الجمعة، أبريل 24، 2009

صبرني وحنين وعريس الغفله


صبرني يارب: بت ياحنين قومي يلا ساعدينى عشان نروق الشقه دي ونوضبها
حنين : ليه خير احنا جاى لينا ضيوف ولا ايه ؟؟؟
صبرني يارب: اه يا اختي انتى ما تعرفييييييييش... مش انا جاااااااايلي عريس

حنين : اييييييييه مين فين ازاى شافك فين ؟؟؟؟ وعرفك ازاى؟؟؟؟؟ قرى واعترفى يا سوسه

صبرني يارب: سوسه ؟!! يا ريتنى يا ختي كنت سوسه كان زماني اتجوزت من زمان وارتحت من خلقكوا دي
ده من طرف طنط فيفي قريبة ماما
حنين : مالها خلاقنا مش احسن من خلقة اللى هتتنيلى تتجوزيه ده وبعدين مجايب طنط فيفى دى كلها منيله ممكن يطلع معتوه او عنده بري بري وعايزه تتدبسك فيه
صبرني يارب: لييييييه يا اختي رميه انا ؟؟؟ عموما هانشوف اهو شويه وجاي يا اختي وبعدين انتى مالك ...انتى خنيقه ليه ؟؟

حنين : تصدقى انا غلطانه مااااشى انا قايمه اروق معاكى وانا مالى ؟؟؟

صبرني يارب: عشان خاطري يا حنووووووووووو يا جميله خلاص بقى قومي خليكى جدعه
ده انتى اختي حبيبتى امال مين هايسلفني البلوزه الجديده بتاعتها ألبسها النهارده

حنين : حاضر اتفضلى روحى انتى استحمى وصنفرى نفسك واتذوقى وانا ياختى هقوم بالواجب وخدى البلوزة والجيبه كمان

صبرني يارب : بجدددددددددد ما انحرمش منك ابداااااااا يا حنو يا حيااااااااتي ويارب اعملك لما يجيلك عريس برضه
صبرني يارب فى سرها وهى راحه الحمام : (قريب ونخلص منكككككك يا خنيقه )

حنين : بس مش يكون من مجايب فيفى دى انا هنقى بنفسى ياختى

صبرني يارب: تنقي بنفسك ؟؟ شايفه يعنى العرسان بالكوم على الباب
اتوكسي البلد كلها معنسه

حنين : ااااااااااااااااااااه دنا حلوة وصغيره لا طويله ولا قصيره
صبرني يارب: حلوووووووه..ههههههههه .... فين ده ؟؟؟؟؟؟؟

حنين : يا رب يكون اقرع واحول وبدل ما يتقدم ليكى يتقدم لماما يا سوسه

صبرني يارب: اقرع واحول ليه يا اختي انتى شايفاني عامشه ولا ايه ؟؟؟.. يا بت ده انتى مفعصه واوزعه

حنين :مش هرد عليكى ربنا هيخلصلى تارى يا طويله (مش عارفه طلعه لمين دى بابا واقصر مننا ممكن لماما ما علينا )
بت انتى خلصى بسرعه الساعه بقت 4 والعريس جاى الساعه 6

صبرني يارب: حنيييييييييييييييييييييييين فين البلوووووووزه مش لاقياها

حنين : هتلاقيها اما تحت المرتبه واما ماما اخدتها تمسح بيها البوتجاز مهى علطول بتعمل كده لو لقتيها اغسليها وخيطى القطعه اللى فيها

صبرني يارب: نعمممممممممممممممممممممممممم انا عايزه البلوزه الجديده ؟؟؟؟؟؟

حنين: نعمممممممممممممممممممم دنا مش لابستها الا 17 مرة بس
انتى بتهرجى انشاله عنك ما اتجوزتى
ولا اقولك خلينى انا الطيبه هتلاقيها مخبياها فى درج الكمودينو

صبرني يارب: يا رخممممممممه مش فاضيه لرخاااااااامتك

حنين : روحى يلا انا كمان هعمل ليكى تورته تجنن لو اقرع هيزرع وهو قاعد من طعامتها

صبرني يارب: يا سلااااااام يا سلااااااام ايه الرضا ده كله (وفي بالها مش مطمنالك يازءرده انتى )

الساعه بقت 6 وصبرنى بقت عروسه بجد وحنين قاعده تفكر يا ترى شكله ايه وهتعجبه ويعجبها ولا لاء؟؟؟ الباب بيخبط صبرنى زى ما تكون مسكت سلك كهرباء 500 وات وتصوت حد يفتح قبل ما يمشى
صبرني يارب: عااااااااااااااااااااااااااا مامااااااااااااااا الباب يا مامااااااااااااا
ما خلصتش لسسسسسسسسسسه
الايشارب الشراب لا لا لا الجيبه الاول
يوووووووووووه بقى

حنين : اصبرى انا هفتح واجى ابشرك

صبرني يارب: ايوه ايوه يلا بسرعه يا حنين
يااااااااااااااااااااارب اتجوز بقى

حنين : حاااااااااااضر ايوة جاااااااااااى عريس اختى جه انا جايه اهه

يا لهوووووووووووووووووووووى انت مين يا عم ؟؟؟؟؟مين ده يا طنط فيفى

فيفى: وانتى مالك يا مقروصه فى قلبك يا مسحوبه من لسانك روحى اندهى حد كبير

(حنين وهى ماشيه وربنا الجوازة دى ما هتم )

صبرني يارب بوشوشه : بت يا حنين تعالي هنا قوليلى شكله ايه ؟

حنين : قمرررررررررررررر امك داعيه عليكى مش ليله القدر لالالا ده فضلت طول شهر رمضان تدعى عليكى ده شبه فرانكشتين لالالالا حرام شبه دراكولا لالالالا بصى هو مش ليه مثيل هتشوفى بنفسك

صبرني يارب: يا لهووووووووي .. شكلك بتقولي كده عشان تبوظيها ما انا عارفاكي زي المليم وتسدي نفق شبرا

حنين : طيب يا اختى اتفضلي انا حضرتلك الشربات يلا ادخلى برجلك اليمين وانا لو منك ولا ادخل بيمين ولا بشمال ادخل بقفايا
صبرني يارب: الهي تنشكي فى لسانك ياحنين .. يا بت اسكتي بقى اتوكسي لما نبقى نشوفك وكستك انتى ..

حنين : طيييييييييييييب وربنا لوريكم كلكم وادى الشربات

وتضع حنين القلب رمله فى الشربات

وتمشى صبرنى يارب فى اتجاه الصالون
صبرني يارب: سلا... سلا ... سلا...
ده اول ما شافت العريس السلام وقف فى زورها
فيفى : اهلا يا عروستنا اتفضلي
اتفضل اشرب يا استاذ مرسي

صبرني فى بالها: اشرب اشرب اشرب الهي يكون اخر شربك انت وفيفى
مرسى شرب وسمع حاجه بتقرقش فى بقه راح مطلع طقم الاسنان وبص فيه وصرخ قائلا : ايد ده رمله ؟؟؟
حنين من بره الله ينتقم منك يا فيفى وكمان اهتم

صبرني يارب: يخربيتك يا حنين انتى حاطه ايه فى الشربات

يخربيييييييييييييتك يا فيفى انتى كمان جايبالي واحد بقطع غيار استعمال خارج
؟؟؟؟؟؟؟؟؟

حنين : وربنا لطفشه ولا انتى عايزاه يا مايله ؟؟؟

صبرني يارب: هو صحيح العرسان شاحه الايام دي بس لا مش للدرجه دي
حبسك عليه يا بت يا حنين

عبده الرايق وفرنسا بتوصيه علشان يقابل العريس

فرنسا هانم: والنبى يا اخويا البت قربت تعنس وافق وخلى الحاجات التقيله علينا والحاجات الخفيفه عليه وبلاش النونوه بتاعتك دى لحسن العريس يفتكر ان عضتك قطه

عبده الرايق : ماشى يا ستى احنا كمان اتخنقنا منها ومن اكلها واختراعتها اللى وجعت بطننا يلا خلينا نشوفه ونخلص

حنين : صبرنى الحقى ابوكى ناوى يوافق هتعمل ايه يا ستى؟؟؟

صبرني يارب: يواااافق الراجل ده عايز يخلص مني ولا ايه ؟؟؟؟..طيب بسرعه هاتيلى التورته الى انتى عاملاها..وهاتيلى من جوه دهن العفريت الى انتى بتعملي به مقالب يا حنين
وبرطمان الشطه ما تنسيش

حنين : حاضر طبعا وهزود عليه عين العفريت وودن الغراب

وقعدت حنين تحط شطه على التورته وتزوقها بعين العفريت وودن الغراب
وصبرني تدهن اديها ووشها وهدومها بدهن العفريت الي ريحته فشر ريحة كلب ميت
وخدت صبرني التورته ودخلت للصالون وهى بتضحك ضحكه كلها شماته

مرسي وهو بيبص لصبرني ويلعب حواجبه من تحت النظاره الكعب كوبايه : والله يا عمي احنا يعنى ما لناش بركه الى صبصب هاصرف عليها من جنيه لميه فى الشهر انا راجل فييس يعنى

صبرني فى سرها : اه واضح انه فييس اوووي وعمو مين ده انت الى جدو يا ضنا امك .. صبرك عليا يا مرسي انت وفيفي
حنين : السلام عليكم طبعا يا جماعه بما انى اصغركم سنا فيسعدنى انى احضر معاكم الخطوبه المايله دى

الرايق بيبص ليها وكانها مش قالت اى حاجه طيب يا ابنى انت عندك شقه ؟؟؟

مرسى : لا والله يا عمى بس عندى اوضه وحمام شرك لو عجبتها هغير القاعده والسيفون كمان

الرايق :وماله يا ابنى ربنا بكرة يوسع عليكم طيب والعفش

مرسى : والله يا عمى انا عامل جمعيه ب 50 جنيه هقبضها 250 جنيه وانزل سوق الجمعه اشترى سرير متر ونص فى متر ولو هى حبت تنام عليه براحتها رغم ان الارض بتقوى العضم

الرايق : وماله يا ابنى دى حتى صبرنى بتحب الوسع تبقى تنام هى يوم عليه وانت يوم ولو على الدولاب مش ليه لازمه ابقوا اعملوا بؤجه حطوا فيها الهدوم

صبرني فى سرها : الهي تتوكس وكسه بني يا ابن الهبله

الرايق: وماله يابنى انا موافق يلا شيل ...نقرى الفاتحه بقى....

فرنسا من جوا ( الحمد لله اخيرا ) وفيفى تزغرد وصبرني تبص لحنين وهي مبرقه

مرسى : من فضلك يا عمى ممكن نكتب الكتاب علطول

صبرنى يارب :اييييييييييه يا حنين مش هياكلوا التورته الاوووووووووووول

حنين : ماشى اكلى خطيبك يا سكرة

صبرني وهى بتغمز : ماشي هاتي يا حنو يا حياتي
صبرني يارب: اتفضل يا مووووغسي التورته دي انا عاملاها باديا
مرسى : عمى من فضلك اجرة المأذون عليك لانى الصراحه مش معايا غير فلوس المواصلات وانا راجع وبياكل اول قطمه
اااااااااااااااااااااااااااااااه
ايه ده التورته دي مولعه نااااااار

والرايق لسه بيقول نو نو نو ...والعريس يصوت ويقوم على رجله نسيت اقولك حاجه انا عندى بواسير
اااااااااااااااااااااااه ناااااااااااار

الرايق: تورتة ايه اللى حاميه يا ولد

مرسي: فيه تورته يتحط عليها شطه باين عليكم عليه لاسعه

الرايق: معقوله ده ده صبرني بنتى احسن واحده تعمل تورتات

مرسي : وايه الريحه دي المقرفه الى هلت علينا دي

صبرني تمد ايدها فى وش مرسي وتقربها من مناخيره :نعم نعم نعم
ريحه ايه دي مسك وعنبررررررررررررررر

حنين من بره :اووووووووووووووف الله يقرفك دى مسك
دنا مش استحملت اقعد لما دخلتى

فرنسا: اهدى بس واقعد يا سي مرسي ما تعملش فى نفسك كده جرى ايه يا فيفى ما تشوفي قريبك ده

فيفى : ما تشوفى العدله بتك فيه تورته حاميه بلا نيله خلوها جنبكم تعنس يلا يا مرسى

مرسى وهو طالع من الصالون حنين تشنكله يروح مقلوب شبه شوال الدقيق وتقع منه الباروكه والينسس

صبرني يارب: كمان شعر عيره
انا قلت من الاول يا طنط فيفى
انك جايبالي عريس بقطع غيار استعمال خارج
خليهولك يا حلوه
جوزيه للمعدوله بنتك الى شبه كوز البطاطا
يلا يلا يا موكوسه خدي الموكوس ده وامشي من هنا هوينا
فيفى ماشيه وساحبه مرسى فى ايدها انا غلطانه عيله لاسعه
حنين وصبرنى بيضربوا على كف بعض وبيحضنوا بعض ربنا يخليكى يا حنون ويرزقك باحلى منه يا صبرنى
فرنسا : منكم لله يا بلااااااااااااوي عملتوا ايه يا ولاد الراااااايق وتبص للرايق ما تشوف ولادك دووووووول هايجنوني
الرايق وهو كاتم الضحك : نو نو نو عييييييييب يا ولااااااد .

تم بحمد الله
مع تحيات اسره الضاحكون

هناك 26 تعليقًا:

همس الاحباب يقول...

معلش على التاخير
وشكر خاص لكل اعضاء مدونة الضاحكون
عبده الرايق
فرنسا هانم
الطائر الحزين
صبرنى يا رب
حنين القلب
وشكر خاص لكل الزوار
مع خالص تحياتى وتقديرى للجميع

همس الاحباب يقول...

هههههه
ههههههه
ايه يا بنات ده
انتو جايبين انكل مرسى من الشفخانة ولا ايه
بس تعرفى انه لايق عليكى يا صبرنى
وان شاء الله اجيب واحد معتوه لاختك حنين
ونخلص منكم بلا وكسة
عيلة نكد بصحيح
بجد تسلم الايادى يا بنات

حنين القلب يقول...

انا جييييييييييييييت

والنبى البوست ده ينزل جمعه ولا حد ولا وقت ما يكون الاخ خالد فاضى

يلالالالالالالالالالالا مش مهم
المهم انك رجعت بالسلامه ونورت بيتك وقلوبنا يا خلود

اروح اقرى وارجع

همس الاحباب يقول...

لا حول ولا قوة الا بالله
ايه اللى جاب البنت دى هنا
مش فاضيين نطلع كل يوم القرافة بصراحة
مش مرة سوهاج ومرة اسكندرية
ارحمينى شوية يا ست حنين هانم
بدل ما نلاقى اسمك فى صفحة الحوادث

حنين القلب يقول...

هههههههههههههههههه
يا عينى صبرنى كانت عايزة تتجوز

بس شكلها هتعنس
والله تعنسى احلى حد يتجوز مرسى

يععععععععععععععععععععع

انا هتجوز واحد من الجامعه الامريكيه
وهتكون عينه زرقه وابيض وطول يعرض

ياااااااااا رب القيه

حنين القلب يقول...

همس الاحباب

عايز تجبلى عريس معتوه
اخس عليك مدام ما تجبلى واحد صاحبك مطقطق كده وتجوزهولى من اللى بتقعد معاهم على القهوة
هههههههههههههههههههههه


خالود
عايزة اقولك حاجه
المدونه من غيرك ولا ليها طعم ولا لون يا احسن واطيب اخ فى الكون

همس الاحباب يقول...

حنين القلب
العنوان غلط يا حنين
مش انا اللى بثبت فى الكرسى
ومع ذلك نعمل هدنة مدتها 15 ثانية
كده الهدنة خلصت
نعود للقتال
وعلى الباغى نجوزه عمو مرسى

همس الاحباب يقول...

اه بالمناسبة يا بنات
مش ده مرسى ابن ام مرسى
بتاع مرقة الدجاج بتاع فيلم الفنكوش
ايه اللى جابه عندنا
وازاى ما حدش ياخد راى
هو انا قاعد طيشة فى البيت ولا ايه
عامة لو مرسى معاه اخ شبه
انا موافق اجوزكم انتم الاتنين فى يوم واحد

صبرني يارب يقول...

خالد

كده برضه جاي من الشفخانه ولايق عليا


بت يا حنين المره الجايه فكرينى اجبله عروسه من ارض الناس القصيرين على اده

نيهاااااهاهاهااااااااا

بلاش تلعب فى عداد عمرك

حنين القلب يقول...

همس الاحباب

تصدق بالله
انا غلطانه
وماااااااااااااشى يا سيدى

صحيح احترس ممن اقترب من الارض
وانت مش اقتربت بس لالالالالا
ده انت فاضل شويه وتنزل تحت الارض

انا مش موافقه على الهدنه
وكرسى ايه اللى تتثبت عليه
ده انت عايز مسامير صلب 50 سم علشان تتثبت

ااااااااااااى خدمه

همس الاحباب يقول...

هههههههههه
ده عمو مرسى يا صبصب
زينة شباب الشفخانه
ده انتى هتشوفى الهنا كله معاه
ومش بعيد اسنانه تطلع من جديد
وشعره يبقى اصفر وعينيه كماان
ههههههه
وبعدين انا موافق على العروسة طالما قصيرة
مش تكون شبه طنط زينة فى هركليز
مبروك عليكى مرسى يا صبصب

همس الاحباب يقول...

حنين القلب
هههه
احترس من الخط
انتى غلطانة ليه بس ده اخرك يا ماما
وبعدين
مسامير 50 سم ليه
اذا كان انا 40 سم كلى على بعضى
ولا ناوية تثبتى باقى العيلة
هههههههه

فرنسا هانم يقول...

الضاحكون الضاحكون
دائما مخالفون
على غفله ينزلون
بوست جديد فى سكون
وبيغيروا الميعادون
من يوم الاثنين للسبتون
اعمل فيك ايه يا رايقون ؟
نفسى اكون اول تعليقون
هتحددوا المواعيد ولا احدفكم بالطوب ؟

فرنسا هانم يقول...

اخى الصغير خالد
لا شكر على واجب
احنا زى ما كتب الرايق جسد واحد وروح واحده
وانت تستاهل كل خير والله العظيم

فرنسا هانم يقول...

حنين وصبرنى يارب
هههههههههههههه
ههههههههههههههه
طفشتوا الراجل
عاااااااااااااااااااا
كده هتقعدوا انتوا الاتنين فى ارابيزى
هههههههههه
حلوه ارابيزى دى ؟؟؟؟؟؟
تسلم ايديكوا يابنات

فرنسا هانم يقول...

هع
مييييييييين هناك ؟
الخط كانت صغير
والالوان مبهدله
صلحتلكوا البوست يا رايق ..انت من غير فرنسا يا رووقه زى القله من غير ميه
هههههههههههه
لاداعى للهتاف
لاداعى لتقبيل الايدى
فقط
اعترف انك من غيرى فااااااااااااااشل

حنين القلب يقول...

همس الاحباب

خط ايه يا عم

انت كبيرك حرامى فراخ وفراخ مجمده كمان

هههههههههههههههههههههههههههه


وبعدين انا هجيب مسامير 50 سم علشان اتاكد انك مش هتتحرك

حنين القلب يقول...

فرنسا هانم

الحمد لله انه طفش يا مامتى

دى جوزاة دى عايزين توقعوا فيها البت
ولا علشان مهى غلبانه عايزين تخلصوا منها
ههههههههههههههههههههههههههه

لا يا مامتى اطمنى انا عريسى موجود
مش هقعد فى ارابيزك
ههههههههههههههههههههههه

ربنا يخليكى يا مامتى

عاشقه الرومانسيه يقول...

هى عيله الرايق واخده التعليقات لحسابها؟
ماااااااااااااشى
بصى ياصبرنى ياحبيبتى
انتى سيبك من طنط فيفى دى وخليكى فى طنط بايره بتجيب عرسان ايييييييييييييه قشطه

وبلاش حنين تقف معاكى المره الجايه بعدين يطلع عريس لقطه ونندم على اننا ضيعناه
المره الجايه العريس اول ما تشوفيه تمسكى فى رقبته وتقولى عرييييييييس يابوى طخه بس ماتعوروش يابوووووى
فاكره الفيلم ده؟
اييييييييوه اعملى زيه بالضبط
ولو ان الرايق مش محتاج وصايه وعايز يزحلقك ويخلص منك
وماما فرنسا كمان واضح انها مخنوقه منك قوى
هعهعهعهعهعهعهععع

الطائر الحزين يقول...

شايفين البطر بتاع البنات عريس زى ده حد يرفضة قيمة ومركز وكمان ديموقراطى بيخيرك تنامى على السرير ولا لا فيه وداعة اكثر من كدة لا بجد ملكوش حق نفسى اعرف اصلا مين اللى فتح للبنى أدم ده الباب وجاى من وش مين العريس ده اتفرجوا على العريس اللى انا محضرهولكوا بعد كدة وانتم تعرفوا الفرق

الطائر الحزين يقول...

فرنسا
تحددوا المواعيد ولا احدفكم بالطوب ؟
تحددوا المواعيد ولا احدفكم بالطوبون ؟

عبده الرايق يقول...

الشاعره الكبيره
واميره الشعراء
فرنسا هانم
ياريت خالتى ام فرنسا كانت جابت منك طقم
كانت اللغه العربيه والشعر العربى سطع فى سماء اللغات الحيه والميته كمان
ايه الجمال ده
ايه الحلاوه دى
ايه الشعر ده
ههههههههههههه
ههههههههههههههه
ههههههههههههههه
وانا اللى كنت فاكر نفسى شاعر وجهبز
طلعتى انتى شااااااااااااااااااعره
وجهبوزه كمان
هههههههههههههههه
ههههههههههههههه
وبعدين حدفى بالطوب براحتك
الطوبه بتلف تلف وترجع لصاحبها
هههههههههه
فين ايامك يا ام دبو ؟؟؟؟؟؟؟؟؟

عبده الرايق يقول...

حنين القلب وصبرنى يارب
بنااااااااااااااااات
باباااااااااا
تسلموا يا بنات
فعلا بوست جميل
والعريس خد حقه تالت ومتلت وهيحرم يتقدم لخطوبه اى بنت تانى
منكم لله يابنات الرايق هتتسببوا لعنوسه نص بنات البلد

عبده الرايق يقول...

همس الاحباب
انت الاصل ياباشا

صيدلانيه طالعه نازله يقول...

يعنى نروح نعلق فى مدونه تانيه و لا ايه
ايه رايكم انا اللى ارد على تعليقاتكم المره دى عشان ابقى جهه محايده
ياصبرنى يا حبيبتى مرسى فى اليد و لا عشره هيثم على الشجر و اللى ميعجبكش وشه النهارده بكره تحتاج لقفاه
حنين كبرت الموضوع فى دماغك عشان تقعدك جنبها و لو فكرتى حتلاقى مرسى ده سكره و انتى اللى دوبتيه

الفراغ يقول...

اسرة الضاحكون
اشكركم جميعا فرد فرد
صبرنى..عبده الرايق..حنين..فرنسا هانم.. الطائر الحزين
اسعدكم الله كما اسعدتمونا
بس زعلت قوى على العريس..مش عارف كان جاى فى عربيه عاديه ولا عربية اسعاف
يلا خيرها فى غيرها