الاثنين، يونيو 09، 2008

هاروح الاسكيمو

مكتوب عليا الشقى والراحه فين يا زمااااااااااااان
كتر التنضيف يا زمن ورونى ويل الويل
هااااااااااااااى افرى بدى
المنصب بتاع رئيس مجلس الاداره ده متعب قوى ...كنس ..ومسح ...وغسيل صحون وكوبيات ..ليه هو انا رئيس مجلس الاداره الفلبينيه ولا ايه ؟؟؟؟؟.......انا لازم اتكلم مع فرنسا هانم ونقعد على المائده المستديره ونحط قواعد واهم قاعده ( هلب يور سلف )
هى فرنسا من ساعه ما فتحنا المدونه دى عملت ايه ؟؟؟؟ ...ولا حاجه ...تيجى بسلامتها واول كلمه على لسانها ...النسكافيه يا رايق ...واول ما ابص لها تقولى ...النسكافيه يا رئيس مجلس الاداره ...وبعد كده تقعد تطلع المرايه من الشوال اللى شايلاه على كتفها وتقعد تعلب فى مناخيرها ..وانا بجد وجدانى ...اول مره فى حياتى اشوف ست شنطه اليد بتاعتها شوال دقيق ...وقال ايه حاطه فيه مرايه مكسوره من التسريحه ...لأ والغرابه ...واللى مستغربله ان الميك اب بتاعها حاطاه فى علب سالمون ...والاغرب انى مره من المرات ..خبطت عليها الباب واستأذنت ادخل ...وبعد ما دخلت لقيتها حاطه فى وشها حاجات بيضا كتير عامله زى الجبس ..انا طبعا مرديتشى اسألها علشان الاحراج ...لكن بعد ما خرجت من الاوده ...فتحت الشوال بتاعها لقيت كيس فيه حاجه بيضا عامله زى الجبس قريت اللى مكتوب على الكيس طلع دقيق فاخر.. انا عايز اسيبلها المدونه دى وامشى ..الست دى هتجننى ...لكن برضه لقيت فرصه انها مش قاعده علشان اكتب
تانى تدوينه فى المدونه براحتى

رساله من مواطن

عمنا وحبيبنا واخونا السيد رئيس مراجيح المولد
بعد التحيه المتنقيه
نحيط سيادتكم علما بان اصحاب المراجيح الفرديه والزقازيق والحلزونات قد اصابهم الجشع وغلوا علينا المراجيح ..وانت تعلم ان البيبول من الممكن ان يستغنوا عن الماء والهواء ..ولكن لايمكن ان نستغنى عن المراجيح
وبعدين بقى على بلاطه كده الراجل بتاع فتح عينك تاكل ملبن احتكر اللعبه لنفسه واحنا غلابه ياباشا ومحتاجين نفتح عنينا وناكل ملبن
كل ما نيجى نلعب نلاقى الراجل غلا اللعبه نديله الفلوس ونيجى نلعب يقولنا اللعبه غليت ..نرجع نديله الفلوس ونيجى نلعب برضه يغلى اللعبه وعلى كده يا سعاده الرئيس نديله فلوس ويغلى ويغلى ويغلى لغايه لما خلاص الدم غلى فى عروقنا
كمان يا سعاده رئيس المراجيح
العيال مش لاقيه مراجيح تتمرجح عليها ...فين المراجيح ؟؟؟
العيال قاعده على الارض بتنش دبان ..مفروض نستثمر طاقتهم ونشوف لهم مراجيح يتمرجحوا عليها علشان يقدروا يعيشوا
وكمان عم موسى الحلاق دكتور صحه المراجيح سايب الرصيف بتاعه وسايب الناس فى المولد تموت من قله العلاج وعماله بيلعب كيك على العالى مع الساده المسئولين عن رصيف صحه المولد
سمعنى سلام ع المولد
سيدى الرئيس حال المراجيح بقى معفن قوى ..ومعلش على كلمه معفن لكن مقدرشى اخبى عليك
وكمان الواد سنجه والعيال الفتوات بتوع المولد زودوها قوى مع الناس يا كابتن ...اللى رايح واللى جاى بيخد على قفاه وقاعدين يعاكسوا بنات الناس ويشربوا الهباب اللى اسمه الحشيش والبانجو عينى عينك
عمنا
واستاذنا
وابونا
وابن خالتنا رئيس مراجيح المولد
الحقها يا تخرب
ولا اقولك
ماهى خربت
وانا مزعل نفسى ليه ؟؟؟؟؟ بلاها مراجيح وبلاها مولد
انا خلاص قررت اخد مسز رايق والاولاد ونروح الاسكيمو ..علشان نوفر فى الكهربا اللى بتسحبها التلاجه
وفى مشارورات انى اخد فرنسا معانا
اهو تنفعنا
تحمى العيال وتمسح الارض وتراعى الكلاب اللى هيجرونا فى العربيه بتاعه الاسكيمو


****************************
لا حول ولا قوه الا بالله
انت تانى يا رايق ؟؟؟؟؟؟؟؟؟؟؟؟
بقى بتبعت جوابات لعمك رئيس مراجيح المولد ؟
هههههههههههههه
ابقى قابلنى يارايق عند مرجيحه رقم 5 لو حد سأل فيك
وبعدين هتاخدنى معاك الاسكيمو
طيب انا موافقه اروح معاكم واحمى العيال وارعى الكلاب بس بشرط واحد
تقولى الاسكيمو دى فين ؟؟؟؟؟؟

هناك 50 تعليقًا:

همس الاحباب يقول...

ههههههههه
اول تعليق
يا رايق
هيص واضرب صواريخ

همس الاحباب يقول...

لا بقى انا كده بدات ازعل
كله الا فرنسا يا رايق
ياشيخ دى زى القمر كفاية انها متحملة الرايق وعمايله وفتحت معاه مدونة مشتركة نعمل هدنة ونحدف طوب بس ايه رايك
ومراجيح مولد النبى يا جدع
يا خوفى يا بدران لتكون متاجرها فى الخباثة هههههه
ولا يهمك يا خالتو عبده ده حبيبى وانا اوصيه عليكى
انا عارف ان قبك طيب واتسامحى
بس ما ينفعش تسكتى
انا جاى اهدى النفوس وماشى
وعندك واحد نسكافيه يا رايق
ويا ريت تروق المكتب قبل ما تمشى
هههههههه
بجد المدونة دمها شربات بيكم والله
تحياتى

همس الاحباب يقول...

يلا بقى الواضح انه الرايق طفش الزباين بدرى
عامة انا موجود وفى الخدمة يا عبد
اى مساعدة
تحب اجيبلك المقشة جردل ميه
معلش انا برده رئيس مجلس ادارة
احنا فى الخدمة يا خالتو

Mafrousa يقول...

ههههههههههههههه
ههههههههههههههه
عم موسي الحلاق دكتور الصحه بيلعب كيكا على العلى على الرصيف
ههههههههههههه
الله يحظك يا رايق
بوست قوى
بس إلاالا سكيمو يا رايق ممكن تروح حته تانيه روح السودان .. اهي البشاير بانت و الجنيه بتاعهم يضرب الجنيه بتاعنا بالشبشب السودانى و بقى يناطح الدولار
أكسبلك على السودان
ههههههههه
و لا اقولك بلاش السودان روح سوريا عندهم مخزون الدقيق يكفيهم 10 سنين قدام و احنا بنموت بعض يا جدع ...بسكْ
على سوريا

لاحول ولاقوة الا بلله
وبعدين مش عايزاك تتكلم على فرنسا مش اكمن مسز رايق ممشياها من علبة السمنه على طول
انت ايش فهمك انت فى الدقيق؟
هههههههههههههه

فرنسا هانم يقول...

بقى انا شايله على كتفى شوال بدال شنطه اليد ؟؟؟؟؟؟؟
وبحط فى وشى دقيق فاخر ؟؟؟؟؟
اه يا ناكر العيش والملح
علشان تعرف ان انا ديمقراطيه انا نشرت لك التدوينه دى بايدى علشان تعبر كويس
بس وحياه ابوك وانت بتقراء التعليقات
ابقى اتحرك شويه او مارس اى رياضه لحسن النص فرخه واللحمه اللى اكلتهم من التلاجه دول بتوعى
وعلب العصير اللى شربتها ومليتها تانى ميه من الحنفيه برضه بتاعتى
وشوربه الخضار اللى قربعتها برضه بتاعتى
والتفاح اللى قرقشته كله فى كرشك مش عارفه ازاى برضه بتاعى
وفى حاجه تانيه عايزه اقولك عليها
الازازه اللى خلصت عليها الكبيره دى مطهر انت عملت بيها ايه ؟؟؟
داهيه تكون شربتها تجيب لنا مصيبه وتملى لنا المدونه عفاريت
ولا اقولك
ياريت تكون شربتها
اهو تنفعك فى ايام الحر ده

فرنسا هانم يقول...

همس الاحباب
انت انسان كويس جدا يا خالد انا قريت تعليقك عندى عن ابو خالد
ربنا معاه ويتم شفاء مريضته انشاء الله
خلى بالك يا خالد
كل الناس عايزه تقطع الرايق حتت
وانت الوحيد اللى بتدافع عنه
وانا سايباه علشان خاطرك وعلشان هو غلبان
قوله خلى عقلك فى راسك تعرف خلاصك
مع تحياتى لك يا خالد

فرنسا هانم يقول...

واحدة مفروسة
ميت فل عليكى يا بت يا مفروسه
ايوه كده متسكتلهوش
شفتى الرايق وطوله لسانه بيقول انا شايله بدل شنطه اليد شوال دقيق
طيب يا رايق
انا وراك والزمن طويل
ده انا لميته من قاعده السلم اللى كانت هتجيب له رطوبه
يلا خليه يموت من المطهر
وعلى فكره حلوه فكره السودان فى الحر ده
ياريت يوافق عليها
يمكن يتحرق بفعل الاشتعال الذاتى
تحياتى لكى وفى انتظار جديدك

maiosha يقول...

هههههههههههههه

من موقعى هذا أحب اضم صوتى لصوت عبده الرايق .. معلشى بقى إحنا عايزين نفتح عنينا وناكل ملبن .. مليش دعوة أنا عايزة أكل ملبن .. خالتى فرنسا خالى الرايق قصدى رئيس مجلس الإدارة يجيبلى ملبن

هههههههههههههه

وبعدين تروح الإسكيمو مرة واحدة .. هى مين الإسكيمو دى أصلا؟؟ ده أنا حتى سمعت إنها حر أوى الأيام دى .. على العموم تستاهل و أنا بصراحة ناوية أشتكى لخالتى فرنسا منك.

فرنستى الرايق بياخد السكر اللى بتجبيه وبيبعه على الرصيف بتاع عم موسى الحلاق .. المرة اللى فاتت قولتله عايزة قهوة مضبوط عملهالى سادة ومن غير وش

وبعدين إنت غيران من فرنسا ليه ؟؟بقى بتحط على وشها دقيق ..دى لو حطت على وشها إيه هتبقى برضة زى القمر .. أه هو كده بقى تفرقة عنصرية إحنا بنات مع بعضينا .

عبده الرايق يقول...

انا جيت ياست فرنسا
انا بحتج
ولازم احتج
هو انتى ديكتاتوريه كده على طول
مفروض لما تنزلى بوست جديد تقوليلى قبلها على الميل ولا القفه اللى احنا شركاء فيها دى بايد واحده
يلا هاعديها المره دى
لكن اعملى حسابك المره الجايه لايمكن اعديها ابدا
هارد على الاصدقاءوارجعلك

عبده الرايق يقول...

همس الاحباب
طاااااااااااااااخ
طييييييييييييييييييييخ
طووووووووووووووووووووخ
اى
اى
صواريخ فاسده
ضربت فى ايدى
عينك يافرنسا
ايوه دى عينك انتى يافرنسا
وحياه خالتك تبصى بعيد لما نفرقع الصواريخ

عبده الرايق يقول...

همس الاحباب
انا برضه عارف انى لايمكن اهون على صاحبى وحبيبى خالد
بصى بعيد يا فرنسا
احنا اصحاب وانتى اقعدى العبى هناك لوحدك فى مناخيرك
تحيه لاخى الكريم وصاحبى خالد
على فكره يافرنسا انا كلمت خالد امبارح فى التليفون
برضه بصى بعيد
مش ناقصين حسد

عبده الرايق يقول...

واحدة مفروسة
تعالى هنا يابت يا مفروسه
هاتى ودنك
انا هاروح الاسكيمو علشان اوفر الكهربا بتاعه التلاجه
بيقولوا ان الحاجه هناك بصقع لوحدها
يعنى نقعد نلعب ونجرى براحتنا هنا فى الحر
ونروح نشرب الميه مشبره من هناك
وبعدين انتى عاجبك الدقيق اللى بتحته فرنسا على وشها ده ؟؟؟

ابن حـجـر الـعـسـقـلانـى يقول...

أحسن يا رايق .. تستاهل الصواريخ الفاسدة ... عشان تدوق حبة من اللى أنا دوقته على إيديك لما كنت مرفوع على التونجر

و كما تدين تدان

عبده الرايق يقول...

فرنسا هانم
هههههههههههههههههه
ههههههههههههههههههه
هههههههههههههههههههه
شوربه خضاااااااااااااااار
ههههههههههههههههههههه
ههههههههههههههههه
هو اللى فى التلاجه ده كان شوربه خضار
ده كان فول نابت يا فرنسا
وكان فيه لحمه وفراخ ؟؟؟؟؟؟؟؟؟
ههههههههههههههههههههه
ههههههههههههههههههههههه
ههههههههههههههههههههههه
قال لحمه وفراخ قال
ده انتى من يوم ماعملتى العمليه واشتريتى فرخه يتيمه
وسميتيها بطه
وكل يوم تطلعيها من التلاجه تشربى شوربتها وتمسكى الفرخه وتقعدى تقوليلها اكلك منين يا بطه اكلك منين ؟
وفى الاخر تحطيها تانى فى التلاجه وترجعى تعملى عليها شوربه
لغايه لما الفرخه استنجدت من الساقعه اللى فى التلاجه وكل يوم عماله تشفطى منها شوربه
قومتى انتى عزمتى عليها اخواتك كلهم واكلتوها هم الهم
وفى الاخر تقوليلى نص فرخه ؟؟؟؟؟؟؟
وتعالى هنا
لحمه ايه اللى بتتكلمى عنها
مش انتى سألتينى وقلتيلى هما الجزارين انقرضوا ليه ؟؟؟
قلت لك لا الجزارين موجودين
قلتيلى اصلى بقالى عشر سنين نفسى ادوق اللحمه ؟؟؟
انكرى بقى

عبده الرايق يقول...

فرنسا هانم
لو جاوبت على سؤالك تنفذى اللى قلتى عليه ؟؟؟؟؟؟؟؟
وانا موافق
بسم الله الرحمن الرحيم
الطالب عبده الرايق
الفرقه 16 مشاه
امتحان محافظه السويس
اجابه السؤال بتاع فرنسا
اين تقع الاسكيمو ؟؟؟؟؟؟؟؟؟
الاجابه
تقع الاسكيمو بجوار البلد التى تحدها من الشرق
وتقع بجوار البلد التى تحدها من الغرب
يعنى هى فى النص
هه
صح ولا غلط ؟؟؟؟؟؟؟؟؟؟؟؟؟؟؟؟
مش هى دى الاسكيمكوا يا متعلمه يا بتاعه المدارس

عبده الرايق يقول...

maiosha
وانا احييكى جدا واحب اطمنك انى بعت الرجاله بتوعى يجيبوا ليكى الملبن المستورد حالا
ووصيت على عشر احمال ملبن ليكى مخصوص
بس هياخدوا وقت لاننا بنستورد البضايع بتاعتنا على الجمال
نظام قوافل يعنى
زى الناس بتوع زمان
وده علشان السولار غلى ومش لاقيين بنزين 80

maiosha يقول...

يا رايق حرام عليك .. إنا مكنتش أعرف عنك كده

يعنى السكر بتبيعه وقولنا ماشى .. إنما كمان تاخد فلوس البنزين وتجيب الملبن بتاعى على الجمال .. ده على ما يوصل هيكون مخلل مش ملبن

عبده الرايق يقول...

ابن حـجـر الـعـسـقـلانـى
اااااااااااااااااااه
انت اللى ماكنتش عامل حسابك يا عسقلانى
يافرحتك فيا يا عسقلانى
بس انا مش جرالى حاجه خالص
اى يا دراعى
اى رجلى
اى ياوشى
استر عليا والنبى يا عم عسقلانى الله يسترك
وانسى موضوع الصواريخ ده وانا انسى الكهربه
احسن لو الحى سمع انى اتشوهت يرفدونى
خلى الطابق مستور

عبده الرايق يقول...

maiosha
نو نو نو
احنا عندنا تكنولوجيا عاليه جدا
كل جمل ليه فريزر مستقل
وليه منظم حراره
وليه شاحن كمان
يعنى متخافيش على الملبن
ولو مستعجله
اروح انا بنفسى اجيبه اصلنا بنستورده من البقال اللى على الناصيه

غير معرف يقول...

ههههههههه
لالالالا
كله الا فرنسا يا رايق
شوال ايه ودقيق ايه
يعنى هيا كتر خيرها انتشلتك من على السلم عشان تعمل معاك المدونه ودى تبقى جزاتها
الحق نفسك بقى لحسن ترجع السلم تانى
هههههههههههههههههههههههه


وعايز تطلع الاسكيمو تعمل ايه هناك
دول بيقولوا انها صحراء قاحله مفيهاش صريخ بن يومين مش هيا دى الى اخر مترو الميرغنى يمين؟؟؟؟؟؟

حنين القلب يقول...

رايق مالك ومال فرنسا تحط دقيق فاخر تحط بينكنج بودر وانت مالك هى زى القمر من غير حاجه وبعدين مش انت اللى اختارت تكون الرئيس وتعمل الشغل كله بترجع فى كلامك تانى ليه؟؟
وبعدين رئيس مراجيح مولد النبى مش فاضى للكلام الفارغ ده .
ده راجل مسئول ووراه مراجيح واعمال تانيه طبعا
واخر حاجه جاوب على فرنسا يا رايق فين الاسكيمو؟
يا رب مش يقول فى شبرا
سلام يا فرنستى
سلام يا رايق

رئـــــيسـة حزب الأحلام يقول...

ايه ياعبدة الرايق مش عارف البودرة الى بتتحط على الوش ياراجل انت بتتريق على الستات كلهم خلى بالك هيطلعوا مظاهرة عليك يارايق
وكمان مش عاجبك تعمل النسكافيه ياراجل ارحم بقى واشتغل بضمير
ارجوك سلملى على عمك صاحب المولد
تحياتى للجميع

كلاكيت تانى وتانى يقول...

مش هتيجى الفيس بوك تشوفى الجروب بتاعى عن المطلقات
http://www.facebook.com/group.php?gid=24205381223
ولنك مدونة نعم مطلقة ولا اخجل ورا على بروفيل كلاكيت
http://motalaka-with-out-fear.blogspot.com/

وبعدين مالها الزقازيق مااحنا اهوة شغالين وزى الفل ومن الزقازيق لازم دى فكرة الرايق على العموم مسيرى اشوفة بوست لذيذ
ووجودك احلى
تحياتى

عاشــــــ النقاب ـقــــة"نونو" يقول...

ههههههههههههههههههههههههههههه
هروح اكمل
ربنا يخليكوا لينا يارب
تحياتي

Empress appy يقول...

طيب انا مستعده اجيبلك هديه على حسابى صحيح وابعتها دى اتش ال لو قولت معناها ومعنى دى اتش ال ههههههههههههههههه
وبعدين علشان تعرف انها من طبقه ارستقراطيه بتستخدم دقيق فاخر مش زيك انا اعرف ناس بتستخدم بودرة العفريت على انها مزيل عرق هههههههههههههههههه

tamer.sala7 يقول...

البوست ده في مغزي سياسي احييك عليه

بس اشمعني الاسكيمو اللي اختارتها ؟؟؟

وبما انك خبير في كل حاجة كنت عايز اعرف ايه هي عملة الاسكيمو ؟؟؟

الـجـدة فـصـيـحـة يقول...

السلام عليكم ورحمة الله وبركاته

مبارك عليكم وعلينا المدونة المشتركة

مبارك مستر رايق
مبارك فرنسا هانم

بجد جميلة جدًا ودمها خفيف جدًا
وتعاون مثمر بإذن الله

وبراحة شوية يارايق على فرنسا هانم

ورسالتك لرائيس المراجيح جميلة
رغم إنها للأسف مشكوك في امر وصولها


وبلاها الأسكيمو
البلد دى احسن من غيرها

تحياتي

Z_Diva يقول...

ابشري يا فرنسا, الرايق رايح الاسكيمو, و مش راجع, عشان هيتجمد هناك طبعا :)))))))))

ابقى اعمل سكيينج و ادعيلي يا رايق, اه و لو في نصيب و فضلت حيا ترزق بعد الرحلة الجميلة دي, و النبي تجبلي معاك كلب من بتوع الاسكيمو دول, عارفه ده الوولف الابيض كانه مغسول بتايد اوتوماتيك, اصله عاجبني قوي, و متخافش هحاسبك عليه و هديك مصاريف الشحن كمان :)))))))))))))))

maiosha يقول...

هى فرنسا راحت فين؟؟

فرنسااااا.. إنتى فين يا فرنسا

لا بتدخلى تردى فى البلوج ولا رديتى عليا على الإيميل

عودى يا فرنسا .. إنتى كل شوية هتختفى كده وتخضينى عليكى

hamssah يقول...

مبروك يا فرنسا مبروك يا رايق مع انها جت متاخرة شويه بس لازم اقولها احسن تقف في زوري
حلوة كمان الفكرة وربنا يوفقكم
همسه

المـــفـــــــقــــــــوعـــــة مــرارتـهــا يقول...

انا عاوزة اتمرجح مع العيال في المراجيح
ولا ماليش نفس اتمرجح ؟
ياتمرجحونا يانمرجحكوا
انت تاني ياعبدو مش قلت اول ماآجي المدونة تلحقني بالشاي
انت ياولد يارئيس مجلس الإدارة
هاقول لفرنسا تلسعك بالشمعة

فرنسا هانم يقول...

والله انتى مش ناوى تجيبها البر يارايق
انا عندى فرخه وحاطها فى التلاجه ومسميها بطه ؟؟؟؟؟؟؟؟
رايق
اعقل
السلم لسه موجود
لو عايز ترجعله هارجعك

فرنسا هانم يقول...

shayma
هههههههههههههه
هى فعلا يا شيماء
ماهو اخر اسكيمو الرايق اكيد الميرغنى
ويبقى يقابلنى فى المترو
تحياتى لكى يا شيماء

فرنسا هانم يقول...

حنين القلب
حنين حبيبه قلبى وحشتينى جدا
واسفه انى مش بعلق عند الايام دى
انى ممكن ازورك
وازور اى مدونه
وفعلا ده بيحصل وبدخل على مدونات معينه
لكن مبقدرشى اعلق اليومين دول
لانى لو علقت فى مدونه فمن المفروض انى اعلق فى باقى المدونات والا اصحابى يزعلوا منى
علشان كده بكتفى فى الوقت اللى بدخل فيه النت بقراءه بعض المدونات دون تعليق
ارجوا ان يكون كلامى قد وصل اليكى بالشكل الذى اريد ايصاله
وارجو ايضا ان يقراءه باقى اصدقائى حتى لا يزعلوا من عدم تعليقى عندهم

فرنسا هانم يقول...

حنين القلب
ايوه والنبى يا حنين اسألى الرايق فين الاسكيمو
بس ياريت يرد

فرنسا هانم يقول...

رئـــــيسـة حزب الأحلام
ايوه كده خليه يحس ان الستنات عضمها مش طرى
ومش كل الطير اللى يتاكل لحمه

فرنسا هانم يقول...

كلاكيت تانى وتانى
على فكره احنا عندنا فى السويس بنقول على المرجيحه اللى بتلف راسى يعنى اللى هيه عباره عن كذا صندوق وبيقعد فيه الاطفال وبتلف زى عجله الكاوتش
معلشى انا مش عارفه اسمها
لكن عندنا بنقول عليها الزقازيق
وده لانى الرايق من السويس برضه
فقال عليها الزقازيق
وحشتينى بعد طول غياب

فرنسا هانم يقول...

nonoymm
ربنا يسعدك يارب
ويفرحكوا دايما
ويقدرنا اننا نقدم لكم حاجه كويسه
تليق بثقتكم بينا

فرنسا هانم يقول...

appy
حبيبتى الغاليه ابى
هو الرايق فاضى للدى اتش ال
وانا معاكى برفع الجايزه ل 200 جنيه لو قال ايه هى ال دى اتش ال
بس انا اكيد عارفه جوابه
هيقلك
دى بتاعه الفجل اللى بتوصل الفجل السريع للبيوت

فرنسا هانم يقول...

tamer.sala7
حلوه قوى الاسئله دى
وانا اقول الرايق انهارده مدخلشى النت خالص
اتاريه مش عارف يجاوب
يلا بالسلامه
احييك يا تامر

فرنسا هانم يقول...

الجدة فصيحة
تحياتى لكى يا جده
وفعلا الرساله دى مشكوك فى وصولها نهائى

فرنسا هانم يقول...

د/أبويحيى وادم
هاذهب الى المدونه لاقراء عن الحمله

فرنسا هانم يقول...

Z_Diva
يسمع من بقك ربنا
يروح الاسكيمو ويتجمد هناك
بس يلحقوه قبل ما يفيص
علشان خاطر المسكينه مسز رايق والرايقين الصغيرين
اما ان كان عليه هو
يتجمد يتجمد

فرنسا هانم يقول...

maiosha
لا يحبيبتى انا موجوده
متخافيش
بس اميل ايه انا موصلنيش منك اميل
لو فعلا بعتى اميل يبقى بعتيه لعنوان غلط
ارجوا معاوده ارسال الاميل على
faransahanm@yahoo.com
وشكرا جزيلا لكى

فرنسا هانم يقول...

hamssah
شكرا لكى يا همسه
ومرحبا بكى فى مدونتا
خالتك فرنسا

فرنسا هانم يقول...

المـــفـــــــقــــــــوعـــــة مــرارتـهــا
ميت مره منبهى عليه
وقيلاله
يا سعاده رئيس مجلس الاداره اول ما تشوف الزوار جم المدونه
بسرعه تقوم تعمل الواجب
لكن
هنعمل ايه
رئيس مجلس اداره فاشل
لكن بينى وبينك
احسن من خدامه من الفلبين

صيدلانيه طالعه نازله يقول...

بس يارايق كل شيىء بالخناق الا التدوين بالاتفاق
يا تهدوا السر و تلعبوا مع بعض فى المراجيح حتى لو غليت يا اما كل واحد يروح لحاله انما تغلط فى الكبيره بتاعتنا و ربه العائله التدوينيه اهوا دا اللى مش ممكن ابدااااااا
حط الكلام ده حلقه فى ودانك و الا انت الخسرااااان
فرنسا لو سلطتت عليك عيال المدونات
حيخلوا الكيلو منك ببلش رحمه و نور
و انت الجانى على نفسك

دعاء مواجهات يقول...

بوست بجد اكتر من رائع وجمييل


بالتوفيق

ع فكرة مش هيعرف يرد يافرنسا

هههههههههههه

صبرني يارب يقول...

هههههههههههههههههههههههههه
رايق انت رايق فعلا بجد

لو كتبت حاجه يا فرنسا هابعتهالك

غير معرف يقول...

عمنا وحبيبنا واخونا السيد رئيس مراجيح المولد

هههههههههههههههه
ههههههههههههههههههههه
هههههههههههههههههههههههههههه

ضحكت كتيييييييييير