الأحد، أغسطس 02، 2009

عيله تجنن .. عقد احتراف

والان اعزائى مشاهدى قناه الضاحكون الفدائيه موعدكم مع مسلسل عيله تجنن .. وحلقه بعنوان ( عقد احتراف )
*********
حنين القلب :- بابا ...يابابا ...بابا ..اصحى يا رايق .. اصحى وبلاش نوم المغارب ده
الرايق :- خير اللهم اجعله خير ... فى ايه يا مقصوفه الرقبه انتى ؟؟؟ ايه الغاغه اللى انتى عملاها دى ؟؟ وات هابن ؟
حنين القلب :- فى اتنين عايزينك بره وبيقولوا انهم جايين يكتبوا معاك عقد ؟؟؟؟
الرايق :- عقد ؟؟؟؟ جايين منين دول ؟؟؟
حنين القلب :- بيقولوا حاجه زى سيتى ولا ستتى مش عارفه بقى .
الرايق :- اااااااااااااه ... اكيد بتوع فريق سيلتك اللى هبد الاهلى بالخمسه ... واكيد سمعوا من الولد حسن الفراش بمواهبتى الفذه فى كره القدم وجايين يتعاقدوا معايا ... اسمعى يا بت يا حنين .. حد من اخواتك ولا فرنسا هنا ؟؟؟
حنين القلب :- مفيش غيره اللى متلقح بره قدام التليفزيون من 3 ايام
الرايق :- خااااااااااااااااااالد ... هو لسه قاعد مستنى المذيعه لما تنام ويتفرج عليها ...عموما بصى ..معاكى رصيد فى تليفونك ؟؟؟
حنين القلب :- ايوه معايا 42 جنيه ...لييييييييييييييه ؟؟؟؟؟
الرايق :- اسمعى ..روحى قدمى للضيوف حاجه ساقعه ..وادخلى اوضتك واول ما تسمعينى اكح ..اطلبى نمره البيت واستنى لغايه لما افتح عليكى وانا هاجيبلك عشر كروت من ابو 100 جند اول ما امضى العقد طوالى
حنين القلب :- حاضر يا بابا ..انا طول عمرى بشجع مواهبك وبقول عليك ان نجمك لازم يسطع .. انت الامل والمنى يا رووقه ... بس انا عمرى ما شفتك بتلعب كوره ابدا ابدا يا بابا
الرايق :- روحى يا غلاباويه انتى وبلاش لكاعه ... واوعى تنسى ..اول ما اكح تتصلى بنمره البيت فاهمه ؟؟؟ وانا هالبس الملابس الرياضيه بتاعتى واخرج اقابلهم
***********
فى الصاله
********
الرايق :- هااااااااااااااااى باااااااااااااى شاااااااااااو ... يو سبيك انجليزى ؟؟ ولا يو سبيك فرنساوى ؟؟؟
ضيف 1 :- اهلا بيك يا فندم احنا بنتكلم عربى
همس الاحباب :- ايييييييييييييييه ده يا رايق ؟؟؟؟ ايه اللى انت لابسه ده ؟؟؟؟ لباس صعيدى ابيض وفانله بيضاء بحمالات ؟؟؟؟
الرايق :- ومنزلتش تحت ليه يا فالح علشان تشوف الكوتشى ؟؟ ..معلشى يا جماعه اصلى لسه جاى من التدريب وانا بحب اتدرب كده
ضيف 2 :- ولا يهمك يا فندم انت فى بيتك وبراحتك
الرايق :- كح كح كح كح
جرس تليفون البيت يرن ترررررررن تررررررررررررن تررررررررررن
الرايق :- يوووووووووووه ده ترنك ..اكيد من ايطاليا اصلى فريق برشلونه بيجرى ورايه من اسبوعين .... الووو ..ايوه انا الرايق .. مندوب برشلونه ؟؟ اهلا وسهلا ... نو نو نو ..متحاولشى ..بتقول كام ؟؟ 70 مليوم رورو ..نو نو نو ...انا مش هاوافق باقل من 100 مليوم جند مصرى ..وفكروا وانا منتظر
همس الاحباب :- ممكن كلمه على جنب لو سمحت يا بابا
الرايق :- تعالى يا همس ..خير فى ايه ؟؟
همس الاحباب :- ايه اللى انت لابسه ده قدام الناس ؟؟ حرام عليك فضحتنا ..وايه حكايه برشلونه الايطالى ده كمان ... انا طول عمرى اعرف انه اسبانى .. واليورو اللى مش عاجب سيادتك بالشىء الفلانى يا رووقه ...على كل حال ..بلاش عمايلك السوداء ارجوك يا رايق ..انا فى نص هدومى
الرايق :- طبعا يا ولد فى نص هدومك علشان الدنيا حر ...وبعدين ايش عرفك انت فى الرورو والجند المصرى .. تعالى بس نقعد مع الناس علشان دول قالوا لاختك حنين انهم من نادى سيلتك وجايين يمضوا معايا عقد احتراف .... كح كح كح كح كح كح
جرس التليفون يرن ترررررررن ترررررررررررن ترررررررررن
الرايق :- الووووووو ..مين ؟؟؟ ريال مدريد ؟؟؟ هو انا ناقصكم انتوا كمان ؟؟...نو نو نو ..ده كتير قوى..مش كل شويه تسوقوا عليا خلق الله ..بلاش كده .. حرام عليكم كل الناس بتقولى وافق يا رايق على عرض الريال علشان الناس دول غلابه ووقعوا فى عرضك ...بتقول كاااااام ؟؟؟ ... 75 مليوم رورو ...نو نو نو ..اقل من 110 مليوم جند مصرى مش هاقبل ..فكروا وردوا عليا ..مع السلامه
ضيف 1 :- الله يكون فى عونك يا استاذ رايق
الرايق :- نو نو نو ...كابتن عبده الرايق ..صدقونى معايا مش هتخسروا ابدا
ضيف 2 :- وحضرتك مركزك ايه يا كابتن عبده يا رايق ؟؟؟
الرايق :- مركز مغاغه
ضيف 2 :- ههههههه ... وحضرتك بقى بتلبس فانله رقم كام ؟؟؟
الرايق :- شوف يا كابتن .. من كاااااااااااام سنه كنت بلعب انا والخطيب مع بعض ..وانا كنت رقم 10 والخطيب رقم 10 وبعدين حصل بينا سوء تفاهم ..اصلى الخطيب كان بيغير منى ..واتخانقنا وقسمنا الرقم هو 5 وانا 5
ضيف 2 :- يعنى حضرتك رقم 5 ؟؟؟
الرايق :- نو نو نو .. الخطيب اعتزل وساب الخمسه بتوعوا ..وانت فاهم بقى الدنيا بتغلى انا دلوقتى رقم 647 ... كح كح كح كح كح
جرس التليفون يرن ترررررررررن ترررررررررن تررررررررن
الرايق :- برضه ترنك ..الوووووو ..مين ؟؟ منتخب البرازيل ؟؟... نو نو نو .. سبق وقلتلكم الرايق مش للبيع ابدا .. ايام ايجيبشن ..ايام فيرى فيرى ايجيبشن انا لايمكن استغنى عن منتخب بلادى ابدا .. نو نو نو ..الرايق لايمكن يستغنى عن منتخب بلاده علشان 80 مليوم رورو ..نو نو نو ..لكن لو وصلتوا المبلغ ل 120 مليوم جند مصرى انا موافق
همس الاحباب :- احنا متأتسفين قوى يا جماعه ..بس حضراتكم فعلا من نادى سيلتك ؟؟؟
ضيف 1 :- سيلتك ؟؟؟؟ سيلتك مين يا فندم ؟؟ احنا من سيتى غاز ... وجايين نكتب معاكم عقد الغاز الطبيعى
همس الاحباب :- هههههههههههههه وشووووووووووووبش للفانله الداخليه واللباس يا رايق
الرايق :- ههههههههه ... يا خساره رصيدك يا نونه ...ويا شماتك فيا يا ميسيى انت وكاكا

هناك 21 تعليقًا:

همس الاحباب يقول...

هههههههههه
ههههههههه
دى ضحكة شماته بصراحة

همس الاحباب يقول...

وجوووووون وجووووووون
اول تعليق وتانى تعليق
بالعند فيكى يا ام عتريس

الطائر الحزين يقول...

خالد
وبعدين بقى
كنت عديها لأخوك المرة دى

الفراغ يقول...

ماحدش صعبان عليا غير حنين والرصيد بتاعها....راح عليا ياعينى على الفاضى
ومبروك عليكوا عقد البوتجاز
ههههههههههههههههه
صحيح عيله تجنن

همس الاحباب يقول...

الطائر الحزبن
معلش يا هوبا جاءت فيك انت اعتبر نفسك اول تعليق
مش خسارة فيك

همس الاحباب يقول...

الفراغ
ههههه
تستاهل يا ماما
انا فرحان فيها
وبعدين ما يصعبش عليكى غالى يا ست الكل
هى كده حنين تستاهل
الله يبارك فى حضرتك عقبال الانبوبة كمااااان

حنين القلب يقول...

يا عينى عليه وعلى بختى
يعنى مستحملاك يا بابتى
وخلصت رصيدى على امل انك هتشحنلى
اهه ولا رصيد ولا شحن
يا خيبتك يا حنين

بس فداك يا بابتى
انا برضه متاكده انك هيجى يوم وهتتشهر وهتبقى ولا احمد زويل

تسلم ايدك يا روقه بوست عسسسسل

حنين القلب يقول...

همس الاحباب

قاعد تلات ايام قدام التليفزيون علشان تشوف المذيعه وهى نايمه
يا خيبتى عيب يا خالد
عييييييييييييييييييييييييب

بس عجبتنى اوى شوووووووووبش الاخيرة دى
فكرتنى بالماضى بتاعك لما كنت بتشتغل فى الموالد
هههههههههههههههههههههههه

حنين القلب يقول...

الفراغ
ربنا يخليكى ليه
يا حاسه بيه

وربنا انا مظلومه فى العيله دى
بس اعمل ايه
اهلى اتبره منهم ولا احط ليهم السم فى الاكل
يلا ربنا يصبرنى

شوكولاتة يقول...

الو معاك نادي بني عبيد انتر زماليكا ممكن أكلم كابتن شحاته أبو كف لوسمحت
ههههههه
معلش ياحنين أحولك خمسة وأمري لله

عاشقه الرومانسيه يقول...

احسن ياحنين
تستاهلى
حد يسمع كلام الرايق برضه
يابنتى اللى بيسمعوا كلام اهلهم دول بقوا موضه قديمه
اشربى بقى ياحلوه
(:

حاجات جوايا يقول...

هههههههههههههههههههههههههه
يا خسارة رصيدك يا نونة
بس اكيد مستر رايق هيعوضك
صح ؟؟

ولا اقولك ميهمكيش أبو همس سداد .. الاخوات برضه لبعضيها
هههههههههههههههه

الطائر الحزين يقول...

حنين احولك ربع جنية؟ تتتكلمى دقيقتين من ام الدقيقة بنصف جنية

عبده الرايق يقول...

همس الاحباب
ههههههههه
انا عارف انت شمتان فى مين يا خالد
اكيد ام عتريس القلب

عبده الرايق يقول...

الطائر الحزين
انا بجد والله فرحان بتواجدك لانه له مذاق خاص

عبده الرايق يقول...

الفراغ
بجد عيله تجنن بيعملوا حاجات غريبه وتعبين العبد لله معاهم
الله يكون فى عونى على العائله دى
تحياتى لكى

عبده الرايق يقول...

حنين القلب
شفتى الواد خالد شمتان فيكى ازاى ؟؟
ميصحش كده
لازم يبقى فى واقفه صارمه معاه
انتم طبعا اولادى وانا بهدى النفوس بينكم

عبده الرايق يقول...

شوكولاتة
الوووووووو
عبده الرايق معاكم يا فندم
نو
نو
نو
اقل من 130 مليوم جند مصرى انا لايمكن اوافق ابدا
نيفر نيفر نيفر

عبده الرايق يقول...

عاشقه الرومانسيه
نو
نو
نو
انا الضحيه
وانا اللى روحت فى الرجلين
لان حنين القلب قالت سيتى ولا ستتى انا افتكرت نادى سيلتك
اصل العبد لله موهوب جدا فى كره القدم
وانا بلا فخر جبت فى حياتى اكتر من 15 هدف ودى فى الفتره اللى ابنى كان عنده سنتين وكنت بلاعبه كوره وكنت بجيب فيه جوااااااااااااااان

عبده الرايق يقول...

حاجات جوايا
نو
نو
نو
همس مين وغيره مين ؟؟؟
انا هاعوض نونه على الرصيد
وبدون مقاطعه عندى مشروع فى البوست الجاى هاكسب بيه دهب وهاجيب لنونه عريس ورصيد بالهبل

Pink Dreams يقول...

ههههههههههههههههههههههههه

يا عينى على الرصيد اللى خلص

ههههههههههههههه

وكمان 70 مليوم رورو

هههههههههههههه

يا عينى يا عينى 70 مليوم مره واحده لا وايه رورو كمان

ههههههههههههههههههه