الأربعاء، أكتوبر 08، 2008

لقاء قمة بين سيدات العُمارة

الست زكية اسم علي مُسمي ست واعية وشاطرة ولهلوبة بس السنة دي غير كل سنة... شكلها كدة هاتتنازل عن اللقب وتديه لواحدة عايشة في المريخ ... لأن الحاجات أسعارها جالها سُعار وبقت نار يا عفيفي نااااااااااااااار



وهي وجوزها بقوا علي الحديدة أصلهم لسة خارجين من دفع قسط مدارس الولاد اللي زادتا لسنة دي عشان المدارس تقدر تسدد الضرايب اللي فرضتها الحكومة...ربنا يعمر بيتك ياحكومة



وبعدين نزلت أشترت لبس المدارس ده شيء ضرورة مش هزار يعني تودي العيال مدارسهم بالبيجامات! هايعملوا أيه في تحكمات الحكومة برضه اللي رفضت تزحزح السنة الدراسية كام يوم عشان الناس تعرف تمشي أمورها وتأكل في رمضان
ربنا يخليكي ياحكومة بصراحة مبسطاها علينا خاااااااااااااااااالص واللي يقول غير كدة كدااااااااااااااب
الست زكية وقعت في حيص بيص تعملي أيه يازكية تعملي أيه ياذكذوكة؟
الست ذكية سلمت الراية وراحت تفكر مع الست عنايات الأروبة جارتها ومعاهم الست نعيمة اللهلوبة لقاء قمة بين ستات العمارة لاقيتهم الاتنين قاعدين محتارين في نفس حوستها ... يجيبوها يمين يجيبوها شمال مافيش فايدة اللي رايح اكتر من اللي جاي
وفي لقاء القمة المُنتظر قالت ذكية :أحنا نعمل جمعية ..
ردت عنايات : وهي الجمعية الأولي كانت خلصت عشان نعمل جمعية تانية
فقالت نعيمة : يااااااااادي النيلة هو احنا بنلحق نشم نَفَسنا ياخلق هوووووووووه...طول السنة جمعيات
قالت ذكية اللي هاتروح في داهية : واللي ذاد وغطي ان برضه حكومة كولالامبور فرضت علينا حاجات هاتقطم وسطنا كمان وكمان الكهربة غليت وفاتورة التليفونات دخنت ... حتي غرامات المرور ولعت
عنايات برقت لما الوحي جالها وياريته ماجالها وقالت: طيب ماتيجوا نهاجر ونطفشلنا علي حتة رخيصة ...
كسرت بنفسها الست ذكية وجابت بوزها للأرض : وهي الهجرة دي بسيطة دي حاجة محتاجالها ييجي سنة بالميت، ورمضان خلاص علي الأبواب وبعدين مش هانعرف نهاجر مش عشان شربنا من نيلها لا سمح الله ده عشان لسة ماسددناش ديونها والحمد لله وممنوع علينا السفر
قالت عنايات والدمعة هاتفر من عينيها : طيب نعمل أيه نخرج العيال من المدارس السنة دي ونضيع عليهم كام سنة كدة لحد ماتبقي جيوبنا عمرانة ونقدر نعلمهم علام نضيف وهو يعني اللي خلصوا بدري عملوا ايه دي حتي القهاوي بقت أزحم حتة في كولالامبور .
ردت ذكية بنت حكومتها الذكية : ماينفعش ياهبلة .. بيقولولك العلم كالماء والهواء وبعدين العيال مخهم بيصدي في الأجازة نقوم أحنا نطول لهم في الأجازة كمان وكمان
مافيش قدامنا غير حل واحد قالتها الست نعيمة الجارة المحتارة وقعدت تُهرش وتُهرش لحد ماعورت وشها
فالست ذكية جالها حالة فزع وقالت... حاسبي وشك يادلعدي وشك بقي كله دم
قالت نعيمة وملامح الأفتكاسة مالية وشها ... وهو ده المطلوب يالا بينا نشتغل شحاتين علي بوابة الحكومة الالكترونية يبقي الحكومة تلم مننا الضرايب من هنا واحنا بشوية شحتفة علي مسكنة علي جرب نشحت من الوزرا والناس الكبار واهو كله من فضلة خيرنا
وربنا يجعل كلامنا خفيف علي حكومة كولالامبوراسم الله عليها اللي شايفة شغلها ومقشطة شعبها ومخلياهم بايعين الحديدة وقاعدين علي الهوا


وطاااااااااااار في الهوا شاشي وأنت ماتدراشي


ياولااااااااااااااااااااااااااا

مع تحيات
المفقوعه مرارتها

هناك 32 تعليقًا:

ojg يقول...

كوالامبور هي أمي نيلها هو دمي
ايه ده هو كوالالمبور فيها نيل
:))
ايه البوست الجامد ده؟؟
والله يا أختي لا ذكية ولا فتحية حتى هيعرفوا يعيشوا في البلد دي
ربنا يرحمنا برحمته
واعتقد ان الشحاته من الحكومة الالكترونية فكرة لوز لوز لوز

احجزيلي جنبهم :))

المـــفـــــــقــــــــوعـــــة مــرارتـهــا يقول...

حلو النشيد القومي الكولالامبوري ده
ماتيجي ياوزتي ناخد بعضنا ونطلع هجرة لبلاد العم سام عشان نسندها لما تقع مش واجب برضه أننا نساعدها ذي ماساعدتنا وجايز ننحسها ونوقعها أكتر
تحياتي

esraa يقول...

أنا قلت من زمان ان الحكومه دي ورانا لحد ماتبيعنا اللي حيلتنا وننزلنا نعيش في الشارع

حنين القلب يقول...

والنبى ما فيه فايده
كده كده العيال العلم مش هينفعها
ورمضان هيعدى قرديحى
يعنى خربانه خربانه
وحسبيا الله فى حكومه كولالامبو
اعملوا حسابى اجى اشحت معاكم
تسلم ايدك البوست زى العسل

صبرني يارب يقول...

سحوووووره واحشاني والله

طيب يا اختي ما تعرفيش هما كانوا ناويين يهاجروا فين عشان نستعد من دلوقتي لرمضان الى جااااااااي

تحياتي لكي يا مفقوعه

عبده الرايق يقول...

هاى ايفرى بدى
الست نعيمه دى عشمها عشم ابليس بيه فى الجنه
ايى نعم
هتعور وشها هتعور قفاها هتعور مناخيرها مفيش حد هيسمى عليها
قال عايزه تشحت من الوزارء قال
ههههههههههههههههههه
وزراء !!!!!!!!!!!!!!!!!!!
نو
نو
نو
نصيحه من الرايق للست نعيمه
روحى اغسلى وشك وعالجى نفسك احسن يجوا يشحتوا منك ضريبه اساله الدم فى الوش العام

عبده الرايق يقول...

حنين القلب
انتى يابنتى مابتصدقى اى حاجه فيها شحاته وتجرى عليها
بتموتى قوى فى الشحاته
نو
نو
نو
احنا عائله الرايق لايمكن نشحت ابدا
ايدينا لازم تفضل فوق فوق فوق
قال نشحت من الوزارء قال
يابنتى اسمعى الوزارء وكبار تجار الفول البصاره مش هيشحتونا
دول بالكتير قوى
يخلونا نعد الفلوس اللى بيشحتوها مننا
يلا يابت
بسرعه
روحى مكانك
انا بفكر نعمل مشروه رايقى قومى للم الزباله
واهو الزباله كلها مكسب
وفسفور

عبده الرايق يقول...

من الرايق الى فرنسا
تعالى يا فرنسيس
شوفى بنتك اللى ماصدقت شحاته وعايزه تجرى تشحت
بس وانتى جايه حودى على البنك هاتى معاكى 100 الف من الدفتر علشان نفطر

همس الاحباب يقول...

يا سلام على كوالامبور
حتى بيقولوا الشحاته فيها زى الفل
توكلى على الله يا مفقوعة هانم
ويا ريت تاخدى فرنسا والرايق معاكم
اهو على الاقل يجيبوا مصاريف المدرسة للعيال اخواتى بدل قعدتهم فى الشوارع والشحاته على الارصفة .
مع انى عندى شك ان الوزارء برده جيوبهم نظيفة قوى
مش علشان فقراء لا سمح الله
لا علشان ربنا يخليلهم الفيزا كارد

همس الاحباب يقول...

ايه يا رايق
زعلان من حنين ليه بس
مش تربية ايدك يا روقة
اشرب يا عم عيالك بقوا اساتذة فى الشحاته وما يصدقوا يشموا بالريحة
ولا البت حنين عندها حاسة الشم عالية قوى فى موضوع الشحاته
فعلا من شابه اباه فما ظلم يا روقة
ربنا يصبرك على ما بلاكى يا فرنسا هانم

حنين القلب يقول...

عبده الرايق
سبحان الله
مش انت اللى علمتنا ان الشحاته حق لكل مواطن
من حقى اموت فيها اذا كنت انت يا بابتى ليل ونهار عمال تشحت من الجيران قشى حبه شاى وقشى حبه سكر ولا البيجاما اللى فيها 546 خرم وكل ما اقولك غيرها يا بابتى تقولى لا علشان نصعب على الناس ونعرف نشحت منهم كويس
دلوقتى لما هشوف مستقبلى لوحدى بقت الشحاته وحشه
على العموم حاضر يا بابا هروح مكانى اللى يسمع كده يقول انك حجزلى فى البوريفاج ولا العزيزيه
امرنا لله
هروح اترزع
حسنه قليله تمنع بلاوى كتيرة
وعشاناااااااا عليك يا رب
بابا لا والنبى مش تعمل حسابى فى المشروع ده انا مش بحب الزباله
اقولك عليك وعلى خالد هو اللى طول النهار ماشى يغنى
احب الم الزباله اووووى
اموت فى لم الزباله اووووى

حنين القلب يقول...

عبده الرايق
مامتى
والنبى هاتى بجنيه وربع فول لحسن انا جعانه وبابا اكل كل الاكل اللى فى البيت
قال هاتى 100 الف من الدفتر
اصلا الدفتر ده فيه السلفيات بتاعتك يا بابتى يعنى فيه فلو س اه انما عليك مش ليك
يا لهوووووووووووووى من ابونا ده
يا ماما قولنا اخلعيه واتجوزى واحد من مارينا يعيشنا

حنين القلب يقول...

همس الاحباب
والله يا خالد الوزراءجيبهم فاضيه مش علشان الفيزا كارد لا علشان فلوسهم كلهم بره مصر
ايه يا سى خالد مالك انت كمان ومال حنين
انا حاسه الشم عاليه اوى
طيب الحمد لله
الدور والباقى عليك انت اللى مش هتشم خالص بعد ما تشتغل فى مشروع ابوك الجديد
اسكت يا خالد ابوك هيمسكك مدير المشروع وهتمسك زباله وسط البلد كلها خير
الله يسهله يا معلم شحيبر
اهه بدل النمل
ملحوظه
اوعى تيجى تنام فى البيت لو مسكت الزباله علشان انا حاسه الشم عندى قويه
(وش بيطلع لسانه وبيغيظك يا خالود)

همس الاحباب يقول...

يادى الزن بتاع العيال الصغيرة
يابنتى نامى وريحينا من الصداع والزن
شكلى كده اخدك معايا عند بولو يجيبها ليكى قرعة وتبقى شبه سمعةالاقرع
تصدقى اتعمل معاكى شغل فى الشحاته وخصوصا مع البيجامه اللى فيها 150 خرم
كفاية زن وخلى فرنسا تشربك اللبن وتنومك فى الحضانة

المـــفـــــــقــــــــوعـــــة مــرارتـهــا يقول...

esraa
------------
ده كفاية عليها الضرايب اللي كل شوية بتخترعها عشان تخلينا أنضف من الصيني بعد غسيله

المـــفـــــــقــــــــوعـــــة مــرارتـهــا يقول...

حنين القلب
================
ده أنتي تنوري
الشحاتة للجميع
تعالي وأنا هااظبطلك وشك بمفك

المـــفـــــــقــــــــوعـــــة مــرارتـهــا يقول...

صبرني يارب
===================
ونهاجر ليه خلينا قاعدين علي دماغ الحكومة مانتعتعش
ده احنا لو مشينا يبقي كدة بنعمل لها اللي هي عاوزاه

المـــفـــــــقــــــــوعـــــة مــرارتـهــا يقول...

عبده الرايق
-------------------
علي رأيك حكومتنا المصون عندها ذكاء ضريبي يودي في ستين داهية

المـــفـــــــقــــــــوعـــــة مــرارتـهــا يقول...

همس الاحباب
================
يارب اشوفك وزير ومعاك كارد كدة قول آميييين
بس ماتنساش حسنتنا

فرنسا هانم يقول...

ههههههههههه
طبعا ممكن الحكومه تشحتنا
امال ايه ؟؟؟؟
متشكرين يا حكومه
متشكرين يا وززه
متشكرين قوى قوى وبالحيل كمان
بس هتشحتونا ايه ؟؟؟
هتشحتونا ديون
ولا شطه وكمون
ولا عصير ليمون
وعلى رأى المثل العربى الشهير
السح الدح امبو
ادى كولالمبور لابوه
مع احلى تحيات لمفقوعه وسيدات العماره

فرنسا هانم يقول...

الرايق
هههههههههه
يوه ضحكتنى يا رايق
ربنا يحظك ياشيخ
اجيب من البنك 100 الف جنيه للفطار ؟؟؟
طيب ياخويا مش تعمل حسابك على الغداء والعشاء
يعنى بدل اللف والشحططه اجيب مليون
الا قولى يا رايق
هو انت مواليد عام ايه ؟؟؟؟؟؟

فرنسا هانم يقول...

حنين القلب
بنتى الكتكوته حنين
اخر العنقود سكر معقود
متخافيش امك موجوده ولا اى اى ولا زى زى ولا كل قط يتقاله بس
ابعد عن البنت يارايق
وبلاش اسلوب الشحاته دة وحياه والدك
انا بناتى لايمكن يشحتوا ابدا
خليك فى كوزك لما نعوزك يارووووووقه
وانتى يا حنين انا هاجيبلك احلى بيجامل من غير تخرام ولا تزعلى

فرنسا هانم يقول...

همس الاحباب
ايه يابو همس ؟؟؟؟
انت جاى على اختك مع المهفوف فى نافوخه الرايق ولا ايه ؟؟؟
لا لو مشيت وراه هوديك وراء الشمس
اسمع كلامك امك
ومتسمعشى كلام ابوك

فرنسا هانم يقول...

همس الاحباب تانى
يا خالد ياريت تبعت لى اميل يوضح لى موقف ابو خالد
وقوله فرنسا مخصماك
ومش هتكلمك تانى
لانك مردتشى عليها
وقوله كلنا بنحبك ومينفعشى تمشى من غير سبب
وقوله
ولابلاش
ولا اقولك قوله
لو مرديتشى على فرنسا
ذنبك على جنبك
وهتقول حقى برقبتى حيث لاينفع الندم
انا عارفه واحد ساكن جنب ابن خاله البقال اللى قدام بيت صول فى قسم بورسعيد
وانت عارف بقى بواسطه ولا تاشيره منه اعمل فيك ايه
ابو خالد .... ارجو الرد السريع على رسالتى

الدفاع يقول...

احذركم من التواجد على ابوب الحكومه الاليكترونيه لانها فى كوالا لامبور معرضه للهجوم ومعرضه للفيروسات واى شحات عايز يقعد هناك لازم ينزل برنامج انتى فيروس جامد
وكمان هناك الشحاتين مش بيقطعوا وشوشهم الشحات الجدع هو اللى يشيل راسه على ايديه ويبقى يورينى هايهوب ناحية هناك ازاى


فرنسا هانم
=========
بالنسبه لموضوع ابو خالد انا باقترح نروح له بورسعيد يعنى نختار مجموعه مننا ونروح له ونطمن ونطلب منه ان يرجع تانى
وخال همس الاحباب يقولنا ايه الارجح اننا نعمله
وتحياتى للجميع

حنين القلب يقول...

فرنسا هانم
ربنا يخليكى ليه يا ست الحبايب
شوفتى يا ماما جوزك وابنك مبهدلنى ازاى
يا مامتى انا مش بشحت بابا هو اللى طول اليوم يسرحنى على القهاوى ويقولى ابنى مستقبلك بايدك

ربنا يطول عمرك ويجعلك فى كل خطوه سلامه ويديم عليكى الصحه
يااااااااااااا رب
هييييييييييييييه وماما هتجبلى بيجامه جديده وانتوا لالالالا
(وش بيطلع لسانه)

الطائر الحزين يقول...

بيقول لك وزير الصحة عمل زيارة مفجأه لأحدى المستشفيات ووجد الاوضاع الزبالة وكل ده مش مهم بس واحدة عندها ثمانين سنة لما عرفت ان هو وزير فضلت تمشى وراه وتقول له انا عاوزة كيس سكر قال لها انا مش بتاع السكر وكررتها مره أخرى ورد عليها نفس الرد ولما كررتها مرة أخرى طلع من جيبة 100 جنيه وحطها فى ايدها منتهى الانسانية وعجبى

الطائر الحزين يقول...

انا هجهز كيبورد من غير مفاتيح وماوس من غير بلية علشان الشحاته تبقى على اصولها

همس الاحباب يقول...

فرنسا هانم
تعليماتك اوامر يا ستى
جارى تبليغ الرسالة والرد على حضرتك
واسف جدا لتاخيرى

سنيور محمد بدر يقول...

بجد الابتسامة فعلا احنا مفتدينها شويتين
ممكن واكيد من اللي بيحصل حوالينا
بس لازم ترجع لينا ابتسامتنا تاني
وعلشان ترجع الابتسامة كتبت وقلت

لاجل ماتكون الحياة
لازم تكون الابتسامة
واللي بيريد النجاة
لازم تكون له علامة
العلامة الابتسامة
شيء جميل مش ملامة
ادخال سرور وحب ناس
وصدقة باقية للقيامة
ليه بنحزن ليه بنبكي
هي مستاهلة السآمة
يللي بتريد السلامة
الابتسامة الابتسامة الابتسامة

أدعوك لزيارة مدونتي

kiki يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................