اخوانى المدونين واخواتى المدونات
انهارده معانا ضيفه عزيزه
واحده مفروسه
بعتت تدوينه ليا على الاميل وانا بشكرها على المجهود الكبير ده
وفى انتظار مشاركاتكم الضاحكه معنا
وفى انتظار بوستاتكم لنقوم سويا بعمل مدونه للضاحكون
وانا مستعده لتغير اسمها من فرنسا والرايق الى الضاحكون فى حاله اشتراك عدد كبير من المدونين الضاحكين
والان اترككم مع
واحده مفروسه
***********************
بأنا يا جماعه من ساعة ما وافقت اني أتجوز و كل النصايح اللى بيدوهالى مخالفه للي كان نفسي فيه
أنا كنت فاكره إني لما اتخطب الهدايا حتغرقني بقي و الاوضه تتملى هدايا و ابقى أشيل عند أختي شويه و عند خالتي شويه ....لكن عدت فترة الخطوبه،، مناااسبه ورا مناسبه...و انااستنى بمكن يجيب المره ديه.؟!.أبدا....طيب المح له؟! .أبدا....طيب اقوله صراحتا ابدا
و الخناقات كترت بيننا ده فى فترة الخطوبه...إللى المفروض تكون أحلى فتره فى حياااتى
ومع تكرار المشاحنات..واختلاف وجهات النظر...إنت عايزه إيه و أنا أجيبه...
يالاااااااااااااااهوي أنا ماشفتش واحده مخطوبه تقول لخطيبها هاتلى هديه...طيب بزمتكوا انا راضيه زمتكوا......اقوله إيه هاتلى ازازة بارفان...و لا خاتم دهب يعنى.....و طبعا كنت أتفرس جوانى..و بعد ما يمشى اخرج براني مع مااامتي
وياااعيني مامتي قدام الفرسه الدائمه المكبوته...و امام انها عايزه تمشي الجوازه بتاعة البت مفروسه الجملي(أصلي غلبتها قوي في حكاية العرسان ديه) ..فجه على بالها انها تقعد معايا قاعدة صفا كده و تحكي معايا
بصي يامفروسه يا حبيبتي ...فيه رجاله مش بيفهموا فى المواضيع ديه ...و أسهل حاجه يقولك خدي الفلوس و روحي اشتري اللى على مزاجك
و فيه رجاله لو جابت هديه لمراتاتها تبقي بتلعب بديلها و بتغطي على عملتها السوده...أنا إن جيتو للحق فى الجزء ده خصوصا كنت خلصت كوباية النسكافيه و فنجلت و صحصحت و كل فص من فصوص مخي كان منتبه للكلام ده ...قوم الكلام ده دخل و ناااااااام نوم العوافي ....و اتعمل لمفروسه كورس تنويم مغماطيسي من والدتها و اخواتها..أكمنها البكريه و لسه ما دخلدش دنيا.....و ياريتني فضلت على موقفي ..أتاريكي يا مفروسه المفروض كانو يقولوك خرجتي من الدنيا مش دخلت دنيا.....
ماعلينا كل واحد و له بطيخته بقي..هو و حظه...قرعه...مرمله...مبزره....حمار وحلاوه...هيييه كلن له نصيبه
وتعدي الايام يا مفروسه..و جه عيد ميلادك و لا شفتي لبانه حتي هديه
وجه العيد الكبير..و لاحتي شفتي فروة الخروف هديه...و جه عيد جوازك...وعيد تحرير سيناء...و عيد الام...و عيد العمال...و6أكتوبر.....7يناير....وعيد ميلاد جارتنا و عيد جوازها ....إن يا بت يا مفروسه يجيلك حاجه أبدااااااااااااااااا
وكنت أتفرس و أعيط و أدبدب على الارض لأمي زى العيال ..و برضه تشاء الصدف اني أشرب برضه كوباية النسكافيه إللي بتصحصح المخ ديه و هيه بتقولي: مفروسه يا حبيبتى فيه رجاله مش متعوده انها تجيب هدايا لزوجاتها .يدوها الفلوس وهيه تجيب اللى على مزاجها ..و فيه رجاله لو جا بت هديه و هيه مش متعوده تجيب هدايا يتشك فى أمرها ...يعنى ياإما بيلعب بديله ..يا إما حيتجوز على مراته..إنتي خدي الفلوس و روحي أشتري اللي يعجبك...إن جيتو للحق ...انا برضه مخي ساعتها كل فصوصه كانت مصحصحه و الكهربا اللي جواه كا نت فولتها عالي ينور بلد..قلت خلاص انا آخد الفلوس و اجيب اللى على مزاجي..وكبري مخك يا مفروسه...إنتي مفروسه و هوه ولا علي باله....
وبدأت السياسه الجديده يا خوانا...و الامور ماشيه الحمد لله ...و مرت السنون...و الايام...وخلاص
قوم بقى من يومين ...ألاقيلكو جوزي راجع من النادي باليل الساعه يمكن منتصف كده...,دخل لاقاني نايمه...مفروسه...مفروسه
(انا طبعا عملت فيها فريد الاطرش أصلي انا متعوده على الندهه ديه بيبقى عاوز يتعشي..وانا باستعبط...يعني يرضيكوا يصحيني علشان ياكل ما العيش و الجبن عنده...انا استهبلت صراحه و فريد الطرش أخد و ضعه و اترستء و نفش ريشه......قلت خلاص همه ندهتين تلاته قولوا اربعه..و حيزهق......لأ ده مازهقش ...ده علّق.....مفروسه قومي شوفي انا جبتلك إيه.......انا الصراحه و دني الشمال لاقيتها بتطول و توسع علشان تسمع هوه بيقول إيه(أصلي أنا بنام على جنبي اليمبن) قومي يا مفروستي ..شوفي جبتلك إيه.....
أنا زقبت فريد الطرش و قمت ولا كأني كنت نايمه و قلتله إيه خير؟؟؟؟
شوووفي!!!!!!
ينهااااااااااااااار إسود إزازة بارفان
انا بقي الدم غلي في عروقي و عملت ريبلاي لكلام مامتي بسرعه فى دماغي
إيه المناسبه
من غير مناسبه
من غير مناسبه....يبقى حتتجوز عليا
إيه؟؟؟إيه الكلام الفضي ده
مدام إنت مش متعود تجبلي هدايا و دلوقتي بعد مضي 7 سنوات عجاف..جي تجبلي إزازة بارفان...طبعا انا بتكلم و بفتحها أشم ريحتها....و كمان وحشه ...يبقى حتتجوز عليا..
هوه بصلي و خرج ..و أنا قعدت اندب و طول اليل عماله استرجع الخروجات اللي كان بيخرجها لوحده ...و أقول كاني و ماني و دكان الزلباني
و أضرب أخماس فى أسداس...و أول لما النور شقشق....كلمت مامتي
إلحقيني حيتجوز عليييييييييييييييا
بقلم
هناك 60 تعليقًا:
هييييييييييييييييييييييييية
التعليق الاول
يانااااس
مش مصدقة
انا كدة دخلت التاريخ
سلاام يانيجروو
هههههههههههه
ثواانى هقرا وارجع تانى
مش هتاخر متقلقووش
جيييييت
ههههههههههههههههههههههههههههه
والله يامفروسة انتى زى العسل
لا وليكى حق بردو تقلقى
بس ممكن يكون خطب بس لان ازازة برفان مش كفاية علشان يكون اتجوز
خديها نصيحة منى
راقبية ومتبينيش انك زعلانة من حكاية البرفاا دى
مااشى
ووافينى بالاخباار
انتى عبيطة ولا إيية؟؟
أحب اقولكوا بقى
تصبحوا ع خيير انا خلاااص زهقت من كتر التعليق
اول وتانى وتالت كفاية كدة النهاردة بقى
ونكمل بكرة
اشطااااااااااط
أنا قولت نكملهم خمسة
علشان تبقى خمسة وخميسة فى عين
الرايق وأمثالة من الحاقدين
بييس بقى النوم كبس عليا.....
اشطاااااااااااااااط تااانى
ههههههه
دى شكلها مش كباية نسكافيه دى كباية شاى بالياسمين من بتاع عادل امام اللى بيغسل المخ
المهم بعد كده عملتى ايه فضلتى تقرريه ولا سلمتى امرك لله وقبلتى الهديه
ما يمكن حس بغلطته بعد سبع سنين وقرر يجيبلك هديه
المهم افضلى ورا الحكاية لحد ما تعرفى اصلها ايه وان شاء الله خير :)
حلوة قوى الفكرة وان شاء الله نشوف بوستات تانية كده مفرفشة
اه ما انا عارفه هو ده اخرك يا مفوسه علشان زجاجه برفان انتى نفسك قولتى ماما عملت كده علشان تخلص منى اعقلى يا حجه بقى وعادى كبرى مخك ووطى الفولت شويه
والله تلاقيها حد جابها له هدية ههههههههههههههههههههههههه
او اخدها هدية على برفان اشتراه لنفسه
اتاكدى الاول منه وشوفى الحقيقة
و لو مش عجبتك روحى لماما و قولها هاتى النسكافيه و اعدلى دماغى :))
ههههههههههههههه
ايه يا مفروسة المواهب دى
ما شاء الله
بس يعنى لا كده عاجب ولا كده عاجب
الراجل ضميره صحى وحس بالذنب أخيرا .. أديكى كده هترجعيه زى الاول تانى
بجد جميلة
استمرررى
وياريت تعملوا حوار ثلاثى مع فرنسا والرايق
منتظرين افتكاساتكواااااااا
دمتم بخير جميعا
سالى
الستات دول مخهم تعبان .. لاكدة عاجب ولا كدة عاجب
ما تزعليش مني يا مفروسة بس كدة over اوي
بس طمنينا برضو ليكون الموضوع بجد
هههههههههه
ههههههههه
هما كده الستات ما فيش حاجة بتعجبها
انا بصراحة فى الخطوبة وبعد الجواز كنت مريح دماغى كل مناسبة اديها فلوس وهى حرة مع نفسها تجيب ما تجيبش انا عملت اللى عليا وهى حرة
بس طالما ههى بالشكل ده يا اخت مفروسة انا عمرى ما اجيب هدايا انا مش ناقص فرسة بصراحة
بس بجد المدونة شكلها ايبقى تحفة وتجنن
هيص يا رايق
تحياتى
دعاء مواجهات
-------------
شوفتى الهنا اهه فرنسا و الرايق دخلوكي التاريخ
من أظرف تدوينه
هههههههههههههههههه
دعاء مواجهات
-------------
هوه انتي كنتي لسه ماقرتيش؟
كنت مستحليه القاعده فى الطراوه جنب البحر
ههههههههههههههه
دعاء مواجهات
-------------
أيوه عبيطه...مين قالك؟
عبيطه اني صدقت انه جابلى بارفان....و الحقيقه غير كده...
دعاء مواجهات
-------------
لأ بقى هوه انا مش حرد فى المدونه ديه غير على دعاء و لا ايه يا فرنسا
لا انا كده حنادى للرايق يطلعك و يخلى بقيه المعلقين يدخلو
ههههههههههههههههه
مع السلامه و احلام سعيده
دعاء مواجهات
-------------
انتي شاربه نسكافيه مصحصحك ولا ايييه؟
أهو ده عيبه
------------
قررته يا اختي قررته
على فكره هوه مش شايف نفسه غلطان انه مش بيجيب هدايا
هوه شايف انى انا الغلطانه انى بطلب
هههههههههههههه
appy
--------
هههههههههههه
ماهو انا كبرته ...و الفولت وطيييي على الاخر لما عرفت انه ما اشترهاش
ههههههههه
اصل كانت ريحتها خسارة فيها الفلوس
ههههههههههههههه
قوس قزح
-------
ههههههههههههههه
اه فعلا
sally
-----
لا يا حبيبتى ضميره ماصحيش و لا حاجه
ده واحد من اصحابه ادهاله هديه
انا فين و فرنسا و الرايق فييين
unique
-------
لا يا شيخه بقى الستات مخهم تعبان
طيب .....انا مش حقوله الجمله ديه لا يمسكهالى
مش بالظبط
هههههههههههه
همس الاحباب
---------
هههههههه
مدام عمرك ما جبت ...اوعاك تجيب هههههههههه
الرايق مش سامعك زعلان علشان مش افتتح الدورة..الفتاحه ضاعت منهم هههههههه
- ازيك يامفروسة ياعسوولة
انا بس كنت بوجب
ولا نسكافية ولا بتااع بس اصلى شكلى ادمنتكم خلاااص بااين
مكونتش قادرة اخرج بجد
واسيب اللحظة التاريخية دى
والله شكلك بتشتغلينا وى فية بارفاا وى بتااع ياحجة
بييس
]دعاء مواجهات
--------------
ازيك يا قمره
انا كمان ادمنتكم كلكم......
طيب تشربى معاي نسكافيه.
لأ كان فيه قصة البارفان بجد
بصي ارجعي تانى كمان ساعه انا حكون موجوده و اشممهالك رحتها وحشه جدااا
فين يا فرنسا الفلوس اللى دفعتها واحده مفروسه ؟؟؟؟؟؟؟؟؟؟؟
ايه ياختى ؟؟؟؟
سمعينى كمان وكمان
ببلاش
ليه هو انتى فاكرانى ايه عبطوكا ولا اهبلوكا
نو
نو
نو
انا الرايق ولا انتى نسيتى
تعالى هنا يا بت يا مفروسه
هاجرك من شعرك لو مطلعتيش الفلوس
انا دافع ايجار لبلوجر وخلو رجل للمدونه دى
دافع 150 الف جند خلو رجل
وبدفع تلات الاف وخمسميه سته وخمسين جند و99 قرش
طلعى الفلوس يامفروسه احسن لك
مش هتطلعى ؟؟؟؟؟؟؟؟؟؟
خلاص
يعلن رئيس مجلس الاداره الاستاذ الكبير قوى عبده الرايق
عن حبس واحده مفروسه فى اوده الفيران حتى تدفع اجره البوست
كما يعلن رئيس مجلس الاداره
وخليكم عارفين رئيس مجلس الاداره
السيد المحتر الكبير قوى عبده الرايق
عن تحويل اوراق فرنسا هانم لفضيله المفتى
وذلك لانها نزلت تدوينه واحده مفروسه دون الرجوع الى رئيس مجلس الاداره البيه الكومندان عبده الرايق
اروح بقى اكنس المدونه وامسحها
احسن فرنسا تيجى تطين عيشتى
يعنى انا هاعلق زى الناس
ولا هارد على التعليقات
ولا هاعمل ايه
فرنسا ومفروسه فرسونى
اروح بقى اتغدى
واملى الكرش تمام
وارجع اقراء اشوف اللى ما تتسمى مفروسه كاتبه ايه
منك لله يا فرنسا
كنا قلبنا البنيه وخدنا منها عشر تلاف جند
ولا حتى الف بس
ولا حتى 100 جند
او حق علبه سجاير
منك لله يا فرنسا
وتحيا ام دبو
ام دبو ت تعيش
ام دبو ت تعيش
هههههههههههههههه
حرام عليكى يا مفروسة والله اللى بتعمليه فى جوزك ده .. يعنى مش كفاية عندك
أنا حاسة إنه كمان شوية هيعمل يوميات زوج مفروس
أه .. مبروك على البرفان وعقبال ما موضوع الهدية ده يتكرر تانى إن شاء الله
ااااااااااااااايييييييييييييي
إالحقينى يا فرنسا....الرايق شاددنى من شعري و مجرجرني على أودة الفيران
و انا بخاف من الفيران أوي
انا حبخله بخه من البارفان الوحش اللي جوزى جابهولي يمكن يغمن عليه و لا حاجه و يسيبنى
يا رااايق عندك حلة باميه فى المطبخ روح كلها و حل عني لغاية لما تيجي فرنسا...
maiosha
---------
لاااااااااااااااااأ
انا آخد الفلوس و اشتري اللى انا عاوزاه
كويس اديكي لاقيتي للبرفان فايدة روشيه علي الرايق انا ممكن اجيب لك البرفان اللي جوزي جابهولي بريحة الفجل
مفقوعه يا حبيبتي
هو انتي كمان جاتلك ريحة الفجل ديه
ههههههههههههههه
شفتى لاقيتله فايده صحيح ... بس فكرك الرايق حيسبنى
يارب ينسانى بعد حلة الباميه
هههههههههههه
ينهارك ابيض وملحوس يا رايق
بقى عايز تلم من اصحابى فلوس من اولها وياماالدفع يالحبس فى اوضه الفيران ؟؟؟
لا
والف مليون لا يا رايق
وبعدين تعالى هنا
المدونه وسخه ليه ؟؟؟؟؟؟؟؟
والمكتب مش ممسوح ليه ؟؟؟
والكوبيات مش مغسوله ليه ؟؟؟
انت نسيت اختصاصاتك يا رئيس مجلس الاداره
تعالى يا رايق
احبس نفسك اربعه وعشرين ساعه فى اوضه الفيران
ولا كلمه
ولاتنطق
ادخل جوه
بقلك ادخل
ايوه كده جدع بتسمع الكلام
خليك جوه بقى ومش عايزه اسمع نفسك
مفروسه اقفى هنا على الباب
ولو سمعتى الرايق بيتنفس بس بصوت عالى اندهيلى
نسيت حاجه مهمه
اندهى لعم محمد البواب وخليه يفتش الرايق تفتيش ذاتى
ليكون واخد فلوس من حد كده ولا كده
وانتى عارفه ان هو مفلس طبيعى
يعنى اخره 2 جنيه
لو كان معاه اكتر من كده
نادولى
وانا اجى اعرف شغلى معاه
يخليكى ليا يافرنسا يا حبيبتى
بس سايق عليكى النبى بلاش انا عند اودة الفران ديه لحسن انا بتلبش منهم
مفروسه يا حبيبتى
مش شرط علشان هو مش متعود يجيب هدايا وجابلك مرة تخليه يندم طول عمره على الغلطه دى
جوزى من ساعه الخطوبه وهو معودنى عيد ميلادى مناسبه مقدسه وبعديه عيد جوزنا معنى كده انه هيتجوز عليه لا طبعا اهه انتى عارفه الرجاله
ودوام الحال من المحال
وربنا يسعدك هو فيه حد عاقل يكون متجوز مفروسه ويتجوز عليها
ده مامته داعيه عليه يوووه قصدى دعياله
سلام يا حبيبتى
ههههههه اهو احنا كدا يا ستات لازم بالجزمه عشان نمشى عدل لكن يجيب بارفان نقوله فى وشه ايف ....واوف
على راى ايبى احنا الستات عاوزين ضرب القديمه
تحياتى ليكى سومه_87
على فكره يا خالتو انا لسه مجاليش الخمس قروش بتوعى
ايه ؟؟؟؟؟؟؟؟؟؟؟؟؟؟؟
اوده الفيران
فرنسااااااااااااااا
السماااااااااااااااااااااااااح السماح يا فرنسا
افتحيلى وتوبه ان كنت اخد من مفروسه حاجه تانى
افتحى يا فرنسا
مبروك على التدوين المشترك....والله فرحتلكم وانتى يا مفروسة فرسانى اخر فرسة بسبب بوستاتك الحلوة دى اللى واكله منى الجو
نياهاهاهاااااااا
مفروسة باشا, ايون حرصي ياختشي ولا تخونيش, لانها فعلام حقيقة علمية "لو مش بيجيب هدية, و جابلك فأجة يا عنيا, يبقى الضرة في السكة جاية" :))))))))))))
و ايه حكاية ايسنس فجل ده كمان؟!!!! حتى المفقوعة مرارتها مجرباه يا عيني -كانت فيفي هيا اللي شرياهولها ولا ايه يا ترى ؟؟-
و يا مستر رايق ما يصحش ابدا ابدا اللي بتعمله ده, ايجارايه و حساب ايه بس
-كلام على جنب كده, انا بحب جدا البلوج بناعك برضون, و ان شاء الله نطلع من الصمت و نعلق هناك, بس اصلي الصراحة مقلقة منك, لاروح اعلق و اخر الشهر تبعتلي الفاتورة, و انا عواطلية و حالتي تصعب عالكافر يا خويا :(-
فرنسا, ازيك عاملة ايه, خللي بالك من نفسك, و من المساكين اللي هنا, احسن الرايق عايز يفتك بجيوبهم, خليه في اوضة الفيران ماتطلعيهوش, بتاع السويسري ده :)))))))))))
-شوفتوا بقى الكومنت الكوكتيل ده, اصلي مكسلة اكتب كذا مرة الصراحة :))))))))))-
يعنى يا مفروسة انتى تفرسي الراجل حس انه مقصر معاكي وفاق لنفسه تشكى فيه يعنى لا كده نافع ولا كده نافع مش يمكن حد عطاله ازازة البارفان دي ولما لقاها حريمي هداكي بيها واهو سدد نمرة عليكي
عديها بقى او يمكن انه كان جايها هدية لحد كان معاه في النادي ودلقه ومجاش واكتشف انه ملهوش غيرك انا بهدي النفوس بس طبعا
وعقلك في راسك تعرفي خلاصك
سومه..مجنونه فى بلد عاقل
-----------------------
هههههههههه
قديمه ليه بس
ممكن تكون جديده برضه
تحياتى
شفقه و إحسان
-----------
منوره يا حبيبتى
جو إيه اللى انا واكلاه؟الرايق يسمع و يجي يقولى هاتي حساب الاكل
ههههههههههه
Z_diva
========
ههههههههه
مقتصده ...وواعيه
هههههههههه
:))))))))))
خالتي بامبه
-----------------
هههههههههههه
لأ الصراحه أنا نفساويتي هدييييت خالص
فكرتينى أسأله كان جايبها لمين و مش عجبتها الريحه
ههههه
قصة رايقة بجد ورقيقة جدا
وفي اسلوب قصصي حلو وراقي
تسلم الأيادي يا خالتي وفي انتظار المزيد من الابداعات
دمت بسعادة
----------
حنين القلب
----------
هو متوعد يجيبلك من أيام الخطوبه
لكن تقولى إيه للى ماجابش لمده 7 سنين و فجأه جاب
أيون كده خدي بالك من كلامك دعياله مش داعيه عليه
ههههههههههه
سلام
08 يونيو, 2008 05:12
السلام عليكم ورحمة الله وبركاته
بجد مش عارفة اقول لكم ايه
مدونه غايه فى الروعه من كل جوانبها
وكمان اصحابها
فرنستى الجميله والاستاذ الفاضل الرايق
وكمان الاستاذه ام دم خفيف
مفروسه
اضحك الله سنكم جميعا مثلما اضحكتمونى من قلبى وادخلتم السرور الى نفسى
بمواقفكم الكومديه الظربفه
صاحب المضيفة
ربنا يبارك فيك ويسعد يارب
ومع خالص تحياتى اخى الكريم
ام الابناء
حبيبتى الغاليه ام الابناء
وحشتينى جدا جدا
رغم انى مشفتش تعليقك كتير وانا غايبه الا انى عذراكى
وحاسسه انك مشغوله جدا جدا
بدليل انى دخلت عندك لقيت مفيش جديد فى المدونه من فتره
مع خالص تحياتى لكى
وسلامى للاولاد ولاخى الطائر
اخواتى المدونات واخوانى المدونين
واختى مفروسه
شكرا لكل من ارسل بتعليق فى المدونه الجديده
ومازلت انتظر كتابتكم
ما هو عنده حق .........
د/هيما
مفروسه حبيبتى
ايه ده انتى عبيطه يا لولو ولا ايه .
انا بقى جوزي عملى المفجأه دي مره من ذات المرات برضه من سنتين كده بعدين اكتشفت انه كان عند عميل والعميل ده عنده برفان فاشترى برفان عااااادي .طبعا انا عارفه العميل وقصة حياته ما فيش حاجه تعدي عليا.
بس انتى على فكره زي ما قلتلك عبيطه انتى ازاي يا هانم تنامي وتسبيه كده بره ؟؟؟!!!!!
مش عارفه اعمل فيهم ايه العيال دي فين قانون اللزق .
ده العشاء ده حجه لطيفه جدا .
الو انت اتأخرت ليه
يلا تعالى بقى عشان اعشيك اصل خلاص منعوسه وهنام .
طب نامي انتى وانا هابقى اجي اتعشى انا ما تتعبيش نفسك .
اخس عليك ده انا جعانه من ساعة ما اتغديت ومستنياك عشان نتعشى سوا . اكل لوحدي يعنى .
طيب حاضر ربع ساعه بس وجاي
مش تسبيه وتنامي يا هبله هانم كده ان شاء الله هايتجوز عليكى بصحيح .
وموضوع الهدايا ده عادي. يا بنتى انا بقى باجيب هدايا اي نعم ساعات لم اكون مفلسه باجيبله من فلوسه يعنى بس عااااادي المهم انى انا بافتكر واجيب .
وهو بيبقى ناسي المناسبة اصلا .
مره واحده بصراحه الى عملي مفجأه السنه الى فاتت .
كنت بالعب فى الموبايل بتاعه من قبلها بكام شهر والموبايل كان جديد بقى . وعملتله رسالة تذكير فى تاريخ خطوبتنا . طبعا مش باقوله افتكر خطوبتنا لا حاجه تانيه .
المهم انا جيت يومها وكنت تعبانه ومزاجي زفت على الاخر واعصابي تعبانه على الاخر والجنان شغال معايا .
فجاه لقيت جايلي رساله من رضا قولت يا للهول .
وبعدين كمان بالليل جاي وجايبلي هديه ازازة برفان برضه .
وجايبله هديه اديهاله كمان . بعد 3 سنين خطوبه و8 سنين جواز اخيرا جابت نتيجه الخطه يعنى .
صحيح بعدها ما افتكرش عيد جوازنا لواحده بس يلا بقى اول الغيث قطره .
اللااااااااااازقه يا بنات اللااااااازقه
ايه الجمال دااااااا يا مفروسه وربنا انتي عسل خالص مالص
انا قلت ايه اللي حصل ومين هيتجوز دااااا
وازازة برفان تعمل فيكي كل دااا
حبيبتي والله
بقالي كتير مجتش عندك بس النت الله يسامحه بيلعب الدنيئه معايا
ريحتها حلوه او وحشه دى اذواق
المهم بكام؟؟؟
ههههه
ومتخافيش مش حيتجوز هو فى حد اهبل اتجوز قبل كده ويتجوز تانى؟؟؟
بلاش الظن السيىء ده مش يمكن الراجل من يوم ما خطب و هو مزنوق
و لما زنقته اتفكيت جاب الهديه
صحيح ستات ناكرة للجميل
هههههههههههههههههه
تعرفى يا مفروسة
انى هوت واتخطب عشان يجلى ورد فى عيد ميلادى
عارفة لو تخطبت وخطيبى مجبش مع هدية وررد احمر ولا فى عيد الحب جاب الورد
هتفرس بجد بجد واتقهر عشان دى امنية حياتى ان حد يجبلى ورد :(
بس بجد تسلم ايدك على توبيك زى العسل
إرسال تعليق