الخميس، مارس 04، 2010

مبروووووووك حنين القلب

الف الف الف مليون مبروك ابنتى الغاليه حنين القلب على المولود الجديد
مبروك علينا كلنا اصغر عضو فى عائله الرايق

****** الاستاذ الكبير\ عمر اشرف ******

على فكره يا حنين اسراء راسها والف برطوشه انها لازم تكلم النونو وتشيله
احاول اقنعها ان النونو فى الاسكندريه واحنا هنا فى السويس ولكن هى مش فاهمه حاجه
احاول اقنعها ان الاسكندريه محافظه والسويس محافظه تانيه خالص وان عدد محافظات مصر حوالى 16 محافظه بعد انضمام المحافظتان الجديدتان اكتوبر وحلوان
وان الجمهوريه تنقسم جغرافيا الى عده محافظات ونجوع وكفور
وان المسافه بين السويس والاسكندريه اكتر من 14 ساعه وحوالى 850 كليو متر
وان الثوار فى سنه 1919 قاموا بكسر خطوط السكك الحديديه التى تربط بين المحافظات وبعضها
لكن هى مش قادره تفهم كلامى نهائى
ومصممه انها تروح بكره الاسكندريه
اقولها يا اسراء انتى كبرتى دلوقتى وعندك 4 سنين ونصف يعنى مفروض تكونى فاهمه التضاريس الجغرافيه للوطن العربى وطبيعه عوامله وتقسيماته الاستعماريه وما قبل الاستعماريه والانشقاقات الداخليه التى اثرت تأثرا مباشرا على الحدود الدوليه
الا اننى كمن ينادى فى مالطه
وهى اكيد فاهمه بس بتستهبل
عموما
الف الف الف الف مليار مبروك مره تانيه

هناك 13 تعليقًا:

عبده الرايق يقول...

معلشى
سووووورى للجميع
كان لازم اسرق اول تعليق
والله يا نونه كل اولادى وامهم بيحبوكى جدا جدا
وانا بقدرك جدا جدا جدا
الف مبروك مره تانيه
وعبقال مانشوف عمر الرايق بيلعلع فى كل المدونات

همس الاحباب يقول...

الف مبروك لحنين
وعقبال اولادك يا رايق
وبعدين السويس للاسكندرية مش بعيدة
كلها نص ساعة بالطيارة الهمر بتاعتك
حوالى 5 ساعات بالميكروباص
ومسيرة يوم ونص بالناقة والجمل
اركب الناقة واشرخ الى اسكندرية ومعاك اسراء
نشوفك صدفة يا رايق

Mafrousa يقول...

يا رااااااااااااااايق
ايه ده كنتوا فين يا بشر؟؟
بيات شتوى؟؟؟؟
اولا الف مليون دشليون مبروك على الحفيد يا رايق
مبروك لحنين و يتربي فى عزهم يارب و يباركلهم فيه

بقيت جد يارايق ههههههههههه
كبرت و بقيت جدو الرايق
ههههههه
و بعدين احنا لاوم نعمل سبوع
و برجلاتك و حلاقتك
و فرنسا تدق فى الهون
ههههههههههههههه
مبروك وحشتوني و الله

Mafrousa يقول...

انا رجعت تاني
ههههههههههههه
اولا فين فرنسا؟؟
حفتن عليك يا يارايق
هههههههه اه حفتن عليك
اولا انت اخليت بقوانين تلك المدونة
و لازم تتعاقب
ايون
شروط النشر فى تلك المدونة ان يكون البوست مش منشور فى المدونة الخاصة
هههههههههههههههه
و انت كاتب البوست ده هنا و هناك
ههههههههههههههههه

فين فرنسا تعاقبك

هههههههه
اه صحيح ممكن ابقى آخد درس الجغرافية التاريخية ديه مع اسراء
لوسمحت يعنى
اصل انت عارف انا ثقافتي فرنساوي
و كل التاريخ و الجغرافيه كانت عن حملة نابليون
هههههههههههههههههههههه

Mafrousa يقول...

انا رجعت تالت
هههههههههههه
اصلى فاضية بصراحة و مش عارفة اعمل ايه
قلت ادخل تالت افرسكم شوية
يمكن يجيلي نوم بعديها
هههههههههههههههههه

shimaa elkholy يقول...

ماشي ياعم ماشي

طب ايه نفسي المدونه دي ترجع تاني بجد
شجعنا الله يخليك

مبروك يا بت يا حنين

هامشي فى البلوج كله اقول مبروك ولا ايه

hend anwar يقول...

الف مبروك
بالتوفيق*** عقبالك

كيكى عوووووو يقول...

مبرووووووووووووووك

الطائر الحزين يقول...

بورك الموهوب وشكرت الواهب و رزقت برة وبلغ اشدة

الف مبروك

Asmaa mahaba يقول...

مبررررررررررررررررررروك يا رب يباركلها فيه يا رب ويجعله الولد الصالح والذريه الصالحه

Asmaa mahaba يقول...

واحشنى قوى يا عيله الرايق والله

NaiRa يقول...

فينكو عيله لرايق افتقدناكو كتير
الف الف دشليون مليار مبروك يا حنين لعمر الرايق الجديد
ويارب يتربى فى عزك وعز والده

غير معرف يقول...

مش ممكن اعرف ان روح قلبى حنين ربنا رزقها وخلفت ومش ادخل اهنى وبارك الف مليون مبروك ياحببتى تتربى فى عزك يارب وتكون ابنة بارة بيكى وبوالدها
وحشتينى اوى اوى انا عارفة انك مش هتشوفى دة دلوقتى بس لسة عارفة والله حالا لما دخلت اطمن عليكوا
بحبكوا اوى كووولكوا ووحشتونى اوى وفى قلبى الجميع اوى جدا

مدونه حياتى فى كلمة
رندا فايد

:))"