الأحد، أكتوبر 12، 2008

فلسفة الوقوف ع الباب

تحديث
نتقدم نحن اسرة مدونة فرنسا والرايق والضاحكون بخالص التهانى لزهرة الكاميليا بمناسبة زفافها
بارك الله لكما وبارك عليكما وجمع بينكما فى خير
=====================================
اهلا وسهلا اتفضلى كدة يا وحشة محدش بيشوفك ليه ؟ وايه الغيبة دى كلها 3 ايام محدش يشوفك ولا يسمع اخبارك اكيد انتى وحشة مقدمة قالتها لجارتها وهما على الباب

ثم قالت
ايه ده اما انا ست وحشة صحيح كل ده وما قلتش لك اتفضلى معلهش بقى اصلك وحشيتنى اتفضلى اتفضلى يا اهلا وسهلا

ولسه هتخطى قالت لها اقلعى الشبشب اصلى لسه منفضده السجادة
ودخلت معها الى الصالون وزوجها كان بالغرفة نايم وصحى على صوت الترحاب والبوس والاحضان
يعنى الست على بال ما دخلت بس أخذت لها نص ساعه وقوف على الباب
وقعدوا مع بعض اي مجتيش ليه بقى بقالك ثلاث ايام

قالت:اصلى كنت تعبانة هو انتى سألتى ولا عبرتى مين بقى اللى من حقة يزعل

ردت : معلهش بقى يا أختى ما انتى عارفة الظروف والعيال يعنى معرفش اسيبهم واجى لك لكن انتى لا عيل ولا تيل والست سمعت الكلمة زى الرصاصة واخدت على خاطرها واتقمصت ولوت بوزها ومعاها حق اصل فيه ناس بتحدف طوب

واللى قالتها قالت يقطعنى معلهش والله مقصدش

أحكى لى بقى ايه اخبارك وعاملة ايه انت وجوزك

والتانية تقوم تحكى و تحكى على هذا الحال بالساعات وتقول شفتى فلانه بتقول على فلانه التانية ايه وبعد ما تستعرض كل الحديث اللى دار واللى ما دارش تقول واحنا مالنا بس ازاى تقول عليها كدة هى مش كانت صاحبتها وقال على رأى المثل اللى بيته من زجاج ما يحدفش الناس بالطوب ولا يغير هدومة والنور مولع
وتقوم الضيفة والتانية طبعا لازم توصلها لحد الباب هى دى تيجى طبعا واجب وأول ما الباب يتفتح يا حضرات ويبقوا هما الاثنين بره الشقة تلاقى الكلام رجع تانى متعرفش ازاى وهات يا ودددددودددد ودددوددد
ويأتى صوت من غياهب الشقة وينادى ويقول انت يا ست يا اما تدخلوا جوه تكملوا كلام لا تقولى للضيفة تعدى عليكى فى وقت تانى
ترد وتقول دا انا بس بوصيها على شوية حاجات
يا ستى ما توصيها جوه

الوصية لازم تكون على الباب انا مش عارف ايه الحكمة من الكلمتين بتوع الباب دول نفسى افهم ليه دايما الكلام بيتجدد عند الوقوف على الباب اكيد فيه فلسلفة للموضوع و لا يمكن انا اللى متأخر عن ركب التقدم و ده شىء طبيعى وانا اللى مش عارف اساير ركب الحضارةعلشان كدة قلت العنوان فلسفة الوقوف على الباب ولا يمكن يكون موروث شعبى من ايام القدماء المصريين ووجدوه محفور على الصخريات اى حد يعرف ايه الفلسفة لا يتردد يساعد ويقول يمكن نعرف السبب واذا عرف السبب بطل العجب!!!!!!!!!

هناك 30 تعليقًا:

~*§¦§ Appy §¦§*~ يقول...

اول تعليق ههههههههههههه

ولاانا اعرف الفلسفه دي انا ما بضدق حد يمشي واقفل الباب ههههههه
وخلاص بس الناس دماغات متحطش فى دماغاتك هى دي طبيعه ستات البيوت مع الاعتذار ليهم طبعا
بس ايه الفلسفات دي كلها دا انت بقيت ولا الزمخشري اللى انا مش عارفه اقرا كلماته ده

saso يقول...

ههههههههههه

بوست عسل

وحقيقي متفاهميش ايه الحكمه يعنى

وتلاقيهم بعد ميقولوا مع السلامه بيرغوا ساعه كان رجليهم مش عايزه تمشي

هههههههههه

ضحكتينى

تسلم ايدك

زهرة الياسمين يقول...

إحنا اتعودنا على كده
و هى كده
و حلوة كده
و آخر حلاوة كده

انا حره يقول...

تاكل حلاوه هههههههههههه

حنين القلب يقول...

انا استاذه فى الفلسفه دى
اى حد يكون عندى بعد ما يقعد 6 ساعات الاخر اوصله ونقف على الباب 7 ساعات تانين
وبعدين حضرتك مش فاهم
هو فيه حد بيعرف هيموت امتى فانا اى حد بيكون عندى وبحس انه هيمشى بحب ابلغه وصيتى يا عالم اشوفه تانى ولا لاء وطبعا ده بيكون فى اخر الزياره يعنى وهو ماشى يعنى على الباب

فخمتو الفلسفه يا جماعه
بوست زى السكر
تسلم ايدك

M.K يقول...

بالفعل فلسفه غريبه ....
(((بس هو الكلام يحلى عند الباب ))))
سبحان الله تقولش مودعين ومش حيشوفو بعض تاني..

صبرني يارب يقول...

ايه ده بتهررررررج

انت فعلا قديم موت يعنى

انت ما تعرفش السبع كلمات ؟؟؟

ماهما دول الى على الباب يقولك على الاخر يحلوا السبع كلمات

بس طبعا بيقلبوا لمضاعفات السبعه بعى

قول 700 وانت ماشي كده

تحياتي لك

الطائر الحزين يقول...

آبى هانم
وبناءا عليه لا ادرى سبب لاقامة الابواب وارى ان نتركها سداح مداح للى يدخل وللى يخرج واهو كله بثوابة


============
saso
تقصدى ضحكتنى

===========

زهرة الياسمين
فل كدة
وياسمين كدة

============

انا حره
أكل حلاوة هى ورانا ورانا
ممكن اكل بس تكون من حلاوة زمان عروسة حصان

===========

حنين القلب
يا كبدى بقى هى دى الفلسفة انك توصى الزوار علشان محدش ضامن عمرة وانا بقول الزوار مالهم بيموتوا واحد ورا التانى لى مش قادرين يشيلوا الوصيات اللى بيأخدوها من الناس

نصيحة خبى وصيتك بس قولى لحد عليها

=====================
m.k
على الباب يحلى الكلام والحديت وكمان بيبقى هو هو نفس الكلام اللى اتقال جوه بس تقول ايه زيادة توكيد وزهايمر مبكر لانهن بينسوا الكلام اللى جوه وكانه مدهون بزدة يخرج من الباب يسيح

===============

صبرنى يارب
صبرنى يارب صبرنى يارب قديم موت والعادة دى هى اللى حديثة ما احنا عارفين انها السبع قواميس اللى بتقولى عليهم بس ما يتقالوا جوا ولا اللى كانت جوا تروح مع اللى رايحة برة ويروحوا عند اللى رايحة بره جوه عندها

======================

كاميليا يقول...

فعلا حاجة غريبة اوى
لما توصل حد للباب تلاقى لسه فيه عندك كلام .. ده غير لما تكون بتتكلم فى التليفون وخلاص هتقول سلام .. تلاقى برضو لسه فيه كلام .. لاحظ حكاية التليفون دى هتلاقى ان فيه فلسفة المكالمات التليفونيه
D:

بس مش كتير عندهم فلسفة الوقوف ع الباب دلوقت علشان خلاص مش بقى فيه وقت.

تحياتى على بوست هادف
واسلوب فى السرد غاية فى الجذب والتشويق

كل الود

عبده الرايق يقول...

من فتره كده حصل نفس الموقف بس على اتقل شويه
اتنين ستات قمرات شربات برضه خدوا السهره مع بعض وخرجوا يتكلموا على الباب
واتطور الامر ان الست توصل الضيفه لبيتها
ولما وصلوا البيت صاحبه البيت اصرت توصل صاحبتها لبيتها ولما وصلوا البيت عادوا الكره من جديد
3 او اربع مرات
والله دى حكايه حقيقيه
مع تحيات الفيلسوف الرايق

عبده الرايق يقول...

هو البتاع اللى فيه الاعلام بتاعه الدول اللى بره المدونه ده صح كده ؟؟؟
ولا انا جبت اعلام من كوكب تااااااااااااانى ؟؟؟؟

فرنسا هانم يقول...

تسلم ايدك يا طائر
انا بقى مش بحب الوقوف على الباب نهائى
وفاتحه الصالون للاخوات يرغوا براحتهم
لكن وهما خارجين برده بيحنوا للوقوف على الباب
هههههههههههه
يعنى برضه مش عاتقين

عبده الرايق يقول...

على فكره مواعيدك شوربه يا فرنسيس
دى مش 2
عندك تاخير تلت ساعه

فرنسا هانم يقول...

انت لسه هنا ياروقه
معلش مواصلات البلوجر صعبه شويه

عبده الرايق يقول...

انتى تهتى تانى

فرنسا هانم يقول...

والله مانا عارفه مين فينا اللى تاه
انا موجوده اهه

الطائر الحزين يقول...

معلهش يا جماعة
هرد على ماما فرنسا مش ماما امريكا

=============
كيف حال حضرتك وايه اخبارك
بتقولى بيحنوا للوقوف للباب الحنين للحاجة لما الواحد بيسيبها فترة يقوم يحن ليها دول ما بيسيبوهاش ابدا

==========
الحمد لله انك بخير

الطائر الحزين يقول...

كاميليا
فعلا حاجة غريبة نفسى افهم الحكمة بتاعتها وكنت معتمد ان حد يقول لى حاجة تفهمنى لكن المرة الجاية
بقى


========
عبده بيه عبده باشا الدكاترة عبده عبده بابا
اهلا بك ومصدقك وابصم بالعشرة ان الحكاية دى حصلت ولو زودت فيها وقلت ان كل واحدة كانت تروح تجيب عيالها وتنزل بيها توصل التانية علشان العيال متعيطش برده اصدقك

فرنسا هانم يقول...

الغالى جدا الطائر الحزين
كويس ان انت اون لاين
ماهو انا بقولك
بيتكلموا جوه براحتهم
وتطق فى نافوخهم برضه يخلصوا على الباب
هههههههههههههه
على فكره انا مبسوطه جدا بفلسفتك الجميله دى
وفى انتظار الجديد

الطائر الحزين يقول...

فلسفات بس يارب ما تبقى فلسفة فارغة وتكون بيوصل المقصود الحقيقى منها

همس الاحباب يقول...

فلسفة
ههههههههه
ده عادة قديمة من زمن تحتمس وحتشبسوت يا جدع
المهم ان العادة دى بتخنقنى موووووت
الواحدة تقعد ترغى 13 ساعة فى الصالون وبرده الكلام يحلى على الباب
جايز السلم بيجيب طراوة والقعدة بتحلو
وجايز الوحى بيتجلى والمواضيع بتحلو على الباب
وجايز الغى الباب واقفل السلم وارتاح
تحياتى

همس الاحباب يقول...

روقة وفرنسا على الهواء
لقاء الغرماء
والله منورين المدونة
طب ما تتفضلوا تدخلوا
واقفين على الباب ليه
ولا فلسفة الوقوف نقحت عليكم
والكلام بيحلو على باب المدونة

mony يقول...

فضا و الله


الناس عايزة تخرج من مشاكلهم بالرغي و الفضفضة


بس بصراحة انا بتضايق من كده اوي

الدفاع يقول...

اقترح عمل باب واحد لحجرة الاستقبال وللبيت كله فى نفسه الوقت يعنى باب البيت يفتح على حجرة الاستقبال ومن حجرة الاستقبال يبقى فى باب تانى يدخل على بقية الشقه
او تبقى الشقه كلها حجرة استقبال ولها باب واحد
وكده يبقى منتهى الاستهبال قصدى الاستقبال
او نحط كراسى الانتريه او الصالون على باب الشقه من بره
قوم كده مايبقاش فى فلسفة وقوف خالص
ويبقى البوست ده اسمه فلسفة الجلوس على الباب
علشان الستات ترحرح كده وهى بتتكلم ولو ان ساعتها ممكن تنزل الست توصل ضفيتها لحد باب العماره
من تحت وتبقى فلسفة الوقوف على الباب رجعت تانى
ياعم اقفل الباب وراهم وريح بالك وتربس على نفسك واللى يحصل يحصل

norahaty يقول...

السلام عليكمورحمة الله وبركاته
تقدر تقول مزاج
ليس له من تفسير
وليس له من دواء
اترك كل فى حاله
وخدلك تعسيلة
عقبال ما يخلصوا
الكلااااااااااام

esraa يقول...

هو فعلا لازم يكون في كلمتين عند الباب

مش بعيد يطلع موروث شعبي فعلا

esraa يقول...
أزال المؤلف هذا التعليق.
راعى الناقه يقول...

لازم قبل ما تبصى لفلسفة الوقوف على الباب تبصى للباب نفسة وفلسفة الباب
الباب دا له دور كبير في حياة البشر
الباب دا ممكن فى لحظات يعتبر الامل الوحيد !!! ياااه اخيرا وصلت للباب !!!!
وومكن يعتبر صدمه كبيره

خلاص اتقفل الباب !!!! حياتى ضاعت
وممكن يعتبر نقطة تحول
" والفيا سيدها لدى الباب"د
والباب مضرب لكثير من الامثال
وكلام كتير ممكن يتقال فى الباب
اما الكلام اللى على الباب من الستات دا بصراحه قلة حيا
يعنى مبيحلوش غير على الباب
تحياتى

kiki يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................