ههههههههه
ههههههههه
كيس نيلون يا بتاعت الخيش
اه انا اتغرغر بيا يا حنين
البنت ما كانش عندها اخوات صبيان وغرغرت بيا وانتى قاعدة هنا
مين يجيب حقى دلوقتى

همس الاحباب يقول...

حنين القلب
ههههههه
هههههههههه
هههههههههه
كل ده ملاحظات استفدتى بيها من البوست
ونطالب باعدام خالد همس الاحباب
هههههههه
والله يا اختى هى ولاء اللى خدشت حياائى وغرغرت بيا
انا برىء
انا مظلوم
انا ميييييين..

همس الاحباب يقول...

حنين القلب
مش كفاية انى بقيت اخوكى
يا شيخة ده ولاء كانت اهون من المصيبة دى
اذا كان مش طايقك فى المدونة
انبقى اخوات بره المدونة كماااان
ده مش ممكن ابدا
اكيد الرايق جلسات الكهربا اثرت على نافوخه وانا اتبرى منك ومنه
طب انتى اخر العنقود يجيبلك بامبرز براحته
اما انا خلاص راحت علينا من زمااااان
نورتى يا حنين هانم

همس الاحباب يقول...

ابى هااااااانم
ههههههههه
هو غرغر بيا وعلشان كده عندى عقدة نفساوية منك بصراحة
والله هو بيقولوا اسمه فندق
بس بصراحة اخره فندق نجمة ونص
ده كان سنة 99 يا ستى كانت لسه الاسعار بخيرها
وكان جوز الحمام 3 فرادى
والجنيه فيه 100 قرش
وانا كمااااان فرحان فيكوا
هههههههههههه

همس الاحباب يقول...

بيرم المصرى
الف سلامة عليها وعلى عينها
وسلامتها من عصبة الشال
متخافش عليها اترجع شابة وفتية
طول عمرها كده وبترجع اقوى واشد
ولسه شبابها فيهم الخير وحداهم خيل
نورتنا وشكرا على الزيارة

همس الاحباب يقول...

كاميليا
هههههههه
استرى عليا والنبى يا اختى
انتى ما حداكيش اخوات صبيان
هههههههه
الله يكرمك يا عروسة ده من ذوقك
ودى شهادة ووسام على صدرى
وربنا يسعدك
انا ليا 9 سنين كل ما اتخيل منظرى
افطس على نفسى من الضوحك
تحياتى

همس الاحباب يقول...

الطائر الحزين
ههههههه
ههههههه
انت قلت فيها
انا كنت اخر خيبة فى الدنيا
بس الحمد لله ربنا سترها
نورتنا يا باشا

همس الاحباب يقول...

قوس قزح
ههههههههه
هههههه
طبعا انا عارفك صدقتى ما لقيتى جنازة
عيد عندك طبعا تشوفينى كده
ريحى نفسك يا ستى
خدت الفلوس منه طبعا
مش كفاية هو مسك ايد المزة
وانا اتفرجت على ابو الهول
هههههههههه
نورتى يا ام نور
الرايق ربنا يشفيه
ويرجعلنا بالسلامة
مع انى حذرته من الدخول
بس بجد انا فرحان انه دخل وعلق
ههههههههه

فرنسا هانم يقول...

ايه اللى وداك الحتت دى يا واد يا خالد
الله يمسى ابوك الرايق بالخير
مره بسأله تعرف النايت كلب
قالى طبعا عارفه انا العلامه الدكاتره الرايق النايت كلب يعنى الكلب التاسع
قلت له الكلب اللى بيهوهو
قالى ييس الكلب بوبى التاسع
اجيبه يمين اجيبه شمال راسه والف عضمه ان النايت كلب يعنى الكلب التاسع
قلت له طيب التسعه يعنى ناين مش نايت
بصلى وقال
هما كده الاجانب بيدلعوا ويقرفونا معاهم

فرنسا هانم يقول...

كويس انها جات على قد كده يا خالد
وكويس ان كان معاكم ال 300 والا كنا هنغسل صحون كل فنادق القاهره والغردقه وشرم الشيخ واسوان كلنا لمده شهر كامل

فرنسا هانم يقول...

الرااااااااااااااااااااايق
حمدلله على السلامه يا روقه
انا فرحانه بوجدودك وزعلانه منك
بلاااااااااااااااااااش تدخل النت
علشان خاطرنا كلنا
ارجوك اسمع كلام الدكتور
ولا انت بتعاند وتقول انا طول عمرى مسمعتش كلام اهلى فى الاخر هسمع كلام حته دكتور

فرنسا هانم يقول...

الرايق
عارف يا روقه لولا ان انت عيان
انا كنت قطعتك
وعجنتك
وخبزتك
وغسلتك
ونشرت
قدام خلق الله
انا هتبيعنى بالمزاد العلنى يا رايق
و ب 256 و 75 قرش
الله يرحم جدك عواد
باع ارضه وقعد يغنى ظلموه بقيه حياته

فرنسا هانم يقول...

الرايق
على فكره يا عبده
انا مش عارفه ان كنت هتقرىء كلامى ولا لاء
لكن
هاكتبه وامرى لله
فاكر العلقه بتاعه زمان ؟؟؟؟؟
لو دخلت تانى من غير ما الدكتور يسمحلك هفكرك بيها عملى مش نظرى

همس الاحباب يقول...

فرنسا هانم
ههههههههههههه
لا بجد ملعوبة
وماشية مع الرايق
ما هو الرايق كان معايا فى النايت
هو فى حد فى مصر بيستلف فلوس
غير الرايق
الرايق مسرح نفسه فى جميع انحاء الجمهورية

همس الاحباب يقول...

فرنسا هانم
بصراحة يا فرنسا
انا كان نفسى اطلع ندل واسيبه وامشى
واخليه يمسح الحمامات كمااااااان
انا النجعاوى الكبير يتغرغر بيا
وينضحك عليا ويجيبلى الشاويش عطيه
ويقولى ده مزة

همس الاحباب يقول...

فرنسا هانم
انا فاكر وشاهد
انا اللى شلته ورحت بيه الشفخانة
انا المرة دى متضامن معاكى قلبا وقالبا
وابلغه كده فى التليفون
مع انى حذرته من الدخول بس اعمل ايه
غاوى يتبهدل يا فرنسا
جتته خدت على الضرب

nona يقول...

باة دية اخريتها تروح نايت كلب كمان
ماكنش العشم يا ابو همس
دة لو النجعاوية عرفوا كان التار و الا العار يا بووووووى
بس كان نفسى تعمل عمل الندل معة و تسيبة عشان يحرم يمسك ايد موزة بعد كدة
باة الماسكة ب100 جند امال لو حاجة تانية كانت هتبقا بكام هههههههههههههههههههه

همس يقول...

ههههههههههههههههههههههه

وانااللى كنت فكراك فكرك

طلعت اتاريك اتاريك

روحت نايت

يا فضحيه ام جلاجل والجرسه ام حناجل


وكمان اسمها ولاء

دى فعلا ولاء للمهنه اوى

والحمد لله انها طلعت ضلمة شوية

تلاقي الحكايه حادف على انحراف

بس ربنا

سترها معاك وبعتلك واحد ضلمة


بس العار ولا التار

قصدى التار ولا العار يا رداله


هطتخ يعنى هطتخ

طخ طخ طخ طخ

موت باه

هههههههههه

همس الاحباب يقول...

نونا
هههههههه
ههههههه
ربنا ستار حليم يا نونا
النجعاوية لو عرفوا زمانى كنت فى خبر كان
هههههههه
انتى قولتى فيها كان نفسى اطلع ندل واسيبه يرموه من الدور التامن
بس اعمل ايه كنت عبيط
لا مش مسكة الايد ب100 جند
وعليها 2 كنز كمااااان بلاش افترى
احنا انظلم الناس
نورتى يا نونا

همس الاحباب يقول...

همس
اهلا وسهلا همس عندنا
وانا بقول المدونة بقت متغاضة اند مفروسة ليه
هههههههههه طلعت ايه بقى ما تصدقيش
ده كان طيش شباب وولى
ليت الشباب يعود يوما
كان فيه حاجات كتير اتحصل
على الاقل كنت اخدت تارى
ما هو التار ولا العار ياستى
بس بلاش ضرب النار
وطاخ طيخ
اصلى المدونة مسكونة وفيها حوامل
خايفين عليهم من الخضة
مشيها صواريخ احسن
ضلمة هى كانت ضلمة بعقل
وانا اصوت مين طفى النور ياجدعان
طلعت سحابة ولاء معدية
تحياتى ومنورة دايما يا هموسة

فاتيما يقول...

إيه يا خوانا براحة على الولد
ولاء قالتله هات إيدك
أل إييييييه بيعديييييييينى
بس و الله برافو عليك يا خالد تمسكت بتقاليد الصعايدة برضو
و صاحبك دا متعرفوش تانى
آه و خد منه الفلوس كمان

صابر وراضى يقول...

وعليكم السلاااااااااااام
ههههههههههههههههههههههههههههه
تعيش وتاخد غيرها
المره الجايه متبقاش تمسك ايدها
ابقى امسك زمارت روحها
هههههههههههههههههههههههههه

همس الاحباب يقول...

فاتيما
ام يوسف منورة الضاحكون وحمدلله على السلامة
ربنا يكرمك انا اخوكى برده خليكى جنبى
شايفة البنات عاملين فى ايه
اااه مش هى اللى قالت هات ايدك
بس على ميين ابدا انا حطيت ايدى تحتى وقعد عليهم ما اضمنش الظروف برده
اصل الاخت كانت مفترية وايدها طرشة
هههههههه متخافيش اخدتهم بالفوايد كماااااان
نورتى يا ام يوسف

همس الاحباب يقول...

صابر وراضى
وعليكم السلام
هههههههه
ماشى يا عمنا
انت جااااااى تهدى النفوس
وهى فيها مرة تانية
انت ناوى على زمارة رقبتى انا
اهى مرة وعدت وخلاص
نورت يا باشا

فارس عبدالفتاح يقول...

انتو كده كده اتظبتو في الفلوس طيب يا اخي خد حقك وأعمل اللى انت عاوزه مش كده كده هتدفع فلوس

اهاهاهاهاهاههههههههههه


والنجعاوي لما يعرف مش هيتكلم اذا كان صعيدي بجد يعني يممكن يقلك متعملهاش تاني ويكبر مخه

عشان انتى ولد ومسيرك هاتعقل وتمشي على الصراط المستقيم

وكل سنة وانت طيب يا ريس وبأه لسملي على صحبك


اهاهاههاهاهههههههههههههه

الازهرى يقول...

صديقى العزيز

نعمتان مغبون فيهما كثير من الناس الصحة والفراغ

موضوع جميل لغاية
ولكن ماذا اذا قلت ان مسك يدى سيون مقابل خمسة جنيهات فقط
هل تعتبرها منافسة ؟

تحياتى

همس الاحباب يقول...

فارس عبد الفتاح
هههههههه
يعنى اخد حقى ناشف
والنجعاوى ايعديها طبعا
طب كنت قلت كده من زمان
نورت يا باشا وكل سنة وانت طيب

همس الاحباب يقول...

الازهرى
اسعدنى تشريفك
وتعليقك اخى الكريم
جزاك الله خيرا
تحياتى

أحــوال الهـوي يقول...

كويس انك قلبت معاك بضحك
انا الاشكال دى بتقلب معايا بغمة نفس و كآبه لاني لا اعرف ازاي اتعامل معاهم و مش بعيد كنت شتمتهم ومشيت
اوعي تجرب الموضوع دة تاني احسن يضحكوا عليك زي ما ضحكت عليهم

تحياتي

رغده رشاد يقول...

فكرتنى بمسرحية الجوكر

بوسة ب 20000الف جنية...ليييييييييه؟!!!

نجيت منها و الحمد لله

حمد لله عالسلامة و نتعلم من الدرس مش كل حد يقولنا تعالى معايا ...نروح معاه...

100 حنية مسكة ايد..سبحان الله

kiki يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................