الأحد، مايو 17، 2009

عيله تجنن .. الميراث

دق دق دق طاااااخ طااااخ طييخ طوووخ
فرنسا هانم :- يا ساتر يارب ..قومى يابت يا حنين شوفى مين اللى بيخبط على الباب بالشكل ده
حنين القلب :- حاضر حاضر حاضر ماهو مفيش فى البيت الا حنين كل حاجه حنين حنين حنين
تفتح حنين الباب فيدخل الرايق مندفعا وهو يغنى ويقول
الرايق :- الورد جميل جميل الورد .... شيكولاته شيكولاته شيكولاته يو ..اى لاف يو ..... مصريتنا وطنيتنا حماها الله ..الله الله الله
الطائر الحزين :- ايه يا بابا خير فى ايه ؟
همس الاحباب :- لالالالالالالا متبصليش انا بالذات ... انا ماليش دعوه بيك نهائى يا رايق
الرايق :- خدوا يابشر ...خدوا شوفوا التلغراف ده
الطائر الحزين :- تلغراف ايه يا رايق ؟؟ ربنا يستر ورينا كده
الرايق :- هقابله بكره وبعد بكره وبعد بعده واقوله بكره هاقابله هاقابله بكره وبعد بكره ... كان -يو- سى .. البيبسى سى
صبرنى يارب :- فى ايه يا بابا ؟؟؟ هتفرج علينا العماره
الطائر الحزين :- اسمعوا كده يا جماعه ... ابن عمى العزيز عبده الرايق الرجاء الحضور حالا للبلد لاستلام نصيبك فى ميراث جدنا الرايق
فرنسا هانم :- ميراث مين ؟؟؟؟؟؟؟؟؟؟ هو جدك كان حيلته حاجه اصلا يا رايق ؟؟؟ وبعدين انا بصراحه اول مره اعرف ان انت ليك جد اصلا
الرايق :- شط اب يور ماوس .... دونت سبييك .. هههههههه ... زغزغينى يا فانله .. ضحكتينى يا فرنسا .. انا اصلا مولود شيطانى من غير جد ...لا يا ماما ... انا جدى الكبير كان مستولى على محافظه اسيوط كلها .. مركز ابوتيج وام تيج والبدارى والمانيا ومنفلوط وحتى مركز اسيوط ذات نفسها .. انا حاسس ان الميراث بتاعى هيطلع فى المدينه ... وهاورث محطه السكه الحديد والقسم ومحطه الاتوبيس
همس الاحباب :- مابلاش انت يا رايق انا لسه مقروص منك من يوم الوصيه ... اوعى تكون بتتكلم جد وهنبقى مشهورين وهنبقى اغنياء
الطائر الحزين :- اوعى تكون انت اللى باعت التلغراف ده يا رايق
الرايق :- ولد ... لايسلم الشرف الرفيع من الاذى حتى يراق على جوانبه الدم ... ويراق من فعل رايق ... وانا لها .. انا لها .. انى لمنتقم ..انى لمنتقم
حنين القلب :- هدى اعصابك بس يا بابا ... وانت اسكت يا طائر انت وهمس الاحباب ..بلاش تنرفذوا بابا .. حراااااااااااااام عليكم
همس الاحباب :- ااااااااااااااه منك انتى يا سهونه .. يا مين يلايمنى على زماره رقبتك
الرايق :- بتبرطم بتقول ايه يا ولد يا همس ؟؟؟؟؟
همس الاحباب :- لا ابدا يا بابا مفيش
الرايق :- مش عاوز اسمع صوت مخلوق فيكم ... انا من انهارده من كبار رجال الدوله .. ومن كبار الملاك ... واى بندوم ابن بندومه عاوز يقابلنى لازم يا خد ميعاد قبلها بسنه .. وحتى لو كان ابنى .. اييييييييييه هى سايبه ولا ايه ؟؟؟
ويدق جرس التليفون
فرنسا هانم :- ردى على التليفون يا حنين
حنين القلب :- ايوه يا ست ماما .. انا خلاااااااااااااص هاسيب شغلى واتعين عندكم بوابه وسنترال كمان ... الو مين معايا ؟؟؟؟
صوت :- ازيك يا بنيتى .. لا هو انتى بنت الرايج ؟؟؟
حنين القلب :- ايوه .. انى حنين الجلب .. ابنيت الرايج
صوت :- جولى لابوكى .. بيجولك عطيه ولد عمتك .. احنا جسمنا النخلات بتوع جدنا الرايج الكبير .. وطلع نصيبكم ربع نخله يعنى زباطه ونص بلح .. خلى ابوكى يجى ياخدوهم

هناك 47 تعليقًا:

حنين القلب يقول...

هييييييييييييييييييه

اول تعليق

حنين القلب يقول...

طبعا هتموت يا خالد

بس يلا يوم ليك 6569عليك

اروح اقرى براحتى بقى

وش بيطلع لسانه وبيغيظك

حنين القلب يقول...

عبده الرايق

ههههههههههههههه

يعنى يا بابتى المشورة دى كلها بين الباب والتليفون الاخر يطلع الميراث ربع نخله

اوعى تسافر يا بابتى لحسن يخلوك تطلع تجيبها وتقع من فوق احنا عايزينك
ابعت همس الاحباب احنامش عايزينه ويمكن يتوه وسط النخل

حنين القلب يقول...

همس الاحباب

عايز زمارة رقبتى تعمل بيها ايه يا عديم الزمارة والطبله والتار

والله انت ما هترتاح غير لما اعمل ليك عمليه استئصال عمود فقرى وبعدين هو اصلا مش ليه لازمه عندك انت كل عمودك فقرة واحده وبتيجى بعد الاعلانات

هههههههههههههههههههههههههههههههههه

حنين القلب يقول...

بما انى لوحدى واخويا الغلس مش هنا
العب براحتى واعلق براحتى بقى

وده كده خامس تعليق فى عينك يا خالود

فرنسا الطائر الحزين همس الاحباب صبرنى يا رب بابتى العزيز روقه

انتوا احلى عيله فى الدنيا

تسلم ايدك يا روقه

همس الاحباب يقول...

يا نهارك ابيض
مش ممكن
عملتيها يا بنت فرنسا والرايق

همس الاحباب يقول...

معلش مرة من نفسك يا..
الجايات اكتر
هههههههههه
النت فصل فجاة قبل البوست متكوبالك

همس الاحباب يقول...

ههههههه
ربع نخلة
يا ترى كل واحد نصيبه كام بلحة
اعتقد ان العيلة كلها هتاخد 15 بلحة
وباقى النوى من نصيب حنين القلب
اهو ينفعها فى جهازها
وممكن اديها هدية زباطة تعملها مقشة وزعافة

همس الاحباب يقول...

حنين القلب
هو انتى نسيتى انك الفلبينية بتاعت العيلة
ههههه
وظيفة مناسبة لقدراتك

بسنت صلاح الدين يقول...

الله يسهله ابقوا افتكرونا ببلحتين بقى
بوست هايل

ديالا يقول...

بصي بجد دمك زي العسل ومدونتك تحفه ياريت تبقي تزوريني ياقمر

عاشقه الرومانسيه يقول...

عيله الرايق انتم فعلا عيله رايييييييقه
ههههههههه

حنين معلش ياحبيبتى مشواروكى
اصلها عيله متعبه

خالد سيب زماره البت وروح شوف لك حاجه تانيه تلعب بيها
يعنى العب بعيد ياشاطر


عبده باشا الرايق
تعيش وتاخد غيرها

فرنسا هانم
ربنا يصبرك على ما بالاكى

جنّي يقول...

السلام عليكم

بالله يا رايق ما تنساناش من البلح بس شوية رطب علشان ماليش شنان ..

ربع نخلة يا رايق !! انا من رأي انك تحوش النوى وتشن بيه حرب نووية على فرنسا وولادها اللي مغلبينك ( احنا بنهدي النفوس يا اخوانا )

yoyo يقول...

صباحكم سكر

هههههههههههههههههههه
هههههههههههههههههههههههههه
يا حرام يعنى اخرتها ربع نخلة
وباترى دى تطلع كام بلحة بقى ؟!!
ويارترى البلح أحمر ولا أصفر ؟؟
اه معليش اصلها هتفرق برده
هههههههههههههههه
ههههههههههههههههههههههه

اللى صعبان على والله انت يا حنين
رايح جاية من الباب لتليفون والاخر ربع نخلة
ياخسرة قلبك يا عبده يا اخويا
ههههههههههههههه
ياشماتة ابلة ظاظا فيك

تحياتى
يويو

الطائر الحزين يقول...

انا شايف اننا نكرى على ابونا وحد يموته ونروح نورث احنا مكانة

عبده الرايق يقول...

يافرحه ماتمت خدتها الحدايه وطارت
عموما
ولا يهمنى
ربع نخله ربع نخله
زاتس اوول رايت
واللى يحبنا ميضربشى نار فى فرحنا
وقال
جعدوا الصبايا تحت الرعريعه
ملقلهمشى لا شروه ولا بيعه

عبده الرايق يقول...

ابنيتى العزيزه حنين الجلب
مبروك عليكى اول تعليق يا حنين
عبقال ما ربنا يكرمك كده وتحوشى وتشترى جلابيه جديده

عبده الرايق يقول...

همس الاحباب
انا بعت لكولامبور عاصمه تونس
اجيب من هناك حكم صينى
علشان يحكم بينك وبين حنين
فينك يا خط الصعيد تخلصنى من الجوز دول

عبده الرايق يقول...

اعلان هااااااااااااااااااااااام
يبدو والله اعلم وبما انى من محافظه السويس وعلى علم عليم بما يجرى فى دهاليزيها
ان هناك اشتباه فى اصابه فرنسا هانم بانفلونزا الخنازير
لذا يرجى مكن الساده زوار المدونه ربط الاحزمه

عبده الرايق يقول...

بسنت صلاح الدين
بلحتين ؟؟؟؟؟؟؟؟؟؟؟؟؟؟؟؟؟؟؟؟
نو
نو
نو
كل اربعه مدونين معزومين على بلحه
ههههههههههه
قال بلحتين قال
احنا هنبعزق

عبده الرايق يقول...

ديالا
طجبعا الكلام ده لحنين القلب
لان الرايق مش قمر نهائى
نو
نو
نو
ده امر بالستر

عبده الرايق يقول...

عاشقه الرومانسيه
الف مرحبا عاشقه ارلومانسيه
واللى يعيش يا ما يشوف
واللى يورث يشوف اكتر

عبده الرايق يقول...

جنى
سعيد باشا
اهلانين وسهلانين
واربع سلامات يا سعيد
بجد وحشنى جدا
وانا عارف انى مقصر فى زيارتك
لكن ربنا يعلم
انا مقصر حتى فى مدونه الضاحكون
وحتى فى تواجدى فى منزلى
لذلك عذرا

عبده الرايق يقول...

yoyo
لا يا يويو
متخافيش على حنين القلب
دى بنت الرايق
وى بتلعب رياضه من صغرها
ايييييييييييييييييييييييه
من اتوبيس لاتوبيس
ومن فرح لفرح
ومن قرافه لقرافه
ومن ميدان لميدان
ايييييييييييييييييييه
دنيااااااااااااااااا

عبده الرايق يقول...

الطائر الحزين
هههههههههههههههههه
وانا شايف اننا نحط ادينا فى ايدين بعض ونتفق مع شركه اميركيه او فرنسيه او انجليزيه او المانيه او يابانيه علشان تلم نصيبنا من البلح

عبده الرايق يقول...

hamada
انت مش عارف ان دى قناه فدائيه والاعلانات بفلوس ؟؟؟؟؟؟؟

صيدلانيه طالعه نازله يقول...

و الله ما تتعبوا نفسكم خاااااااالص
انا من صباحيه ربنا اطلع على ابوتيج
استلملكم البلح بس مش حيلحق يوصل عندكم لانه بيبوظ بسرعه
انا اكله انا و العيال و اهو وجع البطن و لا كب الطبيخ
و ابعتلكوا النوى و اهو نوايه تسند الزير
ههههههههههههههههههه
تعيش و تورث يا روووووووووووقه

فرنسا هانم يقول...

ههههههههههه
ياما جاب الغراب لامه
مش قلتلك يا رايق
ها
جبت من عندى انا حاجه ؟؟؟؟؟
من اقلامكم سلط عليكم

فرنسا هانم يقول...

انفلوانزا الخنازير مره واحده يا روووقه
طيب هتجيلى ازاى من غير ما اقابلك ؟؟؟
........
بقولك يا رايق
انا نزلت البوست اللى بعته لك فى الاميل من فتره ياريت تجدوله وتنزله وبلاش اعتراض

فرنسا هانم يقول...

جدول البوست ونزله يا رايق بدل البوست بتاع الاغانى لانى لسه مخلصتهوش

حنين القلب يقول...

همس الاحباب

مين دى اللى هتاخد النوى يا بتاع النمل انت
وانا برضه الفليبنيه

ماشى يا صومالى

هههههههههههههههههههه

حنين القلب يقول...

ديالا

بصى يا ستى
المدونه دى جماعيه انا مش عارفه تقصدى مين فينا
بس على اى حال انتى نورتينا بجد
ونتمنى دايما تنورينا

وانا هاجى ازورك

حنين القلب يقول...

عاشقه الرومانسيه

انت فين يا دودو
انا اتبهدلت
من الباب للتليفون لما خسيت النص وانا كلى 5كيلو

والواد خالد ماسك زمارة رقبتى زى ما يكون ماسك ديك رومى من رقبته وبيعذبه تعذيب الكفار

ربنا يسامحه هعمله ايه يعنى ؟؟

دودو هاتى ودنك
مش تنسى سم الفيران اللى وصيتك عليك
ماااااااااشى

وحشتينى يا سكرة

حنين القلب يقول...

yoyo

ربنا يخليكى يا سكرة
لسه فيه حد بيحس بيه
الحمد لله

دنا الوحيده اللى دايخه فى البيت ده كله
علشان انا اخر العنقود الكل بيضحك عليه
وروحى يا حنين افتحى الباب وردى على التليفون وولعى حجر الشيشه لابوكى واغسلى هدوم امك
الظاهر انى بقيت الفليبنيه بجد
عااااااااااااااااااااا

نورتينا يا سكرة

حنين القلب يقول...

عبده الرايق

يعنى واخد فلوسى اول باول وكمان عايزنى اشترى جلابيه جديده
لا بقى يا سى بابا
الجلابيه الخضره والشبشب الاحمر ابو صوبع والايشارب اللبنى انت اللى هتشتريهملى

ماااااااااااااشى

وعايز خط الصعيد علشان يخلصك مننا

ليه مش احنا عيالك بدل ما تضربه عياريين وتقوله عيب اختك الصغننه وتخليه يبطل

بابتى
ربنا يسامحك بس انا بقى هعرف اجيب حقى فى البيت ده

حنين القلب يقول...

عبده الرايق

طبعا يسعدنى ويشرفنى انى اكون بنتك يارايق

من اتوبيس لاتوبيس
ومن فرح لفرح
ومن قرافه لقرافه
ومن ميدان لميدان
ايييييييييييييييييييه

كويس انك فاكر انى تعبت وشقيت فى العيله دى وضيعت عمرى فى الشحاته
هاتلى بقى حاجه حلوة
بابتى عايزة مشبك وعروسه حلاوة وعريس بجد
هههههههههههههههههههههههه
انا مستنيه اهه

NaiRa يقول...

هههههههههههههههههههههههههههههههه

مبروك البلح اهو بالمره ينفع ورمضان قرب خلاص على الابواب هههههه

تقبلى مرورى يا قمر

الفراشه الحائره يقول...

حلو موت انت ينفع تكب سيناريوهات للسينا و التى في بجد اكثر من هايل و دمك شربات

همس الاحباب يقول...

يا ما كان نفسى تورث الجوامع كماان يا رايق
ونقف نشحت قدامها كنا هنعدى
وبعدين جدنا الرايق الكبير اشترى العتبة الخضرا بالمطافى وقسم الشرطة
وانت هتورث كل ده يا روقة
مكتوبالك تشحتى فى ميدان العتبة يا حنين

همس الاحباب يقول...

حبيبة عبده
فعلا رمضان قرب كل سنة وانتى طيبة
وبعدين 20 يلحة على عيلة مكونة من 25فرد غبر الاب والام والاحفاد
محتاجين معونة من الامم المتحدة
منورة وسعداء بتشريفك لنا

همس الاحباب يقول...

الفراشة الحائرة
مش قوى كده احسن عبده باشا بيصدق
وبكرة تلاقيه نايم على سلم الاذاعة والتليفزيون
ويقولهم انا العلامة الدكاترة السيناريست عبده باشا الرايق
وعايز ابقى وزير الاعلام
منورانا دايما وسعداء برايك جدا
تحياتى

حنين القلب يقول...

همس الاحباب

والله
وانت كنت بتشحت ادام ايه
حد فى الدنيا يروح يشحت ادام ملهى ليلى
ليييييييييييييه؟؟
بتشحت مذه ولا عايز تتعرف على المغنيه اللى جوا
ههههههههههههههههه

الجوامع ارحم من الملاهى اليليه

همس الاحباب يقول...

حنين القلب
هههههههه
ملهى ليلى
ليه كنت بقلب الزباين ولا ايه
وبعدين حلوة بشحت مزة دى
هى الحداية بتحدف مزز اليومين دول ولا ايه
على كده بروح اشحت وانا راكب همر
مش زى ناس ماشية حافية وهدومها متقطعة

حنين القلب يقول...

همس الاحباب

واد انت انا اقصد المذه بتاعه الاكل اللى هى جبنه وخيار وفستق ولوز والحاجات دى لحسن تكون فاكرها مزة تدخل تشحت مزة تلف معاها رحمه ونور على الميتين بتوعها

ههههههههههههههههههههههه

على كده بروح اشحت وانا راكب همر

همر
هههههههههههههه ده انت اخرك عربيه بحمار وساعات كمان مش بيبقى فيها حمار

وبعدين هنضحك على بعض منتا علطول حافى وهدومك مقطعه ده انا من يوم ما شوفتك وانت بالبيجامه المقطعه يا ابنى البيجامه بتاعتك بقت شورط ومن غير جاكت
ارحم نفسك بقى

إيثار يقول...

دي اخرة كل
رايق
اكيد الجد رايق الاكبر
كان رايق جدا

يلا يا مستر رايق
لا تستسلم

كلام على بلاطة يقول...

الله يعطى ويأخد
كلنا نفرح ونــسر بالانجـــاب والميلاد
ونحزن للمـــوت والفراق والاســـترداد
مع ان الحياة امــانة من الله للعباد
يستردها فى حينها حين يحـــين والميعاد
ولحبنا لحبايبنا نحزن للفراق والابتعاد
وهذا شعور انسانى طيب و جميل لمن اراد
ولكن فى حدود الشكر والرضا والاستحماد
فالله يعطى وياخد وبمنتهى الحب والوداد
جل شانه صاحب هذا الحق وهذا الانفراد

كلام على بلاطة يقول...

الله يعطى ويأخد
كلنا نفرح ونــسر بالانجـــاب والميلاد
ونحزن للمـــوت والفراق والاســـترداد
مع ان الحياة امــانة من الله للعباد
يستردها فى حينها حين يحـــين والميعاد
ولحبنا لحبايبنا نحزن للفراق والابتعاد
وهذا شعور انسانى طيب و جميل لمن اراد
ولكن فى حدود الشكر والرضا والاستحماد
فالله يعطى وياخد وبمنتهى الحب والوداد
جل شانه صاحب هذا الحق وهذا الانفراد