الأحد، أغسطس 09، 2009

عيله تجنن ...قسم شرطه قطاع خاص


عبده الرايق .... والان موعدنا مع حلقه جديده من حلقات عيله تجنن وحلقه اليوم بعنوان ( قسم شرطه قطاع خاص )
******
الرايق :- هااااااااى ايفرى بدى ... هاااااااى بالجمله علشان انا مستعجل .. بسرعه يلا يا اولاد لموا العفش بتاعكم علشان هنعزل ونسيب الشقه دلوقتى
فرنسا هانم :- نسيب ايه يا رايق ؟؟؟ انت اتجننت ولا ايه ؟؟ وهنروح فين ان شاء الله ؟؟
الرايق :- انا عامل حسابى على كل حاجه واجرت شاليه فى العين السخنه .. منها نسكن ومنها نبلبط فى الميه
الطائر الحزين :- طيب وهنسيب الشقه ليه يا رايق ؟؟؟
الرايق :- انا عندى مشروع العمر .. هنكسب دهب وهنلعب بالفلوس لعب
همس الاحباب :- لا معلشى يا رايق انا مش مشترك معاكم فى المشروع ده
الرايق :- وااااات ؟؟؟؟ يو دونت مشترك ؟؟؟ احنا هنعمل جمعيه ؟؟؟ يلا كله يقوم يلم عزاله
صبرنى يارب :- فى ايه بس يابابا ؟؟ ارحمنا بقى يا روووقه .. انا خلالالالالالالالاص جانى ضيق تنفس من مشاريعك
الرايق :- المشروع المره دى فووول اوبشن .. يلا يا ولاد ... يا ولاد ..انتم يا بشر ... يو دونت سبيك وز مى ؟؟؟ ولد يا طائر مش عايز تتكلم ليه ؟؟
الطائر الحزين :- لا ابدا يا رايق .. اصل حواجبى بتوجعنى ومش هاقدر اتكلم معاك
الرايق :- وانت يا همس الاحباب ؟؟؟
همس الاحباب :- لا ابدا يا رايق ..اصلى لسه حالق دقنى ومش هاقدر اتكلم معاك
الرايق :- وانتى يا فرنسا هانم كعب الغزال
فرنسا هانم :- وانا شارحه لسه حالقه دقنى مع خالد ومش هاقدر اتكلم معاك
الرايق :- ماشى يا فرنسيس .. وانتى يا صبرنى يارب
صبرنى يا رب :- معلشى بقى يا روووقه اصلى باكل لبانه تشيكلتس بالموز . والدكتور محرج عليا ماتكلمشى باللبانه
الرايق :- ماشى يا بشر ... وانتى يا حنين القلب
حنين القلب :- انا معاك يا بابا وكلى ودان صاغيه ..مالكشى دعوه بالبشر دول انا بس اللى مقدره مواهبك .. ايه بقى المشروع يا رووقه
الرايق :- انا فعلا مخلفتش الا حنين القلب .. بصى يا نونه .. بصوا يا بيبول كلكم ..انا نويت اعمل الشقه دى قسم شرطه قطاع خاص
الطائر الحزين :- نعم نعم نعم ... قسم شرطه ايييييييييييييييييه ؟؟؟؟
الرايق :- ايه بالراحه على حواجبك شويه لتوجعك يا طائر ... اشمعنى دلوقتى بتزعق ...بقولك قسم شرطه قطاع خاص
فرنسا هانم :- وانا كنت عملت ايه فى دنيتى ياااااااااااااااما ... يالهوووووووووووووووووووووى
الرايق :- بطلى صويت يا فرنسا لحسن دقنك يوجعك ...ايه يا قوم مش عاجبكم قسم شرطه قطاع خاص ؟؟؟ مش دلوقتى فى قنوات بالهبل قطاع خاص ؟؟ وكل واحد مسمى قناته براحته ؟؟ يعنى مثلا عندكم قناه حنبعل بتاعه تونس ... فى قناه فى الدنيا اسمها حنبعل
حنين القلب :- انا عن نفسى قعدت شهرين علشان اعرف اسم القناه دى ... يعنى ايه حنبعل يا بابا ؟؟؟؟؟
الرايق :- سؤال وجيه يا نونه ... بصى يا بنتى .. انا سألت العلامه الجهبز الاستاذ حسن باشا الفراش عن اسم قناه حنبعل ... قام رمى المقشه على يمينه والجردل على شماله وقالى ..قناه حنبعل اسمها على اسم الاستاذ حنا جوز بنت صاحب القناه .. وجوز يعنى بعل ..راحوا قالوا قناه الاستاذ حنا بعل بنت صاحب القناه ..وبعدين اختصروا الاسم ل حنبعل
الطائر الحزين :- منك ومن الفيلسوف حسن باشا الفراش نستفيد يا رايق ... قناه حنبعل اسمها على اسم القائد التونسى العظيم حنبعل امير قرطاج اللى عبر جبال الالب علشان يحارب الرومان فى قلب روما
الرايق :- يااااااااااااا سلام !!!!!!!! ايش فهمك انت يا طائر ؟؟؟ بقى اصدقك انت واكذب العلامه حسن باشا الفراش ... نو نو نو
همس الاحباب :- يعنى دلوقتى عايز ايه يا رايق ؟؟؟
الرايق :- انا خلاص كلمت حسنين الرايق ابن عمى فى البلد علشان يبعت لى من هناك كام راجل زى ضلفه الباب ... ودول هيبقوا امناء الشرطه بتوعنا وهنعمل القسم هنا وناخد غرامات وكفالات وكله بالدورر
فرنسا هانم :- وانا معاك فى مشروعك يا رايق ... بس عندى سؤال
الرايق :- ايوه كده يا روح الرايق اسئلى
فرنسا هانم :- مش كل قسم لازم يكون فيه زنزانه ؟؟؟؟ فين بقى الزنزانه ؟؟؟
الرايق :- ههههههههه ودى هتفوتنى برضه يا فرنسا .. الاوضه بتاعه البنات ليها قفل ورزه .. وهى دى الزنزانه
فرنسا هانم :- بس دى ممكن المساجين يهربوا منها
الرايق :- نو نو نو ... انا محضر لها قفل مستورد .. وكمان الرزه بتاعتها من النوع الحديدى فووول اوبشن
فرنسا هانم :- خلاص يا رايق بس علشان يطمئن قلبى على المشروع ادخل جوه الاوضه ونجرب نقفل عليك ونشوف يمكن تقدر تطلع
الرايق :- عظيمه يا فرنسا ... انا هادخل الاوضه وادى القفل اهو اقفلوا عليا
فرنسا هانم :- ايوه كده يا روووقه عظيييييييييييييم خليك بقى جوه الزنزانه
الرايق :- نو نو نو ... فرنساااااااااا .. ولد يا خالد .. ولد يا طائر ..بنت يا حنين .. بنت يا صبرنى يا رب ... يا ناس ..يا خلق ... انا مظلوووووووووووم
***************
وهكذا ايها الاخوه والاخوات زوار مدونه الضاحكون تم حبس الرايق فى الزنزانه التى اختارها بنفسه الى ما بعد رمضان حتى تستطيع اسره الضاحكون ان تقضى ايام شهر رمضان المبارك بدون مشاكل وقلق الرايق
وكل عام وانتم بخير
.
والى لقاء جديد بعد الشهر الفضيل

هناك 42 تعليقًا:

حنين القلب يقول...

هيييييييييييييييييييييه

بالعند فيك يا خالد
اووووووووول تعليق

زغردى يا مامتى

حنين القلب يقول...

لالالالالالالالالا انا معترضه
بابتى مش يتحبس لوحده طول الشهر
علشان نفسوياته
مش تخاف يا بابتى هحبس معاك الواد خالد اهه يسليك وتبقوا تفطروا سوا مع انه اصلا بيصوم لحد الضهر علشان مش يقصر وبرضه بيقصر

ههههههههههههههههههههههههههه

تسلم ايدك يا احن بابتى فى الكون

حنين القلب يقول...

بابا عبده الرايق

ماما فرنسا هانم

اخويا خالد همس الاحباب

اختى صبرنى يا رب

اخويا ايهاب الطائر الحزين

كل سنه وانتم طيبين ويا رب دايما متجمعين ولا نفترق ابدا

رمضان كريم
تقبل الله منا الصيام والقيام

شوكولاتة يقول...

حلو قوي البوست ده بس ياترى هاتتطرحه أسهم القسم ده في البورصة أصله مشروع العمر
ههههههه
طل سنة وأنتو طيبين
سلاااام

الفراغ يقول...

اخواتى الاعزاء
حنين القلب ربنا يكملك على خير
وهاتوحشينا لغاية العيد
وعلى فكره ليكى سؤال عندى ...ياريت تقبليه وتجاوبيه علشان نفسى اتعرف عليكى اكتر

فرنسا هانم
احيكى على مافعلتيه فى الرايق..مع انه ياحرام مايستهلش دا كله
داهو خيركم وبركتكم
وكل سنه وانتى طيبه


اخويا العسل...عبده الرايق
سلام كبير خصوصى لكبير العيله
هاو ار يو...
انا ممكن اتوسطلك يطلعوك من الزنزانه
بس الفطار عليك طول رمضان
لو وافقت ...ارجوا الاتصال على عنوان المدونه
كل سنه وانت طيب


صبرنى يارب
ياريت تقبلى السؤال مع حنين
نفسى اعرفكم بجد
لانى بحبكم قوى
وكل سنه وانتى طيبه


همس الاحباب ...والطائر الحزين
عرفاكم وبينا وبين بعض عشره ومعرفه تشرفنى وتسعدنى وكل سنه وانتما طيبين

هاتوحشونى كلكم
والى لقاء

أمل حمدي يقول...

ههههههههههههههههه

حلوة

كل سنة وانتم طيبين جميعا يارب

ومعلش افرجوا عن الرايق ومش هايعمل كدا تاني

رمضان كريم

Asmaa mahaba يقول...

ههههههههههههه امرت السلطات الامريكيه بالقبض صباح اليوم على بن رايق

Asmaa mahaba يقول...

حنين القلب بتقول نشيد عيله ونيس خخخخ بابا عبده ماما فرنسا احنا ولادكوا وحنبهدلكوا

Asmaa mahaba يقول...

ازيك يا خالتو فرنسا مكانلكيش قاعده مع الرايق حرامى جلد حنفيات العباره انا قولتلك سميه واخلصى انا مره سميت بطيخ مات حرم يضايقنى تانى اسالينى انا

Asmaa mahaba يقول...

اها عاوزين تهربوا منى للعين السخنه وتسيبونى طيب انا حاخد الشاليه اللى جنبكم

الطائر الحزين يقول...

وكمان طلعت بتتخابر مع دول أجنبية اصبحت جاسوس على البلد لصالح بهتيم البلد اخص على كدة وانا اللى كنت فاكرك وطنى طبعا لازم يكون فيه تهمه علشان دخول الزنزانة يكون بسبب احنا فى بلد ارستقراطى

بقول لك ايه

انت عرفت منين ان حواجبى بتوجعنى


انا عندى جوز مساجين عتاقى يعجبوك اجيبهم يونسوك



--------------------------

رمضان كريم على الجميع

همس الاحباب يقول...

هههههههههههههه
هههههههه
بجد تستاهل يا رايق
برافو يا فرنسا
عملتى اللى كان نفسنا فيه من زماااااان
بس يا ريت تتدخلى البت حنين ويبقى استريحنا من الاتنين

همس الاحباب يقول...

عبده الرايق
فرنسا هانم
الطائر الحزين
صبرنى يا رب
حنين القلب
كل زوار المدونة الكرام
كل سنة وانتم بخير وسعادة
رمضان كريم عليكم جميعا

فرنسا هانم يقول...

انا شجيع السيما
ابو شنب بريمه
اول ما اقول هالى هوب واقرصلى قرصه
ههههههههههه
الرايق يتكهرب ويبقى فرخه
ههههههههههههه
مبروك عليك الزنزانه النص نجمه يا رووقه
تتخيل انا كنت بفكر اعمل كده من زماااااااااااااااااااااااااااان
ههههههههههههههه

فرنسا هانم يقول...

حبايبى كل زوار مدونتنا الضاحكون
من الصغير للكبير
اخويا الغالى وابن بلدى عبده الرايق
بنتى الكتكوته الاموره حنين القلب
ابنى الغالى همسش الاحباب
ابنى الغالى الطائر الحزين
بنتى الغاليه صبرنى يارب
هتوحشونى كتييييييييييييييييييييييييييير قد البحر طوال فتره الاجازه
ولو انى هاكون سعيده
لالالالالالالالالالالالا
وعلى راى روووقه
نو
نو
نو
مش هاكون سعيده انى بعيد عنكم
لا
هاكون سعيده انكم فى مؤتمن بعيدا عن خزعبلات الرايق ومشاريعه اللى هتودينا وراء الشمس والقمر
بحبكم كلكم
كل سنه وانتم طيبين

-_- يقول...

والله بجد عايز اشكرك لانك ضحكتني شوية بدل الاكتئاب اللى انا كنت فيه

عاشقه الرومانسيه يقول...

كل سنه وانتم طيبين ياعيله الرايق

------ يقول...

بجد جمييييييلة
كاتبة فى كشكولى مغامرات نفيسة اللذيذة
ومنحوس ابو متعوس وفتكات ام بركات وحنكش بس اكيد مش احسن من عيلتك لانها مجنونة جدا صحيح

وبجد البوست اكثر من رائع
وكل سنة وانت طيبين
http://hmasat-halema.blogspot.com/ويارب مدوناتى تعجبكم بس اكيد عايزة التعليق
http://www.egyfanz.com/beta2/do-1363.html

عبده الرايق يقول...

اعزااااااااااااااااائى
المدونين والمدونات
فى القاهره والدلنجات
اعزااااااااااااااائى
كل افراد عائله الضاحكون
ايفرى سنه وانتم طيبين
بمناسبه مانس رمضان
انا فيرى فيرى هابى بقدووم الشهر المبارك

عبده الرايق يقول...

بنتى العزيزه الغاليه جدا جدا
حنين القلب
كل يير وانتى طيبه
عارفه يا نونه
انا بكون فى غايه الهابى وانا بسمعك تقولى ازيك يا بابا
ربنا معاكى يا بنتى ويوفقك
ابوكى العزيز
حب العزيز
قصدى الرايق

عبده الرايق يقول...

ابنى الحبيب جدا جدا
والغالى جدا جدا
الطائر الحزين
رغم ان انت واقف لى زى اللقمه فى الزور
وكل شويه تطلعنى غلطان
وتجيب معلومات مضروبه
الا انى بحبك جدا جدا جدا
ورغم انى لم اراك
الا انى احببتك فى الله
ايفرى يير وانتى طيب يا طائر

عبده الرايق يقول...

ابنى الحبيب الى قلبى
والغالى جدا جدا
همس الاحباب
ربينا يعلم يا خالد كم احببتك فى الله
رغم انى ايضا لم اقابلك
الا انى احسست انك قريب جدا منى
ربنا يبارك لك فى همس
وايفرى يير وانت طيب

عبده الرايق يقول...

بنتى الغائبه الحاضره الغاليه
صبرنى يارب
انا كلمت حنين القلب انها تسأل عنك وتطمنى عليكى
وحنين قالت لى انكى بخير
وهذا يكفينى جدا
يارب تكونى دايما بخير وسعاده
ايفرى يير وانتى طيبه

عبده الرايق يقول...

اختى الغاليه
وبنت بلدى الرائعه
ام سحلول
قصدى
فرنسا هانم
مش عارف اكتب عنك ايه
لكن
والله كان نفسى اشوفك واتعرف على الشخصيه الخرافيه دى
انتى فعلا من الشخصيات الغاليه الخرافيه
زى الغوله والتنين وام رجل مسلوخه
نو
نو
نو
انتى فله المدونه
مع خالص تحياتى لشخصك الكريم
ولدماثه خلقك الرائعه
وحبك للضحك والهزار
ايفرى يير وانتى طيبه

عبده الرايق يقول...

شوكولاتة
طبعا هنطرح اسهم فى الموضوع ده
وانا فكرت اننا نجيب كام سهم وكام رمح ونطرحهم ونرجع نجمعهم ونقسمهم على كل المشتركين
وهتبقى فله

عبده الرايق يقول...

الفراغ
سيدتى واختى الوفيه الفراغ
بجد والله اخجلتنى كلماتك جدا جدا جدا
فانا اشكر الله اننى اتلقى قبولكم
وبجد مش عارف ارد
لكن
لم اجد فى قاموس الكلمات افضل من (((بارك الله لكى فى نفسك وصحتك واولادك ))))

عبده الرايق يقول...

ماما أمولة
شكرا يا ماما اموله على طلبك بالافراج عنى
ولكن
الناس دول قلبهم قاسى وممصمصين على حبسى طوال رمضان
كل سنه وانتى طيبه

عبده الرايق يقول...

سومه...مجنونه فى بلد عاقل
ههههههههه
سوووووووووووووووومه
زوجه الاستاذ بطيخ عندنا
يا مرحبا يا مرحبا
عرفتى منين حكايه الحنفيات دى يا لئيمه؟
كل سنه وانتى والريس بطيخ بخير

عبده الرايق يقول...

Sharm
والله ماحد هياخد حاجه معاه
مفيش الا عمله الصالح بس
يعنى اضحكى وفرفشى وارمى الهم لاقرب مقلب زباله

عبده الرايق يقول...

عاشقه الرومانسيه
وانتى طيبه وبخير وسعاده
ويارب تعود عليكى الايام بخير وبركه

عبده الرايق يقول...

دموع القمر
يبدو اننا هنشوف كشكول رائع
ربنا يوفقك
وكل سنه وانتى طيبه

Me7'o يقول...

أعزائى الضاحكون

بقيادة

عبده الرايق
فرنسا هانم

وأعضاء العائلة اللى تجنن

همس الأحباب
الطائر الحزين
صبرنى يا ربى
حنين القلب

لكم منى كل حب وتقدير
كل سنة وإنتم طيبين ورمضان كريم

أم بتول يقول...

عيلة تجنن بجد
جميلة جدا ، وكل سنة و أنتم طيبين و بخير
بس متهيئ لى أنه مش ها يهون عليهم يسيبوه محبوس لآخر رمضان ، أكيد ها يفرجوا عنه بس ها يخلوه يصوم عن الكلام و التفكير فى أى مشاريع تانية لحد عيد الفطر ، كل سنة و أنت بخير و سعادة .

Asmaa mahaba يقول...

كل سنه وانتم طيبين

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
زتدبر معانيه وفهم علي النحو الصحيح
ورطب ألسنتنا بذكر يا الله

قوس قزح يقول...

غسل الله قلبكم
بماء اليقين
و اثلج صدركم
بسكينة المؤمنين
و بلغكم
شهر الصائمين

.. * * . * * .
.* . . * . . *
* . رمضان . *
. * .كريم. * .
. . * . * . .
. . . * . . .

أبو كريم يقول...

حلو البوست ده ودمه شربات
حنبعل هو فى قناه فعلا اسمها كده!!

ربنا لا تؤاخذنا بما فعل السفهاء منا

رمضان كريم على الضاحكون والباكون بمصرنا المحروسه

لاسع افندى يقول...

تحيه وعيديه
وكحك وصحبه هنيه

عيد سعيد

حنين القلب يقول...

كل سنه وانتم كلكم طيبين
ويا رب عيد بعد عيد واحنا مع بعض ولا نتفرق ابدااااا

كل سنه وانت طيب يا بابتى والبنت حنين الصغننه بتقولك فين العيديه يا جدو

كل سنه وانتى طيبه يا مامتى

كل سنه وانت طيب يا خالود
كل سنه وانتى طيبه يا صبرنى
كل سنه وانت طيب يا ايهاب
كل سنه واحنا دايما عيله واحده

ياااااااااااااااا رب

فرنسا هانم يقول...

ايه يا جماعه
فينكم ؟؟؟
كل سنه وكل الضاحكون بخير
كل سنه وانت طيب يا روووقه
كل سنه وانت طيب يا خالد
كل سنه وانت طيب يا طائر
كل سنه وانتى طيبه يا نونه على فكره يا حنين انا سمعت خبر كده ومحتاجه انى اسمعه منكى
كل سنه وانتى طيبه يا صبرنى يا رب
كل سنه وجميع احبابى بخير
وعيد سعيد عليكم كلكم

شوية قهوة يقول...

ههههههههههههههه
بكد تحفة تسلم ايديكم
هتبعها ان شاء الله ومستنياك تشوف مدونتي

Unknown يقول...

مرحباً
كم هو رائع ان يترك الانسان بصمة له في هذه الحياة
كم هو أروع ان كانت هذه البصمة حكمة او معلومة او توعية يستفيد منها من يمر عليها

اعجبتني مدونتك المميزة
واعجبتني حروفك الذهبية
ويسعدني زيارتي لكِ , وباذن الله تتكرر
ويشرفني دعوتك لزيارة مدونتي
ارق تحية