الاثنين، يونيو 01، 2009

عيله تجنن ...وزاره الرايق الجديده

فرنسا هانم :- صباح الخير يا رايق ايه ياخويا اللى مقعدك هنا فى الصاله بدرى كده ؟
الرايق :- هاااااااى فرنسيس .. ياخى جود بدرى مورنينج .. انا منمتش اصلا من امبارح بالليل
فرنسا هانم :- ليه بس كده يارايق .. ده مش كويس علشان صحتك
الرايق :- كويس مين ومش كويس مين يا متخلفه انتى .. على رأى الست ام كلثون لما غنت للشاعر الكبير نجيب محفوظ وقالت .. وما اطال النوم عمرا وما قصر فى الاعمار طول السهر
همس الاحباب :- صباح الخير يابابا صباح الخير ياست الكل ... اسمها ام كلثوم يا رايق والشاعر عمر الخيام هو اللى قال الشعر ده
الرايق :- انت صحيت يا فالح ؟؟؟ واات هابن ؟؟ وصاحى ليه بدرى قوى كده الساعه لسه 6 الصبح
همس الاحباب :- عندى مأموريه فى الشغل ولازم اوصل بدرى .. فين الفطار يا ماما ؟؟
فرنسا هانم :- من عيونى ياحبيبى .. بس شوف ابوك ماله .. مانمش طول الليل
همس الاحباب :- خير يارايق ؟؟ فى ايه ؟؟؟
الرايق :- روح يا ولد صحى اخواتك كلهم .. وجمعهم دلوقتى حالا .. كويكلى .. اند فيرى فيرى فيرى كويكلى
همس الاحباب :- والله انا خايف من حركاتك يا رايق .. وعلى كل حال .. حاضر هصحييهم .. يا طائر ..ياحنين ..يا صبرنى يارب .. اصحوا بسرعه .. اصحوا
الطائر الحزين :- خير يا جماعه فى ايه ؟؟.. ولا اقولكم صباح الخير الاول
صبرنى يارب :- ايه الدوشه دى ؟؟ مش عارفه انام .. فى ايه ؟؟
حنين القلب :- فى عريس مفيش عريس ..فى عريس مفيش عريس ..فى عريس مفيش عريس .. فى عريس مفيش عريس
الرايق :- عريس فى عينك يامقصوفه الرقبه على الصبح ... روحى اغسلى وشك الاول .. هيجيلك منين العريس بوشك ده
فرنسا هانم :- خير ياخويا وقعت قلبى حرام عليك
الرايق :- شوفوا بقى يا ابناء قبيله الرايق .. ويا حماه سلسال عائله الرايق .. انا قررت انى اتولى منصب فى التحبيشه الوزاريه الجديده
فرنسا هانم :- تحبيشه ؟؟؟
الرايق :- ايوه يا متخلفه .. مش بتسمعى عن التحبيش الوزارى الجديد
الطائر الحزين :- قصدك التشكيل الوزارى الجديد يا بابا
الرايق :- ايوه ... ييس .. ذاتس اوول رايت ... يو اار فيرى فيرى فيرى ولد ابن حلال مصفى ..هو التشليك الوزارى ده
همس الاحباب :- اصطبحنا واصطبح الملك لله ... حراااااااااااااام عليك يا رايق .. ابوس ايدك بلاش كلام فارغ على الصبح
حنين القلب :- ايه يا خالد ؟؟ سيب بابا .. انا من زمان بقول بابا اكيد هيكبر ويبقى وزير قد الدنيا ويجيب لى عريس بحق وحقيقى
صبرنى يارب :- الله ماطولك ياروح .. بقى مصحيينى من احلاها نومه علشان خاطر الكلام ده .. تصبحوا على خير
الرايق :- نو نو نو ... مفيش اى بندوم هيتحرك من هنا .. الكل لازم يسمعنى .. انا الرايق .. انا الحضاره .. انا حفيد احمس الملك العظيم بانى الهرم الاكبر .. انتم يا اولاد تقفوا على اعلى حته فى جبل المقطع وتقولوا .. تحيا جمهوريه عائله الرايق المتحده
الطائر الحزين :- اسمه جبل المقطم يا رايق
الرايق :- ماشى يا فلفسوف ..مقطم مقطم .. بس انا لازم ادخل الوزاره الجديده .. وامسك وزاره التربيه والتعليم
فرنسا هانم :- اشمعنى يعنى وزاره التربيه والتعليم ؟؟؟
الرايق :- شوفى يا فرنسيس ... شوفوا يا اولاد ..
خامسا - وزاره التربيه والتعليم هى الوزاره الوحيده اللى بتلغى اى سنه مش عجباها ومحدش يحاسبها .. يعنى سنه سته دمها تقيل .. تلغى سنه سته .. تالته اعدادى بوزها ناشف ..تلغى تالته اعدادى .. التحسين حلو ومفيد لعقل الطالب .. التحسين ابن جزمه ومضر بعقل الطالب .. الثانويه العامه سنتين ..الثانويه العامه اربع سنين .. الثانويه العامه 3 شهور
رابعا :- تيسيرا على اولياء الامور انا قررت انى اتولى الوزاره دى والغى الابتدائى والاعدادى بالكامل .. بمعنى ..الطالب يدخل من كى جى تو ..الى الثانوى مباشره
سابعا - قررت اخلى الثانويه العامه على 6 مراحل لمده 6 شهور .. كل شهر مرحله .. وفى نهايه كل شهر يبقى الامتحان عباره عن فزوره زى مثلا .. طبق بنور فى البحر بيدور .. يعدى البحر ولا يتبلش .. طاسه طاسه فى البحر غطاسه من جوه لولى ومن بره نحاسه
ثانيا - قررت انى احد نهائيا وقطعيا من ظاهره نط الطلبه من على السور ..وقررت انى اهدم كل الاسوار بتاعه المدارس
همس الاحباب :- انا بقول نفطر احسن ونروح شغلنا .. ولا اقولكم .. بلاها فطار ..سلام عليكم
الطائر الحزين :- رايح فين يا خالد ؟؟؟ عيب نسيب بابا كده لوحده .. ولا اقولك ..استنى خدنى معاك ..سلام عليكم
صبرنى يارب :- انا مش عارفه افتح عينى اصلا ..النوم كابس عليا .. اما ادخل ادور على فتاحه افتح بيها عينى ..سلام عليكم
فرنسا هانم :- وانا كمان اتأخرت على شغلى سلام عليكم
حنين القلب :- والنعمه الناس دى مش عارفه قيمتك يا بابا .... انا رايحه افرق السى فى بتاعى على الجيران سلام عليكم
الرايق :- وااات هابن ؟؟؟ كلكم سيبتونى ومشيتوا ... واااى ؟؟ ليه ليه ليه حظى معاكى يا دنيا كده ليه ليه ؟؟؟ .. عموما ..ماشى انا وراكم والزمن طويل ..تسيبونى كده كلكم ؟؟ طيب بلاها وزاره التربيه والتعليم ..وهامسك وزاره الداخليه واربيكم يا عيله الرايق

**************

مع تحيات
فريق العمل بمدونه
الضاحكون

هناك 25 تعليقًا:

الطائر الحزين يقول...

وات ايز سيس اول تعليق الحق يا خالد حنين أخذت اول تعليق اول مرة فى حياتى يمكن علشان الاهلى اتغلب بالتلاتة

بجد يا روقة أنا معاك فى الوزارة وخاصة التعلية والترميم دى هايلة ده الواحد كدة يلغى سنسن براحته ولا عمرة هيجز يعنى ممكن كل 3 سنين لما يبقى يكبر 6 شهور يعنى الواحد كمان ممكن يقف لحد 16 سنة وميكبرش تانى

الطائر الحزين يقول...

الو فين يا ناس خالد انت رحت الوزارة تسال على بابا ولا ايه

حنين القلب يقول...

ههههههههههههههههههه
يعنى مش عارفه اقول ايه؟؟

دى الفوازير دى يا بابتى اصعب الثانويه العامه

بس حلوة انك تلغى الابتدائى والاعدادى
اهه تضيع وقت على الفاضى

هههههههههههههههههههه
تسلم ايدك يا روقه

حنين القلب يقول...

يا سلام يا سلام

وانا مش هيجيلى عريس بوشى ده

ماااااااااااشى انا كنت ناويه انتخبك وزير الزراعه على الاقل نشوف الفاكهه اللى بنتفرج عليها فى الراديو دى

بابتى لو مسكت وزارة الشباب والرياضه تجبلى 508عريس اختار منهم زوج المستقبل براحتى
يا رب يا بابتى تمسك وزير الشباب والرياضه
ههههههههههههههههههههههههههه

حنين القلب يقول...

الطائر الحزين

ده ظلم
اصلا ده مش ميعاد البوست
وانت اخدت التعليق الاول غصب واقتدار
ماشى يا ايهاب
مرة من نفسك وافرح بيها علشان مش هتكرر ابداااااااا


عجبتنى اوى حكايه ان الانسان يقف عند 16سنه ومش يكبر تانى
انا كده واقفه على 14ومش هكبر برضه
ههههههههههههههههههههههههههههههههه

الفراغ يقول...

سلام عليكم..عائلة الرايق الكرام
الباشا الكبير ..الرايق
مدام الرايق..فرنسا هانم
الابناء الاعزاء..حنين وهمس وصبرنى والطائر
دمتم لنا رايقين وضاحكين
تسلم ايدكم كلكم
بس انا بقا ارشح الرايق لوزارة الاعلام
هايروقنا ويضحكنا..وهى طبيعى طبيعى جايبه عاليها على واطيها
يعنى مش هايزود حاجه ..يمكن كمان يضمها لوزارة الداخليه..ويصالحهم على بعض
وبكره ياما نشوف

همس الاحباب يقول...

تحيا جمهورية الرايق الاشتراكية الانتشارية العظمى
تعيش تعيش
ونعمة الوزارة ونعم الوزير يا رايق
خليها تبقى جغرافيا فى برطمان
على كده انا ارجع كى جى 2 تانى وبعدها ادخل ثانوية وبعدها اورث الوزارة يا رايق
الحق اكتب وصيتك يا روقة

همس الاحباب يقول...

وبعدين ايه الحظ ده ياطائر
اول تعليق مرة واحدة
مبروك عليك المهم البت حنين ما تاخدوش
وبعدين هو ما فيش فطار النهاردة ولا ايه ..

همس الاحباب يقول...

حنين القلب
ههههههههه
هههههه
والله الرايق عنده حق عريس مين اللى هيجوز الاشكيف المخيف
يا ستى انتى ام رجل مسلوخة اللى بيخوفوا العيال بيها
و3000 عريس ليه حضرتك اتفتحى جمعية استهلاكية تبيعى فيها قطع غيار

همس الاحباب يقول...

الفراغ
الله يسلم حضرتك يا ست الكل
منورة الضاحكون دايما
ههههههه
الاعلام مرة واحدة
الرايق صاحب اكبر قناة فدائية على النايل سات والتعلب فات
الداخلية والاعلام ههههههه
ده احنا ايامنا هتبقى فل
الشعب كله يتمنى انه يدخل المعتقل ويشوف الرايق ابو الروقان
تحياتى لحضرتك

NaiRa يقول...

ههههههههههههههههههههههههههههههههههههه
هههههههههههههههههه

بجد انت يا عبده مشكله

ههههههههههههه

بليز يا رايق الغى سنه 2 من كل مراحل التعليم لانها بتبقى اصعب سنه وابقى شفلى شغلانه معاك فى الوزاره

عبده الرايق يقول...

الطائر الحزين
اشطه ياعم الالفه مره واحده
مبروك يا طائر

عبده الرايق يقول...

حنين القلب
انتى قموره بابا
انا قصدى تغسلى وشك علشان تدارى القشف
قصدى تغسلى وشك علشان تلاقى حد يبصلك
قصدى تغسلى وشك علشان تبان ملامحك
يوووووووووووووووووووووووه
انا كده خربتها خالص
تحيات بابا للقموره حنين

عبده الرايق يقول...

الفراغ
سيدتى الكريمه
انا متشكر جدا على المنصب الكبير ده
بس انا معترض
اقولك معترض على ايه
مفيش وزاره اسمها وزاره الاعلام
انا بصراحه اول مره اسمع عن الوزاره دى
يعنى انا ابقى مسئول عن تحيه العلم فى المدارس
ولا اجيب استيكر والم صور اعلام الدول
عموما
انا موافق على وزاره الداخليه مع انى مش عارف فى وزاره اسمها الداخليه ولا لأ
يمكن قصدك وزاره الثقافه ؟

عبده الرايق يقول...

همس الاحباب
يعنى يا خالد عينك على الوزاره بتاعتى
سيبك انت من الكلام ده
لو انا بقيت وزير
هتبقى انت وزير كمان
مش ابناء الوزراء وزراء
وابناء الباشوات باشوات
وابن الوز عوام

عبده الرايق يقول...

7BiBeT ABDO
حبيبه عبده
خلاص نلغى سنه 2 من كل المراحل
غاليه والطلب رخيص
وانا هارشحك لمنصب كبير قوى فى الوزاره بس ايدك على 300 جند سلف لغايه سنه 2085

عبده الرايق يقول...

فرنسا هانم
فينك ياست الكل ؟؟؟؟؟؟؟؟
ده نداء علنى على الهواء
وحشتينا

حنين القلب يقول...

همس الاحباب

ربنا يسامحك ده من ساعه بابا ما مسك الوزارة والعرسان طوابير قدام الباب

قطع غيار فى عينك يا اخى
وربنا لاشيل لك قطعتين بدل اللى باظوا عندك عينك ولسانك اللى عايزين يتغيروا دول

حنين القلب يقول...

عبده الرايق

ربنا يخليك يا بابتى ولا يحرمنى منك ابدا

بابتى انت كده مش خليت ليه وش ارد بيه اصلا
علشان كده انا هاسلخ الوش ده واركب واحد جديد يمكن ربنا يفك عقدتى واتجوز

تحياتى لاحن بابا فى الكون

بـِصَمتـِـ أميرة ــــى يقول...

هههههههههههههه
الغى اللى انت عايزة ياريس
احنا هنوجع دماغنا على ايه؟

متااااااابعه داااايما ومستنية الجاى

:)
تقبلو مرورى
أميرة

(ملكة بحجابى )

yoyo يقول...

صباحكم سكر يا أحلى من السكر

هو حد يقدر يتكلم يا وزيرنا
اقولك انت تلغى التعليم خالص سيادتك بلا تعليم بلا وجع دماغ وبعدين على راى المثل العلم فى الرأس مش فى الكراس

وبعدين انت تعمل لنا اى وزارة كدا ولا حتى تسرح المدرسين دول يعنى شوف لنا اى وظيفة تانية يا ريس
مش انت برده كبيرنا وحامى حما الشعب و الرعية
ههههههههههههههههههههههه

الناس دى مش مقدرة موهبتك المعلمية العبقرية الفاذة هههههههههههه معليش بقى يا عبده باشا

تحياتى للوزير القادم
يويو

yoyo يقول...

معليش يا حنين يا اختى مش مقدرين الجمال يا بنتى
دا الشارع واقف على رجله و لعرسان طوابير طوابير ولا اللى واقفين فى طابور العيش
هههههههههههههههههههه

هنعمل ايه بقى فى النفسننة يا اختى
هههههههههههههههههه

تحياتى
يويو

yoyo يقول...

ايوه يا خالود
من قدك يا عم
هتورث وزارة وهتبقى ماشية معاك بقى
ههههههههههههههههههه

يويو

حنين القلب يقول...

yoyo

وربنا انت بتفهمى
ربنا يخليكى ويبارك فيكى
بت يا يويو
لو مش عندك عريس قوليلى وهجوزك احلى عريس فى الطابور بس بعد ما اختار انا
ماااااااااااااشى

ههههههههههههههههههههههههههههه
نورتينا

انت تسال والكمبيوتر يجيب يقول...

حماقات الأرهاب وجرائمه والتطرف والفتاوى العجيبه فى بعض الفضائيات اساءت بشكل كبير جدا لصورة المسلمين ولفكرة الناس فى الغرب عن الأسلام المهم كيف نمحو هذه الصور المشوه فى عقول الناس فى الغرب ....الوسائل كثيره ولكن من اكثرها قربا من الناس الضحك
اقرا التفاصيل وشاهد الفيديو لتعرف كيف
http/netonradio.blogspot.com