الأحد، أبريل 12، 2009

عيله تجنن ..قال من همه بيحب واحده قد امه ..

تدخل حنين القلب اوضة اخوها همس الاحباب بعد ما ايدها اتهرت من الخبط على الباب .. وتبص تلاقيه عمال يقربع ( يشرب ) عرق سوس ويرمى الكوبايه على الارض زى ما يكون بيسكر وعمال يغنى ويقول هات الازازه واقعد لاعبنى .. تسمى حنين باسم الله وتدخل عليه وهى حاطه ايدها على مناخيرها من ريحه الاوضه

حنين القلب:- مالك يا اخويا يا حبيبى قافل على نفسك بقالك اسبوعين لحد ما ريحتك طلعت

همس الاحباب:- بت انتى اطلعى من دماغى انا مش طايق نفسى ولا طايق اشوف سحنتك

حنين القلب:- ليه بس احكيلى دنا اختك الصغننه وستر وغطا ولحاف عليك طمنى عليك لحسن انا حاسه انك عامل مصيبه ومخبيها علينا

همس الاحباب:- اقولك ايه.. ولا ايه !!! ام زغلول رفضتنى يا اختى ااىء اىء

حنين القلب:- بس يا خويا سد وبطل عياط وقولى رفضتك ازاى يعنى ؟؟هو انت كنت عايز تتجوز بنتها الهبله ام ضب ؟؟

همس الاحباب:- بنتها مين يا عبيطه .. انا كنت عايز اتجوز ام زغلول نفسها يا هبلة

حنين القلب:- يا لهوووووووووى ام زغلول دى اكبر من ماما ويمكن كانت مع تيتا فى كى جى وان

همس الاحباب :- والله ما انتى فاهمه حاجه يا بنتى الدهن فى العتاقى

حنين القلب:- عتاقى ايه يا اهبل دى متخزنه من سنه 19 وزمانها اتحنطت فى المتحف كمان .. يابنى ده تاريخ صلاحيتها انتهى من 30 سنه

همس الاحباب:- انا قولت من الاول انك مش هتفهمينى ما انتى لابسة الجزمة فى مخك مش فى رجلك

حنين القلب:- طيب احكيلى من الاول يا سى روميو وانا هحاول اقلع الشوز

همس الاحباب:- بصى يا ستى انا بعد ما مات جوزها من 16 سنه وانا براقب اخلاقها عمرها ما بصت لحد ولا ادلعت على حد ولا حد قدر يتحرش بيها !!

حنين القلب:- انت كنت بتراقبها وانت فى الاعداديه ؟؟ واخلاق ايه يا منيل دى مين اصلا اللى يبصلها ؟؟؟.. دى تعلم العفه
همس الاحباب:- هتتخرسى ولا اسكت؟؟؟ وبعدين انتى اش فاهمك فى الحب والغرام من اول نظرة .

حنين القلب:- اتخرسنا اتفضل كمل يا ترافولتا
همس الاحباب:- اول مرة كانت واقفه فى فرن العيش بصتلى وضحكت قولت بس الدنيا ضحكت فى عنيه لقيتها بتقولى ممكن تجبلى معاك بجنيه ونص عيش قولت ليها عنيه ومن يوميها وكل يوم اروح الفرن اجيب ليها العيش واتخانق واتضرب مطوة... مرة فى وشى والتانيه فى جنبى والتالته فى رجلى بس كله يهون علشان عيون ام زغلول.

حنين القلب:- وربنا انت عبيط دى بتضحك عليك مش ليك علشان تجيب ليها عيش وانا اقول الواد ليه كل يوم يروح الفرن ويتخانق ويتضرب مطوة لحد ما بقيت مفتح من كل حته شبه شنطه السكاكين.

همس الاحباب:- وكمان كنت باخد عيالها التمانيه افسحهم وهى اللى علمتنى اعتمد على نفسى واشتغل علشان اقدر اصرف عليها وعلى عيالها .
حنين القلب:- يا ابنى بدل ما تشوف بنت من سنك تبتدى معاها حياتك وتعملوا اسرة رايح تاخد اسره جاهزة وكمان ب 8 عيال وطبعا كانت بتضحك عليك وتاخد فلوسك؟؟

همس الاحباب:- عمرها ما طلبت منى مليم انا اللى كنت بحس انها مزنوقه كنت بساعدها وعادى ما هى بكرة هتبقى مراتى ومسئول عنها وما فيش بين الخيرين حساب

يفتح الباب عبده الرايق ووراه فرنسا هانم حكم الرايق بيشم بريحة الفلوس على بعد اميال

عبده الرايق:- فلوس !!!! انا سامع كلمه فلوس .. بتصرف فلوسك على ام سحلول واحنا مش لاقين ناكل؟؟ يو ار بوى عايز تتربى من اول وجديد ..ده انا افتكر جدى من زمان كان بيعاكسها يا عبيط

حنين القلب:- لا وكمان بيجيب ليها العيش من الفرن ويسيب ماما واقفه فى الفرن لحد ما تقع من طولها وتيجى الستات شايلنها من التعب

فرنسا هانم:- يا خسارة تربيتى فيك هو انت زى القرع دنا حملتك 3 سنين و15 يوم

عبده الرايق:- ماله بس القرع ..ليه كده يا فرنسا راعى ظروفى ..وبعدين 3 سنين ازاى يا ستى هما مش 9 شهور ولا هو كان حمل جملى وبعدين ايه 15 يوم دى كماااان .

فرنسا هانم:- ماهو كان ضعيف ومكسح ومشى متاخرمش شايف شكله عامل ازاى عضمه فوق لحمه زى اللى عنده جفاف وبعدين جاتله الحصبة قعدت بيه 15 يوم يا خايب

حنين القلب:- خلاص يا بابا خلاص ياماما انا هتكلم مع خالد واحاول اعقله

عبده الرايق :- ماشى يا رب يضربك ما هو ليل ونهار عمال يلطش فيكى وانتى زى القط بتحبى خناقك.

فرنسا هانم :- سيبك منهم يا سى رايق دول عيال ناقصين ربايه يلا بينا بلا هم قال الموكوس بيحب .

حنين القلب:- المهم دلوقتى ايه مشكلتك ؟؟اروح اكلمهالك؟؟

همس الاحباب :- لا..لا.. انا كرامتى فوق اى شىء بس انا بحبها وفى قلبى ساكن حبها بحبك يا ام زغلول .

حنين القلب :- على اساس ان قلبك مساكن شعبية لام زغلول وعيالها

همس الاحباب :- لا عشة فراخ يا خفيفة المهم انا عايز انساها دى خلتنى اعد النجوم فى عزالضهر وطيرت النوم من عينى وخلتنى مدمن عرقسوس

حنين القلب :- سهله خالص بص يا سيدى انا شوفت فى فيلم بيكهربوا الواحد لما يكونوا عايزين ينسوه حاجه استنى....

وتقوم حنين القلب تقطع سلك السخان وتجيب لاصق وتحط طرف على اخر حاجب همس الاحباب اليمين والطرف التانى عند اخر حاجبه الشمال .

حنين القلب:- مستعد يا سيدى ؟؟؟

همس الاحباب وهو مرعوب :- انتى متاكده من الطريقه دى يا حفيدة ريا وسكينة ؟؟

حنين القلب:- اطمئن بكرة هتدعيلى استعد 1 2 3

همس الاحباب :- اه اه اه ااااااههههههههههههههههه.. الحقونى

هناك 84 تعليقًا:

صيدلانيه طالعه نازله يقول...

اول تعليييييييييق

حنين القلب يقول...

نزل امتى ده ؟؟

وربنا ده ظلم

مااااااااااشى

حنين القلب يقول...

اهم حاجه انى قبل خالود


ههههههههههههههههههههههههههه

ولاول مرة انا قبلك
وش بيطلع لسانه وبيغيظك

صيدلانيه طالعه نازله يقول...

و الله من الفرحه انى اول واحده نسيت عايزه اقول ايه
انا فييييييين بالضبط بتكهربى الواد عشان ينسى ياخى عنه ما نسى انا حاسه انك بتعذبى واحد مقبوض عليه فى الاضراب مش اخوكى اتقى الله يا شيخه و حرام عليكى يعنى ده مهما كان اخوكى ابن امك و ابوكى و لو مكنتيش خايفه عليه خافى على حواجبه

صيدلانيه طالعه نازله يقول...

لا بقى انا اللى قبلكم انتوا الاتنين بلاش ظلم و افترا

همس الاحباب يقول...

يا نهار ابيض
ينفع كده
انا شغال برد على التعليقات فى البوست اللى فات
وانتو هنا
عامة اعتبر نفسى
اول تعليق

حنين القلب يقول...

صيدلانيه طالعه نازله

انتى لو ده اخوكى هتعمل فيه اكتر من كده

دنا هيشل حواجبه علشان ينسى اسمه اصلا وانزله الشارع واتوهه

ونبقى كده خلصنا منه خالص
هههههههههههههههههههههههههههه

حنين القلب يقول...

صيدلانيه طالعه نازله

يا حبيبتى يشرفنى انك تكونى قبلى انما خالد ده لالالالالا

اصلك مش عارفه هو كان محتل التعليق الاول الحمد لله راح منه

نورتينا يا سكرة

maiosha يقول...

ههههههههههههههههه
الله هم دول الإخوات ولا بلاش
ياما نفسى أجيب البت اختى وانسيها تاريخها كله
هههههههههههههه

بس حرام عليك يا خالد بتحب واحدة اسمها ام زغلول... زغلووول
يعنى إذا كان ابنها الكبير اسمه زغلول امال بقيت عيالها السبعة اسمهم ايه؟؟

ههههههههههههه
ربنا معاكى يا حنين والله يا ريت تعلى فولت الكهربا شوية كمان

ههههههههههههههههه

همس الاحباب يقول...

صبدلانية طالعة نازلة
مبروك عليكى اول واخر تعليق
كماان
سماح المرة دى

همس الاحباب يقول...

حنين القلب
معلش مرة على نفسك
مراعاة لحالة الكبت
ممكن نتنازل ونسامحك

همس الاحباب يقول...

صيدلانية طالعة نازلة
هههههههههه
نسيتى ايه يا دكتورة
انتى فى الضاحكون
هههههههه
خليكى شاهدة
حد يعمل فى اخوه كده
هانت عليها حواجبى
ده ما كانش عرقسوس اللى بينا
منورة يا دكتورة

همس الاحباب يقول...

حنين القلب
على قلبك يا بنتى
وتعالى قابلينى لو شوفتى اول تعليق
وبعدين تتوهى ميين يا حفيدة ريا وسكينة

حنين القلب يقول...

maiosha

والله نفسى يا حبيبتى اعلى الفولت على 1200 بس يا خسارة اخرنا 220

بصى هنزله الشارع واسحب كهرباء من العمومى واكهربه

كوووووووووووويس كده

اخيرا لقيت حد فاهمنى
ربنا يخليكى ليه يا ميوشا

حنين القلب يقول...

همس الاحباب

يا بنى انت بميت روح مش انا لسه مكهرباك

اعمل فيه ايه ده يا ربى

لو انا حفيده ريا وسكينه تبقى انت حفيد دراكولا

ابعد عنى مش كل مرة تسلم الجرة

مرة كنت هفتح بطنك والتانيه كنت هكهربك
التالته تاااااااااابته

همس الاحباب يقول...

ميوشا
حرام عليكى اختك
ايه ذنبها تقلدى واحدة ضاربة
وبعدين من كتر حبى فى بلح زغلوول
حبيت ام زغلوول
ههههههه لا بلاش خلى الطايق مستور
اول العنقود زغلوول اكيد اخره شلفنطح
ههههههههه
شكرا يا ست الكل
انا عارف انك جااى تهدى النفوس
وعلى الفولت يا جدعان
هههههههه

همس الاحباب يقول...

حنين القلب
كله بحسابه يا حنين
الحساب على قوى قوى
مرة فتح بطن
ومرة كهرباء
عامة انا عامل حسابى وجايب كابل عمومى واخد كهربا من السد
وناوى اعملك جلسات كهربا
وعلاج طبيعى على لسانك

حنين القلب يقول...

همس الاحباب
مش لو لحقت
انت خلالالالالالالاص انتهيت
قولت ليك التلاته تابته
عارف سندوتش شاورما الفراخ اللى اكلته وانا عملته ليك بايديا
كان فيه سم فيران
يعنى خلالالالالالالالالالالالالالاص
الله يرحمك يا خالود
والله كنت طيب
هيييييييييييييييييييييه خلصت منه

الحق قول وصيتك

همس الاحباب يقول...

حنين القلب
شاورما وسم
ياااااااااه اخيرا هموت وانا مستريح
بص قبل ما اودع
لازم اكتب وصيتى ولا بد من تنفيذها
اول حاجة
الحكم على شجرة الدر ( حنين القلب سابقا ) بالموت ضربا بالقباقيب
ولو منفعتش
يبقى نرميها من اعلى البرج
لو منعفش نعلقها فى هلب وزن 2 طن ونرميها لاسماك القرش
بصراحة هتصعبى عليا اسيبك لوحدك من بعدى تقرفى الناس

الفراغ يقول...

مش عارفه احييكم هنافى التعليقات
ولا فى البوست الهايل بتاع ام زغلول
اعملى اللى يعجبك فيه يا حنين
صحيح زى القرع يمد لبره..
مانا هنا اهو..من ايام ثورة 19 بس
وكمان عندى بنتين واحده منهم متزوجه يعنى فضياله..ونعيش احلى قصة حب ونخلف صبيان وبنات نضمهم لاحلى عائلةفى الدنيا(الضاحكون)
دمتم يا احلى مدونه واحلى مدونين

حررروووف يقول...

hahahahah
eh el post el gamed dah

عبده الرايق يقول...

هيييييييييييييييه
اول تعليق
الحمد لله

عبده الرايق يقول...

هو انا مش الاول ياولاد ؟؟؟؟؟؟؟
ده نصب
ده احتيال
ده تلاعب فى التاريخ
وعلى رأى الشاعر العظيم اذ قال
ان الدول تشدو برحيقها
على جنبات جدول معزول
فيا ليت السيوف بشدوها
تتلاقى فى جنبات العزول
وانى ملاقى الاحبه بلهيبها
فى دنيا خالتى ام زغلول

عبده الرايق يقول...

وكما قال الشاعر ايضا

اننى انا العاشق الولهان
وكم كتبت شعرى فى بستان
اننى انا الحبيب الهيمان
فى عالم الاحبه وعالم الخلان
اننى اناالجعان والجوعان
فلم يدخل معدتى ياجدعان
من الامس الا باكو لبان

عبده الرايق يقول...

خالد
حنين
تعظيم سلام
بوست عسسسسسسسسسسسسسسسسسسل
تحيه لكم من
من
من
يارب فكرنى
انا اسمى ايه ؟؟
من
من
ايوه افتكرت
من ابوكم عبده باشا الرايق

عبده الرايق يقول...

على فكره يا خالد
رابعا :- انا متشكر جدا على البوست اللى فات
سابعا :- انا متشكر جدا على ردك على الناس
عاشرا :- انا مش وصلنى منك اى هديه
عنوانى ميتوهش خالص
واليك العنوان لترسل الهديه فورا
درب التبانه - المجموعه الشمسيه - كوكب الارض - يصل ويسلم ليد عبده باشا الرايق

صيدلانيه طالعه نازله يقول...

يعنى برضه عبده يجى و يقول اول تعليق و هوا رقم 23 طب يرضى مين ده بقى
و الله يا حنين مش خساره فيهم كل كهربه الدنيا انتى اعملى زى فيلم كركر و حطيهم فى البانيو وارمى السلك فيه و اخلعى انتى جرى و طبعا ده ماس كهربى و اللى عمله شخص مختل

عاشقه الرومانسيه يقول...

حنين بتخلص تارها اول باول من اللى انت عامله فيها ياخالد
هههههههههههههههه
مش خساره فى طيبه قلبك
ام زغلول يامفترى؟
حد يحب حد اسمه ام زغلول
و8 عيال؟

الطائر الحزين يقول...

100 100 بجد وهو قضى اخف من قضا الكهربا احسن من ام زغلول

همس الاحباب يقول...

الفراغ
حتى انتى يا ماما فرحانة فيا
ههههههههه
طبعا شرف لينا كلنا انك تكونى اجمل واحن ام فى الدنيا
ام زغلووول مين دى اللى تيجى جنيك يا جميل
ده انتى قمر واحنا نجوم حواليكى
ربنا يخليكى لينا وما يحرمناش منك يا ماما
وانتى الحب والحنان كله
وطالما انك من ايام 19 افكر فى الموضوع وبلاها ام زغلول
ههههههه
تحياتى وتقديرى

همس الاحباب يقول...

حرروف
ههههههههه
هههههه
بعض ما عندكم يا حروف
ربنا يكرمك واشوفك كلمات قد الدنيا
تحياتى يا سالى

همس الاحباب يقول...

عبده الرايق
ههههههههه
فعلا اول تعليق
صباح الجمال يا روقة

همس الاحباب يقول...

عبده الرايق
عظمة على عظمة يا روقة
ايه الجمال ده
يلا مبروك عليك ام زغلول وعيالها
هيص يا عم ست بعيالها جاهزة من مجاميعه

همس الاحباب يقول...

عبده باشا الرايق
هههههههه
هو الاعداد بتبدا عندك من رابعا
طب كويس
ثالث عشر
لا شكر على واجب
مع انه اقل من الواجب
سابع عشر
كل الهدايا ما وصلتش
اكيد حسن الفراش قلبها من ساعى البريد
تصدق يا راجل بعتلك 18 شاليموه
وقلت خلى العصير عليك
ربنا يديم المحبة ما بينا

همس الاحباب يقول...

صيدلانية طالعة نازلة
معلش العيلة عندها بعد نظر وكلنا بنشوف اننا اول تعليق
ههههههههه
وبعدين بانيو وسلك حرام عليكى
البت حنين لاسعة وتعملها وربنا
يلا البقاء لله فينا
ربنا ما يحرمك من طلوع ونزول السلم يا دكتورة

همس الاحباب يقول...

عاشقة الرومانسية
ههههههه
خليكى شاهدة علشان لو مسكت فى زمارة رقبتها وزمرت بيها محدش يحوشنى ولا يعتب عليا
ههههههه
ربنا يكرمك من يومك اميرة واخلاق يا بنتى
ام زغلول قسمتى ونصيبى
منورة دايما يا دودو

همس الاحباب يقول...

الطائر الحزين
ههههههههه
هههههههه
هى بقت كده يا ايهاب
ماشى يا باشا
بينى وبينك فعلا قضا اخف من قضا

حنين القلب يقول...

الفراغ
عنيه يا حبيبتى
صحيح مفيش نظر ده انتى قمرررررررر

بس والنبى انا اخاف عليكى منه
ده نظره ضعيف وقصير والنبى تتجوزيه على ايه ؟؟

ربنا يخليكى للضاحكون
وليه انا بالخصوص

حنين القلب يقول...

حرررررررررروف

مش اجمد منك يا جامد

وحشتينى يا سوسو

حنين القلب يقول...

عبده الرايق

طبعا الاول يا بابتى

وايه الشعر الجامد فى ام زغلول

يا عينى عليكى يا مامتى
ان ما عمره قال فيكى بلكونه شعر حتى مش بيت

بابتى اعترف انت صارحت ام زغلول بالشعر ده؟؟

حنين القلب يقول...

عبده الرايق

تعظيم سلام ليك يا بابتى

دنا تربيتك
مش بنتك الصغننه

ربنا يخليك لينا يا بابتى

حنين القلب يقول...

صيدلانيه طالعه نازله

مش يرضى حد
احنا عيله نظرها ضعيف
دايما نشوف نفسنا اول تعليق
هههههههههههههههههههههههه

حااااااااااااااضر يا دكتورة
انت تؤمرى

بس منكن سؤال
انت بتقوليلى اعملى كده وبتقولى طبعا اللى عمل كده شخص مختل تقصدى بالمختل انااااااااا؟؟؟؟

حنين القلب يقول...

عاشقه الرومانسيه

طبعااااااااااا
خالد ده لازماً ولابد اخلص منه اول باول لحسن يفترى عليه

بكرة يحب ام كركوب

حنين القلب يقول...

الطائر الحزين

مش كده والنبى يا ايهاب
قال عايز يتجوز ام زغلول
الواد ده عقله طار
خلالالالالالالالالالالالالاص

سومه...مجنونه فى بلد عاقل يقول...

ههههههههههههههه بتهرجوا
والنعمه بتهرجوا
انت ديما عامل مصايب يا همس

سومه...مجنونه فى بلد عاقل يقول...

كويس انى عزلت من جنبكم الا بطيخ بيغير عليا
كان قرا البوست وقلبها ضلمه
عشان ابنك يا خالتى فرنسا وبعدين ملقيتش غير ام زغلول طب كنت بص لحد عدل

سومه...مجنونه فى بلد عاقل يقول...

هههههههههههه رايق
دى وصف ساهله دى واصفه هايل
قال درب الدبانه قال

Dr. Kafy يقول...

عايزين نعرف إيه اللى حصل للواد بعد كده؟
أكيد فيه جزء ثانى للفيلم ده، مش كده؟

:-)

طعمية سخنة يقول...

يا عاطف يا ابني اعقل
الست سونا جارتنا دي ...........

عليا الطلائع مانتم نافعين !

فرنسا هانم يقول...

خالد
انا كنت ناويه اعزمك تصيف عندنا فى السويس
لكن كده بقى انا اخاف على ام دبو جارتى
هى ست مسترجله ومساحتها 3 متر طول فى 3 متر عرض
لكن برضه كده انا اخاف لتقع فى حبها وتخطفها مننا

فرنسا هانم يقول...

حنين
ازيك يا حبيبتى
انا عارفه انى ام مستاهلشى
ومقصره معاكى
لكن
انا بحييكى على كهربه الواد خالد
لانه يستاهل اكتر من كده
ههههههه
قال ام زغلول قال

thunder يقول...

تدونية اكتر من رائعة بجد
بس انتوا متاكدين ان محدش من العيلة دى اشتغل فى البوليس السياسى ولا مع هتلر قبل كدا
وبعدين مالها ام زغلول بس الواد عدنه حق يتقهر ياعينى اظاهر انه الصبح بيشوف الدنيا معكوسة حد يلبسة نضارة وكهربيه على 220 فولت يمكن يطلعه مخ فيها العملية دى هههههههههههههه
لا بجد سعيد فعلا باول زيارة فى المدونة الجميلة جدا دى
دمت بكل ود و بماتحبوا يارب

جنّي يقول...

السلام عليكم

يا نهار ابيض كرهبتي الواد يا حنين .. ليه هو كفر ولا كفر دا عايز يتجوز ..

ولا يهمك يا همس انا ها اجوزك ام وطنية جارتنا لا عيل ولا تيل وهاتشربك كركديه ساقع احسن من الرقسوس ..

فوبيا - سايكولاند يقول...

هههههههههههههههههههههههه

طيب وسلك السخان حصله حاجه

الدفاع يقول...

ام زغلول؟؟؟؟!!!! هى حصلت؟؟؟؟؟؟؟؟؟ بقى الواحد يغيب عنكوا يرجع يلاقى الحاله اتدهورت بيكوا كده؟؟؟؟؟؟
وعندها 8 عيال؟؟؟ يالهوى؟؟ طيب هاتتجوزها على ايه؟؟؟؟ دى مش لاقيه تاكل
طيب انا افهم بقى انك تكون راسم على ثروتها مثلا على اساس انها هاتودع بدرى انما دى مفلسه ومش لاقيه تاكل هى وعيالها
الا اذا كنت بقى مفكر انك هاتورث عيالها وتبيعهم بقى (تجارة اعضاء) ايوه تبيعهم قطع غيار بس خلى بالك زغلول واخواته ما يجيبوش 3 تعريفه لان اعضائهم ماتركبش على حد حاليا
يعنى الحسبه خسرانه خسرانه
لا والتانيه بتكهربه ونعم الاخوه يا جدعان
ايه البوست ده؟؟؟ اكيد مستوحى من قصص دراكيولا او فرانكشتاين
انا ارى انك يا حنين تريحى نفسك وتروحى تكهربى ام زغلول واجرك على الله
خلى بالك هى يادوب تتكهرب بحجرين قلم
وتخلص وساعتها انا هاطلعك براءه من القضيه ماتخافيش العمليه مضمونه يا معلمه
وشكرااااااااااا
السلام للجميع

Doba يقول...

اخص عليكى يا حنين
بجد بجد

بجد اخص عليكى
===========
ليه تكربيه وتسيبيه يفوق
لييييييييييييييييييه

ده كان احسن عذاب له واحسن رادع انه يتجوز ام زغلول

ام زغلول هيه من يطلق عليها تهذيب وتأديب وإصلاح

يااااااااااااااه

يا بنتى دى قدرت تعمل اللى عيلة الرايق مقدرتش تعمله

خلته يشتغل
وبتاخد فلوسه
وعيالها هياكلوه
ويحلو بالباقى

لا بجد انا زعلانة
============
وانت يا خالود

انا موافقة ومعاك ف موضوع ام زغلول
اوعى حد يخليك ترجع ف كلامك

كله الا الحب
وما الحب الا للحبيب الاولى
ام زغلولى اللولى كواللولى

زواج سعيد
********
********

عبده باشا الرايق
****************

كل سنة وانت طيب
عقبال 100 سنة ف فرح وهنا يارب
والاسرة كلها بخير

وفعلا تميت 44 سنة ولا محمرق ف 10 15 سنة كده ومخبيهم - اطلع من دول

عفوا والله بقالى كتير مكنتش بدخل عالمدونات لكن بمجرد مقريت الحاجت السابقة قلت لازم اهنيك

برج الحمل وديع فعلا وطيب واخلاق
ولكن الخوف كل الخوف من قلبته ونرفزته

الله يكون ف عون مسز رايق
ودايما مدلعاك هيه والاولاد

تحياتى وامنياتى بكل التوفيق الدائم
هبة

همس الاحباب يقول...

سومه مجنونة
انا مش عامل حاجة
ده انا حتى وديع وهادى وبسمع كلام طنط سومه واونكل بطيخ
بس هما مضهدينى يا سومه
هههههههه

همس الاحباب يقول...

سومه مجنونة
هو انتى عزلتى
طب الحمد لله
مع ان البلد دى احسن من غيرها
واونكل بطيخ بيغير عليكى من القشر ولا ايه
ههههههههه
منورة يا سومه

همس الاحباب يقول...

dr.kafy
ههههههه
الواد الله يرحمه
حد يتكهرب بايد حنين وبفضل عايش
البقاء لله
يا دكتور فى الواد
مع انه كان طيب
منورنا يا دكترة والله

همس الاحباب يقول...

طعميه سخنة
ههههههههه
وانا عليا الطلائع
انتى منورة وطعمك زى الفل انتى وسخنة بس
ههههههه
تحياتى

همس الاحباب يقول...

فرنسا هانم
ههههههههه
لا ما تخافيش
ام زغلوول دى كانت نزوة
وبعد الكهرباء انا نسيت ام زغلول
ونسيت سعد زغلول نفسه
وام دبو حد الله
ممكن افكر اجوزها للرايق
هو ابن حلال ويستاهل ام دبو

همس الاحباب يقول...

فرنسا هانم
هههههه
حتى انتى يا مامتى
وبتحبى مقصوفة الرقبة على عمايلها هباب
بدل ما تقوليها عيب يا ولاد العبوا سوا
بس علشان خاطرك انتى انا مسامح
وناوى اقطعها وابيعها فى السوق السوداء

همس الاحباب يقول...

ثندر
ههههههههه
لا احنا عيلة من يقايا الحرب العالمية
حتى حبنا بيبقى لمخلفات الحروب
زى ام زغلول
طبعا احنا اسعد بزيارتك
ومنورنا دايما
ربنا يكرمك

همس الاحباب يقول...

جنى
عمو سعيد
شايف اللى بيحصل فيا
العيلة دى عايزة منى ايه يالظبط
هى ام وطنية معاها عيال
اهو نسرحهم فى الاشارات بمناديل
كركديه ساقع
انا موافق على الاقل اطعم من العرقسوس
منورنا ورافع من روح المعنوية ياسعيد باشا

همس الاحباب يقول...

فوبيا ..سايكولاند
ههههههههه
ههههههههه
سلك السخان بقى مرسال الغرام مع ام زغلول
هههههه
تحياتى وسعداء بزيارتك جدا

همس الاحباب يقول...

الدفاع
حمدلله على السلامة يا اسامه باشا
ام زغلول دى مشكلة بو شفتها هتغير رايك
وبعدين 8 عيال اهو نسرحهم فى الاشارات
ههههه
انا لو منك توكل على الله وهات لحنين اعدام
وانا متكفل بكامل الاتعاب والمصاريف
شد حيلك انت بس
منور يا اسامه

همس الاحباب يقول...

دوبا
ام يوسف
مفتقدينك والله
حمدلله على السلامة
عندك حق با ام يوسف
انا بقول كده
بس ما حدش فاهم حاجة
فعلا ام زغلول تهذيب وتاديب واصلاح
على اساس انها معتقل ابو زعبل مثلا
ههههههه
ربنا يسعدك وتنورينا دايما يا دوبا
تحياتى

حنين القلب يقول...

سومه ..مجنونه فى بلد عاقل

طبعا بنهرج يا سومه
مهو عايش اهه وبيرد
يعنى لسه فيه نفس

يااااااا رب قوينى اخلص عليه

احسن حاجه انك عزلتى لحسن ده لاسع

حنين القلب يقول...

dr.kafy

ان شاء الله ليه جزء تانى
بس فى المشرحه لما اخلص عليه
خااااااااااااالص

حنين القلب يقول...

طعميه سخنه

والنبى انا برده بقول كده

طيب نعمل ايه ؟؟

حنين القلب يقول...

فرنسا هانم

يا مامتى انتى احلى واحن واطيب ام فى الدنيا

مش كده يا مامتى
انا بفكر اعذبه تعذيب الكفار المرة الجايه واجيب حجر كبير واحطه على قلبه اوقفه ليه

ايه رايك ؟؟؟

حنين القلب يقول...

thunder

ايوه طبعا
انا بقرا رويات ادهم صبرى
تعرفه
هههههههههههههههههههههههه

انا هكهربه على 1200 فولت لو مش اتعدل هجيبله هالصقه فى عمود النور فى الشارع

احنا اسعد بزيارة حضرتك
نورتنا

حنين القلب يقول...

جنى

يتجوز مين يا عمو سعيد؟؟

طيب جوزه كده ام وطنيه وابقى ولا حاجه لو خليته نايم وولعت فيه
وهحط على الكركديه سم فيران

ههههههههههههههههههههههههههههه

حنين القلب يقول...

فوبيا- سايكولاند

سلك السخان للاسف مش اتحمل تيار الكهربه

بص هشترى سلك اتخن منه علشان يتحمل
مااااااااااااااشى

حنين القلب يقول...

الدفاع
شوفت غيابك يا عم الحج عمل فينا ايه؟؟
انت ترى
وانت مالك ترى ولا مش ترى يا سمسم
ما تخليك فى حالك
انت جاى تهدى النفوس
هههههههههههههههههههههههههههه

عارف يا اسامه
انا امنيه حياتى تكون انت الرجل الثانى فى الكهربه
هههههههههههههههههههههههه
وانا مش هستخصر فيك العمود كله
يلالالالالالالالا ان شاء الله محد حوش

ومش هحتاج محامى لانى هقول انها قضاء وقدر وانت اللى اخدت العمود بالحضن

منور يا اسامه ومش تغيب تانى
مااااااااااااااشى

حنين القلب يقول...

دوبا

اعمل ايه قولت اعمل فيه معروف
بس عارفه انا هجوزه ام عكروت اهه تتبناه وتموت ويدبس فى تحنيطها

وحشتينى يا ام يوسف
عامله ايه
يا رب يخليكى ليه ويبارك فى زوجك ويوسف

الدفاع يقول...

ايه يا ست حنين انتى استحليتى اللعب بالكهربا ولا ايه؟؟؟؟؟ خلى بالك استخدامك للكهربا زاد وممكن يركبولك عداد بعد كده والفواتير تكتر بقى وتبقى حكايه
انا عموما بلغت شركة الكهربا وهما زمانهم فى طريقهم ليكى لعمل المعاينه اللازمه وتركيب العداد انا شايف تلحقى تستخبى وانصحك انك تستخبى فى اقرب كشك كهربا اهو منه تشحنى وتعلى الفولت على ما يمشوا
(وش بيطلع لسانه)
متشكر على انك خلتينى الرجل التانى
مش ده برضه منصب مهم فى العصابه؟؟؟؟؟
مش عارف من غيرك كنت عملت ايه
سلام

صبرني يارب يقول...

ازيييييييييييكم يا حلوين

والله واحشني

طبعا بما انى عضوه فى الضاحكون فانا باغيظ كل الناس واقولهم انى قريت الموضوع ده من زمان فى الدرافت

وقريته تاني دلوقتي وقعدت اضحك برضه زي الهبل

هايل يا كتاكيت جو اون

طعمية سخنة يقول...
أزال المؤلف هذا التعليق.
طعمية سخنة يقول...

صباح الخير !
اولا انا اسمي محمد محسن !
و من المنصورة كمان
يعني امور حبوب و بدور علي عروسة !:P
ثانيا تعملوا ايه ده محتاج يتفك و يتبرمج من تاني ! بسيطة يعني !

حنين القلب يقول...

الدفاع

ايه يا سى اسامه مش عجبك

يركبولى عداد تصدق فكرة
وبلغت شركه الكهربا
تشكررررررررررر يا سيدى

وعايزنى استخبى فى كشك الكهربا ده انت بتعزنى اوى وعايز تخلص منى
مااااااااااشى يا اسامه

لا يا سيدى الرجل التانى ده مش منصب فى العصابه ده دورك فى تخطيطى الكهربائى
يعنى الاول خالود وانت التانى
جهز نفسك بس انت هتوصى بيك شويه انت عارف غلاوتك عندى
هغرقك ميه وبعدين اوصلك بالكهرباء
الله هيبقى شكلك حلو اوى وانت مظبوط على 2200فولت

اااااااااى خدمه الواجب ده مش بعمله فى اى حد

هههههههههههههههه
وابقى ورينى هتطلعلى لسانك ازاى

حنين القلب يقول...

صبرنى يا رب


المهم انه عجبك يا ستى
والبوست الجاى هيكون احلى طبعا
ولا ايه يا عروسه
هههههههههههههههههههههههههه
مش حد فاهم حاجه بس هانت البوست الجاى هيفهمه


صبرنى والله وحشتينى يا ام مريم

حنين القلب يقول...

طعميه سخنه

منورنا يا سيدى
واهلا باهل المنصورة

بس انا مش فاهمه
هو ايه اللى هيتفكك و يتبرمج تانى ؟؟

مين اللى الكمبيوتر بتاعه باظ؟؟؟

MIDO يقول...

اول مره اعدى من هنا

بجد ش غل عالى جدا