الأحد، أبريل 11، 2010

كل سنة وانت رايق .. يا رايق

اليوم 11-4 -2010
عيد ميلاد اخونا وحبيبنا عبده باشا الرايق سليل عائلة الرايق الفرعونية الاغريقية الكوالامبورية 
ويعتبر9عبده الرايق الحفيد رقم 16180 فى عائلة الرايق فجده الاكبر احمس الرايق موحد القطرين وبانى الاهرامات وجده الرايق الاصغر بانى مصر الحديثة والقائم بشئونها الروقانية
لذا ننهتز هذه الفرصة العظيمة 
ونتقدم له بخالص التهانى 
بمناسبة عيد الميلاد الذهبى 
كل سنة وانت طيب
وعقبال مليون سنة
تورتة بمناسبة عيد الميلاد
تورتة مخصوص علشان الرايق واحفاده 
تورتة علشان المدونين والمدونات
وطبعا انا اخدت نصيبى مقدما

طبعا الرايق لا يقبل الهدايا النقدية اوالعينية
ومتبرع بيها وبمصروفه اليومى لابنائه الغلابة حنين القلب وخالد 
دمت لنا زخرا يا رايق 
ويا ريت كل يوم تعمل عيد ميلاد

وكل سنة وانت طيب 
حنين القلب - همس الاحباب

هناك 22 تعليقًا:

همس الاحباب يقول...

كل سنة وانت طيب
وعقبال مليون سنة
فين الهدية
والجاتوه والكانز والملوخية

همس الاحباب يقول...

فى انتظار عودتك وعودة اسرةالضاحكون

تحياتى

حنين القلب يقول...

كل سنه وانت طيب يا بابتى وعقبال مليون سنه وتشوف احفادك واحفاد احفادك

بابتى بالمناسبه دى الواد عمر عمال يزن ويقولى عايز عربيه زى بتاعه جدو اقوله يا ابنى جدك الرايق شاريها من زمان دلوقتى غليت ابدااا مصمم ممكن تديها ليه هديه بمناسبه عيد ميلادك


ربنا ما يحرمنا منك ابدا يا بابتى

شفـقــة و إحســــان يقول...

كل سنة وانت طيب يا رايق ويارب تروق معاك وتحلى علشان ترجع تانى

NaiRa يقول...

كل سنه وانت طيب يا عبده
وبجد كنت كتير مفتقده بوستاتكم
وان شاء الله السنه دى احسن عليكم جميعا عائليه الرايق
ودايما مبسوطين

داليا ..قوس قزح يقول...

كل سنةو انت طيب يا رايق
و دايما حواليك اسرتك التدوينية اللى بتحبك
و متنساش لو فى هدايا انا لى نصيب فيها مش انا من العيلة بردو و لا ايه ؟؟؟؟

اصل انا عارفة الواد خالد ده طماع و بيكوش على كل حاجة

Kiara يقول...

كوووووووووووووووول سنة وانت طيييييييب

ويارب كل لحظه تحقق فيها اللي تتمناه وتقرب من ربنا اكتر واكتر

Mafrousa يقول...

تصدقوا و تآمنوا بلله
انتو فرستوني كوووووووولكم
حتى داليا قوس قزح
ايه يا بشر مش تيجوا تقولولى على العيد ميلاد؟؟؟؟
يعنى تفوتوني التورتة
و نفخ الشمع
و الله انتو وحشين
ههههههههه
فوتوا عليا ابيع لكم الساقع
هههههههههه
طيب يا يارايق
حسابك معايا انا
حسابك تقل و يجيله قد 10 قروش كده
هههههههههه
كل سنة و انت سالم
و بصحة و بخير

خواطر ليست عابرة يقول...

كل سنة وانت طيب يا رايق

عبده الرايق يقول...

هههههههههههههه
تورته
وعيد ميلاد
وانا نايم على ودانى
ههههههههههههه
انا بجد غبى منه فيه

عبده الرايق يقول...

مش عارف اقولك ايه يا خالد
اى كانت سبيك
ايام فيرى فيرى هابى

عبده الرايق يقول...

حنين القلب
والله انا بحبك حب الاب لابنته فعلا
والله حاسس ان عمر حفيدى فعلا
والله انا محتاج لتواجدى معاكم فعلا

عبده الرايق يقول...

شفـقــة و إحســــان
كامل احترامى للست هانم شفقه
وكامل احترامى للباشا احسان
تحياتى لكم

عبده الرايق يقول...

NaiRa
مع انى حضرت لعيد ميلادى متاخرا
الا انى بشكرك جدا جدا
وتحياتى لكى

عبده الرايق يقول...

قوس قزح
مش قادر اقولك الا انكى بجد والله وحشينى ووحشنى عقلك ونظرتك الثاقبه
هههههههه
حلوه الثاقبه دى

عبده الرايق يقول...

كيــــــــــــارا
شكرا جزيلا لكى اغلى كيارا
عارف والله انى مقصر
لكن اتمنى فعلا عودتى اليكم

عبده الرايق يقول...

واحدة مفروسة
جينا بقى للزغلول الكبير
مفروسه بشحمها ولحمها
اقولك ايه
ولا اكتب يه
بجد انا اتعلمت منك حاجات كتير
تحياتى لكى

عبده الرايق يقول...

خواطر ليست عابرة
وانت بالف خير وسلامه
وكل سنه والجميع بخير

عبده الرايق يقول...

انا اسف لان ردودى عليكم قصيره وده لان الكيبورد عندى سلم نمر بدرى
وانا كنت مشغول ولم انتبه اصلا للكمبيوتر
وانا بكتب من اللوحه الموجوده فى الوندوز
علشان كده ايدى وجعتنى من ام الماوس
ههههههههه
عموما
شكرا لكم جميعا

غير معرف يقول...

وحشتونى اوى اوى خالص ياغالين يااغلى الاحباب
ولسة شايفة حالا ان كان عيد ميلاد الرايق انا وحشة اوى انا عارفة والله بس ظروفى صعبة انى ادخل المدونات واتابع
كل سنه وانت طيب ياوقة عقبال مليون سنه فى كل الحب والخير يارب
وتعيش عيشة فل
:))
طبعا نسيتوا انا مين اصلا
مدونه حياتى فى كلمة

رندا فايد
:))"

موجة يقول...

كل سنة وهو طيب
خالص تحياتي
موجة

كلام على بلاطة يقول...

كل عيد تعيش فى سلام وتعيد
وتعلو وتسمو ..وعلى نفسك تتسيد
ولا يتحكم فيك اى من كان عبد ولا سيد
وعن الشرور تنأى بعيدا وتتحيد
وتجود بخيرك لغيرك وتكون الجيد
وتصفو وتسامح ولا تكون ابدا كيد
وبالاخلاق والمثل والقيم تتقيدوتقيم جسور الحب والود وتشيدد