السبت، نوفمبر 22، 2008

الزواج على الطريقة المحاسبية

الاخ ميزان بيحب الاخت ميزانية وعايز يتجوزها وراح بيتهم يطلب ايدها من والدها دار الحوار الاتى :

ميزان : عمى يسعدنى ويشرفنى انى اقترض ايد بنتكم ذات الاصول الثابتة الانسة ميزانية

ابو ميزانية : ما عندناش بنات للاقتراض يا ابنى واصولنا كلها غير متداولة

ميزان : ليه كده يا عمى ده انا عاملك دراسة جدوى ومقدملك كشف حساب ما يخرش الميه

ابو ميزانية : يا ابنى انا خايف تبقى زى اصحاب القروض وتهرب بره البلد

ميزان : مش ممكن ابدا يا عمى ده ميزانية بورصة حياتى وكل اسهمى وام اولادى متمم حسابى وفائض افندى

ابو ميزانية : علشان كده البورصة انهارت والاسهم خسرت يا ميزان افندى.

ميزان : لا يا عمى دى ازمة مالية عالمية اما ميزانية اسهمها ضد الانهيار

يا عمى انا ياما سجلت اشعارى واشواقى فى دفتر اليومية فى ميزانية دى ميزانية هى ارباح حياتى وخسارتها .

ميزانية : وانا يا حبيبى ياما عملت موازين مراجعة حبا فيك مع انه كل ارصدتها وهمية

ميزان : اكيد يا روحى حساب الاستاذ بتاعك كان فيه خطا فى الترحيل .

ميزانية : لا يا حياتى بس انت كنت بالنسبة لى ديون معدومة ومن غير مخصص كماااااان

ميزان : وانتى يا حياتى خزنتى السرية وكل ارصدتى المشكوك فى تحصيلها

ابو ميزانية : خلاص يا ولاد نعمل برنت اوت بكل الارصدة والحسابات ونجهز ميزانية

ميزان : وانا يا عمى عليا الاشهار ومصاريف التاسيس وكتابة العقد

ابو ميزانية : اشهار ايه وتاسيس ايه انت اتتجوز محل ولا دكانة

ميزان : لا يا عمى قصدى مصاريف الفرح والتجهيز والبركة فيك تسحبلنا على المكشوف قد 2 مليون جنيه نجهز نفسنا بيهم .

ابو ميزانية : سحب على المكشوف انا كل ارصدتى فى البنوك متجمدة رهن مقابل القروض المسحوبة

ميزان : قروض ورهن هو حضرتك حوت القروض المعروف اللى سرقت البنوك

ميزانية : بابا حوت قروض يا مفلس يالى ايحجزوا عليك ويعملوك تفليسه

ميزان : انا ايحجزوا عليا يا بورصة منهارة يا ديون معدومة..

فعلا طلعتى ميزانية متفبركة وارصدتك وهمية .

ميزانية : لا حووش حووش قال انت اللى طلعت ميزان مراجعة ارصدته مظبوطة

ميزان : على الاقل احسن منك ياللى شبه دفتر الشطب .

ميزانية : انا دفتر شطب يا مخزن الخردة يا مستودع الكهنة .

ابو ميزانية : خلاااااااص يا ولاد الف مبروك وربنا يتمم بخير

انا كده اتاكدت من الارصدة الافتتاحية والحساب الختامى .

خالد

همس الاحباب

هناك 72 تعليقًا:

عبده الرايق يقول...

الاول يا فرنسا
هههههه
راحت عليكى يا فرنسيس هانم الرايق
قصدى الدكاتره الرايق موجود
هههههه
تعيشى وتاخدى غيرها

عبدالله يقول...

جامده جدا يا حاج خالد انت كده شكلك بتفهم في المحاسبه كويس :)

تحياتي

عبده الرايق يقول...

ههههههههههههه
هههههههههههه
ههههههههههههه
الصلاه على النبى
ايه الجوازه الصقع دى يا خالد !!!!!!
سحب على المكشوف ب 2 مليوم جند ؟؟؟؟
هههههههههههه
هههههههههههه
اشطه يا سيدى
2 مليوم جند يادين النبى !!!!!!
الا قولى يا خالد
يطلعوا كام ال 2 مليوم جند دول ؟
يعنى اكتر من 10 الاف جند يعنى ولا اقل ؟

يوميات نائمة في الأرياف يقول...

هههههههههههههههه
هو ده بقى اللي وقع واقف؟
هي بصراحة فكرة جامدة وكوميدية مع اني مش بحب البورصة ولا عمري فهمتها
ربنا يوفقكم
رنا

عبده الرايق يقول...

الا قولى يا خالوووووووود
اخونا الاستاذ ميزان والاخت الكريمه ميزانيه
هيحبوا بعض بالاله الحاسبه ؟؟؟؟
وهيعلقوا جنب الباب دفتر اليوميات ؟؟؟
ويمضوا على دخول الحمام حضور وانصراف ؟
ويعملوا مناقصه عامه لتوريد عدد 2 كليو طماطم وربع كيلو فلفل وكيلو بطاطس ؟؟؟
ولما يتخانقوا هيضربوا بعض فى البورصه ؟
هههههههههههه
حلوه يا خالد
تسلم ايدك

عبده الرايق يقول...

الى الاخت زعيمه حزب حالو يا حالو
الكونتيسه الحافيه
فرنسا هانم
هههههههههههه
هههههههههه
هههههههههههه
انا فطسان على نفسى من الضحك لانى عارف ان انتى محاسبه
وكلام الواد خالد ده فى صميم مصاميم معاميع شغلكم
هههههههههههههه
سمعتى مخزن الخرده ده ؟؟؟؟؟
ههههههههههههه
عرفت عنوانك يا فرنسيس
عند بتوع الروبابيكيا

DR.HAMAS يقول...

ههههههههههه

ده جوازة تقصر العمر






د.حماس

حملة ساندوا يقول...

إهداء لمن باعوا أرواحهم لله...وكانت الفردوس حلمهم
إلى من سالت دمائهم الطاهرة...وارتسمت فوق ثغورهم ابتسامة عاطرة
إلى من صدقوا الله فصدقهم ...وإهداء لمدونة الشيشـــــان
.
.
قد كنت فوق الأرض
نوراً سائرا
والوجه بدر فى الليالى
مشرقا
والليل تحيه صلاة
قائما
والقلب يسموا فى السماء
محلقا
.
.
فى ذات يوم يا أخى
أصبحت فيــه
مسافرا
سألوك كل الناس
ياولدى أجبنا أى بلد
قاصدا
فأجبتهم متبسما
وطنا طهــــورا
طيبا
أدركت ذاك السؤل ثم أجبتهم
لا تقلقوا الخير فيه
وافرا
..
ورحلت تقصدها الشهادة
صادقا
قد كنت ليثا فى الوغى
قد كنت سيفا
باترا
..
حتى أصابك أحدهم
فتساقطت قطرات دمك يا أخى
تنثر عبيـــراً
طاهرا
وتبسم الثغر الذى
بالخير دوما عاطرا
ووجدت صحبك دامعا
أوباكيا
فنطقت فيهم يا أحبة
لا بكا
..
قد كانت الفردوس حلمى
هاهنا
ولقد رأيت هناك روحى
طائرا
فلتلحقوا يا صحبُ بى
وصمت شيئاً ثم قلت متابعا
لله إنــــ راحلا ــى

أحــوال الهـوي يقول...

ندر عليا في فرحهم ارقص علي 1.5
هيسكونوا في الدور الميزانين
يخلفوا بنت يسموها ارباح
و ميزانيه تتخن و تكون فايض ميزانية
و لما يموت ميزان يتعدم هوالك
و كفايه كده

تحياتي

فرنسا هانم يقول...

طيب لو ابو ميزانيه سحب الا 2 مليون دولار يبقى فى اهلاك للاصول الثابته
وهنضطر نعمب حسابات ماليه لرأس المال
وحسابات ختاميه للميزانيه العموميه
ونظام تكاليف اوامر الانتاج كله هيتغير
والجوازه هتبقى على المكشوف

فرنسا هانم يقول...

الرايق
حزب حالو يا حالو ؟؟؟؟
وكونتيسه حافيه ؟؟؟؟
الله يرحم ايام نومك جنب جامع الغريب
ووقوفك قدام جامع الاربعين
ولا هتنكر ؟؟؟
يمكن تنكر
الا قولى يا رايق
مسمعتش عن اختراع جديد نزل فى السوق اسمه صابون ؟؟؟؟
انصحك يا روقه تحاول تجربه حتى بس تاخد عنه فكره

فرنسا هانم يقول...

مبروك عليك اول تعليق يا رايق
ماهو احنا سيبينهولك زى المصاصه
بنحايلك بيه

همس الاحباب يقول...

هو البوست نزل وانا نايم فى العسل
اروح اقرا وارجع
اوعى تمشى يا رايق
ولا انتى يا فرنسا
انا مش هتاخر كتير
كلها يومين قراءة بس

فرنسا هانم يقول...

هههههههههه
هتقراء يومين يا خالد
ليه يا بنى ؟؟؟
انا قريت البوست كله قى يوم و6 ساعات بس
تحياتى ليك يا خالد
وانا زعلانه منك

فرنسا هانم يقول...

ايوه زعلانه علشان دخلت مدونتك بالصدفه دلوقتى لقيت خبر مدونه جديده لابو خالد
ورحت ابارك له واسلم عليه لقيت نفسى الزبونه رقم 115
برضه كده يا خالد
متقوليش اسبوع كامل
واروح ابارك اخر الصفوف
والاقى الصناديق بتاعه الكاكولا وعلب الجاتوه فاضيه ومفيش اى حاجه اكلها
عموما يا سيدى
انا شربت من الحنفيه وباركت لابو خالد وركبت العجله بتاعتى ورجعت تانى للضاحكون

حنين القلب يقول...

ههههههههههههههه
حلوة يا خالد
طبعا انا عارفه ان الاستاذ ميزان ده انت بس شوفت المدام بهدلتك ازاى
هههههههههههههههههههه

تسلم ايدك يا حساب مدين علطول يا اللى رصيدك كله ديون معدومه يا اللى معلن افلاسك من يوم فرحك

حنين القلب يقول...

همس الاحباب
هتقرا البوست فى يومين
يا لهوى
طبعا منتا اساسا خريج محو الاميه
بتتهجى حرف حرف
وعمال تقول محاسب محاسب وانت كبيرك تعد على ايدك ورجلك علشان تمشى شغلك وانا عرفت ليه علطول قالع الجزمه والشراب فى الشغل علشان تعد وعلشان اصلا بتروح الشغل بشبشب زنوبه
صح ولا ايه؟؟

حنين القلب يقول...

واد يا خالد
بجد البوست حكايه
وموتنى من الضحك
تسلم ايدك ويسعد اوقاتك ويحفظك انت وهمس وام همس يا رب
هات ربع جنيه بقى علشان الدعوه دى

همس الاحباب يقول...

فرنسا هانم
يا ستى انا يوم مارجع هو كنت اجازة
وقلت انك دخلتى قبلى ولا حاجة
عامة ولا يهمك 115 زى 1
المهم انه رجع
واحنا ما نقدرش على زعلك يا ست فرنسا
ولا عايزانى اولع فى الرايق

حنين القلب يقول...

عبده الرايق
لوووووووووووووووووووووووووووولى
نورت بيتك ومطرحك يا بابتى
الف حمد الله على سلامتك
يا رب ما يحرمنا منك ولا تغيب عننا ابدا
يلا بقى منا اخر العنقود ولازم ادلعك

يا بابتى ال 2 مليوم جنيه يعملوا كده 1765 مش 10000 فهمت يا بابتى

وحشتنا يا روقه

حنين القلب يقول...

همس الاحباب
تولع فى مين ياض انت
ده ابوك
ايوووووووووووووه يا جدعان على عقوم الوالدين
والله ابقى المسه كده وانا هفتح وشك درفتين بسنجا
معلش يا ورقه اقعد انت على جنب لحد ما نمسح الدم

همس الاحباب يقول...

وعامة سلامك بيوصل مباشرة من غير تعليقات
متخافيش
واجيبلك صندوق بيبسى
و2 دستة جاتوه لحد هنا
بس المهم الرايق ما يكونش موجود
او يجى بعد ماتخلصى
ونديله القازوز يلعب بيه
هو بيحب الحاجات دى قوى

همس الاحباب يقول...

حنين القلب
اهلا يا وابور
يا بوتجاز 5 شعلة
انتى شرفتى يا ميزانية مخرفة
وارصدة متجمدة
انا بقول الدنيا نورت كده ليه

حنين القلب يقول...

فرنسا هانم
بصى بقى يا مامتى
بعد الكلام اللى قاله بابا ده الصراحه مش عارفه اودى وشى فين
ازاى تسكتيله لازم ترفعى راس المرأة المصريه وتعلنى الحرب عليه
هو اصلا مش واخد باله انه فى فتره نقاهه وانك ممكن تخلصى عليه بضربه قاضيه واحده ولا ايه ؟

معلش يا روقه انا جايه اهدى النفوس

mony يقول...

هههههههههه

حلوة اوي الفكرة


فكرتني باللي خدناه في الكلية و الله

اهي مراجعة


بس مظبوطة

تسلم ايدك

همس الاحباب يقول...

عبده باشا
مبروك اول تعليق
وحمدلله على السلامة
عودا رايق يا دكاترة

همس الاحباب يقول...

عبدالله
ربنا يكرمك وشكرا لزيارتك ومنورنا
سبحان الله ما انى قعدت 4 سنين فى الكلية
مش فاهم حاجة
هههههه
تحياتى

همس الاحباب يقول...

عبده الرايق
هههههههه
سقع دى زى تسقيع الاراضى
ولا تسقيع البيبس
افهم الاول
وعامة ال2 مليون دول يطلعوا كده قول عشرتاشر جند على ايامنا

همس الاحباب يقول...

يوميات نائمة فى الارياف

وقع ايه بس
الشر بره وبعيد ههههه
مش كفاية الاسهم بتوقع
والعمارات كماااان
نورتى وسعدنا بزيارتك
ونتنمنى اننا نكون اسعدنا حضرتك

همس الاحباب يقول...

عبده الرايق
ههههههه
ايه الكلام ده
الة حاسبة ايه
دلوقتى فى برامج حسابات وفى اكسل
انسى الالة الحاسبة
ههههههه
دفتر اليوميات وحسابات الاستاذ كمااااان
ونظرا للتقدم ايستخدموا ساعة حضور وانصراف بالبصمة كممااااان
عيشتهم كلها مناغصات ومزايدات
وممارسات بس الطلاق ايبقى بالامر المباشر
هههههههه
ربنا يكرمك وما يحرمنيش منك يا روقة

همس الاحباب يقول...

عبده الرايق
هههههههه
هههههههههه
يا عمنا بلاش انت
انت راجل فى فترة نزاهة ونقاهة
والست دى مامتى وانا عارفها ايدها طرشة
ومفترية
وبصراحة مستحلفالك من الاخر
لما اجرى اخد ساتر قبل المعركة الحربية

همس الاحباب يقول...

د/ حماس
ههههههههه
انا بقول كده برده
علشان كده عملنا مخصص تقصير عمر الزواج
بس مع الاسف ميزانية اتاخده
لان الستات عمرهم طويل
تحياتى

همس الاحباب يقول...

احوال الهوى
ههههههه
ماشى 1.5 ده بند ايه فى الميزانية
يخلفوا بنت يسموها خساير
وميزانية تعمل رجيم وتبقى عجز
وميزان يتعدم ويبقى تالف طبيعى
تحياتى

همس الاحباب يقول...

فرنسا هانم
هههههههههه
يلا على المكشوف على المكشوف
هى ميزانية ولا اكتر
نجوزهم من جديد
ونخلى مراقب الحسابات يكتب االتقرير قصدى الكتاب من جديد

همس الاحباب يقول...

فرنسا هانم
هههههههههه
حلوة قوى يا خالتو
وانا بقول شوفته فين قبل كده
يقدر ينكر
لسه شايفه امبارح فى الميدان جنب الجامع
صابون
هى وصلت لكده
من الصبح نجيب معطر جو
وانا بقول السكان والجيران طفشوا ليه
مش تقولى يا فرنسا

همس الاحباب يقول...

حنين القلب
هههههههههه
بروح الشغل بايه
هههههههه
من قالك انا بعد على ايدى وصوابع رجلى
ده بيحصل فعلا
وعلشان كده ناوى اقطعلك صوابع ايدك ورجلك
واخدهم معايا اعد بيهم علشان اكمل تقفيل الميزانية
بصراحة مزنوق فيهم وانا اخرى بعد من 1-10

همس الاحباب يقول...

حنين القلب
البوست موتك
طب الحمد لله
الفاتحة على روح ضحتك
هههههه
ربع جنيه بحاله انتى فاكرة نفسك واقفة
بتشحتى قدام جامع الغريب
ولا ماسكة فى ديل الرايق فى ميدان الاربعين
وشغالة حسنة قليلة تمنع بلاوى كتيرة
والله منظرك ايبقى تحفة ويا سلام لو ربطلك عينككماااااان
وقولتى ساعدوا عديمة النظر
هههههههههه
الفلوس هتنزل عليكى مطرة
ربنا يسعدك انتى كماااااان
وخدى يا ستى ربع جنيه مخروم وروحى الحميه بنص جنيه

همس الاحباب يقول...

حنين القلب
ايه يا رايق
ايه فرنسا
انتوا مخلفين عيال فى المدبح
والدين بسنجة ومطواة وساطور
شايفين بنتكم بتقول ايه
اتسيح دمى
طب اعمل ايه دلوقتى
اجيب شعرها ظلبطة بالشفرة اللى تحت لسانى
ولا ارسم على وشها خريطة مصر المحروسة
حد يهدى البنت دى
احسن مفترية وتعملها

همس الاحباب يقول...

مونى
اهلا وسهلا يا ستى مونى
طب هاتى 5 جم تمن الملزمةبتاعت المراجعة

ولا ايه الحكاية
نورتى وسعدنا بزيارتك

حنين القلب يقول...

همس الاحباب

انا عديمه النظر مهو علشان انت اخويا لازم اعدم نظرى مهو من عمايلك حد يا مفترى ياكل المكرونه بلبيسه الجزمه واقولك دى مش معلقه تقولى بس يا عبيطه دى اكبر من المعلقه علشان اكل اكتر منكم
صح مهو انا اللى عبيطه
انا مفتريه
طييييييييييب والنبى لخليهم يلموا لترميم وشك من اول وجديد

خددددددددددد

قوس قزح يقول...

انا من الاول قلت الشغلانة اللى انت فيها دى هتاكل عقلك

خلاص كل حاجة بقت بالحسابات حتى البوستات !!!

اوعى تكون انت العريس يا خالد

هو انا هنسى الوصل بتاع الساقية لما صممت تبعته لى ده انا شايلاه للذكرى

...............

عبده الرايق

حمدلله على السلامة
ان شاء الله تكون صحتك بقت احسن

همس الاحباب يقول...

حنين القلب
ههههههههههه
مكرونة بلبيسة الجزمة
هى فين الجزمة دى
يا بنتى احنا عيلة حافية
متعرفيش كده ولاايه
بصى لنفسك فى المرايا الاول
اتلاقى نفسك بقيتى شبه الاشكيف المخيف
ولا ينفع معاكى ترميم ولا ازالة

همس الاحباب يقول...

قوس قزح
ههههههههه
مش احسن من الشخبطةعلى الحيطان
ولا نسيتى الوان نور اللى بتخبيها منه
وتلعبى بيها
ولا هدومك اللى بقت شبه الوان الطيف
من كتر الشخبطة عليها
ههههههه
عريس مين يا ستى طب ياريت
والله انا كنت خدت 2 مليون مليم وهربت بيهم
نورتى يا ام نور

انت تسال والكمبيوتر يجيب يقول...

الأخ العزيز عبده الرايق
حمد الله على السلامه
سعداء بان من الله عليك بالشفاء وبعودتك لترسم البسمه على الشفاء...وشكرا لمرورك وتعليقك بمدونتنا ...مدونة اول برنامج أذاعى يهنم بكتابات المدونين وبافكارهم وكذلك نشكر الخت العزيزه فرنسا وكل الأخوه والأخوات اعضاء او زوار هذه المدونه المتميزه ونرحب بالجميع وبافكارهم فى مدونتنا وبرنامجنا وموقعنا
المدونه
http://netonradio.blogspot.com
الموقع
http://dear.to/cairo
بريد
netonradio@yahoo.com

عبده الرايق يقول...

قوس قزح
الحمد لله عمر الشقى بقى
اشكرك جدا على سؤالك عنى
مع ان انتى محولتيش لى ولا شيك من ابو 100 الف دورر
عموما ملحوقه
لو عايزه تصلحى غلطك
ابعتى انتى ال 100 الف دورر كاش
ورق صغير ومش متعلم
وكلمه السر
ملوخيه خضراء

عبده الرايق يقول...

فرنسا هانم
فرنسيس
اخترااااااااااااااااااع اسمه الصابوم
طبعا عارفه
انا دكاتره كبير وراجل علامه مشهور
واعرف الصابوم عز الدين ايبك
قصدى عز المعرفه
الصابوم ده يا فكيكه هانم كعب الغزال
هو البوصله
نو
نو
نو
مش البصله الخضراء بتاعه شم النسيم
البوصله يعنى اله حاسبه بتحدد اتجاه الريح وسرعتها
افهموها بقى
هنفهمكم لامتى ؟؟؟؟؟
يا بااااااااااااااااااااى عليكم

عبده الرايق يقول...

حنين القلب
بنتى الجميله اللى طول عمرها خايفه على ابوها حنين القلب
هو بجد ال 2 مليوم يعملوا 1765 جند
طيب ده انا كنت فاكرهم اكتر من كده
1765 فى 40 مليوم يبقى حسبه
حسسسسسسسسسسسسسسسسسسسسسبه
حسبه
دماغى مش فاضيه للحسابات دلوقتى
يبقى كده عندنا اكتر من 10000 جند
خلاص خلى الواد يتجوز وامرنا لله

عبده الرايق يقول...

همس الاحباب
ههههههههههه
حضور وانصراف بالبصمه
ههههههه
شغل اللزق بتاع الافلام الاجنبيه هيشتغل ياريس
الموظف من دول ياخد لزق لاصحابه كلهم ويمضى بدالهم
والمصلحه يبقى مفيهاش الا الفراشين
ايه ؟
بتبص لى ليه ؟؟؟
نو
نو
نو
مش انا اللى هبقى موجود
انا بقول الفراشين

عبده الرايق يقول...

انت تسال والكمبيوتر يجيب
الشكر لكم انتم على زيارتكم للمدونه
وزيارتنا و السؤال عنى فى فتره مرضى
شكرا لكم

صبرني يارب يقول...

ابو همس

ينفع كده بتتريق على المحاسبين

قصدك ايه طيب عشان انا بابا محاسب وانا محاسبه وجوزي محاسب

لا ما حصلش كده ههههههههههههههههههه

حلو البوست يااستاذنا ربنا يكرمك

صبرني يارب يقول...

راااااااااااااااااايق

ازيك نورت والله
والله العظيم البلوج ما كان له حس من غيرك

ولسه اول امبارح باقول لرضا المدونه بتاعة الضاحكون ما لهاش معنى من غير الرايق والله

معلش يا فرنستى انتى عارفه انتى قلبي وانا باحبك

بس برضه الرايق بيعمل جو تااااااني خالص فى المدونه

نورت يا رايق والف حمد الله على سلامتك وربنا يتم شفاك على خير

Doba يقول...

خالد

البوست جميل قوى فعلا
نوع ساخر جديد من المجتمع ومساوئه وانهيارات السوق والبورصة والأرصدة وكل حاجة بتنهار

ربنا يباركلنا فيكم وف البسمة الجميلة اللى بتضيفوها ليومنا
==================
عبده الرايق
===
الف لا بأس عليك
الحمد لله على سلامتك يا افندم
والحمد لله على رجوعك من تانى لوسطينا
ربنا يبارك فيك ويعفى عنك يارب
دائما بصحة وسعادة انت واسرتك الغالية

هبة

همس الاحباب يقول...

صبرنى يا رب
ههههههههه
العيلة كلها محاسبين
بسم الله ماشاء الله
جايز اتجوزتى قبل البورصة ما تنهار
وحيتان القروض لسه ما ظهروش
ربنا يرحم ايام زماااان
ايام ما كان جوز الحمام 3 فرادى
ربنا يكرمك يا ام مريم
وما يحرمناش من تعليقاتك

همس الاحباب يقول...

دوبا
نورتى يا ام يوسف
وربنا يكرمك
سعداء بوجودك دايما وبتعليقاتك

واحدة مفروسة يقول...

السلام عليكم
ازيكم يا جماعه
انا حبيت اعدي و اقول ازيكم كلكم
عبدة يارايق سلامتك
و يارب يتمم شفاك على خير
مش تستعجل لانه بيطول شوية

فرنسا هانم
ازيك يارب تكوني بخير و صحتك احسن


خالد همس الاحباب
البوست دمه خفيف
الاخ ميزان و الاخت ميزانيه
جوازة محسوبة بالمملى
و اللى حيلخبط فى الميزانية
على الحبس دوغررري
ههههههههههههه

زهرة الجنة يقول...

ايه ده يا خالد
انت بتتريق علي المحاسبين والا ايه؟؟
لا لا بلاش ده حتي اكتر المدونين منهم وانا
كماان (:
بس بجد جامدة جدا يا ابوهمس
تسلم الأيادي

الربان يقول...

تحياتي

جميلة جدا.... و طبعا كتب الكتاب كان
عند المحاسب القانوني المعتمد...
و الشروط كاش اون دليفري او الدفع عند الاستلام....و وثيقة الزواج مكتوبة
علي سند قبض....

علي فكرة فيه موقع جميل للمحاسبين المصريين...

تحياتي و تقديري

اهو ده عيبه يقول...

ههههههههه
ايه كل ده
والله احلى مافى الموضوع ان الواحد راجع معلوماته المحاسبية

بجد ياخالد تسلم ايدك وياريت تشوفلنا اى حاجه من المبالغ اللى عماله تتقال دى
سلام

هى فوضى يقول...

هههههههه
الحسابات شكلها اكلت دماغك يا عم خالد نصحتى استقيل وشوف لك حاجة تانية

عبده الرايق يقول...

واحدة مفروسة
اشكرك جدا على السؤال والسلام
وانا الحمد لله احسن كتير جدا جدا
ووقفت جلسات العلاج الطبيعى والحمد لله

عبده الرايق يقول...

Doba
والله يا هبه تواجدك هنا هو اللى له طعم تانى وبجد انتى بتنورى المدونه
وشكرا على سؤالك
وانا الحمد لله كويس جدا
وفرحان بعودتى ليكم لانى بصراحه قربت افلس خالص
ووجودى معاكم بيدينى الامل الم منكم كام مليوم جند واخلع بره مصر

عبده الرايق يقول...

صبرني يارب
بنتى الغاليه صبرنى يا رب
انا مش عارف اقولك ايه على كلامك الجميل ده
لكن والله انا كمان كنت مفتقد الضاحكون
ومفتقد البسمه الجميله بتاعتكم
لكن مش فاهم يعنى ايه بفتقد دى ؟؟
قوليلى فى ودنى مفتقد يعنى ايه ؟؟؟
احسن حد يقابلنى ويسألنى اتحرج ولا حاجه

عبده الرايق يقول...

فرنسا هانم
ايه حكايه ال 100 فار دول
انتم هتقلبوها عالم الحيوان
ابنك يتاجر فى النمل وانتى تقولى 100 فار
انتم ايه حكايتكم معايا بالظبط ؟؟

همس الاحباب يقول...

واحدة مفروسة
هههههههه
منورة يا مفروسة
وهى جوازة محسوبة بالميزان
اه ميزان ارصدته بايزة
بس النتايج جامدة قوى
ههههههههه
بلاش الحبس دى
خليها غرامة وخلاص
تحياتى

همس الاحباب يقول...

زهرة الجنة
ههههههه
لا طبعا لا عاش ولا كان
من يقدر يتريق على المحاسبين
لا يمكن ابدا
بس ممكن نمشيها جرد واستعادة ذكريات
ربنا يكرمك دايما
وسعيد جدا بزيارتك
تحياتى

همس الاحباب يقول...

استاذى العزيز الربان
ههههههههه
اضافة جميلة جدا
دايما رافع من روحنا المعنوية والمعدنية كماان
نورتنا جدا وسعداء بزيارة حضرتك
تحياتى

همس الاحباب يقول...

اهوده عيبه
طب اى حاجة 2 جند ولا حاجة
تمن ملزمة المراجعة
هههههههههه
يلا خليها علينا علشان اول زيارة
منورة دايما يا دودو
وربنا يكرمك ويسعدك يا ستى

همس الاحباب يقول...

هى فوضى
ههههههه
بقى كده يا نسمة
انتى شايفة كده
انا برده بقول انها شغلانة مش جايبها همها
مالها تجارة النمل زى الفل
تحياتى

همس الاحباب يقول...

عبده الرايق
فيران ونمل
فى المدونة
لايمكن ابدا
البركة فيك وفى اولادك
لا سيبتوا نمل ولا غيره
يا جدع بدور على نملة فى المدونة ابيعها مش لاقى
ايه الغلب الازلى ده
كل يوم اصحى من النوم الاقى بنتك مقصوفة الرقبة اللى اسمها حنين
بترش مبيد لحد ما خلصت على النمل كله
كل ده ليه
علشان مش راضى اخليها تشاركنى فى المشروع ينفع كده يا رايق

حنين القلب يقول...

همس الاحباب

كل يوم اصحى من النوم الاقى بنتك مقصوفة الرقبة اللى اسمها حنين
بترش مبيد لحد ما خلصت على النمل كله
كل ده ليه

منا برش من الغلب اللى انا فيه الناس كلها يطلع فى شعرها قمل وانت بيطلع فى شعرك صراصير عمرى ما شوفتها دى والنبى ابقى استحمى يا ياخالد وفيه اختراع اسمه جاز ابقى حط على شعرك نص عربيه جاز واطمن يا خويا انا اللى هولع فيك والكبريت عليه كمان يلالالالالا

علشان مش راضى اخليها تشاركنى فى المشروع ينفع كده يا رايق

اشارك مين يا بتاع النمل انت
دنا يا ابنى بطلع فى اليوم اللى انت بتكسبه فى سنه
قال على رأى المثل
يا مستنى السمنه من ورك النمله عمرك ما هتقلى
حلو المثل؟؟؟
اقعد على جنب وبلاش تجيب سيرتى تانى فاهم

kiki يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................