الأحد، يونيو 07، 2009

قناه الضاحكون الفدائيه ..البرامج التعليميه

تحديث هااااااام
************
الى كل اعضاء الفريق والى كل الاصدقاء الاعزاء مر عام كامل على انطلاق مدونه الضاحكون 8 - 6 -2008
فكل عام وانتم بخير
فرنسا هانم
***************
عبده الرايق ..والان اعزائى المشاهدين والمشاهدات فى كل انحاء العالم من البساتين الى بين السرايات موعدكم مع البرامج التعليميه

همس الاحباب :- الو... ايوه يا حنين ازيك

حنين القلب :- ايوه يا خالد مش وقت سلامات دلوقتى الحق المصيبه اللى هيعملها الرايق الاول

همس الاحباب :- ياداهيه دقى ...انا مش ورايا الا الرايق ومصايب الرايق .. عمل ايه تانى ؟؟؟

حنين القلب :- طالع دلوقتى حالا على الهواء مباشره فى قناه الضاحكون الفضائيه بيقدم البرامج التعليميه

همس الاحباب :- يانهار اسود ومنيل بستين نيله ... ميييييييييييين ؟؟؟؟؟ الرايق بيقدم برامج تعليميه ؟؟؟؟ ازاى ؟؟ ده ساقط ابتدائى اصلا ومش بيعرف يكتب اسمه.. ازاى ده يحصل ؟؟؟ دا احنا واخدينه معانا كماله عدد ...وفين الناس ؟؟؟ فين فرنسا هانم ؟؟وفين الطائر ؟؟وفين صبرنى يا رب ...دى فضيحه ..لا حول ولا قوه الا بالله ..كده اتخرب بيتنا يا حنين

حنين القلب :- هو انا بتصل بيك علشان تصوت وتطلم .. ارجوك اعمل حاجه يا خالد هنروح كلنا فى داهيه ... لا وايه ..داهيه على الهواء مباشره ...حاول تتصرف يا خالد البرنامج هيبتدى

الرايق :- اعزائى طلبه وطالبات كى جى 2 ..حبايبى القطاقيط ..بلاعم المستقبل وزهور الحدائق ..ده موعدنا مع البرامج التعليميه ..وانا جاى انهارده يا حبايبى وجايب معايا نفافيخ كتيييييييير وحلاوه وشيبشى ..كل واحد يرمى بقى البزازه اللى فى بقه ويخلى باله معايا كويس

انتم عارفين يا حبايبى الفلفسه .. بدءت الفلفسه يا قطاقيط من ملايين السنين ..ايام حكم الاغريق لمصر.. وان الفلفسه بدت متقوقعه فى بدايه عهدها الازلى الى ان بدء الفلفسوف الكبير ابو قراط فى تفتيح وتلقيح علم الفلفسه فاستمد جذورها من كتاب العالم المصرى الكبير عبد الله زويل ( علم الفينو ) ...ثم بدء ابو قراط فى تسريخ مبادئ علم الفلفسه ..وعلى اثر هذا العلم الجليل اكتشف الفلفسوف الكبير اشانتين نظريه النسبيه ..وتلك النظريه تعتمد على احترام الفرد لنسايبه اولا واخيرا.. طبعا اعزائى الصغيرين بعد ماتكبروا كده وتتجوزا هيكون لكل واحد فيكم نسيبه..والنسيب هو ابو مراتك او اخواها .. والشاعر الفلفسوف اشانتين الف النظريه دى علشان نحترم النسيب

المخرج :- تليفون يا رايق

الرايق :- اعزائى وحبايبى الكتاكيت فى تليفون وصل للبرنامج ...الو

همس الاحباب :- الو ...ايوه يا رايق انا همس الاحباب

الرايق يشاور بايده للمخرج يفصل صوت المتصل

الرايق :- الو ... الو .. ازيك يا خالووووووووود انا فرحان جدا انك بتشارك معانا فى البرنامج

همس الاحباب :- انا بقى مش متنيل فرحان يا رايق ... مين قالك تقدم البرامج التعليميه .. وايه الكلام الفارغ اللى بتقوله ده

الرايق :- اعزائى المشاهدين ..الظاهر فى مشكله فى الصوت ..وهنحاول نحلها ..وانا هنقل ليكم كلام خالووود حبيبى ..خالد بيقول انه مبسوط قوى من البرنامج وبيصحى بنته همس علشان تتفرج على البرنامج مع الحلوين الصغيرين

همس الاحباب :- اصحى مين يا جدع ؟؟؟ انت هتجنينى ؟؟؟ ..بقولك ايه يا رايق ... اقفل البرنامج دلوقتى حالا احسن مش هيحصل ليك طيب

الرايق :- طبعا يا همس وكل اصحابى بيحبونى زى ما انت بتحبنى ... وهاحاول افكر فى اقتراحك الجميل ونخلى البرنامج اربع ساعات بدل من ساعه واحده

همس الاحباب :- عبده يا رايق .... ودين النبى ..لو مقفلتش البرنامج ده دلوقتى حالا هيكون ليا تصرف تانى معاك

الرايق :- طبعا يا روح قلبى هاخلى حلاوه وشيبشى لحبيبتى همس هو انا اقدر انساها

همس الاحباب :- راااااااااااااااااااااايق ...ابوس ايدين اللى خلفوك ... هتودينا فى داهيه ... انا مش حمل سجن ومرمطه ..وكمان عندنا بنات فى القناه .. ابوس ايدك اقفل البرنامج .. انا خالد صاحبك وحبيبك

الرايق :-ايييييييه الخط قطع .. عموما يا احبابى خالد بيسلم عليكم وبيقولكم فتحوا ودانكم وعنيكم مع عمو الرايق .. احنا كنا بنقول ان زمان من ملايين السنين جه كمان عالم كبير قوى قد البحر اسمه ريتشارد قلب الاسد وده اللى اخترع نظريه المد والجزر ..والنظريه ده من اهم فروع علم الفلفسه ..وهى بتعتمد على المد على الرجلين .. وده طبعا اللى هنجربه فى مهندس الصوت اللى مش عارف يصلح صوت التليفونات وان شاء الله هنمده على رجله

المخرج :- تليفون تانى يا رايق

الرايق :- ودلوقتى مع فاصل اعلانى ....... مين على التليفون ؟؟

المخرج :- ده الطائر الحزين

الرايق :- قوله الرايق فى الحمام ..ولا اقولك الواد ده كلامه صريح قوى .. قوله الرايق نايم

المخرج :- حمام مين ؟؟؟..ونايم مين يا رايق ؟؟؟ الناس شايفينك على الهواء

الرايق :- ايوه يا ناصح ..اشمعنى دى اللى فالح فيها ..خلاص ادهونى بس افصل الصوت تانى ..وربنا يستر

اعزائى الكرام مره اخرى نعود للبرنامج وكان معانا اتصال للطائر الحزين ..اهلا يا طائر

الطائر الحزين :- اهلا مين وزفت مين ؟؟؟ ايه المهزله دى يا رايق ؟؟ لو سمحت وقف التهريج ده دلوقتى حالا

الرايق :- طبعا يا طائر انا كمان مبسوط منك وبحييى اقتراحك اننا نخلى المحطه كلها للبرامج التعليميه الهادفه دى علشان نوعى جيل المستقبل

الطائر الحزين :- بلاش تهريج يا رايق لو سمحت ....انت على الهواء هتودينا فى داهيه حرام عليك

الرايق :- مش عارف فى مشكله فى الصوت ... لكن برضه بنحييى اخونا الطائر على اتصاله ومشاركته فى البرنامج وبنقوله هندرس اقتراحك يا طائر .. ونرجع تانى حبايبى الصغار للبرنامج وكنا بنقول

المخرج :-تليفون يا رايق

الرايق :- الو .. مين معايا

صوت :- انا مدير الامن

الرايق :- للاسف الشديد حبايبى القمامير وقت البرنامج انتهى .. وارجوكم متنسوش العيش والحلاوه ...وربنا يستر

هناك 57 تعليقًا:

همس الاحباب يقول...

احم احم
وسع وشك
اول تعليق بلا فخر

همس الاحباب يقول...

والثانى كماان
حد عنده مانع
راحت عليكم يا عيال الرايق

Kiara يقول...

ههههههههههههههههههههههههههههههههههههههههه


موتوني من الضحك وربناااااااااااا

Kiara يقول...

والا حنين وهيا بتقول لخالد هو ناا بتصل بيك عشان تصوووووووووووت

تحفه يابت ياحنين

همس الاحباب يقول...

كى جى 2 يا رايق وفلسفة يا نهار ابيض فى كحلى مخطط
وانا بقول البت همس سابت الحضانة وبتتفرج على عمو الرايق
ما هى من يومها فلسفوفة
طالعة رايقة صغيرة
هههههههه

همس الاحباب يقول...

عامة العيش والحلاوة جاهزين يا رايق
و5 سجاير سوبر نبوت الغفير جوه السندوتش
وبالهنا والشفا

همس الاحباب يقول...

كيارا
انتى جيتى امتى وفين وليه وازاى

همس الاحباب يقول...

كيارا
عجبتك قوى
يعنى بنت لسانها طويل وان شاء الله نقصه قريب
تحفة وانتيكة كماااااان

Kiara يقول...

انا هنا من بدرررري وانت شغال ترررررررررغي

وموش سال في حد

Kiara يقول...

واه عجبني ردها بقي

حندك ماااااااااانع

حنين القلب يقول...

انا جيييييييت

كل دوووووووووول
انا اتاخرت ولا ايه

حنين القلب يقول...

همس الاحباب

اروح منك فييييييييييين

اول تعليق
وقرفنى فى التليفون
طيب اعمل ايه ؟؟

ربنا يتوب عليه من دى عيله

Kiara يقول...

كنتي فييييييييييييييييييييييييييين وهو بينم عليكي

حنين القلب يقول...

كيارا

شوفتى يا ستى
انا بتصل بيه علشان يصوت
طيب ما يلطم احسن
رجاله اخر زمن
هههههههههههههههههههههههههه


انتى اللى سكر يا حبيبتى

حنين القلب يقول...

كيارا

هقطعه لسانه ان شاء الله قريب

المهم ان الرد عجبك انتى

وحشاااااااااانى

حنين القلب يقول...

عبده الرايق

وربنا يا بابتى انت خسارة فى البلد دى
ده انت المفروض تدرس للكليات مش الحضانه

ههههههههههههههههههههههههههههههه

تسلم ايدك يا روقه
كنت فين من زمان

حنين القلب يقول...

همس الاحباب

والنبى انت بتودى همس حضانه ولا مدبح

دى طالعه لابوها
وربنا ماهى فالحه
خااااااااااااالود

انت خريج محو اميه صححححححححح؟؟؟

همس الاحباب يقول...

يا نهاركم بنفسجى
البنات دول فين
وبيجوا منين
كيارا هانم
اشبعى بيه كلامها
ولا بيقدم ولا بياخر

همس الاحباب يقول...

حنين القلب
لايا ستى
الصبح فى المدبح
وبعد الظهر فى السلخانة
وبالليل تيجى تتعلم طولة اللسان من طنط حنين

Kiara يقول...

هههههههههههههههههههههههههههههه

وانتي كمان وحشاني ياقمر

وايه بنجي منين دا

احنا بننزل ببارشوت وانت موش واخد بالك

همس الاحباب يقول...

حنين القلب
خريج محو امية ااه
مش خريج اصلاحية مسجد المرسى ابو العباس
انتى نسيتى لما جيت ضمنتك من قدام الجامع
لما كنتى بتشحتى وتقولى
تعريفة مخرومة تمنع دولارات مسروقة
نسيتى ولا افكرك

همس الاحباب يقول...

الست كيارا
موجودة
يا هلا يا هلا
وانا بقول المدونة عملت قفلة ليه
ما هو انتى وحنين موجودين
عامة كفاية نورى عليكم

Kiara يقول...

هههههههههههههههههههههه

دي عملت قفله من حاجه تانيه

يبني انا وحنونه كفايه اوي ااننا ننور العالم موش المدونه ههههههههههههههه

همس الاحباب يقول...

سكر وقمر
وحاجات بتلزق
حاسس انى قاعد فى سرجة
وسط عسل وطحينة
وزيت خروع
طبعا العسل انا والطحينة وزيت الخروع معروفين

همس الاحباب يقول...

تنورى العالم كله
انتى وحنين
انا موافق
انا نازل اجيب الكابلات علشان الشحن الارضى
ومن النهاردة
وداعا لفواتير الكهرباء

Kiara يقول...

في واحد هنا موش ناوي يجبها لبر وعاوز عنيه التونين يروحو فدا كلامه هأهأهأ

Kiara يقول...

هههههههههههههههههههههههههههه


ايه الناس اللي عاوزهخ توفر علي حساب غيرها دي

همس الاحباب يقول...

ههههههههه
اه توفير
اشترى 2 كيارا وحنين
وخد الثالثة هدية
على اساس انكم معجون اسنان
ولامرقة دجاج ماجى

Kiara يقول...

لالالا عندي عرض احسن

بما انك منور والنور غطا علي الكهربا

اشتري 3 من خالد والرابعه والخامسه هديه

وعليهم شيكولاا كماااااااااان

حنين القلب يقول...

همس الاحباب
واد انت لم لسانك
ولا نسيت يوم ما جمعت ليك حق تذكرة الميكروباص علشان ترجع تانى القاهرة يوم ما جيت التجمع المرة اللى فاتت

وربنا لفضحك
حد فى الدنيا يا كيارا يطلب شاى يجيله شاى بفتله يمسك الفتله بالباكو ويقعد يمص فيه ولما قولتله ايه اللى بتنيله ده قالى اصلى بحبه تقيل
ههههههههههههههههههههههههههه

همس الاحباب يقول...

هههههههههه
موافق
هو بيتباع فين
مع الاسف مش فيه منه غير واحد
عقمت النساء ان تلد مثله
ههههههه
اصله فصيلة نادرة

حنين القلب يقول...

طبعا كفايه نورى انا وكيارا
انت اصلا ايه اللى جايبك هنا
انت اخرك تقعد ادام بيتكم تغنى طلعت يا محلى نورها وانت لابس الجلابيه اللى تحت الركبه

يا ابنى لاحظ انك الراجل الوحيد الموجود بينا يعنى هتتقطع
اهرررررب احسنلك

همس الاحباب يقول...

حنين
رجعت يا جدعان
سمعتى فيلم عودة الجعان
خلى بالك من دراعى
ده مش كريم كراميل
يا ماما

Kiara يقول...

هههههههههههههههههههههههههههههههههه


ايوه ايوه
افضحيه كمان كمان

دا فضحك علي الميل شر فضيحه

هههههههههههههههههههههه

حنين القلب يقول...

كيارا

لا يا بنتى فيه عرض احسن
اشترى 3من خالد متر ونص واحصل على واحد فلبينى 45سم مجانا

ههههههههههههههههههههههه

همس الاحباب يقول...

هو فين الستات دول
انا مش شايف ايها ست
انا جنبكم مارلين مونرو

Kiara يقول...

ههههههههههههههههههههههههه

صح صح حلو العرض دااااااااااااا


وبطل تقلييييييييييييد ياخالد

الفراغ يقول...

هو انا جايه اعلق على البوست الجميل ده وفصل كجى تو بتاع الرايق والفينو بتاع زويل..ونسايب اينشتاين
ولا اتفرج على الخناقه اللى حاصله على باب زويل دى
بجد انتوا...ولا بلاش
انا جايه اهدى النفوس بس



ملحوظه
الناس بتدور عليك يا همس

حنين القلب يقول...

الفراغ

حضرتك تعلقى على اللى يعجبك
والله احنا بنتوات طيبين هو خالد اللى شرير

الناس بدور عليه ليه هو تاه؟؟؟

الحمد لله

نورتينا

فرنسا هانم يقول...

مش معقول خفه دمك يا رايق
البوست جميل جدا وضحكنى كتير جدا جدا
اسفه جدا لتأخرى عن بيتى الثانى وحبى الكبير مدونه الضاحكون
وان شاء الله هاكون معاكم باستمرار
حنين القلب وانتى وحشتينى يا عيونى
والله كلكم وحشتونى
وهاحاول اكتب حاجه جديده
تقبلوا احترامى وسلامى

همس الاحباب يقول...

الفراغ
حتى انتى معاهم يا ماما
ومين اللى تاه
انا لسه شايف صورته
فى خرج ولم يعد
منورة دايما يا ماما

همس الاحباب يقول...

فرنسا هانم
حمدلله على السلامة يا قمر
نورتى المدونة والمدونات المجاورة
ليكى وحشة من هنا للسويس رايح جاااااى
يجى تسعميتاشر مرة كده

فى انتظار ابداعاتك يا فرنسا
تحياتى وتقديرى

حنين القلب يقول...

فرنسا هانم

هيييييييييييييييييييييييه
مامتى جت
مامتى جت

وربنا وحشاااااااااااااانى فوق ما تتخيلى

عامله ايه يا مامتى
يا رب بخير ووسطنا دايما
ويخليكى لينا

موووووووووووووووه بحبك

Doba يقول...

كالعادة فى تألق مستمر
أفتقتكم كثيرا

امنياتى بكل التوفيق
هبة

حنين القلب يقول...

دوبا

كنتى فين يا بنتى
وحشاااااااااااااانى والله

انا افتكرت انك قومتى بالسلامه
بس انتى لسه فى الرابع
قولت ايه ده ؟؟
يمكن نسيت وراحت المستشفى بدرى شويه
هههههههههههههههههه

المهم انك بخير يا سكرة
ويا رب تقومى لينا بالف سلامه انتى والنونه
موووووووووووووووووه

حنين القلب يقول...

هيييييييييييييييييييييييييييييه

كل سنه ومدونتنا بالف خير
كل سنه واحنا كلنا مع بعض
كل سنه وقلوبنا على قلب بعض
كل سنه وربنا ما يحرمنا ابدا من بعض

كل سنه وانتى طيبه يا مامتى
كل سنه وانتى طيب يه احن واجدع بابتى فى الكون
كل سنه وانت اقرب واطيب اخ يا خالود
كل سنه وانت طيب يا طائر
كل سنه وانتى حبيبتى يا صبرنى ولا يحرمنى من حضنك ابدااااااااااا

بحبكم كلكم
واتمنى نفضل سوا علطول

همس الاحباب يقول...

كل سنة وانتم طيبين
كل سنة والمدونة بخير
كل سنة وانتم فى تقدم وازدهار
كل سنة وانتم ضاحكون

Maha Shahen يقول...

هههههههههههههههه
دمكم زى السكر
يارب دايما بنفس المستوى الهايل

همس الاحباب يقول...

نور شاهين
ربنا يكرمك يا رب
وان شاء الله نكون دايما عند حسن ظنكم بنا
والحمد لله ان المدونة نالت اعجابكم
تحياتى

عبده الرايق يقول...

هاااااااااااى ايفرى بدى
وايه يعنى لما اقدم البرامج التعليميه
هو انا كخه ولا كخه
ولا يمكن كخه
انا الدكاتره الكبير عبده باشا الرايق
وعلى رأى الشاعر الكبير مش فاكر اسمه
لما قال
لا يفل الحديد الا الحديد

عبده الرايق يقول...

كل سنه واسره المدونه بخير وسعاده
كل سنه وزوار المدونه الكرام بالف خير وسعاده
وانا على اتم استعداد انى اقدم للكبار منكم البرامج التعليميه برضه
تحياتى واشواقى للجميع
ومتأسف للتأخير عليكم فى الردود
وشكرا لحبيبى وصديقى همس الاحباب على الرد على الجميع

عبده الرايق يقول...

فرنسا هانم
شفتى يا قمر المدونه منوره ازاى
ارجو ان ارى الجديد

yoyo يقول...

صباحكم سكر يا كل السكر

كل سنة وانتم بالف خير يارب
ويارب السنة الجاية تكونوا فى تقدم اكتر واكتر
ربنا يستر بقى من الدكاتر الكبير عبده الرايق على التعليم
هو مش ناقص
بكفاية عليه كدا والله
هههههههههههههههههه

كل سنة وانتم بكل خير وسعادة يارب
تحياتى
يويو

بـِصَمتـِـ أميرة ــــى يقول...

ياخلاسى
ثكرررررر
ايه العثلات دى
كل سنة وانتو دايما مع بعض
انجح واقوى وللناس احب ولربنا اقرب
:)
تقبلو تحياتى
(ملكة بحجابى )

همس الاحباب يقول...

يويو
كل سنة وانتى طيبة
وربنا يكرمك ويسعدك دائما
ومنورانا دائما يا ست الكل
تحياتى

همس الاحباب يقول...

ملكة بحجابى
ههههههههه
وانتى طيبة وبصحة وسعادة
والحمد لله ان المدونة عجبتك
فى انتظار تواصلك ان شاء الله
منورة يا اميرة
تحياتى

انت تسال والكمبيوتر يجيب يقول...

كيف تعرف اذا كنت مدمنا للأنترنت ام لا؟
هل يجدد طعم البيتزا السياسه فى الشرق الأوسط؟
الأمثال الشعبيه بعد تعديلها لتلائم العصر
بعض الموضوعات الجديده تماماغير المسيوقه على النت
http://netonradio.blogspot.com