الأحد، مايو 24، 2009

عيله تجنن ...مطلوب عريس

بعد صلاه الجمعه ..وكان يوم الاتنين ..كانت عيلة الرايق قاعدين فى الصاله .. الخمس نجوم .. والرايق زى عوايده ماسك عود قصب عمال يمص فيه ويرمى القصب الممصوص على فرنسا ... وخالد همس الاحباب قاعد ياخد الزباله وعامل نبله وشغال ضرب فى الناس اللى فى الشارع .. وتطلع حنين القلب وهى ماسكه ورق فى ايدها كتير ولابسه جلابيه مقطعه وحاطه ورا ودنها اليمين قلم وورا ودنها الشمال سيجارة

راح الرايق ماسكها من قفا الجلابيه وقال :- ايه السيجارة دى يا بت ؟؟؟

حنين القلب :- يا بابتى مش تفهمنى غلط دى بتاعت الواد خالد قفشتها فى الجزمه بتاعته وقولت افتن عليه واقولك

همس الاحباب :- بت انتى ابعدى عنى انتى هتجبيلى تهمة ولا اعرفها يا روقة ده اكيد بتاعتها انا مدمن عرقسوس وانت عارف

حنين القلب :انا بشرب شيشه ... وانا بولع الحجر لبابتى بشرب نصه يبقى هشرب سجاير ليه ؟؟؟ وربنا يا بابتى مش انا
الرايق :- شط اب يور ماوس منك ليها ورينى السيجارة دى يا بت ده سيجارة مصرى مش مستورد اخس عليكم عيال خيبة .

فرنسا هانم :- يوكسك يا موكوس هو كل اللى يهمك السيجارة مستوردة ولا مصرى
الرايق :- طبعا يا متخلفه انتى السيجاره الاجنبى ولا تأثر فى الصدر بتيتا .. وبتدى قوه ولا عسل النحل الطبيعى
الطائر الحزين :- انت بتقول ايه يابابا ؟؟ الكلام ده مش مظبوط نهائى .. انت اكيد بتهزر
الرايق :- نو نو نو ده كلام صاحبى وصديق عمرى العلامه الكبير حسن باشا الفراش اعزه الله

حنين القلب :- بابتى سيبك من الواد ده انا عايزاكم فى موضوع مهم جدااااا

همس الاحباب : - وبعدين ايه الورق ده انتى ناوية توزعى منشورات ولا هتبيعى ترمس على الكورنيش

حنين وهى عماله تفرق الورق على ابوها وامها واخواتها :- اسكت انت يا خالد ممكن ولا نو ممكن .. شوفوا بقى جميعا يا عائله الرايق المحترمه من اسوان شمالا الى الاسكندريه جنوبا ..مرورا بنزله كعب ونزله السمان ونزله برد ..قررت الفتاه المثاليه حنين القلب المفتريه .. قرار جمهوريا راييقيا رقم واحد
اولا .. مطلوب عريس كامل الاوصاف عريض المنكعين يمتاز بالذكاء والفاطمه .. الطول لا يقل عن 80 سنتيمتر ولا يزيد عن 230 سنيمتر .. تيسيرا لاشتراك اكبر عدد من المتقدمين
ثانيا .. المؤهل .. لايشترط
ثالثا .. العمر ... لايشترط
رابعا ..اللون .. لايشترط
خامسا .. ان يكون المتقدم حى يرزق
وده الورق وال سى فى بتاعى وكل حاجه تخصنى وهنيه لك يا فاعل الخير والثواب ..والسلام عليكم ورحمه الله وبركاته
الطائر الحزين :- ايه البنت المجنونه دى ؟؟ انا طبعا مش موافق

همس الاحباب :- بعد اذنك يا رايق نو نو نو انا معترض انا غير موافق انا كمان ..عريس ايه يا مفعوصة ؟؟؟ وانتى مين هيرضى بيكى من اساسه يا حفيدة ريا وسكينة

حنين القلب :- بص يا بابتى .. سيبك من الواد الملحوس ده ..خليك معايا .. ده الcv بتاعى وفيه كل حاجه عنى من ساعه ما اتولدت لحد الساعه دى وفيه كمان كل طلباتى فى فارس احلامى وفيه كمان العاهات المستديمه وكل حاجه

همس الاحباب:- وبعدين انا سمعت عن طلب وظيفة طلب شقة اما طلب عريس ومنشورات دى نكتة الموسم والمواسم القادمة هو العريس هيتجوز محل كشرى ولا عربية كبده .

حنين القلب :- يييييييييييييييييييييي بابتى سكته بقى وربنا هعضك اخرس ياااااااااااض .. انت اصلا راكب ميكروباص التخلف .. اما انا راكبه طياره التقدم .. ايش فهمك انت يا بتاع النمل ؟؟ ابعد عنى لحسن سنانى بتاكلنى وعايزه ادوق اللحمه

همس الاحباب :- مجنونة وتعمليها ما انتى ليكى 15 سنة ما دوقتيش اللحمة

حنين القلب :- ماااااااااااااااشى خاف على نفسك بقى ...بصوا يا قوم .. انا قررت انى اتجوز انا بقالى 13سنه عايشه وعمرى ما جالى عريس ..انا قربت اصدى يا ناس ...اشمعنى صبرنى يجيلها عرسان واشمعنى خالد يحب ام زغلول هما مش احسن منى انا كمان عايزة احب واتجوز ..عايزه اتجوز .. عايزه اتجوز ..عايزه اتجوز
واختصارا لكل ده وفرت عليكم التعب بص يا بابتى انت معاك 50 نسخه تفرقهم على اصحابك فى الشغل وانتى يا مامتى معاكى زيهم تفرقيهم على جيرانك وانت يا منيل يا همس الاحباب فرقهم على اصحابك على القهوة وانت يا طائر تفرق على اصحابك .. اهم حاجه تجيبوا نتيجه

همس الاحباب :- هههههههه بطلوا ده واسمعوا ده ولسه يا ما نشوف يا وقعة هباب وزفت وقطران سوبر 90 على وشك لا يمكن اشارك فى هذه المهزلة سمعتى برستيجى بين تجار النمل على مستوى العالم
الطائر الحزين :- وانا لايمكن اشترك فى المهزله دى نهائى
الرايق :- خلاص يابنتى انا هكلم العلامه الكبير صاحبى حسن باشا الفراش يشوف لنا عريس حتى لو نص عمر او مستعمل ..

حنين القلب :- نص عمر ربع عمر .. بصوا من الاخر كده .. فيه انذار ان لو عدى الشهر ده من غير ما يتقدم ليه عريس هفجر نفسى فى وسط الحارة وقد اعزر من انذر مااااااااااااااااشى

همس الاحباب :- كلا البطة والوزة كمان لا يمكن ابدا يا شماته ام زغلول فيا

حنين القلب :- بقولك ايه ياض لو خايف على عمرك اسمع الكلام من سكات ماااااااااشى

همس الاحباب :- ايه البنت دى اللى جاية من المدبح على حمار اعرج

الرايق: نونونو بنتى حبيبتى بتشحت عريس مالك يا بت ده انت لسه صغيره شوفى تربيتك يا فرنسا هانم

فرنسا هانم : يخيبك بت من دون البنات جواز ايه يا منيله ده انتى لسه عيله وكنتى بتلعبى فى الشارع مع العيال السنه اللى فاتت

حنين القلب : بصوا بقى جايه من المدبح بلعب مع العيال خلالالالالالالالالالاص انا قررت انى هتجوز الشهر ده وخلاص انا نفسى اتجوز واحلف على جوزى بالطلاق
الطائر الحزين :- للاسف الشديد يا بابا مع غلاء المعيشه ومع ضيق ذات اليد .. هتبقى هى دى فعلا حياه الشباب فى المستقبل شباب وفتيات ..لذلك .. قررت انا الطائر الحزين ان اقوم باعداد سى دى خاص بيا .. وياريت يجيب نتيجه
همس الاحباب :- ايه الجنان ده ؟؟ وانا كمان شوفوا لى سى دى
الرايق :- نو نو نو ... طيب المتنيلين المتجوزين زى حالاتى مالهمشى اعاده قيد ولا حتى ملاحق


هناك 33 تعليقًا:

حنين القلب يقول...

هيييييييييييييييييه

اول تعليق


اروح اقرى وارجع

حنين القلب يقول...

ايه ده

ده البوست بتاعنا

طيب
اقرى برضه يمكن افهم

حنين القلب يقول...

وبما ان خالود مش هنا

اعلق واقطع فى فروته براحتى

يعنى مش عجبك انى اتجوز وابعد عنكم

يعنى انت لما كنت عايز تتجوز ام زغلول عملت معاك كده ؟؟

ماااااااااااشى
ربنا يسامحك

حنين القلب يقول...

همس الاحباب

سى دى ؟؟؟
على اساس انك هتسمع نانسى وهبى ولا هيفاء عجرم

يا ابنى السى فى ده اللى بيتحط فى البوتجاز علشان يشوى اللحمه بسرعه ولازم يكون فى جهاز العروسه

صح يا بابتى ؟؟؟؟

حنين القلب يقول...

عبده الرايق

يا بابتى انت لو لفيت الكون مش هتلاقى زى مامتى
كفايه انها فهماك
وكفايه انها مستحمله حسن الفراش اللى بيفطر ويتغدى ويتعشى كمان عندنا

ههههههههههههههههههههه

بابتى لقيت العريس ولا لسه؟؟؟

حنين القلب يقول...

فرنسا هانم

وحشتينا يا مامتى

فينك ؟؟؟؟

احنا مش وحشناكى ولا ايه ؟؟


مووووووووووووووووووووه
احلى بوسه لاحلى فرنسا من اسكندريه لحد السويس

حنين القلب يقول...

الطائر الحزين

اااااااااااااه لازم انت كمان تعمل سى فى
والا بكرة مش هتعرف تتجوز وهتقعد تسمع مع خالد السى دى بتاعه

ههههههههههههههههههههه

عروستك عندى يا ايهاب
اصبر بس لما تكمل 8 سنين ونجوزك ليها علطول
مش ده السن القانونى للجواز؟؟؟

غير معرف يقول...

ههههههههههههههههه حلوة اوى نانا

عبده الرايق يقول...

ايه يا حنين انتى اخدتى التعليقات مقاوله ؟؟؟
عموما
مبروك اولا
وثانيا
وثالثا
ورابعا
وخامسا
للاهلى ولكل الاهلاويه على بطوله الدورى
واخدناها بدراعنا يا رداله
بيب بيب اهلى

عبده الرايق يقول...

حنين القلب
بكره السى دى الفاضى هيغلى تمنه وبرضه الشباب مش هيقدروا يشتروه
انا عندى ليكى عريس لقطه
من غير لا سى دى ولا ورق ولا غيره
بس ادعيله يخرج من الحبس المؤبد بتاعه وربنا ياخد بيده ويشفيه من انفلوانزا الخنازير

الفراغ يقول...

اولا السي فى ماوصلنيش
ثانيا ممكن ابعت السى فى بتاع بنتى بالمره وهنيالك يافاعل الخير والثواب
تحياتى لفكرتك يا حنين القلب
فكره شجاعه..برافو عليكى
ولما يجى العريس ..ياترى هايبقى من العيله ولا هاتعملو عيله لوحدكم وتجنن برضه
دمتم سعداء

صيدلانيه طالعه نازله يقول...

انا يا حنوووووووون وصلنى السى فى و حطيت نسخه مكبره على باب الصيدليه
و طبعت 20 على حسابى ووزعتهم بعد صلاه المغرب فى الجامع و دعتلك دعوه وليه ساعه مغربيه ربنا يسهللك الامور و يرزق بعريس جميل جمال انشالله حتى يكون له مثال
قولى انشالله

عاشقه الرومانسيه يقول...

لقيتى العريس ولا لسه ياحنون
يابنتى اوعى تسمعى كلام خالد
ده متعقد اصلا
حد يحب واحده اسمها ام زغلول؟
يييييعععع
فكرتك حلوه
لو جابت نتيجه ابقى اعملى لى سى فى معاكى يااوختشى
اصل الرجاله شحوا من السوق اليومين دول
ربنا يعدلها لنا بقى

حنين القلب يقول...

عبده الرايق

اااااااااااااه اخدتها مقوله فيه مانع ؟؟

ومبروك للاهلى
بيب بيب اهلى
بيب بيب اهلى

يعنى يا بابتى
علشان الاهلى كسب تلابسنا كلنا احمر وتوقفنا نشحت ادام نادى المكس تخلى كل الاسمعلاويه ينزلوا فينا ضرب
عاااااااااااااااااااااا
ربنا يسامحك يا بابتى

حنين القلب يقول...

عبده الرايق

يكون احسن يا رب خالد ده يعنس ومش يلاقى قطه حتى ترضى بيه

كده برضه يا روقه
يعنى لو خرج من المؤبد بالسلامه اكيد هيموت من انفلونزا الخنازير ولو عاش اكيد هيعدينى
للدرجه كده بتعزنى يا بابتى عايزنى اموت
ماااااااااااشى
وربنا لو اتجوزته لعطس فى البيت لحد ما اعديكم كلكم
يلا بقى هىء

حنين القلب يقول...

الفراغ

هيوصلك يا حبيبتى
اطمنى
عيووووووووونى
هاتيه بس القى عريس ليه انا الاول وبعدين التانى لبنتك علطول

لالالالالا لازم يبقى من العيله انا عمرى ما هخرج من عيله الرايق حتى لو اتجوزت وخلفت رايقيين صغننين

نورتينا وربنا يسعدنا بيكى

حنين القلب يقول...

صيدلانيه طالعه نازله

ربنا يخليكى يا رب
وافرح بيكى ولو مش مرتبطه
اؤمرى بس
وابعتى السى فى بتاعك وانا اجيب ليكى اخو العريس اللى هيجيلى
يا ستى اى عريس انشاء الله شبه عبد الفتاح القصرى

هههههههههههههههههههههههه

انشالله

حنين القلب يقول...

عاشقه الرومانسيه

لسسسسسسسسسسه ياختى
وحياه ربنا عارفه
انا مستحيل اسمع كلامه ده 65سم يعنى كلامه مش بيوصلنى اصلا
هههههههههههههههههههههههههههههه

انتى الاحلى يا حبيبة قلبى

عيووووووووووووونى
كده بقوا 3 جوزات يا ترى هاخد عليهم عموله ولا ببلاش

ربنا يعدلها لينا كلنا يا اختشى

ذو الوجه المبتسم يقول...

ههههههههههههههههههه
هههههههههههههههههههههه
ههههههههههههههههههههههه
ممكن اضحك ومعلقش
تسمحى لى

ذو الوجه المبتسم يقول...

مش شايفة ان المواصفات بتاعت العريس سهلة شوية

ايه رايك نصعب الموضوع اكتر
علشان نمسك العريس من ايديه ورجليه
هههههههههههههه

هو فيه عرسان الايام دى
ماهو انتم يا اهالى البنات والبنات نفسها هما اللى بيصعبو المواضيع

سهلوها شوية ربنا يسهلها عليكو

ايه رايك اقدم السي في بتعتى
ههههههههههههههههه

تحياتى

NaiRa يقول...

هههههههههههههههههه بجد بوست جامد

حلو اوى يا حنين فكرتك تصدقى بفكر اعملها

اصل مبقاش فيه حد بيتجوز دلوقتى والبنات هتعنس وهيبقى منظرنا يععععععع خالص

وانت يا خالد بلاش تبقى مخنق كده سيب البنت تشوف حالها

وخليك انت فى ام زعبول بتاعتك ولا ام زغلول دى ههههههههههههههه

الطائر الحزين يقول...

مين اللى قال انى مش موافق انا موافق بالثلث على الاقل حد ينزاح من البيت

(على فكرة كتبت حاجة شبيهه جدا بالتدوينة دى)

حنين القلب يقول...

ذو الوجه المبتسم

هههههههههههههههههههه
اضحكى يا ستى براحتك

ربنا يفرحك كمان وكمان

حنين القلب يقول...

ذو الوجه المبتسم

خليها سهله
بس يا رب نلاقى حد

الله اعلم ياختى
انا اخر عريس شوفته كان عريس اختى صبرنى وكان ميت قبل كده 9 مرات
هههههههههههههههههههههههههه

قدمى يا ستى بس انا هاخد عموله على كل جوازة بتم
واهه لو مش اتجوزت ابقى لقيت لقمه عيش

نورتينا

حنين القلب يقول...

7BiBeT ABDO

لا احنا كده هنقطع على بعض
بصى هاتى السى فى بتاعك وليكى عليه اول عريس يبقى ليكى
مااااااااااااااشى
هههههههههههههههههههههههههههههههه

مش تخافى يا ستى مش هتعنسى فو فيه قمر بيعنس ؟؟

اه والنبى قوليله
سبنى يا خالد اشوف حالى علشان ترتاح منى ولو جبت ليه عريس صاحبك ليك الحلاوة والجبنه
ههههههههههههههههههههههه
تصدقى حلوة او زعبول دى لايقه عليه
هههههههههههههههههههه

نورتينا يا سكرة

حنين القلب يقول...

الطائر الحزين

ربنا يخليك يا ايهاب يا رب
اهه ده الاخ ولا بلاش مش زيك يا خالد

ااااااااااااااااااه
انت فرحان انى همشى من البيت
طيب عند فيك بقى هعنس وهقطع السى فى
هههههههههههههههههههههههه

همس الاحباب يقول...

ايه ده هو الواحد يغيب يومين
اجى الاقى مقصوفة الرقبة احتلت المدونة
والتعليقات
فعلا ان غاب القط العبى يا عرسة
وبعدين عريس ايه ده اللى هيجى يبص فى خلقتك اللى شبه الاشكيف المخيف

همس الاحباب يقول...

وبعدين انتى نسيتى العريس اللى جه من 3 سنين
واول ما شاف سحنتك رمى نفسه من الشباك
ولا التانى اللى انتحر من فوق السلم
يا بنتى انتى اخرك تقعدى على شريط القطر
وانا متاكد انه الوحيد اللى هيوافق يخطفك على حصان ابيض
يلا البقاء لله

همس الاحباب يقول...

وبعدين الاخوة والاخوات
انا مش معترض على جوازها اطلاقا حتى يا رب تنزل صورتها فى برنامج خرج ولم يعد
لكن انا خايف على العرسان اللى هينتحروا بسببها
وبعدين مالها ام زغلول ست ولا كل الستات
جاهزة من كله وبتجهز نفسها كماان من عشرتاشر سنة ولسه قدامها 150 سنة كماان

كلام على بلاطة يقول...

احرص على التعلم من كل الناس حتى الســـــيئين منهم
فبســــوئهم تكره الســـــوء وتبتعد بعيــدا عنهم
الافاقين رافعين شعار الشــــــرف وهتلاقى القرف منهم
الذين يدقوا الاوتاد فى طريق العباد وده عمل يشينهم
وبيدينوا كل الناس ومش لاقـــيين حد يرجعهم ويدينهم
وتعلم من الطيبين الخيرين كل ما يجملــــــهم ويزينهم
على قدر المستطاع تكون واحد ماشى على دليلهــــــم
وتكون عامل مساعد وواخد بيد ضعيفهــــــم وعليلهم
وتعلم من غير هؤلاء الاعتدال والبساطة وخليك فى ديلهم
واجعل التعلم والتعليم اسلوب حياة لان الجهلة ياويلهم
وتكون بقعة ضوء تنير ظلام ايامهـــــــم وليلهـــــم

كلام على بلاطة يقول...

احرص على التعلم من كل الناس حتى الســـــيئين منهم
فبســــوئهم تكره الســـــوء وتبتعد بعيــدا عنهم
الافاقين رافعين شعار الشــــــرف وهتلاقى القرف منهم
الذين يدقوا الاوتاد فى طريق العباد وده عمل يشينهم
وبيدينوا كل الناس ومش لاقـــيين حد يرجعهم ويدينهم
وتعلم من الطيبين الخيرين كل ما يجملــــــهم ويزينهم
على قدر المستطاع تكون واحد ماشى على دليلهــــــم
وتكون عامل مساعد وواخد بيد ضعيفهــــــم وعليلهم
وتعلم من غير هؤلاء الاعتدال والبساطة وخليك فى ديلهم
واجعل التعلم والتعليم اسلوب حياة لان الجهلة ياويلهم
وتكون بقعة ضوء تنير ظلام ايامهـــــــم وليلهـــــم

صبرني يارب يقول...

هههههههههههههههههه

حلو اوي يخرب عقلكم
ههههههههههههه


بجد تسلم اديكم

مش تندهولي يا ولاد كنت قلت بؤين هنا

هههههههههههههههه

بـِصَمتـِـ أميرة ــــى يقول...

ههههههههههههههه
حلوة اوووووووى
وجون وجوووون وجوووون


صمت أنا ليعلو صوت يدى
مش ضرب ماتخافوش
تصفيق حااااد

:)

ملكة بحجابى