هو : عارفة الست المريضة اللى جوزها موظف بسيط بتقول جوزها عاوز يعدد؟
هى: يعدد هو فيه راجل بيعدد؟
هو: ايوة امال مين اللى بيعدد؟؟
هى : سلامة نافوخك انت شربت حاجة النهاردة من برا يا خويا؟
هو : لا ولا من جوه وحياتك
هى : طبعا الست هى اللى بتعدد؟
هو : انت عاوزة تجننينى ولا ايه انا مش ناقصك على المسا
هى : انت اللى مش عارفة مالك هو انا غلطت فى ايه؟
هو : وفجأة نطت فى رأسة فكرة وقال ااااااااااااه فهمتك
انا مش قصدى الرجل بيعدد يعنى بيلهوى وبيخرابى وبيدهوتى قصدى بيعدد يعنى عاوز يتجوز على مراته
هى : اه انا قصدت ان الست هى اللى بتعدد وبتقولى يا حوستى ويا لهوتى لما بسلامته يتكل
هو : اه ما انا اخيرا فهمت كدة لهوى براحتك وخرابى براحتك
هى : بس الرجل هيسيب مراته ويعدد !!!!!!!!!!!!!!!
هو : عادى بقى ما انت كمان عاوزة تعددى فى اقرب فرصة
تصبحى على خير
هناك 31 تعليقًا:
شكرا على الجدوله يا خالد
ربنا يكرمك
انا هكتب البوست القادم وياريت تجدوله
الطائر الحزين
معظم اللى بيعددوا فى الزمن الاغبر ده
بيعددوا مرتين
مره بيعددوا الزوجات
والتانيه بيلهوى وياخرابى بعد ما يتكوا من نار المصاريف والغلاء
يعنى هيعددوا بشتى الوان التعدد
وكده نبقى كملنا الفلسفه
وما بين يعدد الاول و الثانيه يكمن التشابه بين الفعل و رد الفعل :)
الي هيعدد هيتعدد عليه
:)))))
او زي ما خالتي بتقول هوا هيعدد علي نفسه من غير مساعده خارجيه
شكرا علي البوست اللذيذ وعلي المدونه الي زي العسل دي
تحياتي
ههههههههههههههه
كل يغنى على ليلاه
ويفهم التعدد او التعديد علي هواه
مع ان فلسفة الزواج عزيزى الطائر
تقول ان المفروض الاثنين يفهموا بعض من لمحة ، كلمة، حرف
ربنا يبعد عن الكل التعدد والتعديد والتهديد والوعيد
تسلم افكارك
تحياتى
التعدد دي بقيت موضه
ربنا يرحمنا برحمته
مش بنقول حرام بس منقدرش يبقي التعدد سمه للعصر بدون اسباب
تحياتي للفكره
هههههه
شوف انا بيعجبنى الشيخ محمود المصرى فى كلامه اما قال
(هى واحد عليها نحيى وعليها نموت وعليها نبعث ان شاء الله)
وعلى راى جدى كفايه من الدست مغرفه
يعنى كفايه من الجواز نصيبه واحده مش لازم نصيبه وبلوى وداهيه اللى عاوز يجيب لنفسه مرض يتفضل يعدد بالطريقه اللى تعجبه
خالتو بقيت مدرسه لغه عربيه شكلها حتعمل دكتوراه فى تعدد
So Funny
Continue
مش ليه دعوه
انا كمان عايزة اعدد
هههههههههههههههههههههههههههه
تسلم ايدك يا طائر
بوست دمه عسل
فرنسا هانم
بتشكرى خالد على ايه ؟؟
اولا ده واجبه ويعمله من غير ما ينطق
ثانياً اكتبى انتى يا مامتى وانا اجدوله وانزله كمان رغم انى ولا بعرف اعمل اى حاجه من دى
بس خالود موجود
تسلم يا عم الحج
معني ذلك أن الرجل والمرأة كلاهما يعدد ولكن بطريقته
البيضه والا الفرخة
تعدد الزوجات او تعدد الازواج لو الزوجة عددت قبل الزوج يبقي الزوج مش ممكن يعدد لانه مات و لو الزوج عدد قبل الزوجة يبقي الزوجه ممكن تعدد لانه هيموت
تحياتي
هههههههههه
ونعمة الفلسفة
فلسفة التعدد
عدد يعدد فهو عداد
بس حلوة يا لهوى ويا خرابى
فيه العداد اجمل
يا بعلى ويا جملى وكده وكنت منور البيت
وكده
الستات بسم الله ما شاء الله عليهم
عايزين جنازة ويشبعوا فيها لطم
تصبحى على خير
عدد يا طائر ولا يهمك انا اشجعك
تحياتى
فرنسا هانم
ما فيش شكر على واجب
ده واجبى يا ستى
وبعدين انتى تقشرى واحنا ناكل
سوومه
اهلا وسهلا حمد لله على السلامة
ايه الغيبة الطويلة دى
انا قلت انك عزلتى من جنبنا
ورحتى سكنتى على النيل
سمعت ان بطيخ ورث 2 كيلو شمام
والعيشة بقت فل
حنين القلب
تعددى ايه يا حنين
النهار كله شغالة يا لهوى ويا خرابى
ويا حوستى
عداد اكتر من كده
انتى اخرك تقعدى جنب الحيطة وتحطى ايدك على خدك
حنين القلب
يا بنتى ارحمينى
انتى ايه جتتك نحست من كترالضرب
كل يوم ضرب ضرب ما فيش شتيمه
مامتى بتشكرنى
مش ليكى دعوة انتى
حوش حوش ما بلاش انتى يا بتاعت الجدولة
خلى الطابق مستور
علشان خاطر فر نسا انا مش اعلقك على باب المدونة
انا ابقى اجدع منك واعدد عليكى
هههههههه
و انتي من اهله
!!!!!!!!!!!!!!
هييييييييييييه
انا جيييييييييييييييت
مكافأه كبرى للى يقدر يعرفنى انا مين
فقط اتصل على رقم 0800 واكسب جايزه كبيره من بين الف جايزه
الجايزه الاولى 100 سحتوت
والجايزه الخمسين 30 سحتوت
والجايزه ال 500 20 سحتوت
او ارسل رساله sms واكتب فيها الحل
انا مين ؟
ويسعدنى انا العلامه الكبير الدكاتره عبده الرايق انا اتواصل معكم من جديد
اكيد الست دى هى اللى شربت حاجه من بره مش الراجل
لان التعدد هيكون شىء اساسى وضرورى فى ظل موجه الغلاء
لان الشباب خلاص بطل يتجوز
هيجيب منين يا حسره
فرنسا هانم
وحشتينى يا فرنسا
كيفك عامله ايه ؟؟؟
اوعى تكونى عامله ملوخيه بالارانب ولا بالجمبرى
علشان انا شايف مخرطه جنب باب المدونه
ربنا يستر
الساده الزوار
وابنائى الكرام
كاميليا
وسومه
وحنين القلب
وخالد
اسعد الله مساكم بالخير
وخلوا بالكم من المخرطه
هههههههههه
الرايق وصل
وبيتوحم على ملو خيه
ههههههه
فرنسا سايبانا بالجوع من ساعة ما غبت
وبتقولنا روحوا عند باباكم ياكلكم
وانت جاااااااى عشمان
فرنسا تعملك اكل
ما اوعكدش
بس بجد نورت المدونة يا روقة
وحمدلله على سلامتك
لالالا انا مش عشان خرجت من الفريق حسيبك تتريق على بطيخ انا لسه جارتكوا الحشريه
عم همس صبح ياعم الحج مش عليا الكلام دا
انا مش شايفه مشكله ان الراجل يعدد - يعنى يعدد فى فلوسه وفى مصروف البيت وفى دهب مراته وفى لبسها وفى فسحها يعنى هو لازم يعدد بس فى الحريم مافيش حاجه تانيه يعدد فيها؟؟؟عموما ربنا قال ان الراجل من حقه يتجوز 4 لكن ساب الخيار مفتوح قدام المرأه فى عدد الرجاله الى عايزه تجوزهم (اكيد بعد ماتعدد على جوزها )وعقبال عندكم جميعااااا
هي صحيح مريضة لأنها فاكرة جوزها الموظف البسيط ممكن يعدد , لكن الراجل نفسه يعدد . و طول ماهي بتعدد عليه حركاته و تصرفاته هايفضل بسيط و مش ممكن يعدد.
عبده الرايق
زغردى يا مامتى جوزك رجع بالسلامه
لووووووووووووووووولىلىلى
الف حمد الله على سلامتك يا بابتى
ويا رب تفضل معانا دايما ولا يحرمنا منك ابدا يا روقه
بابا بمناسبه رجوعك قبل عيد الاضحى فانا من مكانى هذا بسألك
هتضحى بمين ؟؟
وبفكرك ان ده عيد اللحمه يعنى مش تضحك علينا وتجيب ليه ربع ك لبن وتقولنا دى حاجه من الجاموسه اشرابوا شاى باللبن
نو
نو
نو
عايزين لحمممممممممممممممه
الف مليون حمد الله على سلامتك
وحشتنا
همس الاحباب
خالد انت عرفتنى ؟
ازاى ؟
كيف ؟
اين ؟
متى ؟
هو انت مكشوف عنك الحجاب يابنى ولا ايه ؟
همس الاحباب
اظن بقى مينفعشى الواحد يدخل مستخبى تانى
عموما تكسب الجايزه
مبروووووووووووك يا خالد
كسبت الجايزه الاولى
وهى عباره عن هديه قيمه للرايق بمناسبه الشفاء
وانا مش هغلى عليك الهديه
كفايه تدفع انت 100 الف دورر وانا اشترى براحتى
حنين القلب
لحمه ؟؟؟؟؟؟؟؟؟؟؟؟؟؟
لحمه ؟؟؟؟؟؟؟؟؟؟؟؟؟؟؟
لحمه ؟؟؟؟؟؟؟؟؟؟؟؟
سمعتها فين الكلمه دى قبل كده ؟
فين ؟
فيييييييييييييييييييين ؟
فين ؟
مش فاكر عموما اول ما افتكر هشترى اللحمه دى
انتى بنوتى الحلوه ولا يمكن ااخر عليكى اى طلب
بس ابعتى لابوكى 200 جند سلف لاول الشهر
مافيش طابور للمعددين ,, كتنظيم للمرور
أو كتابة في البطاقة
ذكر ... مسلم ... معدد
إرسال تعليق